Choe Min ပါဝင်သော ဇာတ်ကားများ

Yadang: The Snitch (2025) IMDb... 7.0 မင်းသား Kang Ha-Neul အပီကြမ်းထားတဲ့ အလန်းစား အက်ရှင်မှုခင်းကားသစ်လေး ထွက်ရှိလာပါပြီ။ When Life Gives You Tangerine က မင်းသားကြီး Park Hae-Joon ၊ Exhuma ကားမှ Yu Hae-Jin နဲ့ Our Unwritten Seoul မှ မင်းသား Ryu Kyung Soo အစရှိတဲ့ ဒိတ်ဒိတ်ကြဲမင်းသားကြီးတွေလည်း ပါဝင်သရုပ်ဆောင်ထားကြပါတယ် - ဇာတ်လမ်းအကျဉ်း - အီဂန်ဆူ (Kang Ha-Neul) ကတော့ လူတစ်ဦးရဲ့ ချောက်ချမှုကြောင့် အပြစ်မရှိဘဲ ဆေးမှုနဲ့ ထောင်ထဲရောက်နေသူပါ။ ဂူဂွမ်ဟီး (Yu Hae-Jin) ကတော့ ရည်မှန်းချက်ကြီးတဲ့ အမှုစစ်ဖြစ်ပြီး ရာထူးတိုးချင်တဲ့ ရည်ရွယ်ချက်နဲ့ ဆေးသမားတွေကို ကြားက သတင်းပေးမယ်ဆိုရင် ထောင်ဒဏ်လျှော့ပေါ့ပေးမယ်ဆိုပြီး ဂန်ဆူကို ကမ်းလှမ်းပါတော့တယ်။ ဒီလိုနဲ့ ဂန်ဆူဟာ အမှုစစ်ဂူအတွက် မူးယစ်သတင်းပေး စလုပ်ပေးခဲ့ပြီး အမှုစစ်ဂူလည်း အဲဒီကျေးဇူးကြောင့် ဆေးသမားတွေ တစ်ယောက်ပြီးတစ်ယောက် ဖမ်းပြီးတော့ ရာထူးလည်း တစ်ဆင့်ထက်တစ်ဆင့် တက်လာခဲ့တာပေါ့။ တစ်ဖက်မှာလည်း မူးယစ်ဆေးမှုစုံစမ်းစစ်ဆေးရေးအဖွဲ့က စုံထောက်ဖြစ်တဲ့ အိုဆန်းဂျယ် (Park Hae-Joon) က အမှုစစ်ဂူကြောင့် သူ့ရဲ့ စုံစမ်းစစ်ဆေးရေးတွေ ဆက်တိုက် ကျရှုံးနေတာမို့လို့ အမှုစစ်ဂူအပေါ် သိပ်ပြီး အမြင်မကြည်လှသလို ဂန်ဆူနဲ့ အမှုစစ်ဂူတို့ရဲ့ ဆက်ဆံရေးကိုလည်း အမြဲ သတိထားစောင့်ကြည့်နေလေ့ရှိပါတယ်။ ဂန်ဆူ ၊ အမှုစစ်ဂူနဲ့ စုံထောက်အိုတို့ သုံးဦးဟာ ကိုယ်စီ အကျိုးစီးပွားတွေအတွက် အပြန်အလှန် ပတ်သက်ဆက်စပ်မိပြုလာတဲ့အခါမှာတော့.... တောင်ကိုးရီးယား မူးယစ်စုံစမ်းစစ်ဆေးရေးလောကထဲက အားပြိုင်ပုံ အမျိုးမျိုးအဖုံဖုံကို စိတ်ဝင်စားဖွယ် ကြည့်ရှုရမှာဖြစ်လို့ လက်လွတ်မခံဘဲ အခုပဲ အပြေးလေးကြည့်လိုက်ကြပါတော့နော်။ (ဇာတ်လမ်းအညွှန်းကိုတော့ Hnin Wai Oo မှ ‌ရေးသားထားပါတယ်။) File Size : 1.92GB/ 940MB Quality : WEB-DL 1080p/ 720p Format…mp4 Duration…01:43:49 Genre : Action, Mystery, Crime, Drama Subtitle : Myanmar Subtitle (Hard Sub) Translated by Stary, Hnin Wai Oo & Miri Encoded by Tiff

12.12: The Day(2023) ဒီရုပ်ရှင်ဇာတ်ကားကြီးဟာ  ဖြစ်ရပ်မှန်အပေါ်အခြေခံထားတဲ့ ဇာတ်ကားကြီးဖြစ်ပါတယ်.. ကိုရီးယားသမိုင်းရဲ့  မမေ့နိုင်စရာကောင်းတဲ့ သမိုင်းဝင်ဖြစ်ရပ်မှန်ဆိုတဲ့အတွက်ကြောင့် ဒါရိုက်တာဟာ နာမည်ကြီးသရုပ်ဆောင်တွေ နဲ့ စစ်ဘက်သုံးဆိုင်ရာ လက်နက်တွေ အသုံးအဆောင်တွေ သံချပ်ကာ တိုက်ယာဉ်တွေအများကြီးသုံး ပြီးရိုက်ကူးထားသလို ရုံတင်ဝင်ငွေဟာလည်း ဒေါ်လာသန်း ၁၀၀နီးပါးပြန်လည်ရရှိခဲ့ပါတယ်... ဒီကားကတော့ သရုပ်ဆောင်တွေ မိုက်တယ်ဆိုပြီးကြည့်လိုက်ရုံနဲ့ ဘာမှာနားလည်မှာမဟုတ်ပါဘူး... ကိုရီးယားမှာလက်ရှိသမ္မတမွန်ဂျေအေးအပါအဝင် စုစုပေါင်း သမ္မတ ၁၂ယောက်အထိ တာဝန်ထမ်းဆောင်ခဲ့တယ်...လက်ရှိတာဝန်ထမ်းဆောင်နေတဲ့သမ္မတကလွဲလို့ ကျန်တဲ့ သမ္မတ ၁၁ယောက်လုံးဟာ ဆူဆိုက်လုပ်တဲ့သူ အခြားနိုင်ငံကိုထွက်ပြေးတဲ့သူ အာဏာသိမ်းခံရတဲ့သူနဲ့ ထောင်ကျခဲ့တဲ့ သူတွေချည်းပါပဲ...ဒါ့ကြောင့် အိမ်ပြာတော် ကျိန်စာလို့ ကိုရီယားတွေက ခေါ်ဆိုကြတယ်လို့ဆိုတယ်... အခုဖြစ်ရပ်က (၃)ယောက်မြောက် သမ္မတဘတ်ဂျောင်ဟီး ကို KCIAက လုပ်ကြံပြီးနောက်ပိုင်းကိုဆက်ပြထားတာဖြစ်ပါတယ်.. ဒီအကြောင်းကိုသိချင်ရင် မင်းသားကြီး လီဗြောင်ဟွန်းအဓိကပါဝင်ထားတဲ့  The Man Standing Next(2020) ကားကို ကြည့်လိုက်ပါ...ဒီကားကြည့်ဖူးတဲ့သူတွေကတော့ 12.12: The Day(2023) ကိုဆက်ကြည့်လို့အဆင်ပြေပါတယ်.. မကြည့်ရသေးလည်း  အကြောင်းအရာကိုသိရုံနဲ့ ဆက်ကြည့်လို့ရပါတယ်.. ဆိုတော့ ဘတ်ဂျောင်ဟီး ကွယ်လွန်ပြီးနောက်ပိုင်း ယာယီသမ္မတအဖြစ်နဲ့တာဝန်ထမ်းဆောင်ချိန်နဲ့ စစ်အုပ်ချုပ်ရေးအဖြစ် ကြေငြာထားတဲ့ကာလဆိုတော့ နိုင်ငံရဲ့အခြေအနေက အကောင်းဆုံးနဲ့အဆိုးဆုံးကာလကို အကူးပြောင်းနိုင်ဆုံးကာလပေါ့... ဒီလိုဖရိုဖရဲကာလမှာ ဘာတွေဆက်ဖြစ်ကြမလဲဆိုတာကိုတော့... ကြည့်သင့်တဲ့ကားပါ...တန်ပါတယ်... File Size : (2.02GB) and (884MB) Quality : WEB-DL1080P, 720p Format…mp4 Duration…02:21:00 Genre : Action, Drama , History Translated by  : Tiff Miri, Hnin Wai Htet & Stary Hsu Encoded by Phyo Pyae

ဟွမ်ဆော့မီဆိုတဲ့အမျိုးသမီးက ထောင်ထဲမှာ ခေါင်းဆောင်လည်းဖြစ်တယ် ဆရာကြီးအဆင့်ထိရောက်နေတဲ့သူ.. အဲလိုလူကို မျက်စိဆံပင်မွှေးစူးတဲ့သူက ပြဿနာအိုး သူဌေးသမီးဟန်ဆိုဟီး.. ဟန်ဆိုဟီးက ထောင်ထဲရောက်တာတောင် ထောင်စောင့်တွေ ထောင်ဦးစီးတွေကို လာဘ်ထိုးပြီး ဘုရင်မတစ်ပါးလိုနေတာ သူ့ကို အပြင်ကမိသားစုကလည်း ထုတ်မပေးတော့ ထောင်ထဲမှာ ပန်ကာ့ထိပ်က ဝက်အူလိုနေရင်း ပြဿနာတစ်ခုပြီးတစ်ခုရှာတော့တာပဲ ဟန်ဆိုဟီးကိုလည်း ဟွမ်ဆော့မီက သဘောမတွေ့တော့ နောက်ဆုံး လိုက်စုံစမ်းရင်းနဲ့ ဟန်ဆိုဟီးထောင်ထဲမှာတောင် တရားမဝင်တဲ့အလုပ်လုပ်နေတာကို သိသွားတဲ့အချိန်မှာ ဟွမ်ဆော့မီက ဘယ်လိုဖော်ထုတ်မလဲ ဘယ်လိုဖိုက်ကြမလဲဆိုတာ ကြည့်ရမှာဖြစ်ပါတယ် ထောင်ထဲမှာ အကျဉ်းသားအချင်းချင်းရော၊ ရဲတွေရော ထောင်စောင့်တွေရော ပိုက်ဆံကြောင့် မတရားမှုတွေကိုလုပ်တတ်ကြောင်းကို မီးမောင်းထိုးပြထားတာမို့ ကြည့်လိုက်ကြပါဦးနော် အညွှန်း နဲ့ ဘာသာပြန်ကတော့ Joyz ပဲ ဖြစ်ပါတယ်။ Genre..... Action, Crime Quality…. 1080p | 720p File size…925MB | 437MB Format… mp4 Duration….1h 26min Subtitle…. Myanmar Subtitle (Hardsub) Translator ..... Joyz Encoder .....Aaron

Squid Game မင်းသားကြီး Lee Jung Jae ၊ Steel Rain မင်းသားကြီး Jung Woo Sung ၊ SearchWWW နဲ့ Stranger2 တို့က မင်းသမီးကြီး Jeon Hye Jin တို့အပြင် Alchemy of Souls ထဲက နာ့ဆူလေး Go Yoon Jung တို့ အဓိက ပါဝင်ထားပြီး Heo Sung Tae ၊ Jung Man Shik တို့ကလည်း supprot role ကနေပါဝင်သလို ဧည့်သရုပ်ဆောင်တွေအဖြစ် Along with The Gods မင်းသားကြီး Joo Ji Hoon ၊ Snow Drop ထဲက ကျွန်တော်တို့ အချစ်တော်ကြီး Park Sung Woong တို့ ပါဝင်တဲ့အပြင် မြန်မာမှာ ဖြစ်ခဲ့ဖူးတဲ့ ဖြစ်ရပ်ကိုပါ ခပ်ဆင်ဆင်အနေအထားနဲ့ ထည့်သွင်းရိုက်ကူးထားတဲ့အတွက် ကိုရီးယားရောက် မြန်မာလူမျိုးအချို့လည်း အားဖြည့်ပါဝင်ရိုက်ကူးထားတဲ့ Hunt ဆိုတဲ့ အလန်းစား စပိုင်၊ အက်ရှင် ဇာတ်လမ်းလေး လာပါပြီ။ ဇာတ်လမ်းအညွှန်းအနေနဲ့ကတော့ … ၁၉၈၀ ခုနှစ် ကိုရီးယား အာဏာရှင်စနစ် လွှမ်းမိုးမှု အမြင့်ဆုံးရောက်နေတဲ့အချိန်မှာ ပြည်ပဆိုင်ရာ KCIA ဦးစီးမှူး ပတ်ဖြောင်းဟိုနဲ့ ပြည်တွင်းဆိုင်ရာ KCIA ဦးစီးမှူး ဂင်ဂျောင်ဒို တို့ဟာ ဒုံလင်ဆိုတဲ့ မြောက်ကိုရီးယား စပိုင် အကြီးအကဲကို စုံစမ်းဖော်ထုတ်ဖို့ တာဝန်ပေးအပ်ခံရပါတယ်။ ဒုံလင်ဆိုတာကတော့ နယ်နယ်ရရမဟုတ်ဘဲ သူတို့အဖွဲ့အစည်းထဲကို အတွင်းထဲထိ စိမ့်ဝင်ထားနိုင်တဲ့ သူလျှိုဖြစ်ပြီး ထိပ်တန်းလျှို့ဝှက်ချက်တွေကိုပါ မြောက်ကိုရီးယားဆီ ပေးပို့နေတဲ့သူပါ။ ဖြစ်ချင်တော့ ဒုံလင်ကို မဖော်ထုတ်နိုင်တဲ့အပြင် ဖိအားတွေပါ ရင်ဆိုင်လာရချိန်မှာတော့ အချင်းချင်း အပြန်အလှန် စွပ်စွဲပြစ်တင်ကြပါတယ်။ ဒါပေမဲ့လည်း ဌာနမှူးနှစ်ယောက်ဟာ သူလျှိုကဘယ်သူဆိုတာနဲ့ သူလျှိုရဲ့ အဓိက တာဝန်ဟာ တောင်ကိုရီးယား သမ္မတကို လုပ်ကြံသတ်ဖြတ်ဖို့ဖြစ်တယ်ဆိုတာကို တဖြည်းဖြည်းသိရှိလာတဲ့အခါမှာတော့ … ဒုံလင်ဆိုတဲ့ အတွင်းသူလျှိုက ဘယ်သူဖြစ်မလဲ? ဒုံလင်ကို ဖော်ထုတ်နိုင်ဖို့ ဌာနမှူးနှစ်ယောက် ဘယ်လိုကြိုးစားကြမလဲ? သူတို့ ဌာနနှစ်ခုကြား အချင်းချင်း ဝေဖန်ပြစ်တင်တာတွေကို ဘယ်လိုဖြေရှင်းမလဲ? သမ္မတကို ကယ်တင်ဖို့ကော ဒီ ဌာနမှူးနှစ်ယောက် စွမ်းဆောင်နိုင်မှာလား? ဆိုတာကိုတော့ ဇာတ်လမ်းလေးထဲ ရင်တထိတ်ထိတ် ဆက်လက် ကြည့်ရှု အဖြေရှာကြပါစို့ဗျာ။ (မင်းသားကြီး Lee Jung Jae ဟာ ဒီဇာတ်လမ်းရဲ့ ဇာတ်ညွှန်းရေးရာမှာလည်း တစ်စိတ်တစ်ဒေသပါဝင်ခဲ့ပြီး ကိုယ်တိုင်တည်းဖြတ်ရိုက်ကူးထားတဲ့အပြင် အဓိကဇာတ်ဆောင်အနေနဲ့လည်း ပါဝင် သရုပ်ဆောင်ထားပါသေးတယ်ခင်ဗျာ) ကိုရီးယားမှာ ဝက်ဝက်ကွဲ အောင်မြင်ခဲ့တဲ့ ဇာတ်လမ်းဖြစ်ပြီး cast အလန်းစားတွေကိုမှ ဇာတ်လမ်း အကြမ်း၊ အမိုက်စား ကြည့်ရှုခံစားရမှာ ဖြစ်တဲ့အတွက် မလွတ်တမ်း ကြည့်ရှုကြဖို့ အကြံပေးလိုက်ပါရစေခင်ဗျာ။ File Size : 2.2GB, 859MB Quality : 1080p WEB-DL AC3 5.1CH, 720p Format : mp4 Duration : 2hr & 11mins Genre : Action, Drama, Mystery Translated by Song Song & Hnin Thazin Encoded by Kinnov

The Exclusive: Beat the Devil's Tattoo (2015) IMDb Rating (6.6) အခုတစ်ခါ တင်ဆက်ပေးချင်တာလေးကတော့ ၂၀၁၅ ခုနှစ်မှာ ထွက်ရှိခဲ့ပြီး အားလုံးနဲ့ ရင်းနှီးပြီးသားဖြစ်တဲ့ မင်းသား Jo Jung Suk နဲ့အတူ မင်းသမီး Lee Ha Na၊ သရုပ်ဆောင် Kim Dae Myung တို့အပြင် အခြားသရုပ်ဆောင်များစွာ ပါဝင်ထားတဲ့ Thriller, Mystery ဇာတ်ကားလေးကို တင်ဆက်ပေးလိုက်ပါတယ်။ ဇာတ်လမ်းအညွှန်း ဇနီးသည်နဲ့ ကွာရှင်းခဲ့ရပြီး အလုပ်ပြုတ်တော့မဲ့ အခြေအနေနဲ့ပါ ရင်ဆိုင်နေရတဲ့ သတင်းထောက် ဟောမူဟျော့ဟာ သတင်းပေးသူတစ်ယောက်ရဲ့ သတင်းပေးမှုကြောင့် မထင်မှတ်ဘဲနဲ့ ကွင်းဆက်လူသတ်မှုကို သတင်းယူဖို့ ဖြစ်လာပါတော့တယ်။ ဒီသတင်းကို သူတို့သတင်းဌာန တစ်ခုတည်းကသာ ပထမဆုံး ထုတ်ပြန်နိုင်ခဲ့ပေမဲ့လည်း တကယ်တမ်းမှာတော့ သူ ရခဲ့တဲ့ အချက်အလက်တွေက မှားယွင်းနေပါတော့တယ်။ အဲဒီလိုနဲ့ မူဟျော့လည်း ကြံရာမရတဲ့မဆုံး သူ့အမှားကို ဖုံးကွယ်ဖို့အတွက် အတုအယောင် ဇာတ်လမ်းကို ဖန်တီးရင်းနဲ့ ကိစ္စတွေက တဖြည်းဖြည်း ကြီးထွားလာတဲ့အခါမှာတော့ … File Size : 2.20GB/ 980MB Quality : NF WEB-DL 1080p 5.1CH/ 720p Format…mp4 Duration…2hr 06m Genre : Thriller, Mystery Subtitle : Myanmar Subtitle (Hard Sub)

အက်ရှင်ဇာတ်ကားကောင်းကောင်းကို အခွီလေးနဲ့ ရောကြည့်ချင်တဲ့လူတွေအတွက် မင်းသား Hwang Jung Min နဲ့ Yoo Ah In တို အပြိုင်သရုပ်ဆောင်ထားတဲ့ Veteran ဇာတ်ကားကို CM ကနေ တင်ဆက်ပေးလိုက်ပါတယ်။ စုံထောက်လောကရဲ့ခွေးရူးလိုဖြစ်နေတဲ့ စုံထောက်ဆောဒိုချောဟာ အမှုကြီးတစ်ခုဖြေရှင်းအပြီးမှာ ချမ်းသာတဲ့သူတွေ တက်ရောက်ကြတဲ့ ပါတီတစ်ခုကို ဖိတ်ကြားခံခဲ့ရပါတယ်။ ဂျိုထယ်အိုဆိုတဲ့ လုပ်ငန်းကြီး တစ်ခုရဲ့ သားဖြစ်သူက ပါတီကိုဦးဆောင်တာဖြစ်ပြီး အဲဒီပါတီမှာ ကတည်းက ဂျိုထယ်အိုရဲ့နိုင်ထက်စီးနင်းအပြုအမူတွေကြောင့် စုံထောက်ဆောဒိုချောနဲ့ အခြေအတင်ဖြစ်ခဲ့ကြပါတယ်။ နောက်ရက်အနည်းငယ်အကြာမှာတော့ စုံထောက်ဆောဒိုချောတို အဖွဲကို အမှုဖြေရှင်းရာမှာကူညီပေးခဲ့တဲ့ ဒရိုင်ဘာဘဲ့ဆိုတဲ့လူက ဂျိုထယ်အိုရဲ့ကုမ္ပဏီမှာ သေကြောင်းကြံစည်သွားပါတယ်။ အဲဒီသတင်းကိုကြားတဲ့စုံထောက်ဆောဒိုချောက အဖြစ်မှန်ကို ဖော်ထုတ်ဖို ကြိုးစားပါတော့တယ်။ ချမ်းသာတဲ့မျိုးဆက်က သားဖြစ်သူဂျိုထယ်အိုရဲ့ ကောက်ကျစ်တဲ့ နည်းလမ်းတွေကြားမှာ စုံထောက်ဒိုချောတိုအဖွဲ အမှန်တရားကို ဖော်ထုတ်ဖိုကြိုးစားကြတာကို ဟာသနှောပြီး ကြည့်ရှုရမှာပဲ ဖြစ်ပါတယ်။ File size…2.09GB / 1GB Quality…NF WEB-DL 1080p 5.1CH / 720p Format…mp4 Duration….2h 3m Genre ….. Action , Comedy , Crime Subtitle….Myanmar Subtitle (Hard Sub) Encoder….Min Wai Translated by Yee Wai

The Front Line (2011) IMDb Rating (7.4) / Rotten Tomatoes (69%) ဒီဇာတ်ကားအညွှန်းမရေးခင်ပြောချင်တာတခုရှိသေးတယ်ဒီဇာတ်ကားကိုကြည့်ပြီးမှ အိမ်ကအဒေါ်တွေဘာလို့ကိုရီးယားကားကို အငမ်းမရကြည့်လဲဆိုတာကို ကိုယ်ချင်းစာမိသွားတယ်။ အရင်က ကိုရီးယားကားဆိုမကြည့်ဖြစ်ဘူး။ ဒီဇာတ်လမ်းထဲမှာ ၁၉၅၀ ဝန်းကျင်တောင်မြောက်ကိုရီးယားစစ်ပွဲကိုအခြေခံပြီးရိုက်ကူးထားတယ်။ ၂နိုင်ငံ အပစ်အခတ်ရပ်စဲရေးစာချုပ်လက်မှတ်မထိုးခင် အရို ကေတောင်ကုန်းနဲ့ပါတ်သက်ပြီး ၂ဖက်ခေါင်းဆောင်တွေအငြင်းပွါးကြတယ်။ ဒီတောင်ကုန်းကို ၂ဖက်တပ်တွေအလုအယက်သူတပြန်ကိုယ်တပြန်သိမ်းနေရင်းနဲ့မှနောက်ဆုံးဘယ်လိုဇာတ်သိမ်းသွားမလဲ။ တောင်ကိုရီးယားတွေဘက်က မိကျောင်းတပ်ခွဲကဒီတိုက်ပွဲကိုအဆုံးထိတိုက်ရပြီးနောက်ဆုံးသူတို့ဘယ်လိုတွေဇာတ်သိမ်းသွားကြလဲ? အသက်ရောရှင်ရဲ့လား? တောင်ကုန်းလေးရယ်စစ်မြေပြင်ရယ် အပစ်အခတ်ရပ်စဲရေးလက်မှတ်ထိုးတာရယ်နေရာ၃ခုပဲပါပေမယ့် အချစ်အမုန်း အယူဝါဒ...အစုံကိုသရုပ်ဖော်သွားတဲ့ဒီကားကစစ်ကားကောင်းတကားဖြစ်သလို ၂ဖက်တပ်တွေရဲ့ သရုပ်ကိုပီပြင်အောင်သရုပ်ဖော်ထားတဲ့ ဇာတ်ကားကောင်းတကောင်းဖြစ်လို့မလွတ်တမ်းကြည့်သင့်တဲ့ဇာတ်ကားကောင်းတကားဖြစ်ပါတယ်။ File size…(3.7 GB) / (1.5 GB) Quality….Blu-Ray 1080p HEVC /720p Format…. mkv/mp4 Genre….Action,Drama,War Duration….02:14:02 Subtitle….Myanmar Subtitle (Hardsub) Encoder….Thit San Khant Translated by Jia

71: Into the Fire (2010) နာမည်ကြီး ရုပ်ရှင်မင်းသားကြီးတွေဖြစ်တဲ့ Cha Seung-won၊ Kwon Sang-woo၊ Kim Seung-woo နဲ့ T.O.P တို့ အဓိက ပါဝင်သရုပ်ဆောင်ထားတဲ့ ဒီရုပ်ရှင်ဟာ တောင်-မြောက်ကိုရီးယားစစ်ပွဲကာလအတွင်း ၁၉၅၀ ခုနှစ် သြဂုတ် ၁၁ ရက် ဖိုဟန်တိုက်ပွဲမှာ ကျဆုံးသွားခဲ့ကြတဲ့ တောင်ကိုရီးယားကျောင်းသားလေး ၇၁ ယောက်ရဲ့ ဖြစ်ရပ်မှန်ဇာတ်ကြောင်းကို အခြေခံပြီး ရိုက်ကူးထားခြင်း ဖြစ်ပါတယ်။ ဇာတ်လမ်းအညွှန်း- ယုံးဒေါ့နယ်က အူတူတူအတတ စစ်သင်တန်းသား အိုဂျန်ဘုံးဟာ လက်တိုလက်တောင်းအကူအညီပေးရတဲ့ စစ်သားလေးပဲဖြစ်ပါတယ်။ တိုက်ပွဲပြင်းထန်လာတဲ့တစ်ရက် အသက်အန္တရာယ်နဲ့ ကြုံလာရချိန်မှာ သူ့ရဲ့ဗိုလ်မှူးဟာ သူ့ကိုကာကွယ်ပေးရင်း အသက်ပေးလိုက်ရတဲ့အတွက် စိတ်ထိခိုက်ပြီး ကိုယ့်ကိုယ်ကိုယ် အပြစ်တင်ပြီးနေနေတဲ့သူပါ။ တောင်-မြောက် စစ်ပွဲတွေ ပြင်းထန်လာပြီး စစ်သားမလုံလောက်မှုတွေ ဖြစ်လာတဲ့အခါမှာ အမိမြေကိုကာကွယ်ဖို့အတွက် တောင်ကိုရီးယားနိုင်ငံက ကျောင်းသားလေးတွေဟာ ကိုယ့်ဆန္ဒနဲ့ကိုယ် တပ်ထဲကို ဝင်‌ရောက်လာကြပါတယ်။ ထိုအချိန်မှာ အလယ်တန်းကျောင်းမှာ စခန်းချနေတဲ့ တောင်ကိုးရီးယားတပ်မဟာအနေနဲ့ နက်ဒုံမြစ်ဘက်မှာ စစ်ပွဲရင်ဆိုင်ဖို့သွားရချိန် ဝင်ရောက်လာတဲ့ စစ်သင်တန်းသားသစ်တွေကို ဦးဆောင်ဖို့နဲ့ စခန်းကိုစောင့်ကြပ်ရေးတာဝန်ကို တောင်စစ်တပ်စု (၃)ရဲ့ ခေါင်းဆောင်ဗိုလ်ကြီးဟာ အိုဂျန်ဘုံးကို ပေးအပ်လိုက်ပါတော့တယ်။ မိမိစီနီယာသေဆုံးသွားလို့ ယုံကြည်ချက်မဲ့နေတဲ့ အိုဂျန်ဘုံးတစ်ယောက်ဟာ အသစ်ဝင်ရောက်လာတဲ့ စစ်သင်တန်းသားသစ်ထဲမှာ ကျောင်းသားဟန်ဆောင်ထားတဲ့ လူမိုက်ဂိုဏ်းဝင် ဂပ်ဂျိုတို့အုပ်စုရဲ့ မထီမဲ့မြင်ဆက်ဆံခြင်းတွေကိုလည်း ခံရပါသေးတယ်။ အိုဂျန်ဘုံးဦးဆောင်တဲ့ တိုက်ပွဲအတွေ့အကြုံမရှိတဲ့ ကျောင်းသားလေး ၇၁ ယောက်ဟာ မြောက်ကိုရီးယားရဲ့ ကြောက်စရာအကောင်းဆုံး အမှတ် (၇၆၆) ခြေလျင်တပ်နဲ့ ထိပ်တိုက်ရင်ဆိုင်ရတဲ့အခါမှာတော့... ကျောင်းသားလေးတွေ ဘယ်လို ရွပ်ရွပ်ချွံချွံနဲ့ မြောက်ကိုရီးယားကို ခုခံသွားမလဲဆိုတာ ရင့်နင့်ဖွယ် ကြည့်ရှုရမှာပဲဖြစ်ပါတယ်။ File size…3.01GB / 1.24GB Quality… BluRay 1080p/ 720p Format…mp4 Duration….2h 2m Genre ….. Drama Subtitle….Myanmar Subtitle (Hard Sub) Encoder….Tiff Translated by Thinn & Theint

Running Wild (2006) 2006 ခုနှစ်က ထွက်ရှိခဲ့တဲ့ ဒီရုပ်ရှင်ဟာ စရိုက်ချင်းမတူတဲ့ စုံထောက်တစ်ယောက်နဲ့ အမှုစစ်တစ်ယောက်တို့ စနစ်ဆိုးကို တိုက်ခိုက်တဲ့အကြောင်း ရိုက်ကူးထားတဲ့ အကြမ်းစား Crime-Noir ကားကြီး ဖြစ်ပါတယ်။ ဇာတ်လမ်းအညွှန်း လူသတ်မှုစုံထောက် Jang Do-young (Kwon Sang-woo) ဟာ ဥပဒေထက် လက်သီးကို အရင်သုံးတတ်တဲ့ စိတ်မြန်လက်မြန်သမားဖြစ်ပြီး၊ အမှုစစ် Oh Jin-woo (Yoo Ji-tae) ကတော့ ဥပဒေဘောင်အတွင်းက သက်သေအထောက်အထားကိုပဲ အလေးထားတဲ့ စာအုပ်ကြီးသမား ဖြစ်ပါတယ်။ သူတို့နှစ်ယောက်စလုံးမှာ တူညီတဲ့ပစ်မှတ်တစ်ခုရှိပါတယ်။ အဲဒါကတော့ ထောင်ကလွတ်လာပြီး အာဏာရှိနိုင်ငံရေးသမားတွေနဲ့ပေါင်းကာ လွှတ်တော်အမတ်ဖြစ်ဖို့ ကြိုးစားနေတဲ့ မာဖီးယားဂိုဏ်းချုပ်ကြီး Yoo Kang-jin ပဲ ဖြစ်ပါတယ်။ စုံထောက် Do-young ရဲ့ ညီလေးဟာ ဒီဂိုဏ်းချုပ်ကြီးရဲ့လူတွေကြောင့် အသတ်ခံလိုက်ရသလို၊ အမှုစစ် Jin-woo ကလည်း ဒီဂိုဏ်းချုပ်ကြီးကို ဥပဒေနဲ့အညီ ထောင်ချချင်နေတာကြောင့် သူတို့နှစ်ယောက်ဟာ မဟာမိတ်ဖွဲ့ပြီး အမှုလိုက်ကြပါတော့တယ်။ ဒါပေမဲ့ သူတို့ ရင်ဆိုင်နေရတဲ့ ရန်သူက အဆက်အသွယ် တောင့်တင်းလွန်းတာကြောင့် ဥပဒေက သူတို့ကို အကာအကွယ် မပေးနိုင်တဲ့အပြင် သူတို့ကိုယ်တိုင်ပါ ထောင်ချောက်ထဲ ဆွဲသွင်းခံရတဲ့အထိ အကျပ်ရိုက်လာပါတယ်။ စနစ်ဆိုးကြီးရဲ့ ဖိနှိပ်မှုတွေကြားမှာ သူတို့နှစ်ယောက် တရားဥပဒေလမ်းကြောင်းအတိုင်းပဲ ဆက်သွားမလား၊ ဒါမှမဟုတ် တရားမျှတမှုအတွက် သူတို့ကိုယ်တိုင်ပဲ သားရဲတစ်ကောင်လို အကြမ်းဖက်ပြီး ပြန်လည်တုံ့ပြန်မလားဆိုတာကို မင်းသားကြီး Kwon Sang-woo နဲ့ Yoo Ji-tae တို့ရဲ့ အပေးအယူမျှမျှ၊ ရင်တလှပ်လှပ် အက်ရှင်ခန်းတွေနဲ့ စိတ်လှုပ်ရှားဖွယ် ကြည့်ရှုရမှာ ဖြစ်ပါတယ်။ File Size - 1.9 GB/ 843 MB Quality - NF WEB-DL 1080p/ 720p Duration - 2h 24m Format - mp4 Genre - Action, Crime, Thriller Subtitle - Myanmar Subtitle (Hard Sub)

Spring, Summer, Fall, Winter... and Spring (2003) IMDb Rating - 8.0/10 ဒီနေ့မှာ ဒီနှစ်မှာ ဒီဘ၀မှာ ကြုံရတဲ့ဒုက္ခဝေဒနာသံသရာလို့ ခင်ဗျားတို့ခေါ်ကြတဲ့ ထပ်ဖန်တလဲလဲဖြစ်ပျက်တဲ့ သဘောတရားအတိုင်း ဖြစ်ပျက်နေမယ်ဆိုရင် ဒီဒုက္ခတွေဟာ ရင်ဆိုင်နိုင်စရာရှိပါ့မလား။ နွေကန္တာဦးကိုဖြတ်သန်းပြီးတဲ့အခါ ဂိမာနနွေဂိမာနနွေကိုကျော်လွန်သွားတဲ့အခါ ရွက်ကြွေဆောင်းဦး ဆောင်းဦးကိုကျော်လွန်သွားတဲ့အခါ ဟေမန္တဆောင်းပျော်ရွှင်ခြင်း ၀မ်းနည်းခြင်း ဒွန်တွဲလို့ ဒီအရာတွေအားလုံးကို ကျော်လွန်ပြီးသွားတဲ့အခါ နွေကန္တာဦးဟာ ပြန်မွေးဖွားလာပြန်တယ်။ အဆုံးမသတ်တတ်တဲ့ သဘောသဘာ၀ရှိပါတဲ့ ဒီသံသရာကြီးမှာ ကျွန်တော်တို့ ခြေလှမ်းတွေနဲ့ထပ်ကြပ်မကွာ အပြစ်၀န်တွေဟာ လေးလံလှစွာ ပါလာတယ်။ နွေဦးပြ‌ီးတော့နွေ နွေပြီးတော့ဆောင်းဦ; ဆောင်းဦးပြီးတော့ဆောင်း ဆောင်းပြီးတော့နွေ အားလုံးဟာ ဒီအပြစ်၀န်တွေကို သယ်ကာပိုးကာနဲ့ ရှေ့ဆက်ကြရဦးမယ်။ ကဗျာဟောင်းကလေးထဲကလိုဆိုရရင် မာယာတွေရစ်သိုင်းထားတဲ့ လောကဓံတရားရဲ့အောက်မှာ ဘယ်လူသားကမှတော့ ဒဏ်ရာနဲ့ မကင်းခဲ့ပါဘူး။ ကျွန်တော်တို့သယ်ပိုးထားရတဲ့ ဒဏ်ရာတွေကို လွှတ်ချဖို့ အဖြေက အချိန်ပါပဲ။ အချိန်ဟာ အရာအားလုံးရဲ့ အဖြေပါပဲ။ ဒီအရာတွေ ဘယ်အချိန်မှာရပ်သွားမလဲ ဒီရင်ထဲမှာချည်နှောင်ထားတဲ့အပြစ်၀န်တွေကို ဘယ်လိုဖြေချရမလဲ ဆိုတဲ့အဖြေကတော့ ကိုယ်တိုင်ရဲ့ ရင်ထဲမှာပဲရှာရမယ်။ အဖြေမရှာနိုင်‌သေးသမျှတော့ နွေကန္တာဦးကိုဖြတ်သန်းပြီးတဲ့အခါ ဂိမာနနွေ ဂိမာနနွေကိုကျော်လွန်သွားတဲ့အခါ ရွက်ကြွေဆောင်းဦး ဆောင်းဦးကိုကျော်လွန်သွားတဲ့အခါ ဟေမန္တဆောင်း ဟေမန်ဆောင်းပြီး ထပ်ကျော့နွေကန္တာအဆက်ဆက်ကို အားလုံးဟာ ဖြတ်သန်းကြရဦးမယ်။ ဒီရုပ်ရှင်ဟာ စကားအနည်းဆုံးရုပ်ရှင်ပါပဲ။ စကားလုံး ၁၀၀လောက်ပဲပြောသွားတယ်။ တောင်ကိုရီးယား Arthouse ဒါရိုက်တာတစ်ယောက်ဖြစ်တဲ့ Kim Ki Dukရဲ့ ရုပ်ရှင်တွေအများကြီး မကြည့်ဖူးပေမယ့် ဒီတစ်ကားနဲ့တင် သူ့အရည်အချင်းကို အသိအမှတ်ပြုလို့ ရတယ်။ ။ ဒီရုပ်ရှင်မှာ ခင်ဗျားခံစားမှုတစ်စုံတစ်ရာရှာမတွေ့တာ မျိုးလည်းဖြစ်နိုင်တယ်။ဒါပေမယ့် စိတ်ရဲ့ ငြိမ်းချမ်းမှု ပျောက်ဆုံးနေတဲ့အခါမျိူးမှာ ခင်ဗျားဒီရုပ်ရှင်ကို ခံစားကြည့်မယ်ဆိုရင် ငြိမ်းချမ်းမှုတစ်ခုကို ခင်ဗျားပြန်ရှာတွေ့မှာကိုတော့ ကျွန်တော် လုံး၀ အာမခံနိုင်တယ်။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ WiRa Aung ပဲဖြစ်ပါတယ်။) Quality –  1080p, 720p BluRay Duration - 1h 43min Subtitle – Myanmar Hardsub Format – Mp4 Genre : Drama, Romance Source : 1080p.BluRay Translator – WiRa Aung Encoder – SWM

The Coast Guard (2002) ဒီတစ်ခါပရိသတ်ကြီးကို တင်ဆက်ပေးမှာကတော့ ၂၀၀၂ ခုနှစ်က ထွက်ထားတဲ့ ကိုရီးယားစစ်အက်ရှင်ကားလေးပဲ‌ဖြစ်ပါတယ်။ IMDb 6.5/10 ရထားပြီး ဆု ၃ ဆုရရှိထားသလို စံကာတင်စာရင်း တစ်ကြိမ်ဝင်ထားတဲ့ ကားလေးမို့ မခေဘူးလို့ပြောလို့ရတဲ့ကားလေးလည်းဖြစ်ပါတယ်။ ဒါ့အပြင် နာမည်ကြီးဒါရိုက်တာရင် မင်းသားပါ ပါဝင်ထားတာမို့ သရုပ်ဆောင်ပိုင်းကလည်း ပြောစရာမလိုပါဘူး။ အမြင်မသင့်တော်တဲ့ဇာတ်ကွက်နဲ့ အသုံးအနှုန်း‌တွေပါတာမို့ အသက်မပြည့်သေးတဲ့သူနဲ့ နှလုံးရောဂါရှိသူတွေ မကြည့်ဖို့တော့ ကြိုအကြံပေးပါရစေ။ ဒါဆို Plot ပိုင်းကိုသွားပါမယ်။ Plot ကတော့ တောင်ကိုရီးယားရဲ့ ကမ်းရိုးတန်းက ကမ်းခြေစောင့်တပ်ဖွဲ့မှာ သူလျှိုဖမ်းဖို့ အရူးအမူးဖြစ်နေတဲ့ တပ်သားတစ်ယောက်ရှိပါတယ်။ နေ့နေ့ညည သူလျှိုချင်းထပ် ထိုင်အော်နေရာက တစ်ညမှာတော့ တားမြစ်နယ်မြေထဲကိုမှ အမူးလွန်ပြီး အာဝါဟာကျတဲ့အတွဲရောက်လာပါရော။ ဖြစ်ချင်တော့ ဒီကမဲမဲမြင်ရာပစ်ချင်နေတဲ့ကောင်နဲ့လည်းတိုးရော ယောက်ျားလေးဖြစ်သူမှာ အာဝါဟပြီးစတင် သေနတ်စာမိပါလေရော။ ဒါကို စိမ်းစိမ်းကြီးမြင်ထားရတဲ့ သူ့ကောင်မလေးမှာလည်း ဟက်ကော့ကြီးရူး။ ပစ်လိုက်တဲ့ကိုယ်တွေကောင်ကြီးဆိုတာလည်း သေနတ်အရသာမိပြီး ထရာမာရ။ ဒါ့အပြင်မိန်းမကလည်းပစ် ဂေါက်သွားတော့ တပ်ကလည်းထုတ်နဲ့ ပဋာကိုမြေလူးပါလေရော။ ဒါပေမယ့် ဇာတ်လမ်းကခုမှစမှာ ရူးသာရူးတယ် တပ်ရင်းတစ်ခုလုံးကို နာမည်လေးတစ်လုံးနဲ့သုံးပြီး ပတ်အာဝါဟဝိဝါဟပြီး အစ်ကိုနဲ့ရန်တိုက်ပေးတဲ့ အရူးမနဲ့ တပ်ကိုပြန်ဝင်ဖို့လုပ်ရင်း လက်မခံလို့ သေနတ်ခိုးပြီး ကိုယ့်တပ်စုကလူ ကိုယိပြန်သတ်တဲ့အရူး၊ အရူးနှစ်ကောင် ရွှေဉာဏ်တော်စူးရောက်ချက်တွေကို သေနတ်သံမဆဲကြည့်ရမှာပဲဖြစ်ပါတယ်။ File size…    3.2 GB /  1.2 GB Quality… BluRay 1080p / 720p Format… mp4 Duration…. 1h 31m Genre ..... War/Drama Subtitle…. Myanmar Subtitle (Hard Sub) Encoder…. Thit San Khant Translated by Aditi