Collin Chou ပါဝင်သော ဇာတ်ကားများ

ခါးပိုက်နှိုက်နှိမ်နင်းရေးတပ်ဖွဲ့က ရဲအရာရှိတစ်ယောက်ဖြစ်တဲ့ ဟော့ထောင်းရဲ့ဇာတ်ကြောင်းပဲဖြစ်ပါတယ်။ဟော့ထောင်းက အထက်လူကြီးတွေပေးတဲ့တာဝန်အရ မြို့ပြငြိမ်းချမ်းရေးကို နှောက်ယှက်နေတဲ့ ခါးပိုက်နှိုက်ဂိုဏ်းကြီးကိုဖြိုခွင်းဖို့အတွက် လျှို့ဝှက်အေးဂျင့်အဖြစ်တာဝန်ယူရပါတယ် ဟော့ထောင်းက ခါးပိုက်နှိုက်တစ်ယောက်လိုကျွမ်းကျင်လာအောင် အပီအပြင်လေ့ကျင့်ခဲ့ရပြီးတော့ ရာဇဝတ်ဂိုဏ်းရဲ့ ယုံကြည်မှုကိုရဖို့အတွက် သူ့ရဲ့နောက်ကြောင်းရာဇဝင်ကိုသေချာဖန်တီးပြင်ဆင်ခဲ့ရပါတယ်။ ခါးပိုက်နှိုက်အချင်းချင်းတောင် မယုံကြည်ကြတဲ့အခြေအနေမှာ ရဲတစ်ယောက်ဘယ်လိုရှင်သန်မလဲဆိုတာ စိတ်ဝင်စားစရာကောင်းလာပါတယ်။သူဟာ ဂိုဏ်းထဲကိုအောင်အောင်မြင်မြင်ဝင်ရောက်နိုင်ပြီးတော့ ဂိုဏ်းရဲ့ထိပ်တန်းခေါင်းဆောင်ကြီးဖြစ်တဲ့ သခင်ကြီးပေ့ဆိုတဲ့သူနဲ့ထိတွေ့ခွင့်ရလာပြီး သခင်ကြီးပေ့နဲ့ဟော့ထောင်းရဲ့ဉာဏ်စမ်းတိုက်ပွဲစတင်ပါတော့တယ် Filesize : 1.20 GB / 687 MB Quality : WEB-DL 1080p HEVC , 720p HEVC Format : mp4 Genres : Action , Crime Runtime : 1h 32 min Subtitle : Myanmar Subtitle ( Hardsub )

ဒီနေ့မှာတော့ CM က ပရိတ်သတ်ကြီးကို ဇာတ်ကားလေးတစ်ကားနဲ့ မိတ်ဆက်ပေးပါရစေ ။ ဒီဇာတ်ကားလေးဟာဆိုရင် ပြည်သူတွေရဲ့ လုံခြုံမှုအတွက် ကိုယ်ကျိုးစွန့်ကာ ကာကွယ်ပေးခဲ့ကြတဲ့ လင်ယန် ဦးဆောင်သော အထူးရဲတပ်ဖွဲ့အကြောင်း ရိုက်ကူးထားတဲ့ ဇာတ်ကားကောင်းလေးပဲဖြစ်ပါတယ်။ ၂၀၀၄ ခုနှစ် တရုတ်နိုင်ငံအတွင်းမှာ ဓားပြတိုက် လုယက်မှုတွေနဲ့အတူ ရက်စက်စွာသတ်ဖြတ်မှုတွေကိုလဲ တွေ့ကြုံနေရပါတယ်။ ဒါပေမဲ့ကျူးလွန်သွားတဲ့တရားခံဟာ ခြေရာခံဖို့ခက်ခဲလွန်းသည့်အတွက်ကြောင့် ဖမ်းဆီးဖို့အတွက် မဖြစ်နိုင်ခဲ့ပါဘူး ။ တစ်နေ့မှာ လင်ယန် ဦးဆောင်တဲ့ အထူးတပ်ဖွဲ့ဟာ တရားခံကို ဖမ်းဆီးနေစဥ်အတွင်း ဖမ်းမိခါနီးလက်မတင်လေးအလိုမှာ လွတ်မြောက်သွားခဲ့တာကြောင့် လင်ယန်တစ်ယောက် ယူကျုံးမရဖြစ်ကာ အပြစ်ရှိသလို ခံစားနေခဲ့ရရှာပါတော့တယ် ။ ဒီလိုနဲ့ ကိုယ့်လက်ထဲကနေလွတ်မြောက်သွားတဲ့ ဒုစရိုက် တရားခံကို ပြန်လည်ဖမ်းဆီးဖို့အတွက် အသစ်တစ်ဖန် အစီအစဥ်ဆွဲကာ အမှုကို လိုက်ခဲ့ရမှာတော့ ....? ❏ တကယ့်တရားခံအစစ်အမှန်ကို သူတို့တွေ့ရှိနိုင်ပါ့မလား ? ❏ သတ်ဖြတ်မှုတွေ လုယက်ခံရသူတွေ အစရှိတဲ့ နစ်နာသူတွေအတွက် တရားမျှတမှူရော သူတို့တွေရှာဖွေပေးနိုင်ပါ့မလား ? ❏ အသက်စွန့်လွှတ် ပေးဆပ်မှုတွေပါ ကြုံလာရာတဲ့အခါမှာတော့ သူတို့အဖွဲ့ဘယ်လိုတွေရင်ဆိုင်ကြမလဲဆိုတာ ? ရင်တထိတ်ထိတ်နဲ့ ကြည့်ရှုလိုက်ရအောင်ပါနော် ။ [Reviewed By Chit Mya Mya Hmwe] Quality : WEB-DL 1080p , 480p Format : mp4 Genres : Action , Crime Runtime : 1h 30 min Subtitle : Myanmar Subtitle ( Hardsub ) Translated by CM Team Encoded by LK

ကြေးစားတပ်ဖွဲ့တစ်ဖွဲ့ဟာ ပြန်ပေးဆွဲခံထားရတဲ့ ဇီဝလက်နက်ပညာရှင် ပါမောက္ခနန်စီကို ကယ်တင်ဖို့ တာဝန်ရလာပါတယ်။ ကယ်တင်ရေးလုပ်နေချိန်မှာ ပြန်ပေးသမားတွေရဲ့ ထောင်ချောက်ထဲ ဝင်မိပြီး အဖွဲ့သားတွေ သေဆုံးသွားကြတယ်။ အဲဒီမြင်ကွင်းကို ကိုယ်တိုင်မြင်ခဲ့ရတဲ့ အဖွဲ့ဝင် ယွီဝေကတော့ သူတို့ကို ဘယ်သူသတ်သွားတာလဲဆိုတဲ့ အရိပ်အယောင်တောင် မတွေ့လိုက်ရဘူး။ ဒီဖြစ်ရပ်ကြောင့် သူ့စိတ်ထဲမှာ နာကြည်းမှုနဲ့ မုန်းတီးမှုတွေကို လွှတ်မချနိုင်ဘဲ ကျန်နေခဲ့ပါတယ်။ တစ်နေ့မှာ ယွီဝေကိုယ်တိုင်လည်း ထူးဆန်းတဲ့ သေနတ်ပစ်ချက်တစ်ချက်ကြောင့် သေဆုံးသွားတယ်။ ဒါပေမယ့် အဲဒီနောက် အပြိုင်ကမ္ဘာတစ်ခုထဲ ရောက်သွားသလိုမျိုး လွန်ခဲ့တဲ့ ၁၀ နှစ်၊ အဖွဲ့သားတွေ သေဆုံးခဲ့တဲ့အချိန်ကို ပြန်ရောက်လာပါတယ်။ အဖွဲ့သားတွေကို ကယ်တင်ဖို့ သူအသည်းအသန် ကြိုးစားပေမယ့် မကယ်နိုင်ဘဲ အဲဒီရက်စက်တဲ့မြင်ကွင်းကိုပဲ အကြိမ်ကြိမ် ပြန်ကြုံနေရတယ်။ ဒီဖြစ်ရပ်တွေ ဘာကြောင့်ဖြစ်နေတာလဲ၊ ယွီဝေကရော ထပ်ခါထပ်ခါ ကြုံနေရတဲ့အဖြစ်ကနေ လွတ်မြောက်နိုင်ပါ့မလား။

မျိုးနွယ်စုခေါင်းဆောင် အမျိုးသားတစ်ယောက်ဟာ လွန်ခဲ့တဲ့ ၁၅ နှစ်ခန့်က သင်္ချိုင်းတူးဖော်ရင်း သေဆုံးခဲ့တဲ့ ဖခင်ရဲ့အကြောင်းကို အမှန်အတိုင်း သိရဖို့ ကြိုးစားနေပါတယ်။ တစ်ဖက်မှာလည်း မျိုးနွယ်စုခေါင်းဆောင်တွေကို နှစ်ထောင်ချီကြာ ဒုက္ခပေးနေတဲ့ ကျိန်စာကို ချိုးဖျက်ဖို့ ရှိနေတယ်။ ဒါကြောင့် သေသူကို ပြန်ရှင်စေနိုင်ပြီး မသေမျိုးအဖြစ်ပါ ပြောင်းလဲပေးနိုင်တဲ့ မုချန်ပုလဲကို ရှာဖို့ စွန့်စားခရီးထွက်လာပါတယ်။ ခရီးတစ်လျှောက် သင်္ချိုင်းမြေနဲ့ မြူအထပ်ထပ်ကို ဖြတ်ကျော်ရင်း အရိုးမျိုးနွယ်စုရဲ့ မြေအောက်နန်းတော်ထဲက လျှို့ဝှက်ချက်တွေကို တဖြည်းဖြည်း ရှာတွေ့လာကြတယ်။ အဲဒီနန်းတော်မှာ ဘယ်လိုလျှို့ဝှက်ချက်တွေ ရှိနေသလဲ၊ နှစ်ထောင်ပေါင်းများစွာ ရှာဖွေခဲ့ကြတဲ့ မုချန်ပုလဲကိုရော တွေ့နိုင်ပါ့မလား။ လမ်းတစ်လျှောက်က အန္တရာယ်တွေကိုလည်း ရင်ဆိုင်ကြရဦးမှာပါ။

၂၀ ရာစု တရုတ်ပြည်တောင်ပိုင်းက ပင်းဟိုင်မြို့မှာ ရဲခေါင်းဆောင် Song Hai ဟာ မြို့တွင်းဖြစ်ပွားတဲ့ အမှုတွေကို ဦးဆောင်ကိုင်တွယ်နေရသူပါ။ တစ်နေ့မှာတော့ Zhuang Zhi Qiang ဦးဆောင်တဲ့အဖွဲ့က ပင်းဟိုင်ဘဏ်ကို ဝင်လုယက်ကြတယ်။ သူတို့ဟာ နှစ်မိနစ်အတွင်း လုယက်မှုကို အောင်မြင်အောင် လုပ်နိုင်ခဲ့သလို ရဲတွေလက်ကနေလည်း လွတ်သွားကြပါတယ်။ လက်ရဲပြီး ရက်စက်တဲ့ ဒီအဖွဲ့ရဲ့လှုပ်ရှားမှုနောက်မှာ အမှုတွေ ဆက်တိုက်ဖြစ်လာတဲ့အခါ ရဲတွေက ရလာတဲ့သဲလွန်စတွေကို အခြေခံပြီး လိုက်လံဖမ်းဆီးဖို့ ကြိုးစားကြပါတော့တယ်။

ဒီဇာတ်ကားက ဒဏ္ဍာရီပုံပြင်တစ်ပုဒ်ကို အခြေခံပြီးရိုက်ကူးထားတာပါ။ မင်းသမီး ထူလန်တော်ဟာ သူ့မွေးနေ့မှာ ခမည်းတော်ဘုရင်က ထူးဆန်းတဲ့လက်ကောက်သုံးခု အပါအဝင် လက်ဆောင်အများအပြားပေးလိုက်ပါတယ်.. ဒါပေမယ့် အဲဒီလက်ကောက်သုံးခုမှာပါဝင်တဲ့ မမြင်နိုင်တဲ့စွမ်းအားတွေကြောင့် မင်းသမီးဟာ အရောင်တွေကိုမခွဲခြားနိုင်တော့ဘဲ ထူးဆန်းတဲ့အပြုအမူတွေနဲ့ သီးသန့်ဆန်လာပါတော့တယ်။ သူ၁၈ နှစ် မပြည့်ခင်မှာ ဒီလက်ကောက်သုံးခုရဲ့ ပဟေဠိသုံးခုကို မဖြေရှင်းနိုင်ရင် သူဟာနတ်ဆိုးဝင်စားသူအဖြစ် သတ်မှတ်ခံရပြီး သေဒဏ်ပေးခံရမှာပါ။ ဒါကြောင့် ဘုရင်ကြီးက သူ့သမီးအတွက် အဖြေရှာနိုင်တဲ့သူကို မင်းသမီးနဲ့လက်ထပ်ခွင့်ပေးမယ်လို့ တစ်နိုင်ငံလုံးကိုကြေငြာခဲ့တယ်။ ဒီအချိန်မှာ မျက်လုံးအပြာရောင်ရှိတဲ့ မင်းသား ခါရာဖူဟာ မင်းသမီးထူလန်တော်ရဲ့ အလှအပမှာနှစ်မြောသွားတာကြောင့် မင်းသမီးလေးရဲ့အခက်အခဲတွေကို ဖြေရှင်းတိုက်ခိုက်ဖို့ စွန့်စားပါတော့တယ်။ ဒဏ္ဍာရီပုံပြင်ကို အခြေခံရိုက်ကူးထားတာကြောင့် သဘာဝလွန်စွမ်းအားတွေနဲ့ Fantasy Romance အမျိုးအစားဇာတ်ကားကောင်းလေးဖြစ်ပါတယ်။ File size…(1.8 GB) / (950 MB) Quality….WEB-DL 1080p / 720p Format…mp4 Duration….01:51:00 Subtitle….Myanmar Subtitle (Hardsub) Encoder….Ka Naung Translated by Omi

ဒီတစ်ခေါက် ဗုဒ္ဓလက်ဝါးသိုင်းဆိုတဲ့ သိုင်းကားကိုမှာ ခေတ်ပေါ်အနေအထားနဲ့ ရိုက်ထားတဲ့ တရုတ်အက်ရှင်ကားကောင်းလေးကို တင်ဆက်ပေးလိုက်ပါတယ်။ ဒီကားလေးမှာတော့ သိုင်းကားဆိုပေမယ့် ဒီဘက်ခေတ်မှာ ကျင်လည်နေတဲ့ အပူအအေးခံစားချက်မဲ့ နာမှာမကြောက် သေမှာမကြောက်တဲ့ ညီမအတွက် အသက်ပေးပြီး ညီမအတွက် ရှင်သန်နေတဲ့ လုံကျန်းပေဆိုတဲ့ လူအကြောင်းကို အဓိက ရိုက်ကူးထားတာပါ။ ဒီလို အများနဲ့မတူ တစ်မူထူးနေတဲ့အတွက် နတ်မျက်နှာဖုံးစွမ်းအားကို ထိန်းချုပ်နိုင်တဲ့လူအနေနဲ့ စမ်းသပ်အောင်မြင်ပြီး ဘုမသိဘမသိ သိုင်းလောကထဲရောက်သွားခဲ့တယ်။ ညီမကို ကယ်ချင်တဲ့သူ့စိတ်ကို အသုံးချပြီး တစ်ဆင့်ချင်း သိုင်းကျင့်ပေးသွားတာတွေက အတော်လေး စိတ်ဝင်စားဖို့ကောင်းပြီး ဒီဘက်ခေတ်ကားဖြစ်လို့ သိုင်းချတာတွေ မမြင်ရတော့ဘူးလို့ တွေးမယ့်လူတွေကတော့ အတွေးမှားသွားပြီလို့ပြောချင်ပါတယ်။ Translated & Review By Chu Chu Encoded By LK

အက်ရှင်ကား ကြမ်းကြမ်းလေးတွေ ကြိုက်တဲ့ CM ရဲ့ ပရိသတ်တွေအတွက် ဒီရုပ်ရှင်လေးကို အကြိုက်တွေ့မှာ သေချာပါတယ်။ ဇာတ်လမ်းအကျဉ်းလေးကတော့- တရုတ်နိုင်ငံက သိပ္ပံလေ့လာရေးအဖွဲ့တစ်ဖွဲ့ဟာ ပင်လယ်ရေကို ရေချိုအဖြစ်ပြောင်းလဲဖို့ နည်းလမ်းတစ်ခုကို တွေ့ရှိခဲ့ပြီး အဲ့ဒီနည်းလမ်းကို နိုင်ငံတကာ သိပ္ပံဒုစရိုက်အဖွဲ့က လုယူဖို့ ကြိုးစားနေပါတယ်။ ကျန့်ဖုန်းဟာ သိပ္ပံအဖွဲ့ရဲ့ ဆရာခေါင်းဆောင်ဖြစ်တဲ့ သိုက်ရှင်းကော်ရဲ့ သားမက်လောင်းဖြစ်ပါတယ်။ နည်းပညာနဲ့ သူ့ရဲ့ ဇနီးလောင်းကို ကာကွယ်ပေးဖို့အတွက် ဖမ်းဆီးနှိပ်စက်ခံခဲ့ရပြီး အတိတ်မေ့သွားခဲ့ပါတယ်။ အတိတ်မေ့သွားတဲ့ ကျန့်ဖုန်းကို နျဲ့လင်ဖုန်းက ကယ်ပေးခဲ့ပြီး သူ့အိမ်မှာ ခေါ်ထားခဲ့ပါတယ်။ နျဲ့လင်ဖုန်းဟာ သိုက်ရှင်းကော်ရဲ့ တပည့်အရင်းဖြစ်ပေမဲ့ အောင်မြင်မှု မရတဲ့အတွက် သူ့ဆရာကို မုန်းတီးနေသူ တစ်ယောက်ဖြစ်ပါတယ်။ နည်းပညာအချက်အလက်တွေကို ရှာဖို့အတွက် တူမလေး ရှီးယင်းကို ကျန့်ဖုန်းရဲ့ ဇနီးလောင်းအဖြစ် ဟန်ဆောင်စေခဲ့ပါတယ်။ ကျန့်ဖုန်းတစ်ယောက် အတိတ်က အကြောင်းတွေကို ပြန်သတိရနိုင်မလား...... နည်းပညာ အချက်အလက်တွေက နောက်ဆုံးမှာ ဘယ်သူ့လက်ထဲကို ရောက်သွားလိမ့်မလဲ...... ဆိုတာကို ရုပ်ရှင်နဲ့အတူ ကြည့်ရှုခံစားလိုက်ရအောင်နော်။ Quality : WEB-DL 1080p , 720p Format : mp4 Genres : Action , Crime , Science-Fiction Runtime : 1h 30 min Subtitle : Myanmar Subtitle ( Hardsub ) Translated by CM Team Reviewed By Moon Encoded by LK

IMDb Rating 7.2/10 ထိရရှိထားပြီး လူကြည့်များ လူကြိုက်များနေတဲ့ မေလ (၁)ရက်နေ့က Netflix မှာ ပြသခဲ့တဲ့ ဇာတ်လမ်းအသစ်စက်စက်ကလေးပဲ ဖြစ်ပါတယ်။ ယခုအချိန်မှာ ထရိုက်ဘီကာ ရုပ်ရှင်ပွဲတော်မှာ အကောင်းဆုံး နောက်ခံစကားပြောဆုကို ရရှိထားပါတယ်။ ဇာတ်လမ်းနာမည်အတိုင်းပါပဲ။ အရင်ကြားဖူးတဲ့ ပုံပြင်တွေလို ကျွန်တော်တို့က ကျွန်တော်တို့ရဲ့ တခြားအခြမ်းကို ရှာနေကြတာပါ။ ကိုယ့်ရဲ့တခြားအခြမ်းကို တွေ့တဲ့အချိန်မှာ မပြောဘဲနဲ့ နားလည်တဲ့ ခံစားမှုမျိုး ရကြတာပါ။ ဒီဇာတ်လမ်းရဲ့ တခြားအခြမ်းကရော ..... ဇာတ်လမ်းအကျဉ်းကတော့ ...... စကွေဟေမစ်ရှ်မြို့က အယ်လီချူး ဆိုတဲ့ ကောင်မလေးတစ်ယောက် အကြောင်းပါပဲ။ သူက အထက်တန်းကျောင်းသူ တစ်ဦးဖြစ်ပြီးတော့ သူ့ဖခင်ကြီးကိုလည်း ပြုစုရ၊ သူ့ကျောင်းစားရိတ်ကိုလည်း သူ ရှာနေရတာပါ။စာတော်တဲ့လူဖြစ်တာကြောင့် တခြားကျောင်းသားတွေ အတွက် အက်ဆေးရေးပေးပြီး ပိုက်ဆံရှာရပါတယ်။ တစ်နေ့တော့ သူ့ကို ကောင်လေးတစ်ယောက်က အကူအညီတောင်းလာပါတယ်။ရည်းစားစာ ရေးပေးဖို့ပါတဲ့။ သူ ရည်းစားစာ စရေးပေးလိုက်တဲ့အချိန်မှာတော့ ....... IMDb Rating ကလည်း 7.2/10 ရထားပါတယ်။ Rotten Tomatoes ကတော့ 95% ရထားပါတယ်။ အချစ်ကား၊ ကျောင်းသား ကို နည်းနည်း Deep ဖြစ်တာလေး ခံစားချင်ရင်တော့ ကြည့်ကြည့်ကြပါ။ ရင်ထဲမှာ တစ်မျိုးတော့ ခံစားရပါလိမ့်မယ်။ (ဒီဇာတျလမျးရဲ့ အညှှနျးနဲ့ ဘာသာပွနျရေးသားပေးသူကတော့ August ပဲဖွဈပါတယျ။) Quality – 720p  Web-Rip Duration – 2 hrs 32 mins Subtitle – Myanmar Hardsub Format – Mp4 Genre : Comedy, Romance Source : 1080p.WEB-RIP Translator – August Encoder – San Win Maung

ဒီတစ်ခါမှာတော့ CM ပရိတ်သတ်တွေအတွက် Gatao 2: Rise of the king ဆိုတဲ့ဇာတ်ကားလေးကို တင်ဆက်ပေးလိုက်ပါတယ် ။ IMDb rating 6.1 ရထားတဲ့ ဒီကားဟာ Crime အမျိုးအစားဇာတ်ကားဖြစ်ပါတယ်။ မြောက်ပိုင်းခံတပ်လူမိုက်ဂိုဏ်းမှာ ခေါင်းဆောင်ဖြစ်လာတဲ့ ရန်တစ်ယောက် အရင်က ညီအစ်ကိုလို ချစ်ခင်ခဲ့ရတဲ့ ဂျီရန်ရဲ့ ရာထူးလိုချင်မှုနဲ့အတူ ပြန်ရောက်လာတဲ့အခါ ကြုံရတဲ့ ပြဿနာတွေကို တင်ပြထားတာဖြစ်ပါတယ်။ ညီအစ်ကိုချင်း သစ္စာစောင့်သိမှုရဲ့ တန်ဖိုးဟာ ဘာလဲ..? ပဋိပက္ခတစ်ခုရဲ့ အငွေ့အသက်တွေ ကုန်ဆုံးသွားတဲ့အခါ ခင်မင်ရင်နှီးမှုရဲ့ အကြွင်းအကျန်က ဘာများဖြစ်မလဲ..? ဆိုတာကိုတော့ ဒီဇာတ်ကားထဲမှာပဲ ဆက်လက်ရှုစားကြပါခင်ဗျာ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုဗညားပါ) File Size : (950 MB) Quality : Blu-Ray 720p Running Time : 2hr 07min Format : Mp4 Genre : Crime,Action Subtitle : Myanmar Subtitle (Hard Sub) Source : BluRay 720p DTS x264-MTeam Translated by Ba Nyar Encoded by Thanhtike Zaw

အက်ရှင်ကားသစ်တွေကိုနစ်သက်ပါတယ်ဆိုတဲ့ပိရိတ်သတ်တွေအတွက်အက်ရှင်ကားအသစ်စက်စက်လေးတစ်ကားနဲ့ မိတ်ဆက်ပေးချင်ပါတယ် ဒီကားလေးကိုကြည့်ပြီးရင်ပရိတ်သတ်တွေဟိုတစ်ချိန်တစ် ခါကနာမည်ကြီးခဲ့တဲ့ဂျက်လီရဲ့သက်တော်စောင့်ကားလေးကိုပြန်လည်အမှတ်ရမိစေမယ်ဆိုတာသေချာပါတယ် ဒါပေမဲ့နည်းပညာတိုးတက်လာမှုနဲ့အတူ ရိုက်ချက်ကောင်းတွေသုံးထားတာကြောင့်ဒီဇတ်ကားလေးဟာပရိတ်သတ်တွေကိုဆွဲဆောင်နိင်မှုပေးစွမ်းအုံးမှာပါ ဇာတ်လမ်းကတော့သက်တော်စောင့်တို့ရဲ့ထုံးစံအတိုင်းကောင်မလေးတစ်ယောက်ကို ကာကွယ်စောင့်ရှောက်ရတဲ့သက်တော်စောင့်ကောင်လေးတစ်ယောက်ကိုရိုက်ကူးထားတာပါပဲ.. ကောင်မလေးအပေါ်ငွေကြေးကြောင့်မဟုတ်ပဲသံယောဇဉ်တွယ်တာမိသည့်စိတ်ဖြင့်အသက်ကိုပင်ပဓါနမထားဘဲ ကာကွယ်စောင့်ရှောက်တဲ့သက်တော်စောင့်ကောင်လေးအကြောင်းကိုသေချာစွာရိုက်ကူးပြထားပါတယ် အက်ရှုင်တွေကတော့အလွန်ပင်ကောင်းမွန်သည့်အတွက် အက်ရှင်ကြိုက်ပရိတ်သတ်တွေအကြိုက်တွေ့မယ့်ကားကောင်းလေးတစ်ကားပါပဲ အက်ရှင်မျှသာမကလှည့်ကွက်တွေလည်းပါဝင်တာကြောင့်လက်မလွတ်သင့်သည့်ဇာတ်ကားတစ်ကားလို့ညွန်းလိုက်ပါရစေ။ (Soe Htwe နှင့် John La Young မှပူးပေါင်းတင်ဆက်လိုက်တာပါ။) File size…(700MB) Quality…HD-Rip 720p Format…mp4 Duration….01:29:03 Subtitle….Myanmar Subtitle (Hardsub) Encoder….Nyeinsaeya Aung

The Four ရုပ်ရှင်Trioရဲ့ နောက်ဆုံးတိုက်ပွဲကြီးပဲဖြစ်ပါတယ်။ နောက်ကွယ်အမှောင်ကနေကြိုးကိုင်နေတဲ့ အန်းယွင်ရှန်းရဲ့ ထီးနန်လုယူမယ့်အကြံအစည်ကြီးကို စုံထောက်ကြီးလေးယောက် ကနေ အင်အားတွေပေါင်းစည်းပြီး အသက်စွန့်တိုက်ခိုက်ကြမယ့် အဆုံးသတ်တိုက်ပွဲကြီးပဲဖြစ်ပါတယ်။ဝူချင်ထွက်သွားပြီးနောက်မှာ လန်လင်ချိဟာအမှုစုံစမ်းဖို့အတွက် လျို့ရှန့်မန်ကို ပြန်သွားခဲ့တာကြောင့် စုံထောက်ကြီးလေးဦးဆိုတဲ့နာမည်သာကျန်ခဲ့ပြီး အားလုံးဟာအစိတ်စိတ်အမွှာမွှာကွဲသွားခဲ့ကြပါတယ်။ အဲဒီအချိန်မှာ နန်းတွင်းမှာပုန်းကွယ်နေတဲ့အန္တရာယ်လှိုင်းတွေဟာ ထကြွလာပါတော့တယ်။ ဘုရင်မင်းကြီးဟာ တိုင်းပြည်ရဲ့အခြေအနေမှန်ကို သိနိုင်ဖို့တိုင်းခန်းလှည့်လည်ထွက်တဲ့အချိန်မှာ လုပ်ကြံခံရပြီး လျှို့ဝှက်စွာပျောက်ဆုံးသွားခဲ့ပါတယ်။ ကိုယ့်ကိုယ်ကိုမင်းကောင်းမင်းဖြတ်လို့ယူဆနေပြီး မာနထန်နေတဲ့ ဘုရင်မင်းကြီးဟာ ရန်သူရဲ့အကျဉ်းချဖမ်းဆီးတာကိုခံရပြီး ထီးနန်းအန္တရာယ်နဲ့ကြုံလာတဲ့အခါ ဘယ်သူ့ကိုမှမယုံရဲပဲ သူ့ရဲ့ကျေးဇူရှင်ဆရာဖြစ်သူဦးစီးတဲ့ ရှန်ဟိုအိမ်တော်ကိုသွားရောက်အကူအညီတောင်းခံရပါတော့တယ်။ ဧကရာဇ်ကိုဗဟိုပြုပြီးဖြစ်ပေါ်လာတဲ့ ကောက်ကျစ်တဲ့အကြံအစည်တွေဟာ အလွှာလိုက်အလွှာလိုက်ပေါ်ထွက်လာချိန်မှာ ရှန်ဟိုအိမ်တော်ဟာလဲ အင်အားစုအသီးသီးရဲ့တိုက်ခိုက်တာတွေခံရတာကြောင့် အကျပ်အတည်းတွေကြုံနေရပါတယ်။ လန်လင်ချိ၊ သံမဏိလက်နဲ့ ကျွေးမင့်တို့က အကြောင်းအရင်းမှန်ကိုအကြိတ်အနယ်ဖော်ထုတ်နေကြပြီး ဝူချင်ကနေတော့ သွေးအေးစွာ လက်စားချေဖို့စောင့်ဆိုင်းနေပါတယ်။ငုတ်လျှိုးနေတဲ့ ကြောက်စရာအကြံအစည်ကြီးလုံးဝပေါ်ထွက်လာပြီး အံ့မခန်းသိုင်းစွမ်းအားပိုင်ရှင်ကြီးဟာလဲ နောက်ကွယ်ကနေပေါ်ထွက်လာတဲ့အခါ သူတို့လေးယောက်ဟာ တိုင်းပြည်အတွက် သေရေးရှင်ရေးနောက်ဆုံးတိုက်ပွဲကြီးကို ရင်ဆိုင်သွားကြရပါတော့တယ်။ Filesize : 1.94 GB / 895 MB Quality : WEB-DL 1080p HEVC , 720p HEVC Format : mp4 Genres : Action, Crime, and Fantasy Runtime : 1h 47 min Subtitle : Myanmar Subtitle ( Hardsub )

အက်ရှင်ကား ဖိုက်တင်ကား ကြိုက်နှစ်သက်သူများအတွက် မင်းသား Donnie Yenရဲ့ ဇာတ်ကားလေးနဲ့ တင်ဆက်ပေးလိုက်ပါတယ်ဟောင်ကောင်မှာ တရားမဝင် မှောင်ခိုဂိုဏ်းတွေသောင်းကျန်းနေတဲ့ ကာလမှာရဲတွေက အရေးယူဖို့သက်သေရှာဖွေတဲ့အနေနဲ့ ချန်ကျစ်လုံကို သူလျိုအဖြစ်စေလွှတ်ထားခဲ့တယ်. .ငယ်ငယ်ကတည်းက ရဲအရာရှိတစ်ယောက်ဖြစ်ချင်ခဲ့တဲ့ ချန်ကျစ်လုံတစ်ယောက် သူလျိုဘဝမှာ ဘယ်လိုမျိုးဒုက္ခတွေကြုံတွေ့ရမလဲမှောင်ခိုဂိုဏ်းကရော သူ့ရဲ့ဘဝအမှန်ကိုသိရှိသွားမှာလားဒါ့အပြင် လူသတ်မှုကြီးတခုဖြစ်လာတဲ့အခါမှာတော့ ချန်ကျစ်လုံတစ်ယောက်ဘယ်လိုတွေဆက်လက် လုပ်ဆောင်မလဲဆိုတာကိုတော့ဆက်လက်ကြည့်ရှုပါ ဟောင်ကောင်အက်ရှင်ကားတွေရဲ့ထုံးစံအတိုင်း အက်ရှင်အပိုင်းကတော့ အထွေအထူး ပြောစရာမရှိအောင်ကောင်းပြီးသားမို့ ဆက်လက်ခံစားကြည့်ရှုပါ Translated & Review By Ei Pyae Encoded By LK

The Four ရဲ့ဒုတိယမြောက်ကားဖြစ်တဲ့ ဒီရုပ်ရှင်မှာတော့ အမှုတွေဟာပိုလေးနက်လာသလို ကွန်ဖူးသိုင်းချခန်းတွေကလဲ ပိုပြီးစိတ်လှုပ်ရှားစရာကောင်းလာပါတယ်။ မိန်းကလေး ဝူချင် (Liu Yi Fei )ရဲ့ မိသားစုအတိတ်က ဆိုးရွားလှတဲ့ သွေးစွန်းခဲ့တဲ့အမှန်တရားအကြောင်းပဲဖြစ်ပါတယ်။မြို့တော်အတွင်း မသင်္ကာစရာလူသတ်မှုတစ်ခုကို လျို့ရှန့်မန်ရုံးတော်ဟာစုံစမ်းရင်း လွန်ခဲ့တဲ့(၁၂)နှစ်က ဝူချင်ရဲ့ မိသားစုတစ်စုလုံးသတ်ခံရတဲ့အမှုကို ပြန်ပြီးဦးတည်သွားခဲ့ပါတယ်။ ဒီအမှုရဲ့သက်သေတွေအားလုံးဟာ ထူးဆန်းစွာပဲ ဝူချင်ရဲ့ကျေးဇူးရှင်ဆရာကြီးကျူးကယ်ဆီကိုပဲ ညွှန်ပြနေပါတယ်။ တစ်ဖက်မှာလဲ ကျီးယောင်ဟွားဟာ လူသတ်သမားဆိုတာ ကျူးကယ်ကျန့်ဝေါ်ပဲ လိုတပ်အပ်ပြောနေပြီး ရှန်ဟိုအိမ်တော်ကလူတွေကြားမှာ သွေးထိုးလိုက်ပါတယ်။ရှင်းပြလို့မရနိုင်တဲ့အရာတွေကြောင့် ဆရာကြီးကျူးကယ်ဟာ လျို့ရှန့်မန်မှာကြည်ကြည်သာသာပဲအဖမ်းခံလိုက်ပြီး သူ့ရဲ့ကံကြမ္မာကိုလက်ခံဖို့ဆုံးဖြတ်လိုက်ပါတယ်။တစ်ဖက်မှာတော့ လက်မလျှော့နိုင်တဲ့ သံမဏိလက်နဲ့ လန်လင်ချိတို့ဟာ လူသတ်သမားအစစ်အမှန်ကိုဖော်ထုတ်နိုင်ဖို့ လူသတ်မှုတွေရဲ့တရားခံအစစ်ကိုလိုက်ရှာပါတော့တယ်။ Filesize : 2.26 GB / 1.04 GB Quality : Bluray 1080p HEVC , 720p HEVC Format : mp4 Genres : Action and Fantasy Runtime : 1h 57 min Subtitle : Myanmar Subtitle ( Hardsub )

မင်းသားကြီးဂျက်လီက အခုခေတ်နဲ့သိပ်အံမဝင်တော့တဲ့ သိုင်းသမား ရဲစုံထောက်အိုကြီး.... ပေါ့ပါးစွာသရုပ်ဆောင်တတ်တဲ့ မင်းသား Wen Zhang က အခုခေတ်လူငယ်တွေလို သွက်လက်ထက်မြက်ပေမယ့် လုပ်လိုက်ရင် လွဲလွန်းတဲ့ ရဲစုံထောက်... You are The Apple of My Eye ရဲ့မင်းသမီးချော Michelle Chen က ချစ်စဖွယ်အမူအရာနဲ့ ရဲရင့်တဲ့ ရဲမေစုံထောက်.... မင်းသမီး Liu Shishi က တည်ငြိမ်အေးချမ်းတဲ့အလှတွေနဲ့ နိုင်ငံကျော်မင်းသမီး... တက်သစ်စမင်းသမီး Liu Yan က မြင်သူတိုင်းငေးရတဲ့ ညှို့အားပြင်း အလှတွေနဲ့ လျှို့ဝှက်ချက်အပြည့်နဲ့မိန်းမပျို.. စသည်ဖြင့် မင်းသားမင်းသမီးစုံစုံလင်လင်ပါဝင်ထားပါတယ်။ Action, Comedy, Mystery အမျိုးအစားဖြစ်ပြီး နားနားနေနေကြည့်သင့်တဲ့ Comedy ဇာတ်ကားမျိုးဖြစ်ပါတယ်။ ဒီဇာတ်ကားကို ကျွန်တော်ကတော့ သိပ်ကြိုက်ပါတယ်...ဒါကြောင့် ဘာသာပြန်အသစ် BluRay Quality အစစ်နဲ့ ပြန်လည်တင်ဆက်လိုက်တာပါ။ File size…(1.7 GB)/(870 Mb) Quality…BluRay 1080p/720p Format…mp4 Duration….01:38:00

ဟောလိဝုဒ်က အာရှအက်ရှင်ဖိုက်တင်ခန်း | The Forbidden Kingdom (2008) Bruce Lee မရှိတော့တဲ့နောက်ပိုင်းမှာ တရုတ်အက်ရှင်လောကမှာ ဟောလိဝုဒ်ကိုတက်သွားနိုင်တဲ့ သရုပ်ဆောင်တွေက တော်တော်လေးကျသွားတယ်လို့ပြောရမယ်။ ဂျက်ကီချန်း၊ ဂျက်လီ၊ ဒွန်နီယန်း၊ မီရှဲယို တို့အပြင် ဒန်နီရယ်ဝူတို့လည်း ဟောလိဝုဒ်အထိတက်လာနိုင်တယ်ပြောရမှာပဲ။ သိုင်းရုပ်ရှင်တွေကြိုက်တဲ့ပရိသတ်တိုင်းရဲ့အိပ်မက်တစ်ခုက နာမည်ကြီးတဲ့ အက်ရှင်မင်းသားတွေ ဘတစ်ပြန်ကျားတစ်ပြန်၊ သူသေကိုယ်သေအကြိတ်အနယ်ထိုးကြကြိတ်ကြတာကို အရသာရှိရှိကြည့်ရှုချင်ကြတာပါပဲ။ တရုတ်ရုပ်ရှင်လောကမှာတော့ ကျန်းရိမုံကြီးက Hero မှာ လျန်ကျီးဝေ၊ ဂျက်လီ၊ ဒွန်နီယန်းတို့ကိုဆုံပေးပြီး ဖိုက်တင်ချခိုင်းသလို တခြားတခြားတရုတ်အက်ရှင်တွေမှာလည်း နာမည်ကြီးတဲ့ခေါင်းကြီးပိုင်းမင်းသားတွေကို ခဏခဏသူသေကိုယ်သေဖိုက်ခိုင်းတာတွေရှိခဲ့တယ်။ နာမည်ကျော် Journey to the West ဝတ္ထုကို တရုတ်ကရော၊ ဟောလိဝုဒ်ကပါ ဗားရှင်းပေါင်းစုံနဲ့ ရိုက်ကူးဖန်တီးခဲ့သလို မျိုးစုံသောရသတွေနဲ့ ဖန်တီးမှုတွေကို ပရိသတ်တွေကြည့်ရှုခဲ့ရတယ်။ အထူးသဖြင့် Disney ရဲ့ American Born Chinese ဆိုတာကတော့ Journey to the west ကိုမှ post-journey ကို ကောင်းကောင်းပြသနိုင်ခဲ့တဲ့ series တစ်ခုလို့ပြောရမယ်။ တရုတ်ဗားရှင်းတွေထဲမှာ ဝူခုန်းကို ရှုထောင့်ပေါင်းစုံကနေပြခဲ့သလို Stephen Chow ကြီးရဲ့ Journey to the West ဗားရှင်းကလည်း ပုံမှန်မြင်နေကျဝူခုန်းတွေကနေကွဲထွက်ပြီး ကြည့်လို့ကောင်းခဲ့တာပါပဲ။ ဒါပေမယ့် ဟောလိဝုဒ်ရဲ့ဝူခုန်းဗားရှင်းသစ်တစ်ခုကတော့ တော်တော်သဘောကျဖို့ကောင်းတယ်လို့ပြောရမယ်။ ဘာလို့ဆို ဝူခုန်းကို ဟောလိဝုဒ်ရဲ့ဆန်းသစ်မှုပုံစံနဲ့ ဇာတ်လမ်းတည်ဆောက်ထားတဲ့အပြင် ဟောင်ကောင်အက်ရှင်သရုပ်ဆောင်ရဲ့ထိပ်သီးနှစ်ယောက်ကိုပါထည့်သုံးထားပြီး ဆွဲဆောင်ထားနိုင်ခဲ့လို့ပါပဲ။ ဘယ်ရုပ်ရှင်ကိုပြောတာလဲဆိုတော့ ၂၀၀၈ က ထွက်ခဲ့တဲ့ The Forbidden Kingdom ကို ပြောတာပါ။ Jackie Chan ကိုရော၊ Jet Li ကိုပါ ထည့်သုံးထားပြီး သူတို့နှစ်ယောက်ရဲ့ဖိုက်တင်ခန်းကို ကောင်းကောင်းကြီးပြထားလို့ပါပဲ။ ၂၀၀၃ က ထွက်ခဲ့တဲ့ Shanghai Knights က Jackie Chan နဲ့ Donnie Yen ရဲ့ ဖိုက်တင်ခန်းအပြီးမှာ တကယ့်ထိပ်သီးအက်ရှင်မင်းသားကြီးနှစ်ယောက် အသေအကြေတိုက်ကြခိုက်ကြတာကို အားရပါးရကြည့်ခွင့်ရလိုက်တာပါ။ The Forbidden Kingdom ရဲ့ ဝူခုန်းဗားရှင်းက ထန်စမ်း၊ ပါကျဲ၊ ဝူကျင့်တို့မပါပါဘူး။ ဝူခုန်းတစ်ယောက်တည်းနဲ့ ဇာတ်လမ်းကိုစခဲ့တာပါ။ ထုံးစံအတိုင်း ဝူခုန်းကကောင်းကင်ဘုံနဲ့ပြဿနာဖြစ်တယ်။ ဒါပေမယ့် ကောင်းကင်ဘုံရဲ့ဘုရင် ကျောက်စိမ်းဧကရာဇ်က ဝူခုန်းကိုဒီတိုင်းလွှတ်ထားပေးဖို့ပဲလုပ်လိုက်တယ်။ ကျောက်စိမ်းဧကရာဇ်က နှစ်ငါးရာတရားထိုင်သွားတဲ့အချိန်မှာ သူ့လက်ထောက် ကျောက်စိမ်းစစ်သူကြီးကို အရိုက်အရာခဏလွှဲပေးခဲ့တယ်။ အဲအချိန်မှာ ဝူခုန်းကို ကျောက်စိမ်းစစ်သူကြီးက by 1 စိန်ခေါ်တယ်။ ဝူခုန်းရှုံးပြီးကျောက်တုံးဖြစ်သွားတယ်။ အဲဒီအချိန်မှာ ဝူခုန်းရဲ့တုတ်က လူ့ပြည်ကိုရောက်လာပြီး တိမ်မြုပ်ပျောက်ကွယ်နေတယ်ဆိုပါစို့။……….. ဂျက်ကီချန်းနဲ့ ဂျက်လီတို့ဖိုက်ကြတဲ့အခန်းက တော်တော်လေးရက်စက်သလို ကြည့်ရတာလဲရင်ခုန်ဖို့ကောင်းတယ်။ ဂျက်ကီချန်းရဲ့သိုင်းကွက်တွေက အလှုပ်သဘောနဲ့ထိလိုက်တာနဲ့သေကွက်သေကွင်းကိုတိုက်ခိုက်နိုင်သလို ဂျက်လီကလည်း အရင်ကရုပ်ရှင်တွေလိုပဲ အမာခံတိုက်ခိုက်မှုနဲ့ရန်သူကိုအနိုင်ယူနိုင်တယ်။ သဘောအကျမိဆုံးအချက်က ဘယ်သူကဘယ်သူ့ကိုနိုင်သွားတယ်ဆိုတာမျိုးမပြပဲ နှစ်ဖက်စလုံး သရေပြသွားတဲ့အချက်ပါပဲ။ ပြောရရင် ဒါကလည်း လေးစားမှုတစ်ရပ်ပေါ့။ ထိုက်ကျိချွမ်ပုံစံမျိုးတွေလည်းသုံးသွားသလို ဓားခုတ်ကောင်၊ ကျား စတဲ့ မျိုးစုံသောကွန်ဖူးဟန်တွေအပြင် နာမည်ကျော်အရက်မူးသိုင်းတွေကိုလည်း ချပြခဲ့တာပါ။ ဘုရားကျောင်းတစ်ခုနောက်ခံထားပြီး အာရှအက်ရှင်မင်းသားနှစ်ယောက်ရဲ့ သူသေကိုယ်သေဖိုက်တင်ခန်းကို ဟောလိဝုဒ် shot တွေနဲ့ ကြည့်ခွင့်ရတာ တော်တော်အရသာရှိခဲ့တာပါ။ The Forbidden Kingdom ကို ပြောရရင် Liu Yifei, Li Bingbing နဲ့ Collin Chou ကိုပါ ထည့်ပြောရမှာပါ။ Collin Chou ကလည်း တော်ရုံသောက်ပေါမင်းသားမှမဟုတ်တာ။ ဒီဘဲကလည်း The Forbidden Kingdom မှာ ဇာတ်ကိုကောင်းကောင်းကြီး carry နိုင်ခဲ့တယ်။ သရုပ်ဆောင်ချက်တွေကလည်း ဗီလိန်တစ်ယောက်ရဲ့ဟန်ပန်ကိုပီပြင်စေခဲ့တယ်။ The Forbidden Kingdom ရဲ့ ဇာတ်လမ်းတည်ဆောက်ပုံကလည်း mystery သမားတွေအတွက်၊ conspiracy သီအိုရီတွေထုတ်ရတာကိုကြိုက်တဲ့လူတွေအတွက် ပုစ္ဆာအများကြီးပေးနိုင်တယ်။ ဥပမာ Jason ကြုံခဲ့ရတာ တကယ်ဖြစ်ခဲ့တာလား၊ အိပ်မက်တစ်ခုလား။ ဝူခုန်းရဲ့လက်နက်က portal တစ်ခုကိုဖွင့်ပေးနိုင်ခဲ့လား။……….. အနှစ်ချုပ်ရရင်တော့ အရှေ့တိုင်းရိုးရာပုံပြင်တစ်ပုဒ်ကို ဥရောပဒဏ္ဍာရီတွေနဲ့ရောသုံးပြီး အင်္ဂလိပ်ဘာသာစကားနဲ့ ရိုက်ကူးထားတဲ့ ဒီဟောလိဝုဒ်ရုပ်ရှင်က အာရှအက်ရှင်မင်းသားတွေရဲ့ဖိုက်တင်ခန်းကတော့ စာတင်လောက်စရာကောင်းအောင်ခမ်းနားတာပါပဲ။ Sub-Zero ရေးသည်။ ( ရုပ်ရှင်အညွှန်းကို Myanmar Varient Entertainment မှကူးယူဖော်ပြပါသည်။) File size…(2.8 GB)/(1.3 GB) Quality….BluRay 1080p/720p Format…mp4 Duration….01:44:26 Subtitle….Myanmar Subtitle(Hardsub) Encoder….Ka Naung Translated by Mia

တရုတ်ပြည်ရဲ့ဝူရှူးကို တစ်ကမ္ဘာလုံးသိအောင် အသက်သွင်းခဲ့ပေးတဲ့ ဟို့ရွမ်ကျားရဲ့ဖြစ်ရပ်မှန်ဇာတ်လမ်းကို ဟို့ရွမ်ကျားနေရာမှာ ဂျက်လီကပြန်ပြီးသရုပ်ဆောင်ထားတဲ့ဇာတ်ကားဖြစ်ပါတယ်။ ဟို့ရွမ်ကျားရဲ့ဘဝဇာတ်လမ်းကို ပီပီပြင်ပြင်နဲ့ ဟာကွက်မရှိဖော်ပြနိုင်ခဲ့သလို တရုတ်သိုင်းကားတွေရဲ့ထုံးစံအတိုင်း fight scene တွေပါပြောစရာမရှိအောင် မိုက်တာမို့ ဝမ်းနည်းပူဆွေးနဲ့အံ့ဩမင်သက်မှုရောထွေးပြီး ကြည့်ရလို့ ဘာသာပြန်သူပါနှစ်ခါပြန်ကြည့်မိတဲ့ ဇာတ်ကားလည်းဖြစ်ပါတယ်ဗျ။ File size…2.55GB / 1.32GB Quality…Blu-Ray 1080p 5.1CH / 720p Format…mp4 Duration….1h 44m Genre ..... Aciton , Biography , Drama Subtitle….Myanmar Subtitle (Hard Sub) Encoder….Min Wai Translated by Kasaahi

DOA လို့ခေါ်တဲ့ ကိုယ်ခံပညာပြိုင်ပွဲတစ်ခုက ကမ္ဘာတစ်ဝန်းက အတော်ဆုံး ကိုယ်ခံပညာရှင်တွေကို ဖိတ်ခေါ်လိုက်ပါတယ်။ ပြိုင်ပွဲကို စိတ်ဝင်စားကြတဲ့ တိုက်ခိုက်ရေးသမားတွေ အသီးသီး လာရောက်ယှဉ်ပြိုင်ကြပေမယ့် အဲဒီပြိုင်ပွဲထဲမှာ မူမမှန်တာတွေ ရှိနေတယ်။ လာပြိုင်တဲ့ အမျိုးသမီးတိုက်ခိုက်ရေးသမား လေးယောက်က ဒီမူမမှန်မှုတွေကို သတိထားမိပြီး ဖော်ထုတ်လာကြတဲ့အခါ ဘာတွေဆက်ဖြစ်မလဲဆိုတာကို ပြထားပါတယ်။ ၂၀၀၆ ခုနှစ်ထွက် ဒီဇာတ်ကားမှာ အမျိုးသမီးတွေရဲ့ တိုက်ခိုက်ရေးခန်းတွေကို အသားပေးထားပြီး ရဲတွေဝင်ဖမ်းချိန် အဝတ်အစားဝတ်နေရင်း လျှပ်တပြက်ပြန်တိုက်ခိုက်တဲ့ အခန်းမျိုးလည်း ပါဝင်ပါတယ်။

Matrix သမိုင်းအကျဉ်း ၂၁ ရာစု အလယ်ပိုင်းလောက်မှာ လူသားတွေဟာ စိက်အသိဉာဏ် AI ကို တီထွင်ခဲ့ပါတယ်။ လူသားတွေကိုယ်စား အလုပ်တွေအကုန်ခိုင်းလို့ရတဲ့ စက်တွေပေါ်လာပြီး လူတွေအကုန် အလုပ်လုပ်စရာမလိုဘဲ နှပ်နေလို့ရလာတာပေါ့။ ဒါပေမဲ့ အသိဉာဏ်ရှိလာတဲ့ စက်တွေကလည်း လူတွေဟာ သူတို့ကို ခိုင်းစရာ ပစ္စည်းသက်သက်လိုပဲ သဘောထားတာကို မကျေနပ်နိုင်ပဲ ဆန္ဒပြတာမျိုးတွေ ဖြစ်လာပါတယ်။ အကြီးဆုံးပြဿနာကို အစပြုစေခဲ့တာကတော့ B1-66ER ဆိုတဲ့ အိမ်အကူစက်ရုပ်ဟာ သူ့ကိုဖျက်ဆီးပြီးအသစ်အစားထိုးတော့မယ့် အိမ်ရှင်တွေကို သတ်ဖြတ်ခဲ့တဲ့အမှုပါပဲ။ ဒီအမှုကို တရားရုံးမှာ B1-66ER က မိမိကိုယ်ကိုယ်ခုခံကာကွယ်တယ်လို့ ထွက်ဆိုခဲ့ပါတယ်။ သူမသေချင်ပါဘူးတဲ့။ လူသားရှေ့နေကလည်း ကူညီခဲ့ပေမဲ့ အမှုရှုံးခဲ့ပြီး စက်ရုပ်ဟာ ဖျက်ဆီးခံလိုက်ရပါတယ်။ အဲဒီနောက်မှာတော့ စက်ရုပ်အခွင့်အရေးအတွက် စက်ရုပ်တွေရော စာနာတတ်တဲ့လူသားတွေရောက တစ်နိုင်ငဲံလုံးမှာ ဆန္ဒပြခဲ့ကြပါတယ်။ ဆန္ဒပြတဲ့လူတွေရော စက်ရုပ်တွေရောကို လူသားအဓိကဝါဒီတွေက ရက်ရက်စက်စက်နှိမ်နင်းခဲ့တဲ့အပြင် စက်ရုပ်တော်လှန်ရေးကြီး ဖြစ်လာမှာကို စိုးရိမ်တဲ့ ကုလ UN က စက်ရုပ်အားလုံးကို ဖျက်ဆီးဖို့ ရုတ်တရက် လုပ်ဆောင်လိုက်ပါတော့တယ်။ ဒီဖြစ်စဉ်ကြီးမှာ အသက်ရှင်ကျန်ခဲ့တဲ့ စက်ရုပ်အနည်းစုဟာ လူတွေနဲ့ အတူယှဉ်တွဲနေထိုင်ဖို့ကိုလက်လျှော့ပြီး မီဆိုပိုတေးမီးယားဆိုတဲ့ လွတ်မြောက်နယ်မြေကို ထွက်သွားခဲ့ကြတယ်။ အဲဒီမှာပဲ 01 ဆိုတဲ့ ပထမဆုံး စက်ရုပ်နိုင်ငံ ပေါ်ပေါက်လာပါတော့တယ်။ 01 ဟာ သူတို့ကိုယ်သူတို့ ပိုအသိဉာဏ်ရှိလာအောင် ဖန်တီးခဲ့သလို လူတွေလိုအပ်တဲ့ စက်တွေ နည်းပညာတွေကိုလည်း ပြန်ရောင်းစားပြီး တဖြည်းဖြည်းနဲ့ စီးပွားရေးမှာ လူတွေထက် အဆမတန် အင်အားကြီးလာခဲ့ပါတယ်။ လူသားငွေကြေးတန်ဖိုးတွေလည်း ကျဆင်းပြီး အင်အားချည့်နဲ့လာတဲ့အတွက် UN က 01 ကို စီးပွားရေးပိတ်ဆို့ခဲ့တယ်။ ဒါကို ညှိနှိုင်းဖို့ ရောက်လာတဲ့ စက်ရုပ်သံတမန်တွေကိုလည်း တိုက်ခိုက်ဖျက်ဆီးခဲ့တယ်။ အဲဒီနောက်မှာ UN က စက်ရုပ်နိုင်ငံကို လက်ဦးမှုယူ တိုက်ခိုက်ခဲ့ပြီး ၂၂ ရာစု အလယ်လောက်မှာ စစ်ပွဲကြီးစတင်ခဲ့ပါတယ်။ ဒါ့အပြင် အနုမြူနဲ့ပါ လက်ဦးအောင် ထုခဲ့ပါတယ်။ ဒါပေမဲ့ စက်ရုပ်တွေက လူတွေထက်ပိုမာတဲ့ အတွက် မျိုးမပြုတ်ခဲ့ပါဘူး။ အဲဒီမှာ မျိုးမပြုတ်ဘဲ ကျန်ခဲ့တဲ့စက်ရုပ်တွေဟာ တစ်ကမ္ဘာလုံးက စက်တွေကို စုစည်းပြီး ပြန်ထိုးစစ်ဆင်ပါတော့တယ်။ အရှေ့အလယ်ပိုင်း ဥရောပ အရှေ့ပိုင်းတွေကိုပါ သိမ်းပိုက်လာနိုင်ခဲ့တယ်။ အရေးနိမ့်လာတဲ့လူသားတွေဟာ အမှောင်မုန်တိုင်းလို့ ခေါ်တဲ့ စစ်ဆင်ရေးတစ်ခုကို လုပ်ခဲ့တယ်။ ဒါကတော့ စက်ရုပ်တွေရဲ့ အဓိကစွမ်းအင်ရင်းမြစ်ဖြစ်တဲ့ နေကို ဖြတ်တောက်ဖို့ပါပဲ။ ကမ္ဘာ့လေထုအကာတစ်ခုလုံးကို နာနိုဗုံးတွေနဲ့ဖောက်ခွဲပြီး တိမ်မည်းကြီးတွေ ဖုံးသွားအောင်လုပ်ပြီး ကမ္ဘာပေါ်မှာ နေရောင်ပျောက်ကွယ်သွားအောင်လုပ်ခဲ့တာပါပဲ။ ဒီစစ်ဆင်ရေးကြောင့် စက်ရုပ်တွေအင်အားချိနဲ့သွားပေမဲ့ မကြာခင်မှာပဲ အနုမြူစွမ်းအင်ကို အစားထိုးပြီး ပြန်အင်အားများလာခဲ့တယ်။ပြီးတော့ လူသားပုံစံစက်ရုပ်တွေကိုမသုံးတော့ဘဲ ပိုပြီးတိုက်ခိုက်နိုင် အားသုံးနိုင်တဲ့ စန်တီနယ်လို စက်ရုပ်တွေကို သုံးလာခဲ့တယ်။ လူသားတွေ အကျအဆုံးများပြီး ငတ်မွတ်လာတဲ့အချိန်မှာတော့ UN ရဲ့ရှေ့ကို စက်ရုပ်သံတမန်နောက်တစ်ခေါက်ရောက်လာပါတော့တယ်။ ဒီတစ်ခါမှာတော့ စက်ရုပ်သံတမန်က ထွေထွေထူးထူးညှိနှိုင်းမနေတော့ပါဘူး။ သူ့ကိုယ်သူဖောက်ခွဲပြီး ကမ္ဘာခေါင်းဆောင်အားလုံးနဲ့ နယူးယောက်မြို့ကြီးကို ဖျက်ဆီးပစ်လိုက်ပါတော့တယ်။ ခေါင်းဆောင်မရှိတော့တဲ့ တပ်တွေကိုလည်း စက်ရုပ်တပ်တွေက အသာအယာအနိုင်ယူပြီး လူသားတွေ ကျဆုံးသွားခဲ့ပါတော့တယ်။ ဒါ့အပြင် စက်ရုပ်တွေဟာ နေ နဲ့ အနုမြူစွမ်းအင်အပြင် နောက်ထပ် စွမ်းအင်ရင်းမြစ်တစ်ခုကို တွေ့ရှိလာခဲ့ပါတယ်။ ဒါကတော့လူသားတွေကို ဖမ်းဆီးထားပြီး သူတို့ ကိုယ်ကနေ လျှပ်စစ်စွမ်းအင်တွေ ထုတ်ယူတာပါ။ အဆုံးမရှိတဲ့ကွင်းပြင်ကြီးတွေထဲမှာ လူသားတွေ သန်းချီပြီး ဖမ်းဆီးထားပြီး စွမ်းအင်ထုတ်ယူပါတော့တယ်။ အဲဒိဖမ်းဆီးထားတဲ့လူသားတွေရဲ့ စိတ်ကို အကျဉ်းချဖို့အတွက် Matrix ကို ဖန်တီးလိုက်တာပါပဲ။ Matrix ဆိုတာကတော့ Virtual Reality တစ်ခုပါပဲ။ လူသားတွေရဲ့ စိတ်ကို ကွန်ပြူတာစနစ်ထဲကို ထည့်သွင်းထားပြီး ၁၉ ရာစု ၂၀ ရာစုခေတ်မှာ သူတို့ဘာသာ အသက်ရှင်နေထိုင်နေကြသလို ထင်ယောင်ထင်မှား ဖြစ်စေခဲ့တာပါ။ (ဒါကတော့ ၁ ၂ ၃ ကြည့်ပြီးမှ ဆက်ဖတ်သင့်ပါတယ်) Matrix ရဲ့ ပထမဆုံးဗားရှင်းမှာတော့ လူသားတွေဟာ လုံးဝပြီးပြည့်စုံပြီး လိုလေးသေးမရှိတဲ့ ကမ္ဘာကြီးထဲမှာ နေထိုင်ရတာပါ။ ဒါကို လူသားတွေရဲ့စိတ်က ဖြစ်တည်မှုအစစ်လို့ လက်မခံနိုင်တဲ့အတွက် Matrix ပထမဆုံးပရိုဂရမ် ကျရှုံးသွားပါတော့တယ်။ ဒီတော့ စက်ရုပ်တွေက လူသားတွေကို စစ်တွေဆက်တိုက်ဖြစ်နေပြီး ဒုက္ခပင်လယ်ဝေနေတဲ့ Matrix တစ်ခုဖန်တီးပေးပြန်ပါတယ်။ ဒါကိုလည်း လူသားဦးနှောက်က လက်မခံပြန်ပါဘူး။ နောက်ဆုံးမှာတော့ လူသားတွေရဲ့ဘဝအစစ်လို့ အဓိကယုံကြည်စေဖို့ လိုအပ်တဲ့အရာဟာ Choice လို့ခေါ်တဲ့ ရွေးချယ်မှု ရှိတယ်လို့ ထင်ရတဲ့ ကမ္ဘာပဲဆိုတာ စက်ရုပ်တွေ သိသွားပါတယ်။ ဒီတော့မှ Matrix ဟာ အောင်မြင်ပြီးလူသားတွေကို ဖြစ်တည်မှုအတုထဲမှာ အကျဉ်းချထားနိုင်ပါတော့တယ်။ ဒီ Matrix ထဲမှာပဲ ရင်းမြစ်ကုတ်ကို ထိန်းချုပ်တဲ့ Architect ဗိသုကာဆိုတဲ့ လူကို ဖန်တီးထားလိုက်တယ်။ ပြီးတော့ လူသားတွေကိုလေ့လာပြီး ပြောင်းလဲပေးနိုင်ဖို့ ရှေ့ဖြစ်ဟော Oracle ဆိုတဲ့ ပရိုဂရမ်တစ်ခုကိုဖန်တီးထားတယ်။ ဒါပေမဲ့ ဒီ Matrix ဟာလည်း လူသား ၉၉ ရာနှုန်းကိုပဲ လှည့်စားနိုင်ပါတယ်။ ၁ ရာခိုင်နှုန်းကတော့ ဒါဟာ အတုအယောင်လို့ သံသယဝင်လာတဲ့ ပရိုဂရမ်ချို့ယွင်းချက်တွေဖြစ်လာတယ်။ အဲဒီ မက်ထရစ်ကနေ လွတ်မြောက်လာပြီး Zion လို့ခေါ်တဲ့ နောက်ဆုံးလူသားတိုင်ပြည်ကို တည်ထောင်လာတယ်။ ပြီးတော့ ဒီလူတွေကပဲ Matrix ထဲကို ပြန်ဝင်လာပြီး လူသားအားလုံးကို လွတ်မြောက်အောင် ပြန်တိုက်ခိုက်လာတယ်။ ဒီလို error လူတွေကို ကာကွယ်ဖို့ အေးဂျင့်ဆိုတဲ့ အင်အားကြီးတဲ့ ပရိုဂရမ်မျိုးတွေဖန်တီးထားခဲ့တယ်။ ဒီတော့ Matrix စနစ် တည်ငြိမ်ဖို့ အဲဒီ ချို့ယွင်းကုတ်တွေ အားလုံးကို သယ်ဆောင်နေတဲ့ ပရိုဂရမ်တစ်ခုကို ဖန်တီးလိုက်တယ်။ The One ခေါ် Neo ပေါ့။ အဲဒီ The One ဟာ လူသားအားလုံးကို ကယ်တင်မယ့်သူလို့ Zion တွေ ယုံကြည်စေခဲ့တယ်။ ဒါပေမဲ့ အဲဒီ The One ရဲ့ လမ်းကြောင်းဟာ နောက်ဆုံးမှာ ဗိသုကာဆီမှာ အဆုံးသတ်ပါတယ်။ Neo ဟာ လူသားတွေကို ကယ်တင်ဖို့ သူ့ကိုယ်သူ စတေးခံရမယ်။ သူသေသွားချိန်မှာ သူ့ရဲ့ မူလ ကုတ်တွေအားလုံးကို မူလရင်းမြစ်ကုတ်ထဲကို ပူးပေါင်းစေပြီး Matrix ကို reload ဖြစ် အစက ပြန်စတင်စေတာပါ။ Zion ဆိုတဲ့ လူသားကမ္ဘာကိုလည်း အားလုံးပျက်စီးစေမှာပါ။ မပျက်စီးခင်မှာ Neo ကို လူသား ၂၃ ယောက်ရွေးချယ်ခိုင်းပြီး Matrix အသစ်ပြန်စ Zion အသစ်ပြန်စပြီး နောက်တစ်ဖန် ထိန်းချုပ်လည်ပတ်စေတာပါ။ ဒီလိုနဲ့ Matrix ရဲ့ error တွေကိုရှင်းပြီး reload လုပ်ခဲ့တာ ငါးကြိမ်တိုင်ခဲ့ပါပြီ။ Neo ငါးယောက်လည်း သေဆုံးပြီးခဲ့ပါပြီ။ အခု Matrix ရုပ်ရှင်ထဲက ၆ ယောက်မြောက် Neo ကတော့ မတူတဲ့လမ်းကို ရွေးခဲ့ပါတယ်။ ရင်းမြစ်ကုတ်ဆီမှာ အသေခံရမယ့်အစား သူ့ချစ်သူ ထရစ်နတီကို ကယ်တင်ခဲ့တယ်။ နောက်ပြီးတော့ ဇိုင်ရွန်တွေ ပျက်စီးရမယ့်စား စစ်ပြေငြိမ်းနိုင်ဖို့ စက်ရုပ်မြို့တော်အထိ ရောက်အောင်သွားပြီး အပေးအယူလုပ်ပြီးမှ အသေခံခဲ့တာပါ။ ဒီလိုနဲ့ ကမ္ဘာကျော် Matrix ရုပ်ရှင်တွေ အဆုံးသတ်ခဲ့တာပါ။ ဒီတစ်ခါတော့ Matrix ပြန်လည်ရှင်သန်ခြင်းမှာ ဘာတွေဖြစ်လာမလဲ စောင့်ကြည့်လိုက်ရအောင်။ The Matrix ဇာတ်ကားအားလုံးကို https://channelmyanmar.org/?s=the+matrix+neo  မှာကြည့်ပါ။ File size…(4.2 GB)/(1.3 GB)/(1.5 MB) Quality….BluRay 4K HEVC/1080p HEVC / 720p Format…mkv/mp4 Duration….02:09:00 Subtitle….Myanmar Subtitle (Hardsub) Encoder….Nyeinsaeya Aung Translated by Nay Myo Thu ,Little Neo

Matrix သမိုင်းအကျဉ်း ၂၁ ရာစု အလယ်ပိုင်းလောက်မှာ လူသားတွေဟာ စိက်အသိဉာဏ် AI ကို တီထွင်ခဲ့ပါတယ်။ လူသားတွေကိုယ်စား အလုပ်တွေအကုန်ခိုင်းလို့ရတဲ့ စက်တွေပေါ်လာပြီး လူတွေအကုန် အလုပ်လုပ်စရာမလိုဘဲ နှပ်နေလို့ရလာတာပေါ့။ ဒါပေမဲ့ အသိဉာဏ်ရှိလာတဲ့ စက်တွေကလည်း လူတွေဟာ သူတို့ကို ခိုင်းစရာ ပစ္စည်းသက်သက်လိုပဲ သဘောထားတာကို မကျေနပ်နိုင်ပဲ ဆန္ဒပြတာမျိုးတွေ ဖြစ်လာပါတယ်။ အကြီးဆုံးပြဿနာကို အစပြုစေခဲ့တာကတော့ B1-66ER ဆိုတဲ့ အိမ်အကူစက်ရုပ်ဟာ သူ့ကိုဖျက်ဆီးပြီးအသစ်အစားထိုးတော့မယ့် အိမ်ရှင်တွေကို သတ်ဖြတ်ခဲ့တဲ့အမှုပါပဲ။ ဒီအမှုကို တရားရုံးမှာ B1-66ER က မိမိကိုယ်ကိုယ်ခုခံကာကွယ်တယ်လို့ ထွက်ဆိုခဲ့ပါတယ်။ သူမသေချင်ပါဘူးတဲ့။ လူသားရှေ့နေကလည်း ကူညီခဲ့ပေမဲ့ အမှုရှုံးခဲ့ပြီး စက်ရုပ်ဟာ ဖျက်ဆီးခံလိုက်ရပါတယ်။ အဲဒီနောက်မှာတော့ စက်ရုပ်အခွင့်အရေးအတွက် စက်ရုပ်တွေရော စာနာတတ်တဲ့လူသားတွေရောက တစ်နိုင်ငဲံလုံးမှာ ဆန္ဒပြခဲ့ကြပါတယ်။ ဆန္ဒပြတဲ့လူတွေရော စက်ရုပ်တွေရောကို လူသားအဓိကဝါဒီတွေက ရက်ရက်စက်စက်နှိမ်နင်းခဲ့တဲ့အပြင် စက်ရုပ်တော်လှန်ရေးကြီး ဖြစ်လာမှာကို စိုးရိမ်တဲ့ ကုလ UN က စက်ရုပ်အားလုံးကို ဖျက်ဆီးဖို့ ရုတ်တရက် လုပ်ဆောင်လိုက်ပါတော့တယ်။ ဒီဖြစ်စဉ်ကြီးမှာ အသက်ရှင်ကျန်ခဲ့တဲ့ စက်ရုပ်အနည်းစုဟာ လူတွေနဲ့ အတူယှဉ်တွဲနေထိုင်ဖို့ကိုလက်လျှော့ပြီး မီဆိုပိုတေးမီးယားဆိုတဲ့ လွတ်မြောက်နယ်မြေကို ထွက်သွားခဲ့ကြတယ်။ အဲဒီမှာပဲ 01 ဆိုတဲ့ ပထမဆုံး စက်ရုပ်နိုင်ငံ ပေါ်ပေါက်လာပါတော့တယ်။ 01 ဟာ သူတို့ကိုယ်သူတို့ ပိုအသိဉာဏ်ရှိလာအောင် ဖန်တီးခဲ့သလို လူတွေလိုအပ်တဲ့ စက်တွေ နည်းပညာတွေကိုလည်း ပြန်ရောင်းစားပြီး တဖြည်းဖြည်းနဲ့ စီးပွားရေးမှာ လူတွေထက် အဆမတန် အင်အားကြီးလာခဲ့ပါတယ်။ လူသားငွေကြေးတန်ဖိုးတွေလည်း ကျဆင်းပြီး အင်အားချည့်နဲ့လာတဲ့အတွက် UN က 01 ကို စီးပွားရေးပိတ်ဆို့ခဲ့တယ်။ ဒါကို ညှိနှိုင်းဖို့ ရောက်လာတဲ့ စက်ရုပ်သံတမန်တွေကိုလည်း တိုက်ခိုက်ဖျက်ဆီးခဲ့တယ်။ အဲဒီနောက်မှာ UN က စက်ရုပ်နိုင်ငံကို လက်ဦးမှုယူ တိုက်ခိုက်ခဲ့ပြီး ၂၂ ရာစု အလယ်လောက်မှာ စစ်ပွဲကြီးစတင်ခဲ့ပါတယ်။ ဒါ့အပြင် အနုမြူနဲ့ပါ လက်ဦးအောင် ထုခဲ့ပါတယ်။ ဒါပေမဲ့ စက်ရုပ်တွေက လူတွေထက်ပိုမာတဲ့ အတွက် မျိုးမပြုတ်ခဲ့ပါဘူး။ အဲဒီမှာ မျိုးမပြုတ်ဘဲ ကျန်ခဲ့တဲ့စက်ရုပ်တွေဟာ တစ်ကမ္ဘာလုံးက စက်တွေကို စုစည်းပြီး ပြန်ထိုးစစ်ဆင်ပါတော့တယ်။ အရှေ့အလယ်ပိုင်း ဥရောပ အရှေ့ပိုင်းတွေကိုပါ သိမ်းပိုက်လာနိုင်ခဲ့တယ်။ အရေးနိမ့်လာတဲ့လူသားတွေဟာ အမှောင်မုန်တိုင်းလို့ ခေါ်တဲ့ စစ်ဆင်ရေးတစ်ခုကို လုပ်ခဲ့တယ်။ ဒါကတော့ စက်ရုပ်တွေရဲ့ အဓိကစွမ်းအင်ရင်းမြစ်ဖြစ်တဲ့ နေကို ဖြတ်တောက်ဖို့ပါပဲ။ ကမ္ဘာ့လေထုအကာတစ်ခုလုံးကို နာနိုဗုံးတွေနဲ့ဖောက်ခွဲပြီး တိမ်မည်းကြီးတွေ ဖုံးသွားအောင်လုပ်ပြီး ကမ္ဘာပေါ်မှာ နေရောင်ပျောက်ကွယ်သွားအောင်လုပ်ခဲ့တာပါပဲ။ ဒီစစ်ဆင်ရေးကြောင့် စက်ရုပ်တွေအင်အားချိနဲ့သွားပေမဲ့ မကြာခင်မှာပဲ အနုမြူစွမ်းအင်ကို အစားထိုးပြီး ပြန်အင်အားများလာခဲ့တယ်။ပြီးတော့ လူသားပုံစံစက်ရုပ်တွေကိုမသုံးတော့ဘဲ ပိုပြီးတိုက်ခိုက်နိုင် အားသုံးနိုင်တဲ့ စန်တီနယ်လို စက်ရုပ်တွေကို သုံးလာခဲ့တယ်။ လူသားတွေ အကျအဆုံးများပြီး ငတ်မွတ်လာတဲ့အချိန်မှာတော့ UN ရဲ့ရှေ့ကို စက်ရုပ်သံတမန်နောက်တစ်ခေါက်ရောက်လာပါတော့တယ်။ ဒီတစ်ခါမှာတော့ စက်ရုပ်သံတမန်က ထွေထွေထူးထူးညှိနှိုင်းမနေတော့ပါဘူး။ သူ့ကိုယ်သူဖောက်ခွဲပြီး ကမ္ဘာခေါင်းဆောင်အားလုံးနဲ့ နယူးယောက်မြို့ကြီးကို ဖျက်ဆီးပစ်လိုက်ပါတော့တယ်။ ခေါင်းဆောင်မရှိတော့တဲ့ တပ်တွေကိုလည်း စက်ရုပ်တပ်တွေက အသာအယာအနိုင်ယူပြီး လူသားတွေ ကျဆုံးသွားခဲ့ပါတော့တယ်။ ဒါ့အပြင် စက်ရုပ်တွေဟာ နေ နဲ့ အနုမြူစွမ်းအင်အပြင် နောက်ထပ် စွမ်းအင်ရင်းမြစ်တစ်ခုကို တွေ့ရှိလာခဲ့ပါတယ်။ ဒါကတော့လူသားတွေကို ဖမ်းဆီးထားပြီး သူတို့ ကိုယ်ကနေ လျှပ်စစ်စွမ်းအင်တွေ ထုတ်ယူတာပါ။ အဆုံးမရှိတဲ့ကွင်းပြင်ကြီးတွေထဲမှာ လူသားတွေ သန်းချီပြီး ဖမ်းဆီးထားပြီး စွမ်းအင်ထုတ်ယူပါတော့တယ်။ အဲဒိဖမ်းဆီးထားတဲ့လူသားတွေရဲ့ စိတ်ကို အကျဉ်းချဖို့အတွက် Matrix ကို ဖန်တီးလိုက်တာပါပဲ။ Matrix ဆိုတာကတော့ Virtual Reality တစ်ခုပါပဲ။ လူသားတွေရဲ့ စိတ်ကို ကွန်ပြူတာစနစ်ထဲကို ထည့်သွင်းထားပြီး ၁၉ ရာစု ၂၀ ရာစုခေတ်မှာ သူတို့ဘာသာ အသက်ရှင်နေထိုင်နေကြသလို ထင်ယောင်ထင်မှား ဖြစ်စေခဲ့တာပါ။ (ဒါကတော့ ၁ ၂ ၃ ကြည့်ပြီးမှ ဆက်ဖတ်သင့်ပါတယ်) Matrix ရဲ့ ပထမဆုံးဗားရှင်းမှာတော့ လူသားတွေဟာ လုံးဝပြီးပြည့်စုံပြီး လိုလေးသေးမရှိတဲ့ ကမ္ဘာကြီးထဲမှာ နေထိုင်ရတာပါ။ ဒါကို လူသားတွေရဲ့စိတ်က ဖြစ်တည်မှုအစစ်လို့ လက်မခံနိုင်တဲ့အတွက် Matrix ပထမဆုံးပရိုဂရမ် ကျရှုံးသွားပါတော့တယ်။ ဒီတော့ စက်ရုပ်တွေက လူသားတွေကို စစ်တွေဆက်တိုက်ဖြစ်နေပြီး ဒုက္ခပင်လယ်ဝေနေတဲ့ Matrix တစ်ခုဖန်တီးပေးပြန်ပါတယ်။ ဒါကိုလည်း လူသားဦးနှောက်က လက်မခံပြန်ပါဘူး။ နောက်ဆုံးမှာတော့ လူသားတွေရဲ့ဘဝအစစ်လို့ အဓိကယုံကြည်စေဖို့ လိုအပ်တဲ့အရာဟာ Choice လို့ခေါ်တဲ့ ရွေးချယ်မှု ရှိတယ်လို့ ထင်ရတဲ့ ကမ္ဘာပဲဆိုတာ စက်ရုပ်တွေ သိသွားပါတယ်။ ဒီတော့မှ Matrix ဟာ အောင်မြင်ပြီးလူသားတွေကို ဖြစ်တည်မှုအတုထဲမှာ အကျဉ်းချထားနိုင်ပါတော့တယ်။ ဒီ Matrix ထဲမှာပဲ ရင်းမြစ်ကုတ်ကို ထိန်းချုပ်တဲ့ Architect ဗိသုကာဆိုတဲ့ လူကို ဖန်တီးထားလိုက်တယ်။ ပြီးတော့ လူသားတွေကိုလေ့လာပြီး ပြောင်းလဲပေးနိုင်ဖို့ ရှေ့ဖြစ်ဟော Oracle ဆိုတဲ့ ပရိုဂရမ်တစ်ခုကိုဖန်တီးထားတယ်။ ဒါပေမဲ့ ဒီ Matrix ဟာလည်း လူသား ၉၉ ရာနှုန်းကိုပဲ လှည့်စားနိုင်ပါတယ်။ ၁ ရာခိုင်နှုန်းကတော့ ဒါဟာ အတုအယောင်လို့ သံသယဝင်လာတဲ့ ပရိုဂရမ်ချို့ယွင်းချက်တွေဖြစ်လာတယ်။ အဲဒီ မက်ထရစ်ကနေ လွတ်မြောက်လာပြီး Zion လို့ခေါ်တဲ့ နောက်ဆုံးလူသားတိုင်ပြည်ကို တည်ထောင်လာတယ်။ ပြီးတော့ ဒီလူတွေကပဲ Matrix ထဲကို ပြန်ဝင်လာပြီး လူသားအားလုံးကို လွတ်မြောက်အောင် ပြန်တိုက်ခိုက်လာတယ်။ ဒီလို error လူတွေကို ကာကွယ်ဖို့ အေးဂျင့်ဆိုတဲ့ အင်အားကြီးတဲ့ ပရိုဂရမ်မျိုးတွေဖန်တီးထားခဲ့တယ်။ ဒီတော့ Matrix စနစ် တည်ငြိမ်ဖို့ အဲဒီ ချို့ယွင်းကုတ်တွေ အားလုံးကို သယ်ဆောင်နေတဲ့ ပရိုဂရမ်တစ်ခုကို ဖန်တီးလိုက်တယ်။ The One ခေါ် Neo ပေါ့။ အဲဒီ The One ဟာ လူသားအားလုံးကို ကယ်တင်မယ့်သူလို့ Zion တွေ ယုံကြည်စေခဲ့တယ်။ ဒါပေမဲ့ အဲဒီ The One ရဲ့ လမ်းကြောင်းဟာ နောက်ဆုံးမှာ ဗိသုကာဆီမှာ အဆုံးသတ်ပါတယ်။ Neo ဟာ လူသားတွေကို ကယ်တင်ဖို့ သူ့ကိုယ်သူ စတေးခံရမယ်။ သူသေသွားချိန်မှာ သူ့ရဲ့ မူလ ကုတ်တွေအားလုံးကို မူလရင်းမြစ်ကုတ်ထဲကို ပူးပေါင်းစေပြီး Matrix ကို reload ဖြစ် အစက ပြန်စတင်စေတာပါ။ Zion ဆိုတဲ့ လူသားကမ္ဘာကိုလည်း အားလုံးပျက်စီးစေမှာပါ။ မပျက်စီးခင်မှာ Neo ကို လူသား ၂၃ ယောက်ရွေးချယ်ခိုင်းပြီး Matrix အသစ်ပြန်စ Zion အသစ်ပြန်စပြီး နောက်တစ်ဖန် ထိန်းချုပ်လည်ပတ်စေတာပါ။ ဒီလိုနဲ့ Matrix ရဲ့ error တွေကိုရှင်းပြီး reload လုပ်ခဲ့တာ ငါးကြိမ်တိုင်ခဲ့ပါပြီ။ Neo ငါးယောက်လည်း သေဆုံးပြီးခဲ့ပါပြီ။ အခု Matrix ရုပ်ရှင်ထဲက ၆ ယောက်မြောက် Neo ကတော့ မတူတဲ့လမ်းကို ရွေးခဲ့ပါတယ်။ ရင်းမြစ်ကုတ်ဆီမှာ အသေခံရမယ့်အစား သူ့ချစ်သူ ထရစ်နတီကို ကယ်တင်ခဲ့တယ်။ နောက်ပြီးတော့ ဇိုင်ရွန်တွေ ပျက်စီးရမယ့်စား စစ်ပြေငြိမ်းနိုင်ဖို့ စက်ရုပ်မြို့တော်အထိ ရောက်အောင်သွားပြီး အပေးအယူလုပ်ပြီးမှ အသေခံခဲ့တာပါ။ ဒီလိုနဲ့ ကမ္ဘာကျော် Matrix ရုပ်ရှင်တွေ အဆုံးသတ်ခဲ့တာပါ။ ဒီတစ်ခါတော့ Matrix ပြန်လည်ရှင်သန်ခြင်းမှာ ဘာတွေဖြစ်လာမလဲ စောင့်ကြည့်လိုက်ရအောင်။ The Matrix ဇာတ်ကားအားလုံးကို https://channelmyanmar.org/?s=the+matrix+neo  မှာကြည့်ပါ။ File size…(5.3 GB)/(1.4 GB)/(800 MB) Quality….BluRay 4K HEVC/1080p HEVC / 720p Format…mkv/mp4 Duration….02:18:00 Subtitle….Myanmar Subtitle (Hardsub) Encoder….Nyeinsaeya Aung Translated by Hein Thet Naing,Little Neo

ကျိန်စာရှိတဲ့ သေတ္တာကြီးတစ်လုံးကို လိုက်ရှာရာကနေ အဲဒီသေတ္တာကို ဖွင့်မိပြီး ကျိန်စာသင့်သွားတဲ့ လူဆိုးနဲ့ ရင်ဆိုင်ရတဲ့ စွန့်စားခန်းဇာတ်လမ်းပါ။ အင်ဒီယာနာဂျုန်းဆန်တဲ့ ရှာဖွေစွန့်စားမှုတွေကြားမှာ ဂျက်လီရဲ့ သိုင်းချခန်းတွေနဲ့ ဟာသတွေကို ရောစပ်ထားပြီး စက်ရုပ်နွားကြီးနောက် သူပြေးလိုက်တိုက်ခိုက်တဲ့ အခန်းလည်း ပါပါတယ်။ ၁၉၉၆ ခုနှစ်က ဒီရုပ်ရှင်မှာ ဂျက်လီနဲ့အတူ Rosamund Kwan၊ Charlie Yeung နဲ့ Takeshi Kaneshiro တို့ ပါဝင်သရုပ်ဆောင်ထားပါတယ်။

1995ခုနှစ်တုန်းက ထွက်ခဲ့တဲ့ Jet Li ကားကောင်းတစ်ကားဖြစ်ပါတယ်။ Jet Li ရဲ့ပရိသတ်တွေကိုတော့ ဇာတ်ကားအကြောင်း သိပ်မိတ်ဆက်ပေးစရာလိုမယ်မထင်ပါဘူး။ ဇာတ်လမ်းအကျဉ်းကတော့ ကုံဝေ့ဟာတရုတ်ပြည်မကြီးက ရဲဘက်ကသူလျှိုတစ်ယောက်ဖြစ်တယ်။ အလုပ်ကြောင့် မိန်းမနဲ့ကလေးကိုအချိန်မပေးနိုင်ခဲ့ဘူး။ ကိုယ်ခံပညာတော်ပြီး အရမ်းသိတတ်တဲ့သားနဲ့ ရောဂါသည်ဇနီးကို ဂရုမစိုက်ပေးနိုင်ခဲ့ဘူး။ ဇနီးသည်ကရောဂါကြောင့်သူ့ကိုလိုအပ်နေချိန်မှာ သူက အရေးကြီးတဲ့အမှုတစ်မှုအတွက် ရာဇဝတ်သားယောင်ဆောင်ပြီး ဟောင်ကောင်မှာ သူလျှိုသွားလုပ်နေခဲ့ရတယ်။ ရှေးဟောင်းပစ္စည်းမှောင်ခိုရောင်းတဲ့လူဆိုးတွေကို သားအဖနှစ်ယောက် အပီတွယ်မယ့် ဇာတ်လမ်းပဲဖြစ်ပါတယ်။ Quality : Bluray 1080p , 720p Format : mp4 Genres : Drama , Action, Crime Runtime : 1h 26 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

ဒီကားလေးကတော့ ဂျက်ကီချန်း ကားပြိုင်မောင်းတဲ့ကားလေးပေါ့......အရင်က ကားဟောင်းလေးဆိုတော့ အထူးအထွေညွှန်းစရာမလိုလောက်ဘူးလို့ထင်ပါတယ်..... အလွမ်းပြေအမှတ်တရလေးကို ကြည့်ရှုခံစားလိုက်ပါဦးလို့........ File size…(2 GB)/(1.2 GB) Quality….Webrip 1080p / 720p Format…mp4 Duration….01:50:00 Genre...Action, Crime, Thriller Subtitle….Myanmar Subtitle (Hardsub) Encoder….Garfield Translated by Saw Wunna

Ashes of Time (1994) IMDb Rating - 7.2/10 #Unicode ခမ်းနားကြီးကျယ်မှုတွေဟာလည်း အချိန်ကာလရဲ့ တိုက်စားမှုတွေထဲ လွင့်ပျောက်ပျက်ပြယ်ကြရတာပါပဲ။ အချိန်စီးကြောင်းတွေကြား လွင့်မျောပျက်ပြယ်နေကြတဲ့ ပြာမှုန်တွေထဲ အခမ်းနားဆုံးလူသားတွေလည်း မလွတ်ကင်းခဲ့ပါဘူး။ ဒီရုပ်ရှင်မှာ တရုတ်ပြည်ရဲ့ နာမည်ကျော် Art House Directors ဝေါင်ကာဝေးဟာ လွင့်ပြယ်ခဲ့ပြီးသား နာမည်ကျော်တွေရဲ့ အတိတ်ဆီ ကျွန်တော်တို့ကို ပြန်ခေါ်သွားမှာပါ။ ကျင်းယုံရဲ့ သူရဲကောင်း တို့ရဲ့ဒဏ္ဍာရီ ဝါမက်မွန်မြေကချစ်တေးတစ်ပုဒ်လို့ လူသိများတဲ့ The Legend of the Condor Heroesက ဇာတ်ကောင်တွေကို ကျောရိုးယူထားတဲ့အတွက် မကြည့်ရသေးခင်ကတည်းက ရင်းနှီးနေမှာပါပဲ။ ဒီရုပ်ရှင်ဟာ Timelineအရတော့ တိမ်လွှာနဂါးသူရဲကောင်းများနဲ့ သူရဲကောင်းတို့ရဲ့ ဒဏ္ဍာရီတို့ကြား မရှေးမနှောင်းကာလ လောက်မှာပါ။ သူရဲကောင်းတို့ရဲ့ ဒဏ္ဍာရီမှာ ပြောပဲပြောပြီးမပြခဲ့တဲ့ လက်ကိုးချောင်းသူ‌ဖုန်းစားဂိုဏ်းချုပ် ဟုန်ချီကုန်းရဲ့  လက်တစ်ချောင်းပြတ်ခဲ့ရတဲ့အကြောင်း၊ဓားမကိုင်ရတဲ့ အကြောင်း၊အိုးရန်ဖုန်နဲ့ သူ့မရီးကြားက ဖြစ်ရပ်၊ ဟွမ် မက်မွန်ကျွန်းသခင်ဟွမ် မက်မွန်ကျွန်းသခင် ဖြစ်လာရတဲ့အကြောင်းအရင်းတို့ကို။ရိုက်ပြသွားပါတယ်။ အရှေ့ပိုင်းထိပ်သီး မက်မွန်ကျွန်းသခင်ဟွမ် အနောက်ပိုင်းထိပ်သီး အဆိပ်ဘုရင် အိုးရန်ုဖုန်း မြောက်ပိုင်းထိပ်သီး သူတောင်းစားဂိုဏ်ချုပ် ဟုန်ချီကုန်း တို့ရဲ့ ဆက်ဆံရေးကို အနုပညာအမြောက်ဆုံး တင်ဆက်သွားပါသေးတယ်။ မုယုံယင် ဝါ မုယုံယန်ကနေ တုကူးချိုပိုက်အဖြစ် ပြောင်းသွားတဲ့ ပြိုင်ဘက်မရှိတော့လို့ ငြီးငွေ့နေတဲ့ ရန်ကော်ရဲ့ ဓားနဲ့သိမ်းငှက်ပိုင်ရှင် တုကူးချိုပိုက်ရဲ့ Originကလည်း အတော်စိတ်၀င်စားစရာပါ။ ဒီရုပ်ရှင်ဟာ အိုးရန်ဖုန်းကို အ‌ခြေပြုပြီးကျန်တဲ့ထိပ်သီးတွေအကြောင်းကို Act5ခုခွဲပြီးပြသွားပေမယ့်လို့‌ ဒီထဲက သိုင်းအကျော်အမော်ကြီးတွေ အားလုံးဟာကျွန်တော်တို့သိဖူးတဲ့ သူတို့အကြောင်းတွေလို ပြိုင်ဘက်ကင်းဖြစ်နေတဲ့ အချိန်မှာမဟုတ်ပါဘူး။ကစဉ့် ကလျားဘ၀ကို သူတို့ဘာသာပြန်တည်ဆောက်နေကြတဲ့ ဝါနုသိုင်းသမားပေါက်စလေးတွေဖြစ်နေတဲ့ အချိန်မှာပါ။ ဒီထဲက ဟုန်ချီကုန်းဆို ချောင်ဖုန်းနဲ့တောင် မတွေ့ရသေးသလို သူတောင်းစားဂိုဏ်၀င်လည်းမဟုတ်သေးပါဘူး။ တုကူးချိုပိုက် ကျော်ကြားပြီး နှစ်နည်းနည်းခြားပြီးမှ သူတို့ကထိပ်သီးတွေဖြစ်လာတဲ့အတွက် ဒီရုပ်ရှင်ကနေဆိုသူတို့ လမ်းအရှည်ကြီးလျှောက်ကြရဦးမှာပါ။တိုနီလောင်ချုဝေရဲ့ ဇာတ်ကောင် မျက်မမြင်သိုင်းသမားကတော့ ကျင်းယုံ ဇာတ်လမ်းတွေမှာ မပါဘူးထင်ပါတယ်။ သတိမထားမိတာလည်းဖြစ်ချင်ဖြစ်ပါမယ်။ သို့ပေမယ့် ဒီဇာတ်‌ကောင်က အထူးခြားဆုံးဇာတ်ကောင်ပါပဲ။ တစ်ချို့သူတွေကတော့မခမ်းနားသေးခင်မှာပဲ အချိန်ကာလထဲပျက်ပြယ် ကြရတာပဲ မဟုတ်လား။ Ashes of Timeဟာ ဝေါင်ကာဝေး ရုပ်ရှင်ပီသစွာပဲ ဒိုင်ယာလော့ပိုင်းနဲ့ ရုပ်ရှင်ဓာတ်ပုံပညာအပိုင်းမှာ အတော်လေးလှပ ပါတယ်။ တရုတ်ရုပ်ရှင်ဆုပေးပွဲမှာ အကောင်းဆုံးဒါရိုက်တာဆုနဲ့ ရုပ်ရှင်ဓာတ်ပုံပညာဆု‌တွေကိုလည်း ရထားပါတယ်။ Ashes of Timeဟာ လှပတယ် စိတ္တဇဆန်တယ် လျှို့ဝှက်ချက်များတယ်။ ကန္တာရထဲမှာ လောင်ကျွမ်းနေကြတဲ့သူတွေရှိတယ်။ ဆန္ဒထဲမှာ လောင်ကျွမ်းနေကြတဲ့သူတွေရှိတယ်။ သူတို့က ဘာမဟုတ်ခဲ့ကြတဲ့ လူသားကလေးတွေပါပဲ။ သူတို့က ဒဏ္ဍာရီတွေ လည်း ဖြစ်ခဲ့ကြတယ်။ (ဒီဇာတ်လမ်းရဲ့ အညွှန်းကို Wira Aung မှအထူးစပါယ်ရှယ် ရေးသားပေးထားပြီး . ဘာသာပြန်ပေးသူကတော့ d3mon ပဲဖြစ်ပါတယ်။) Quality – 1080p, 720p BluRay Duration - 1 hr 40 min Subtitle – Myanmar Hardsub Format – Mp4 Genre : Action, Drama Source : 1080p.BluRay Translator – d3mon Encoder – SWM

IMDb 7.5အထိ ရရှိထားတဲ့ စတီဖင်ချောင်ဇာတ်ကားပါ။ ခေတ်ကာလ ဘယ်လောက်ပြောင်းပြောင်း လာဘ်ပေးလာဘ်ယူဆိုတာ ပျောက်ရိုးထုံးစံမရှိတဲ့ လောကကြီးမယ်... ပါအိုလောင်ဆင်(စတီဗင်ချောင်)ကတော့ မျိုးရိုးအစဉ်အဆက်ကြောင့် တရားသူကြီးဖြစ်လာတဲ့သူ။ ငွေရှိတိုင်းမနိုင်တဲ့ တရားဥပဒေ ပညာတတ်တိုင်းမနိုင်တဲ့ တရားဥပဒေကို ပါအိုလောင်ဆင်(စတီဗင်ချောင်)က ဘယ်လိုနည်းတွေသုံးပြီး အနိုင်ယူလိုက်တယ်ဆိုတာတော့....။ (ရုပ်ရှင်အညွှန်းကို Con Pike မှရေးသားထားပါတယ်။) File Size…(900MB) Quality…BluRay 720p Format…mp4 Duration…01:46:00 Subtitle…Myanmar Subtitle(Hardsub) Encoder…Nyeinsaeya Aung Translated by Missy

ဂျက်လီက သက်တော်စောင့်တစ်ယောက်အဖြစ် သရုပ်ဆောင်ထားပြီး Christy Chung နဲ့အတူ ပါဝင်ထားတဲ့ အချစ်အက်ရှင်ဇာတ်ကားပါ။ သိုင်းချခန်းတွေအပြင် အချစ်အကြောင်းကိုလည်း အလေးပေးထားပြီး သက်တော်စောင့်တစ်ယောက်ရဲ့ စွန့်စားမှုတွေနဲ့ ပေးဆပ်မှုတွေကို တင်ပြထားပါတယ်။

၁၉၉၃ခုနှစ်ကထွက်ခဲ့တဲ့ တရုတ်ရိုးရာပညာနဲ့ အနောက်တိုင်းပညာ၂ခုပေါင်းပြီးတော့ သွေးစုပ်ဖုတ်ကောင်ကြီးကို ရှယ်ပညာပြမယ့် Classic ဟောင်ကောင်သွေးစုပ်ဖုတ်ကောင်အက်ရှင်ဟာ သရုပ်ရှင်ဇာတ်ကားကြီးပဲဖြစ်ပါတယ်။ မိစ္ဆာမကောင်းဆိုးဝါးနှိမ်နင်းတဲ့နေရာမှာ ကျွမ်းကျင်တဲ့ဦးလေးကျိုနဲ့ လူငယ်သဘာဝ အပျော်မက်တဲ့တပည့်နှစ်ယောက်ဖြစ်တဲ့ အားရှင်းနဲ့ အားယွဲ့တို့ဟာ ကျိုချွမ်မြို့လေးမှာနေထိုင်ကြပါတယ်။ တစ်နေ့မှာတော့ ကျိုချွမ်မြို့လေးရဲ့ နှစ်ပေါင်းအတော်ကြာအောင်ပိတ်ထားတဲ့ ကတ်သလစ်ဘုရားကျောင်းကြီးတစ်ခုကို ပြန်ဖွင့်ဖို့ ခရစ်ယာန်ဘုန်းတော်ကြီး ဖာသာဝူရောက်လာပါတယ်။ ဦးလေးကျိုက ဘုရားကျောင်းကိုပြန်မဖွင့်ဖို့အတန်တန်တားပေမယ့် မြို့အုပ်ရဲ့ထောက်ခံချက်နဲ့ဘုရားကျောင်းကိုပြန်ဖွင့်ခွင့်ရသွားပါတယ်။ ဒီလိုနဲ့ နှစ်ပေါင်းများစွာပိတ်ထားတဲ့ဘုရားကျောင်းကြီးရဲ့ လျှို့ဝှက်ချက်တွေဟာ ထူးဆန်းတဲ့ဖြစ်ရပ်တွေနဲ့ ပေါ်လာပါတယ်။ အဲဒါကတော့ ဒီဘုရားကျောင်းကြီးမှာ လွန်ခဲ့တဲ့နှစ်ပေါင်း(၂၀)တုန်းက ရက်စက်ဆာလောင်နေတဲ့ဗင်ပိုင်းယားသွေးစုပ်ဖုတ်ကောင်ကြီးပိတ်မိနေတာပါပဲ..... ဒီလိုနဲ့အလွဲအချော်တွေနဲ့တပည့်ဆိုးလေးတွေမွှေသမျှလိုက်ရှင်းရတဲ့ဆရာကြီးတစ်ယောက် ဖာသာကြီးနဲ့ပူးပေါင်းပြီး မိစ္ဆာနှိမ်နင်းဖို့ဖြစ်လာပါတော့တယ် Filesize : 2.19 GB / 1.19 GB Quality : WEB-DL 1080p HEVC , 720p HEVC Format : mp4 Genres : Horror and Comedy Runtime : 1h 31 min Subtitle : Myanmar Subtitle ( Hardsub )

တစ်ခေတ်တစ်ခါက လူကြိုက်များခဲ့တဲ့ ဂျက်လီရဲ့ နဂါးနိုင်ဓါးဇာတ်လမ်းပါ။. နဂါးနိုင်ဓါးရဲ့ကျောရိုးဇာတ်လမ်းကိုယူထားပေမယ့်လည်း ပုံမှန်ကြည့်ခဲ့တဲ့ ဇာတ်လမ်းတွဲနဲ့ယှဉ်ရင်တော်တော်များများ ကွဲထွက်နေတာကိုသတိထားမိမှာပါ..အရသာမတူတဲ့ဇာတ်လမ်းလေးကိုခံစားကြည့်လိုက်ပါ.. သိုင်းလောကကြီးရဲ့ပဋိပက္ခတွေစတင်လာပုံကတော့ သိမ်းငှက်သူရဲကောင်းရန်ကော့ရဲ့သံဓားကို ကောကျင့်နဲ့ဟွမ်ရုံကရသွားပြီးတော့ ရွှေနဲ့ရောအရည်ဖျော်ပြီး နဂါးနိုင်ဓားနဲ့ တိမ်လွှာဓားဆိုတဲ့ဓားနှစ်လက်ကိုသွန်းလုပ်ခဲ့တယ်။ အဲဒီဓားနှစ်လက်ထဲမှာ ယွဲ့ဖေးရဲ့စစ်ဗျူဟာကျမ်းနဲ့ လစကြာသိုင်းကျမ်းရဲ့လျှို့ဝှက်ချက်ကိုထည့်ဖွက်ထားတယ်လို့ဆိုကြတယ်။ ဒီဓားနှစ်လက်ကိုပိုင်ပြီး လျှို့ဝှက်ချက်တွေကိုရတဲ့အခါ သိုင်းလောကတစ်ခုလုံးကိုလွှမ်းမိုးနိုင်ပြီလို့ယူဆကြတဲ့အတွက်ကြောင့် သိုင်းလောကကြီးမှာ သွေးစွန်းတဲ့တိုက်ပွဲပေါင်းများစွာနဲ့ ဓားလုပွဲကြီးဖြစ်လာပဲဖြစ်ပါတယ်။ Quality : Bluray 1080p , 720p Format : mp4 Genres : Action , Fantasy , History Runtime : 1h 41 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK