Charlie Plummer ပါဝင်သော ဇာတ်ကားများ

The Long Walk (2025) 4K ++++++++++ IMDb (7.3) / Rotten Tomatoes (88%) ဒီကားက စာ‌ရေးဆရာ Stepen kingရဲ့ ၁၉၇၉ခုနှစ်ထုတ် နာမည်တူစာအုပ်အပေါ်အခြေခံတဲ့ ရုပ်ရှင်ကားဖြစ်ပါတယ်။ ခေတ်ပျက် (Dystopia)ဇာတ်လမ်းဖြစ်ပြီး ရိုက်ကူးသူကလည်း Hunger Gameတို့လို ဇာတ်လမ်းတွေဖန်တီးခဲ့တဲ့ ဒါရိုက်တာ Francis Lawrence ပါ။ အချိန်က ၁၉၇၀ပြည့်နှစ်။ ပြည်တွင်းစစ်ကြောင့် ပျက်စီးခဲ့ရတဲ့နိုင်ငံကို စစ်တပ်က အုပ်ချုပ်နေပြီး နှစ်စဉ် တာဝေးလမ်းလျှောက်ပြိုင်ပွဲ (The Long Walk)ကို ကျင်းပနေပါတယ်။ ပြိုင်ပွဲရဲ့ရည်ရွယ်ချက်က နိုင်ငံတော်ပြန်လည်တည်ဆောက်ရာမှာ လူအများကို အားတက်စေဖို့နဲ့ အလုပ်ဆိုတာရဲ့ဂုဏ်ကို အများမြင်လာစေဖို့ပါ။ အဲဒီပြိုင်ပွဲမှာ အဆုံးသတ်ပန်းတိုင်ဆိုတာမရှိပဲ နောက်ဆုံးကျန်သူသာ အနိုင်ရမှာပါ။ ပြိုင်ပွဲစည်းမျဉ်းက ရိုးရှင်းပါတယ်။ ပြိုင်ပွဲဝင်တွေဟာ တစ်နာရီကို ၃မိုင်နှုန်းလမ်းလျှောက်ရမှာဖြစ်ပြီး ရပ်နားခွင့်မရှိပါဘူး။ သတ်မှတ်အရှိန်နှုန်းအောက် ကျသွားမယ်ဆို ၃ကြိမ်တိတိသတိပေးမှာဖြစ်ပြီး သတိပေးချက်အဆုံးမှာ ပြိုင်ပွဲက ထုတ်ပယ်ခံရမှာဖြစ်တယ်။ နောက်ဆုံးကျန်သူက များပြားတဲ့ငွေကြေးနဲ့အတူ ဆန္ဒတစ်ခုပြည့်ဝခွင့်ရမှာ ဖြစ်တယ်။ ဒီလိုနဲ့ ရေး (Cooper Hoffman) နဲ့ မက်ခ်ဗရီး (David Jonsson)အပါအဝင် ပြည်နယ်တစ်ခုစီကို ကိုယ်စားပြုတဲ့ လူငယ်အယောက်၅၀တို့ ပန်းတိုင်မရှိတဲ့ ပြိုင်ပွဲကို ဝင်ပြိုင်ဖို့ဖြစ်လာပါတော့တယ်။ File Size…(7.12GB)/ (2.24GB) / (1.20GB) Quality… WEB-DL 4K HEVC/ 1080p HEVC /720p Format…mkv / mp4 Duration…1h 48m Genre … Survival , Thriller Subtitle….Myanmar Subtitle (Hard Sub)

National Anthem (2024) IMDb Rating (6.2) / Rotten Tomatoes (91%) ၂၀၂၀မှာ ဓာတ်ပုံဆရာ Luke Gilford ဟာ National Anthemဆိုတဲ့နာမည်နဲ့ အင်တာနေရှင်နယ်ဂေးနွားရိုင်းစီးသမားအစည်းအရုံးက queer တွေရဲ့ ပုံတွေကို ရိုက်ပြီး တင်ဆက်ခဲ့ဖူးတယ်။ တော်တော်အသက်ဝင်တဲ့ဓာတ်ပုံတွေလို့ဆိုကြတယ်။ ဒီရုပ်ရှင်ရဲ့ဒါရိုက်တာ Gilfordဟာ ဒီရုပ်ရှင်ဇာတ်အိမ်တည်တဲ့ ဒေသမှာပဲကြီးပျင်းလာခဲ့ပြီး နွားရိုင်းစီးပွဲတွေကိုလည်း ငယ်ငယ်ကတည်းက သဘောကျခဲ့တယ်။ ဒီရုပ်ရှင်မှာတော့ Southwest ဒေသနဲ့ အဲဒီအရပ်က မိသားစုထဲက ကောင်လေးတစ်ယောက်နဲ့ နွားရိုင်းစီးသမား queerတွေရဲ့ ဆက်ဆံရေးကို အဓိကအခြေတည်ထားတယ်။ ကောင်လေးက queerဟုတ်မဟုတ်ကတော့ မပြောတတ်ဘူး။ ထူးခြားတာက ဒီရုပ်ရှင်တစ်ကားလုံး အဓိကဇာတ်ဆောင်ကောင်လေးရဲ့မိသားစုကလွဲလို့ ကျန်တာအကုန် queerတွေချည်းသုံးထားတယ်။ queerတွေကို အခြေတည်ပြီးဖြစ်လာတဲ့ဇာတ်ဆိုတော့လည်း queerတွေကို အသားပေးတာတော့မဆန်းပေမဲ့ တင်ဆက်ပုံကတော့ ဆန်းတယ်ပြောရပါမယ်။ အပျင်းပြေကြည့်ဖို့တော့ သိပ်အဆင်မပြေလောက်ပေမဲ့ ခံစားချက်တစ်ခုခုကိုလိုချင်ရင်တော့ ကြည့်လို့အရသာရှိမယ့်ဇာတ်လမ်းပါပဲ ။ Gilford ကတော့ ဒီqueerအသိုင်းအဝိုင်းနဲ့ပတ်သက်ပြီး သူချစ်တဲ့တစ်ချက်က ခင်ဗျားသူတို့ဆီသွားလိုက်တာနဲ့ သူတို့ကလက်ခံပေးတာပဲ။ ဒါကတော်တော်ချစ်စရာကောင်းတဲ့အရာပါပဲ။ အမေရိကကလည်း ဒီလိုပဲဖြစ်နေသင့်တယ်လို့ ပြောခဲ့တယ်။ ဆိုတော့ ဒီရုပ်ရှင်ရဲ့နာမည် နိုင်ငံတော်သီချင်းဆိုတာ ဒီ queer အသိုင်းအဝိုင်းကို ရည်ညွှန်းခြင်းဖြစ်ကောင်းဖြစ်နိုင်ပါတယ်။ (အညွှန်းနဲ့ဘာသာပြန်ကတော့ W ဖြစ်ပါတယ်။) File size…(3 GB) / (1.3 GB) Quality….Blu-Ray 1080p HEVC / 720p Format…. mkv/mp4 Genre….Drama Duration….01:41:07 Subtitle….Myanmar Subtitle (Hardsub) Encoder….Double K Translated by W

The Return (2024) IMDb Rating (6.4) / Rotten Tomatoes (78%) ဂရိဒဏ္ဍာရီထဲကထရိုဂျန်စစ်ပွဲကို ဦးဆောင်တိုက်ခိုက်ခဲ့တဲ့ အီသာကာတိုင်းပြည်ရဲ့ဘုရင်ကြီးအော်ဒီးဆီးယပ်စ်ရဲ့ စစ်ပွဲအပြီးအိမ်အပြန်ခရီးအကြောင်းရိုက်ကူးထားတဲ့ "The Return"ဆိုတဲ့ဇာတ်ကားလေးကိုတင်ဆက်ပေးချင်ပါတယ်။ သရုပ်ဆောင်တွေအနေနဲ့ အင်္ဂလိပ်မင်းသားကြီး Ralph Fiennes နဲ့ ပြင်သစ်မင်းသမီးကြီး Juliette Binoche တို့ပါဝင်သရုပ်ဆောင်ထားပြီး IMDB rating-6.4/10ရရှိထားပါတယ်။ ထရိုဂျန်စစ်ပွဲကြီးအပြီး နှစ် (20) ကြာပြီးနောက် ဘုရင်ကြီးအော်ဒီးဆီးယပ်စ်ဟာ သူ့ရဲ့အီသာကာတိုင်းပြည်ကိုပြန်လာခဲ့ပါတယ်။ အဲ့ကိုရောက်တဲ့အခါ သူ့ရဲ့တိုင်းပြည်ကြီးက သူထွက်သွားတဲ့အချိန်ကလိုမဟုတ်ဘဲ အရာရာအဆိုးဘက်ကိုပြောင်းလဲနေတာကိုတွေ့လိုက်ရပါတယ်။ အီသာကာကို ကျန်ရှိခဲ့တဲ့ဇနီးဖြစ်သူဘုရင်မကြီးပန်နယ်လိုဖီနဲ့သားတော်တို့ကဆက်လက်အုပ်ချုပ်နေပေမဲ့ ဘုရင်မရဲ့ဘေးမှာခင်ပွန်းမရှိတာကြောင့် ထိုနေရာကိုလိုချင်သူတွေအများအပြားဟာ မိုင်ထောင်ချီဝေးတဲ့နေရာတွေကပါလာပြီး ရွေးချယ်ခံရဖို့စောင့်စားလျက်ရှိပါတယ်။ သစ္စာရှိပြီးခေါင်းမာသူဘုရင်မကြီးကတော့ သူမယောက်ျားကလွဲရင်ကျန်တဲ့လူကိုမရွေးချယ်ချင်တာကြောင့် အကြောင်းအမျိုးမျိုးပြအချိန်ဆွဲထားပါတယ်။ ထိုလူတွေဟာ နောက်ပိုင်းမှာ သားတော်မင်းသားလေးရဲ့အသက်ကိုရန်ရှာလာပါတော့တယ်။ နှစ် 20ကြာပြီးမှပြန်ရောက်လာတဲ့ အော်ဒီးဆီးယပ်စ်တစ်ယောက် သူ့ရဲ့ဇနီး/သားတော်နဲ့ တိုင်းပြည်တစ်ခုလုံးဒုက္ခတွေကြုံတွေ့နေရတာကိုပြန်လည်ကယ်တင်ဖို့ကြိုးစားရပါတော့ာတယ်။ (အညွှန်းနဲ့ဘာသာပြန်ကတော့ Rubyjane ဖြစ်ပါတယ်။) File size…(6.9 GB) / (2 GB) / (1.2 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….History Duration….01:56:25 Subtitle….Myanmar Subtitle (Hardsub) Encoder….Benjamin Translated by Rubyjane

လဟာ သဘာဝအတိုင်း ဖြစ်ပေါ်လာတာမဟုတ်ဘဲ လူကဖန်တီးထားတဲ့ မဟာယန္တရားကြီးတစ်ခုလို့ ယုံကြည်တဲ့ လူငယ်တစ်ယောက်က လရဲ့ပတ်လမ်း ချော်နေကြောင်း သတိထားမိရာက ဇာတ်လမ်းစပါတယ်။ သူယုံကြည်ထားတဲ့ အကြောင်းပြချက်က အပိုလို ၁၁ က လောင်စာကန်အလွတ်ကို လမျက်နှာပြင်ပေါ် ပစ်ချခဲ့စဉ် တစ်နာရီလောက် ခေါင်းလောင်းလို မြည်နေခဲ့လို့ လရဲ့အတွင်းဘက်က ဗလာဖြစ်ရမယ်ဆိုတဲ့ အယူအဆပါ။ လပတ်လမ်းချော်နေတဲ့အကြောင်း နာဆာကို သတိပေးဖို့ ကြိုးစားပေမယ့် သူ့စကားကို နားမထောင်ကြပါဘူး။ ဒီလိုနဲ့ လကြီး ကမ္ဘာပေါ်ပြိုကျဖို့ ခန့်မှန်းခြေ သုံးပတ်ပဲ ကျန်တော့တဲ့အချိန်ကို ရောက်လာပါတယ်။ လက ကမ္ဘာကို ဝင်တိုက်နိုင်တဲ့အန္တရာယ်အပြင် ပိုရှုပ်ထွေးတဲ့ အကြောင်းအရာတွေပါ ဆက်ပေါ်လာတဲ့ သိပ္ပံစိတ်ကူးယဉ် အက်ရှင်ဇာတ်ကားပါ။ Independence Day၊ The Day After Tomorrow နဲ့ 2012 တို့ကို ရိုက်ကူးခဲ့တဲ့ ဒါရိုက်တာ Roland Emmerich ရဲ့ လက်ရာဖြစ်ပါတယ်။ Patrick Wilson၊ Halle Berry နဲ့ John Bradley တို့က အဓိကပါဝင်ပြီး Kelly Yu လည်း သရုပ်ဆောင်ထားပါတယ်။ သိပ္ပံသီအိုရီတွေ၊ သိပ္ပံယုံတမ်းစကားတွေနဲ့ စိတ်ကူးဆန်းတွေကို ရောနှောအသုံးပြုထားပါတယ်။

Spontaneous (2020) IMDb Rating - 6.5/10 ဘဝမှာ ကံဆိုးမိုးမှောင်မှုတွေနဲ့ ကြုံတွေ့ရတဲ့အခါ သင်သာဆိုရင် ထိပ်တိုက်ရင်ဆိုင်မလား? ရှောင်ဖယ်နေမလား? သေချာတာတစ်ခုကတော့ ဖြစ်မလာသေးတဲ့ အနာဂတ်ကြိုတွေးရင်း စိတ်သောကရောက်နေမယ်ဆိုရင် လူဖြစ်ရှုံးရချည်ရဲ့...... ဒီကားအကြောင်းပြောရမယ်ဆိုရင် ကျောင်းတစ်ကျောင်း ဘယ်ကနေ ဘယ်လိုဖြစ်လာမှန်းမသိတဲ့ ပေါက်ကွဲမှုတွေဖြစ်ပြီး ကျောင်းသားအတော်များများ သေကြေ ပျက်ဆီးကြပါတယ်။ ဘာကြောင့်လဲဆိုတာကို ဘယ်သူမှ မသိပါဘူး။ ဇာတ်ကားပြီးဆုံးတဲ့ အထိ ဘာကြောင့်ဖြစ်လဲဆိုတာကို ခင်ဗျားလည်း သိမှာမဟုတ်ပါဘူး။ ဒါဆို ဘာသိလိုက်မှာလဲ......မျက်စိတမှိတ်အတွင်း အသက်ဘေးအန္တရာယ်တဲ့ ရင်ဆိုင်နေရတဲ့အချိန် ကိုယ်ချစ်တဲ့သူတွေနဲ့ ဘဝကို ဘယ်လိုမျိူး ရှေ့ဆက်ဖြတ်သန်းကြလဲ.....အသက်ရှင်ဖို့အတွက် ဘယ်လိုတွေ ကြိုးစားရုန်းကန်ကြလဲ.....ခင်ဗျားဆိုရင်ကော ဘာဆက် လုပ်မလဲ၊ ဒီဇာတ်ကားက rating 6.5 ရှိပြီး rotten tomatoes 98% ထိရထားတာပါ။ Aaron Starmer ရေးတဲ့ Spontaneous စာအုပ်ကို အခြေခံထားပြီး ၂၀၁၆မှာ ရောင်းအားအကောင်းဆုံးဖြစ်ခဲ့ပါတယ်။ တစ်ကား ထဲမှာပဲ Romance, comedy , Sci-fi ပေါင်းစုံပြီး ရသမျိုးစုံ ခံစားနိုင်မှာ အသေအချာပါပဲ....... (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Parris ပဲဖြစ်ပါတယ်။) Quality – 1080p, 720p WebRip Duration - 1h 41min Subtitle – Myanmar Hardsub Format – Mp4 Genre : Comedy, Fantasy, Sci-Fi Source : 1080p.WebRip Translator –  Parris Encoder – SWM

Words on Bathroom Walls (2020) IMDb Rating - 7.0/10 စိတ်ဆိုတာ သိပ်ထူးဆန်းတဲ့အရာပါ။ စိတ်ရောဂါတွေက ကုလို့ မပျောက်တဲ့ ရောဂါတွေပါပဲ။ ဒါကို ရင်ဆိုင်ကျော်လွှားနိုင်ဖို့ စိတ်နဲ့ပဲ ကျော်ဖြတ်နိုင်မှ ရမှာပါ။ စိတ်ရောဂါကို ကျော်လွှားနိုင်ဖို့ ဆိုတာ လူကြီးရင့်မာကြီးတွေတောင် ကျော်လွှားဖို့ ခက်ခဲတဲ့အချိန်မှာ ဆယ်ကျော်သက်တစ်ယောက်က ဘယ်လိုများ ရင်ဆိုင်ကျော်လွှားနိုင်မှာတဲ့လဲ? စိတ်ရောဂါတစ်ခုကို ထိန်းချုပ်နိုင်ဖို့ ဆိုတာ စိတ်ခွန်အား အရမ်းကောင်းတဲ့လူတွေမှ တတ်နိုင်တာမျိုးပါပဲ။ အချစ်ကြောင့် အရာရာ အကောင်းအတိုင်း ဖြစ်စေမယ် ဆိုတဲ့ စကားတော့ ရှိပါတယ်။ စိတ်ရောဂါကို အချစ် ကြောင့် မေတ္တာတရားကြောင့် အောင်နိုင်တယ် ဆိုတာမျိုးက ဖြစ်နိုင်ပါ့မလား? မေတ္တာတရား ဆိုတာ စိတ်ခံစား ချက်တစ်မျိုးပဲ မဟုတ်လား? ဘာသာတရားနဲ့ရော စိတ်ကို ကုနိုင်ပါ့မလား? စိတ်ကို စိတ်နဲ့ပဲ ကုရင်တော့ ရကောင်း ပါတယ်။ ဒီဇာတ်လမ်းထဲမှာတော့ ဆယ်ကျော်သက် စိတ်ရောဂါသည် အာဒမ် ပက်ထရာဇယ်လီ ရဲ့ စိတ်ရောဂါကို ရင်ဆိုင်ရပုံတွေကို မြင်တွေ့ရမှာပါ။ တစ်ခုလပ် အမေနဲ့ နေရတဲ့ အာဒမ် ရဲ့ စိတ်ရောဂါဟာ ဓာတုဗေဒ ဓာတ်ခွဲခန်းထဲမှာ စပြီး ပေါ်ပေါက်လာပါ တယ်။ သူ့နားမှာ အသံတွေ ကြားရပါတယ်။ အနားမှာ မရှိတဲ့ လူတွေကို သူ မြင်နေရပါတယ်။ သူ့ကိုယ်သူ စိတ်ကစဉ့်ကလျား ရောဂါသည်မှန်း သိလာပေမယ့် ဒီလူတွေနဲ့ ဒီအသံတွေကို သူ မထိန်းချုပ်နိုင်ပါဘူး။ ဆေးသောက်ပြန်တော့လည်း ဆေးရဲ့ဘေး ထွက်ဆိုးကျိုးကြောင့် စားဖိုမှူး ဖြစ်ချင်တဲ့ အာဒမ် အရသာ မခံနိုင်တော့ပါဘူး။ လက်ကလည်း တုန်လာပြန်ပါတယ်။ ဆေးဖြတ် လိုက်ပြန်တော့လည်း အသံတွေကြား မရှိတဲ့လူတွေကို မြင်နေရပြန်ပါတယ်။ အဓိကဇာတ်ဆောင်က သရုပ်ဆောင် ကောင်း လွန်းတော့ ကိုယ်ပါ မွန်းကြပ်လာတာမျိုးပါ။ စိတ်ရောဂါကို စိတ်ဝင်စားတယ်ဆိုရင် ကြည့်ကြည့်ပါ။ ဒါရိုက်တာရဲ့ တင်ပြချက် ကောင်းလွန်းတော့ အာဒမ်နေရာမှာ ကိုယ်ရောက်သွားပြီး ကိုယ်ပါ ရုန်းထွက်လို့ မရတော့တဲ့ အနေအထားမျိုးထိ ဖြစ်ပါတယ်။ အာဒမ် တစ်ယောက် စိတ်ရောဂါကို ဘယ်လို ရင်ဆိုင်ကျော်လွှားမယ်ဆိုတာတော့ ဒီကားလေးမှာကြည့်မြင်နိုင်ပါတယ်။ (ဒီဇာတ်ကားရဲ့ အညွှန်းနဲ့ဘာသာပြန်ရေးသားပေးသူကတော့ August ပဲဖြစ်ပါတယ်။) Quality – 1080p, 720p WebRip 5.1CH Duration - 1h 50min Subtitle – Myanmar Hardsub Format – Mp4 Genre : Drama, Romance Source : 1080p.WebRip Translator – August Encoder – SWM

The Clovehitch Killer ဆိုတဲ့ ၂၀၁၈ ထွက် Drama, Horror, Mystery အမျိုးအစား ဇာတ်ကားကောင်းလေးနဲ့မိတ်ဆက်ပါရစေ။ Horror ဆိုပေမယ့် ထိတ်လန့်စရာ မပါပဲ ရိုးရိုးအေးအေးလေးနဲ့ပဲ တစိမ့်စိမ့် သင့့်စိတ်ကိုဆွဲဆောင်သွားမယ့် ဇာတ်ကားလေးတစ်ကားပါ။ စုံထောက် Mystery ကားကြိုက်သူတွေအတွက်ကွက်တိပါပဲ။ ဇာတ်လမ်းအကျဉ်းလေးကတော့ အဲဒီမြို့လေးမှာ Clovehitch ဆိုတဲ့ လူသတ်သမားသတ်သွားတဲ့ သေသူ ၁၀ ယောက်အတွက် အမှတ်တရပွဲ နှစ်တိုင်းလုပ်ပေးကြတာပါ။ လူသတ်သမားက သူသတ်ခဲ့တဲ့လူတိုင်းရဲ့ အိမ်မှာ Clovehitch ကြိုးချည်နည်းနဲ့ အမှတ်အသားထားခဲ့တတ်ပါတယ်။ အဲဒါကြောင့် ကြိုးချည်နည်းနာမည်ကိုယူပြီးတော့ Clovehitch လူသတ်သမားလို့ခေါ်ကြပါတယ်။ သာမန်ပျော်စရာမိသားစုအတွင်းက ကင်းထောက်လူငယ်လေးဖြစ်တဲ့ Tyler က သူ့အဖေရဲ့ကားထဲမှာ ပုံမှန်မဟုတ်တဲ့ဆက်ဆံနည်းတွေပါတဲ့ အပြာဓာတ်ပုံတစ်ပုံကိုမမျှော်လင့်ပဲတွေ့ခဲ့ရာက Clovehitch လူသတ်သမားနဲ့ပတ်သက်ပြီး သဲလွန်စတွေကို တဖြည်းဖြည်းချင်းရှာတွေ့လာတဲ့အခါမှာ သူ့ရဲ့အဖေကိုယ်တိုင်က Clovehitch ဟုတ်လား မဟုတ်ဘူးလားဆိုတာကို စိတ်ဝင်တစား ကြည့်ရမှာပါ။ အပြာဓာတ်ပုံဆိုလို့လန့်မသွားပါနဲ့ဦး မိသားစုနဲ့ကြည့်လို့လည်း အဆင်ပြေတဲ့ကားမျိုးပါ။ IMDB Rating ကတော့ 6.5 ထိရရရှိထားပါတယ်။ (d3mon ဘာသာပြန်တင်ဆက်ပေးထားပါတယ်) File Size : (850 MB) Quality : AMZN WEB-DL 720p Running Time : 1hr 49min Format : Mp4 Genre : Drama, Horror, Mystery Subtitle : Myanmar Subtitle (Hard Sub) Source : 720p.AMZN.WEBRip.DDP5.1.x264-NTG Translated by d3mon Encoded by Thanhtike Zaw

All the Money in the World (2017) ~ IMDb - 6.8/10, RT - 79%, Meta - 72% ~ Gladiator, Alien, Blade Runner နဲ့ Kingdom of Heaven စတဲ့ တကယ့်ထိတ်ထိတ်ကြဲကားတွေချည်းရိုက်ခဲ့တဲ့ ဒါရိုက်တာကြီး Ridley Scott ရဲ့ True Story ကားကောင်းတစ်ကားပါ။ Mark Wahlberg နဲ့ Michelle Williams တို့လို သရုပ်ဆောင်ကောင်းတွေအပြင် Christopher Plummer လို ဝါရင့် သမ္ဘာရင့် ဂန္ထဝင် သရုပ်ဆောင်ကြီးတွေပါနေတာကလည်း ဒီကားကို ပိုကောင်းသွားစေပါတယ်။ ဇာတ်လမ်းကတော့ တစ်ချိန်က ကမ္ဘာပေါ်မှာ အချမ်းသာဆုံးလူလို့ သတ်မှတ်ခံခဲ့ရတဲ့ ရေနံသူဌေးကြီး ဂျွန်ပေါလ်ဂတ်တီရဲ့ မြေးဦး ဂျွန်ပေါလ်ဂတ်တီ ၃ ပြန်ပေးဆွဲခံရတဲ့အကြောင်းကို ရိုက်ကူးထားတာပါ။ ဂျေပေါလ်ဂတ်တီ ၂ က သူ့အဖေဆီမှာ မနေဘဲ ခွဲနေတယ်။ နောက်တော့ သူတို့သားအဖပြန်ပေါင်းထုပ်ပြီး ဂျွန််ပေါလ်ဂတ်တီ ၃ ယောက် တစ်အိမ်တည်းမှာနေကြတာပေါ့။ ဒါပေမဲ့ ချမ်းသာတဲ့ဒဏ်ကို မခံနိုင်တဲ့ ဂျေပေါလ်ဂတ်တီ ဒုတိယ က ဆေးစွဲ နောက်မိန်းမရသွားတော့ ပထမမိန်းမက ကွာရှင်းပါတယ်။ ဒါပေမဲ့ ရေနံသူဌေးကပ်စေးအဘိုးကြီး ပထမ ဂျေပီဂတ်တီက ချွေးမဖြစ်သူ အဘီဂေးလ် ဟားရစ်ကို ငွေတစ်ပြားမှမယူရင် ကလေးအုပ်ထိန်းခွင့်ကို အပြည့်ပေးမယ်ဆိုပြီး အပေးအယူတည့်သွားကြပါတယ်။ နောက်မှာ ဂျေပီဂတ်တီ တတိယ ပြန်ပေးဆွဲခံရတော့ သူ့အမေက ပိုက်ဆံမရှိတဲ့ နာမည်ကြီးထမင်းငတ်၊ သူ့အဘိုးကကျ ချမ်းသာသလောက် ကပ်စေးကုတ်တဲ့သူ။ အဲဒီအခြေအနေတွေကြားကနေ ဂျေပီဂတ်တီ ၃ ဘယ်လိုပြန်ရောက်လာမလဲဆိုတာကို ဖြစ်ရပ်မှန်နဲ့ ဒရာမာရောစွတ်ထားတဲ့ ဒီဇာတ်ကားမှာ ထိုင်ရာမထ ကြည့်ကြရပါလိမ့်မယ်။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 2.25GB, 945MB Quality - BluRay 1080p, 720p IMDb Rating - 6.8/10 Format - mp4 Duration - 2H 12Min Genre - Crime, Drama, History, Mystery, Thriller Subtitle - Myanmar Subtitle (Hardsub) Translated by 666 Encoded by Y