Colm Magner ပါဝင်သော ဇာတ်ကားများ

Zombies apocalypse ရုပ်ရှင်တွေ အရိုက်များလာတဲ့​နောက် Old but gold zombie ကား​​​ကောင်းတစ်ကားကို CM fan​တွေ မကြည့်ဖူးမရှိရ​​အောင် တင်​​​ဆက်​ပေးလိုက်ပါတယ် 2005ခုနှစ်ကတည်းက ထွက်ရှိခဲ့တာဖြစ်ပြီး IMDb 6.2, RT 74% rating ရထားပါတယ်။ အမျိုးအမည်မသိရတဲ့ကပ်​ဘေးတစ်ခု​ကြောင့် တစ်ကမ္ဘာလုံးက လူ​အများစု ဖုတ်​ကောင်​တွေ ဖြစ်သွားတဲ့​နောက် ​လူကုံထံ​တွေက လုံခြုံ​ရေးအထပ်ထပ်နဲ့ မြို့သစ်တွေတည်ပြီး​​​နေထိုင်ကြပါတယ်၊ ကပ်​ဘေးကလွတ်လာတဲ့ မျက်နှာမွဲလူဆင်းရဲ​တွေကို​တော့ မြို့ရဲ့အစွန်ဆုံး၊ ခြံစည်းရိုး​တွေနဲ့ အနီးဆုံးမှာပဲ ​ပေး​နေပါတယ်၊ ရိက္ခာကို​တော့ ကြေးစားလူစွန့်စား​တွေကို ငှားရမ်းပြီး ဖုတ်​​ကောင်​တွေပြည့်နေတဲ့ မြို့ပျက်ငယ်​တွေမှာ ရှာ​​ဖွေခိုင်းပြီး အသက်ဆက်​နေကြတာပါ။ ရိုင်​လေ နဲ့ ချိုလိုဒယ်မိုရာတို့က အဆိုပါ​​ ကြေးစားအဖွဲ့ဝင်​တွေပဲ ဖြစ်ပါတယ်၊ အစပိုင်းမှာ​တော့ ဖုတ်​ကောင်​တွေက လမ်း​လျှောက်တတ်တဲ့ လူ​သေ​ကောင်သာသာပဲမို့လို့ စားနပ်ရိက္ခာ ရှာ​ဖွေရာမှာ သိပ်အခက်အခဲမရှိခဲ့ပေမယ့် တစ်​​နေ့မှာ​တော့ ဆင့်ကဲ​ပြောင်းလဲတတ်တဲ့ သဘာဝအတိုင်း အချင်းချင်း ဆက်သွယ်တတ်တာကစလို့ ကမ္ဘာဦးလူသား​တွေလို အစာရှာဖို့၊ ကိုယ့်ကိုယ်ကိုယ်ခုခံဖို့ နားလည်လာပြီး ​မြို့ပျက်​တွေက​နေ လူကုံထံ မြို့သစ်​တွေဆီကို အစာရှာဖို့ တက်လာကြပါ​တော့တယ်၊ ဒီလိုနဲ့ပဲ ရိက္ခာရှာ​ပေးရတဲ့ ရိုင်​လေတို့အဖွဲ့ဟာ ဖုတ်​ကောင်​တွေရဲ့ ရန်ကိုပါ ကာကွယ်ရမယ့် တာဝန်ရှိလာပါ​တော့တယ်။ ​သွေးသံရဲရဲနဲ့ 2005ထွက် ဇာတ်ကားနဲ့ မတူ​အောင် ပြကွက်​တွေက အ​တော်​လေးကြမ်း​လို့ သွေးလန့်တတ် သူ​တွေ၊ ​ရွံစရာ​တွေကို sensitiveဖြစ်သူ​တွေ သတိထားပြီး ကြည့်ဖို့ ​ပြောချင်ပါတယ်။ ( ဘာသာပြန်ပြီး အညွှန်းရေးသားထားသူကတော့ Jim X ပါ ) File Size__(1.9GB) / (950MB) Quality__Blu-Ray_1080p, 720p IMDb Rating__6.2/10 Format__mp4 Duration__01:33:00 Type__Horror, Sci-Fi, Thriller Subtitle__Myanmar Subtitle (Hardsub) Translated by Jim X Encoded by Naing Aung Latt

Dawn of the Dead (2004) IMDb - 7.3/10 Rotten - 75% ကြောက်တက်သူများ ကြည့်ဖို့မသင့်တော်ပါဘူး သွေးသံရဲရဲတွေနဲ့ သဘာဝကျစွာ ပုံဖေါ်ထားတာဖြစ်လို့ Horror ကြိုက်သူတို့ လက်မလွှတ်သင့်တဲ့ ဇာတ်ကားကောင်းလေးပါ။ ဇွန်ဘီကားဆိုပေမဲ့ ဖြစ်သလိုဇာတ်အိမ်ဖွဲ့ထားတာမျိုးမဟုတ်ပဲ သဘာဝကျကျ ဖွဲ့ထားပါတယ်။ သေချာခံစားပြီးကြည့်ရင် သင်ကိုယ်တိုင် ဇာတ်လမ်းထဲမှာ စီးမျောနေသယောင်ခံစားရပါလိမ့်မယ်။ ဘဝကို ရိုးရှင်းစွာဖြတ်သန်းနေတဲ့ သူနာပြုမလေးတစ်ယောက်။ တစ်နေ့ဂျူတီပြီးလို့ အိမ်အပြန် ညနေပိုင်းလောက်မှာ မိန်းကလေးတစ်ယောက် တံခါးဝမှာရပ်နေပါတယ်... ကလေးရဲ့ ပါးစပ်မှာသွေးတွေပေနေပြီး လူကလောက်ကျောက်ရုပ်လိုငြိမ်သက်နေပါတယ် ဂါဝန်အဖြူမှာလည်း သွေးတွေစွန်းထင်းနေပါတယ်။ သူမကိုမြင်တော့ အကူညီလိုနေတယ်ထင်လို့ အကူညီခေါ်ပေးဖို့ အနားသွားလိုက်တဲ့အခါမှာတော့.. ကမောက်ကမတွေဖြစ်ကုန်ပါတယ်... အသက်ရှင်ကျန်ရစ်သူ သူနာပြုမလေးကတော့ ခြေဦးတည့်ရာ ပြေးရင်းလွှားရင်း လူတစ်စုနဲ့ပေါင်းမိပြီး မောလ်ကြီးတစ်ခုထဲကို ရောက်ရှိသွားပါတယ်။ အဲဒီမောလ်ကြီးဟာ အသက်ရှင် ကျန်ရစ်တဲ့သူတွေအတွက် မှီခိုရာနေရာလေးဖြစ်သွားပါတော့တယ်..။ တစ်ကယ်တော့ သူတို့တွေအားလုံးက ဇွန်ဘီကောင်တွေရဲ့ သဘောသဘာဝကို မသိကြပါဘူး ဘယ်လိုကူးစက်လဲဆိုတာကိုလည်းမသိကြပါဘူး..။ တစ်နေ့မှာ မောလ်ထဲကို လူသစ်တွေထပ်ရောက်လာပါတယ် သူတို့ထဲက တစ်ယောက်က အကိုက်ခံထားရပြီး အခြေနေက အတော်ဆိုးရွားနေပါပြီ။ သူ..သေသွားပြီး တစ်ဖန်ပြန်ထလာကာ တွေ့တဲ့လူကို လိုက်ကိုက်ပါတော့တယ်။ အဲဒီအချိန်မှာပဲ အကိုက်ခံရရင် ကူးစက်တယ်ဆိုတာ သိရှိကြပါတော့တယ်...။ ဒါပေမဲ့ သူတို့သိတာနောက်ကျခဲ့ပါပြီ...။ တစ်ကယ်လို့များ အဲဒါကို အစကတည်းကသိခဲ့ကြရင်...။ ရင်တစ်ထိတ်ထိတ် သဲတဖိုဖိုနဲ့ အူယားစရာကောင်းအောင်းကြည့်ရှု့ခံစားရမဲ့ ဟောင်းပေမဲ့ ကောင်းနေဆဲ ဇာတ်ကားလေးဖြစ်တာကြောင့် တင်ဆက်ပေးလိုက်ပါတယ်။ File Size :  7.5 GB, 2.3 GB, 1.1 GB Quality : Blu-Ray HEVC 4K / 1080p / 720p Running Time : 1hr 40min Format : Mkv and Mp4 Audio : AAC Genre : Action, Horror, Thriler Subtitle : Myanmar Subtitle (Hard Sub) Translated by : Aye Min Oo Encode by : Thit San Khant

ဒီ Timetravel ကားလေးက‌တော့ ဒါရိုက်တာ Gregory Hoblit ရိုက်ကူးပြီး မင်းသား Dennis Quaid နဲ့ Jim Caviezel တို့ ခေါင်းဆောင်ပါဝင်ထားတဲ့ Sci-Fi / Crime Mystery / Drama လက်ရာကောင်းတစ်ခု ဖြစ်ပါတယ်။ (Time Travel) ဆိုတဲ့ သိပ္ပံစိတ်ကူးယဉ် အယူအဆကို အသုံးပြုထားပေမဲ့ စက်ယန္တရားတွေထက်စာရင် ဝါသနာရှင်သုံး ဟမ်းရေဒီယို (Ham Radio) တစ်လုံးနဲ့ သားအဖမေတ္တာကို အဓိကထားပြီး ထူးထူးခြားခြား ပုံဖော်ထားတာမျိုးပါ။ ဇာတ်လမ်းလေးကတော့ ၁၉၉၉ ခုနှစ်၊ နယူးယောက်မြို့မှာ နေထိုင်တဲ့ ရဲစုံထောက် John Sullivan (Jim Caviezel) ဟာ လွန်ခဲ့တဲ့ နှစ် ၃၀ (၁၉၆၉ ခုနှစ်) က မီးငြှိမ်းသတ်ရင်း သေဆုံးသွားခဲ့တဲ့ သူ့ရဲ့ မီးသတ်သမား ဖခင်ကြီး Frank Sullivan (Dennis Quaid) ကို အမြဲတမ်း လွမ်းဆွတ်တမ်းတနေသူပါ။ နယူးယောက်ကောင်းကင်ယံမှာ ရှားပါး မြောက်ဘက်ဝင်ရိုးစွန်း အလင်းတန်း (Aurora Borealis) တွေ ပေါ်ပေါက်လာတဲ့ ညတစ်ညမှာ John ဟာ သူ့ဖခင်ရဲ့ ဟောင်းနွမ်းနေတဲ့ အပျော်တမ်းရေဒီယိုဟောင်းလေးကို ရှာတွေ့ပြီး အမှတ်မထင် ဖွင့်လှစ်လိုက်ပါတယ်။ အဲဒီရေဒီယိုလှိုင်းကနေတစ်ဆင့် အချိန်ကာလ ၃၀ နှစ် ခြားနားနေတဲ့ ၁၉၆၉ ခုနှစ်က သူ့ဖခင် Frank နဲ့ မယုံကြည်နိုင်လောက်အောင် အသံချင်း ချိတ်ဆက်မိသွားပါတော့တယ်။ အဲဒါနဲ့ John ဟာ နောက်တစ်နေ့ မီးလောင်မှုမှာ သူ့ဖခင် သေဆုံးရတော့မယ့် အန္တရာယ်ကို ကြိုတင်သတိပေးနိုင်ခဲ့လို့ ဖခင်ဖြစ်သူ အသက်ဘေးက လွတ်မြောက်သွားခဲ့ပါတယ်။ ဒါပေမဲ့ အတိတ်ကို ပြောင်းလဲလိုက်တဲ့ "Butterfly Effect" ကြောင့် ပစ္စုပ္ပန်မှာ ကြောက်မက်ဖွယ်ရာ အကျိုးဆက်တစ်ခု ပေါ်ထွက်လာပြီး၊ မူလက မသေဆုံးခဲ့တဲ့ သူ့ရဲ့ မိခင်ဖြစ်သူဟာ ထိုကာလက နာမည်ကျော် နိုက်တင်ဂေး ကွင်းဆက်လူသတ်သမား (Serial Killer) ရဲ့ သားကောင်အဖြစ် ပြောင်းလဲ အသတ်ခံလိုက်ရပါတယ်။ အဲဒါကြောင့် အတိတ်က ဖခင် Frank နဲ့ ပစ္စုပ္ပန်က သားဖြစ်သူ John တို့ဟာ ရေဒီယိုလှိုင်းကို အသုံးချကာ ၃၀ နှစ် ခြားနားနေတဲ့ အချိန်နှစ်ခုကြားကနေ လူသတ်သမားကို အတူတကွ ပူးပေါင်းဖမ်းဆီးဖို့ ကြိုးစားကြတာတွေကို စိတ်ဝင်စားဖွယ် ကြည့်ရှုခံစားရမှာပဲ ဖြစ်ပါတယ်ခင်ဗျာ..။