Christopher Hart ပါဝင်သော ဇာတ်ကားများ

အန်တွန်ဟာ တစ်နေ့တစ်နေ့ စားသောက်၊ တီဗီကြည့်၊ ဆေးရှူ၊ အာသာဖြေရင်းပဲ အချိန်ကုန်နေတဲ့ လူငယ်တစ်ယောက်ပါ။ ပျင်းလည်း အတော်ပျင်းပြီး ဆေးရှူဖော် သူငယ်ချင်းနှစ်ယောက်ဖြစ်တဲ့ မစ်ခ်နဲ့ ပနက်ဘ်ကလွဲလို့ အပေါင်းအသင်းလည်း သိပ်မရှိဘူး။ မော်လီဆိုတဲ့ မိန်းကလေးတစ်ယောက်ကိုတော့ ကြိတ်သဘောကျနေပါတယ်။ ဒီလိုနေလာတဲ့ အန်တွန်ရဲ့ လက်တစ်ဖက်ကို နတ်ဆိုးဝင်ပူးသွားတဲ့အခါ သူ့ဘဝက ကမောက်ကမဖြစ်လာတယ်။ တစ်ကိုယ်လုံးကို ပူးတာမဟုတ်ဘဲ လက်တစ်ဖက်တည်းက ကိုယ်ပိုင်အသိစိတ်ရှိသလို သွေးဆာတဲ့လုပ်ရပ်တွေ ဆက်တိုက်လုပ်လာတာပါ။ အမြဲအပျင်းထူနေတဲ့ အန်တွန်လည်း ဒီတစ်ခါတော့ ငြိမ်ငြိမ်နေလို့မရတော့ဘဲ ကိုယ့်လက်ကိုယ် ပြန်ရင်ဆိုင်ရပါတော့တယ်။ ၁၉၉၉ ခုနှစ်က ထွက်ရှိခဲ့ပြီး Jessica Alba ပါဝင်သရုပ်ဆောင်ထားတဲ့ ဒီဇာတ်ကားက သရဲခြောက်စရာတွေကို ဟာသနဲ့ ရောစပ်ထားပါတယ်။ အဖော်အချွတ်အခန်းတွေလည်း ပါဝင်ပါတယ်။

Gomez နဲ့ Morticia တို့မှာ ကလေးတစ်ယောက် ထပ်ရလာတဲ့အခါ Wednesday နဲ့ Pugsley တို့က မောင်ငယ်လေးကို သတ်ဖို့ ကြံကြပါတယ်။ ဒါပေမဲ့ သူတို့အကြံ မအောင်မြင်ဘဲ မိဘနှစ်ပါးရဲ့ ဆူပူတာကိုပဲ ခံလိုက်ရတယ်။ နောက်တော့ ကလေးကို ထိန်းပေးဖို့ Addams မိသားစုက Debbie ဆိုတဲ့ ကလေးထိန်းတစ်ယောက်ကို ငှားလိုက်ပါတယ်။ သူတို့မသိထားတာက Debbie ဟာ သူဌေးတွေနဲ့ လက်ထပ်ပြီး အမွေရဖို့ ခင်ပွန်းတွေကို သတ်တတ်တဲ့ ကွင်းဆက်လူသတ်သမား ဖြစ်နေတာပါ။ ဒီတစ်ခါ သူ့ပစ်မှတ်က Uncle Fester ဖြစ်လာတယ်။ အကင်းပါးတဲ့ Wednesday ကတော့ Debbie ကို မသင်္ကာစပြုလာပါပြီ။ ကိုယ့်မောင်လေးကို ကိုယ်ကလွဲလို့ ဘယ်သူမှ မနှိပ်စက်ရဘူးဆိုတဲ့ Wednesday တစ်ယောက် ဒီအန္တရာယ်ကနေ မိသားစုကို ဘယ်လိုကာကွယ်မလဲဆိုတာ ဆက်ကြည့်ရမှာပါ။ Addams မိသားစုဟာ ပတ်ဝန်းကျင်က လက်ခံထားတဲ့ ကျင့်ဝတ်တွေ၊ စံနှုန်းတွေနဲ့ အတော်ကွာခြားတဲ့သူတွေပါ။ ဟန်မဆောင်ဘဲ ယုတ်မာတတ်ကြသလို သဘောရိုးနဲ့လည်း တစ်ဖက်သားကို ခြေထိုးခံတတ်ကြတယ်။ အပြင်လူတွေက သူတို့ကို နားမလည်နိုင်ပေမဲ့ သဘောချင်းတူတဲ့ အမျိုးအဆွေတွေကြားမှာတော့ ချစ်ခင်လေးစားခံရတဲ့ မိသားစုဖြစ်ပါတယ်။ ဒီဇာတ်ကောင်တွေကို ၂၀ ရာစု အမေရိကန်မိသားစုတွေရဲ့ စံအတွေးအမြင်တွေကို သရော်ဖို့ ဖန်တီးခဲ့တာပါ။ အမေရိကန်ကာတွန်းဆရာ Charles Addams ဖန်တီးခဲ့တဲ့ ဒီမိသားစုကို The New Yorker မဂ္ဂဇင်းမှာ ၁၉၃၈ ခုနှစ်ကတည်းက စတင်ဖော်ပြခဲ့ပြီး Tom & Jerry ထက် နှစ်နှစ်စော ပေါ်လာခဲ့ပါတယ်။ ၁၉၆၄ ခုနှစ် The Addams Family တီဗီစီးရီးမှာမှ ဇာတ်ကောင်တွေကို နာမည်ပေးခဲ့တာဖြစ်ပြီး အဲဒီကနေ စီးရီးနဲ့ ရုပ်ရှင်တွေ ဆက်ထွက်လာခဲ့တယ်။ ၁၉၉၁ ကနေ ၁၉၉၉ အတွင်း ရုပ်ရှင်သုံးကား၊ ၂၀၁၉ နဲ့ ၂၀၂၁ မှာ အန်နီမေးရှင်းနှစ်ကား ထွက်ခဲ့ပြီး ၂၀၂၂ မှာတော့ တင်ဘာတန်ရဲ့ Wednesday ထွက်လာခဲ့ပါတယ်။ ဗီဒီယိုဂိမ်းတွေ၊ ပညာရပ်ဆိုင်ရာစာအုပ်တွေအထိ ရောက်ရှိလာတဲ့ Addams မိသားစုဟာ အမေရိကန်ကာတွန်း၊ ရုပ်ရှင်နဲ့ ရုပ်သံလောကမှာလည်း လွှမ်းမိုးမှုရှိခဲ့ပါတယ်။

အက်ဒမ်စ်မိသားစုက သာမန်လူတွေ လက်ခံထားတဲ့ ကျင့်ဝတ်တွေ၊ အတွေးအမြင်တွေနဲ့ လွဲနေတဲ့သူတွေပါ။ သူတို့အတွက် သဘောရိုးနဲ့ လုပ်လိုက်တဲ့ကိစ္စက တခြားလူအတွက်တော့ ခြေထိုးခံရသလို ဖြစ်နေတတ်တယ်။ ပတ်ဝန်းကျင်က နားမလည်နိုင်တဲ့အကြည့်တွေနဲ့ ကြည့်ကြပေမယ့် သဘောချင်းတူတဲ့ အမျိုးအဆွေတွေကြားမှာတော့ ချစ်ခင်လေးစားခံရပြီး ကိုယ့်နည်းကိုယ့်ဟန်နဲ့ ပျော်ပျော်ရွှင်ရွှင် နေကြပါတယ်။ ဒါပေမဲ့ နှစ်စဉ်ကျင်းပတဲ့ ဝိညာဉ်ခေါ်ပွဲညမှာတော့ ဒီမိသားစုလည်း စိတ်မချမ်းသာကြဘူး။ မိသားစုဦးစီး ဂိုမက်ဇ်ရဲ့အစ်ကို ဖက်စတာဟာ အိမ်ကထွက်သွားပြီးနောက် ပျောက်ဆုံးနေခဲ့တာကြောင့် အားလုံးက သေဆုံးသွားပြီလို့ ယူဆထားကြတယ်။ သူ့ဝိညာဉ်ကို ပြန်ခေါ်ဖို့ ၂၄ နှစ်တိုင် ကြိုးစားခဲ့ပေမယ့် ဘာမှမထူးခြားခဲ့ပါဘူး။ ၂၅ နှစ်မြောက်ညမှာတော့ ဖက်စတာဆိုသူက ဝိညာဉ်အဖြစ်မဟုတ်ဘဲ လူအကောင်အထည်နဲ့ ပြန်ရောက်လာလို့ အားလုံး အံ့သြဝမ်းသာသွားကြပါတယ်။ မျှော်နေရတဲ့အစ်ကို ပြန်လာပေမယ့် မသင်္ကာစရာတွေ ဆက်တိုက်ကြုံလာရတဲ့အခါ ဂိုမက်ဇ်က ဒီလူဟာ ဖက်စတာအစစ် ဟုတ်ရဲ့လားလို့ သံသယဝင်လာတယ်။ ဖက်စတာအဖြစ် ဟန်ဆောင်ပြီး အက်ဒမ်စ်မိသားစုကို လှည့်ဖျားဖို့ ကြံနေတဲ့ ဂေါ်ဒွန်ကိုယ်တိုင်လည်း သူ့မိသားစုအစစ်က ဘယ်သူတွေလဲဆိုတာ တဖြည်းဖြည်း ဝေခွဲမရ ဖြစ်လာပါတယ်။ ဒီမိသားစုဇာတ်ကောင်တွေကို အမေရိကန်ကာတွန်းဆရာ Charles Addams က ဖန်တီးခဲ့ပြီး ၁၉၃၈ ခုနှစ်ကတည်းက The New Yorker မဂ္ဂဇင်းမှာ ဖော်ပြခဲ့တာပါ။ Tom & Jerry ထက် နှစ်နှစ်စောပြီး ပေါ်လာခဲ့တဲ့ ဇာတ်ကောင်တွေဖြစ်သလို ၂၀ ရာစု အမေရိကန်မိသားစုတွေရဲ့ စံအတွေးအမြင်တွေကို သရော်ထားတာလည်း ဖြစ်ပါတယ်။ ၁၉၆၄ ခုနှစ်မှာ The Addams Family ရုပ်သံဇာတ်လမ်းတွဲအဖြစ် စတင်ရိုက်ကူးခဲ့ပြီး အဲဒီအချိန်မှ ဇာတ်ကောင်တွေကို နာမည်ပေးခဲ့တာပါ။ အဲဒီနောက် ရုပ်သံဇာတ်လမ်းတွဲ ခုနစ်ခု၊ ၁၉၉၁ ကနေ ၁၉၉၉ အတွင်း ရုပ်ရှင်သုံးကား၊ ၂၀၁၉ နဲ့ ၂၀၂၁ မှာ အန်နီမေးရှင်းနှစ်ကားအဖြစ် ဆက်လက်ထွက်ရှိခဲ့ပြီး ၂၀၂၂ မှာတော့ တင်ဘာတန်ရဲ့ Wednesday ထွက်လာခဲ့ပါတယ်။ အက်ဒမ်စ်မိသားစုဟာ လူသိများတဲ့ ယဉ်ကျေးမှုအစိတ်အပိုင်းတစ်ခု ဖြစ်လာပြီး ဗီဒီယိုဂိမ်းတွေနဲ့ ပညာရပ်ဆိုင်ရာစာအုပ်တွေအထိ ရှိလာခဲ့သလို အမေရိကန်ကာတွန်း၊ ရုပ်ရှင်နဲ့ ရုပ်သံလောကအပေါ်လည်း လွှမ်းမိုးမှုရှိခဲ့ပါတယ်။