Danny Webb ပါဝင်သော ဇာတ်ကားများ

On the Sea (2025) On the Sea (2026) က IMDb 7/10 ရထားတဲ့ gay romance ဇာတ်လမ်းတစ်ပုဒ်ဖြစ်ပြီးတော့ Wales က ရွာငယ်လေးတစ်ရွာမှာနေထိုင်တဲ့ Jack ဆိုတဲ့ လူလတ်ပိုင်း တံငါသည်အမျိုးသား တစ်ယောက်အကြောင်းပါ။ Jack က ကင်ဆာရောဂါကနေ ပြန်သက်သာလာပြီးတော့ မိသားစုရဲ့ ကျပ်တည်းနေတဲ့ ငါးဖမ်းလုပ်ငန်းကို ကယ်တင်ဖို့ ကြိုးစားနေပါတယ်။ သူ့မှာ Maggie ဆိုတဲ့ ဇနီးသည်တစ်ယောက်ရှိပြီးတော့ မိသားစုလုပ်ငန်းကို မလုပ်ချင်တဲ့ ဆယ်ကျော်သက်သားလေးတစ်ယောက်လည်း ရှိပါတယ်။ တစ်နေ့မှာ Jack မိသားစုက မြို့ကိုရောက်လာတာ မကြာသေးတဲ့ လူသိရှင်ကြား gay နေသူ Daniel ကို အကူအဖြစ် အလုပ်ခန့်ခဲ့ပါတယ်။ ဒါပေမဲ့ Jack နဲ့ Daniel တို့ အချင်းချင်း ချစ်လာကြပြီး Jack တစ်ယောက် သူဘယ်သူလဲဆိုတာကို နားလည်လာချိန်မှာတော့ ခက်ခဲတဲ့ရွေးချယ်မှုတွေကြား ဘယ်လမ်းကိုလျှောက်ဖို့ ရွေးချယ်သွားမလဲဆိုတာကို စိတ်ဝင်စားဖွယ်ကြည့်ရှုရမဲ့ romance ကားကောင်းတစ်ကားပဲ ဖြစ်ပါတယ်။ File size… (1.7 GB) / (895 MB) Quality…. Blu-Ray 1080p HEVC / 720p Format…. mkv/mp4 Genre…. Drama, Romance Duration…. 01:51:00 Subtitle…. Myanmar Subtitle (Hardsub)

ငယ်ဘဝရဲ့အချစ်ဦးတစ်ယောက်ဖြစ်ခဲ့တဲ့ Kate Winslet ကို Domineering female characters အဖြစ် တွေ့မြင်ရမယ့် HBOရဲ့ The Regime miniseries ဒီဇာတ်လမ်းတွဲထဲမှာတော့ Kateကို စိတ်ကူးယဉ်ဥရောပနိုင်ငံတစ်ခုက ဝန်ကြီးချုပ်အနေနဲ့ တွေ့မြင်ရမှာဖြစ်ပြီးတော့ နိုင်ငံရေးလောကကို သရော်ထားတဲ့ ဟာသစီးရီးလေးတစ်ခုဖြစ်ပါတယ်။ အယ်လီနာဟာ လောလောလတ်လတ် ရွေးကောက်ပွဲနိုင်ထားတဲ့ ဝန်ကြီးချုပ်ဖြစ်ပြီး လက်အောက်ဝန်ထမ်းတွေကြားမှာ အလွန်ဇီဇာကြောင်တဲ့သူပေါ့။ ဒါပေမဲ့ နိုင်ငံရေးပါးဝတဲ့နိုင်ငံ‌ရေးသမားပီပီ မျက်နှာဖုံးအတု အပြုံးအတု‌တွေနဲ့ တော်ကီကြွယ်တဲ့အယ်လီနာကို ပြည်သူတွေကတော့ ချစ်ကြလေသတည်းပေါ့။ ဖြစ်ချင်တော့ ဒီနိုင်ငံမှာ ဒီမိုကရေစီအယောင်ပြနဲ့ မီနီအာဏာ ရှင်လေးတွေက တက်တက်ပြီး အုပ်ချုပ်ထားတာဆို‌တော့ ခေတ်အဆက်ဆက်က အုပ်ချုပ်သူတွေရဲ့ အကျင့်ပျက်ခြစားမှုတွေကြောင့် အဘက်ဘက်ကဆုတ်ယုတ်နေပြီးတော့ ပြည်သူတွေအတွက် ဝန်ကြီးချုပ်သစ်အယ်လီနာဟာ လမိုက်ညရဲ့အလင်းရှင်ပေါ့။ ပြည်သူတွေဘာနေနေ နိုင်ငံရေးလောကဆိုတာ ဖိုဝါဒီကြီးစိုးတဲ့ နေရာဆိုတော့ ခေတ်အဆက်ဆက် စားထားဝါးထားတဲ့ ဝန်ကြီးအပေါင်းက အယ်လီနာမကျေနပ်ကြပါဘူး။ နိုင်ငံလိုပဲ အဘက်ဘက်ကချွတ်ခြုံကျပြီး မှိုတက်နေတဲ့ နန်းတော်ကြီးကိုပါ စိုထိုင်းဆတိုင်းပေးဖို့လူတစ်ယောက်အနေနဲ့ တပ်ကြပ်ဇူဘာ့ခ်ကို အနားမှာထားဖို့ စီစဉ်လိုက်ပါတော့တယ်။ အပြင်ရောအတွင်းပါ အန္တရာယ်အသွယ်သွယ်နဲ့ စိတ်အခြေအနေကပါ မတည်ငြိမ်တဲ့အယ်လီနာတစ်ယောက် ဇူဘာ့ခ်ရဲ့အကူအညီနဲ့ ပြဿနာပေါင်းစုံကြား သူ့ရဲ့အာဏာကို ဘယ်လိုတည်ဆောက်သွားမလဲဆိုတာ ရှုစားကြပါဦး။ File Size –  1.19 GB / 383 MB Quality –WEB-DL 1080p , 720p Duration – 50 Min  (@Episode) Total Episodes: 6 Eps Subtitle – Myanmar Hardsub Format – Mp4 Genre : Drama , Comedy Translator – TD & Aoi Encoder – Min Wai

ဒုတိယကမ္ဘာစစ် ဖြစ်တော့မယ့်ကာလမှာ အင်္ဂလိပ်မြေပိုင်ရှင်မ အီဒစ်ပရီတီနဲ့ ရှေးဟောင်းသုတေသနကို ကိုယ်တိုင်လေ့လာထားတဲ့ ဘာဆေးဘရောင်းတို့ တွေ့ဆုံကြပါတယ်။ ဘာဆေးက အလယ်တန်းနဲ့ ကျောင်းထွက်ခဲ့သူဖြစ်ပြီး ဘွဲ့ရပညာရှင်တစ်ယောက် မဟုတ်ပါဘူး။ အီဒစ်က ဦးဆောင်စီစဉ်ပေးတဲ့ တူးဖော်မှုမှာ သူဝင်လုပ်ရာက အင်္ဂလန်ရဲ့ အရေးပါတဲ့ ရှေးဟောင်းတွေ့ရှိမှုတစ်ခုဖြစ်တဲ့ Sutton Hoo အကြောင်း စလာတာပါ။ တူးဖော်ရေးကို အစကတည်းက ဗြိတန်ပြတိုက်က ဦးစီးခဲ့တာ မဟုတ်ပေမယ့် ရှေးဟောင်းသင်္ဘောတစ်စင်းကို တွေ့လာတဲ့အခါ ပြတိုက်ဘက်က ဝင်ရောက်ထိန်းချုပ်ဖို့ ကြိုးစားလာပါတယ်။ တူးဖော်ရာမှာ ကြုံရတဲ့ အခက်အခဲတွေအပြင် ဘာဆေးဟာ ဘွဲ့မရှိတာကြောင့် အသိအမှတ်ပြုမခံရတဲ့ အခြေအနေကိုလည်း ရင်ဆိုင်ရတယ်။ ဇာတ်လမ်းက သူ့ရဲ့ ပညာရပ်အပေါ် ချစ်မြတ်နိုးမှုနဲ့အတူ အီဒစ်ရဲ့ဘဝကိုပါ တွဲပြထားပါတယ်။ Sutton Hoo မှာ တွေ့ရှိခဲ့တဲ့ Anglo-Saxons တို့ရဲ့ အကြွင်းအကျန်နဲ့ ရှေးဟောင်းပစ္စည်းတွေဟာ အဲဒီခေတ်ရဲ့ ယဉ်ကျေးမှုနဲ့ အနုပညာအပေါ် ရှိနေတဲ့အမြင်တွေကို ပြောင်းလဲစေခဲ့ပါတယ်။ ဒါပေမယ့် တူးဖော်နေချိန်မှာ စစ်အရိပ်ကလည်း နီးလာပြီ။ လုပ်ငန်းတချို့ ရပ်နားရတဲ့အထိ ဖြစ်လာပေမယ့် ဘာဆေး၊ အီဒစ်နဲ့ ပြတိုက်တာဝန်ရှိသူတွေကတော့ ဒီတူးဖော်မှုကို အရေးကြီးတယ်လို့ ခံယူပြီး ဆက်လုပ်ကြပါတယ်။ Simon Stone ရိုက်ကူးထားပြီး Carey Mulligan၊ Lily James နဲ့ Ralph Fiennes တို့ ပါဝင်ထားတဲ့ သမိုင်းနောက်ခံဇာတ်ကားပါ။ ရှေးဟောင်းတူးဖော်မှုရဲ့ လက်တွေ့အလုပ်တွေနဲ့ ပတ်သက်နေသူတွေရဲ့ဘဝကို အလေးထားပြထားတယ်။ ဘာဆေးရဲ့စကားထဲမှာလည်း ရှေးဟောင်းသုတေသနဆိုတာ အတိတ်ကို လေ့လာရုံမဟုတ်ဘဲ နောင်မျိုးဆက်တွေ ကိုယ့်ဘိုးဘေးဘီဘင်တွေနဲ့ ကိုယ့်မူလအစကို သိနိုင်ဖို့ ဆက်ပေးထားတဲ့ ကြိုးတစ်ချောင်းဆိုတဲ့ အမြင်ကို တွေ့ရပါတယ်။

D-Day ဆိုတဲ့စကားလုံးကိုဂျာမနီ အမေရိကန်စစ်ကားတွေ ကြည့်ဖူးတဲ့လူတွေဆိုရင်တော့မြင်ဖူးသလိုလိုရှိနေကြမှာပါ။ အဲ့ဒီ D-Day ဆိုတာကဒုတိယကမ္ဘာစစ် ၁၉၄၄ ခုနှစ် ဇွန်လ ၆ ရက်နေ့တုန်းက ပြင်သစ်ကိုကျူးကျော်လာတဲ့ ဂျာမနီတွေကို မဟာမိတ်တွေနဲ့ပူးပေါင်းပြီး ကြည်း ရေ‌ လေစစ်ကြောင်းသုံးခုနဲ့ အကြီးအကျယ် ချီတက်နှိမ်နင်းခဲ့ကြတဲ့နေ့ပဲဖြစ်ပါတယ်။ အဲ့ဒီ စစ်ဆင်ရေးက ကြီးလွန်းလို့ သမိုင်းမှာတောင် ဒုတိယ အကြီးဆုံး ပင်လယ်ချီတက်မှုကြီးလို့တောင် သတ်မှတ်ခံထား ရပါတယ်။ ကျူးကျော်လာတဲ့ ဂျာမနီတွေကိုအောင်မြင်စွာ တိုက်ထုတ် နိုင်ခဲ့ပေမဲ့ ပြန်လည်ပေးဆပ်ရတာတွေကလည်းကြီးမားပါတယ်။ စစ်ဆင်ရေးစတင်ပြီး ၂၄ နာရီမှာတင်စစ်သားပေါင်း ၉၀၀၀ ကျော် ထိခိုက်ဒဏ်ရာရ အသေအပျောက်တွေရှိခဲ့ကြပါတယ်။ အဲ့ဒီကာလမှာ အဲ့ဒီလို ဆုံးရှုံးမှုတွေကိုလုံး၀မဖြစ်စေချင်တဲ့ သူတစ်ယောက်ရှိပါတယ်။အဲ့ဒီလူကတော့ ဝင်စတန်ချာ့ချေးလ် ဆိုတဲ့ ယူကေဝန်ကြီးချုပ်ပဲ ဖြစ်ပါတယ်။ သူကပထမကမ္ဘာစစ်မှာတုန်းက ဒီလိုမျိုးကြီးမားတဲ့ချီတက်မှုမျိုးကို ကိုယ်တိုင်ကြုံတွေ့ခဲ့ရတဲ့သူဖြစ်ပြီး ဆုံးရှုံးမှုတွေကိုမျက်မြင်တွေ့ခဲ့ ရတဲ့အတွက် နိုင်ငံရဲ့လူငယ်ပေါင်းနှစ်သိန်းခွဲလောက်နဲ့ ချီတက်မဲ့ စစ်ဆင်ရေးကြီးကိုအပြင်းအထန်ကန့်ကွက်ပြီး ဖျက်သိမ်းဖို့ကြိုးစား နေခဲ့သူပဲဖြစ်ပါတယ်။ ဒါပေမယ့် တစ်နိုင်ငံလုံးမှာ ရှိတဲ့ ပြည်သူတွေရဲ့အသက်တွေနဲ့ ယှဉ်လာရင် ဒီစစ်ဆင်ရေးကိုသွားရမဲ့ လူငယ်တွေကိုတော့ စတေးကိုစတေးရမှာ ဖြစ်တဲ့အပြင် သမ္မတကိုယ်တိုင်ကပါ သူ့ဖက်မှာရှိမနေတဲ့အတွက် တားဖို့မဖြစ်နိုင်ခဲ့ပါဘူး။ အခုတင်ဆက်ပေးမဲ့ Churchill ဆိုတဲ့ရုပ်ရှင်ထဲမှာ အထက်ပါ ပြောခဲ့တဲ့အကြောင်းအရာတွေကို ကွက်ကွက်ကွင်းကွင်း မြင်လာအောင် ဝင်စတန်ချာ့ချေးလ်ရဲ့နေရာကနေ ကွက်ကွက် ကွင်းကွင်းရိုက်ကူးပြသထားတဲ့အတွက် စစ်ပွဲသမိုင်းကြောင်းတွေကို စိတ်ဝင်စား သူတွေအတွက်ကြည့်ရှုသင့်တဲ့ ဇာတ်ကားလေးတစ်ကားပဲ ဖြစ်ပါတယ်။ File size…  1.39GB / 626MB Quality… Blu- Ray 1080p / 720p Format…mp4 Duration….1h 45m Genre ….. Biography , Drama , History Subtitle….Myanmar Subtitle (Hard Sub) Encoder….Min Wai Translated by Saw Lay

Criminal (2016) IMDb Rating (6.3) / Rotten Tomatoes (30%) မင်းသားကြီး Kevin Costner ရဲ့ ဇာတ်ကြမ်းကားပါ။ IMDb (6.3/10) ရရှိထားပါတယ်။ ဓါတ်ပူးမင်းသား Ryan Reynolds ဟာ CIA အေးဂျင့်တစ်ယောက်ပါ။ ကမ္ဘာနဲ့ချီ ဒုက္ခရောက်မယ့် ကိစ္စတစ်ခုမှာ ဝင်ရောက်ကယ်တင်ရင်း မအောင်မြင်ဘဲ ဂန့်သွားပါတယ်။ အဲ့ဒီမပြီးပြတ်သေးတဲ့ကိစ္စကို ဆက်လက်ဆောင်ရွက်ဖို့ သူ့ရဲ့ဦးနှောက်ထဲက မှတ်ဉာဏ်တွေကို လူကြမ်းကြီး Kevin Costner ထဲကို ကော်ပီကူး ရွှေ့ပြောင်းပါတယ်။ အဲ့ဒီထူးဆန်းတဲ့ကိစ္စကြီးအောင်မြင်သွားမလား? ကမ္ဘာနဲ့ချီဒုက္ခရောက်မယ့်ကိစ္စကြီးရော အောင်မြင်သွားမလား? လူကြမ်းကြီးရဲ့နှလုံးသားရော နူးညံ့သွားမလားဆိုတာ ရင်တမမကြည့်ရှုရမှာပါ။ Spoil လုပ်ရရင် လူကြမ်းကြီးရဲ့ နှလုံးသားကတော့မင်းသမီး Gal Gadot (Wonder Woman ) ကြောင့် သေချာပေါက် အရည်ပျော်သွားဖို့ရှိနေပါတယ်...:P ။ File size… (5.3 GB) / (1.6 GB) / (990 MB) Quality…. Blu-Ray 4K HEVC / 1080p HEVC / 720p Format…. mkv/mp4 Genre…. Action,Crime,Science Fiction Duration…. 01:53:44 Subtitle…. Myanmar Subtitle (Hardsub)

ဒီရုပ်ရှင်ကတော့ ပြင်သစ်ဘုရင်ခေတ်မှာ ဇာတ်အိမ်တည်ပြီးရိုက်ကူးထားတဲ့ ဒရာမရုပ်ရှင်တကားဖြစ်ပါတယ်။ ပြင်သစ်ဘုရင်ကြီး Louis XIV ဟာ ဗာဆိုင်းလ်နန်းတော်ကြီးမှာ ဘုရင့်ဥယျာဉ်တော်တစ်ခု တည်ဆောက်ဖို့အတွက် မိန့်ကြားလိုက်ပါတယ်။ ဆဘင်းဒီဘာရာကတော့ ဥယျာဉ်ခြံအစရှိတဲ့ ဗိသုကာအဆောက်အအုံတွေကို ဆောက်လုပ်ရင်း အသက်မွေးနေတဲ့ အမျိုးသမီးတဦးဖြစ်ပါတယ်။ ဒီဘာရာဟာ ဘုရင်ကြီးလူး၀စ်အတွက် ဥယျာဉ်ကိုဆောက်လုပ်ပေးဖို့ လီနော်ထရာလို့အမည်ရတဲ့ ဗိသုကာပညာရှင်တဦးနဲ့ အတူ တာ၀န်ပေးခံလိုက်ရပါတယ်။ ဘုရင့်ဥယျာဉ်တော်ကို တည်ဆောက်ပေးရင်း ဒီဘာရာနဲ့ လီနော်ထရာတို့ရဲ့ ချစ်သံယောဇဉ်ဟာလည်း ပိုမိုခိုင်မြဲလာခဲ့ပါတယ်။ ဒီဘာရာနဲ့ လီနော်ထရာတို့ရဲ့ ချစ်ဇာတ်လမ်း ၊ ဒီဘာရာရဲ့ အတိတ်က ဒဏ်ရာတွေ အပြင် ရှေးပြင်သစ်တို့ရဲ့ ဘုရင့်တိုင်းပြည်မှာကျင့်သုံးခဲ့တဲ့ အစဉ်ပလာတွေ အထက်တန်းလွှာတွေရဲ့ ယဉ်ကျေးမှုတွေကို ကြည့်ရှုရမှာမလို့ ပြင်သစ်ယဉ်ကျေးမှုကို ချစ်မြတ်နိုးသူတွေအနေနဲ့တော့ ကြည့်ရှုသင့်တဲ့ ရုပ်ရှင်ကားလေးတကားဖြစ်ပါတယ်။ အမျိုးသမီးသရုပ်ဆောင်တွေထဲမှာလည်း ကိတ်ဝင်းစလက်တို့ ကွယ်လွန်သွားပြီဖြစ်တဲ့ ပီကီဘလိုင်ဒါ မင်းသမီးကြီး ဟင်လင်မက်ခရိုရီတို့က ပါ၀င်အားဖြည့် သရုပ်ဆောင်ထားပါတယ်။ File size…(1.8 GB)/(930 Mb) Quality….Webrip 1080p / 720p Format…mp4 Duration….01:57:00 Genre...Drama, Romance Subtitle….Myanmar Subtitle (Hardsub) Encoder….Garfield Translated by Steven Khant

အိုင်ဗန်လော့ခ်ဟာ အောင်မြင်တဲ့ ဆောက်လုပ်ရေးမန်နေဂျာတစ်ယောက်ဖြစ်ပြီး ကက်ထရီနာ၊ အက်ဒီ၊ ရှောင်တို့နဲ့ ပျော်ရွှင်တဲ့ မိသားစုဘဝကို တည်ဆောက်ထားသူပါ။ အရာရာအဆင်ပြေနေတဲ့ သူ့ဆီကို တစ်နေ့မှာ ဗေသန်မက်ဂွားယားဆိုတဲ့ အမျိုးသမီးဆီက ဖုန်းဝင်လာပါတယ်။ ဗေသန်က သူနဲ့ တစ်ညတာ အတူနေခဲ့ဖူးသူဖြစ်ပြီး အခု အိုင်ဗန်နဲ့ရတဲ့ကလေးကို မွေးဖို့ သားဖွားခန်းထဲ ရောက်နေပြီလို့ ပြောလာတာပါ။ အိုင်ဗန်မှာ သူမွေးလာပြီးနောက် စွန့်ပစ်သွားခဲ့တဲ့ အဖေအပေါ် နာကျည်းချက်တွေ ရှိနေတယ်။ ဒါကြောင့် အဖေ့လိုအမှားမျိုး မကျူးလွန်မိဖို့ ဗေသန်ရဲ့ကိုယ်ဝန်ကို တာဝန်ယူမလား၊ လက်ရှိမိသားစုနဲ့ ဗေသန်ကြားမှာ ဘယ်လိုရွေးချယ်မလဲဆိုတဲ့ အခြေအနေကို ရောက်လာပါတယ်။ ကိုယ်ရေးကိုယ်တာပြဿနာတွေ တက်နေတုန်း အလုပ်မှာပါ ပြဿနာပေါ်လာတော့ မိသားစုအရေး၊ မွေးလာမယ့်ကလေးအရေးနဲ့ အလုပ်အရေးတွေကို တစ်ပြိုင်တည်း ကိုင်တွယ်ရတော့တယ်။ Tom Hardy၊ Tom Holland နဲ့ Olivia Colman တို့ ပါဝင်ထားတဲ့ ဒရာမာ၊ သည်းထိတ်ရင်ဖိုဇာတ်ကားဖြစ်ပြီး အမှားတစ်ခုကနေ ဘဝရဲ့အခြားကိစ္စတွေအထိ ဘယ်လိုသက်ရောက်သွားနိုင်သလဲဆိုတာကို အိုင်ဗန်ရဲ့အဖြစ်နဲ့ ရိုက်ပြထားပါတယ်။

IMDb Rating - 6.2/10 ဒီရုပ်ရှင်ရဲ့ ဇာတ်ညွှန်းဆရာနဲ့ဒါရိုက်တာက ခင်ဗျားတို့ အသဲစွဲကြိုက်ကြတဲ့ Peaky blindersရဲ့ creatorနဲ့ ဇာတ်ညွှန်းဆရာဖြစ်တဲ့ Steven Knight ။ ဒီကားက သူ့ရဲ့ပွဲဦးထွက် ဒါရိုက်တာလုပ်တဲ့ကား။ မင်းသားက ဂျေဆန်စတက်တန်။ 2000ပြည့်နှစ်နဲ့ အနီးတစ်ဝိုက်ကာလတွေမှာကြီးပျင်းလာတဲ့ သူတွေအတွက် အနောက်တိုင်းအက်ရှင်ဆို သူ့ကားတွေပဲပြေးကြည့်ကြတာများတယ်။ The Transporterတို့ ဘာတို့ဆို ငယ်ဘ၀ကအသည်းစွဲတွေဖြစ်ခဲ့ကြတယ်။ ဇာတ်လမ်းကတော့ ဂျေဆန့်ထုံးစံအတိုင်း သူက အထူးတပ်ဖွဲ့က စစ်သားဟောင်းခပ်ကြမ်းကြမ်းကောင်။ နောက် စစ်ရာဇ၀တ်‌ကျူးလွန်မိပြီး အဲဒီစိတ်နဲ့ အရက်သမားဖြစ်သွားတယ်။ စစ်ထွက် အရက်သမားဟာအကြောင်းတစ်ခုနဲ့ လန်ဒန်မြေအောက်လောကနဲ့ သွားရှုပ်မိတဲ့အကြောင်း‌ပေါ့။ Peaky Blindersရဲ့ Creatorက ရိုက်ကူးရေးသားထားတာဆိုတော့ အက်ရှင်ကားပေမဲ့ အက်ရှင်ခန်းတွေကို တော်သင့်ရုံပဲထည့်ပြီးဇာတ်ကို တဖြည်းဖြည်းနဲ့ရင်ဖိုရအောင်တော့ ရေးသွားတာကိုလည်းတွေ့ရတယ်။ PBဖန်တွေလည်းကိုယ့်ကားCreatorရဲ့ ပွဲဦးထွက်ကားအနေနဲ့မြည်းစမ်းကြည့်သင့်ပြီး ဂျေဆန်စတက်တန်ဖန်တွေအတွက်လည်း သူ့ရွှေခေတ်နှောင်းကိုပြန်ခံစားရစေမယ့် ကားဆိုလည်းမမှားပါဘူး။ Quality – 1080p, 720p BluRay Duration - 1h 40min Subtitle – Myanmar Hardsub Format – Mp4 Genre : Action, Crime, Drama Source : 1080p.BluRay Encoder – SWM

Valkyrie(2008) ဒုတိယကမ္ဘာစစ်အခြေခံ ဖြစ်ရပ်မှန်ဇာတ်လမ်းတွေကိုမှ ကြည့်ချင်ပါတယ်ဆိုတဲ့ သူတွေအတွက်2008 ခုနှစ်ထဲ ထွက်ခဲ့တဲ့ Valkyrie ဆိုတဲ့ ဇာတ်ကားလေး တင်ဆက်ပေးချင်ပါတယ်.. Valkyrie ဆိုတဲ့အဓိပ္ပာယ်က နော်ဝေ ဒဏ္ဍာရီထဲက စစ်ပွဲထဲမှာ ဘယ်သူသေမယ် ဘယ်သူရှင်မယ်ဆိုတာကိုဆုံးဖြတ်ပေးတဲ့ နတ်သမီးတစ်ပါးရဲ့နာမည်ဖြစ်ပြီး ဒီဇာတ်လမ်းထဲမှာတော့ Valkyrie ဆိုတာဟစ်တလာက သူ့အစိုးရကိုအရေးပေါ်ကာကွယ်ဖို့ ဘာလင်မြို့ပေါ်မှာ ဖွဲ့စည်းထားတဲ့ အရေးပေါ်အရံစစ်တပ်ပဲဖြစ်တယ် ... အဲဒီအတွက် ဒီစစ်တပ် လုပ်တဲ့ စစ်ဆင်ရေးကို Valkyrie စစ်ဆင်ရေးလို့ခေါ်တယ် ... ဟစ်တလာအစိုးရအဖွဲ့ထဲက ခေါင်းဆောင်တွေကို ဝေဖန်လို့ ရှေ့တန်းအပို့ခံရတဲ့ တပ်ရင်းမှူးစတက်ဖန်ဘာ့ (တွမ်ခရုစ်) ဟာ ဒဏ်ရာတွေရပြီး ဘာလင်ကို ပြန်ရောက်လာတယ်...မကြာခင် ဥရောပမဟာမိတ်တွေက ဘာလင်ကိုချီတက် သိမ်းပိုက်တော့မယ့်အခြေအနေမှာ ဘာလင်ပြည်သူတွေရဲ့ဘေးကိုတွေးမိတဲ့ စတက်ဖန်ဘာ့ ဟာ ဘယ်သူသေသေ ငတေမာရင်ပြီးရောလုပ်နေတဲ့ဟစ်တလာကိုလုပ်ကြံဖို့ ကြိုးစားပုံကို သည်းထိတ်ရင်ဖိုဖြစ်အောင် ရိုက်ကူးထားတဲ့အတွက်ရင်တမမ နဲ့ ကြည့်ရှုရမယ့် ဇာတ်ကားပဲဖြစ်တယ်.... IMDb - 7.1/10 ရရှိထားပြီးတော့ Box office မှာ အမေရိကန်ဒေါ်လာ 201 သန်းခွဲရရှိထားတဲ့ ဇာတ်ကားဖြစ်တဲ့အတွက် အပြေးသားကြည့်ကြတော့ ကိုယ့်လူတို့ရေ.. ဇာတ်လမ်းအညွှန်းနဲ့ ဘာသာပြန်သူကတော့ Zuel Khant Thwin ပဲဖြစ်ပါတယ်.. File Size :  2.29GB & 870MB Quality : Blu-Ray 1080p 5.1 CH, Blu-Ray 720p Format…mp4 Duration…02:03:00 Genre :  History, Drama, Thriller Subtitle : Myanmar Subtitle (Hard Sub) Translated by Zuel Khant Thwin Encoded by Phyo Pyae

ရိုးရိုးအက်ရှင်ကားတွေ ကြည့်ရတာ ငြီးငွေ့နေပြီလား? ဒါဆိုရင် "Attack Force" (၂၀၀၆) ဇာတ်ကားက မင်းအတွက် မဖြစ်မနေ စမ်းကြည့်သင့်တဲ့ ရုပ်ရှင်တစ်ကားပဲ! ဘာကြောင့်လဲဆိုတော့ ဒီကားဟာ သာမန် အက်ရှင်ကားတွေလို ရိုးစင်းတာမျိုးမဟုတ်ဘဲ၊ လုံးဝကို မထင်မှတ်ထားတဲ့ လှည့်ကွက် တစ်ခုနဲ့ ဦးနှောက်ကို ဖမ်းစားထားမှာ သေချာလို့ပဲ! အဓိကဇာတ်ကောင်က ကွန်မန်ဒါမာရှယ်လော်ဆန်ပါ။ သူ့အဖွဲ့သားတွေက ရိုမေးနီးယားမှာရှိတဲ့ စစ်ဘက်အခြေစိုက်စခန်းတစ်ခုမှာ ထူးဆန်းစွာအသတ်ခံလိုက်ရတယ်။ လူသတ်မှုတွေရဲ့ နောက်ကွယ်က အမှန်တရားကို ဖော်ထုတ်ဖို့ ကြိုးစားခဲ့ရာကနေ မူးယစ်ဆေးဝါးတစ်ခုကို လျှို့ဝှက်ထုတ်လုပ်နေတဲ့ အဖွဲ့အစည်းတစ်ခုနဲ့ ရင်ဆိုင်ကြုံတွေ့လိုက်ရတယ်။ အဲ့ဒီမှာ ဇာတ်ကွက်အလှည့်အပြောင်းက စတာပဲ! အစပိုင်းမှာတော့ သာမန် မူးယစ်ဆေးဝါးဂိုဏ်း ဒါမှမဟုတ် သူ့အဖွဲ့သားတွေအတွက် လက်စားချေတဲ့ ဇာတ်လမ်းမျိုးလို့ ထင်ရပေမယ့်၊ ဇာတ်လမ်းအလယ်ရောက်တော့ ရုတ်တရက် "Sci-Fi" ဆန်သွားပြီး၊ လျှို့ဝှက်ဓာတ်ခွဲခန်းမှာ စမ်းသပ်ထားတဲ့ လူသားမဟုတ်တဲ့ သတ္တဝါ တွေ ပါလာပြန်ရော။ ရိုးရိုးအက်ရှင်သမားတစ်ဦးက သိပ္ပံစိတ်ကူးယဉ် (Sci-Fi) ဆန်တဲ့ လျှို့ဝှက်ရန်သူတွေကို ဘယ်လို ရင်ဆိုင်တိုက်ခိုက်မလဲဆိုတာကို ရင်တထိတ်ထိတ်နဲ့ ကြည့်ရှုရမှာဖြစ်လို့ စိတ်ကို လုံးဝ ဖမ်းစားထားနိုင်ပါလိမ့်မယ်။ ရိုးရိုးရှင်းရှင်း တိုက်ခိုက်မှုတွေထက်၊ အက်ရှင်မင်းသားကြီး Steven Seagal ရဲ့ လက်နက်အမျိုးမျိုး၊ တိုက်ခိုက်မှုအမျိုးမျိုးနဲ့ မထင်မှတ်ထားတဲ့ Sci-Fi ရန်သူတွေကို ရင်ဆိုင်တိုက်ခိုက်ပုံကို စိတ်လှုပ်ရှားဖွယ်မြင်တွေ့ရမှာမို့ အက်ရှင်ကားချစ်သူများအတွက် လက်မလွှတ်တမ်း ကြည့်ရှုသင့်တဲ့ ဇာတ်ကားတစ်ကား ဖြစ်ပါတယ်။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

ဂြိုဟ်တစ်ဂြိုဟ်ပေါ်မှာ တစ်သက်တစ်ကျွန်းကျနေတဲ့ ထောင်သားတစ်စုဆီ လူသာားစားဂြိုဟ်သားတစ်ကောင်နှင့် မိန်းမတစ်ယောက်ပါတဲ့ ယာဉ်ပျံ ပျက်ကျလာတဲ့အခါ…… ဇာတ်လမ်းအကျဉ်း အနာဂါတ်ကာလမှာ အစိုးရက ဆိုးရွားရက်စက်တဲ့ မုဒိန်းကောင်တွေ လူသတ်သမားတွေ ရာဇဝတ်ကောင်တွေ အယောက်သုံးဆယ်လောက်ကို လူသူအရောက်အပေါက်မရှိတဲ့ ဂြိုဟ်သိမ်တစ်ခုမှာ အလုပ်ကြမ်းနဲ့ အကျဉ်းချထားခဲ့ပါတယ်။ တနေ့မှာတော့ သူတို့ဆီကို ယာဉ်ပျံတစ်စီး ပျက်ကျလာခဲ့ပြီး မိန်းမတစ်ယောက်ကလွဲလို့ ယာဉ်ထဲက စီးနင်းလိုက်ပါသူအားလုံး သေဆုံးသွားခဲ့ပါတယ်။ ဒီလိုနဲ့ သူတို့က ဒီမိန်းမကို ကယ်တင်ထားပြီး သူ့ကို လာခေါ်မယ့် ကယ်ဆယ်ရေးယာဉ်ကို စောင့်နေခဲ့ပါတယ်။ သူတို့မသိလိုက်တာက ဒီယာဉ်ထဲမှာ ရက်စက်ကြမ်းကြုတ်တဲ့ အသားစား ဂြိုဟ်သားတစ်ကောင်ပါလာတာကိုပါပဲ။ ဒီယာဉ်ပေါ်က လူတွေသေပြီး ပျက်ကျခဲ့တာ ဒီအကောင်ကြောင့်လား ဒါဆို ဘာလို့ ရှင်ကျန်တဲ့ မိန်းမတစ်ယောက်ကို မသတ်ပဲထားခဲ့တာလဲ၊ ဒီဂြိုဟ်သားက ဘယ်လိုလုပ် ယာဉ်ပေါ်ရောက်လာတာလဲ၊ ဒီဂြိုဟ်သားရန်က ထောင်သားတွေ ဘယ်လိုလွှတ်မြောက်အောင် ကြံကြမလဲဆိုတာ စိတ်ဝင်စားဖွယ်ကြည့်ရှုရမယ့် သိပ္ပံဇာတ်ကားကောင်းလေးဖြစ်ပါတယ်။ File size…(2.5 GB)/(1.2 GB) Quality….Blu-Ray 1080p / 720p Format…mp4 Duration….01:54:00 Genre... Action, Horror, Sci-fi Subtitle….Myanmar Subtitle (Hardsub) Encoder….Garfield Translated by Matteo

ပေါလ်ကာဆင်ရဲ့ ဇာတ်လမ်းဟာ နယူးယောက်မှာတင် အဆုံးမတင်နိုင်သေးဘဲ City of Angels လို့ တင်စားခေါ်ဝေါ်တဲ့ လော့စ်အိန်ဂျလိကို ပြန်လည် ရောက်ရှိလာခဲ့ပါတယ်။ Vigilante ဘဝကနေ အနားယူခဲ့တာကြာပြီဖြစ်တဲ့ ပေါလ်ကာဆင်ရဲ့ဘဝထဲကို ကယ်ရန် နဲ့ အယ်ရစ်ကာတို့ သားအမိက ဝင်ရောက်လာခဲ့ပြန်ပါတယ်။ အရမ်းထူးချွန်ပြီး လိမ္မာလွန်းတဲ့ အယ်ရစ်ကာကို ဆုံးပါးသွားတဲ့သမီးလေးကို သတိရစိတ်နဲ့ ခင်တွယ်မိနေပြန်ပါတယ်။ လူငယ်သဘာဝ စူးစမ်းချင်စိတ်နဲ့ မူးယစ်ဆေးကို သုံးစွဲမိခဲ့တဲ့ အယ်ရစ်ကာတစ်ယောက် ကံမကောင်းအကြောင်းမလှဘဲ ဆေးလွန်ပြီး သေဆုံးသွားခဲ့ပြန်ပါတယ်။ အယ်ရစ်ကာ သေဆုံးရတဲ့ကိစ္စကို မကျေချမ်းနိုင်ဘဲ အယ်ရစ်ကာရဲ့ရည်းစားကို ခြေရာခံလိုက်ရင်း ဆေးအရောင်းသမား ဂျိုဂျိုရဲ့ လက်ချက်မှန်း သိခဲ့ပါတယ်။ ဂျိုဂျိုက ရန်ဒီကို သတ်နေတဲ့အချိန်မှာ မျက်မြင်တွေ့လိုက်ရပြီး ဂျိုဂျို့ကို တစ်ခါတည်း ပစ်သတ်ခဲ့ပါတယ်။ ထိုကိစ္စပြီးတဲ့အချိန်မှာ ပေါလ်တစ်ယောက် ထူးဆန်းတဲ့စာတစ်စောင်ကို အိမ်မှာတွေ့ရှိပြီး သူ့ကို ဖုန်းခေါ်ဆိုလာခဲ့ပါတယ်.။ သူ့ရဲ့နောက်ကြောင်းတွေကို သိရှိတဲ့သူဖြစ်ပြီး သူနဲ့တွေ့ဆုံဖို့ ငြင်းဆန်ပါက ရဲတွေကို သူ့ရဲ့ Vigilante ဘဝကို ထုတ်ဖော်သွားမယ်လို့ ခြိမ်းခြောက်ခဲ့ပါတယ်။ ပေါလ် သွားရောက်တွေ့ဆုံတဲ့အချိန်မှာ လူကုံတံသတင်းစာတိုက်ပိုင်ရှင် နေသန်ဝှိုက်ဖြစ်နေတာကို တွေ့ရှိခဲ့ရပါတယ်။ အယ်ရစ်ကာ့လို အဖြစ်ဆိုးမျိုးကြုံခဲ့ရတဲ့ သူ့သမီးလီဆာအကြောင်းကိုပြောပြရင်း မူးယစ်ဆေးနဲ့ပတ်သက်ဆက်နွယ်သမျှ လူအားလုံးကို ခွင့်မလွှတ်သင့်ဘဲ အဆုံးသတ်ပေးသင့်ကြောင်း နှင့် သူ့လက်အောက်မှာ အလုပ်လုပ်ပေးရန် သိမ်းသွင်းခဲ့ပါတယ်။ လော့စ်အိန်ဂျလိမြို့မှာ သူပစ်သတ်ခဲ့တဲ့ ဂျိုဂျိုရဲ့နောက်ကွယ်မှာရှိတဲ့ မူးယစ်ရာဇာ အက်ဒ် ဇက်ခရိုင်းရက်စ် အပြင် ဂျက်ခ် နဲ့ တိုနီရိုမယ်ရို ညီအစ်ကိုနှစ်ယောက်တို့ မူးယစ်ဂိုဏ်း ၂ ဂိုဏ်းက ကြီးစိုးနေပါတယ်။ မူးယစ်ဆေးကြောင့် ခံစားရတဲ့ မိသားစုတွေရဲ့ ပူဆွေးမှုကို အပြီးတိုင်ဖြေဖျောက်ပေးနိုင်ရန် ရည်ရွယ်ပြီး ပေါလ်ကာဆင်ဟာ "Vigilante" ဘဝကို ပြန်လည်ခံယူခဲ့ရပြန်ပါတော့တယ်။ File Size :  2.2 GB, 1 GB Quality : Blu-Ray 1080p / 720p Running Time : 1hr 30min Format : Mp4 Genre : Action, Crime, Drama, Thriller Subtitle : Myanmar Subtitle (Hard Sub) Translated by : Sai Sumali Encode by : Thit San Khant