Cheung Hei ပါဝင်သော ဇာတ်ကားများ

မိဘမဲ့ဂေဟာမှာ အတူတူ ကြီးပြင်းလာခဲ့ကြတဲ့ အာလန် နဲ့ ထျန်း ဆိုတဲ့ ညီအစ်ကိုနှစ်ယောက်ဟာ ငယ်ဘဝကတည်းက ဒုက္ခဆင်းရဲတွေကို အတူရင်ဆိုင်ခဲ့ကြသူတွေဖြစ်ပါတယ်။ ကြီးလာတဲ့အခါမှာတော့ မရင်းနှီးတဲ့ မကာအို မာဖီးယားလောကရဲ့ ထိပ်တန်းနေရာတစ်ခုကို ရောက်ရှိလာခဲ့ကြပါတယ်။ လူ​တွေက အခြေအနေအမျိုးမျိုးကြောင့် ဘဝလမ်းကြောင်းတွေ ကွဲပြားသွားတတ်ကြပါတယ်။ တစ်ဖက်မှာ ကိုယ့်ဘဝကို ရိုးရိုးရှင်းရှင်း ဖြတ်သန်းချင်သူရှိသလို၊ တစ်ဖက်မှာတော့ အန္တရာယ်များတဲ့ ရာဇဝတ်လောကထဲ ပိုမိုနက်ရှိုင်းစွာ ဝင်ရောက်သွားသူရှိပါတယ်။ တနေ့မှာတော့ ထျန်းက သူငယ်ငယ်တုန်းက ငတ်ပြတ်နေတုန်း စားစရာတွေပေးခဲ့ဖူးတဲ့ "ခါဟေး" ဆိုတဲ့ မိန်းကလေးနဲ့ မထင်မှတ်ဘဲ ပြန်ဆုံတွေ့ခဲ့ပါတယ်။ အချစ်အတွက်ကြောင့်နဲ့ ထျန်းက မာဖီးယားလောကကို စွန့်လွှတ်ဖို့ဖြစ်လာတဲ့အခါမှာတော့ ညီအစ်ကိုတိုနှစ်ယောက်ရဲ့ ဆက်ဆံရေး၊ သစ္စာရှိမှုနဲ့ အာဏာအတွက် ပြိုင်ဆိုင်မှုတွေကြားမှာ ပြဿနာတွေ တဖြည်းဖြည်း ပေါ်ပေါက်လာပါတယ်။ ​ဒါပေမဲ့ သူတိုနှစ်ယောက်ကြားကို ချစ်ခြင်းမေတ္တာတွေ အတိတ်က သံယောဇဉ်တွေနဲ့ မာဖီးယားဂိုဏ်းကြီးတွေကြားက လုပ်ပိုင်ခွင့်အာဏာ လုပွဲတွေ ဝင်ရောက်လာတဲ့အခါမှာတော့...... ညီအစ်ကို သံယောဇဉ်ကို ပေးဆပ်မှုတွေ၊ စွန့်လွှတ်မှုတွေနဲ့ သက်သေပြကြရမယ့် ပဋိပက္ခဆိုးကြီးတွေ စတင်လာပါတော့တယ်။ ​ဟောင်ကောင် Heroic Bloodshed (အက်ရှင်-ဒရာမာ) အမျိုးအစားကို ကြိုက်နှစ်သက်သူတွေ မဖြစ်မနေ ကြည့်ရှုသင့်တဲ့ ဇာတ်ကားကောင်း တစ်ကားပဲဖြစ်ပါတယ်

တရုတ်ရိုးရာ ခြင်္သေ့အကနဲ့ အစပြုတဲ့ ဇာတ်လမ်းမှာ ပြဿနာတွေ ပေါ်လာပြီး ဆရာနဲ့ အစ်ကိုဖြစ်သူတို့ အချင်းများကြပါတယ်။ အစ်ကို ထွက်သွားတဲ့နောက် ဂျက်ကီချမ်း သရုပ်ဆောင်ထားတဲ့ ဇာတ်ကောင်က ပြန်ခေါ်ဖို့ လိုက်သွားတယ်။ အစ်ကို့နောက်လိုက်တဲ့ ခရီးကနေ အလွဲတွေနဲ့ ဟာသတွေ ဆက်တိုက်ကြုံရပြီး တိုက်ခိုက်ရတဲ့အခန်းတွေမှာလည်း ဟာသကို တွဲဖက်ထားပါတယ်။ The Young Master ကို ဂျက်ကီချမ်းကိုယ်တိုင် ဒါရိုက်တာလုပ်၊ ဇာတ်ညွှန်းကူရေးပြီး သရုပ်ဆောင်ထားတာပါ။ The Fearless Hyena ပြီးနောက် သူဒါရိုက်တာလုပ်တဲ့ ဒုတိယမြောက်ရုပ်ရှင်ဖြစ်ပြီး သူ့အစောပိုင်း အက်ရှင်ဟာသဟန်ကို တွေ့ရပါတယ်။ အမျိုးသမီးဇာတ်ဆောင်ရဲ့ သိုင်းကွက်တွေနဲ့ သရုပ်ဆောင်ဟန်ကလည်း ခေတ်ဟောင်းဟောင်ကောင်သိုင်းကားတွေရဲ့ အရသာကို ရစေပါတယ်။

Hapkido (1972) IMDb Rating (6.8) ဒီဇာတ်ကားကတော့ နာမည်ကျော် မင်းသမီး အန်ဂျလာမောင့် ရဲ့ အကောင်းဆုံး သိုင်းကွက်တွေကို မြင်တွေ့ရမယ့် ဂန္ထဝင် တရုတ်သိုင်းကားကောင်းတစ်ကား ဖြစ်ပါတယ်။ ဇာတ်လမ်းအကျဉ်း ၁၉၃၄ ခုနှစ် ဂျပန်တို့ သိမ်းပိုက်ထားတဲ့ ကိုရီးယားနိုင်ငံမှာ တရုတ်လူမျိုး သိုင်းပညာရှင် သုံးဦးဖြစ်တဲ့ ရှောင်ရှီ၊ ဖန်ဝေး နဲ့ ကာအို တို့ဟာ ကိုရီးယားသိုင်းပညာတစ်မျိုးဖြစ်တဲ့ ဟပ်ကီဒို ကို စနစ်တကျ သင်ယူခဲ့ကြပါတယ်။ သင်တန်းဆင်းပြီးတဲ့နောက် သူတို့ဟာ တရုတ်နိုင်ငံ ကို ပြန်လာပြီး ကိုယ်ပိုင်သိုင်းသင်တန်းကျောင်း ဖွင့်လှစ်ခဲ့ကြပါတယ်။ ဒါပေမဲ့ အဲဒီအချိန်မှာ တရုတ်ပြည်ကို ကျူးကျော်ဝင်ရောက်နေတဲ့ ဂျပန် ဝက်ဝံနက် ဂိုဏ်းက သူတို့ကို အမျိုးမျိုး နှောက်ယှက်စော်ကားလာပါတယ်။ အစပိုင်းမှာတော့ သူတို့ရဲ့ ဆရာကြီးမှာကြားခဲ့တဲ့ "သည်းခံခြင်း" ဆိုတဲ့ စကားအတိုင်း ငြိမ်းချမ်းစွာ နေထိုင်ဖို့ ကြိုးစားခဲ့ကြပေမဲ့ ဂျပန်တွေရဲ့ ရက်စက်မှုတွေနဲ့ မတရားဖိနှိပ်မှုတွေက လွန်ကဲလာတဲ့အခါမှာတော့... သူတို့ သင်ယူခဲ့တဲ့ ဟပ်ကီဒိုသိုင်းပညာကို အသုံးချပြီး အမျိုးသားရေး ဂုဏ်သိက္ခာအတွက်ရော၊ မတရားမှုကို တိုက်ဖျက်ဖို့အတွက်ပါ ဂျပန်သိုင်းသမားတွေကို ရဲရဲဝံ့ဝံ့ ပြန်လည်ရင်ဆိုင်ရတာတွေကို ကြည့်ရှုခံစားရမယ့် ဇာတ်ကားကောင်းတစ်ပုဒ်ဖြစ်ပါတယ်။ File size… (1.8 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Action,Drama Duration…. 01:37:30 Subtitle…. Myanmar Subtitle (Hardsub)

Come Drink with Me ( 1966 ) IMDb: 6.9/10 Genre: Action/Crime Come Drink with Me ခေါ် Great Drunken Heroကို one of the greatest wuxia films of all time လို့ သတ်မှတ်ထားကြတယ်။ သိုင်းကားတွေနဲ့ပတ်သက်ရင် နာမည်ကျော်တဲ့ ရှောဘရားသားကထုတ်ပြီး ကင်းဟူက ရိုက်ထားတယ်။ ကင်းဟူနဲ့ ရှောဘရားသားဟာ ဒီကားအပြီးမှာ ခွာပြဲပြီး ကင်းဟူက ဒရာဂွန်အင်းတွေ ဘာတွေဆက်ရိုက်ခဲ့တယ်။ ဒီကားအပြီးမှာ သူတို့ခွာပြဲကြတယ်ဆိုပေမဲ့လည်း ဒီကားက မညံ့ခဲ့တဲ့အပြင် ခရမ်းချဉ်းသီး အလုံးတစ်ရာရထားတယ်။ရထားတာနဲ့တန်အောင်လည်း ကောင်းပါတယ်။ ပုဂ္ဂလိကအမြင်အရဆို သူ့ရဲ့ ဒရာဂွန်အင်းတို့ဘာတို့ထက်တောင် ပိုကြိုက်တယ်။ ဘာလို့ဆို ကျွန်တော့်အနေနဲ့ အကြိုက်ဆုံးဖြစ်သိုင်းဝတ္တုဆရာ ကျင်းယုံရဲ့ ဇာတ်ကောင်တွေကို မတူညီတဲ့ပုံစံနဲ့မြင်နေရတာကို သဘောကျလို့လို့ပဲဖြေရမယ်။ ဒီကားထဲက အဓိကဇာတ်ကောင်က အမူးသမား သူတောင်းစား။ သိုင်းမတတ်သလိုလို ပေါသလို ကြောင်သလိုနေနေတဲ့ကောင်။ သူက မကောင်းတဲ့ သူ့ဆရာတူအစ်ကိုလက်ထဲ သူ့ဆရာရဲ့အမွေအနှစ်ဖြစ်တဲ့ ဝါးတုတ်ပါမသွားအောင်ကာကွယ်ရင်း ပညာလျှိုရင်း သူတောင်းစားလေးတွေနဲ့ ရောရောနှောနှော ပေါတောတောနေရင်း တောင်းစားနေတဲ့လူ။ ပြောရရင် သူ့ဆရာက‌ရှောင်လင်ကလိုလိုပြောလို့ရတော့ သူ့ဇာတ်ကောင်က ချောင်ဖုန်းနဲ့ ဟုန်ချီကုန်းကို ပေါင်းထားသလို ဇာတ်ကောင်မျိုးပဲ။ မင်းသမီးကတော့ လူဆိုးထိန်းသဘောမျိုး။ လူဆိုးတွေက သူ့ကိုကြောက်ကြတယ်။ သူ့နာမည်က ရွှေပျံလွှား။ ဇာတ်အစမှာ လူဆိုးဂိုဏ်းကမြို့တော်ဝန်ရဲ့သားကို ဖမ်းပြီး အဖမ်းခံထားရတဲ့ သူတို့ဆရာနဲ့လဲဖို့လုပ်တယ်။ မြို့တော်ဝန်ရဲ့သားကို ကယ်ဖို့ ရွှေပျံလွှားက လူဆိုးဂိုဏ်းနဲ့ ထိပ်တိုက်ရင်ဆိုင်ရင်း အမူးသမား သူတောင်းစားတစ်ယောက်နဲ့ မိတ်ဆွေဖြစ်သွားတယ်။ ဒီလိုနဲ့ ရွှေပျံလွှားနဲ့လူဆိုးဂိုဏ်ကကောင်တွေရဲ့ တိုက်ပွဲထဲကို သူတောင်းစားက ဝင်ပါလာရာကနေ ဘာတွေဆက်ဖြစ်မလဲကြည့်ရမယ့်ဇာတ်ပဲ။ Drunken Heroဆိုတဲ့နာမည်နဲ့ Remakeတွေ ဘာတွေ ပြန်ရိုက်ထားသေးတော့ မမှားရင်တော့ ဒီကားက ပထမဆုံး အရက်မူးသိုင်းသမားကားဖြစ်ချင်ဖြစ်လိမ့်မယ်။ နောက် Mask of Zorroထဲက ဓားသိုင်းချရင်း အဝတ်ချွတ်တဲ့အကွက်က ဒီကလာတာဖြစ်ဖို့ ရာနှုန်းတော်တော်များတယ်။ ဒီကားထဲက မင်းသားရဲ့ Life Stlyleက သဘောကျချင်စရာတော်တော်ကောင်းတယ်။ ဒါကြောင့်ပဲ ကျွန်တော်တော့ ကင်းဟူကားတွေထဲ Come Drink with Meကို သဘောအကျမိဆုံးပဲ။ သိုင်းကားကြိုက်တဲ့လူတွေအတွက်တော့ ကြည့်ကိုကြည့်ရမယ်ကားဖြစ်သလို သိုင်းကားရယ်လို့ တကူးတကမကြိုက်တောင် Come Drink with Meဟာ တော်တော်ကောင်းတဲ့ရုပ်ရှင်ပါပဲ။ File size…    1.8 GB /  943 MB Quality… BluRay 1080p / 720p Format… mp4 Duration…. 1h 35m Genre ..... Action/Crime Subtitle…. Myanmar Subtitle (Hard Sub) Encoder…. LegoHeart Translated by WiRa Aung