Dan White ပါဝင်သော ဇာတ်ကားများ

ဒီဇာတ်ကားလေးကတော့ လိင်တူနှစ်သက်သူအခွင့်အရေးတက်ကြွလှုပ်ရှားသူ နိုင်ငံရေးပညာရှင် ဟာဗီမစ်ရဲ့ဘဝအကြောင်းကို ပြန်လည်ရိုက်ကူးထားတဲ့ Biographical Film လေး ဖြစ်ပါတယ်။ IMDb Rating 7.5/10 နှင့် Rotten Tomatoes မှာ Audience Rating 93 % ရရှိထားတဲ့ လုံးဝလက်မလွှတ်သင့်ဘဲ ကြည့်ရှုသင့်တဲ့ ဇာတ်ကားလေးဖြစ်ပါတယ်။ ဇာတ်လမ်းအကျဉ်း ဟာဗီမစ်ဆိုတဲ့လိင်တူချစ်သူနှင့် သူ့ကောင်လေး စကော့စမစ်တို့ဟာ နယူးရော့ခ်ကနေ ဆန်ဖရန်စစ္စကိုကို ရေကြည်မြက်နုရာ တူနှစ်ကိုယ် ပြောင်းရွေ့လာရင်း ကက်စထရိုမြို့မှာပဲ ကင်မရာဆိုင်လေးဖွင့်ရာကနေ လိင်တူနှစ်သက်သူ ဂေးတွေဟာ အိမ်ရာ အလုပ်အကိုင် ပညာရေး လူမှုပတ်ဝန်းကျင် အဘက်ဘက်မှာ ခွဲခြားဆက်ဆံတာတွေ အလုပ်ဖြုတ်ပစ်တာတွေ ငယ်ငယ်ရွယ်ရွယ်နဲ့ မိဘကနှင်ချတာတွေ အနိုင်ကျင့်တာတွေ အစရှိတဲ့မတရားမှုတွေကို သူမျက်စိရှေ့မှာ မြင်တွေ့ကြုံတွေ့လာရတဲ့အခါ လိင်တူချစ်သူဂေးတွေ လက်စဘီယန်တွေရဲ့ ရသင့်ရထိုက်တဲ့ အခွင့်အရေးတွေအတွက် တက်ကြွလှုပ်ရှားရာကနေ နိုင်ငံရေးဘက်ကို ကူးပြောင်းလာပြီး လိင်တူနှစ်သက်သူတွေအတွက်တင်မကဘဲ အသားအရောင်မတူညီမှု သက်ကြီးရွယ်အို မသန်စွမ်းတွေ အစရှိတဲ့ ခွဲခြားဆက်ဆံမှုတွေထိ ကြီးမားခက်ခဲတဲ့နိုင်ငံရေးအတိုက်အခံတွေကြားထဲကနေ ဘယ်လိုအများအကျိုးသယ်ပိုးသွားခဲ့လဲဆိုတာက အောက်မေ့ဖွယ်ကြည့်ရှုရမှာ ဖြစ်ပါတယ်။ File size…(2.4 GB)/(1.2 GB) Quality….Webrip 1080p / 720p Format…mp4 Duration….02:08:00 Genre...Drama, Biography, History Subtitle….Myanmar Subtitle (Hardsub) Encoder….Garfield Translated by Matteo

To Kill a Mockingbird ဟာ စာ‌ရေးဆရာမ Harper Lee ရဲ့ 1960 ဝန်းကျင် လူ့အခွင့်အရေးလှုပ်ရှားမှုများကြားထဲမှာ ထုတ်ဝေခဲ့ပြီး၊ နှစ်ပေါင်းများစွာ အညွှန်းအများဆုံး၊ စာဖတ်သူ အများဆုံးဖြစ်ခဲ့တဲ့ စာအုပ်တအုပ်ပါ။ စာအုပ်စာပေတွေ ရုပ်ရှင်တွေနဲ့ ရင်းနှီးတဲ့ လူတယောက် ဆိုရင် ဒီစာအုပ် ဒီရုပ်ရှင်ကို တချိန်ချိန် တနေနေရာမှာ တယောက်ယောက် ပြောတာဖြစ်ဖြစ်၊ ညွှန်းတာဖြစ်ဖြစ်ကိုကြားဖူးကြမှာပါ။ ဒီမူရင်းစာအုပ်ကို စတင်ထုတ်ဝေတုန်းက၉၅ ပတ်ကြာမျှ အရောင်းရဆုံးမှတ်တိုင် ထူခဲ့သည့်အပြင် ၁၉၈၂ ခုနှစ်ထိ အုပ်ရေ ၁၅ သန်း ရိုက်နှိပ်ခဲ့ရပြီး ဘာသာပေါင်းများစွာ ပြန်ဆိုခဲ့ရသည့်စာအုပ်တစ်အုပ်ဖြစ်ပါသည်။ ကမ္ဘာပေါ်က အဖတ်သင့်ဆုံး ဂန္တဝင် စာအုပ် အုပ် ၁၀၀ ထဲကိုလည်း ပါခဲ့ပြီး စာရေးဆရာမကလည်း ပူလစ်ဇာ ဆုကို ဒီစာအုပ်နဲ့ပဲရခဲ့ပါတယ်။ ဒီစာအုပ်ကို မြန်မာဘာသာပြန်အနေနဲ့ "တောင်ပံမဲ့ သင်းကွဲတေးဆိုငှက်ငယ်" အမည်နဲ့ စာရေးဆရာတင်မောင်မြင့်ဘာသာပြန်ဆိုတော့လည်း ၂၀၀၄ ခုနှစ်ရဲ့ အကောင်းဆုံးအမျိူးသားဘာသာပြန်(ရသ) ဆုကို ရခဲ့ပါတယ်။ စာအုပ်ကအောင်မြင်လို့ ဒီ To Kill a Mockingbird ကို ရုပ်ရှင်ပြန်ရိုက်တဲ့အခါမှာလည်း အကောင်းဆုံး အဓိက ဇာတ်ဆောင်ဆု၊ အကောင်းဆုံး ဇာတ်ညွှန်းဆု နဲ့ အကယ်ဒမီဆု ၃ ဆု အပြင်တခြားသော ရွှေကမ္ဘာလုံးဆုတွေကိုရခဲ့ပြီး တော်တော်ကြီးအောင်မြင်ခဲ့ပါတယ်။ ပြောရရင် ဒီစာအုပ်က ထိတိုင်း ရွှေဖြစ်တဲ့စာအုပ်လို့တောင် ပြောလို့ရပါတယ်။ ဒီဇာတ်ကားက သူ့ခေတ်သူ့အခါမှဖြစ်ခဲ့တဲ့ လူမည်းမုန်းတီးရေးနဲ့ လူမျိုးရေးခွဲခြားမှု ပြဿနာကို ကွက်ကွက်ကွင်းကွင်းကြီးမြင်သာအောင်ပြနိုင်ခဲ့ပြီးလူမှုပတ်ဝန်းကျင်က လူမည်းတွေအပေါ် အမြင်နဲ့ တရားစီရင်ရေး ကိစ္စမှာလည်း လူမည်းတွေကို မျက်နှာသာမပေးပဲ လူမည်းဆိုရင် အကျင့်ပျက်ယုတ်မာတယ်လို့မြင်တဲ့ လူ့အသိုင်းအဝိုင်းကြီးကြားမှာ ရှေ့နေ့ အာတီကက်စ်နဲ့ သူ့ရဲ့ ကလေးနှစ်ယောက်ဖြစ်တဲ့ ဂျင်မ် နဲ့ စကောက်တို့ တွေ့ကြုံရပုံတွေကို စကောက်ရဲ့ အမြင်ကနေ ပြထားပါတယ်။ ဒီမှာတေးဆိုငှက်ဆိုတွေကို"သူတို့က လူသားတွေ နားသောတဆင်ဖို့တေးသီပေးတယ်။ ငါတို့ရဲ့ အပင်တွေကို ကိုက်ဖြတ်မစားဘူး။ တံစပ်မိတ်မှာ အသိုက်လာမဆောက်ဘူး။အပြစ်ဆိုတာ ဘာတစ်ခုမှ မလုပ်ဘဲ၊ ရင်နင့်အောင်တေးသီပေးနေတဲ့ ငှက်လေးကို သတ်မိရင် ငရဲလားမယ်ကွ။" ဆိုပြီးတော့ တေးဆိုငှက်တွေကို လူမည်းတွေရဲ့ အဲ့ဒီခေတ်က မတရားခံနေရပုံကိုမြင်ရအောင်ဥပမာပေးထားပါတယ်။ တေးဆိုငှက်တွေက အပြစ်ကင်းစင်တယ်။ အားနည်းသူကို ကာကွယ်ပေးချင်တယ်။ သူတို့ကိုယ်တိုင်ကကျတော့ သူတစ်ကာရဲ့ အနိုင်ကျင့်မှု၊ မတရားမှုကို ခံနေရတယ်။ ဒီအထဲက ကလေးသရုပ်ဆောင် နှစ်ယောက်ကလည်း ချစ်ဖို့ကောင်းပြီး စာအုပ်ထဲက ကလေးတွေရဲ့ အပြစ်ကင်းစင်မှု ပတ်ဝန်းကျင်ရဲ့ နှားခေါင်းရှုံ့မှုကို ကလေးပီပီ မခံနိုင်တာတွေ အဖေဖြစ်သူက သားသမီးတွေကို လူမည်းမုန်းတီးရေး အမြင်တွေကို မပါအောင်ဆုံးမမှုတွေနဲ့ ရင်နင့်စရာ အဖြစ်အပျက်တွေကို စိတ်ဝင်တစားကြည့်ရှုရမှာပါ။ ဘာသာပြန်ကိုလည်း မြန်မာဘာသာပြန်စာအုပ်ကို ဖတ်ပြီးတော့ အတတ်နိုင်ဆုံးအဆင်ပြေအောင်ပြန်ပေးထားပါတယ်။ To Kill a Mockingbird က မူရင်းစာအုပ် ဘာသာပြန်စာအုပ် ရုပ်ရှင် တွေအကုန်လုံးမှာ အောင်မြင်ခဲ့ပြီး မကြည့်ရသေး မသိရသေးရင် ကြည့်ကိုကြည့်သင့်တဲ့ ဂန္တဝင်ရုပ်ရှင်တကားဖြစ်ပါတယ်။ File size… 2.5 GB / 1.26 GB Quality… Blu ray 1080p / 720p Format… mp4 Duration…. 2h 9m Genre ..... Drama / Family Subtitle…. Myanmar Subtitle (Hard Sub)

IMDb - 8/10 ဂန္တဝင်​ရုပ်ရှင်​ Citizen Kane ကို ရိုက်​ကူး၊ သရုပ်​ဆောင်​ခဲ့တဲ့ ဒါရိုက်တာ​ Orson Welles ရိုက်​ကူး​ထား​ပြီး ၁၉၅၈ ခုနှစ်​မှာ ထွက်ရှိ​ခဲ့တဲ့​ ဒီဇာတ်ကားက Noir/ Thriller အမျိုး​အစား​ မှုခင်း​ရုပ်ရှင်​ဖြစ်​ပါတယ်။ Ten Commandments မှာ Moses အဖြစ်​၊ Ben Hur ရုပ်ရှင်​မှာ Ben Hur​ အဖြစ်​ အဓိက​ဇာတ်​ကောင်​နေရာတွေ​ကနေ သရုပ်ဆောင်​ခဲ့တဲ့ မင်းသား​ကြီး​ Charlton Heston က ဒီ​ဇာတ်​ကား​မှာ မက္ကဆီကန်​အရာရှိ Vargas အဖြစ်​ အဓိက​သရုပ်ဆောင်​ထားပါတယ်။ ဇာတ်လမ်း​အကျဥ်း​ကတော့ မက္ကဆီကိုနဲ့ အမေရိက​ နယ်စပ်​အနားက မြို့​လေး​တစ်မြို့မှာ ကားဗုံး​ပေါက်ကွဲ​မှုတစ်ခု ဖြစ် သွားပါတယ်။ မက္ကဆီကန်​ မူးယစ်​အရာရှိ​တစ်ဦးဖြစ်တဲ့ Miguel Vargas နဲ့ အမေရိကန်​စုံထောက်​အရာရှိ​ ကပ္ပတိန်​ Hank Quinlan​တို့ ဒီအမှုကို အတူစုံစမ်းဖော်ထုတ်ကြရာမှ နှစ်ဦး​ကြား​ ပဋိပက္ခ​တွေဖြစ်ပွားလာပြီး တစ်​ချိန်​တည်း​မှာ​ Vargas​ ရဲ့ ဇနီး​ Susan ကိုလည်း​ Vargas​ ရဲ့ရန်သူ Grandi မိသားစု​က ဒုက္ခ​ပေး​ဖို့ ကြံစည်​လာပါ​တာ့တယ်။ ဒီဇာတ်ကားကို ရိုက်ကူး​တဲ့ ဂန္တဝင်​ဒါရိုက်တာ​ကြီး Orson Welles က ရဲ​အရာရှိ​ကြီး Hank Quinlan​ နေရာ​မှာ သရုပ်ဆောင်​ထား​ပါတယ်။ အဖြူ​အမည်း​ရုပ်​ရှင်​ကိုမှ Noir​ အမျိုးအစား​ဖြစ်​ပေမဲ့​ Thriller ဇာတ်လမ်း​ပီပီ ဆွဲဆောင်​မှုရှိတဲ့ ဇာတ်​အိမ်​နဲ့အတူ​ Orson Welles ရဲ့​ အကောင်း​ဆုံး​ရုပ်ရှင်​တွေ​ထဲက တစ်ခု​အဖြစ်​ သတ်မှတ်​ခံထားရ​ပါတယ်။ ၁၉၉၈ မှာ Universal က ဒီရုပ်ရှင်ကို ဗားရှင်းအသစ်နဲ့ ပြန်​လည်​ထုတ်​လွှင့်​ခဲ့ပါသေးတယ်။ File size…(1.9 GB)/(1.5 GB) Quality….Blu-Ray 1080p / 720p Format… mp4 Duration…. 01:35:00 Genre... Film Noir, Crime, Drama, Thriller Subtitle….Myanmar Subtitle (Hardsub) Encoder….Garfield Translated by Wolfenheim

The Country Girl (1954) IMDB : 7.2 Rotten Tomatoes : 78% Genre : Drama / Music / Romance " The Country Girl " ရုပ်ရှင်ဟာ 1954 ခုနှစ်မှာ ထွက်ရှိခဲ့ပြီး Clifford Odets ရဲ့ နာမည်ကြီးစာအုပ်ထဲက ဇာတ်လမ်းကို အခြေခံထားတာဖြစ်ပါတယ်။ ဒါရိုက်တာ George Seaton ရိုက်ကူးထားတဲ့ ဒီဇာတ်ကားဟာ ကြည့်ပြီးရင် စိတ်ထဲမှာ တစ်ခုခု ကျန်နေရစ်မယ့် Timeless Classic drama လိုမျိုးပါပဲ ။ဒီကားက Academy Awards ၂ ဆုလည်းရရှိခဲ့ပါတယ်။ Grace Kelly အတွက် Best Actress နဲ့ Best Writing (Adapted Screenplay)ဆုတွေရရှိခဲ့ပါတယ် ။ - ဇာတ်လမ်းအညွှန်း ဇာတ်လမ်းက တစ်ချိန်က အောင်မြင်ခဲ့တဲ့ မင်းသား Frank Elgin (Bing Crosby) နဲ့ စတင်ထားပါတယ်။ သူက တစ်ချိန်က လူကြိုက်များတဲ့ မင်းသားဖြစ်ပေမဲ့ အောင်မြင်မှုဒဏ်ကိုမခံနိုင်ဘဲ အရက်သမားဖြစ်သွားပြီး ၊ စိတ်ခံစားမှုမတည်ငြိမ်မှုတွေကြောင့် အောင်မြင်မှုတွေကို အကုန်ဆုံးရှုံးသွားခဲ့တယ် ။ သူလုံးဝ အားကိုးနေရတဲ့သူကတော့ ဇနီး ဖြစ်သူ Georgie (Grace Kelly) ပဲ ဖြစ်ပါတယ်။ Georgie က သူ့‌ ယောက်ျားအောင်မြင်ဖို့အတွက် အမြဲကြိုးစားပြီး စိတ်ပိုင်းဆိုင်ရာမှာ ထောက်ပံ့ပေးနေရသူတစ်ယောက်ဖြစ်တယ်။ အဲဒီအချိန်မှာတော့ ဒါရိုက်တာ Bernie Dodd (William Holden) က Frank ကို နောက်ဆုံးအခွင့်အရေးပေးချင်ပြီး ပြန်လည်အောင်မြင်ဖို့ ဇာတ်လမ်းတစ်ခုမှာ အဓိက ဇာတ်ကောင်အနေနဲ့သရုပ်ဆောင်ဖို့ ကမ်းလှမ်းလာတယ် ။ ဒါပေမဲ့ လက်တွေ့မှာတော့ Frank ရဲ့ အားနည်းချက်တွေ၊ စွဲလမ်းမှုတွေကြောင့် Georgie အနေနဲ့ သူ့ယောက်ျားစိတ်အခြေအနေတည်ငြိမ်ဖို့ ၊ ဇာတ်လမ်းမှာ ကောင်းကောင်းမွန်မွန် ပြန်သရုပ်ဆောင်နိုင်ဖို့အတွက် ကြိုးစားပြီး အားပေးအားမြှောက်လုပ်ခဲ့ရတယ်။ တစ်ချိန်တည်းမှာလည်း Bernie က Frank စိတ်ဒဏ်ရာရနေတာ‌တွေက Georgie ကြောင့်လို့ထင်ခဲ့တယ် ။ အမှန်တကယ်က Georgie ကပဲ သူ့ယောက်ျားအ‌တွက် အနစ်နာခံခဲ့ရတာ။ Bernie က Georgie အကြောင်းသိပြီးတဲ့နောက်မှာတော့ အိမ်ထောင်သည်အမျိုးသမီး Georgie အပေါ်ကို သဘောကျစိတ်ဖြစ်လာခဲ့တယ်။ အဲလိုနဲ့ နောက်ပိုင်းမှာ Frank က ဇာတ်လမ်းကို ပြီးမြောက်အောင် ကောင်းကောင်းမွန်မွန် သရုပ်ဆောင်နိုင်ပြီး ပြန်ပြီးအောင်မြင်နိုင်မလား ၊ သူနဲ့ Georgie ရဲ့ အိမ်ထောင်ရေးကရော ဘယ်လိုဖြစ်သွားမလဲဆိုတာ စိတ်ဝင်စားဖွယ်ကြည့်ရှုရမဲ့ ဇာတ်လမ်းလေးမို့ Classic Movie Fan တွေအကြိုက်တွေ့မယ်လို့မျှော်လင့်ပါတယ် ။ #အဓိက သရုပ်ဆောင်များ Bing Crosby – Frank Elgin အဖြစ် Grace Kelly – Georgie Elgin အဖြစ် William Holden – Bernie Dodd အဖြစ် သရုပ်ဆောင်ထားပါတယ် File size…  1.8 GB / 2.1 GB Quality… Blu-ray 1080p / 720p Format… mp4 Duration…. 1h44m Genre ... Drama / Music Subtitle…. Myanmar Subtitle (Hard Sub)

The Tall Target ဆိုတာက အရပ်အမောင်းကောင်းတဲ့ သမ္မတကြီးလင်ကွန်းကို ရည်ညွှန်းတာပါ။ ၁၈၆၁ ခုနှစ်မှာ နယူးယောက်ရဲဌာနက ဆာဂျင့်ကနေဒီဟာ သမ္မတလောင်းလင်ကွန်းကို ကျမ်းသစ္စာမဆိုခင် ဘာတီမိုးမှာမိန့်ခွန်းပြောတုန်း လုပ်ကြံမယ်ဆိုတာကို သတင်းအတိအကျရထားလို့ အထက်ကိုတင်ပြပေမဲ့ အထက်က ဂရုမစိုက်တော့ ကိုယ်တိုင်ကိုယ်ကျ ရထားစီးကာ ဘာတီမိုးကိုလိုက်သွားရတယ်။ နယူးယောက်ကနေ ဝါရှင်တန်ထိသွားမယ်ရထားပေါ်မှာ ကနေဒီအတွက်နေရာဦးပေးထားတဲ့ သူ့မိတ်ဆွေကြီးကပါ အသတ်ခံလိုက်ရတော့ ကနေဒီဟာ သူကိုယ်တိုင်ပါ အန္တရာယ်ရှိနေမှန်း သိသွားခဲ့ပေမဲ့ ရထားပေါ်မှာ မသမာသူတွေကိုရှာရင်း သမ္မတလောင်းကြီးလင်ကွန်းကို သတိပေးဖို ခရီးဆက်ရပါမယ်။ ဒီဇာတ်ကားဟာ တကယ်ဖြစ်ပျက်ခဲ့တဲ့ Baltimore Plot ဆိုတဲ့ အဖြစ်အပျက်ကို ရိုက်ကူးထားတာပါ။ File size…(1.4 GB)/(1.1 GB) Quality….Blu-Ray 1080p / 720p Format… mp4 Duration…. 01:18:00 Genre... Adventure, Crime, Drama, Thriller Subtitle….Myanmar Subtitle (Hardsub) Encoder….Garfield Translated by Su

၁၉၅၀ ခုနှစ်က ထွက်ရှိခဲ့တဲ့ "The Gunfighter" ရုပ်ရှင်ဟာ သာမန် အက်ရှင် ကောင်းဘွိုင် (Western) ကားတွေနဲ့ မတူဘဲ ဇာတ်ကောင်ရဲ့ စိတ်ပိုင်းဆိုင်ရာကို အဓိကထား ရိုက်ကူးထားတဲ့ ဂန္ထဝင်ကားကောင်း တစ်ကားဖြစ်ပါတယ်။ နာမည်ကျော် မင်းသားကြီး ဂရက်ဂရီ ပက်ခ် (Gregory Peck) က အဓိကဇာတ်ကောင် ဂျင်မီ ရင်ဂို (Jimmy Ringo) နေရာကနေ အသက်ဝင်ဝင် သရုပ်ဆောင်ထားပါတယ်။ ဇာတ်လမ်းက နာမည်ကြီး သေနတ်သမား ဂျင်မီ ရင်ဂို အကြောင်းကို ဇာတ်အိမ်တည်ထားပါတယ်။ သူဟာ အတိတ်က သတ်ဖြတ်မှုတွေ၊ နာမည်ကျော်ကြားမှုတွေကို စိတ်ကုန်နေပြီး အေးချမ်းတဲ့ ဘဝတစ်ခုကို တည်ဆောက်ချင်နေသူပါ။ ခွဲခွာနေရတဲ့ သူ့မိန်းမနဲ့ ကလေးဆီ ပြန်သွားပြီး ရိုးရိုးရှင်းရှင်း နေချင်ပေမယ့် သူ့ရဲ့ "အမြန်ဆုံး သေနတ်သမား" ဆိုတဲ့ နာမည်ဆိုးကြီးက သူ့ကို အမြဲ ဒုက္ခပေးနေပါတယ်။ နေရာသစ်တစ်ခုကို ရောက်တိုင်း နာမည်ကြီးချင်တဲ့ သွေးဆူနေတဲ့ လူငယ်လေးတွေက သူ့ကို အမြဲလာစိန်ခေါ်နေတတ်ပါတယ်။ ဒီလိုနဲ့ သူဟာ ဘယ်ကိုပဲသွားသွား ကိုယ့်အရိပ်ကိုတောင် ကိုယ်ပြန်ကြောက်နေရတဲ့ ဘဝကို ဖြတ်သန်းနေရပါတယ်။ ဒီဇာတ်ကားမှာ Gregory Peck ရဲ့ သရုပ်ဆောင်မှုက တကယ်ကို အံ့မခန်းပါပဲ။ မကောင်းဆိုးဝါး လူသတ်သမား တစ်ယောက်ထက်စာရင် အတိတ်ရဲ့ အရိပ်မည်းကြောင့် နောင်တရနေတဲ့၊ အထီးကျန်နေတဲ့ လူတစ်ယောက်ရဲ့ ခံစားချက်နဲ့ ဘယ်အချိန် သေမလဲဆိုတဲ့ စိုးရိမ်စိတ်တွေကို သူ့ရဲ့ မျက်နှာအမူအရာတွေကနေတစ်ဆင့် ပီပြင်စွာ မြင်တွေ့ရမှာပါ။ ဇာတ်လမ်းက နေရာတစ်ခုတည်း (ဘားဆိုင်) မှာ နာရီအနည်းငယ်အတွင်း ဖြစ်ပျက်သွားတာကို အဓိက ရိုက်ကူးထားပေမယ့် ကြည့်ရှုသူကို အစအဆုံး စိတ်လှုပ်ရှားမှု အပြည့်ပေးနိုင်ပါတယ်။ ဒါရိုက်တာ Henry King ရဲ့ တင်ဆက်ပုံက ပရိသတ်ကို ဇာတ်ကောင်နဲ့အတူ မွန်းကျပ်လာစေပါတယ်။ နာမည်ကျော်ကြားမှုရဲ့ နောက်ကွယ်က အထီးကျန်ဆန်မှုနဲ့ အတိတ်က လုပ်ရပ်တွေဟာ ဘယ်တော့မှ ပြေးပုန်းလို့ မရဘူးဆိုတဲ့ အသိကို သေသေချာချာ ပေးစွမ်းနိုင်ပါတယ်။ "The Gunfighter" ဟာ သေနတ်ပစ်ခတ်ခန်းတွေချည်း သက်သက် မဟုတ်ဘဲ ဇာတ်လမ်းဇာတ်အိမ် ခိုင်မာမှု၊ စိတ်ပညာပိုင်းဆိုင်ရာ ချဉ်းကပ်မှုတွေကြောင့် မဖြစ်မနေ ကြည့်ရှုသင့်တဲ့ ရုပ်ရှင်ကားကောင်း တစ်ကားပါ။ အက်ရှင်ထက် ဇာတ်ကောင်ရဲ့ ခံစားချက်ကို ဦးစားပေးတဲ့ Western ကားတွေကို နှစ်သက်တယ်ဆိုရင် ဒီကားကို လုံးဝ လက်မလွတ်သင့်ပါဘူး။ အမှတ်ပေးရမယ်ဆိုရင်တော့ ၈/၁၀ လောက်အထိ ရဲရဲကြီး ပေးနိုင်တဲ့ ကားမျိုးပါ။ File size…2.40 GB/1.22 GB Quality… Blu - Ray 1080p & 720p Format… mp4 Duration…. 1h 25m Genre ..... Western Subtitle…. Myanmar Subtitle (Hard Sub)

နာမည်ကျော်ဂန္ဓဝင်မင်းသားကြီးတွေဖြစ်တဲ့ John Wayne နဲ့ တွဲဖက်မင်းသားMontgomery Clift ကိုနာမည်တစ်လုံးရစေခဲ့ပြီး သူ့ခေတ်သူ့အခါကဝင်ငွေအကောင်းဆုံးစာရင်းဝင်ဖြစ်ခဲ့တဲ့ ဇာတ်ကားဖြစ်ပါတယ်။ ဇာတ်လမ်းအကျဉ်းကတော့ ဇွဲကြီးပြီးခေါင်းမာတတ်တဲ့၊ မဖြစ်နိုင်ဘူးလို့လူအများပြောတဲ့ ကိစ္စတွေကိုဖြစ်အောင်လုပ်တတ်တဲ့ Thomas Dunson (John Wayne) ကနွားအုပ်ကြီးကို တက္ကဆက်ကနေ မစ်ဆူရီပြည်နယ်အထိ ခရီးကြမ်းနှင်ပို့ဆောင်တဲ့ ခရီးစဉ်တစ်လျှောက်နဲ့လမ်းမှာရင်ဆိုင်ရတဲ့ သဘာ၀ဘေးအန္တရာယ်တွေ အချင်းချင်းပဋိပက္ခတွေနဲ့စွန့်စားခန်းရှည်ကြီးအကြောင်းပါပဲ။အော်စကာဆုနှစ်ဆု လျာထားခံခဲ့ရပြီး အမြဲတမ်း အကောင်းဆုံး Western ကားတွေထဲမှာ နံပါတ်ငါးချိတ်ထားပါတယ်။ ကမ္ဘာ့ရုပ်ရှင်သမိုင်းမှာဂန္ဓဝင်လက်ရာတစ်ခုအဖြစ် ခိုင်ခိုင်မာမာရပ်တည်နေတာဖြစ်လို့ မကြည့်မဖြစ်ကြည့်သင့်တဲ့ ဇာတ်ကားတစ်ကားပါပဲ။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

အချစ်၊ အမုန်းနဲ့ နေဝန်းနီထဲက အတ္တများ "Duel in the Sun" ဟာ ၁၉၄၆ ခုနှစ်မှာ ထွက်ရှိခဲ့တဲ့ နာမည်ကြီး အနောက်တိုင်း (Western) ရုပ်ရှင်တစ်ကား ဖြစ်ပါတယ်။ အဲဒီခေတ်က အရမ်းနာမည်ကြီးခဲ့တဲ့ ဒါရိုက်တာတွေ၊ သရုပ်ဆောင်တွေနဲ့ ရိုက်ကူးထားပြီး ရုပ်ရှင်သမိုင်းမှာ အလွန်ရည်မှန်းချက်ကြီးကြီးနဲ့ ဖန်တီးခဲ့တဲ့ ကားတစ်ကားဆိုရင်လည်း မမှားပါဘူး။ ဒီကားဟာ ပြင်းထန်တဲ့ ရမ္မက်၊ မိသားစု အကွဲအပြဲနဲ့ တကယ့်ကို ပြဇာတ်ဆန်ဆန် ဇာတ်လမ်းတစ်ပုဒ်ကို တင်ဆက်ထားပါတယ်။ ဇာတ်လမ်းရဲ့ အဓိကကတော့ ခြေလုပ်လက်လုပ်မရှိဘဲ မိဘမဲ့ဖြစ်သွားတဲ့ Pearl Chavez (Jennifer Jones) ဆိုတဲ့ မိန်းမလှလေးတစ်ဦးကို အခြေခံထားပါတယ်။ သူမဟာ သူမရဲ့ ဖခင်မသေဆုံးခင်မှာ ရင်းနှီးတဲ့ ဆွေမျိုးတော်စပ်သူတွေဆီကို လွှဲအပ်ပေးခဲ့ပါတယ်။ အဲဒီဆွေမျိုးတွေကတော့ McCanles မိသားစုဖြစ်ပြီး၊ ဖခင်ကြီးက အာဏာရှင်ဆန်ဆန် အကျင့်ရှိကာ၊ မိခင်ကြီးကတော့ သဘောထားပြည့်ဝသူပါ။ ဒီမိသားစုမှာ သားနှစ်ယောက်ရှိပါတယ်။ တစ်ယောက်ကတော့ ယဉ်ကျေးသိမ်မွေ့ပြီး သဘောကောင်းတဲ့ Jesse (Joseph Cotten) နဲ့ အခြားတစ်ယောက်ကတော့ ရိုင်းစိုင်းကြမ်းတမ်းပြီး မိန်းမများတဲ့ Lewt (Gregory Peck) တို့ ဖြစ်ပါတယ်။ Pearl ရောက်လာပြီးနောက်ပိုင်းမှာ ညီအစ်ကိုနှစ်ယောက်စလုံးက သူမကို စိတ်ဝင်စားသွားပြီး အချစ်၊ ရမ္မက်နဲ့ မနာလိုဝန်တိုမှုတွေကြားမှာ မိသားစုတွင်း ပဋိပက္ခတွေ ကြီးထွားလာပါတယ်။ နောက်ဆုံးမှာတော့ ဒီပြင်းထန်တဲ့ စိတ်ခံစားမှုတွေက အားလုံးကို ဖျက်ဆီးပစ်မယ့် ကြမ္မာဆိုးဆီကို ခေါ်ဆောင်သွားတော့တဲ့ အကြောင်းဖြစ်ပါတယ်။ ဒီကားရဲ့ အထင်ရှားဆုံး အားသာချက်ကတော့ မျက်စိပသာဒဖြစ်စေတဲ့ ရှုခင်းတွေနဲ့ အရောင်အသွေးတွေပါ။ နေမဝင်ခင်၊ နေထွက်ခါစ အနောက်ပိုင်းက တောတောင်တွေနဲ့ ကောင်းကင်ယံရှုခင်းတွေကို ရိုက်ကူးထားတာက ပန်းချီကားတစ်ချပ်လောက်ကို လှပပါတယ်။ တကယ်ကို Epic ဖြစ်စေမယ့် Cinematography ပါ။ အထူးသဖြင့် Jennifer Jones က စိတ်လှုပ်ရှားမှု ပြင်းထန်ပြီး၊ ယိမ်းယိုင်နေတဲ့ Pearl ရဲ့ စိတ်နေသဘောထားကို အံ့မခန်း သရုပ်ဆောင်သွားပါတယ်။ Gregory Peck ကလည်း သူ့ရဲ့ ထုံးစံဖြစ်တဲ့ သရုပ်ဆောင်နေကျပုံစံကနေ ခွဲထွက်ပြီး ဆိုးယုတ်တဲ့ အစ်ကိုဖြစ်သူ Lewt နေရာမှာ ထိထိမိမိ သရုပ်ဆောင်နိုင်ခဲ့ပါတယ်။ "Duel in the Sun" ဟာ အနောက်တိုင်းရုပ်ရှင်တွေကို ကြိုက်နှစ်သက်သူတွေ၊ ပြင်းထန်တဲ့ စိတ်ခံစားမှုတွေကို အခြေခံထားတဲ့ Drama တွေကို နှစ်သက်သူတွေအတွက် ကြည့်သင့်တဲ့ ကားတစ်ကားပါ။ ရုပ်ရှင်ရဲ့ ရိုက်ကူးရေးစွမ်းရည်၊ သရုပ်ဆောင်တွေရဲ့ ပြောင်မြောက်မှုနဲ့ နာမည်ကြီး နောက်ဆုံးဇာတ်ဝင်ခန်း (Climax) တွေကြောင့် ရုပ်ရှင်သမိုင်းမှာ အမြဲတမ်း နေရာတစ်ခု ရရှိနေမယ့် ဇာတ်ကားဖြစ်ပါတယ်။ သို့ပေမယ့် ဇာတ်လမ်းက အရမ်းကြီး Heavy ဖြစ်တဲ့အတွက် ပေါ့ပေါ့ပါးပါး ကြည့်ချင်သူတွေအတွက်တော့ အနည်းငယ် ပင်ပန်းနိုင်ပါတယ်။ File size… 2.5 GB/ 1 GB Quality… Blu-Ray 1080p & 720p Format… mp4 Duration…. 2h 24m Genre ..... Drama , Western Subtitle…. Myanmar Subtitle (Hard Sub)

The Grapes of Wrath (1940) IMDb Rating (8.1) / Rotten Tomatoes (100%) ဂျွန်စတိုင်းဘတ်ရဲ့ ၁၉၃၉ထွက် The Grapes of Wrathဝတ္တုကို ဂျွန်ဖို့ဒ်ရိုက်ထားတဲ့ The Grapes of Wrath ( 1940 )ဟာ အော်စကာ၆ဆု ဆန်ခါတင်ဝင်ခဲ့ပြီး ဂျွန်ဖို့ဒ်က ဒါရိုက်တာဆု , ဇာတ်ဆောင်ရဲ့အမေနေရာက သရုပ်ဆောင်ခဲ့တဲ့ Jane Darwellက ဇာတ်ပို့မင်းသမီးဆု ရခဲ့တယ်။ ဟင်နရီဖွန်ဒါလည်း မင်းသားဆု ဆန်ခါတင် ဝင်ခဲ့ပေမဲ့ ရတော့မရခဲ့ဘူး။ ဒီရုပ်ရှင်ကို one of the greatest films of all timeလို့တော့ သတ်မှတ်ထားကြတယ်။ ဒါပေမဲ့ သိပ်မကြိုက်လှတဲ့လူတွေလည်းရှိပါတယ်။ စာအုပ်ကို အရင်သွားဖတ်မိတဲ့လူတွေပေါ့။ ဒီစာအုပ်ကို မောင်ထွန်းသူက ဒေါသမာန်ဆိုတဲ့ နာမည်နဲ့ ဘာသာပြန်ပေးထားတယ်။ ဇာတ်လမ်းကတော့ ၁၉၃၀မှာ ဇာတ်အိမ်တည်ထားတယ်။ တစ်ကမ္ဘာလုံး စီးပွားပျက်ကပ်နဲ့ ကြုံနေရတဲ့ကာလ Great Depression ကာလပေါ့။ အဲဒီကာလမှာ အိုကလာဟိုမာက လယ်သမားတွေဟာ လူအားနဲ့ လယ်ထွန်ယက်စိုက်ပျိုးနေတဲ့ လူတွေနေရာမှာ ထွန်စက်တွေကို အစားထိုးခံလိုက်ရလို့ အိုးမဲ့အိမ်မဲ့ဖြစ်ကြရင်း ဘဝတွေပျက်ကြတာကို ပုံဖော်ထားတယ်။ အိုကလာဟိုမာမှာ အိမ်အဖျက်ခံရမယ့် ညမှာ အလုပ်တွေပေါတယ်ဆိုတဲ့ ကယ်လီဖိုးနီးယားအထိ ကားစုတ်ကြီးနဲ့ မိသားစုလုံးကျွတ် ခရီးနှင်လာခဲ့ပြီးတဲ့နောက် အိမ်ပျက်ရာကနေ အိပ်မက်တွေဆက်ပျက်ရတဲ့အကြောင်းတွေပေါ့။ အဆိုးတွေကြားမှာ ဇာတ်အိမ်ကို သရုပ်ဖော်ထားပေမဲ့ အကောင်းတွေလည်း ရောပြွန်းနေတဲ့ ဇာတ်လမ်းလို့ပြောလို့ရတယ်။ ရုပ်ရှင်ကတော့ အဆုံးနားကို နည်းနည်းလှည့်လိုက်ပြီး ဝတ္တုရဲ့မာစတာပိစ်ဖြစ်လှတဲ့ ဇာတ်သိမ်းခန်းအထိ မပြခဲ့တာကလွဲ စတိုင်းဘတ်ရဲ့ ဝတ္တုအတိုင်းပဲ အတိအကျ ပုံဖော်ထားတယ်။ ခုနပြောခဲ့သလို စာအုပ်ကို အရင်ဖတ်မိတဲ့လူတွေ ဒီကားကို အားမရတဲ့ပြဿနာတော့ရှိတယ်။ ဘာလို့ဆို ဂျွန်စတိုင်းဘတ်ရဲ့ အရေးအသားက‌ တော်တော်လေး အသေးစိတ်ကျတဲ့ အရေးအသားဖြစ်နေလို့ပဲ။ သူ့ အဓိကဇာတ်အိမ်က ခုနမိသားစုရဲ့ခရီးရှည်ကြီးသက်သက်ပဲ ပြောရရင် ဒီကားမှာပြထားသမျှက အဓိကကျောရိုးအကုန်ပဲ။ ပြောရရင် ကာလတောင် အဲဒီလောက်မရှည်လှတဲ့အချိန်မှာပဲ ဇာတ်အိမ်တည်ထားတာ။ ဒါပေမဲ့ စတိုင်းဘတ်က ဇာတ်အိမ်ထက် ပုံဖော်မှုကို ပိုအသားပေးထားတယ်။ သူက ဇာတ်ကောင်တစ်ကောင်ရဲ့ ဒီကာလအတွင်းက အတွေ့အကြုံ လုပ်ရပ်တွေကို သေးသေးလေးကအစ သေချာထင်ရှားအောင်ပုံဖော်ထားသလို အဓိကကျောရိုးကို တစ်ခန်းနှစ်ခန်းရေးပြီးတာနဲ့ သူဇာတ်အိမ်တည်ထားတဲ့ ခေတ်ကြီးတစ်ခုလုံး စာဖတ်သူမျက်စိထဲ ကွက်ကွက်ကွင်းကွင်းပေါ်လာအောင် ကြားဖြတ်အခန်းလေးတွေလည်း အဆုံးအထိ ဖြတ်ဖြတ်ရေးသွားတယ်။ ဒါတွေကို ဂျွန်ဝိန်းက မထည့်သွားသလောက်ပဲ သူထိသွားပုံရတဲ့တစ်ခုတော့ ထည့်ထားတယ်။ ပြောရရင် ထည့်လို့လည်းမပြေပါဘူး။ ခေတ်ကြီးတစ်ခုလုံးကို ထင်ဟပ်နေတဲ့ ဇာတ်လမ်းတစ်ပုဒ်ကို ၂နာရီစာ ဇာတ်ကားထဲထည့်ဖို့ဆို မဖြစ်နိုင်ဘူး။ ဒါပေမဲ့ ဂျွန်ဝိန်းက သူရတဲ့၂နာရီစာဆိုတဲ့ အချိန်အတွင်းတော့ ဖြုတ်သင့်ဖြုတ် ပေါင်းသင့်တာပေါင်းပြီး အသပ်ရပ်ဆုံး ပုံဖော်သွားခဲ့တာကိုတော့ အာမခံလို့ရတယ်။ ဒီကားရဲ့ အဓိကပြဿနာက Run Time အရမ်းနည်းနေတာပါပဲ။ အဲဒီခေတ်ပရိသတ်ကလည်း ဒီ၂နာရီစာဆိုတဲ့ အချိန်လောက်ကိုပဲ လက်သင့်ခံကြတာကလည်း တစ်ပိုင်းပါတယ်။ ဒီလိုဆိုလို့ သူ့အရင် ထွက်တဲ့ Gone With The Windကျ ၄နာရီစာဖြစ်နေတဲ့အချက်ကိုတော့ ထောက်ပြစရာရှိမယ်။ လေရူးသုန်သုန်ရုပ်ရှင်က ၄နာရီကြာတာမှန်သလို အဲဒီခေတ်ပရိသတ်က ၂နာရီပဲ အများစုလက်ခံကြတာလည်းအမှန်ပါပဲ။ လေရူးသုန်သုန်က Civil War-era epic ဇာတ်အိမ်မျိုးရှိပေမဲ့ ဒေါသမာန်ကတော့ သူ့မျက်မှောက်ခေတ်နဲ့ သိပ်မကွာလှတာလည်းပါလိမ့်မယ်။ စတိုင်းဘတ်ကိုယ်တိုင် စာအုပ်မှာ တစ်ချို့လူတွေ ဖောင်းထုတာ ခံခဲ့ရတဲ့အပိုင်းကြောင့်လည်း ပါကောင်းပါမယ်။ ထုတ်လုပ်ရေးပိုင်းကြောင်းလည်းပါတယ်။ ဒေါသမာန်ကိုတော့ စတူဒီယိုက သာမန်လျှံကာပဲ ထုတ်ခဲ့ပေမဲ့ လေရူးသုန်သုန်ကိုတော့ စတူဒီယိုက prestige blockbuster ဖြစ်လာဖို့ ရည်ရွယ်ပြီး ထုတ်ခဲ့တယ်။ ဆိုတော့ ခေတ်အရရော ရုပ်ရှင်နဲ့စာအုပ်ရဲ့ ကွာခြားချက်အရရောကြောင့် ဒီကားကို အားမရတဲ့လူတွေ အားမရပေမဲ့လည်း ရုပ်ရှင်ကောင်းတော့ ဖြစ်နေတုန်းပါပဲ။ ဇာတ်ဝင်ခန်းတစ်ခန်းမှာပေါ့။ အဘိုးကြီးတစ်ယောက်က ကားလမ်းဘေးက စားသောက်ဆိုင်ကလေးထဲ ဝင်လာတယ်။ ဆိုင်ထဲမှာ ကားဒရိုင်ဘာတစ်ယောက်နဲ့ စကားပြောနေတဲ့ စားပွဲထိုးမကတော့ ဒီအဆင် ဒီအဆင်တွေဟာ အကျိုးပေးမယ်မှန်းမသိတော့ ခပ်ချေချေပေါ့။ အဘိုးကြီးက ဝင်လာတာနဲ့ " ကျုပ်တို့ကို ပေါင်မုန့်လေးတစ်လုံးလောက် ရောင်းပေးနိုင်မလား"လို့ပြောတော့ စားပွဲထိုးမက ငါထင်သလိုပဲဆိုတဲ့ မျက်နှာပေးမျိုးနဲ့ " ဒါကုန်စုံဆိုင်မဟုတ်ဘူး ကျွန်မတို့မှာ ဆန်းဒဝစ်လုပ်ဖို့ပဲ ရှိတယ်"လို့ ပြန်ပြောတာပေါ့။ အဘိုးကြီးက မျက်နှာလေးအိုအိုနဲ့ " သိပါတယ် မဒမ်ရာ အမေကြီးအတွက်မို့ပါ။ သူကသွားမရှိဘူးလေ ရေနဲ့နှူးပြီး ကျွေးမှ ဝါးနိုင်တာ သူဗိုက်ဆာနေလို့ပါ"လို့ပါ တောင်းပန်တယ်။ မလျှော့တဲ့ စားပွဲထိုးမက "ဆန်းဒဝစ်ပဲဝယ်လိုက်ပါလား ကျွန်မတို့ဆီက ဆန်းဒဝစ်တွေက သိပ်ကောင်းတာ"လို့ ခွန်းတုံ့ပြန်ပြန်ရော။ ဇီးရွက်လောက်ပဲ ကျန်တော့တဲ့ မျက်နှာနဲ့ အဘိုးကြီးကတော့ ထပ်ရှင်းပြရှာတယ်။ "ဟုတ်ကဲ့ ကျွန်တော်လည်း ဝယ်ချင်ပေမဲ့ မဒမ်ရယ်... ကျွန်တော်တို့မှာ ပေါင်မုန့်ဖိုးက၁၀ဆင့်ပဲရှိတာ အဲဒါမှခရီးအတွက်လောက်မှာမို့ပါ"လို့ပေါ့။ ဒါပေမဲ့လည်း စားပွဲထိုးမက မလျှော့ပြန်ပါဘူး "၁၀ဆင့်နဲ့ ဘာပေါင်မုန့်မှမရဘူး ပေါင်မုန့်တစ်လုံးကို အနည်းဆုံး၁၅ဆင့်တန်ပဲရှိတယ်"လို့ ပြောပြန်တယ်။ စားဖိုမှူးက ပေးလိုက်စမ်းပါကွာလို့ပြောတော့လည်း စားပွဲထိုးမက ပေါင်မုန့်ကားမလာခင် ပေါင်မုန့်ကုန်သွားရင် ဘယ်လိုလုပ်ကြမလဲလို့ စောဒကတက်ပြန်တာပါပဲ။ စိတ်မရှည်တော့တဲ့ စားဖိုမှူးက " အေး ကုန်တော့လည်းကုန်ပါစေ ကုန်ပါစေပေါ့"လို့ပြောပြီး ဘုတောလိုက်မှ စားပွဲထိုးမက ပေါင်မုန့်သွားယူလာပြီး အဘိုးကြီးကို ရောင်းပေးတော့တယ်။ ဒါလည်း ချိုချိုသာသာမဟုတ်ပါဘူး။ ဆောင့်ကြီးအောင့်ကြီးနဲ့ပဲ။ စားပွဲထိုးမပေါင်မုန့်သွားယူနေတဲ့အချိန်မှာ ကလေးလေး၂ယောက်က အဘိုးကြီးနောက်ကို လိုက်လာပြီး ဆိုင်ထဲဝင်လာခဲ့တယ်။ ငွေရှင်းတဲ့ကောင်တာနားက ချိုချဉ်တွေကို တွေ့သွားတဲ့အချိန် သူတို့အခြေအနေကိုလည်း သူတို့သိနေတော့ ဘာမှမပူဆာဘဲ မျက်လုံးအဝိုင်းသားလေးနဲ့ ကြည့်နေခဲ့ကြတယ်။ အဘိုးကြီးလည်း မနေသာတော့ " ဟိုးက ချိုချဉ်တွေက တစ်ဆင့်တန်တွေလား"လို့ စားပွဲမကိုမေးလိုက်တယ်။ စားပွဲထိုးမက..." မဟုတ်ဘူး"လို့ ပြောပြီးမှ သူ့ကောင်တာရှေ့တည့်တည့်က ကလေးလေး၂ယောက်ရဲ့ မျက်လုံးကို မြင်သွားပြီး ဆောင့်ကြီးအောင့်ကြီးဖြစ်နေခဲ့တဲ့ သူ့မျက်နှာပေါ်ဝမ်းနည်းရိပ်သန်းလာခဲ့တယ်။ " အာ မဟုတ်ဘူး ၂ချောင်းတစ်ဆင့်"လို့ ပြာပြာသလဲဖြေလိုက်တယ်။ အဘိုးကြီးကလည်း တစ်ဆင့်ပေးပြီး ကလေးနှစ်ယောက်ကို ချိုချဉ်တစ်ယောက်တစ်ခု ဝယ်ကျွေးနိုင်ခဲ့တယ်။ အဘိုးကြီးတို့ ထွက်သွားပြီးတော့ ခုန စားပွဲထိုးမနဲ့ စကားပြောနေတဲ့ ကားဒရိုင်ဘာက " အဲဒါတွေက နှစ်ချောင်းတစ်ဆင့်တန်မဟုတ်ဘူးလေ တစ်ခုကို ၅ဆင့်မလား"လို့ မချိုမချဉ်မျက်နှာပေးနဲ့ စားပွဲထိုးမကို လှမ်းပြောလိုက်တာပေါ့။ စားပွဲထိုးမကတော့ " ရှင့်အပူပါလို့လား"လို့ပဲ ပြန်ပြောခဲ့တယ်။ ခဏနေတော့ ကားဒရိုင်ဘာ ငွေရှင်းဖို့ ထလာတယ်။ ပိုက်ဆံပေးပြီးတဲ့နောက် တံခါးဝဆီတန်းသွားခဲ့တယ်။ စားပွဲထိုးမက " နေပါဦး ပြန်အမ်းငွေယူသွားဦးလေ"လို့ ပြောတော့ ဒရိုင်ဘာကလည်း တစ်ခွန်းပဲ ပြန်ပြောခဲ့တယ်။ " မင်းအပူပါလို့လား"တဲ့။ ဂျွန်ဖို့ဒ် နည်းနည်းပြင်ရိုက်ထားတဲ့ ဒီဇာတ်ဝင်ခန်းလေးကိုပဲ ဂျွန်စတိုင်းဘတ်က သူ့စာအုပ်ထဲ ပုံဖော်ထားတာက စာမျက်နှာ၂၀နီးနီးရှိတယ်။ စတိုင်းဘတ်က အဲဒီလောက် အသေးစိတ်ကျကျ ရေးတဲ့လူဆိုတော့ ဂျွန်ဖို့ဒ် ဒီလောက်ထိလုပ်ပြနိုင်တာပဲ ဟုတ်တော့ဟုတ်နေတဲ့ သဘောပါပဲ။ (အညွှန်းနဲ့ဘာသာပြန်ကတော့ WiRa Aung ဖြစ်ပါတယ်။) File size…(3.8 GB) / (2.3 GB) Quality….Blu-Ray 1080p HEVC / 720p Format…. mkv/mp4 Genre….Drama Duration….02:09:50 Subtitle….Myanmar Subtitle (Hardsub) Encoder….Double K Translated by WiRa Aung

Gone with the Wind (1939) IMDb Rating (8.2) / Rotten Tomatoes (90%) ပရိသတ်တွေ ဒီနာမည်ကြားဖူးကြလိမ့်မှာပါ။ ခင်ဗျားတို့ အဖေအမေတွေ အဘိုးအဘွားတွေကတော့ ဒီနာမည်အစား " လေရူးသုန်သုန် " ဆိုတဲ့နာမည်ဆိုရင်ပိုပြီးသိကြလိမ့်မယ်ဗျ။ ဆရာမြသန်းတင့်ဘာသာပြန်ခဲ့ပြီး မြန်မာ့ဘာသာပြန်စာပေလောက တစ်ခေတ်ဆန်းစေခဲ့တဲ့ ကမ္ဘာကျော်စစ်နောက်ခံအချစ်ဝတ္ထုကြီး အေဗရာဟင်လင်ကွန်းခေတ် ပြည်တွင်းစစ်အတွင်း ပေါက်ဖွားလာခဲ့တဲ့ အချစ်ဇာတ်လမ်းနောက်ဆုံး ဒီဇာတ်လမ်းကို ပိတ်ကားပေါ်တင်လိုက်တဲ့အခါအော်စကာဆု ၁၅ဆု အတွက်လျာထားခံရပြီး ၈ဆု ရခဲ့တဲ့ဇာတ်ကားဒီခေတ်အနေနဲ့ ပြန်ကြည့်ရင်တောင် Rotten Tomato မှာ9၀% နဲ့ imdb မှာ 8.2 ရထားတဲ့ကားမသေခင်ကြည့်သင့်တဲ့ ဇာတ်ကား ၁၀၀၁ကားထဲမှာ ထိပ်ဆုံး list ကနေပါတဲ့ကားစပြီးရုံတင်တဲ့အချိန်ကစပြီး ၂၅နှစ်ထိကြာအောင် ဇယားထိပ်မှာ ရပ်တည်ခဲ့တဲ့ သူ့ရဲ့စံချိန်ကိုခုထိဘယ်ဇာတ်ကားမှ မချိုးနိုင်ခဲ့တဲ့ကားဒီလိုမျိုး ပြည့်စုံနေတဲ့ကားက ထုံးစံအတိုင်း ကြာချိန်က၃နာရီ နဲ့ မိနစ်၄၀ နီးပါးကြာတယ်စကားလက်အိုဟာရာ ရဲ့ တစ်ဖက်သတ်အချစ်ဇာတ်လမ်းစစ်ဖြစ်တဲ့ အချိန်မှာ ကြုံရတဲ့ လောကဓံအပြောင်းအလဲတွေကိုယ့်ကို မချစ်တဲ့ယောက်ျားတစ်ယောက်အတွက်အရွဲ့တိုက်ချင်တဲ့စိတ်ဒီစိတ်ကြောင့် ကြုံခဲ့ရတဲ့ အခက်အခဲဒုက္ခတွေနောက်ဆုံး ကိုယ်အမုန်းဆုံးလူက ကိုယ်တစ်ကယ်ချစ်တဲ့လူမှန်း သိလာရချိန်မှာလဲလောကဓံတရားက ထပ်ပြီး နိုပ်စက်လိုက်ပြန်တဲ့အခါ . . . အကောင်းဆုံး ဂန္ဓဝင်ဝတ္ထုကြီးကို ဇာတ်လမ်းအချိတ်အဆက်မိမိ နောက်ခံတီးလုံးအကောင်းစားတွေ သရုပ်ဆောင်တွေရဲ့အပိုအလိုမရှိ ကိုယ့်ဇာတ်ကောင်ကိုပိုင်နိုင်မှုတွေနဲ့ ပေါင်းစပ်လိုက်တဲ့အခါ ဒီလိုမျိုး အော်စကာဆု ၈ဆုရတဲ့အကြီးကျယ်ဆုံး ဂန္ဓဝင်ဇာတ်ကားကြီး ဖြစ်လာပါတော့တယ်။ "After all, tommorrow is another day! " (အညွှန်းနဲ့ဘာသာပြန်ကတော့ Ye Khant Min ဖြစ်ပါတယ်။) File size… (15 GB) / (5.8 GB) / (3.3 GB) Quality…. Blu-Ray 4K HEVC / 1080p HEVC / 720p Format…. mkv/mp4 Genre…. Drama,Romance,War Duration…. 03:53:57 Subtitle…. Myanmar Subtitle (Hardsub) Encoder…. Double K Translated by Ye Khant Min