Daisy Prince ပါဝင်သော ဇာတ်ကားများ

Celebrity (1998) နာမည်ကြီး ဒါရိုက်တာ Woody Allen ကြီးရဲ့ ၉၀ ကာလက လက်စွမ်းပြခဲ့တဲ့ ကားကောင်းတွေထဲကတစ်ခုဖြစ်ပြီး...Leonardo DiCaprio ရဲ့ ဆိုးသွမ်းတဲ့နာမည်ကြီးမင်းသားတစ်ယောက်နေရာက သရုပ်ဆောင်ချက်တွေကိုမြင်တွေ့ရမှာဖြစ်ပြီး Woody Allen ရဲ့ထုံးစံအတိုင်း နယူးယောက်မြို့နဲ့ မန်းဟတ်တန်ရဲ့အငွေ့အသက်တွေ..အားကောင်းတဲံ ဒိုင်ယာလော့တွေကို ထိုခေတ်က နာမည်ကြီး မင်းသား၊ မင်းသမီးများစွာ ပါဝင်ထားတာကြောင့် စိတ်ဝင်စားဖို့ကောင်းပါတယ်။ ဇာတ်လမ်းကတော့ အိမ်ထောင်သက် ၁၆ နှစ်အကြာမှာ လမ်းခွဲလိုက်ကြတဲ့ လင်မယားနှစ်ယောက်ဖြစ်သူ Lee Simon (Kenneth Branagh) နဲ့ Robin Simon (Judy Davis) တို့ရဲ့ ကွဲပြားခြားနားသွားတဲ့ ဘဝခရီးစဉ်တွေအကြောင်းပါ။ ခင်ပွန်းဖြစ်သူ Lee ကတော့ ကျော်ကြားတဲ့ စာရေးဆရာ၊ သတင်းထောက်တစ်ယောက်ဖြစ်ဖို့ ရည်မှန်းချက်ကြီးသူဖြစ်ပြီး၊ နာမည်ကြီးအနုပညာရှင်တွေနဲ့ ပတ်သက်ခွင့်ရဖို့ ကြိုးစားရင်း သူ့ဘဝကို ကုန်ဆုံးနေသူပါ။ တစ်ဖက်မှာတော့ ဇနီးဖြစ်သူ Robin က သူမရဲ့ စိတ်ဒဏ်ရာတွေကို ကျော်ဖြတ်ရင်း မထင်မှတ်ဘဲ ရုပ်သံလောကမှာ အောင်မြင်တဲ့ အမျိုးသမီးတစ်ဦး ဖြစ်လာပါတော့တယ်။ နာမည်ကြီးချင်လွန်းတဲ့သူက ကျရှုံးနေပြီး၊ အေးအေးဆေးဆေးနေချင်သူက နာမည်ကြီးလာတဲ့ သူတို့နှစ်ဦးရဲ့ ကံကြမ္မာ အလှည့်အပြောင်းကို ရိုက်ပြထားပြီး ဒါရိုက်တာ Woody Allen ရဲ့ ထုံးစံအတိုင်း စကားပြောခန်းတွေက မြန်ဆန်တယ် ၊ ခနဲ့တဲ့တဲ့နိုင်တယ်၊ လူမှုပတ်ဝန်းကျင်ကို ထိထိမိမိ ဝေဖန်ထားတဲ့ 90 ခေတ်က ဆယ်လီတွေရဲ့ဘဝအကြောင်းပါ

ဇာတ်လမ်းထဲမှာတော့ ဟယ်ရီ ဘလော့ခ်ဆိုတဲ့စာရေးဆရာဇာတ်ကောင်ကို အဓိကထား ပုံဖော်ထားပါတယ်။ သူဟာ နာမည်ကျော် စာရေးဆရာတစ်ဦးဖြစ်ပြီး သူ့ရဲ့ဘဝအတွေ့အကြုံတွေကို သူ့စာအုပ်တွေထဲမှာ ပေါ်လွင်အောင် ထည့်ရေးတတ်တဲ့အကျင့်၊ နောင်တမရတတ်တဲ့ သူ့ရဲ့အပြုအမူ၊ ဆေးစွဲတာနဲ့ အပျော်အပါးလိုက်စားတတ်တဲ့ သူ့ရဲ့အကျင့်တွေကြောင့် သူ့ကို မုန်းတီးနေကြတဲ့ ဇနီးဟောင်း သုံးဦးနဲ့အတူ ကျန်ရစ်ခဲ့ပါတယ်။ တစ်ချိန်က သူ့ကို ကျောင်းထုတ်ခဲ့တဲ့ ကောလိပ်က သူ့စာပေလက်ရာအတွက် ဂုဏ်ပြုဆု ချီးမြှင့်တော့မယ့်အချိန်မှာ သူဟာ စာရေးမရတဲ့ အခက်အခဲနဲ့ ရင်ဆိုင်နေရပါတယ်။ ဒါ့အပြင် သူ့ရဲ့နောက်ဆုံးချစ်သူကလည်း စာရေးဆရာသူငယ်ချင်းတစ်ဦးနဲ့ လက်ထပ်တော့မယ့် အခြေအနေကို ကြုံတွေ့နေရပါတယ်။ သူ့ရဲ့ဝတ္ထုတွေနဲ့ ဇာတ်လမ်းတွေထဲက ဇာတ်ဝင်ခန်းတွေက သူ့ရှေ့မှာ ဖြတ်သန်းသွားပြီး သူ့နဲ့ထိတွေ့ဆက်ဆံလာတဲ့အခါ ဟယ်ရီ ဟာ သူ့ရဲ့ဇနီးတွေ၊ ချစ်သူတွေ၊ သားဖြစ်သူနဲ့ အစ်မဖြစ်သူတို့လို သူ့ရဲ့ဘဝကို ထိခိုက်စေခဲ့တဲ့ လူတွေနဲ့ ရင်ဆိုင်ရပါတော့တယ်... File size…(2 GB)/(965 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

Everyone Says I Love You က ဝူဒီအယ်လန်ရဲ့တစ်ကားတည်းသော မြူဇစ်ကယ်ရုပ်ရှင်။ အယ်လန်အနေနဲ့တော့ မြူဇစ်ကယ်တစ်ကားလောက် ရိုက်ကြည့်ချင်တဲ့ စိတ်ကူးကို အကောင်အထည်ဖော်နိုင်ခဲ့တဲ့ ရုပ်ရှင်ပေါ့။ ဆိုပေမဲ့ သူ့ထုံးစံအတိုင်း ပြက်လုံးတွေလည်း မနည်းပါတယ်။ ဒီကားကို မြူဇစ်ကယ်ကားစစ်စစ်လို့ မြင်ပေးဖို့တော့ နည်းနည်းခက်တယ်။ သီချင်းတွေက ဒိုင်ယာလော့မှာ ပြောပြီးသားအကြောင်းအရာတွေဖြစ်ရင်ဖြစ် မဖြစ်ရင် ဒီတိုင်း သီချင်းတွေဖြစ်နေလို့ပါပဲ။ အယ်လန်ကတော့ ဇာတ်ကားထဲမှာရော သူ့အကြောင်းဘိုင်အိုစာအုပ်ထဲမှာရော ဒီကားထဲက သီချင်းတွေကို ဖြုတ်လိုက်ရင် ဒီကားက တော်တော်ကြောင်တဲ့ကားဖြစ်သွားမယ်ပြောခဲ့ဖူးတယ်။ ပုံမှန်မြူဇစ်ကယ်တွေနဲ့မတူတာတော့ အမှန်ပဲ။ ဇာတ်ကားထဲက သီချင်းတွေကိုလည်း ဒရူးဘယ်ရီမိုးကလွဲလို့ ကျန်တဲ့လူတွေအကုန် သူတို့ဘာသာဆိုထားတယ်။ နည်းနည်းတော့စားတယ်ပြောရမှာပေမဲ့ အဲဒါကိုကလည်း အယ်လန်လိုချင်ခဲ့တဲ့အနေပဲ။ သူ့အဆိုအရတော့ သာမန် ယောက်ျားတစ်ယောက်နဲ့မိန်းမတစ်ယောက် ပလိန်းကြီး သီချင်းထဆိုနေတာထက် ကြောင်တာမရှိတော့ဘူးပေါ့။ ဇာတ်ကလည်း မြူဇစ်ကယ်ဒရာမာတွေမှာ မြင်နေကျမဟုတ်တဲ့ဇာတ်။ လူကုံထံမိသားစုရဲ့ ပြဿနာတွေချည်းသက်သက်ကို ရိုက်ပြထားတာ။ သူတို့မိသားစုပြဿနာ သူတို့အချစ်ပြဿနာစသည်ဖြင့်ပေါ့။ ဒါကိုပဲ မြူဇစ်ကယ်ဖြစ်အောင် ရိုက်ပြထားတယ်။ ဆိုပေမဲ့ ဒီကာလတွေမှာ သူ့အဆုံးသတ်တိုင်းမှာ တစ်စုံတရာတော့ သူထည့်ချင်ခဲ့ပုံပါပဲ။ ကြည့်ဖြစ်ရင်တော့ ခံစားမိလိမ့်မယ်။ ဒီကားက ဝက်ဝက်ကွဲအရှုံးပေါ်ခဲ့ပေမဲ့ ဝေဖန်ရေးသမားတွေကတော့ အကြိုက်တွေ့ခဲ့ကြတဲ့ အယ်လန့်ရုပ်ရှင်တွေထဲက တစ်ကားပါပဲ။ ရော်ဂျာအတ်ဘတ်ဆိုလည်း အယ်လန့်အကောင်းဆုံးတွေထဲကတစ်ကားလို့ သမုတ်ခဲ့တယ်။ သရုပ်ဆောင်တွေကတော့ အယ်လန်ကိုယ်တိုင်အပြင် Drew Barrymore, Gaby Hoffmann , Natalie Portman, Julia Roberts, Tim Roth, Natasha Lyonne, Alan Aldaတို့လို ခေတ်အဆက်ဆက်က နာမည်ကြီးတွေ သရုပ်ဆောင်ထားပါတယ်။ File size…    4.44 GB / 1.14 GB Quality… Blu-ray 1080p / 720p Format… mp4 Duration…. 1h 41m Genre ..... Comedy , Romance Subtitle…. Myanmar Subtitle (Hard Sub)