Christopher Jackson ပါဝင်သော ဇာတ်ကားများ

The Sun Never Sets [2026] +++++++++++++ ဒီဇာတ်ကားလေးကတော့ ကမ္ဘာပေါ်မှာ ဘယ်တော့မှ နေမဝင်တဲ့ အလက်စကာမြို့လေးက ချစ်သူနှစ်ဦးရဲ့ အချစ်ခရီးလမ်းမှာ ကြုံတွေ့ရနိုင်တဲ့ အခက်အခဲတွေနဲ့ စမ်းသပ်မှုကို ဆွတ်ပျံ့ကြည်နူးဖွယ်ရာ ရိုက်ကူးတင်ဆက်ထားတာ ဖြစ်ပါတယ်။ ဇာတ်လမ်းအကျဉ်းတော့ ဝင်ဒီ ဆိုတဲ့ကောင်မလေးဟာ ကလေးနှစ်ယောက်အဖေ အိမ်ထောင်ကွဲအမျိုးသားတစ်ဦးဖြစ်တဲ့ ဂျက်ခ်နဲ့ တွဲနေတာ ၂ နှစ် ရှိခဲ့ပါပြီ။ သူမဟာ ဘဝအခက်အခဲတွေကြောင့် သူမကိုယ်သူမ ပျောက်ဆုံးနေပြီး သူများတွေကို အလိုလိုက် အကြိုက်ဆောင်ကာ သူမ ဘာလိုချင်လို့ လိုချင်မှန်း မသိတာ ကြာခဲ့ပါပြီ။ ဒါကြောင့် ဂျက်ခ်ဟာ သူနဲ့ သူ့ကလေးတွေအတွက် သူမရဲ့ ဘဝကို မပုံအပ်လိုက်ခင်၊ ပုံအပ်ပြီး နှစ်တွေကြာမှ သူမ ဖြစ်ချင်တာကို အသိနောက်ကျပြီး လုပ်ခွင့်မရဘဲ နာကျည်းတာမျိုး မဖြစ်စေချင်တဲ့အတွက် ဝင်ဒီကို အပြင်ထွက်၊ တခြားလူတွေနဲ့ ချိန်းတွေ့တာမျိုး၊ အသစ်အဆန်းတွေကို စမ်းသပ်ကြည့်တာမျိုး လုပ်ဖို့ တွန်းအားပေးခဲ့ပါတယ်။ ဝင်ဒီအနေနဲ့ အဲဒီလိုလုပ်ကြည့်ပြီး ဂျက်ခ်နဲ့ သူ့ကလေးတွေနဲ့အတူ သူမဘဝကို တကယ်ကုန်ဆုံးချင်တယ်ဆိုတာ သေချာရင် ပြန်လာခဲ့ဖို့ ဂျက်ခ်က မှာထားခဲ့ပါတယ်။ ဒီလိုနဲ့ ဖြစ်ချင်တော့ ဝင်ဒီတစ်ယောက် သူမဘဝကို ဂျက်ခ်ပြောသလို နေထိုင်ကြည့်ဖို့ ဆုံးဖြတ်လိုက်ကာမှ သူမရဲ့ ရည်စားဟောင်း ချပ်ခ်ကို ဒီမြို့ကို သူမဆီကို ပြန်ရောက်လာခဲ့ပါတယ်။ ဒီတော့ ဝင်ဒီအနေနဲ့ ရည်းစားဟောင်းကိုပဲ စိတ်ပြန်လည်သွားမလား၊ ဂျက်ခ်ကို တကယ်ချစ်တာလားဆိုတာကို သူမအနေနဲ့ အဖြေရှာရမှာ ဖြစ်ပြီး စိတ်ဝင်စားဖွယ်ရာ ကြည့်ရှုရမှာဖြစ်ပါတယ်။ File Size… (1.90GB) / (907MB) Quality… WEB-DL 1080p HEVC / 720p Format…mkv / mp4 Duration…1h 42m Genre …Drama , Romance Subtitle….Myanmar Subtitle (Hard Sub)

လူဦးရေတိုးပွားမှုနဲ့ ရာသီဥတုဖောက်ပြန်မှုတွေကြားမှာ လူသားတွေက နေထိုင်လို့ရမယ့် တခြားဂြိုဟ်တစ်ခုကို ရှာဖွေနေကြဆဲပါ။ အဲလက်စ်ကတော့ မားစ်ကို သွားဖို့ အစီအစဉ်ချထားပြီးသား ဖြစ်နေတယ်။ ဒါပေမယ့် ဒီခရီးက ပြန်လမ်းမရှိတဲ့ခရီး ဖြစ်နေတာကြောင့် မိသားစုနဲ့ ညှိနှိုင်းတဲ့အခါ အဆင်မပြေမှုတွေ ပေါ်လာပါတယ်။ အဖေက သူ့ပန်းစိုက်ခင်းကို အဲလက်စ် လက်လွှဲယူစေချင်ပေမယ့် သားကလည်း ကိုယ်လုပ်ချင်တာကို ဖြစ်အောင်လုပ်တတ်သူပါ။ ကမ္ဘာပေါ်မှာ ရှာဖွေစရာ အသစ်အဆန်းတွေ မကုန်သေးဘဲ အဲလက်စ်က ဘာကြောင့် အပြီးထွက်သွားချင်နေတာလဲ။ မိသားစုရဲ့ ဆန္ဒနဲ့ သူရွေးထားတဲ့ခရီးကြားမှာ အဲလက်စ် ဘယ်လိုဆုံးဖြတ်မလဲဆိုတာ ဆက်တွေ့ရမှာပါ။

Vivo(2021) အညွှန်း IMDb...7.0 တေးဂီတကို ချစ်မြတ်နိုးတဲ့ ဗီဗိုလေးဟာ တစ်နေ့တစ်နေ့ သူ့သခင်နဲ့အတူ လမ်းပေါ်မှာဖျော်ဖြေရင်းနဲ့ နေ့စဉ်အချိန်တွေကို ကုန်မှန်းမသိ ကုန်ဆုံးခဲ့ကြတယ်... ဗီဗိုလေးအတွက်ပျော်ရတယ်ဆိုပေမဲ့ သူ့သခင်မှာတော့ နာကျင်ကြေကွဲစရာအတိတ်လေးရှိခဲ့ရှာတယ်.. သိပ်ချစ်တဲ့ကောင်မလေးတစ်ယောက်ကို အကြောင်းကြောင်းကြောင့် ချစ်ခွင့်မပန်ခဲ့ရလို့ ဝေးကွာနေတာပေါ့... သခင်ဖြစ်သူမှာ ဒီကောင်မလေးကိုဘယ်လောက်ချစ်ကြောင်းရေးဖွဲ့ထားတဲ့သီချင်းလေးရှိမှန်းလည်းသိရော ဆရာတပည့်(၂)ယောက် မိုင်ယာမီမှာရှိတဲ့ ကောင်မလေးဆီကို သွားဆိုပြဖို့ ခရီးထွက်ဖို့စိုင်းပြင်ကြပါတော့တယ်... အဲ့ဒီနောက်မှာတော့ မမျှော်လင့်ထားတဲ့ကိစ္စတွေ ဆက်တိုက်ဖြစ်လာပါတော့တယ်... ဒီAnimation လေးဟာ Sony ကထုတ်လုပ်ထားတာမို့ ရိုက်ချက်တွေ အတော်လေးလှပါတယ်... ပြီးတော့  သာယာဖွယ် သီချင်းလေးတွေ တစ်ဝကြီးနားထောင်ရမှာဖြစ်သလို ဇာတ်လမ်းလေးကလည်းကောင်းလှပါတယ်... ဒီကာလကြီးမှာ စိတ်အပန်းပြေဖို့ အသင့်တော်ဆုံးဇာတ်ကားလေးဆိုရင်တော့ လွန်မယ်မထင်ပါဘူး.. File Size :(1.9GB)(900 MB) and (380 MB) Quality :WEB-DL1080P5.1CH, 720p,480P Format…mp4 Duration…01:35:00 Genre : Animation , Adventure , Comedy Subtitle : Myanmar Subtitle (Hard Sub) Translated by Thar Htet & Zwe Zan Aung Encoded by Phyo Pyae

စပိုက်ဒါမန်းနိုးဝေးဟုမ်းမှာ မပါပါဘူးဆိုတဲ့ လူလိင်ကြီး အန်ဒရုး ဂါဖီးရဲ့ Musical ရုပ်ရှင်အသစ်ထွက်ပါပြီ။ တိုနီဆုရှင် ပူလစ်ဇာဆုရှင် အမေရိကန် တေးရေးဆရာ ဂျိုနသန်လာဆန်ရဲ့ အကြောင်း ဖြစ်ရပ်မှန်ကို ရိုက်ကူး ထားတာဖြစ်ပါတယ်။ အန်ဒရူးရဲ့ အော်စကာနဲ့တောင်တန်တဲ့ သရုပ်ဆောင်ချက်တွေကို ထပ်ပြီးတွေ့ရဦးမှာပါပဲ။ ဇာတ်လမ်းအကျဉ်း ဂျိုနသန်ဟာ အသက်သုံးဆယ်ပြည့်တော့မှာဖြစ်ပြီး နာမည်ကျော် ပြဇာတ်ဂီတတေးရေးဆရာဖြစ်ဖို့ ကြိုးစားနေတဲ့ သူတစ်ယောက်ဖြစ်ပါတယ်။ သူ့ဆီမှာ နာမည်ကြီး ပရိုဂျူဆာ ဒါရိုက်တာများစွာရဲ့ ငြင်းပယ်စာတွေလည်း ရှိပြီးနေပါပြီ။ သူ ရှစ်နှစ်တိတိအချိန်ယူရေးသားထားတဲ့ ပြဇာတ်သီချင်းနဲ့ ဘရော့ဝေးပြဇာတ်ရုံမှာ ဖျော်ဖြေခွင့်ရဖို့ ကြိုးစားနေဆဲပါပဲ။ ဒါပေမဲ့ သူ့မှာ မီတာခ နဲ့ စားစရာတောင် အနိုင်နိုင်ဖြစ်နေပါပြီ။ ချမ်းသာတာဆိုလို့ သူငယ်ချင်းကောင်းတစ်ယောက်နဲ့ ချစ်သူတစ်ယောက်ပဲ ကျန်ပါတော့တယ်။ ဒီလိုအခြေအနေကနေ သူ့အိပ်မက်တွေကို မလျှော့တမ်းဘယ်လိုကြိုးစားသွားမလဲ ဆိုတာကို သီချင်းလှလှ သရုပ်ဆောင်ချက်ကောင်းကောင်းတွေနဲ့ တန်ဆာဆင်ထားတာပဲဖြစ်ပါတယ်။ ဒီနှစ်အတွက် Musical ကောင်းကောင်းလေး ငတ်နေတဲ့လူတွေတော့ အဝကို ခံစားကြည့်ရှုလို့ရပါပြီ။ (ဒီဇာတ်လမ်းရဲ့ အညွှန်းကို Mr.Anderson မှရေးသားပေးပြီး၊ ဘာသာပြန်ရေးသားပေးသူများကတော့ CM Team မှဖြစ်ပါတယ်။ ) File Size - (1.16 GB ) Quality – WebDL 1080p, 720p Duration - 1hrs 55min Subtitle – Myanmar Hardsub Format – MP4 Genre : Biography, Drama, Musical Translator – CM Team Encoder – San Win Maung

Moana (2016) IMDb Rating (7.6) / Rotten Tomatoes (95 %) Disney ရုပ်ရှင်ထုတ်လုပ်ရေးရဲ့ ၅၆ ခု မြောက် Animation ဇာတ်ကား အဖြစ်ထွက်ရှိခဲ့ပြီး အောင်မြင်ကျော်ကြားလူကြိုက်များခဲ့တဲ့ကာတွန်းကားလေးဖြစ်ပါတယ်။ ဇာတ်လမ်းကတော့... တီဖီတီဟာ ကျွန်းကို စောင့်ရှောက်တဲ့ နတ်သမီးတစ်ပါးဖြစ်ပြီး ကျွန်းတွေ၊ အသက်ဝိညာဉ်တွေစတဲ့ အရာအားလုံးကို ဖန်ဆင်းထားသူဖြစ်ပါတယ်။ တီဖီတီရဲ့ နှလုံးသားဟာ ကျောက်စိမ်းတုံးလေးတစ်ခုအနေနဲ့ရှိပြီး အသက် ဝိညာဉ်တွေ ဖန်ဆင်းရာမှာ အသုံးပြုနိုင်ပါတယ်။ အဲဒါကို လူသား နတ်ဘုရားဖြစ်တဲ့ မာဝီ က သူ့ရဲ့ စွမ်းအားတွေ၊ ဝိညာဉ်တွေ မြှင့်တင်ဖို့နဲ့ မှော်ငါးမျှားချိတ်ကြီး ဖန်တီးဖို့အသုံးပြုခဲ့ပြီး မီးတောင် ချော်ရည်မိစ္ဆာကောင်ကြီး တီခါနဲ့ ကြုံရပြီးတဲ့နောက် တီဖီတီရဲ့ နှလုံးသားရော၊ မှော်ငါးမျှားချိတ်ကြီးရော သမုဒ္ဒရာထဲမှာ ပျောက်ဆုံးသွားခဲ့ပါတယ်။ ဒီအဖြစ်အပျက်တွေက ထောင်စုနှစ်တစ်ခုကြာခဲ့ပြီဖြစ်ပြီး လက်ရှိကာလမှာတော့ တီဖီတီ ဖန်ဆင်းထားတဲ့ မိုတန်နူဝီ ကျွန်းသူကြီး တွီရဲ့ အမေ တာလာဟာ သူ့မြေး မိုအာနာ အပါအဝင် ကျွန်းပေါ်က ကလေးတွေကို ကျွန်းနဲ့ပတ်သက်တဲ့ ဒဏ္ဍာရီတွေ ဒီအကြောင်းတွေကို ပုံပြင်အဖြစ်ပြောပြလေ့ရှိပါတယ်။ တီဖီတီရဲ့ နှလုံးသားဖြစ်တဲ့ ကျောက်စိမ်းတုံးလေး ပျောက်ဆုံးနေတဲ့အတွက် ကျွန်းမှာ အန္တရာယ်တွေကျရောက်နိုင်တယ်လို့ တာလာက မကြာခဏ သတိပေးခဲ့ပါတယ်။ တစ်ရက်မှာ မိုအာနာဟာ ကမ်းတင်နေတဲ့ လိပ်လေးတစ်ကောင်ကို တွေ့ခဲ့ပြီး စင်ရော်တွေဝိုင်းနေတာကြောင့် ရေထဲပြန်မဆင်းရဲ ဖြစ်နေတာကို မိုအာနာကယ်ဆယ်ခဲ့တာကို သမုဒ္ဒရာကြီးက အသိအမှတ်ပြုတဲ့အနေနဲ့ တီဖီတီရဲ့ နှလုံးသားကို ပေးခဲ့ပါတယ်။ မိုအာနာ့လက်ထဲက ကျောက်စိမ်းတုံးကို သူ့အဖေကသိမ်းသွားခဲ့ပါတယ်။ ဒါပေမဲ့လည်း မိုအာနာရဲ့ အဘွားတာလာက ယူခဲ့ပြီး အဲဒီ အရာဟာ ကျွန်းသခင်မတီဖီတီရဲ့ ပျောက်ဆုံးနေတဲ့ နှလုံးသားဖြစ်တယ်လို့မိုအာနာကိုပြောပြခဲ့ပါတယ်။ ဒီ့နောက်တော့ မိုအာနာတို့ကျွန်းမှာ အုန်းပင်တွေပျက်စီး၊ငါးတွေဖမ်း မမိနဲ့ တစ်ကျွန်းလုံး ဒုက္ခရောက်နေတာမို့ ကျွန်းကိုကျော်ပြီး အစာရှာထွက်ဖို့ မိုအာနာစိတ်ကူးခဲ့ပေမယ့် ဒေါသကြီး၊ စည်းကမ်းကြီးတဲ့ သူ့အဖေက လက်မခံခဲ့ပါဘူး။ မျိုးနွယ်တစုလုံးဒုက္ခရောက်နေတဲ့အခါမှာ နောက်ဆုံးတော့ မိုအာနာဟာ သူ့အချစ်တော် ဝက်ပေါက်လေး ပူးဝါးကိုခေါ်ပြီး သူ့အဘွားတာလာ ညွှန်ကြားတဲ့အတိုင်း လူသားနတ်ဘုရားမာဝီကိုရှာဖို့ သမုဒ္ဒရာထဲကို ထွက်သွားခဲ့ပါတော့တယ်။ မိုအားနာတယောက် ခက်ခဲကြမ်းတမ်းတဲ့ပင်လယ်ကြီးကို ကျော်ဖြတ်ပြီး သူမရဲ့ရည်မှန်းချက်တွေ အောင်မြင်သွားမလားဆိုတာ.......။ မိုအာနာအဖြစ် Auli'i Cravalho က သူမရဲ့ အနုပညာဘဝအစအဖြစ် ပါဝင်ခဲ့ပြီး မာဝီအဖြစ် Dwayne Johnson မှ သရုပ်ဆောင်ထားပေးပါတယ်။ File size…(6.4 GB)/ (2.3 GB )/(1.7 GB) Quality….BluRay 4K HEVC/ 1080p HEVC / 720p Format…mkv/mp4 Duration….01:47:00 Subtitle….Myanmar Subtitle (Hardsub) Encoder….Ka Naung Trasnlated by Yoon Shwe Yee Shein

မြန်မာပရိသတ်တွေ ရင်းနှီးပြီးသား မင်းသားတစ်လက်ဖြစ်တဲ့ တေလာလော့တ်နာ အဓိကပါဝင်သရုပ်ဆောင်ထားတဲ့ အမေရိကန်သည်းထိတ်ရင်ဖို အက်ရှင်ဇာတ်ကားသစ်ပါ နယူးယောက်မြို့မှာ စက်ဘီးနဲ့အလုပ်လုပ်တဲ့ ဆက်သားတစ်ဦးဖြစ်တဲ့ ကမ်ဟာတစ်နေ့မှာ မြို့ထဲကို စက်ဘီးစီးသွားတုန်း မတော်တဆ စက်ဘီးလဲရင်း နစ်ကီဆိုတဲ့ မိန်းကလေးနဲ့ ဆုံခဲ့ပါတယ်။ အဲဒီနောက်တော့ နစ်ကီဟာ သူ့အပေါင်းအဖော်တွေနဲ့ ကမ်ကိုမိတ်ဆက်ပေးခဲ့ပြီး နစ်ကီတို့အဖွဲ့ဟာ ဓားပြတိုက်၊ လုယက်မှုတွေလုပ်တဲ့ အဖွဲ့ပဲ ဖြစ်ပါတယ်။ ခုန်ပျံကျော်လွှားရင်း အဖွဲ့လိုက်ဓားပြတိုက်တဲ့ နစ်ကီတို့အဖွဲ့နဲ့ ပူးပေါင်းနိုင်ဖို့အတွက် သူတို့လိုဖြစ်အောင် ကမ်ဟာအခုန်အပျံတွေ လေ့ကျင့်ခဲ့ပါတယ်။ တရုတ်မာဖီးယားဂိုဏ်းနဲ့ အကြွေးမကင်းဖြစ်နေတဲ့ ကမ်က နစ်ကီတို့အဖွဲ့ထဲကို ဝင်ခဲ့ပါတော့တယ်။ ဒီလိုနဲ့ အဖွဲ့တွေအတူတကွ ဓားပြတိုက်ကြရင်း ကမ်နဲ့ နစ်ကီတို့လည်း ချစ်ကြိုးသွယ်ခဲ့သလို အဖွဲ့သား အချင်းချင်း သစ္စာဖောက်မှုတွေရှိလာတဲ့အခါမှာ ဘယ်လိုတွေဆက်ဖြစ်မယ်ဆိုတာ ကြည့်လိုက်ပါဦး။ ဒီဇာတ်လမ်းမှာ ပါကာလို့ခေါ်တဲ့ အခုန်အပျံအားကစားကို အသားပေးပြီး ရိုက်ပြထားတာမို့ ပါကာကို စိတ်ဝင်စားသူတွေ လည်း နှစ်သက်ကြမှာပါ။ ကမ်အဖြစ် တေလာလော့တ်နာ၊ နစ်ကီ အဖြစ် မာရီအက်ဂျရိုပေးလော့စ်တို့က သရုပ်ဆောင်ပေးထားပြီး လော့တ်နာ့ကိုဒီဇာတ်လမ်းထဲမှာ ပုံစံတစ်မျိုးနဲ့ မြင်တွေ့ရမှာ ဖြစ်ပါတယ်။ (7daydaily မှ အညွှန်းကိုဖေါ်ပြပါသည် ) Filesize :651MB Quality :720p Format : mp4 During : 1:34:03 Subtitle : Myanmar Subtitles (Hardsub) Encoder : LK

အန်နာဟာ မိုးသည်းထန်တဲ့ညတညမှာ ကားအက်စီးဒင့်ဖြစ်ခဲ့ပါတယ်။ သူနိုးလာတဲ့အချိန်မှာတော့ သူဟာ အီလီယက်ဒီကန်လို့အမည်ရတဲ့ အလောင်းပြင်ပေးတဲ့လူကြီးနေတဲ့ စံအိမ်ရဲ့ အောက်ထပ်ကိုရောက်ရှိနေတာကို သတိထားမိလိုက်ပါတယ်။ အီလီယက်က အန်နာကို သူ(မ)ရဲ့သေလက်မှတ်ကိုပြလိုက်ပါတယ်။ ဒါပေမဲ့ အန်နာဟာ အသက်ရှူနေသေးပြီး သာမန်လူတယောက်လို လှုပ်ရှားသွားလာလို့ရနေသေးတာကို သတိထားမိလိုက်တဲ့နောက်မှာတော့ အီလီယက်အပေါ် စပြီးသံသယ၀င်လာပါတယ်။ တချိန်တည်းမှာပဲ အန်နာရဲ့ စေ့စပ်ထားတဲ့ခင်ပွန်းဖြစ်သူ ပေါလ်ကိုးလ်မန်းဟာလည်း အန်နာသေဆုံးသွားတာကိုမယုံကြည်ဘဲ အန်နာကို အပူတပြင်းလိုက်ရှာနေပါတယ်။ ဒီလိုနဲ့ အန်နာဟာ တကယ်သေဆုံးသွားခဲ့တာလား အန်နာသေဆုံးသွားတာမှန်ရင်တောင် အီလီယက်ဒီကန်ဆိုတဲ့လူကြီးကရော ဘာလို့ အန်နာနဲ့ စကားပြောနေနိုင်‌တာလဲ အန်နာရဲ့ခင်ပွန်း ပေါလ်ကရော အန်နာကို လိုက်ရှာလို့တွေ့သွားပါ့မလား နောက်ဆုံးမှာ အန်နာက သေဆုံးသွားခဲ့တာလား မသေဆုံးသွားခဲ့ဘူးလား ဒီဖြစ်ရပ်ဆန်းကြယ်ကိစ္စတွေရဲ့ အဖြေကဘာများလဲဆိုတာ စိတ်၀င်စားဖွယ် ရိုက်ကူးတင်ဆက်ထားတာမလို့ ဆက်လက်ကြည့်ရှုလိုက်ကြပါဦး။ File size…(1.3 GB)/(616 MB) Quality….Webrip 1080p / 720p Format…mp4 Duration….01:44:00 Genre...Drama, Horror, Mystery, Thriller Subtitle….Myanmar Subtitle (Hardsub) Encoder….Mr. Anderson Translated by Steven Khant

Officer Carey Mahoney and his cohorts have finally graduated from the Police Academy and are about to hit the streets on their first assignment. Question is, are they ready to do battle with a band of graffiti-tagging terrorists? Time will tell, but don't sell short this cheerful band of doltish boys in blue.

ထူးထူးခြားခြား လေးလေးနက်နက် မဟုတ်ပဲ ဒီတိုင်း အချိန်ပိုနေလို့ အချိန်ဖြုန်းဖို့အပျော် ကြည့်မယ်ဆိုရင် ဒီလို ဇာတ်ကားက ကြည့်သင့်တဲ့ကား တစ်ကားဖြစ်ပါတယ် ဇာတ်လမ်းကတော့ - သာမာန် တွေ့နေကြ ဇာတ်လမ်း ရိုးရိုးလေးပဲ ဖြစ်ပါတယ် ဇာတ်အိမ်ဇာတ်လမ်း ခိုင်ခိုင်မာမာ မရှိပဲ ဒီဇာတ်လမ်းထဲမှာ ကလက်တို့ မိသားစုရဲ့ အားလပ်ရက် အပျော် ခရီးထွက် ရင်း သူတို့ ဘယ်လို အခက်ခဲတွေရှိကြလဲ ဘာတွေ လုပ်ကြလဲဆိုတာကို ဟာသ ကားလေးအနေနဲ့ မြင်တွေ့ရမှာပါ ထူးခြားတဲ့ ဟာသကားမျိုး မဟုတ်တာကြောင့် အချိန်ဖြုန်းပြီး ထိုင်ကြည့် ချင်ရင်တော့ ကြည့်ရှုသင့်တဲ့ ရုပ်ရှင် ကားလေးပဲဖြစ်ပါတယ် File size…    2 GB /  1.2 GB Quality… BluRay 1080p / 720p Format… mp4 Duration…. 1h 40m Genre ..... Comedy/Adventure Subtitle…. Myanmar Subtitle (Hard Sub)