Dave Engfer ပါဝင်သော ဇာတ်ကားများ

Up in the Air (2009) IMDb - 7.4/10 ဒီဇာတ်ကားလေးကတော့ Walter Kirn ရဲ့ ဝတ္ထုကို အခြေခံပြီး ရိုက်ကူးထားကာ ဘဝအမော၊ ဟာသနဲ့ ဒရာမာ ဇာတ်လမ်းမျိုးကြိုက်သူတွေအတွက် Comedy, Drama, Romance ဇာတ်ကားကောင်းလေးတစ်ကား ဖြစ်ပါတယ်။ ဒီကားကိုတော့ နာမည်ကျော် ဒါရိုက်တာ Jason Reitman က ရိုက်ကူးထားပြီး ဟောလိဝုဒ်မင်းသားကြီး George Clooney၊ မင်းသမီး Vera Farmiga နဲ့ Anna Kendrick တို့က အဓိကပါဝင် သရုပ်ဆောင်ထားပါတယ်။ ရိုမန်တစ်ဇာတ်ကားဆိုပေမယ့် သာမန်အချစ်ဇာတ်လမ်းတွေနဲ့မတူဘဲ လူ့ဘဝရဲ့ အထီးကျန်မှု၊ အလုပ်ခွင်သဘောသဘာဝနဲ့ လူမှုဆက်ဆံရေးတွေကို ထိမိအောင် ရိုက်ပြထားတာမလို့ ဒရာမာကားကောင်း ကြိုက်တဲ့သူတွေ ကြည့်သင့်တဲ့ ကားကောင်းဖြစ်ပြီး ပရိတ်သတ်အကြိုက်ဇာတ်သိမ်းကို ခန့်မှန်းလို့မရနိုင်တဲ့ ဇာတ်ကားတွေထဲကတစ်ကားမို့ ကြည့်သင့်တဲ့အထဲ ပါပါတယ်။ ဇာတ်လမ်းအကျဉ်း--------- ဇာတ်လမ်းလေးကတော့ ရိုင်ယန်ဘင်ဂန်ဆိုတဲ့ ကုမ္ပဏီဝန်ထမ်းတစ်ယောက်ဟာ တခြားကုမ္ပဏီတွေက ဝန်ထမ်းလျှော့ချချင်တဲ့အခါ တခြားသူတွေအစား ဝင်ပြီး လူတွေကို အလုပ်ထုတ်ပေးရတဲ့ အလုပ်ကို လုပ်နေရသူပါ။ ရိုင်ယန်က တစ်နှစ်ကို ၃၂၂ ရက်လောက် ခရီးထွက်နေရပြီး လေယာဉ်ပေါ်နဲ့ ဟိုတယ်တွေမှာပဲ အချိန်ကုန်လေ့ရှိသူ ဖြစ်ပါတယ် ။ သူ့မှာ ကိုယ်ပိုင်အိမ်ဆိုတာထက် လေဆိပ်တွေကသာ သူ့အိမ်လို ဖြစ်နေပြီး အမေရိကန်လေကြောင်းလိုင်းရဲ့ မိုင်ပေါင်း ၁၀ သန်းပြည့်ဖို့ကိုပဲ ရည်မှန်းချက်ထားနေသူပါ။ သူက အိမ်ထောင်မပြုချင်၊ သံယောဇဉ်မတွယ်ချင်ဘဲ "ကျောပိုးအိတ်အလွတ်" ဆိုတဲ့ ဒဿနနဲ့ လွတ်လွတ်လပ်လပ်နေရတာကို ကြိုက်တဲ့သူတစ်ယောက်အဖြစ် ဟောပြောပွဲတွေမှာ မိန့်ခွန်းတွေပြောလေ့ရှိပါတယ်။ ဒီလိုနဲ့တစ်နေ့မှာတော့ နာတာလီဆိုတဲ့ကောင်မလေးတစ်ယောက်ဟာ လူကိုယ်တိုင်သွားပြီး အလုပ်ထုတ်စရာမလိုဘဲ video callနဲ့ အလုပ်ထုတ်လို့ရမယ့်စနစ်ကို စတင်မိတ်ဆက်လိုက်တာကြောင့် သူ့ရဲ့ပျော်နေတဲ့ဘဝဟာ ခြိမ်းခြောက်ခံရသလို ဖြစ်လာပါတော့တယ်။ ဒီလိုနဲ့သူလည်း နာတာလီကို ဝန်ထမ်းတွေကို video call ကနေ အလုပ်ထုတ်တာဟာ လက်တွေ့မဆန်ကြောင်း သူနဲ့အတူလိုက်ပြီးလက်တွေ့လုပ်ကြည့်ဖို့ လိုကြောင်းတွေ ပြောတာကြောင့် နာတာလီနဲ့ ရိုင်ယန်တို့ဟာ ခရီးထွက်ရပါတော့တယ်။ ခရီးထွက်နေရင်း ရိုင်ယန်ဟာ သူ့လိုစိတ်တူကိုယ်တူဖြစ်တဲ့ အဲလက်နဲ့တွေ့ဆုံလာခဲ့ပြီး ဘယ်လိုတွေဆက်ဖြစ်မလဲ .. ကျောပိုးအိတ်ဆိုတဲ့ဒဿနဆိုတာကိုရော ဆက်ပြီးတော့လက်ကိုင်ထားဦးမှာလား နာတာလီရဲ့အစီအစဥ်စနစ်ကရော အောင်မြင်ပါ့မလားဆိုတာကတော့ ဆက်လက်ကြည့်ရှုခံစားလိုက်ကြပါဗျာ။ File size…2.16GB / 930MB Quality… BluRay 1080p/ 720p Format…mp4 Duration….1h 49m Genre ….. Life, Comedy, Romance, Drama Subtitle….Myanmar Subtitle (Hard Sub)

Race To Witch Mountain (2009) ကိုယ်နေထိုင်ရာဂြိုလ်ကြီးက ပျက်ဆီးသေဆုံးတော့မယ်ဆိုတော့ စကြာဝဠာကို ခြေဆန့်ခရီးထွက်ပြီး အိမ်အသစ်ရှာကြမယ့် ဂြိုလ်သားများ ကမ္ဘာမြေပေါ်ကို တည့်တည့်ကြီး ရောက်လာပါတော့တယ် တစ်ချို့က ကမ္ဘာပေါ်က ဇီဝရုပ်တွေကိုလေ့လာပြီး မိမိတို့ဂြိုလ်ကို ပြန်အသက်သွင်းဖို့ ကြံစည်ကြတဲ့ သိပ္ပံပညာရှင်ဂြိုလ်သားတွေရှိသလို လက်နက်အားကိုး ကမ္ဘာကိုသိမ်းပြီး ကျူးကျော်နေထိုင်မယ့် စစ်သားဂြိုလ်သားတွေလည်းရှိတာပေါ့။ အဲဒီကြားထဲကမှာ မိမိတို့ဂြိုလ်ကိုပဲ ကယ်တင်ချင်တဲ့ ဂြိုလ်သား ကလေးအရွယ် နှစ်ယောက်ဟာ ကမ္ဘာပေါ်က သူတို့မိဘတွေ လုပ်လက်စ စမ်းသပ်မှုတွေကို လာယူမှာပါ။ အဲဒီစမ်းသပ်မှုက သူတို့ဂြိုလ်ကို ပြန်လည်ကောင်းမွန်အောင်လုပ်နိုင်တာကို ခေါင်းဆောင်တွေကို ပြန်ပြလို့ ကမ္ဘာမြေကို ဒုက္ခမပေးမယ့်လမ်းကို ရွေးချင်သူတွေပါ။ သူတို့ရဲ့ ကမ္ဘာမြေခရီးမှာ ရာဇဝတ်မှုတွေနဲ့ ကြီးပြင်းလာပြီးမှ ရိုးရိုးသားသား အငှားယာဉ်မောင်းစားနေတဲ့ ကျွန်တော့်အကြိုက်ဆုံးမင်းသား Dwayne Johnson ရယ်၊ နက္ခတ္တရူပဗေဒပညာရှင် ဒေါက်တာမမရယ်တို့နဲ့ ပေါင်းမိပြီး ဘာတွေဖြစ်လို့ ဘာတွေဖြစ်ကြမယ်ဆိုတာ ကြည့်ရှုရပါမယ်။ Fantasy ကားတွေရိုက်တဲ့နေရာမှာ နာမည်ကြီးတဲ့ Walt Disney က တင်ဆက်ပေးထားတာဖြစ်ပြီး မင်းသားကလည်း Dwayne Johnson ဆိုတော့ မကောင်းမှာ မပူကြပါနဲ့လို့... ကြည့်ပြီးသားဆိုရင်တောင် ပြန်ကြည့်ဖို့အတွက် ထိုက်တန်တဲ့ ဇာတ်ကားလေးပါ... (ဇာတ်ကားနဲ့ အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 1.7GB, 1GB Quality - 1080p, 720p IMDb Rating - 5.7/10 Format - mp4 Duration - 1H 38Min Type - SciFi, Adventure, Family Subtitle - Myanmar Subtitle (Hardsub) Translated by Arr Khun Winchester Encoded by Y

ဆိုင် ပဲရစ်ရှ်ဟာ ဖလင်ကနေ ဓာတ်ပုံကူးပေးတဲ့အလုပ်ကို ကြာကြာလုပ်လာပြီး ကိုယ့်အလုပ်အပေါ် လေးစားမှုရှိတဲ့သူပါ။ သူကူးပေးတဲ့ ဓာတ်ပုံတစ်ပုံမှာ အရောင်နည်းနည်းလွဲနေရင်တောင် မကျေနပ်ဘဲ အပြည့်အဝကောင်းနေမှ လက်ခံတတ်တယ်။ ပုံမှန်လာနေကျ ဖောက်သည်တွေကိုလည်း စေတနာနဲ့ ဓာတ်ပုံကူးခ လျှော့ပေးတတ်ပါတယ်။ အဲဒီဖောက်သည်တွေထဲမှာ ဝီလီယံနဲ့ နီနာ ယော့ကင်တို့မိသားစုလည်း ပါတယ်။ သူတို့သားလေး ငယ်ငယ်ကနေ အသက်ကိုးနှစ်ပြည့်တဲ့အထိ ဓာတ်ပုံတွေကို ဆိုင်ကပဲ ကူးပေးခဲ့ရတာပါ။ တစ်ယောက်တည်းနေတဲ့ လူပျိုကြီး ဆိုင်ဟာ အချိန်ကြာလာတာနဲ့အမျှ ယော့ကင်တို့မိသားစုကို သံယောဇဉ်တွယ်လာခဲ့တယ်။ တစ်နေ့တော့ သူ့ဆီလာကူးခိုင်းတဲ့ ဓာတ်ပုံတွေထဲမှာ ဝီလီယံ ဖောက်ပြန်နေတဲ့ပုံတွေကို တွေ့လိုက်ရပါတယ်။ အဲဒီအချိန်မှာပဲ စာရင်းကွာဟမှုတွေကြောင့် မန်နေဂျာက ဆိုင်ကို အလုပ်ဖြုတ်လိုက်တယ်။ နီနာနဲ့ သားလေးကို ဝီလီယံရဲ့အကြောင်း သိအောင်လုပ်ပေးမယ်ဆိုရင် မိသားစုအပေါ် သံယောဇဉ်ကြီးနေတဲ့ ဆိုင်က ဘယ်လိုလုပ်ရပ်တွေ ကျူးလွန်မိနိုင်မလဲ။ Robin Williams က ဆိုင် ပဲရစ်ရှ်အဖြစ် ပါဝင်ထားတဲ့ စိတ်ပိုင်းဆိုင်ရာ သည်းထိတ်ရင်ဖိုဇာတ်ကားပါ။