David Lee ပါဝင်သော ဇာတ်ကားများ

Holy Night: Demon Hunters (2025) IMDb... 6.5 အကုန်လုံး စောင့်မျှော်နေကြတဲ့ Holy night : Demon Hunters ရုပ်ရှင်ဇာတ်ကားကြီး ထွက်ရှိလို့လာပါပြီ။ Cast တွေအနေနဲ့ကတော့ အားလုံး သိကြတဲ့ Ma Dong-seok, Seo Hyun, Lee David, Kyung Soo-jinနဲ့ Jung Ji-so တို့ ပါဝင်ထားကြပြီး နတ်ဆိုး၊ နတ်ဆိုးကို ကိုးကွယ်ကြတဲ့ အစွန်းရောက်သူတွေနဲ့ အားပြိုင်ကြမဲ့ သဘာဝလွန်စွမ်းအားရှင် နတ်ဆိုးမုဆိုး ၃ဦးအဖွဲ့အကြောင်းကို ရိုက်ကူးထားတာတဲ့ Fantasy Horror movie အမျိုးအစားပဲ ဖြစ်ပါတယ်။ ဇာတ်လမ်းအညွှန်း- ဘာအူ, ရှာရွန်နဲ့ ဂင်ဂွန်းဆိုတဲ့သူ ၃ယောက်နဲ့ ဖွဲ့စည်းထားတဲ့ Holy Night အဖွဲ့ဟာ နတ်ဆိုးကိုးကွယ်တဲ့ ဂိုဏ်းတွေကို တိုက်ခိုက်နှိမ်နင်းကြတဲ့ အဖွဲ့ဖြစ်တယ်။ ဘာအူရဲ့ ထူးခြားတဲ့ စွမ်းရည်ကတော့ အားကောင်းတဲ့ ကာယခွန်အားပဲဖြစ်ပြီး ရှာရွန်ကတော့ နတ်ဆိုးတွေကို ခွဲခြားသိမြင်ကာ အပနှင်နိုင်စွမ်းရှိပြီး ဂင်ဂွန်းကတော့ ဘာအူနဲ့ ရှာရွန်တို့ကို နောက်ကနေ လိုက်လံကူညီပေးတဲ့သူပေါ့။ တစ်နေ့ စိတ်ရောဂါကုဆရာဝန် ဂျောင်ဝန်းဟာ Holy Night အဖွဲ့ဆီ ရောက်လာပြီး သူ့ရဲ့ ညီမဖြစ်သူ အွန်ဆောရဲ့ ခန္ဓာကိုယ်ထဲမှာ နတ်ဆိုးတစ်ကောင်ဝင်ပူး‌နေတဲ့အတွက် ညီမဖြစ်သူကို ကယ်တင်ပေးဖို့ Holy Night အဖွဲ့ကို လာ‌ရောက် အကူအညီတောင်းခံတဲ့အခါမှာတော့... Holy Night အဖွဲ့က အွန်ဆောရဲ့ ခန္ဓာကိုယ်ထဲမှာ ပူးကပ်နေတဲ့ နတ်ဆိုးကို ဘယ်လိုနည်းလမ်းတွေသုံးပြီး ဘယ်လိုနှင်ထုတ်သွားမလဲဆိုတာကိုတော့ မာဒုံဆော့ရဲ့ ဇာတ်ကားတွေ ထုံးစံအတိုင်း တိုက်ရည်ခိုက်ရည်ကောင်းကောင်း၊ အပနှင်နည်းမျိုးစုံနဲ့ မြိုင်မြိုင်ဆိုင်ဆိုင် ကြည့်ရှုရပြီး ပရိသတ် စိတ်ကျေနပ်ရမဲ့ကားတစ်ကားဖြစ်လို့ တင်ဆက်ပေးလိုက်ပါတယ်။ (ဇာတ်လမ်းအညွှန်းကိုတော့ Miri မှ ရေးသားထားပေးပါတယ်။) File Size : 1.26GB/ 600MB Quality : WEB-DL 1080p/ 720p Format…mp4 Duration…01:32:13 Genre : Action, Horror, Fantasy, Supernatural Subtitle : Myanmar Subtitle (Hard Sub) Translated by Miri, Hnin Wai Oo, Treasure Htet & Stary Encoded by Tiff

Yang Jong Hoon ဟာ အမှုစစ်ဟောင်း ဖြစ်ပြီး အခုချိန်မှာ ထိပ်တန်းဥပဒေကျောင်းတစ်ကျောင်းရဲ့ ပါမောက္ခအဖြစ် စာသင်ကြားပေးနေတဲ့သူပါ။ သူ့ရဲ့ ဒဲ့တိုးဆန်တဲ့ အပြောအဆိုတွေနဲ့ တင်းကြပ်တဲ့သင်ကြားနည်းတွေကြောင့် ကျောင်းသားတွေက သဘောမကျကြပါဘူး။ ဒါပေမယ့် သူကတော့ ကျောင်းသားတွေရဲ့ အမြင်ကိုဂရုမစိုက်ဘဲ ဥပဒေနယ်ပယ်မှာ အရည်အချင်းပြည့်ဝသူတွေကို မွေးထုတ်ပေးဖို့သာ အာရုံစိုက်ထားတဲ့သူပဲဖြစ်ပါတယ်။ သူ့လိုဘုဂလန့်လူတစ်ယောက်နဲ့ ပွင့်လင်းစွာပြောဆိုနိုင်တဲ့ တစ်ဦးတည်းသောသူကတော့ သူ့ရဲ့လုပ်ဖော်ကိုင်ဖက် ပါမောက္ခ Kim Eun Sook ပဲရှိပါတယ်။ Kang Sol နဲ့ Han Joon-Hwi တို့ကတော့ ပထမနှစ်ဥပဒေကျောင်းသားတွေဖြစ်ပါတယ်။ ဆင်းရဲတဲ့နောက်ခံကလာတဲ့ Kang Solအတွက်တော့ အထူးဝင်ခွင့်နဲ့ဝင်ရောက်လာခဲ့ရပြီး ချမ်းသာပြီးထက်မြက်တဲ့သူတွေကြားမှာ ရှေ့နေကောင်းတစ်ယောက်ဖြစ်လာဖို့ ကြိုးစားနေသူပါ။ Han Joon Hwi ကတော့ ဆွဲဆောင်မှုနဲ့ခေါင်းဆောင်မှုအရည်အချင်းရှိတဲ့ ထိပ်တန်းကျောင်းသားတစ်ယောက်ဖြစ်လို့ ပြည့်စုံတဲ့သူလို့ဆိုနိုင်ပေမယ့် လူမသိအောင်ဖုံးကွယ်ထားတဲ့ လျှို့ဝှက်ချက်တစ်ခုရှိနေတဲ့သူပဲဖြစ်ပါတယ်။ ဒီလိုလူမျိုးတွေရှိနေတဲ့ ထိပ်တန်းဥပဒေကျောင်းတစ်ခုမှာ ဆိုးဝါးရက်စက်တဲ့ဖြစ်ရပ်တစ်ခု ဖြစ်ပေါ်လာတဲ့အခါမှာတော့ ပါမောက္ခနဲ့ကျောင်းသားတွေ ဥပဒေနဲ့အညီ တရားမျှတမှုကို ဘယ်လိုရှာဖွေသွားကြမလဲဆိုတာကတော့.... Native Title: 로스쿨 Also Known As: Loseukul Director: Kim Seok Yoon Genres: Mystery, Law, Crime, Drama Translator – Khine Khine Wai, , Ei Phyu Khin,Hnin Wut Yi &  Lwin Lwin Aung Encoder – Phyo Pyae

Last Child (2017) ဒီတစ်ခေါက်မှာတော့ 2017ခုနှစ်မှာ ထွက်ရှိခဲ့တဲ့ Last Child ဆိုတဲ့ ရုပ်ရှင်ကားကောင်းလေးတစ်ကားနဲ့ မိတ်ဆက်ပေးချင်ပါတယ်။ ဒီကားလေးမှာတော့ Reply1988ထဲမှ မင်းသားကြီး Choi Moo Sung, Beyond The Barထဲမှ မင်းသမီးကြီး Kim Yeo Jinနဲ့ Twelveထဲမှ Sung Yoo Binတို့ အဓိကပါဝင်သရုပ်ဆောင်ထားပါတယ်။ ဆောင်းချော (Choi Moo Sung)နဲ့ မီဆု (Kim Yeo Jin)တို့ဟာ တစ်ဦးတည်းသော သားဖြစ်သူ အွန်းချန်း သေဆုံးသွားတဲ့ အတွက်ကြောင့် ဖြေမဆည်နိုင် ဖြစ်နေကြသူတွေပါ။ အွန်းချန်းလေးဟာ သူငယ်ချင်းဖြစ်သူ ဂီဟျွန်း(Sung Yoo Bin) ရေနစ်နေတာကို ကယ်တင်ရာမှ မတော်တဆသေဆုံးသွားခဲ့ရတာပါ။ သားဖြစ်သူ ကယ်တင်ခဲ့တဲ့ ဂီဟျွန်းဆိုတဲ့ ကလေးဟာ မိဘတွေရဲ့ စွန့်ပစ်ခြင်းကို ခံထားရပြီး နေထိုင်စားသောက်ဖို့အတွက် ကျောင်းထွက်ကာ ကိုယ့်ဝမ်းကိုယ်ကျောင်းနေရတယ်ဆိုတာကို ဆောင်းချောနဲ့ မီဆုတို့ သိသွားတဲ့အခါမှာတော့ ဂီဟျွန်းကို တာဝန်ယူ စောင့်ရှောက်ပေးရင်း လစ်ဟာနေတဲ့ သားလေးနေရာကို ဖြည့်ဆည်းဖို့ ဆုံးဖြတ်လိုက်ကြပါတော့တယ်။ ဒီလိုနဲ့ သူတို့ သုံးယောက်ဟာ ဒဏ်ရာတွေကို မေ့ပြီး ပျော်ပျော်ရွှင်ရွှင် ရှေ့ဆက်နိုင်မှာလား။ အွန်းချန်းရဲ့ သေဆုံးမှုကရော ထင်ထားသလို ရိုးရှင်းရဲ့လားဆိုတာကို ခံစားကြည့်ရှုလိုက်ရအောင်နော်။ File Size - 1.45 GB/ 647 MB Quality - WEB-DL 1080p/ 720p Duration - 2h 3m Format - mp4 Genre - Drama, Thriller Subtitle - Myanmar Subtitle (Hard Sub)

The Fortress (2017) IMDb Rating (6.8) ဒီတစ်ခေါက်မှာတော့ Lee Byung-Hun, Kim Yun-Seok, Park Hae-Il, Go Soo, Park Hee-Soon အစရှိတဲ့ ထိတ်ထိတ်ကြဲ မင်းသားကြီးများစွာ ပါဝင်သရုပ်ဆောင်ထားပြီး မန်ချူး ကျူးကျော်စစ်ကာလအကြောင်းကို ဇာတ်အိမ်ကောင်းကောင်းနဲ့ ကြည့်ရှုရမဲ့ နန်းတွင်းကားဟောင်းလေးကို ပြန်လည်တင်ဆက်ပေးလိုက်ပါတယ်။ - ဇာတ်လမ်းအကျဉ်း - ၁၆၃၆ ခုနှစ် ဂျိုဆွန်းဘုရင် အင်ဂျို အုပ်စိုးတဲ့လက်ထက်မှာ ချင်အင်ပါယာရဲ့ စစ်တပ်က ကျူးကျော် တိုက်ခိုက်လာတဲ့အတွက်ကြောင့် ဘုရင်အင်ဂျိုနဲ့ သူ့ရဲ့ သစ္စာခံအမတ်တွေက နမ်ဟန်ခံတပ်ထဲကို တိမ်းရှောင်ခိုလှုံခဲ့ကြရပါတယ်။ ရန်သူ့စစ်တပ်က ခံတပ်ကြီးကို အပြင်ကနေ ပိတ်ဆို့ဝိုင်းရံထားတဲ့အတွက် ကြာလာတော့ ဂျိုဆွန်းစစ်သည်တွေကလည်း အအေးဒဏ်၊ ငတ်မွတ်ခေါင်းပါးမှုဒဏ်တွေကို အလူးအလိမ့် ခံစားလာရပါတော့တယ်။ ဒီလို အကျပ်အတည်းတွေကြောင့် အမတ်ကြီးတွေကြားမှာလည်း ခဏတာ အရှက်ကို သည်းခံပြီး စစ်ပြေငြိမ်းမှုယူပြီးတော့ တိုင်းပြည်နဲ့ ပြည်သူတွေကို အသက်ဆက်ခွင့်ပေးမယ်ဆိုသူတွေက တစ်ဖွဲ့... ရန်သူ့ခြေတော်ရင်းမှာ ဒူးထောက်မဲ့အစား အဆုံးအထိ အသေခံတိုက်ခိုက်ပြီး တိုင်းပြည်နဲ့ လူမျိုးရဲ့ ဂုဏ်သိက္ခာကို ကာကွယ်သွားမယ်ဆိုသူများက တစ်ဖွဲ့နဲ့ သဘောထားတွေ စတင် ကွဲလွဲလာကြတဲ့အခါမှာတော့... ဂျိုဆွန်းလူမျိုးတွေ အဆုံးမှာ ဘာကို ရွေးချယ်သွားမလဲဆိုတာကို စိတ်လှုပ်ရှားစွာနဲ့ ကြည့်ရှုရမှာပဲ ဖြစ်ပါတယ်။ File Size : 2.97GB/ 1.19GB Quality : BluRay 1080p 5.1CH/ 720p Format…mp4 Duration…2hr 20m Genre : Military, Historical, War, Political Subtitle : Myanmar Subtitle (Hard Sub)

Split (2016) ဒီတစ်ခေါက်မှာတော့ ပရိသတ်ကြီးတို့အတွက် တစ်ချိန်တည်းမှာပဲ ရယ်မောရင်း , စိတ်လှုပ်ရှားရင်း ရင်ထဲနွေးစေမဲ့ ခံစားချက်ပေါင်းစုံ ခံစားရစေမဲ့ရုပ်ရှင်ကားကောင်းလေးတစ်ကားကို တင်ဆက်ပေးလိုက်ပါတယ် ။ Cast တွေအနေနဲ့တော့ " When My Love Blooms" မှ မင်းသားကြီး Yoo Ji-Tae ၊ "Squid Game 2 ,3 " မှ David Lee ၊ Lee Jung-Hyun တို့မှ အဓိက ပါဝင်သရုပ်ဆောင်ထားကြပါတယ်။ ဇာတ်လမ်းအညွှန်း ~ တစ်ချိန်က နာမည်ကြီး ဘိုးလင်းကစားသမားဖြစ်ခဲ့တဲ့ ယွန်းချောဂျုံး(Yoo Ji-Tae) ဆိုသူဟာ ကားမတော်တဆမှုကြောင့် ခြေထောက်ထိခိုက်သွားပြီးနောက်ပိုင်း ကစားသမားအဖြစ်မှ နှုတ်ထွက်လိုက်ပါတယ်။ ဒီလိုနဲ့ လောကကြီးနဲ့ အဆက်အသွယ်ဖြတ်ပြီး စွန့်ပစ်ခြံအဟောင်းကြီးမှာ အလုပ်လုပ်ရင်းနဲ့ အကြွေးဗရပွရှိနေတဲ့ ဘိုးလင်းရုံပိုင်ရှင် ဟီဂျင်း(Lee Jung-Hyun)နဲ့ အတူ လောင်းကြေးထပ် ဘိုးလင်းဆော့ကြတဲ့လူတွေနဲ့ လိုက်ချိတ်ဆက် ပြိုင်ကြရင်း ပိုက်ဆံရှာနေခဲ့ပါတယ် ။ တစ်နေ့မှာတော့ ချောဂျုံးတစ်ယောက် .. ယောင်းဟွန်း(David Lee)ဆိုတဲ့ ဘိုးလင်းပစ်တာတော်တဲ့ အော်တစ်ဇင်ဖြစ်နေတဲ့ ကလေးကို တွေ့သွားပြီးနောက် နောက်ပြိုင်ပွဲတွေမှာ လောင်းကြေးမရှုံးဖို့အတွက် အတူကစားအောင် ယောင်းဟွန်းကို စည်းရုံးဖို့ ဖြစ်လာခဲ့ပါတယ် ။ သိပ်ခက်ခက်ခဲခဲ စည်းရုံးစရာ မလိုဘဲ ယောင်းဟွန်းက လွယ်လွယ်ကူကူ လက်ခံလိုက်တာကြောင့် အတူပေါင်းပြီး ကစားကြရင်း.. တဖြည်းဖြည်းနဲ့ အန္တရာယ်များတဲ့ကစားပွဲတစ်ခုထဲ ဝင်ရောက်ပြိုင်ဆိုင်ဖို့ ဖြစ်လာတဲ့အခါမှာတော့ .... ဘိုးလင်းအားကစားအပြင် သူငယ်ချင်းသံယောဇဥ်ကိုပါ တွေ့မြင်ရပြီး ရင်ထဲနွေးထွေးစေမဲ့ ကားကောင်းလေးဖြစ်လို့ တင်ဆက်ပေးလိုက်ရပါတယ် .. File size…1.76GB / 990MB Quality… WEB-DL 1080p/ 720p Format…mp4 Duration….2h 00m Genre ….. Sports, Drama Subtitle….Myanmar Subtitle (Hard Sub)

Unforgettable (2016) အခုတစ်ခါမှာတော့ 2016 တုန်းက ထွက်ရှိခဲ့ပြီး EXO အဖွဲ့ဝင် D.O, အားလုံးရဲ့ အသည်းစွဲ မင်းသမီးလေး Kim So Hyun တို့အပြင် Yun Joon Suk, Lee David,JoonAh Reum တို့ အဓိကပါဝင်ထားပြီး ပရိတ်သတ်နဲ့မစိမ်းတဲ့ တခြားသရုပ်ဆောင်များစွာလည်း ပါဝင်ထားတဲ့ "Unforgettable" ဆိုတဲ့ ဒရမ်မာလေးကို တင်ဆက်ပေးလိုက်ပါတယ် .. - ဇာတ်လမ်းအညွှန်း - လူတွေဟာ ရေဒီယိုက ထုတ်လွှင့်တဲ့ သီချင်းလေးတွေ ဇာတ်လမ်းလေးတွေကို နားဆင်ခံစားရင်း ငယ်ချစ်ဦး၊ ငယ်သူငယ်ချင်းအကြောင်းတွေကို ပြန်လည်သတိရ လွမ်းဆွတ်တတ်ကြပါတယ် .. ဒီဇာတ်လမ်းလေးထဲမှာလည်း လွန်ခဲ့တဲ့ ၂၃ နှစ်တုန်းက စာလေးတစ်စောင်နဲ့ ကတ်ဆက်ခွေလေးက ရေဒီယိုအသံလွှင့်ဌာနဆီကို ရောက်လာတာနဲ့ အစပျိုးထားပြီး ရေဒီယိုဒီဂျေနဲ့ သူရဲ့ ငယ်သူငယ်ချင်းလေးတို့ တံငါသည်ရွာလေးမှာ လူငယ်ဘဝကို အတူတူဖြတ်သန်းခဲ့တဲ့ နေ့ရက်လေးဆီကို ပြန်လည်ခေါ်ဆောင်သွားပေးမှာပါ။ နွေရာသီကျောင်းပိတ်ရက်တိုင်း မွေးရပ်မြေကျွန်းလေးဆီကို ပြန်လာကြမဲ့ ဘုမ်းရှီ, ဂယ်ဒေါ့,ဆန်းဒိုလ်နဲ့ ဂီဂျာတို့ကို အမြဲစိတ်ရှည်ရှည်နဲ့ စောင့်လေ့ရှိတဲ့ ဆူအို့က သူငယ်ချငိးတွေနဲ့ အတူတူ  ပျော်ပျော်ရွှင်ရွှင်နဲ့ နွေရာသီကို ကုန်ဆုံးရင်း လူငယ်ဘဝကို ဖြတ်သန်းနေတာပေါ့ .. ဒီလိုနဲ့ မမေ့နိုင်စရာ အမှတ်တရတွေနဲ့ ပြည့်နှက်နေတဲ့ ဒီသူငယ်ချင်း ၅ ယောက်ရဲ့ ဘဝထဲကို ရင်နာစရာအဖြစ်ဆိုးလေးတစ်ခု ဝင်ရောက်လာတဲ့အခါမှာတော့ ....။ ဒီကားလေးထဲမှာတော့ တန်ဖိုးရှိတဲ့ ငယ်ဘဝအမှတ်တရ , ဖြူစင်တဲ့ သူငယ်ချင်းသံယောဇဉ်, ရင်ခုန်ဖွယ် လူငယ်ဘဝ ငယ်ချစ်ဦးဇာတ်လမ်းလေးကို ပုံဖော်ရိုက်ကူးထားတာဖြစ်လို့ သူငယ်ချင်းဇာတ်လမ်းတွေကို ကြိုက်နှစ်သက်တဲ့ ပရိသတ်ကြီးတို့ လက်မလွှတ်သင့်တဲ့ ဇာတ်ကားလေးဖြစ်ကြောင်း ညွှန်းဆိုချင်ပါတယ်။ (အညွှန်းကို May Thet မှ ရေးသားထားပါတယ်) File size…2.38GB / 977MB Quality… BluRay 1080p/ 720p Format…mp4 Duration….1 hr. 53 min. Genre ….. Romance, Drama, Melodrama Subtitle….Myanmar Subtitle (Hard Sub) Translated by May Thet Encoded by AHtet

Kundo: Age of the Rampant(2014) IMDb...6.8 (၂၀၁၄)ခုနှစ်က ထွက်ရှိခဲ့တဲ့ ဒီကားကို ပြန်တင်ဆက်ပေးရတဲ့ အကြောင်းအရင်းက Ma Dong-seok ကြောင့်ဆိုရင်လည်းမမှားပါဘူး.... ဗလခပ်တောင့်တောင့်ဒီမင်းသားဟာ Along with the Gods, Unstoppable , The Outlaws တို့မှာ ပါဝင်ခဲ့ပြီးတော့ သရုပ်ဆောင်စဉ်မှာလည်း ရိုးသားဟန်တွေပေါ်နေတဲ့ သူ့အမူအရာကြောင့် မြန်မာပရိတ်သတ်တွေအကြိုက်ဖြစ်ခဲ့သလို တစ်ချက်တစ်ချက် ထိုးလိုက်ရင် အုန်းသီးခပ်ကြီးတစ်လုံးလောက်ရှိတဲ့ သူ့လက်သီးကြောင့် ခုနှစ် ခုနှစ်လီ ၄၉ပေလောက် လွင့်သွားတာလည်း အားရစရာကြီးပါပဲ... ဒီကားထဲမှာလည်း သံလုံးကြီးတွေကိုလက်နက်အဖြစ်အသုံးပြုတဲ့သိုင်းသမားအဖြစ်ပါဝင်ထားပါတယ်... နောက်ပြီးတော့ ခေါင်းဆောင်မင်းသားဖြစ်တဲ့ Jung-woo Ha ကိုတော့ အထွေအထူးမိတ်ဆက်စရာမလိုပါဘူး.. သူရိုက်သမျှကားတိုင်းဟာ ကောင်းမွန်တယ်လို့တောင်မှတ်ကျောက်တင်ခံရတဲ့သူပါ.... ဒီကားက ဂျိုဆွန်းခေတ်က အရင်းရှင်တွေ မင်းမှုထမ်းတွေက တောင်သူလယ်သမားတွေအပေါ်နဲ့ ချို့တဲ့သူတွေကိုအနိုင်ကျင့်တဲ့အတွက်ကြောင့် သိုင်းပညာတော်တဲ့သူတွေစုပြီး တွန်းလှန်တဲ့အကြောင်းကို ရိုက်ပြထားတာပါ... ဇာတ်လမ်းဇာတ်ကွက်လည်းကောင်းသလို ပါဝင်တဲ့သရုပ်ဆောင်တွေကလည်း ကိုရီးယားရဲ့ နာမည်ကျော်တွေကြီးပဲစုရိုက်ထားသလားမှတ်ရပါတယ်... ပြီးတော့ အက်ရှင်ခန်းပေါင်းများစွာ ပါဝင်တဲ့အတွက်ကြောင့်  Action ကားကောင်းကြိုက်တဲ့သူတွေအဖို့လက်မလွှတ်သင့်ပါဘူး... (အညွှန်းကို Megumi မှ ရေးသားထားပါတယ်) File size…1.72GB / 878MB Quality… Blu-Ray 1080p/ 720p Format…mp4 Duration….2h 17m Genre ….. Life, Drama Subtitle….Myanmar Subtitle (Hard Sub) Translated by Megumi Encoded by AHtet

In Love and the War (2011) IMDb 6.6 In love and War ကတော့ 2011 ခုနှစ်မှာ ထွက်ရှိခဲ့တဲ့ စစ်ပွဲတွေကြားက ချစ်ခြင်းမေတ္တာ သံယောဇဉ်တွေကို ဖော်ညွှန်းထားတဲ့ ကိုရီယား romantic comedy ဇာတ်ကားလေးပဲ ဖြစ်ပါတယ်။ ဇာတ်ညွှန်းရေးဆရာမကတော့ ဒီဇာတ်ကားလေးကကို ၁၉၅၀ခုနှစ် ကိုရီးယားစစ်ပွဲပြီးနောက်ပိုင်းကာလမှာ ဖြောင်းထက်မြို့မှာနေထိုင်ခဲ့တဲ့ အဘွားဖြစ်သူရဲ့ ဖြစ်ရပ်မှန်ကို အခြေခံပြီး ရေးသားထားတာဖြစ်ပါတယ်။ Cast တွေအနေနဲ့ကတော့ တကယ့်အကျော်အမော်တွေဖြစ်ကြတဲ့ Pained, Witch at court တို့မှ မင်းသမီးကြီး Jung Ryeo Won, Hur Jun, Believer တို့မှ မင်းသားကြီး Kim Joo Hyuk အပြင် တခြားသော နာမည်ကြီး အရန်မင်းသား မင်းသမီးတွေအများကြီး ပါတာကြောင့် မြိုင်မြိုင်ဆိုင်ဆိုင် ကြည့်ရမယ့် ဇာတ်ကားလေးပဲဖြစ်ပါတယ်။ ဇာတ်လမ်းအကျဉ်း ~~~~~~~~~~~ ၁၉၅၀ ခုနှစ်ကာလ ဆော့ဂျောင်လီဆိုတဲ့ ရွာလေးတစ်ရွာမှာ ရွာသူရွာသားတွေဟာ ရွာသူကြီးရဲ့ မြေးမလေးဖြစ်သူ ဘတ်ဆောဟီး (Jung Ryeo Won) ရဲ့ ထိမ်းမြားလက်ထပ်ပွဲအတွက် ပြင်ဆင်နေရင်း ပျော်ရွှင်နေခဲ့ကြပေမဲ့ လက်ထပ်ပွဲမတိုင်ခင် ၂ရက်အလိုမှာပဲ မြောက်ပိုင်းတပ်သားတွေ ဝင်ရောက်လာပြီဆိုတဲ့ သတင်းကြောင့် ခင်ပွန်းလောင်းဖြစ်သူက ညတွင်းချင်း ရွာသူရွာသားတွေတောင် မသိလိုက်ရဘဲ ထွက်ပြေးသွားပါတော့တယ်။ မြောက်ပိုင်းတပ်သားတွေလည်း ပြည်သူ့လွတ်လပ်ရေးကြိုးပမ်းမှုကို ဆောင်ရွက်ရမယ်ဆိုတဲ့ တာဝန်နဲ့ ရွာထဲကိုဝင်ရောက်လာကြပြီး မြောက်ပိုင်းတပ်ရဲ့ ဗိုလ်ကြီး(Kim Joo Hyuk)ကတော့ သူငယ်စဉ်တုန်းက တွေ့ခဲ့ရတဲ့ တောင်ပိုင်းကကောင်မလေးကို ရှာဖွေဖို့အတွက် ရောက်ရှိလာခဲ့ပါတယ်။ ဆော့ဂျောင်လီရွာဟာ မြောက်ပိုင်းကွန်မြူနစ်ကို ဆန့်ကျင်ကြသူတွေဖြစ်ပေမဲ့ သူတို့ရဲ့ပြိုင်ဘက်ရွာဖြစ်တဲ့ ဆိုဒိုမိုရွာရဲ့ ကွန်မြူနစ်သစ္စာခံအနေနဲ့ အသက်အန္တရာယ်ကင်းအောင် နေထိုင်ကြတဲ့နည်းလမ်းကို အတုယူပြီး မြောက်ပိုင်းတပ်သားတွေရဲ့ သစ္စာခံအဖြစ်ဟန်ဆောင်ကာ ကြိုဆိုပေးခဲ့ကြပါတယ်။ အဲဒီလိုဟန်ဆောင်ရင်း တပ်သားတွေအတွက် လိုအပ်ချက်များကို ကူညီဖြည့်ဆည်းပေးရင်း တပ်သားတွေနဲ့ ရွာသူရွာသားတွေကြားမှာ ဘယ်လို သံယောဇဉ်တွေ ဖြစ်သွားကြမှာလဲ....တပ်သားတွေကရော သူတို့မြောက်ပိုင်းအထက်အရာရှိတွေရဲ့ ဘယ်လိုအမိန့်တွေကို နာခံဖို့ဖြစ်လာမလဲ....ရွာသူရွာသားတွေကရော မြောက်ပိုင်းတပ်သားတွေလက်အောက်ကနေ ဘယ်လိုလွတ်မြောက်အောင်လုပ်ကြမလဲဆိုတာ စိတ်ဝင်တစား ကြည့်လိုက်ကြပါဦးနော်။ (ဇာတ်လမ်းအညွှန်းကို Vanessa မှရေးသားထားပါတယ်) File Size - 1.33 GB/ 3.06 GB Quality -WEB-DL 1080p/720p Duration - 2:15:36 Format -mp4 Genre - Drama, War Subtitle - Myanmar Subtitle (Hard Sub) Translated by - Vanessa Encoded by - Treasure Htet

ဒီကားဟာ ထူးခြားတဲ့ ဇာတ်အိမ်နဲ့အတူ စိတ်ပညာပိုင်းဆိုင်ရာ အားပြိုင်မှုတွေကို Dark Comedyနဲ့ ဒရမ်မာပုံစံမျိုး ရောစပ်တင်ဆက်ထားတဲ့ စိတ်ဝင်စားစရာ ကိုရီးယားရုပ်ရှင်တစ်ကား ဖြစ်ပါတယ်။ ဇာတ်လမ်းဟာ ဘဝကို လက်လျှော့ပြီး အဆုံးစီရင်ဖို့ ပြင်ဆင်နေတဲ့ အမျိုးသားတစ်ယောက်ရဲ့ နေအိမ်ထဲကို လျှို့ဝှက်ဆန်းကြယ်တဲ့ အမျိုးသမီးတစ်ယောက် အတင်းအဓမ္မ ဝင်ရောက်စီးနင်းရာကနေ စတင်ပါတယ်။ အိမ်ပိုင်ရှင်ကို ဓားစာခံအဖြစ် ဖမ်းဆီးပြီး ထိုအိမ်ထဲမှာပဲ ရက်ပေါင်းများစွာ အခြေချနေထိုင်ကာ အပြင်ကလူတစ်ယောက်ကို စောင့်ကြည့်ဖို့ ကြိုးစားနေတဲ့ အဆိုပါအမျိုးသမီးရဲ့ တကယ့်ရည်ရွယ်ချက်က ဘာလဲဆိုတာကို ဆန်းကြယ်စွာ ရင်တဖိုဖိုနဲ့ စောင့်ကြည့်ရမှာပါ။ ဇာတ်လမ်းရဲ့ လျှို့ဝှက်ချက်နဲ့ အလှည့်အပြောင်းတွေကို ကြိုတင်မသိဘဲ ကြည့်ရှုခြင်းက ဒီရုပ်ရှင်ရဲ့ စိတ်လှုပ်ရှားစရာ ဇာတ်ရှိန်ကို အပြည့်အဝ ခံစားရစေမှာ ဖြစ်ပါတယ်။ ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။