David Brisbin ပါဝင်သော ဇာတ်ကားများ

Twin Peaks: The Missing Pieces (2014) (သို့မဟုတ်) David Lynch ဝှက်ထားခဲ့တဲ့ ပဟေဠိအဖြေများ Twin Peaks ဖန်တီးရှင် ဆရာကြီး David Lynch ကို သိကြတဲ့အတိုင်းပါပဲ။ သူက ပရိသတ်ကို ဘယ်တော့မှ အချိုကျွေးလေ့မရှိပါဘူး။ ဒါပေမဲ့ ဒီ "The Missing Pieces" ကတော့ Twin Peaks ပရိသတ်တွေအတွက် တကယ့်ကို ရတနာသိုက်တစ်ခုပါပဲ။ ဒီကားကို နားလည်ဖို့ဆိုရင် အရင်ဆုံး "Director's Cut" ဆိုတာ ဘာလဲဆိုတာ နည်းနည်းပြောပြမှ ရမယ်။ Director's Cut ဆိုတာ ဘာလဲ? ပုံမှန် ရုပ်ရှင်တစ်ကား ရုံတင်တဲ့အခါ အချိန်ကန့်သတ်ချက် (ဥပမာ - ၂ နာရီခွဲထက် မပိုရဘူးဆိုတာမျိုး) ကြောင့်သော်လည်းကောင်း၊ ရုပ်ရှင်ထုတ်လုပ်သူတွေရဲ့ သဘောထားကြောင့်သော်လည်းကောင်း ဒါရိုက်တာ ရိုက်ထားပြီးသား အခန်းကောင်းတွေကို နှမြောစရာကောင်းလောက်အောင် ဖြတ်ထုတ်ပစ်လိုက်ရတာမျိုး ရှိပါတယ်။ နောင်တစ်ချိန်ကြာမှ အဲ့ဒီဖြတ်ထားတဲ့ အခန်းတွေကို ဒါရိုက်တာက သူလိုချင်တဲ့ ပုံစံအတိုင်း ပြန်ဆက်၊ ပြန်ထည့်ပြီး ထုတ်ဝေတာကို Director's Cut လို့ ခေါ်ပါတယ်။ ဒီ The Missing Pieces ကျတော့ Director's Cut ထက်တောင် ပိုပါတယ်။ ၁၉၉၂ တုန်းက ထွက်ခဲ့တဲ့ "Twin Peaks: Fire Walk with Me" ရုပ်ရှင်မှာ မပါဝင်ဘဲ ဖြတ်တောက်ခံခဲ့ရတဲ့ ဇာတ်ဝင်ခန်းတွေကို စုစည်းထားတာပါ။ ဒါပေမဲ့ ရိုးရိုး Deleted Scenes အနေနဲ့ ထည့်ပေးတာမျိုး မဟုတ်ဘဲ David Lynch ကိုယ်တိုင် အသံပိုင်းဆိုင်ရာ၊ တည်းဖြတ်မှုအပိုင်းဆိုင်ရာ သေချာပြန်လုပ်ပြီး ရုပ်ရှင်တစ်ကားလို ကြည့်လို့ရအောင် (၁ နာရီခွဲစာနီးပါး) ပြန်ထုတ်ပေးထားတာ ဖြစ်ပါတယ်။ ဒီကားထဲမှာ ဘာတွေထူးလဲ? Twin Peaks ဖန်တွေ နှစ်ပေါင်းများစွာ မေးခွန်းထုတ်နေခဲ့တဲ့ ကွက်လပ်တချို့ကို ဒီကားက ဖြည့်ဆည်းပေးပါတယ်။ Laura Palmer ရဲ့ ခံစားချက်: မူရင်းရုပ်ရှင်မှာ Laura (လော်ရာ) ရဲ့ ဘဝက အရမ်းမှောင်မိုက်လွန်းတယ်။ ဒီ Missing Pieces မှာတော့ သူမရဲ့ မိသားစု ထမင်းဝိုင်းက တင်းမာမှုတွေ၊ သူမရဲ့ အပြုံးတွေ၊ ကြောက်ရွံ့မှုတွေကို ပိုပြီး အသေးစိတ် မြင်ရတယ်။ မင်းသမီး Sheryl Lee ရဲ့ သရုပ်ဆောင်ချက်တွေက တကယ့်ကို ရှယ်ပါပဲ။ ၂။ David Bowieရဲ့ အခန်းကဏ္ဍ: "Fire Walk with Me" မှာ ခဏလေးပဲ ပါခဲ့တဲ့ David Bowie (Phillip Jeffries ) ရဲ့ ဇာတ်ကွက်ကို ဒီမှာ အရှည်ကြီး ပြန်ကြည့်ရပါမယ်။ ဒီအခန်းက Season 3 (The Return) ကို နားလည်ဖို့အတွက် အင်မတန် အရေးကြီးပါတယ်။ ၃။ Season 2 ဇာတ်သိမ်းရဲ့ အဆက်: စီးရီး Season 2 ပြီးတုန်းက Annie ဘာဖြစ်သွားလဲ၊ Cooper ဘယ်လိုဖြစ်သွားလဲဆိုတာ ပရိသတ်တွေ ရင်တမမ ဖြစ်ခဲ့ရတာလေ။ အဲ့ဒီအဖြေတချို့ကို ဒီထဲမှာ ထည့်ပေးထားပါတယ်။ ဆေးရုံက Annie ရဲ့ အခန်းက တော်တော်လေး အရေးပါပါတယ်။ ဒါက Standaloneရုပ်ရှင်မဟုတ်ပါဘူး။ ဒီတိုင်းကြည့်ရင်နားလည်မှာ မဟုတ်ပါ။ Twin Peaks စီးရီး (Season 1, 2) နဲ့ Fire Walk with Me(၁၉၉၂) ရုပ်ရှင်ကို ကြည့်ပြီးသား သူတွေ အတွက်သာ ရည်ရွယ်ပါတယ်။ ဇာတ်လမ်းအစအဆုံး မသိထားရင်တော့ ကြည့်ရတာ နားလည်မှာ မဟုတ်ပါဘူး။ဒါကြောင့် ဖော်ပြပါ စီးရီးနဲ့ရုပ်ရှင်ကို အရင်ကြည့်ဖို့ ညွှန်းချင်ပါတယ်။ "The Missing Pieces" ဟာ ဖြတ်ထားတဲ့ အခန်းတွေဆိုပေမယ့် အရည်အသွေး လျော့မနေပါဘူး။ Twin Peaks လောကကြီးကို ပိုပြီး ပြည့်စုံသွားစေတဲ့၊ မကြည့်မဖြစ် ကြည့်သင့်တဲ့ "အပိုင်းအစ" တွေ ဖြစ်ပါတယ်။ David Lynch ရဲ့ လက်ရာအတိုင်း လှပတယ်၊ ကြောက်စရာကောင်းတယ်၊ ပြီးတော့ ဆွေးမြေ့စရာ ကောင်းပါတယ်။ File size…    3.4 GB /  800 MB Quality… BluRay 1080p / 720p Format… mp4 Duration…. 1h 30m Genre ..... Drama/ Myster/ Thriller Subtitle…. Myanmar Subtitle (Hard Sub)

The Adventures of Rocky & Bullwinkle (2000) IMDb Rating (4.3) / Rotten Tomatoes (42%) "The Adventures of Rocky & Bullwinkle" သည် ၁၉၆၀ ဝန်းကျင်က လူကြိုက်များခဲ့သော ကာတွန်းဇာတ်လမ်းအား အသက်သွင်းထားသော ရုပ်ရှင်ဖြစ်ပါသည်။ ဤရုပ်ရှင်တွင် အနေထားခက်ခဲသော ရော့ကီနှင့် ဘူးလင်ကယ်တို့သည် ကာတွန်းကမ္ဘာမှ လက်တွေ့ကမ္ဘာသို့ ရောက်ရှိလာကာ မိုးရွေး၊ ဘိုရစ်နှင့် နတ်တာရှာတို့၏ အမေရိကန်နိုင်ငံအား ထိန်းချုပ်ရန် ကြံစည်မှုကို တားဆီးရန် ရဲအရာရှိကလေးတစ်ဦးနှင့် ပူးပေါင်းလုပ်ဆောင်ရသော ဇာတ်လမ်းဖြစ်ပါသည်။ (အညွှန်းနဲ့ဘာသာပြန်ကတော့ N Ⓞ NE ဖြစ်ပါတယ်။) File size…(3 GB) / (1.2 GB) Quality….Blu-Ray 1080p / 720p Format…. mp4 Genre….Adventure,Animation,Comedy,Family,fantasy Duration….01:32:12 Subtitle….Myanmar Subtitle (Hardsub) Encoder….Thit San Khant Translated by N Ⓞ NE

Erin Brockovich(2021) အညွှန်း IMDb....7.4 ငွေကြေးဆိုင်ရာအောင်မြင်မှုတွေရော၊ ကောင်းမွန်တဲ့မှတ်ချက်တွေရော၊ ဆုဇကာတင်တွေရောအများကြီးရရှိထားပြီး ခေါင်းဆောင်မင်းသမီး မမချေ ာ Julia Robertsကို leading roleအတွက် Oscars, BEFTA award, Golden Globeအပါအဝင် ဆု၇ဆုရရှိစေခဲ့တဲ့ Biographical Dramaကားတစ်ကားပါ။ Erin Brockovichဆိုတဲ့ အမျိုးသမီးတစ်ယောက်ရဲ့ဘဝကို အလှည့်အပြောင်းကြီးဖြစ်စေခဲ့တဲ့အချိန်တစ်ခုကိုရိုက်ပြထားပါတယ်။ Erinအကြောင်းကို တခြားဇာတ်ကားတွေရိုက်ထားတာရှိပေမယ့် ဒီကားကတော့ပိုအောင်မြင်ပြီး ဖြစ်ရပ်မှန်နဲ့ ၉၈%တူညီပါတယ်တဲ့။ Erinဟာ ပိုက်ဆံမရှိ၊ အိမ်ထောင်နှစ်ခါကွဲခဲ့တဲ့ ကလေးသုံးယောက်ရှိတဲ့ဆင်ဂယ်မိခင်၊ စိတ်ထင်သလိုပြောတတ်ပြီး အရမ်းဟော့ဟော့ရမ်းရမ်းဝတ်စားတဲ့ အလန်းစားမိန်းမလှတစ်ယောက်။ တစ်နေ့ကားတိုက်မှုကြောင့် လျော်ကြေးသိပ်မရလိုက်တဲ့အခါ အမှုလိုက်ပေးတဲ့ရှေ့နေဆီမှာ မရမကအလုပ်တောင်းပါတယ်။ ဥပဒေနဲ့ဆိုင်တဲ့အတွေ့အကြုံဘာတစ်ခုမှမရှိပဲ ရှေ့‌နေရုံးခန်းမှာအလုပ်လုပ်ရင်း အိမ်ခြံမြေရောင်းတဲ့အမှုတစ်ခုမှာ ဆေးမှတ်တမ်း‌ဖိုင်တွေပါတွဲထားတာကို နားမလည်လို့ သေချာစုံစမ်းလိုက်တဲ့အခါ ပစိဖိတ်ဓာတ်ငွေ့နှင့်လျှပ်စစ်ကော်ပိုရေးရှင်းအကြီးစားကြီးဟာ အဲ့နယ်မြေနားမှာနေထိုင်တဲ့လူတွေအပေါ် ရောဂါများစွာဖြစ်စေပြီး အသက်အန္တရာယ်အရမ်းရှိတဲ့အဆိပ်အတောက်တွေစွန့်ထုတ်နေတဲ့ ဖုံးကွယ်ထားမှုကြီးကိုသိရှိသွားပြီး အဲ့နားမှာနေထိုင်သူတွေအတွက်လျော်ကြေးရအောင် အမှုလိုက်ရပါတော့တယ်။ ဒီဖြစ်ရပ်ဟာ အမေရိကန်ရဲ့ Direct action lawsuitသမိုင်းမှာ အမြင့်မားဆုံးလျော်ကြေးပေးဆောင်ခဲ့ရတဲ့အမှုပါ။ ဒီအမှုကြီးတစ်ခုလုံးကို လူတိုင်းက Beauty without brainလို့မြင်တဲ့ အားပြင်းတဲ့ ဟော့ဟော့ရမ်းရမ်းမိန်းမတစ်ယောက်ကဦးဆောင်သွားခဲ့ပုံတွေကို ဇာတ်လမ်းဇာတ်အိမ်ခိုင်ခိုင်မာမာနဲ့ရိုက်ပြသွားတာပါ။ ဖြစ်ရပ်မှန်ပေါ်အခြေခံရိုက်ကူးခဲ့တဲ့ ရုပ်ရှင်ဇာတ်ကားကောင်းတွေအများကြီးရှိတဲ့အတွက် Biographicalဆိုရင် နည်းနည်းပျင်းစရာကောင်းနေမလားဆိုတဲ့ အတွေးကိုထုတ်ပစ်လိုက်ပါ။ သေချာပေါက်ပြောနိုင်တာကတော့ ဒီကားဟာ ဇာတ်လမ်းကောင်းတွေထဲကတစ်ပုဒ်ပါ။ တစ်ခေတ်တခါက ပုရိသတို့ရဲ့အသည်းကျော် မမJuliaရဲ့ powerfulဖြစ်တဲ့ သရုပ်ဆောင်မှုတွေနဲ့ အလန်းစားအလှတရားတွေကလည်း ဇာတ်လမ်းနဲ့ကွက်တိကို လိုက်ဖက်နေပါတယ်။ ဒီကားမှာ အားကောင်းလှတဲ့သရုပ်ဆောင်ချက်တွေကြောင့် သရုပ်ဆောင်ကြေးအမြင့်ဆုံး အမျိုးသမီးသရုပ်ဆောင်တစ်ယောက်ဖြစ်စေခဲ့ပါတယ်။ ဒီဇာတ်ကားမှာ Erinရော ရှေ့နေ Masryရော Cameoပါဝင်ထားပါသေးတယ်။ ကြည့်ရှုခံစားကြည့်လိုက်ပါဦး။ ဇာတ်လမ်းအညွှန်းနဲ့ဘာသာပြန်သူကတော့ Moe Lay ပဲဖြစ်ပါတယ်.... File Size :(2.4GB)(1.2GB) and (397MB) Quality : Blu-Ray 720p Format…mp4 Duration…01:48:00 Genre : Biography , Drama Subtitle : Myanmar Subtitle (Hard Sub) Translated by Moe Lay Encoded by Phyo Pyae

အားလုံးရဲ့အချစ်တော် ဂျွန်နီဒက်ပ်ရဲ့ Las Vegasမှာကြမ်းတဲ့ ရုပ်ရှင်လာပါပြီ။ ကျွန်တော်တို့တွေ အရမ်းကြိုက်ကြတဲ့ Spidermanသရုပ်ဆောင် တိုဘီမက်ဂွိုင်းယားလည်းပါဝင်အားဖြည့်ထားတဲ့အပြင် Cars animationမှာပါဝင်ခဲ့တဲ့ကက်သရင်း ဟယ်မွန်လည်းပါတော့ သိပ်ကိုကောင်းပေါ့။ ဂျွန်နီဒက်ပ်က ဒီကားနဲ့ Best Foreign Actorဆုကိုရထားပါသေးတယ်။ ဇာတ်လမ်းကတော့ ရာအိုးဒု(ဂျွန်နီဒက်ပ်)က သတင်းစာပညာပါရဂူတစ်ယောက်ပါ။ သူ့မှာ သွားအတူတူ၊လာအတူတူ၊စားအတူတူ၊ဆေးအတူတူသုံးနေကြ ဒေါက်တာဂွန်ဇွန်လို့ခေါ်တဲ့ သူငယ်ချင်းတစ်ယောက်ရှိပါတယ်။ သူငယ်ချင်း၂ယောက် သုံးစားနေကြတုန်း ဆိုင်ကယ်ပြိုင်ပွဲသတင်းသွားယူဖို့ Las Vegasဆီသွားဖို့ အကြောင်းဖန်လာပါတော့တယ်။ဆေးသမား၂ယောက် Las Vegasမှာ ဘာတွေမွှေကြမလဲ၊ ဘယ်လိုတွေဖြေရှင်းကြမလဲ၊ ဘယ်လိုတိုင်တွေပတ်ကြမလဲဆိုတာ စောင့်ကြည့်ရမှာဖြစ်ပါတယ်။ Personallyအရဆိုရင် Story Buildပိုင်းဖြစ်တဲ့ ရှေ့ပိုင်းမိနစ်၃၀လောက်တော့ စမ်းတဝါးဝါးဖြစ်နေပင်မယ့် အဲ့နောက်ပိုင်းမှာတော့ ရုပ်ရှင်က ကြည့်ရတာတော်တော်ကောင်းပါတယ်။ ဆေးသမား၂ယောက် ဆေးမူးပြီး တိုင်ပတ်ကြတာတွေ ပလပ်ကျွတ်နေတာတွေနဲ့ကို တစ်ခါတလေရယ်ရတဲ့အခန်းလေးတွေပါပါသေးတယ်။ ညဘက် Beerလေးသောက်ရင်း ဆေးလိပ်လေးဖွာရင်းနဲ့ chillရင် အတော်ကိုကောင်းဖို့ရုပ်ရှင်တစ်ကားဖြစ်ပါတယ်။ File size…(2.83GB)  / (1.5GB) / (761.39MB) Quality…. Web 1080P / 720p / 480p Format…mp4 Duration….01:58:00 Genre... Adventure / Comedy / Drama Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

မင်းသားကြီး Steven Seagal ရဲ့ အက်ရှင်ဇာတ်ကားကောင်း တစ်ကား ဖြစ်တာမို ထွေထွေထူးထူးပြောစရာတော့ မရှိပါဘူး။ တကယ်ကြမ်းတဲ့ ဖိုက်တင်ခန်းတွေနဲ့တင် ကြည့်ရတာတန်ပါတယ်။ ဒါအပြင် ဒီကားက ပုံမှန် အက်ရှင်အားတွေရဲ့ ဇာတ်လမ်းဇာတ်ကွက်တွေကနေ ကွဲထွက်နေပါတယ်။ ပုံမှန်ဆိုရင် မြိုပြမှာ မာဖီးယားဂိုဏ်းတွေနဲ့ ဖိုက်ရတာဆိုပေမယ့် ဒီကားမှာတော့ သဘာဝပတ်ဝန်းကျင် ထိန်းသိမ်းရေးကို ဦးစားပေး ပြသသွားပါတယ်။ အခုချိန်ထိ ရင်ဆိုင်နေရတဲ့ပြဿနာဖြစ်ပြီး ဓာတုအဆိပ်သင့် စွန့်ပစ်ပစ္စည်းတွေကို တရားမဝင် စွန့်ပစ်တာကြောင့် ဒေသတွင်း အန္တရာယ်ကြီးမားလာမှုကို ဖြေရှင်းတဲ့ ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းအကျဉ်း ဇာတ်လမ်းလေးရဲ့အစမှာ ဂျက်ရဲ့သူငယ်ချင်းဖြစ်သူဟာ အမှုကိုတစ်ခုကို လိုက်ရင်း သေဆုံးသွားခဲ့ပါတယ်။ ယာဉ်မတော်တဆမှုပုံစံမျိုး ဖြစ်နေပေမယ့် ဒါဟာ မဟုတ်မှန်း ဆရာသမား ဂျက်က ကောင်းကောင်းကြီး သိပါတယ်။ ဒါကြောင့် ဒီအမှုကို ရေဆုံးမြေဆုံး လိုက်ဖိုအတွက် သွေးအေးအေးနဲ့ နယ်မြိုလေးဆီ ထွက်လာခဲ့ပါပြီ။ နယ်မြိုလေးမှာ ထုံးစံအတိုင်း သူဌေးတစ်ယောက်က ကြီးစိုးနေပြီး နယ်မြေအတွက် လိုအပ်သမျှ ထောက်ပံ့ထားပါတယ်။ ဒါပေမဲ့ တရားမဝင် အဆိပ်သင့်စွန့်ပစ်အမှိက်တွေကြောင့် ပတ်ဝန်းကျင်ဟာ ထိခိုက်လာပြီး ငါးတွေကလည်း သေကုန်သလို ကလေးတွေလည်း ရောဂါ ရလာပါတယ်။ ဒီအတိုင်းသာဆိုရင် သောက်သုံးရေ ပြဿနာ ဖြစ်လာနိုင်တာကြောင့် ဒီကိစ္စကို ဖြေရှင်းဖို ဂျက်တစ်ယောက် ရေဆုံးမြေဆုံး လိုက်ရပါတယ်။ စစချင်း သူဌေးသားနဲ့သာ ညိပေမယ့် ဂျက်ရဲ့အစွမ်းကြောင့် ဂိုဏ်းချုပ်အထိ ဒုက္ခလှလှ ပေးနိုင်ခဲ့ပါတယ်။ ဒါပေမဲ့ သူဌေးကလည်း ခေသူမဟုတ်တာကြောင့် သူဌေးနဲ့ ဂျက်တိုအကြား တိုက်ပွဲကို အက်ရှင်ဇာတ်ဝင်ခန်းအလန်းတွေလည်း ထူးရှယ်ကြည့်ရှုရမယ့် ဇာတ်ကားကောင်းတစ်ကားပဲ ဖြစ်ပါတယ်။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

Palatonic Love လို့ခေါ်တယ် စိတ်ကူးယဉ်ဆန်ဆန် ပေးဆပ်ခြင်းရရယူခြင်းဘာမှမရှိတဲ့ အချစ်ဆိုတာကို ဒီဇာတ်ကားမှာတွေ့ရမှာပါ။ ဘာအကြောင်းကြောင့်လဲ သေချာပြမထားဘဲ ဘန်ဆိုတဲ့ ဟောလိဝုဒ်က နာမည်ကြီး ဇာတ်ညွှန်းရေးဆရာတစ်ယောက် အရက်အလွန်အကျွံသောက်ပြီး ကိုယ့်ကိုကိုယ်သတ်သေဖို့ကြိုးစားနေတဲ့ နေရာကစပြထားပါတယ်။ သူက ပေါက်ကွဲဖို့ စိုင်းပြင်းနေတဲ့ ဗုံးတစ်လုံးလိုပါပဲ။ သောက်တယ် သောက်တယ် သောက်တယ်။ တခြားဘာမှသူ့အတွက် အရေးမပါတော့ဘူးလို့ ထင်နေချိန်မှာ ပြည့်တန်ဆာမလေး ဆယ်ရာ နဲ့တွေ့ဆုံခဲ့ပါတယ်။ သူတို့ချစ်မိခဲ့ကြပါတယ်။ အခြေအနေတွေ အချိန်အခါတွေ ပေးဆပ်ခြင်း ရယူခြင်း ဘာမှမပါပဲ အချစ်သက်သက်နဲ့ချစ်ခဲ့ကြပါတယ်။သေတော့မယ့်အရက်သမားတစ်ယောက်နဲ့ ကိုယ့်ခန္ဓာကိုယ် ကို ရောင်းစားတဲ့ ကောင်မလေးတစ်ယောက်ရဲ့ လွမ်းစရာ ကြည်နူးစရာဇာတ်လမ်းလေးတစ်ပုဒ်ပါ။ ငိုချင်သပ ငိုမရဖြစ်နေသူများ ကြည့်ကြပါဗျာ။ ဒီဇာတ်ကားလေးရဲ့ IMDB Rating ကတော့ 7.5 ရှိပါတယ်။ ငိုချင်အောင် ရိုက်တတ်တဲ့ Director Michael Figgis ကရိုက်ကူးထားပြီး မင်းသားကြီး Nicolas Cage နဲ့ မင်းသမီးချော Elisabeth Shue တို့ပါဝင်သရုပ်ဆောင်ထားပါတယ်။ အကယ်ဒမီဆုမှာ အကောင်းဆုံးမင်းသားဆုအပါအဝင် တခြားဆု ခြောက်ခုကိုလည်းရယူနိုင်ခဲ့ပြီး ဆုဆန်ကာတင်စာရင်းမှာလည်း အများကြီးပါဝင်ခဲ့ပါသေးတယ်။ ဇာတ်လမ်းက ပွင့်ပွင့်လင်းလင်း ရိုက်ပြပြောပြထားတာမို့ မိသားစုနဲ့မကြည့်သင့်တဲ့ဇာတ်ကားမျိုးပါ။ (အညွှန်းနဲ့ဘာသာပြန်သူကတော့ d3mon ဖြစ်ပါတယ်) File size__( 920 MB) and ( 350 MB) Quality__BR-Rip 720p IMDb Rating__7.5/10 Format__mp4 Duration__01:51:25 Type__Drama , Romance Subtitle__Myanmar Subtitle (Hardsub) Translated by d3mon Encoded by Naing Aung Latt

IMDb Rating (8.8) / Rotten Tomatoes (71%) Winston Groom ရဲ့ Novel ကိုအခြေခံလို့ Eric Roth ဇာတ်ညွှန်းရေးကာ ဒါရိုက်တာ Robert Zemeckis ရိုက်ကူးခဲ့တဲ့ ဒီကားဟာ အော်စကာ Best picture, Best director, Best actor, Best adapted screenplay, Best visual effects, Best editing ဆုတွေရရှိခဲ့တဲ့ဇာတ်ကားဖြစ်ပါတယ်။ မင်းသား Tom Hanks အတွက်တော့ ရှားရှားပါးပါး နှစ်နှစ်ဆက်(Philadelphia, Forrest Gump) အော်စကာရရှိစေခဲ့တာပါ။ Tom Hanks အပြင် Robin Wright, Gary sinise, Mykelti Williamson, Sally Field တို့ပါဝင်ပါတယ်။ Tom Hanks ဟာ Forrest Gump အဖြစ်ပီပီပြင်ပြင်သရုပ်ဆောင်နိုင်ဖို့ Forrest ကလေးဘဝကိုသရုပ်ဆောင်ခဲ့တဲ့ ကောင်လေးရဲ့ စကားပြောဟန်တွေ၊ အမူအရာတွေကိုတုပသင်ယူခဲ့ရပါတယ်။ အဲ့ကောင်လေးက Tom Hanks အော်စကာနှစ်နှစ်ဆက်ရရှိစေတဲ့အကြောင်းရင်းတစ်ရပ်ဆိုလည်းမမှားပါဘူး။ ဒီကားမှာ visual effects တွေကလည်း အံ့ချီးလောက်စရာပါ။ ဒီကားမှာ Forrest Gump ရဲ့ဘဝဖြစ်စဉ်တွေကို ၂၀ရာစုနှောင်းပိုင်း အမေရိကန်ရဲ့ကျော်ကြားတဲ့အဖြစ်အပျက်တွေနဲ့ချိတ်ဆက်ပေးထားတာမို့ အမေရိကန် အထင်ကရ ပုဂ္ဂိုလ်ကြီးတွေနဲ့ Forrest တို့တွေ့ဆုံတဲ့အခန်းတွေပါဝင်ပါတယ်။ အဲဒီအခန်းတွေက တကယ့်သတင်းရုပ်ရှင်တွေမှာ Tom Hanks ရဲ့ရုပ်ပုံတွေကို နည်းပညာသုံးပြီးထည့်သွင်းထားခဲ့တာပါ။ John Lennon, John F.Kennedy, Richard Nixon တို့နဲ့ Forrest တို့စကားစမြည်ပြောတာတွေ၊ လက်ဆွဲနှုတ်ဆက်တာတွေကို အံ့အားသင့်ဖွယ်တွေ့ရပါလိမ့်မယ်။ နောက် Lieutenant Dan ရဲ့ ခြေပြတ်ကြီးကလည်း ပီပြင်လွန်းလှတယ်။ Robert Zemeckis ကတော့သူရိုက်တဲ့ကားတိုင်းလိုလို Special effects တွေလှိုင်လှိုင်ကြီးသုံးတတ်သူပါ။ Motion-capture နည်းပညာသုံးတဲ့ Animation ဇာတ်ကားတွေကိုလည်းစတင်ပြီးတွင်တွင်ကျယ်ကျယ်ရိုက်ကူးခဲ့သူပါ။ The polar express, Beowulf, A christmas carol စတာတွေပေါ့။ Forrest Gump ဇာတ်ကားကိုကြိုက်ရခြင်းအကြောင်းတွေမှာ ရုပ်ရှင်တစ်ကားရဲ့ကောင်းခြင်းအဖြာဖြာနဲ့ပြည့်စုံတဲ့အကြောင်းအပြင် Forrest Gump ဆိုတဲ့ Character ကိုလည်းစိတ်ဝင်စားမိလို့ပါ။ Tom Hanks ကအင်တာဗျူးတစ်ခုမှာပြောခဲ့သလို Forrest ရဲ့ခေါင်းထဲမှာ သူ့အမေနဲ့ Jenny တို့ပဲရှိတယ်။ အမုန်းတရားတွေ၊ သူ့အပေါ်မကောင်းကြံတာတွေ၊ မလိုမုန်းထားတာတွေကို သူ့မှာခွဲခြားသိနိုင်တဲ့ ဉာဏ်ရည်မရှိဘူး။ ဒါ့ကြောင့် သူ့ဘဝဟာပကတိအေးချမ်းလှတယ်လို့ ထင်မိပါတယ်။ သူသိတာ သူ့အမေကိုဂရုစိုက်မယ်၊ သူငယ်ချင်းတွေအပေါ်ကောင်းမယ်၊ Jenny ကိုချစ်မယ်။ ဒါပဲ။ အရမ်းကိုရိုးရှင်းဖြူစင်တဲ့ ဘဝတစ်ခုကို မီးမောင်းထိုးပြထားတာပါ။ ဇာတ်ကားထဲမှာ အဓိကပေးချင်တဲ့ Main Theme Dialogue ကိုလဲသဘောကျမိပါတယ်။ " ကျွန်တော်တို့ရဲ့ဘဝတွေဟာ ဘယ်အချိန်ဘာဖြစ်မယ်လို့တိတိကျကျသတ်မှတ်ပြီးသားလား၊ ဒါမှမဟုတ် ရည်ရွယ်ရာမရှိဘဲ လေယူရာတိမ်းနေရတာလား၊ နှစ်မျိုးလုံးတစ်ပြိုင်တည်းဖြစ်နေတာလား.....ကျွန်တော်တော့ စဉ်းစားလို့ဉာဏ်မမီပါ။ ဘယ်လိုမျိုးပဲဖြစ်ဖြစ် သေချာတာကတော့ ကျွန်တော်တို့မှာစီရင်ပိုင်ခွင့်မရှိတာပါပဲ။" ဇာတ်ကားရဲ့ အဖွင့်ခန်းနဲ့အပိတ်ခန်းမှာ ငှက်တောင်မွှေးလေးကိုထည့်သွင်းထားပါတယ်။ ငှက်တောင်မွှေးလေးဟာ လေအဝှေ့မှာ မိုးပေါ်ထိုးတက်သွားတယ်။ လေအငြိမ်မှာပြန်ကျလာတယ်။ မြေပြင်နဲ့ထိတော့မယ့်ဆဲဆဲ ဘေးကကားတစ်စီးရဲ့အဟုန်နဲ့ အထက်ကိုပြန်တက်သွားတယ်။ တစ်ချိန်ချိန်မှာတော့ ငှက်တောင်မွှေးလေးပြန်ကျလာလိမ့်ဦးမယ်။ အဲဒါပြီးရင်တော့ ပြန်တက်သွားဦးမယ်။ သြော်.......လေယူရာတိမ်းနေရရှာတဲ့ ငှက်တောင်မွှေးလေး.........။ (ရုပ်ရှင်အညွှန်းကို Movies-we watch,we feel. Facebook Page မှကူးယူဖော်ပြပါသည်။) File size…(2.4GB) and (1.3 GB) Quality…BluRay 1080p and 720p 5.1 CH Format…mp4 Duration….02:22:00 Subtitle….Myanmar Subtitle (Hardsub) Encoder….Nyeinsaeya Aung

Twin peaks fire walk with me ဆိုတဲ့ဇာတ်ကားကတော့ 1992 ကထွက်ရှိထားတဲ့ဇာတ်ကားဖြစ်ပြီး Horror / crime အမျိုးအစားဖြစ်ပါတယ်။ FBI အေးဂျင့်နှစ်ယောက်ဖြစ်တဲ့ ဆမ်နဲ့ချက်က စားပွဲထိုးမလေးထရီဆာရဲ့အသတ်ခံရတဲ့အမှုကိုလိုက်လံစုံစမ်းရာကနေစပါတယ်။အမှု့ရဲ့သဲလွန်စကိုရှာတွေ့ပြီလို့ထင်တဲ့အချိန်မှာချက်က ရုတ်တရက်ကြီးပျောက်သွားပါတော့တယ်။ဇာတ်လမ်းတစ်လျှောက် မြုပ်ကွက်နဲ့သဲလွန်စတွေကို ကြည့်ရှုသူတွေကိုယ်တိုင်စဉ်းစားသွားရမှာမလို့ တကယ်စိတ်ဝင်စားဖို့ကောင်းတဲ့ဇာတ်လမ်းလေးတစ်ပုဒ်ဖြစ်ပါတယ်။ File size…(1.8 GB)/(800 Mb) Quality….Blu-Ray 1080p / 720p Format…mp4 Duration….02:14:00 Genre...Drama, Horror, Mystery Subtitle….Myanmar Subtitle (Hardsub) Encoder….Garfield Translated by Lycoris