Chaton Anderson ပါဝင်သော ဇာတ်ကားများ

Step Up All In မှာ အရင်ကားတွေထဲက ဇာတ်ကောင်တွေ ပြန်ဆုံကြပါတယ်။ Revolution ထဲက ရှောင်န်နဲ့ ဒုတိယကားထဲက အန်ဒီတို့က အဓိကနေရာက ပါဝင်လာပြီး မုစ်အပါအဝင် အရင်အကသမားတွေလည်း ပြန်ပါလာတယ်။ ရှောင်န်တို့အဖွဲ့ဟာ လူရွေးပွဲတွေ လိုက်ဝင်ပေမယ့် အဆင်မပြေဘဲ လက်ထဲမှာလည်း ပိုက်ဆံမကျန်တော့တဲ့ အခြေအနေကို ရောက်နေပါတယ်။ အဖွဲ့သားတွေက မိုင်ယာမီကို ပြန်ပြီး ကိုယ့်နေရာမှာပဲ ဆက်ကြိုးစားချင်ကြတယ်။ ဒီကိစ္စနဲ့ စကားများကြပြီးနောက် ရှောင်န်တစ်ယောက်တည်း ကျန်ခဲ့ပါတယ်။ နေစရာမရှိတော့တဲ့ ရှောင်န်က မုစ်ဆီ အကူအညီတောင်းရတယ်။ မုစ်ရဲ့ အဖိုးအဖွားတွေ ဖွင့်ထားတဲ့ ရွန်ဘအကသင်တန်းကျောင်းမှာ တောက်တိုမယ်ရလုပ်ရင်း နေနေချိန် လက်စ်ဗီးဂတ်စ်မှာ Vortex ဆိုတဲ့ အကပြိုင်ပွဲသစ် ပေါ်လာပါတယ်။ အနိုင်ရတဲ့အဖွဲ့က အဲဒီမှာ သုံးနှစ်စာချုပ်နဲ့ ဆက်တိုက်ဖျော်ဖြေခွင့်ရမှာပါ။ ရှောင်န်က မုစ်ကို အကူအညီတောင်းပြီး အဖွဲ့သစ်ဖွဲ့ဖို့ လူစုပါတော့တယ်။ အန်ဒီ၊ ဆန်တီယေဂိုအမွှာ၊ စက်ရုပ်အကသမား ဗလပ်နဲ့ ဂျပန်မလေး ကီဒိုတို့ ပါလာကြပြီး ပြိုင်ပွဲမှာ အနိုင်ရဖို့ ပြင်ဆင်ကြတယ်။ သူတို့ရင်ဆိုင်ရမယ့် Grim Knight အဖွဲ့က ဘယ်သူတွေလဲ၊ နောက်ထပ် ဘယ်အဖွဲ့က အံ့အားသင့်စရာ ပေါ်လာဦးမလဲ၊ ပြိုင်ပွဲတစ်လျှောက် ဘာအခက်အခဲတွေ ကြုံကြရဦးမလဲဆိုတာ ဆက်ကြည့်ရမှာပါ။

ခရစ်စမတ်မရောက်ခင် ၂၄ ရက်အလို၊ ဖင်လန်နဲ့ ရုရှားကြားက ကော်ဗာတွန်တူရီတောင်မှာ အမေရိကန်နဲ့ ဗြိတိန်က တူးဖော်ရေးအဖွဲ့တစ်ဖွဲ့ဟာ ဆာမီလူမျိုးတွေရဲ့ ရှေးဟောင်းသင်္ချိုင်းတစ်ခုကို တွေ့သွားပါတယ်။ သူတို့ကို ကောင်လေးနှစ်ယောက်ဖြစ်တဲ့ ပီရဲတာရီနဲ့ ဂျူးဆိုတို့က ချောင်းကြည့်နေကြတယ်။ ပီရဲတာရီကတော့ ဒီတောင်မှာ ဆိုးသွမ်းတဲ့ကလေးတွေကို နှိပ်စက်တတ်တဲ့ ဆန်တာကလော့အစစ်ကို ဖမ်းပြီး မြှုပ်ထားတယ်လို့ ယုံကြည်နေပါတယ်။ တောင်ပေါ်က တူးဖော်မှုတွေ ရပ်သွားချိန်မှာ ရွာနားက သမင်တွေ အများအပြားသေကုန်ပြီး ပစ္စည်းတွေနဲ့ ကလေးတွေပါ ပျောက်လာကြတယ်။ ပီရဲတာရီ့အဖေရဲ့ ထောင်ချောက်ထဲမှာလည်း လူထူးလူဆန်းတစ်ယောက် မိလာပါတယ်။ ဖမ်းမိတဲ့သူ ဘယ်သူလဲ၊ ကလေးတွေ ဘယ်ရောက်ကုန်သလဲ၊ တောင်ပေါ်က တူးဖော်မှုနဲ့ ဘာဆက်စပ်နေသလဲဆိုတာ သားအဖနှစ်ယောက် အဖြေရှာကြရတော့မှာပါ။ Jorma Tommila နဲ့ သူ့သား Onni Tommila တို့ ပါဝင်ထားတဲ့ ခရစ်စမတ်သည်းထိတ်ရင်ဖိုဇာတ်ကား ဖြစ်ပါတယ်။

ဒီရုပ်ရှင်ကားဟာ စပိန်နိုင်ငံရဲ့ စီးပွားပျက်ကပ် နဲ့ ငွေကြေးခဝါချမှုတွေ ငွေကြေး လိမ်လည်မှုတွေကို နောက်ခံပြီး ဇာတ်လမ်းတည်ထားတာ ဖြစ်ပါတယ်။ အဓိက ဇာတ်ဆောင်ကတော့ Ivan ဆိုတဲ့ ဂေါဖ့်ကွင်းက အလုပ်သမားလေး ဖြစ်ပြီး တစ်နေ့မှာ မူးနေတဲ့ ကောင်စီဝင် တစ်ယောက်ကို ကားနဲ့ ပြန်ပို့ ရင်းနဲ့ သူ့ဘဝတိုးတက်လမ်းကို ရှာတွေ့သွားတာ ဖြစ်ပါတယ်။ Anne ဆိုတဲ့ အမျိုးသမီးနဲ့ တွေ့ပြီး သူဟာ ငွေကြေးတွေကို လက်ဆွဲသေတ္တာထဲ ထည့်ပြီး တစ်နေရာကနေ တစ်နေရာကို ကူးပြီး ပို့ပေးရတဲ့ အလုပ်ကို စလုပ်ပါတော့တယ်။ သူ့ရဲ့ ပထမဆုံး အလုပ် လုပ်ရင်း Escamez ဆိုတဲ့ လူနဲ့ သိကျွမ်းခဲ့ပါတယ်။ ဒီလူကလည်း ငွေကြေးတွေကို သယ်ပို့ပေးသူ ဖြစ်ပြီး ကော်မရှင်ခအနေနဲ့ ငွေကြေးရဲ့ 3% ကို ယူတာ ဖြစ်ပါတယ်။ Ivan က Yannick ဆိုတဲ့ Partner တစ်ယောက်နဲ့ တွေ့ပြီး သူတို့ ကိုယ်ပိုင် သယ်ပို့ပေးတဲ့ လုပ်ငန်းကို စလုပ်ခဲ့ပါတယ်။ အမြဲ အမြင့်တက်ဖို့ပဲ ချောင်းနေတဲ့ Ivan တစ်ယောက် Anne ဆီကနေ သင်ယူရတဲ့ ပညာတွေနဲ့ ဘယ်လို လူလည်ကျမလဲ၊ အဆုံးသတ်မှာရော ဇာတ်လမ်းက လှပါ့မလား။ ဖြစ်ရပ်မှန်ပေါ် အခြေခံ ရိုက်ထားတာလည်း ဖြစ်လို့ စိတ်ဝင်စားစရာ ပိုကောင်းပါတယ်။ File size…(1.7 GB)/(894 MB) Quality….Webrip 1080p / 720p Format…mp4 Duration….01:49:00 Genre... Mystery,  Horror Subtitle….Myanmar Subtitle (Hardsub) Encoder….Mr. Anderson Translated by Alias