David Denman ပါဝင်သော ဇာတ်ကားများ

နက်ဖလစ်က ထွက်တဲ့ အက်ရှင်ကားအသစ်ပါ။ ဂျက်ရိချာလိုပဲ စစ်ပြန်တစ်ယောက်နဲ့ မြို့ငယ်လေးတစ်ခုက အကျင့်ပျက်နေတဲ့ ရဲစခန်းတစ်ခုလုံး ရင်ဆိုင်ရတဲ့အမျိုးအစားပါပဲ။ ဒါရိုက်တာကလည်း True Detective အပိုင်းတွေ ရိုက်ဖူးတဲ့ Jeremy Saulnier မို့ ဥပဒေပိုင်း ရဲအပိုင်းတွေ‌တော့ ပိုင်ပါတယ်။ RT 98 အထိ ရထားတာဆိုတော့ ဇာတ်လမ်းရောအက်ရှင်ရော ကောင်းတဲ့အထဲမှာပါပါတယ်။ အရမ်းကြီး ကြမ်းထော်နေတာလဲမဟုတ်ဘဲ True Detective လိုပဲ လူသားဆန်ဆန်ဇာတ်လမ်းမျိုးပါပဲ။ ဇာတ်လမ်းအကျဉ်း တယ်ရီဆိုတဲ့ စစ်ပြန်ဟာ သူ့ရဲ့ညီဝမ်းကွဲ ဆေးမှုနဲ့ အဖမ်းခံထားရတာကို အာမခံထုတ်ပေးဖို့ ငွေထုပ်ပိုက်ပြီး စက်ဘီးနဲ့ လာတဲ့လမ်းမှာ ရဲကားတစ်စီးက သူ့ကို တိုက်လိုက်တယ်။ ပြီးတော့ သူယူလာတဲ့ငွေတွေကို မသင်္ကာမှုနဲ့ပါ သိမ်းလိုက်တယ်။ သူက အဲဒီငွေတွေကို ပြန်ရဖို့နဲ့ သူ့ညီလွတ်ဖို့လောက်ပဲ ပြန်လိုက်ကြိုးစားပေမဲ့ ပြဿနာတွေက ရှုပ်လာပြီး ရစခန်းတစ်ခုလုံးရဲ့ ခြစားမှုတွေနဲ့ အရှုပ်တော်ပုံတွေထဲကို ကြားညပ်သွားပါတယ်။ သူနဲ့ သူ့ကိုကူညီနေတဲ့ ရှေ့နေအလုပ်သင်မလေးကို လိုက်သတ်ကြတဲ့အခါ အသက်ရှင်ဖို့နဲ့ ရဲတွေအားလုံးရဲ့ ပြစ်မှုတွေကို ဖော်နိုင်ဖို့ ကြိုးစားရပါတော့တယ်။ File size…(1.5 GB)/(780 Mb) Quality….Webrip 1080p / 720p Format… mp4 Duration…. 02:11:00 Genre... Action, Crime, Drama, Thriller Subtitle….Myanmar Subtitle (Hardsub) Encoder….Garfield Translated by Mr. Anderson

IMDb Rating (7.1) / Rotten Tomatoes (75%) "မင်းက အငြိမ်းစားပါ" "ဒါပေမဲ့ တစ်နေ့နေ့မှာ တစ်ယောက်ယောက်က တစ်ယောက်ယောက်ကို ရက်ရက်စက်စက်တစ်ခုခုလုပ်လိုက်တာကို မြင်ရင် မင်း တစ်ခုခုပြန်လုပ်ပေးလိုက်မိလိမ့်မယ်၊ ဘာလို့လဲဆိုတော့ မင်းမှာလုပ်နိုင်စွမ်းရှိလို့ပဲ" "မင်းဟာ ဒီလိုလူစားပဲ၊ အမြဲတမ်း ဒီလိုလူစားပဲ" မင်းသားကြီး ဒန်ဇယ်ဝါရှင်တန်ရဲ့ ကမ္ဘာကျော် Equalizer ရုပ်ရှင်တွေဟာဘာအကြောင်းလဲဆိုတာ ဒီဒိုင်ယာလော့တွေနဲ့တင် ဖော်ပြသွားခဲ့ပါတယ်။ မက်ကောဆိုတဲ့ စီအိုင်အေရဲ့ အတော်ဆုံးတွေထဲက တစ်ယောက်။ အငြိမ်းစားယူပြီး အေးဆေးနေနေခဲ့ပြီ။ ဒါပေမဲ့ သူ့ရှေ့မှာ မတရားမှုမြင်လာတိုင်း မပါဖို့ကြိုးစားပေမဲ့ ဝင်ပါမိသွားတယ်။ သူပြန်ယူပေးတဲ့ တရားမျှတမှုက သွေးအေးအေးနဲ့ ရက်ရက်စက်စက်ပါပဲ။ ဘဝမှာအရေးကြီးဆုံးက အချိန်ကိုက်ဖို့ပဲလို့ ခံယူထားတဲ့လူတစ်ယောက်။ မတိုက်ခိုက်ခင် နာရီလေးနဲ့ အချိန်ကိုက်တဲ့အကွက်ဟာ အားလုံးမှတ်မိနေမဲ့အချက်ပါပဲ။ အခုရုပ်ရှင်ကတော့ ၃ ကားမြောက်ဖြစ်ပြီး ပထမနှစ်ကားကိုလည်း ချန်နယ်မြန်မာမှာ ကွာလတီအကြည်အသစ်၊ ဘာသာပြန်ကောင်းကောင်းနဲ့ ကြည့်လို့ရပါတယ် ။ ဒီရုပ်ရှင်အစမှာတော့ မက်ကောဟာ ဆိုက်ဘာရာဇဝတ်ဂိုဏ်းတစ်ခုကို လာရှင်းရင်းနဲ့ သေလာက်တဲ့ဒဏ်ရာရသွားခဲ့ပါတယ်။ အဲဒီဒဏ်ရာကို အီတလီရဲ့ Altamonte မြို့လေးက ဆရာဝန်တစ်ယောက်က ကုပေးပြီး ကယ်ဆယ်ထားခဲ့ပါတယ်။ အဲဒီမြို့ကလေးဟာ အေးချမ်းပြီးလူတွေကလည်း သဘောကောင်းကျတာမို့ မက်ကော ပျော်စပြုလာပါတယ်။ ဒါပေမဲ့ ဒီတစ်မြို့လုံးကို အရမ်းရက်စက်တဲ့ မာဖီးယားခေါင်းဆောင်တစ်ယောက်က ထိန်းချုပ်ထားတာမို့ သူခင်တဲ့ မိတ်ဆွေအသစ်တွေကို ကာကွယ်ဖို့ တစ်ဂိုဏ်းလုံးနဲ့ ရင်ဆိုင်ရတဲ့အခါ... ဒီကားရဲ့ဒါရိုက်တာကတော့ အရင်နှစ်ကားကို ရိုက်ကူးခဲ့တဲ့ Antoine Fuqua ပါပဲ။ သူ့လက်ရာတွေထဲမှာ The Magnificent Seven, Training Day, Southpaw, Bullet Train တို့ဟာလည်း နာမည်ကျော်တွေပါပဲ။ အကုန်ချန်နယ်မြန်မာမှာ ကြည့်လို့ရပါတယ်။ စီးရီးကြိုက်တဲ့သူတွေအတွက်လည်း သူ ထုတ်လုပ်ခဲ့တဲ့ Shooter, Mayour of Kingstown စီးရီးတွေဟာလည်း ထိပ်တန်းပါပဲ။ ဒါလည်း ချန်နယ်မြန်မာမှာ ကြည့်လို့ရပြန်တာပါပဲ။ စပွိုင်လာအနည်းငယ်ပါမည်... ကြည့်ပြီးမှဖတ်ရင် မက်ကော စီအိုင်အေမှာလုပ်တုန်းက ကူညီခဲ့တဲ့ Brian နဲ့ Susan Plummer တို့ရဲ့သမီးအမ်မာကော်လင်နဲ့ တိုက်တိုက်ဆိုင်ဆိုက်ပြန်တွေ့ကြတာပါ။ ဇာတ်လမ်းအဆုံးမှာ မက်ကောက မှတ်စုစာအုပ်အနက်လေးကို အမ်မာကော်လင့်ကို ပေးလိုက်တဲ့သဘောဟာ သူအပြီးတိုင်အငြိမ်းစားထပ်ယူပြီး သူ့နေရာကို အမ်မာ ဆက်ယူစေချင်တဲ့သဘောလို့ ယူဆရပါတယ်။ ဒါကြောင့် ငွေကို ကိုယ်တိုင်သွားပေးခိုင်းပြီး လူစိမ်းတစ်ယောက်ကို ကူညီလိုက်ရတဲ့ ခံစားချက်ကို ပြတာပါ။ (ရုပ်ရှင်အညွှန်းနဲ့ဘာသာပြန်ကို Mr.Anderson မှတင်ဆက်ထားပါတယ်။) File size…(3.6 GB)/ (1.4 GB)/(830 MB) Quality….WEB-DL 4K HEVC/1080p/720p Format…mkv/mp4 Duration….01:48:57 Subtitle….Myanmar Subtitle(Hardsub) Encoder….Ka Naung Translated by Mr.Anderson

ပွင့်လင်းမြင်သာတဲ့အဖော်အချွတ်တစ်ချို့ပါလို့ မိသားစုနဲ့အတူမကြည့်သင့်ပါကြောင်း.... ကဲ ဘာဘီနဲ့အတူထွက်ရှိလာတဲ့ joy ride ဆိုတဲ့ဇာတ်ကားလေးကို တောင်းဆိုနေတဲ့သူတွေအတွက် ရပါပြီနော်။ ဇာတ်လမ်းအကျဥ်းကတော့ အသက်၂၉နှစ်အရွယ်ရှိတဲ့ အော်ဒရီဆိုတဲ့သူဟာ ငယ်ငယ်လေးတည်းက အမေရိကမှာမွေးစားဖို့အပို့ခံခဲ့ရတဲ့ တရုတ်လူမျိုးတစ်ယောက်ဖြစ်ပြီးတော့ လက်ရှိမှာ ရှေ့နေ့ကုမ္ပဏီတစ်ခုမှာအလုပ်လုပ်နေပါတယ်။ အမေရိကမှာနေပြီး သူ့လိုပဲတရုတ်လူမျိုးဖြစ်တဲ့ လိုလိုဆိုတဲ့သူငယ်ချင်းတစ်ယောက်လည်းရှိပါတယ်။​ လိုလိုကတော့ sex organ တွေကို ပန်းချီဆွဲပြီးဖော်ပြရတာကို အရမ်းသဘောကျတဲ့သူပါ။​ လူတွေကို ဖုံးကွယ်ထားသင့်တဲ့ခန္ဓာအစိတ်အပိုင်းတွေနဲ့ပတ်သက်ပြီး ပွင့်လင်းမြင်သာမှုရှိစေချင်တယ်ဆိုတာက သူ့ရဲ့ရည်ရွယ်ချက်ပါ။ တစ်ရက်မှာတော့ အော်ဒရီဟာ အလုပ်ကိစ္စနဲ့ သူ့ရဲ့မွေးရပ်မြေလို့သိထားတဲ့ တရုတ်ပြည်ကို လိုလိုနဲ့အတူခရီးထွက်ဖို့ဖြစ်လာပါတယ်။ လိုလိုက ခရီးမှာ သူ့ရဲ့တစ်ဝမ်းကွဲညီမဖြစ်တဲ့ ဒတ်အိုင်းကို အပါခေါ်လာခဲ့ပါတယ်။​ တရုတ်ကိုရောက်တော့ အော်ဒရီရဲ့သူငယ်ချင်းဖြစ်တဲ့ တရုတ်ပြည်မှာသရုပ်ဆောင်မင်းသမီးလုပ်နေတဲ့ ကတ်နဲ့တွေ့ကြပါတယ်။ ဒီလိုနဲ့လေးယောက်က အတူနေဖို့ဖြစ်လာကြပါတယ်။ တစ်ယောက်ချင်းစီရဲ့အကျင့်စရိုက်က ကွဲပြားခြားနားကြတာကြောင့် မကြာခဏရန်ဖြစ်ကြရင်းနဲ့ အလွဲတွေလုပ်ကြ၊ ပြန်ပြေလည်ကြနဲ့ ချစ်စရာကောင်းတဲ့သူတို့လေးယောက်ကြားက ဆက်ဆံရေးကိုရိုက်ပြထားတာပါ။ တရုတ်ယဥ်ကျေးမှုနဲ့ပတ်သက်ပြီးလည်း အများကြီးဖော်ပြထားပြီး လူမျိုးရေးခွဲခြားတတ်တာတွေပါ ပွင့်ပွင့်လင်းလင်းရိုက်ပြထားတဲ့ Asian-American, comedy ဇာတ်ကားအမျိုးအစားဖြစ်ပါတယ်။ ပြောရရင်တော့ ပေါ့ပေါ့ပါးပါးသူငယ်ချင်းဇာတ်ကားလေးလည်းကြည့်ချင်တယ်၊ ခွီလည်းခွီချင်တယ်၊ ဗဟုသုတလည်းရချင်တယ်ဆိုရင်ဖြင့် ဒီဇာတ်ကားလေးကိုကြည့်သင့်ပါကြောင်း... File size…1.5GB/ 666MB Quality… WEB-DL1080P / 720p Format…mp4 Duration….1h 38m Genre ….. Comedy, Drama Subtitle….Myanmar Subtitle (Hard Sub) Encoder… Phyo Pyae Translated by Yee Wai

၁၈၆၀ ပြည့်နှစ်တွေမှာ အမေရိကန်နိုင်ငံက လူမျိုးရေးဖိနှိပ်မှုနဲ့ ကျွန်စနစ်ကို ထောက်ခံသူတွေ၊ တိုက်ဖျက်လိုသူတွေ ထိပ်တိုက်တွေ့နေကြပါတယ်။ ဒီဖိနှိပ်မှုတွေကြားကနေ ရုန်းထွက်ဖို့ ကြိုးစားခဲ့တဲ့ လူမည်းကျွန် ပီတာရဲ့ ဖြစ်ရပ်မှန်မှတ်တမ်းကို အခြေခံပြီး Emancipation ကို ရိုက်ကူးထားတာပါ။ ပီတာအဖြစ် Will Smith သရုပ်ဆောင်ထားပြီး Ben Foster လည်း ပါဝင်ထားပါတယ်။ လူဝီစီယားနားက လူမည်းအလုပ်သမားစခန်းတစ်ခုမှာ ပီတာတို့ဟာ ဖိနှိပ်နှိပ်စက်မှုတွေကို ခံနေရတယ်။ သူတို့အလုပ်သမားတစ်စုက လူမည်းတပ် Native Guard ရှိရာ ဘေတန်ရုဂ်မြို့ဆီ ထွက်ပြေးဖို့ ကြိုးစားကြပါတယ်။ ဒါပေမယ့် စခန်းပတ်လည်မှာ နွံအိုင်တွေ ဝိုင်းနေပြီး ထွက်ပြေးသူတွေကို လိုက်ဖမ်းဖို့ မြင်းစီးမုဆိုးတွေနဲ့ အမဲလိုက်ခွေးတွေကလည်း အသင့်ရှိနေတယ်။ လွတ်မြောက်ဖို့ မလွယ်မှန်း သိပေမယ့် ပီတာတို့က အသက်ကိုရင်းပြီး စခန်းကနေ ထွက်ပြေးလာကြပါတယ်။ နောက်က လိုက်လာတဲ့ မုဆိုးတွေကို ရှောင်တိမ်းရသလို ရှေ့မှာလည်း နွံအိုင်တွေ၊ သားရဲတွေနဲ့ မမြင်နိုင်တဲ့ အန္တရာယ်တွေကြား အသက်ရှင်အောင် ရုန်းကန်ကြရတယ်။

အနုပညာရှင်တေွဟာ သူတို့ရဲ့မျက်နှာလှလှလေးထက်သူတို့ရဲ့အနုပညာကို ပိုထားဖိုးထားစေချင်ကြမှာပါ။ ကိတ်ဝင်းစလက်တစ်ယောက်ကတော့ မြို့ငယ်လေးရဲ့ စုံထောက်မကြီးနေရာကို ပေစုတ်စုတ်နဲ့ အကောင်းဆုံး ပြသွားပြီး rating 8.6 အထိ အရယူသွားပါပြီ။ Mare Easttown 2021 ဟာ tomatometer 93% ရထားပြီး IMDB 8.6 ရထားတဲ့အတွက် စီးရီးကောင်းတစ်ခုဆိုတာ အထူးပြောစရာမလိုလောက်ပါဘူး ပြီးတော့ မင်းသမီးကြီး ကိတ်ဝင်းစလတ်ကိုယ်တိုင် အဓိကဇာတ်ဆောင်နေရာက ပါဝင်ထားပါတယ် ခုလောက်ဆို စိတ်ဝင်စားနေလောက်ပြီဆိုတော့ ဇာတ်လမ်းကျောရိုးလေး ပြောပြပါမယ် မယ်ရာ ဟာ Easttown ဆိုတဲ့ မြို့ငယ်လေးမှာ တစ်သတ်လုံးနေလာတဲ့ အရမ်းတော်တဲ့ စုံထောက်တစ်ယောက်ပါ လူတိုင်းနဲ့သိပြီး အားလုံးကလည်း သူမကို ချစ်ခင်အားကိုးကြပါတယ် ဒါပေမယ့် သူမဘဝဟာ ခက်ခဲကြမ်းတမ်းပါတယ် မိသားစုအရေးကိစ္စတွေမှာလည်း အဆင်မပြေမှုတွေ ဆက်တိုက်ဖြစ်နေတဲ့ မယ်ရာဟာ သူ့ရဲ့မြို့လေးမှာ ဖြစ်နေတဲ့ လူသတ်မှုကို ဖြေရှင်းလည်း ကြိုးစားရပါတယ် လူတိုင်းအတွက် သူရဲကောင်းလုပ်ရတာဟာ လက်တွေ့မှာ ဘယ်လောက်ခက်ခဲပင်ပန်းတဲ့အရာလဲဆိုတာကို ပညာသားပါပါရိုက်ကူးပြထားလို့ ထူးခြားတဲ့စီးရီးလို့ ပြောရမှာပါ ဒီကားဟာ ပျော်ရွှင်မှု စိတ်ပျက်မှု ဝမ်းသာမှု နာကျင်မှုတွေ စတဲ့ကောင်းခြင်းဆိုးခြင်းတွေ ရောထွေးနေတဲ့ ဘဝတွေကို လက်တွေ့ကျကျပုံဖော်ပြထားတဲ့ လျှို့ဝှက်ဆန်းကျယ်မှုခင်းရုပ်ရှင် ဒရမ်မာကားကောင်တစ်ကားမို့ လက်မလွှတ်သင့်ဘူးလို့ အကြံပေးပါရစေ နောက်ပြီးတော့ ဒီကားရဲ့ ထူးခြားချက်လေးတွေကိုလည်း ပြောပြချင်ပါသေးတယ် ဒီကားမှာ ကိတ်ဝင်းစလတ် က မိတ်ကပ်မလိမ်း ဆံပင်မပြင်ဘဲ ရိုက်ကူးထားရုံသာမက ဇာတ်လမ်းအခြေစိုက်တဲ့ Pennsylvania ပြည်နယ်ရဲ့ လေသံကို လေ့ကျင့်ပြီး ပြောဆိုထားပါတယ် ဒီလောက်ဆို ဇာတ်ကောင်အတွက် သူဘယ်လောက်ထိ နှစ်မြှုပ်ထားလဲ သိနိုင်ပါတယ် Translated by Htet Wai Lwin Enocoded by Mr. Anderson

IMDb...7.0 ကလာခ့်လို့အမည်ပေးထားတဲ့ ကြယ်တံခွန်ကြီးတစ်ခုဟာ ကမ္ဘာနဲ့တဖြည်းဖြည်းနီးကပ်လာတယ်... နေ့ခင်းဘက်မှာတောင်မြင်နေရတဲ့ ဒီကြယ်တံခွန်ကြီးနဲ့ပတ်သက်ပြီး လူတွေအမျိုးမျိုးထင်နေကြတယ်... သိပ္ပံပညာရှင်အများစုဟာ ဒီကြယ်တံခွန်ကြီးနဲ့ပတ်သက်ပြီးလေ့လာတဲ့နေရာမှာ ကမ္ဘာဆီအနီးကပ်ဆုံးအနေအထားထိ ရောက်ရှိနိုင်ပြီး နေအပူချိန်ကြောင့် ပြိုကွဲသွားနိုင်ပါတယ်...အကျိုးဆက်အနေနဲ့ လမ်းကြောင်းပြောင်းတာမျိုးဖြစ်နိုင်သလို ကမ္ဘာဆီကျသွားရင် သမုဒ္ဒရာထဲကျသွားတာမျိုးနဲ့ လေထုထဲမှာလောင်ကျွမ်းသွားတာမျိုးပဲဖြစ်မှာမို့ စိတ်ပူစရာမလိုဘူးလို့ဆိုပါတယ်...ဒါတွေကြောင့်ပဲ လူတွေဟာ အရေးပေါ်ကာကွယ်မှုမျိုးတွေမလုပ်သလို ဒီကြယ်တံခွန်ကြီးကို  လှလိုက်တာဆိုပြီးငေးမောနေတာတွေတောင်ရှိပါတယ်...သို့သော် သိပ္ပံပညာရှင်များရဲ့တွက်ကိန်းဟာ မှားယွင်းလာတဲ့အခါမှာတော့..... ဒီကားဟာမင်းသားကြီး  Gerard Butler အဓိကသရုပ်ဆောင်ထားတဲ့ကားပါ ..ဇာတ်လမ်းစပြီး ၁၅မိနစ်လောက်ထဲက စကြမ်းပါတယ်..' ရိုက်ချက်တွေ တော်တော်ကြီးမိုက်သလို သဘာဝဘေးဒဏ်ကြောင့် အသတ်ဘေးလုနေရတဲ့ ဒုက္ခသည်တွေကြားထဲကို ကိုယ်ပါရောက်နေသလိုခံစားရပါတယ်...ပြီးတော့အရေးကြုံရင် ထွက်ပေါ်လာတတ်တဲ့လူ့စိတ်တွေကိုလည်းပြထားသလို ဇာတ်လမ်းကလည်းမိုက်တဲ့အတွက် ဒီလို ဘေးဒဏ်ကားတွေကြိုက်တဲ့သူများအဖို့ နင်းကန်ကြည့်သင့်ပါတယ်.... File Size :(2.27GB)(1.09GB) and (422MB) Quality : WEB-DL 720p Format…mp4 Duration…01:59:00 Genre : Action,Thrller Subtitle : Myanmar Subtitle (Hard Sub) Translated by Littleneo Encoded by Phyo Pyae

IMDb Rating (6.1) ဒါကတော့ စူပါဟီးရိုး ဟော်ရာ အမျိုးအစားပါ ဇာတ်လမ်းအကျဉ်းကတော့ လယ်သမားလင်မယားနှစ်ယောက်ဆီကို အာကာသယာဉ်နဲ့အတူ ကလေးလေး တစ်ယောက် ပါလာခဲ့တယ်။ သူတို့ အဲဒီကလေးကို မွေးစားခဲ့တယ်။ အခြားဂြိုလ်က လာတဲ့ ဒီကလေးဟာ ကမ္ဘာသားတွေနဲ့မတူပဲ ထူးခြားတဲ့ အစွမ်းတွေရှိနေခဲ့တယ်။ ဒီဇာတ်လမ်းမျိုး ထပ်ခါထပ်ခါ ကြားဖူးကြမှာပါ။ ဒါဟာ စူပါမန်းရဲ့ ဇာတ်လမ်းပါပဲ။ အခြားဂြိုလ်က လာတဲ့ စွမ်းအားရှင်လေးဟာ ကမ္ဘာကြီးကို ကာကွယ်သူဖြစ်လာခဲ့တယ်ပေါ့။ တကယ်လို့ အဲဒီလိုအစွမ်းနဲ့ လူတစ်ယောက်က ဆိုးသွမ်းသွားရင် ဘာတွေဖြစ်လာမလဲ။ ကမ္ဘာကြီးကို ကာကွယ်မယ့်အစား ဖျက်ဆီးဖို့ကြိုးစားရင် ဘာဖြစ်လာမလဲ။ ဒီမှာ ကြည့်ရမှာပါ။ စာတန်းထိုးအပြီးမှာ အခန်းအပိုပါ ပါသေးတယ်။ စောင့်ကြည့်ဖို့မမေ့ပါနဲ့။ အခြား ဟီးရိုးတွေရဲ့ အရိပ်အယောင်ကိုပါ မြင်ရပါလိမ့်မယ်။ File size…(3 GB)/ (1 GB)/(685 MB) Quality….BluRay 4K HEVC/1080p HEVC/720p Format…mkv/mp4 Duration….01:30:30 Subtitle….Myanmar Subtitle(Hardsub) Encoder….Ka Naung Translated by Littleneo

IMDb – 6.8/10….Rotten tomatoes – 83% အိမ်ထောင်တစ်ခု သို့မဟုတ် RS တစ်ခုဖြစ်လာပြီ ရှိလာပြီဆိုရင် တစ်ယောက်နဲ့တစ်ယောက်ကြားမှာ အမှားတွေရှိမယ်.. အမှန်တွေရှိမယ်…တစ်ခါတလေ အမှားလား အမှန်လား ခွဲခြားကြည့်လို့မရတဲ့ အရာလေးတွေရှိမယ်… ဒီဇာတ်ကားလေးထဲမှာ အက်ဂ်နစ်လို့ခေါ်တဲ့ ကလေးနှစ်ယောက်ရှိတဲ့ အိမ်ထောင်သည် အမျိုးသမီးတစ်ယောက်ဟာ ဘာသာတရားကိုင်းရှိုင်းပြီး တစ်နှစ်နေလို့မှ မြို့ထဲကနေ မြို့ပြင် သိပ်မထွက်ဖြစ်တဲ့ ခပ်အေးအေး အမျိုးသမီးတစ်ယောက်ပေါ့…။ တစ်နေ့တော့ သူ့ဘဝကို အလှည့်အပြောင်းတစ်ခုဖြစ်လာစေမယ့် ပစ္စည်းလေးတစ်ခု သူ့မွေးနေ့မှာ လက်ဆောင်အဖြစ်ရရှိခဲ့တယ်..။ ဂျစ်ဆောပဟေဋ္ဌိဆက်တဲ့ ပစ္စည်းလေးပေါ့…။ Relationship တစ်ခုဆိုတာ ဂျစ်ဆောပဟေဋ္ဌိလေးတွေဆက်သလို အပိုင်းအစအမှားလေးတွေ ဆက်မိတာရှိမယ် …. ဒါပေမယ့်နောက်ဆုံး မှန်ကန်တဲ့အပိုင်းအစလေးတွေ စနစ်တကျ နေရာမှန်ရောက်တော့မှ လှပတဲ့ရုပ်ပုံကားချပ်တစ်ခု ပေါ်လာတာမဟုတ်ပါလား…. အက်ဂ်နစ်ကရော သူ့အိမ်ထောင်ရေးကို ဘယ်လိုအပိုင်းအစလေးတွေနဲ့ဆက်သွားမှာလဲ.. ကိုယ်တိုင်ပဲကြည့်ရှုလိုက်ကြပါဦးလေ… (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုဇွဲခန့်သွင်ပါ) File Size : (800 MB) Quality : WEB-DL 720p Running Time : 1h 43min Format : Mp4 Genre : Drama Subtitle : Myanmar Subtitle (Hard Sub) Source : 720p.WEB-DL.XviD.AC3-FGT Translated by Zuel Khant Thwin Encoded by Thanhtike Zaw

Logan Lucky (2017) အက်ရှင်နဲ့ ဟာသကိုမှ တစ်မျိုးလေး ကြည့်ချင်တယ်ဆိုရင်တော့ ဒါရိုက်တာ Steven Soderbergh ရိုက်ထားတဲ့ Logan Lucky ကို ညွှန်းရလိမ့်မယ်ဗျ။ ဒီကားက တခြား ဓားပြတိုက်တဲ့ကားတွေလို အဆင့်မြင့်နည်းပညာတွေ၊ ဝတ်စုံပြည့်တွေနဲ့ ဟိတ်ဟန်ထုတ်တာမျိုး မဟုတ်ဘဲ သာမန်အရပ်သားစတိုင် ဂယက်တစ်သိန်းနဲ့ ခိုးပြသွားတဲ့ကားမျိုးပေါ့။ ဇာတ်လမ်းကတော့... ကံဆိုးလွန်းလို့ အလုပ်ပြုတ်သွားတဲ့ ခြေထောက်မသန်တဲ့ အစ်ကိုကြီးရယ်၊ စစ်ပြန်လက်တစ်ဖက်ပြတ် ညီလေးရယ်က သူတို့ရဲ့ ကံဆိုးမှုတွေကို အဆုံးသတ်ဖို့ဆိုပြီး NASCAR ကားပြိုင်ပွဲက ရရှိတဲ့ သန်းပေါင်းများစွာသော ငွေတွေကို မြေအောက်ပိုက်လိုင်းထဲကနေ ခိုးဖို့ ကြံစည်ကြတာ။ သူတို့ အစီစဉ်အောင်မြင်ဖို့ ဂျိုးဘန်းဆိုတဲ့ ဖောက်ခွဲ ဝိဇ္ဇာကြီးတစ်ဦးနဲ့ သူ့ရဲ့ အူကြောင်ကြောင် ညီလေးနှစ်ယောက်ကိုပါ လိုက်ပြီး သိမ်းသွင်းရတာပေါ့ဗျာ။ ဒီလိုနဲ့ သူတို့တွေပေါင်းပြီး ငွေတွေကို ဘယ်လိုဖောက်ကြမလဲ။ ဘယ်လိုအလွဲတွေ ဖြစ်မလဲ။ အောင်ရော အောင်မြင်ပါ့မလားဆိုတာကို ရင်တထိတ်ထိတ်နဲ့ ကြည့်ရမှာဖြစ်သလို သူတို့ရဲ့ အလွဲလေးတွေကိုပါ မနားတမ်း ရယ်နေရမှာပါ။ ဒီကားမှာ အထူးခြားဆုံးကတော့ Daniel Craig ပဲ၊ သူက ဂျိမ်းစ်ဘွန်းစတိုင်ကို လုံးဝဖျောက်ပြီး ဆံပင်အဖြူရောင်နဲ့ ဗုံးဖောက်ကျွမ်းကျင်တဲ့ ထောင်ထွက်လူမိုက်အဖြစ် တော်တော်လေး ဟာသမြောက်အောင် သရုပ်ဆောင်ထားတာ။ ကြည့်နေရင်းနဲ့ 'ဒီလို လူအူကြောင်ကြောင်တွေနဲ့တော့ တကယ်ပဲ အောင်မြင်ပါ့မလား' ဆိုပြီး စိတ်ပူနေရပေမဲ့ နောက်ဆုံးမှာတော့ တကယ့်ကို မမျှော်လင့်ထားတဲ့ အကွက်တွေနဲ့ ဇာတ်ရှိန်တက်သွားတာမို့ ပေါ့ပေါ့ပါးပါးနဲ့ ရင်ခုန်ရယ်မောချင်သူတွေအတွက် တကယ်ကို လက်မလွှတ်သင့်တဲ့ ကားကောင်းတစ်ကားပါပဲဗျာ။ File Size - 2 GB/ 1 GB Quality - BluRay 1080p/ 720p Duration - 1h 59m Format - mp4 Genre - Action, Comedy, Crime, Drama Subtitle - Myanmar Subtitle (Hard Sub)

Mighty Morphin Power Rangers 2017 Reboot Movie နာမည်ကြားရုံနဲ့ ခင်ဗျားတို့တွေကြက်သီးတဖျန်းဖျန်းထရုံမကပဲ အသားတွေပါတဆတ်ဆတ်တုန်သွားမယ်ဆိုတာ ကောင်းကောင်းကြီးအာမခံပါတယ်…. တကယ်တော့ဒီရုပ်ရှင်ကို အညွှန်းတောင်တကူးတကရေးပြီးတော့ ညွှန်းနေစရာမလိုလောက်ပါဘူး… ဘာကြောင့်လဲဆိုတော့ အားလုံးနဲ့ရင်းနှီးပြီးသားဖြစ်တဲ့အပြင် ကျွန်တော်တို့နဲ့အတူတကွကြီးပြင်းလာတဲ့ ငယ်ဘဝဇာတ်ကောင်လူစွမ်းကောင်းများဖြစ်တဲ့ Power Rangers တွေဖြစ်တာကြောင့် အားလုံးလည်း ရင်းနှီးပြီးသားဖြစ်ကြပါလိမ့်မယ်….. ဒါပေမယ့် တစ်ခုပြောစရာရှိတာက ဒီရုပ်ရှင်ထဲကအဓိကဇာတ်ကောင်တွေ Power Rangers တွေဖြစ်လာမယ့် Angel Groove မြို့ရဲ့အထက်တန်းကျောင်းသားတွေဖြစ်ကြတဲ့ Power Rangers တွေဖြစ်လာကြမယ့် အထက်တန်းကျောင်းသားလေးတွေဖြစ်တဲ့ Jason,Kimberley,Billy,Zack,Trini တို့ဟာ ကျွန်တော်တို့ငယ်ငယ်ကရင်းနှီးခဲ့ကြတဲ့အတိုင်း လူတော်လူကောင်း အများအကျိုးသယ်ပိုးကြတဲ့ လူငယ်လေးတွေမဟုတ်ကြဘဲ ကျောင်းရဲ့ လူပေလူတေလေးများဖြစ်နေတာကို အံ့အားသင့်ဖွယ် မြင်ရမှာပဲဖြစ်ပါတယ်…. ဒါ့အပြင် ဒီရုပ်ရှင်ဟာလှည့်ကွက် မြှပ်ကွက်များစွာနဲ့ တင်ဆက်ထားတဲ့အပြင်ကို ဇာတ်လမ်းအစမှာကိုပဲ ကြည့်ရှု့သူပရိတ်သတ်တွေအားလုံးကို ”ဟာ ဒါကဒီလိုပါလား” ဆိုပြီး အံ့အားသင့်ရေရွတ်ရလောက်အောင်ကို တင်ဆက်ထားတာကိုလည်း ကြည့်ရှု့ရဦးမှာဖြစ်ပါတယ်…. ဇာတ်လမ်းအကျဉ်းလေးကိုတော့ အခုပြောပြတာထက် ကိုယ်တိုင်ခံစားကြည့်ရှု့လိုက်တာက ပိုပြီးတော့ ရင်ခုန်စိတ်လှုပ်ရှားမှု့တွေပေးစွမ်းနိုင်မှာမို့ အခုပဲ  ဒေါင်းကြည့်ကြဖို့အတွက် တိုက်တွန်းချင်ပါတယ်… နောက်ပြီး Original Power Rangers ရဲ့ Theme Song ကိုထပ်မံမွန်းမံထားပြီးတော့ နောက်အသစ်ထည့်ထားတဲ့ နောက်ခံတီးလုံးတွေက ဇာတ်ကိုလုံးဝအထွတ်ထိပ်ရောက်စေပြီး ကောင်းမွန်လှပစေခဲ့ပါတယ်… ကျွန်တော်တို့တွေ ဒီရုပ်ရှင်မထွက်လာခင်ကတည်းက Ranger တွေရဲ့ Suit တွေ Morpher တွေ Zord တွေကိုကြည့်ပြီးစိတ်ပျက်ခဲ့ရတာတွေက ဒီရုပ်ရှင်ကိုတကယ်တမ်းကြည့်လိုက်ရတဲ့အခါမှာတော့ အကုန်ပျောက်သွားမယ်ဆိုတာ လုံးဝအာမခံပါတယ်…. နောက်ပြီးတော့ Mid-Credits Scene ကိုလည်း မလွတ်စေပဲ ကြည့်ပေးဖို့ကို ထပ်ပြီးတော့ သတိပေးချင်ပါသေးတယ်…. PG-13 အဆင့်ရှိပြီး ကြာချိန် ၂ နာရီကြာမြင့်ထားတဲ့ Rating 5.9 အဆင့်ထိရှိတဲ့ Movie ဖြစ်ပါတယ်… Quality…..BluRay 1080p 5.1 CH / 720p Duration…..02:04:00 Format…Mp4 File Size…(2 GB)(976MB) Translators……..Moe Myint Lwin & Moe Oo Mann Encoder…..Moe Myint Lwin

13 Hours: The Secret Soldiers of Benghazi (2016) Imdb rating 7.1/10 ၂၀၁၆ ခုနှစ်​က ထွက်ရှိ​ခဲ့တဲ့​ Transformers ကား​တွေရဲ့ ဒါရိုက်တာ​ Michael Bay ရိုက်​ကူး​ခဲ့တဲ့ ရုပ်ရှင်​ဖြစ်​ပါတယ်။ အမျိုး​အစား​က action / war ဖြစ်​ပြီး ၂၀၁၂ ခုနှစ်​ လစ်​ဗျား​မှာ ဖြစ်​ပွားခဲ့တဲ့ တကယ့်​ဖြစ်ရပ်​မှန်​ကို အခြေခံပြီးရိုက်ကူးထားတဲ့ ဇာတ်ကား​လည်း​ဖြစ်​ပါတယ်။ Michael Bay ရဲ့လက်ရာမလို့ တိုက်ပွဲတွေ ပစ်တာခတ်တာတွေ ဆက်တင်ပိုင်းတွေ အလွန်ပီပြင်ပြီး အပြင်ကအတိုင်း ကြမ်းတယ် တကယ်ရိုက်ပြနိုင်တယ်ဆိုပြီး ချီးကျူးခံခဲ့ရပါတယ်။ John Krasinski က အဓိက​ဇာတ်​ကောင်​ Jack Silver အဖြစ်​သရုပ်ဆောင်​ထား​ပါတယ်။ ဇာတ်လမ်း​အကျဥ်းကတော့ ၂၀၁၂ ခုနှစ်​မှာ ကဒါဖီ ပြုတ်ကျပြီးနောက် လစ်​ဗျား​နိုင်ငံ​ ဘင်ဂါဇီမြို့ဟာ ကမ္ဘာ့​အန္တရာယ်​အရှိဆုံး နေရာ​တွေထဲကတစ်ခုဖြစ်လာပါတယ်။ ဘင်ဂါဇီမြို့မှာ တရား​ဝင်​မဟုတ်​တဲ့ အမေရိကန်​သံတမန်​ရုံး​တစ်ခု​ရှိပြီး အဲဒီ​သံတမန်ရုံး​နဲ့ တစ်မိုင်တောင်မဝေးတဲ့ နေရာ​မှာ Annex လို့ခေါ်​တဲ့ စီအိုင်အေလျှို့ဝှက်စခန်းရှိပါတယ်။ Jack Silver​ ဟာ နေဗီဆီးလ်​တပ်ဖွဲ့​ဝင်​ဟောင်းဖြစ်ပြီး စီအိုင်အေဝန်ထမ်း​တွေရဲ့ လုံခြုံရေး​အတွက်​ ပုဂ္ဂလိက​ လက်​နက်​ကိုင်​ ကန်​ထရိုက်တာအဖြစ် တာဝန်​ထမ်းဆောင်​ပေး​ဖို့​ လစ်ဗျား​ကို ရောက်​ရှိလာပါတယ်။ အဲဒီ​အချိန်​မှာပဲ အမေရိကန်သံအမတ် လစ်ဗျား​ကို ရောက်ရှိလာပြီး ဘင်​ဂါ​ဇီ​မြို့​က သံတမန်​ရုံး​မှာ တည်း​ခိုနေပါတယ်။ 9-11 နှစ်ပတ်လည်နေ့ဆိုပြီး စက်​တင်​ဘာ ၁၁ ရက်နေ့​ညမှာပဲ လစ်ဗျား​စစ်သွေးကြွများက သံတမန်​ရုံး​နဲ့ စီအိုင်အေစခန်းကို အင်​အား​အများ​အပြား​နဲ့ တိုက်​ခိုက်​သိမ်း​ပိုက်​ဖို့​ကြိုးစားရာကနေ Jack Silver​တို့​ရဲ့ ၆ ယောက်ပဲ အဓိကပါရှိတဲ့ လုံခြုံရေး​အဖွဲ့​အနေနဲ့​ အင်အားလုံးဝမမျှတဲ့ကြားက ၁၃ နာရီ​ကြာ ခုခံ​မှုကြီးအတွက် ပြင်ဆင်​ရပါ​တော့တယ်။ Michael Bay​ ရဲ့ထုံးစံအတိုင်း non-stop အက်​ရှင်​ဖြစ်တဲ့အပြင် battle sequences တွေကလည်း လှပသပ်ရပ်တာမို့ စစ်ကားကောင်းကြည့်လိုသူများ ၂ နာရီခွဲကျော်ကြာမြင့်အောင် စိတ်ကြိုက်ထိုင်ကြည့်ရမယ့် ရုပ်ရှင်ကားကြီး​ဖြစ်​ပါတယ်။ (ရုပ်ရှင်အညွှန်းနဲ့ ဘာသာပြန်ကို Wolfenheim မှ တင်ဆက်ထားပါတယ်။) File size…(8.1 GB)/(2.5 GB )/(1.5 GB) Quality….BluRay 4K HEVC/ 1080p / 720p Format…mkv/mp4 Duration….02:24:27 Subtitle….Myanmar Subtitle (Hardsub) Encoder….Ka Naung Translated by Wolfenheim

The Gift (2015) ~ IMDb - 7/10, Rotten Tomatoes - 91% ~ ဇာတ်ကားနာမည်က "လက်ဆောင်" တဲ့။ ဘာလက်ဆောင်လဲဆိုတော့ ဇာတ်ဆောင် လင်မယားနှစ်ယောက် အိမ်အသစ်ကို ပြောင်းလာကြတယ်။ အဲဒီမှာ ယောက်ျားရဲ့ သူငယ်ချင်းဟောင်းတစ်ယောက်နဲ့တွေ့တယ်။ အဲဒီသူငယ်ချင်းက လက်ဆောင်တွေ ဇွတ်လာပေးနေတာပါပဲ။ အိမ်ကို လူမရှိတဲ့အချိန်ဝင်ပြီး လက်ဆောင်ပေးတတ်သေးတယ်။ တကယ်ကို ကြောင်တောင်တောင်ကောင်ပါပဲ။ မိန်းမဖြစ်သူကတော့ သဘောကောင်းတယ်ဆိုပြီး ခင်ပေမဲ့ ယောက်ျားဖြစ်သူကတော့ ခါးခါးသီးသီးဖြစ်နေပါတယ်။ သူတို့ငယ်သူငယ်ချင်းတွေ... ငယ်ငယ်က ဘယ်အကြောင်းတွေကြောင့် ဒီလိုတွေဖြစ်နေလဲဆိုတာ စိတ်ဝင်စားစရာကြည့်ရမှာပါ။ ဒါပေမဲ့ ဇာတ်ကားနာမည်လက်ဆောင်ဆိုတာက အဲဒီလက်ဆောင်တွေထက် ကျွန်တော်တို့ရဲ့ တီထွင်ဖန်တီးနိုင်စွမ်း စကားပြောနိုင်တဲ့ အစွမ်းကို ရည်ညွှန်းတယ်ထင်ပါတယ်။ အဲဒီလက်ဆောင်က သုံးတတ်ရင် ဆေးဖြစ်သလို မသုံးတတ်ရင် ဘေးဖြစ်တတ်တယ်ဆိုတာ ပြချင်တဲ့ စိတ်ဝင်စားစရာ Thriller, Mystery ဇာတ်ကားလေးတစ်ကားပေါ့။ ပါဝင်သရုပ်ဆောင်ထားတဲ့ မင်းသား မင်းသမီးတွေကလည်း နှယ်နှယ်ရရတွေမဟုတ်ပါဘူး။ Ozark နဲ့ ကျွန်တော်တို့သိကြမယ့် မင်းသားကြီး Jason Bateman တင်မကဘဲ The Great Gatsby က မင်းသားကြီး Joel Edgerton ကလည်း ကိုယ်တိုင်ပါဝင်သရုပ်ဆောင် ဒါရိုက်တာလုပ်ထားတာပါ။ ဂျွန်နီဒပ် ရဲ့ Transcendence မှာ ပါခဲ့တဲ့ အတော်လေးကို ကျက်သရေရှိရှိလှတဲ့ အလှတရားတစ်ခုကို ပိုင်ဆိုင်ထားတဲ့ မမ Rebecca Hall လည်း ပါသေးရုံမက Rating တွေကလည်း မြင့်နေသေးတော့ တကယ့် ရှယ်ဇာတ်ကားပါပဲ။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 1.8GB, 875MB Quality - 1080p, 720p IMDb Rating - 7/10 Format - mp4 Duration - 1H 48Min Genre - Drama, Mystery, Thriller Subtitle - Myanmar Subtitle (Hardsub) Translated by 666 Encoded by Y

Director: Joshua Michael Stern ရိုက်ကူးတင်ဆက်ထားပြီး August 15, 2013 မှာ ရုံတင်ခဲ့တဲ့ Apple ရဲ့ ဖခင်ကြီး Steve Jobs ရဲ့ ကိုယ်ရေး အတ္တူပတိ ရုပ်ရှင် ဇတ်လမ်းဖြစ်ပါတယ်... Jobs ဟာ ဒီလိုအောင်မြင်ဖို့ အတွက် Mac Os အသုံးပြုတဲ့ Apple Computer ကို စတင်တီထွင် ဖို့ အသုံးပြုခဲ့တာ စက်ရုံတစ်ခု မဟုတ်ပဲ ကားဂိုဒေါင် ကျဉ်းကျဉ်းလေးမှာ စတင်ခဲ့တာပါ ရှုံးနိမ့်မှုတွေ လဲ အကြိမ်ကြိမ် ဖြစ်ခဲ့ပါတယ် Apple Co.Ltd ကို သူများကို ပေးလိုက်ရပြီး Founder အဖြစ်ကနေ ရာထူးကျပြီး ထွက်ခဲ့ရပါသေးတယ်... ဒါပေမယ့် ရှုံးနိမ့်လဲ လဲမကျတဲ့ စိတ်ဓါတ်တွေနဲ့ ဆန်းသစ်တဲ့ အတွေးအခေါ်တွေနဲ့ အကောင်းဆုံးဆိုတာကိုသာ ပေးချင်တဲ့ စိတ်တွေကြောင်း ယခု Jobs မရှိတော့ပေမယ့် Apple ကို ချစ်တဲ့ သူတွေနဲ့ အောင်မြင်မှု သရဖူဆောင်းနေလျက်ပါပဲ... ဒီရုပ်ရှင်က Jobs ရဲ့ အကြောင်းကို ခရေစေ့တွင်းကျ ပြောမပြနိုင်ပေမယ့် တစ်စေ့တစ်စောင်းတော့ သိလာမှာပါလို့ မှတ်ချက်ပြုရင်း.... File size…    2.2 GB /  962 MB Quality… BluRay 1080p / 720p Format… mp4 Duration…. 2h 9m Genre ..... Drama Subtitle…. Myanmar Subtitle (Hard Sub) Encoder…. Thit San Khant Translated by... JimX

ဝီလ် စမစ်တို့သားအဖ နှစ်ယောက်ပါဝင်ထားတဲ့ သိပ္ပံစိတ်ကူးယဉ် အက်ရှင် ကားလေးကို ပြန်တင်ဆက် ပေးလိုက်ပါတယ်။ဇာတ်လမ်းကို နောက်လာမဲ့ အနာဂတ် နှစ်ပေါင်း တစ်ထောင်မှာ ဇာတ်အိမ် တည်ထားပါတယ်။လူသားတွေဟာဆိုရင် ဂေဟစနစ် ပျက်စီး မှု့တွေကြောင့် အမိကမ္ဘာမြေ ကနေ ထွက်ခွာခဲ့ရပြီး Nova Prime လို့ခေါ်တဲ့ ဂြိုလ် တစ်ခုမှာ အခြေချနေထိုင်နေကျတဲ့ အချိန်ပေါ့ဗျာ။ အဲ့အချိန်မှာ လူသားတွေထပ်မံ သိခဲ့ ရတာက ဒီ စကြာဝဠာကြီးမှာ ကျွန်တော် တို့ချည်းမဟုတ်ပါဘူးဆိုတာပါပဲ Nova Prime ကို ပြောင်းရွှေ့လာတဲ့ လူသားတွေကို ဂြိုလ် သားတွေက တိုက်ခိုက် ပါတာတော့တယ်။အဲ့လို လူသားတွေ လည်းအသေအပျောက်များပြီး တစ်ဖြည်းဖြည်းနဲ့ မျိုးတုန်းမဲ့ အန္တရာယ် ကို ရင်ဆိုင်လာရပါပြီ။ အဲ့လို အခါမှာဆိုရင် လူသားတွေ ရဲ့ အားကိုးရာက ရိန်းဂျားလို့ခေါ်တဲ့ စစ်သားတွေအပေါ်မူတည်လာပါတယ်။ အဲ့ရိန်းဂျားတွေကြားထဲမှာမှ လက်မရွံ တက်တဲ့ ဆိုင်ဖာ(ဝီလ်စမစ်)က ထိပ်တန်းပေါ့။ဒီလိုနဲ့ လူသားတွေ ပြန်လည်ရပ် တည်နိုင်ခဲ့ပြန်ပါပြီ။ဆိုင်ဖာ တို့တွေလည်း ဂြိုလ်တကာ သွားပြီး ဂြိုလ်သားတွေကို နှိမ်နင်းရတာပေါ့။ဆိုင်ဖာ့ ဆီမှာ ရိန်းဂျားတစ်ယောက်ဖြစ်ချင်တဲ့ ကီတိုင်းလို့ခေါ်တဲ့ သားတစ်ယောက်ရှိပါတယ်။သူကတော့ ထုံးစံအတိုင်း ဖခင် ရဲ့မေတ္တာ ကိုငတ်မွတ်နေလို့ ရိန်းဂျားတစ်ယောက် ဖြစ်လာအောင် သက်သေပြချင်နေတာပါ။ဒီလိုနဲ့ ဆိုင်ဖာ ရဲ့ နောက်ဆုံးခရီးစဉ်မှာ ဆိုင်ဖာ တစ်ယောက် ကီတိုင်း ကို သူတို့ နဲ့ အတူ ခေါ်သွားခဲ့ပါတယ်။ကံဆိုးစွာနဲ့ ပဲ လမ်းမှာ ဂြိုလ် တစ်ခုပေါ်ပျက်ကျ ပါတယ်။အဲ့ဆန်းကျယ်လှတဲ့ ဂြိုလ်က ကမ္ဘာမြေပါ။ ဆိုင်ဖာက လည်း ဒဏ်ရာရ အကူအညီရဖို့ ဆက်သွယ်ရေးကလည်းပြတ်တောက်ပါတော့တယ်။လုပ်စရာ တစ်ခုပဲ ကျန်တာကတော့ အချက်ပြကရိယာကို သွားရောက်ရှာဖွေဖို့ပါပဲ။တစ်ဘ၀ လုံးမှာ ရိန်းဂျားတစ်ယောက် ဖြစ်ချင်တဲ့ ၁၃ နှစ်သားလေး ဟာ အခုတော့ သူဖြစ်ချင်တာ ဖြစ်လာပါတော့မယ်။ဒါပေမဲ့....မရင်းနှီးတဲ့ ဂြိုလ်တစ်ခု.....ဂြိုလ်သားတွေက လူတွေကို ကင်းထောက်ဖို့ လွှတ်ထားတဲ့ သတ္တဝါဆိုးတွေ ရှိတဲ့နေရာတစ်ခုမှာ .... ဒဏ်ရာရနေတဲ့ အဖေ အသက်မှီဖို့ ဝေးလံလှတဲ့ နေရာတစ်ခုကို အရောက် သွားနိုင်မလားဆိုတာကတော့ စိတ်ဝင်စားဖွယ် ဆက်ကြည့်ရှု့ရမှာပါ။ ရုပ်ရှင်ကားကို ဘာသာပြန်ပေးထားတာတော့ Thaw ဖြစ်ပါတယ်။

ရုပ်ရှင်နာမည်အတိုင်းပဲ ဒီရုပ်ရှင်ဟာ ဖန်ဘွိုင်း (ပရိတ်သတ်) တအုပ် အကြောင်းရိုက်ထားတာပါ။ ဘာပရိတ်သတ်တွေလဲဆိုတော့ စတားဝါးစ် အမာခံပရိတ်သတ်တွေပါ။ အချိန်ကာလအားဖြင့် Star Wars Episode 1 : Phantom Menace 1999 မထွက်ခင် ကာလမှာဇာတ်အိမ်တည်ထားပါတယ်။ မူလတန်းလောက်ကတည်းက စတားဝါးစ်ကို အရူးအမူးအားပေးလာကြတဲ့ စတားဝါးစ်ဂျပိုး လူငယ်တစုဟာ ဟောလိုး၀င်းပါတီတခုမှာပြန်ဆုံခဲ့ကြပါတယ်။ ဒီလိုနဲ့ ရှေးဟောင်းနှောင်းဖြစ်တွေပြောကြရင်း သူငယ်ချင်းအုပ်စုထဲက လိုင်းနက်စ်ဟာ ကင်ဆာရောဂါဖြစ်နေပြီး စတားဝါးစ်ရုပ်ရှင်သစ် ရုံတင်မယ့်ရက်ကို မမီနိုင်တော့တာကို သိရှိလိုက်ကြရပါတယ်။ ဒီလိုနဲ့ စတားဝါးစ်ဂျပိုး သူငယ်ချင်းတစုဟာ လိုင်းနက်စ်ကို မသေခင်မှာ Episode 1 ကိုပြလိုက်နိုင်ဖို့အတွက် ရုပ်ရှင်ဖလင်ကိုသိမ်းဆည်းထားတဲ့ စတားဝါးစ်တည်ထောင်သူဖခင်ကြီး ဂျော့ခ်ျလူးကပ်စ်ရဲ့ခြံထဲကိုခိုး၀င်ဖို့ မိုင်ထောင်ချီဝေးတဲ့ခရီးကို ဗန်ကားအစုတ်လေးတစီးနဲ့ စတင်စွန့်စားခန်းထွက်ကြ‌ပါတော့တယ်။ စတားဝါးစ်နဲ့ပတ်သက်တဲ့ ရုပ်ရှင်ဖြစ်တာကြောင့် တကားလုံးမှာ စတားဝါးစ် ကိုးကားမှုတွေ ထို‌ခေတ်အခါက ရုပ်ရှင် ဂိမ်းနဲ့ပတ်သက်တဲ့ အသုံးအနှုန်းတွေကို အလျှံပယ်ထည့်သွင်းသုံးစွဲထားတာဖြစ်လို့ စတားဝါးစ်ကြည့်ဖူးထားရင်တော့ ဒီရုပ်ရှင်ကိုကြည့်ရတာ ပိုအရသာရှိပါလိမ့်မယ်။ (ညစ်ညမ်းတဲ့အသုံးအနှုန်းတွေပါ၀င်တာကိုသတိပြုပေးပါ)

~ IMDb - 6.2/10, Rotten Tomatoes - 64% ~ အိပ်မက်ထဲက ပေါက်ပန်းဖြူတစ်ပွင့်ကို ဆွဲထုတ်ယူလိုက်ပြီး မင်းကိုကမ်းပေးလိုက်တယ်။ ကြေမွသွားတဲ့ ပန်းကလေးရယ်၊ နောက်ကျောကိုပဲ မြင်ရတော့တဲ့ မင်းရယ်၊ ဝေခွဲမရတဲ့ ငါရယ်၊ မှောင်မည်းမည်းလောကကြီးရယ်။ တစ်ကနေ တစ်ဆယ်အတွင်း ကိုယ့်ကိုယ့်ကိုယ်တန်ဖိုးသတ်မှတ်ရင် ဘယ်လောက်များ ရနိုင်ပါ့မလဲ။ သုညကိုတောင်းဆိုမိရင် ဘုရားသခင်များ ဒေါသဖြစ်လေမလား။ မင်းဟာ ငါပဲ။ သူကလည်း ငါပဲ။ နေရောင်ခြည်ကလည်း ငါပါပဲ။ တစ်ခါတလေ ပူပြင်းနေရုံ။ တစ်ခါတလေမှာ အတွေးတစ်ချက်နဲ့ လောကကြီးကို သတ်ပစ်လိုက်တယ်။ တစ်ရာ့တစ်ပါးသော ထီးဆောင်းမင်းတွေထဲမှာ ငါက အရက်စက်ဆုံးတဲ့။ အဆုံးမဲ့စကြာဝဠာကြီးကို သူတို့လက်ထဲအ‌ရောက် လက်ဆောင်ပေးခဲ့တာတော့ အရေးမပါဘူးဆိုပဲ။ မသေတဲ့သူကို သေအောင်သတ်ဖို့ ဘာတွေလိုမလဲ။ မူးယစ်ဆေးဝါးခပ်ပြင်းပြင်းကို အတိုင်းအဆမဲ့ပမာဏနဲ့ အဆိပ်ခပ်လိုက်မလား။ ကိန်းဂဏန်းတွေကြားထဲမှာ (၉) ဂဏန်းကိုပဲ လိုက်ရှာနေမိတယ်။ ရှာလေတွေ့လေ၊ တွေ့လေ ဝေခွဲမရလေ။ အဖြူသက်သက်မီးတောက်ကြီးနဲ့ မင်းကိုဝါးမျိုပစ်လိုက်တယ်။ နာကျင်ခြင်းမဲ့လုပ်လိုက်တယ်လို့ မထင်လိုက်ပါနဲ့။ ကိုယ့်ကိုယ်ကိုယ် ဘယ်သူမှန်းမသိတဲ့လူတစ်ယောက်အတွက် ပေးဆပ်ခဲ့ရတဲ့ မင်းတို့ဘဝတွေ မတန်ခဲ့ပါဘူး မယ်လီဆာ နဲ့ စူဆန်။ (၉) ဂဏန်းသမားကို (၇) ဂဏန်းသမားတွေက ဝိုင်းပေးဆပ်ရတာ သိပ်မုန်းဖို့ကောင်းတဲ့ ဘုရားရှင်ကြီးပဲ။ (၁၀) ဂဏန်းသမားက လစ်လျူရှုထားလို့လား။ သူ့ကိုလည်း "မတရားသူကြီးမင်း" အဖြစ် သတ်မှတ်လိုက်ရအောင်။ ဂါဗန် ဆိုတဲ့ ဂယ်ရီ ရေ... ခင်ဗျားကတော့ ကွက်စိပ်ဆရာပါပဲဗျာ။ The Nines ဆိုတဲ့ ဟောဒီရုပ်ရှင်ကားက ၂၀၀၇ ခုနှစ်မှာထွက်ရှိခဲ့တဲ့ စိတ္တဇဇာတ်ကားတစ်ကားဖြစ်ပါတယ်။ ဓာတ်ဗူးမင်းသား Ryan Reynolds ပါဝင်သရုပ်ဆောင်ထားပြီး မြင်နေကျ သူ့ပုံစံနဲ့ ကွဲထွက်နေတဲ့ဟန်ကို တွေ့မြင်ရမှာပါ။ ဂျစ်ကန်ကန် ရွှတ်နောက်နောက် လူ့ဂွစာဟန်နဲ့ပဲ ခေါက်ရိုးကျိုးနေသူကြီးရဲ့ ငယ်ရွယ်စဉ်က အနုပညာမြောက်သရုပ်ဆောင်ပုံတွေပေါ့ဗျာ။ ဒီဇာတ်ကားက Psychological Thriller အမျိုးအစားတွေ ရခဲ့သလောက် ပုံမှန် Rating, အောင်မြင်မှုနဲ့ ဝင်ငွေကိုပဲ ရခဲ့ရှာပါတယ်။ စိတ်ပိုင်းဆိုင်ရာ နက်နဲမှုတွေကို တင်ဆက်ထားတာဖြစ်လို့ ဇာတ်လမ်းအကျဉ်းကို ရေးမပြနိုင်ပါဘူး။ သေချာတာကတော့ လူကြီးမင်းပေးလိုက်တဲ့အချိန်ရဲ့ အဆပေါင်းများစွာတန်တဲ့ အတွေးတွေ၊ စိတ်ကူးတွေကို ပြန်လက်ဆောင်ပေးပါလိမ့်မယ်။ ဘုရားသခင်ကို (၁၀) လို့ တန်ဖိုးသတ်မှတ်တယ်ဆိုပါစို့။ လူကြီးမင်းတို့က (၇) မှတ် ရပါတယ်။ ကဲ ဒီလောက်ဆို ဒီဇာတ်ကားထဲက (၉) မှတ်သမားတွေကို လူကြီးမင်းတို့ ဝေဖန်အကဲခတ်လို့ ရနိုင်ပြီဖြစ်ကြောင်းပါဗျာ။ (ဒီဇာတ်ကားနဲ့အညွှန်းကို Arr Khun Winchester မှ ပြန်ဆို ရေးသားထားပါတယ်) Size - 2.15GB, 801MB Quality - 1080p, 720p IMDb Rating - 6.2/10 Format - mp4 Duration - 1H 40Min Genre - Drama, Fantasy, Mystery Subtitle - Myanmar Subtitle (Hardsub) Translated by Arr Khun Winchester Encoded by Y

"Have you checked the children?" ဆိုတဲ့ လူထူးလူဆန်းတစ်ယောက်ရဲ့ အသံသြသြကြီးကို ဖုန်းထဲကနေ ကြားလိုက်ရတဲ့အခါ ခေါင်းနားပန်းကြီးပြီး ထိတ်လန့်သွားရှာမယ့် ဆယ်ကျော်သက်အရွယ် က​လေးထိန်း မိန်းကလေးငယ်တစ်ယောက်ရဲ့ ခံစားချက်ကို အပြည့်အဝ သိချင်ရင်တော့ "When a stranger calls" လို့အမည်ရတဲ့ ၂၀၀၆ ခုနှစ်ထွက် horror-suspense- thriller ရုပ်ရှင်ကို ကြည့်ဖို့ ညွှန်းပေးချင်ပါတယ်။ ၄င်းဟာ ၁၉၇၉ မှာ ထွက်ရှိခဲ့တဲ့ "When a stranger calls" ရုပ်ရှင်ကို ပြန်လည်ဆန်းသစ်ရိုက်ကူးထားတာ ဖြစ်ပါတယ်။ ဂျေးလ် ဂျွန်ဆန် (Camilla Belle) ဟာ ဆယ်ကျော်သက်အရွယ် ကျောင်းသူလေးတစ်ယောက်ဖြစ်ပြီး အချိန်ပိုင်းကလေးထိန်းအလုပ်ကိုလည်း တွဲဖက်လုပ်ကိုင်ပါတယ်။ တစ်ညနေခင်းမှာ သူမဟာ လူနေအိမ်ခြေ နည်းပါးသောအရပ်မှာ သီးခြားတည်ရှိတဲ့ အလွန်လှပတဲ့ စံအိမ်ကြီးတစ်ခုမှာ ကလေးထိန်းရဖို့ အကြောင်းဖန်လာပါတယ်။ သဘောအလွန်ကောင်းတဲ့ အိမ်ရှင်ဇနီးမောင်နှံဟာ အိပ်ပျော်နေတဲ့ ကလေးငယ်နှစ်ယောက်ကို ကလေးထိန်းလက်သစ်ဖြစ်သူ ဂျေးလ် လက်ထဲအပ်ပြီး ညစာစားပွဲကို ထွက်ခွာသွားကြပါတယ်။ ရည်းစားဖြစ်သူ ဘော်ဘီနဲ့ နားလည်မှုလွဲပြီး စိတ်လေနေတဲ့ ဂျေးလ်ဟာ ထိုအိမ်မှာ ရှိနေစဥ်အချိန်အတွင်း လူစိမ်းတစ်ယောက်ရဲ့ ဖုန်းခေါ်အနှောင့်အယှက်ပေးမှုကို ဆက်တိုက်ဆိုသလို ကြုံတွေ့လာရသောအခါ... ထို အမည်မသိဖုန်းသရဲ ရဲ့ ရည်ရွယ်ချက်... ဂျေးလ်နဲ့ သူထိန်းရမယ့် ကလေးတွေ ကျရောက်လာမယ့် ဘေးအန္တရာယ်မှ လွတ်မြောက်နိုင်ပါ့မလား... ဆိုတာတွေကို လက်​​တွေ့ သိရှိ​စေဖို့ "When a stranger calls" လို့အမည်ရတဲ့ ဇာတ်လမ်းလေးကို ကြည့်ရှုခံစားကြပါစို့။ File size…1.51GB / 543.5MB Quality…Blu-Ray 1080p / 720P Format…mp4 Duration….1h 27m Genre ..... Horror , Thriller Subtitle….Myanmar Subtitle (Hard Sub) Encoder….Min Wai Translated by Thae Suu

IMDb Rating (8.0) / Rotten Tomatoes (76%) Big Fish ( 2003 ) အဖေ့ရဲ့ပြာတွေ ဇာတ်လမ်းတွေဆိုတာ ပစ္စုပ္ပန်လည်းမရှိ အတိတ်လည်းမရှိဘူး။ ဇာတ်လမ်းတွေဆိုတာ အနာဂတ်ကို ဦးတည်တတ်တယ်။ အဖြူသက်သက်ကို အဖြူစွတ်ထားတဲ့ ပန်းချီကားတစ်ချပ်ကို အမြဲတမ်းငေးကြည့်နေတတ်တဲ့ လူဆိုးကြီးတစ်ယောက်ပါတဲ့ ဇာတ်လမ်းတွဲတစ်ခု ငါကြည့်ဖူးတယ်။ အဖြူရောင်ပန်းချီကားတွေဟာ ဟိုးအစဆီမှာ တကယ်ရှိခဲ့ဖူးပါတယ်။ ပြာဟာ အသန့်စင်ဆုံးအဖြူရောင်လို့ ငါကြားဖူးတယ်။ အခါခါ လောင်ကျွမ်းခြင်းရဲ့ သန့်စင်တဲ့အဆုံးသတ်... ကြေးချွတ်သန့်စင်ဘုံတစ်ခုကို ဖြတ်သန်းခြင်း.... အဆုံးတစ်ဘက်ဆီမှာလည်း အဖြူရောင်ပြာတွေဟာ တကယ်ဖြူနိုင်တာပါပဲ။ ငါ့ရဲ့ အဖြူရောင်ပန်းချီကားလို ကာလတွေမှာ အရာရာကို သိချင်စိတ်များတဲ့ ကလေးလေးတစ်ယောက်ရဲ့ စေခိုင်းမှုအတိုင်း ငါ့အဖေက ဝက်ဝံရုပ်လေးကို ဓားနဲ့ခုတ်ပေးဖူးတယ်။ ဝက်ဝံရုပ်လေးထဲမှာ ဘာတွေရှိလိမ့်မယ်လို့ ငါမျှော်လင့်ခဲ့မိမှန်းတော့ မမှတ်မိတော့ပါဘူး။ အဲဒီဝက်ဝံရုပ်ကလေးအတွက် ငါ့အဖေအတွက် ဝမ်းနည်းရတဲ့ခံစားချက်က အခုထိ ငါ့ဆီမှာ ကျန်နေတုန်းပဲ။ ဒါပေမဲ့ အဲဒီတုန်းကတော့ အဲဒီပန်းချီကားက အဖြူစွတ်စွတ်ဖြူနေတယ်။ အဖေ့ဘဝမှာ နေပူကြဲတဲ ညနက်သန်းခေါင် နရသိန်နှုတ်ခမ်းဝ အမှောင်မိုက်ဆုံးနဲ့ အပူပြင်းဆုံးနေ့ရက်များစွာ ရှိခဲ့ဖူးတာကို ငါကောင်းကောင်းသိပါတယ်။ အဖြူရောင်မဖြစ်တဖြစ် ပန်းချီကားတစ်ချပ်လိုကာလတုန်းကတော့ ငါရေးတေးတေးပဲ သိခဲ့တယ်။ ငါ့ပန်းချီကားမှာ အရောင်တွေစုံလာမှ သူကြုံခဲ့ရတဲ့အရောင်တွေကို ငါပြန်နားလည်လာနိုင်ခြင်းတွေပေါ့။ ဒါပေမဲ့ ငါ့အဖေက အတ်ဒဝတ်ဘလွန်းမဟုတ်ခဲ့ဘူး။ ပုံပြောကောင်းတဲ့ အဘိုးကြီးမဟုတ်တဲ့ သာမန်အဘိုးကြီးတစ်ယောက်ပဲဖြစ်ခဲ့တယ်။ အော်စကာဝိုင်းပြောသလို အမှန်တရားဆိုတဲ့စကားလုံးမှာ သန့်ရှင်းတယ်ဆိုတာရှားပြီး ရိုးရှင်းတယ်ဆိုတာ ဘယ်တော့မှမရှိဘူး။ ဘာလို့ဆို ငါတို့ရဲ့များသောအားဖြင့် တင်စားချက်တွေမှာ အမှန်တရားဟာ ဖုံးကွယ်ထားတဲ့အရာတစ်ခုနောက်က တကယ့်အဖြစ်မှန်ကို ရည်ညွှန်းနေတတ်တာများတယ်။ အတ်ဒဝတ်ဘလွန်းဟာ ခါးသီးတဲ့အဖြစ်မှန်တွေကို လှပတဲ့ပုံပြင်တွေအဖြစ်ပြောင်းလဲပစ်ပြီး သူ့သားကို ရက်စက်တဲ့အမှန်တရားတွေလက်ကနေ ကာကွယ်ခဲ့တယ်။ ငါ့အဖေကတော့ ငါ့ကိုမပြောပြတဲ့ နည်းနဲ့ပဲ ကာကွယ်ပေးခဲ့တယ်။ ဒါပေမဲ့ ငါရေးရေးသိခဲ့ပါတယ်။ အတ်ဒဝတ်ဘလွန်းရဲ့ ကာကွယ်နည်းက ပိုထိရောက်တာအမှန်ပေမဲ့ ငါ့အဖေဟာ သူစွမ်းသလောက်တော့ ငါ့ကိုကာကွယ်ပေးခဲ့တယ်။ သုခမိန်လှိုင်ရဲ့ဓားလို ကာကွယ်ပေးခဲ့တယ်။ ဓား ငါ ပျော်ရင်တော့ မင်းကို ခွဲပေးပါ့မယ် အဲဒါ လွယ်တယ် ငါ မပျော်ရင်တော့ မင်းကိုခွဲမပေးတော့ဘူး အဲဒါ ခက်တယ် သံက မီးဖိုထဲမှာ အရည်ပျော်ပြီး ပြန်လာသလိုမျိုး Magical Realismရုပ်ရှင်တွေကို ငါသဘောကျတဲ့အချက်က အရက်စက်ဆုံးဇာတ်လမ်းတွေကိုတောင် စိတ်ဝင်စားစရာအကောင်းဆုံး ဇာတ်လမ်းတွေဖြစ်အောင်လုပ်ပစ်နိုင်တာကိုပေါ့။ Big Fishကတော့ ထူးခြားတယ်။ ခါးသီးတဲ့ဇာတ်လမ်းတွေကို လှပတဲ့ပုံပြင်တွေအဖြစ် ပြောင်းလဲပစ်ခဲ့တဲ့ Magical Realismရုပ်ရှင်မျိုးပဲ။ အတ်ဒဝတ်ဘလွန်းဟာ မွေးကင်းစကတည်းကနေ သေတဲ့အထိ ဖမ်းလို့မမိနိုင်တဲ့ငါးကြီးတစ်ကောင်ကို လိုက်ဖမ်းခဲ့တယ်။ အဲဒီငါးကြီးက ပုံစံအမျိုးမျိုးနဲ့တည်ရှိနေတယ်။ အချစ်တွေ, ကိုယ်ချစ်ရတဲ့သူအတွက် အကောင်းဆုံးလုပ်ပေးချင်ခြင်းတွေ, သူ့အခက်ခဲဆုံးအချိန်တွေ ဘေးမှာရှိနေပေးစေခြင်းတွေ, သူဖြစ်ချင်တဲ့အရာတိုင်းကို လုပ်ပေးချင်ခြင်းတွေ, အိပ်မက်တွေပေါ့။ အချစ်ဆိုတဲ့အရာကလည်း ငါတို့ထင်သလောက် မရိုးရှင်းတာ, မသန့်ရှင်းတာ, မချိမြိန်တာကို အနေကြာလာရင်းနဲ့ ငါတို့သိလာတာပါပဲ။ ဒါအမှန်တရားပဲ။ အတ်ဒဝတ်ဘလွန်းက အမှန်တရားက သူ့အချစ်တွေကို ဖုံးလွှမ်းသွားမှာကို ဘယ်တုန်းကမှ မလိုလားခဲ့ဘူး။ အတ်ဒဝတ်ဘလွန်းဟာ တစ်ချိန်လုံး အသိဉာဏ်ထက် ခံစားချက်ကို ဦးစားပေးတဲ့သူဖြစ်ခဲ့တယ်။ ဒီတော့ အတ်ဒဝတ်ဘလွန်းဟာ အချစ်ရဲ့မချိုမြိန်တဲ့ဘက်အခြမ်းတွေကို ပုံပြင်တွေအဖြစ် ပြောင်းလဲပစ်ခဲ့တယ်။ သူဘယ်တော့မှ ဖမ်းလို့မမိမယ့်ငါးကြီးနောက်ကို တစ်သက်လုံးလိုက်ခဲ့တယ်။ ဒီငါးကြီးနောက်ကို အတ်ဒဝတ်ဘလွန်းဟာ တစ်သက်လုံးလိုက်ခဲ့ရင်း နောက်ဆုံး သူကိုယ်တိုင် အဲဒီငါးကြီးဖြစ်သွားခဲ့တယ်။ ဒါပေမဲ့ ဒီဟာရဲ့ Metaphorက မတူဘူး။ မဖြူစင်မှုတွေနဲ့ရှင်သန်ရင်း အခါခါလောင်ကျွမ်းခြင်းရဲ့ အဆုံးသတ်မှာ အဖြူရောင်ပြာတွေက တကယ်ဖြူနိုင်တယ်လို့ ပြောခဲ့တယ်မလား။ ဒီဇာတ်လမ်းပြာ အတ်ဒဝတ်ဘလွန်းရဲ့ အဖြူရောင်ပြာတွေပါပဲ။ ငါ့အဖေလည်း ငါ့ကို အဖြစ်အပျက်တွေမဟုတ်ဘဲ မတူတဲ့ပုံပြင်တွေကို ပြောခဲ့ဖူးတယ်။ သူ့ရဲ့အဖြူရောင်ပြာတွေပေါ့။ လူတစ်ယောက်ဟာ ပုံပြင်တစ်ပုဒ်ကို ထပ်ခါထပ်ခါပြောရင်း သူကိုယ်တိုင် အဲဒီပုံပြင်ကို ယုံသွားတဲ့အဖြစ်မျိုး ခင်ဗျားတို့ကြုံဖူးလား။ ကြုံဖူးမှာပါ။ ပုံပြင်တစ်ပုဒ်ကို ထပ်ခါထပ်ခါပြောရင်း သူဟာ အဲဒီပုံပြင်ဖြစ်သွားလိမ့်မယ်။ သူကိုယ်တိုင်တောင် ပြန်ယုံသွားတဲ့ ပုံပြင်ကို အားလုံးလည်း ယုံသွားကြလိမ့်မယ်။ တစ်ခါတလေကျတော့လည်း အမှန်တရားတွေဆိုတာ နှလုံးသားတွေအတွက်မလိုဘူး။ ပုံပြင်လှလှလေးတွေ , သိပ်လှတဲ့ဇာတ်လမ်းလေးတွေ။ အင်းပေါ့ ခါးသီးတဲ့ အတိတ်တွေအကုန်လုံးကို လောင်ကျွမ်းပြီး ကျန်ခဲ့တဲ့ပြာတွေလို လှပတဲ့ပုံပြင်လေးတွေ။ ပုံပြင်တွေဟာ အတိတ်မဟုတ်ဘူး။ ပစ္စုပ္ပန်မဟုတ်ဘူး။ ပုံပြင်တွေဆိုတာ အနာဂတ်အတွက်ပဲ။ ငါတို့အချစ်တွေကို ငါတို့လည်း ပုံပြင်တွေပြောခဲ့တယ်။ ငါတို့အချစ်တွေကို ငါတို့ ပုံပြင်တွေ ဆက်ပြောနေရဦးမယ်။ (ရုပ်ရှင်အညွှန်းနဲ့ဘာသာပြန်ကို WiRa Aung မှ တင်ဆက်ထားပါတယ်။) File size…(7.7 GB) / (3 GB )/ (1.3 GB) Quality…BluRay 4K HEVC/ 1080p HEVC / 720p Format…mkv/mp4 Duration….02:06:00 Subtitle….Myanmar Subtitle (Hardsub) Encoder….Ka Naung Translated by WiRa Aung