David Ury ပါဝင်သော ဇာတ်ကားများ

Time of Death (2026) ++++++++++ ရန့်ခ်‌‌မော်လီဆိုသူဟာ ဝါရင့်စုံထောက်ကြီးတစ်ယောက် ဖြစ်ပါတယ်။တစ်နေ့တော့ လူသူဝေးပြီး ခေါင်တဲ့ အကျဉ်းထောင်ဟောင်းတစ်ခုက အကျဉ်းသားတစ်ယောက်ဟာ ထွက်ပြေးသွားခဲ့ပါတယ်။ ဒီကိစ္စနဲ့ စပ်လျဉ်းပြီး စုံထောက်ကြီးဖရန့်ခ်ကို အထက်ကနေ သွားရောက်ကိုင်တွယ် ဖြေရှင်းဖို့ တာဝန်ပေးခဲ့ပါတယ်။ ဒါပေမဲ့ ဖရန့်ခ်က သူ့ရဲ့ တပည့်ကောင်းတစ်ယောက်ဖြစ်တဲ့ အလန်ကို အတွေ့အကြုံရစေချင်လို့ဆိုပြီး သူ့ကိုယ်စား ထောင်ကြီးကို လွှတ်ပြီး အမှုကိုင်ခိုင်းလိုက်ပါတယ်။ လွှတ်ပြီးမကြာဘူး အလန်ဟာ ထူးဆန်းစွာနဲ့ သေဆုံးသွားခဲ့တဲ့အပြင် ဖရန့်ခ်ကိုလည်း အရေးကြီးတယ် သူ့အကူအညီလိုတယ်ဆိုပြီး အသံမက်ဆေ့ဂ်ျတစ်စောင်လည်း ချန်ခဲ့ပါသေးတယ်။ ဒီလိုနဲ့ ဖရန့်ခ်တစ်ယောက် လူသူဝေးတဲ့ ထောင်ကြီးရှိရာဆီကို ကိုယ်တိုင်ခရီးနှင်ပြီး အမှုလိုက်ဖို့ ဖြစ်လာခဲ့ပါတော့တယ်။ File Size… (1.76GB) / (664MB) Quality… WEB-DL 1080p HEVC / 720p Format…mkv / mp4 Duration…1h 47m Genre ….Horror , Mystery , Thriller Subtitle….Myanmar Subtitle (Hard Sub)

Violent Ends (2025) IMDb Rating (6.0) / Rotten Tomatoes (69%) ဒီတစ်ခါမှာတော့ Crime Drama ကား ကောင်းကောင်းလေးတစ်ကားဖြစ်တဲ့ Violent Ends ဆိုတဲ့ကားလေးနဲ့ မိတ်ဆက်ပေးချင်ပါတယ်။ MC ကရိုးရိုးသားသား အေးအေးဆေးဆေး နေချင်တဲ့ လူတစ်ယောက်ပါ။ ဒါပေမဲ့ ကံဆိုးချင်တော့ သူ့မိသားစုက သာမန်မိသားစုမဟုတ်ဘဲ အကြမ်းဖက်မှုတွေ၊ ရာဇဝတ်မှုတွေနဲ့ပဲ အသက်ရှင်ရပ်တည်နေတဲ့ Crime Family ကြီးဖြစ်နေတာပါပဲ။ "အကြမ်းဖက်မှုဆိုတာ သူတို့ရဲ့ တစ်ခုတည်းသော အမွေအနှစ်" ဆိုတဲ့အတိုင်း ဒီလို အမွေဆိုးတွေရှိနေတဲ့ မိသားစုအသိုင်းအဝိုင်းကြားထဲမှာ ရိုးရိုးသားသားနေချင်တဲ့ လူတစ်ယောက် ဘယ်လိုရုန်းကန်မလဲ၊ မိသားစုရဲ့ သံသရာထဲကိုပဲ ပြန်ရောက်သွားမလားဆိုတာကို ရင်တမမနဲ့ ကြည့်ရမယ့်ကားပါ။ Ratings တွေအနေနဲ့ IMDb မှာ 6/10 နဲ့ Rotten Tomatoes မှာ 68% ရထားတဲ့အတွက် အရမ်းကြီး Excellent ဖြစ်နေတာမျိုးမဟုတ်ပေမယ့် Crime Drama ကြိုက်သူတွေအဖို့တော့ တော်တော်လေး ကြည့်လို့ကောင်းမယ့် အနေအထားပါပဲ။ Director John-Michael Powell ရိုက်ကူးထားပြီး Action အကြမ်းပတမ်းတွေထက် ဇာတ်အိမ်နဲ့ စိတ်ခံစားချက်ကို ပိုဦးစားပေးထားတဲ့ ပုံစံမျိုးပါ။ File size… (7.5 GB) / (2.1 GB) / (1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Thriller Duration…. 01:52:35 Subtitle…. Myanmar Subtitle (Hardsub)

၁၉၂၀ ပြည့်နှစ်တွေ နှောင်းပိုင်း၊ ဟောလိဝုဒ်မှာ အသံတိတ်ရုပ်ရှင်ကနေ အသံထွက်ရုပ်ရှင်ဆီ ကူးပြောင်းနေချိန်ကို Babylon က ဇာတ်အိမ်တည်ထားပါတယ်။ ရုပ်ရှင်လောက ပြောင်းလဲလာတာနဲ့အမျှ အောင်မြင်သူတွေ ရှိသလို ကျရှုံးသွားသူတွေလည်း ရှိလာတယ်။ သရုပ်ဆောင်တွေနဲ့ ရုပ်ရှင်လောကသားတွေရဲ့ အိပ်မက်တွေ၊ အလုပ်အကိုင်နဲ့ ဘဝအကူးအပြောင်းတွေကို ဟောလိဝုဒ်ရွှေခေတ်ရဲ့ နောက်ခံနဲ့ တွဲဖော်ပြထားတာပါ။ La La Land ဒါရိုက်တာ Damien Chazelle ရိုက်ကူးထားပြီး Brad Pitt၊ Margot Robbie၊ Tobey Maguire တို့နဲ့အတူ အဲဒီအချိန်က လူသိနည်းသေးတဲ့ Diego Calva လည်း အဓိကပါဝင်ထားပါတယ်။ ဝါရင့်သရုပ်ဆောင် Jean Smart ကိုလည်း တွေ့ရမှာပါ။ အော်စကာဆုအတွက် မူရင်းနောက်ခံတေးဂီတ၊ ထုတ်လုပ်မှုဒီဇိုင်းနဲ့ ဝတ်စုံဒီဇိုင်းဆိုတဲ့ ကဏ္ဍသုံးခုမှာ ဆန်ခါတင်ဝင်ထားပါတယ်။ ဟောလိဝုဒ်ရဲ့ ခမ်းနားမှုကို ပြထားသလို အဲဒီအလှအပနောက်က အပုပ်အစပ်တွေကိုလည်း ထည့်ဖော်ထားတယ်။ တင်ဆက်ပုံမှာ သရော်ဟာသနဲ့ အလွန်အကျူးပုံဖော်မှုတွေ ပါပြီး ဒရာမာဘက်ကိုလည်း အလေးပေးထားပါတယ်။ မူရင်းအညွှန်းက ဟောလိဝုဒ်ကို ပုံဖော်ပုံအား Once Upon A Time In Hollywood နဲ့ နှိုင်းယှဉ်ထားသလို ဒရာမာပိုင်းမှာ Citizen Kane ရဲ့ အငွေ့အသက်တွေ ရှိတယ်လို့လည်း သုံးသပ်ထားပါတယ်။ သရုပ်ဆောင်ပိုင်းမှာ Brad Pitt နဲ့ Margot Robbie တို့ကို မြင်နေကျဟန်နဲ့ ဆက်စပ်မြင်နိုင်ပေမယ့် Tobey Maguire ကတော့ ပုံမှန်တွေ့နေကျနဲ့ ကွဲပြားတဲ့ ဇာတ်ရုပ်မျိုး ပါဝင်ထားတယ်လို့ မူရင်းက ဆိုထားပါတယ်။ Diego Calva ရဲ့ ဇာတ်ရုပ်နဲ့လိုက်ဖက်မှု၊ နာမည်ကြီးသရုပ်ဆောင်တွေကြားမှာ သူ့နေရာကို ထိန်းထားနိုင်မှုကိုလည်း ဖော်ပြထားပါတယ်။ ရုပ်ရှင်သမိုင်းကို ပြန်လည်ဂုဏ်ပြုတဲ့ အကိုးအကားတွေလည်း ပါဝင်တယ်။ ကူးဘရစ်၊ အင်ဂမာဘာ့ခ်မန်းနဲ့ ချာလီချက်ပလင်တို့ရဲ့ လက်ရာတွေကနေ Singing in the Rain၊ The Wizard of Oz၊ A Trip to the Moon နဲ့ ဘူတာရုံကို ရထားဝင်လာတဲ့ ရုပ်ရှင်အထိ ထည့်သွင်းရည်ညွှန်းထားပါတယ်။ အဲဒီထဲက လက်ရာအများစုဟာ ဇာတ်အိမ်တည်ထားတဲ့ခေတ်ထက် နောက်ကျမှ ထွက်လာတာဖြစ်ပေမယ့် ရုပ်ရှင်ရဲ့ အဆင့်ဆင့်ပြောင်းလဲလာမှုကို ပြန်ကြည့်တဲ့သဘောနဲ့ ပါလာတာပါ။ ဇာတ်ကောင်တွေက စိတ်ကူးယဉ်ဖန်တီးထားသူတွေဖြစ်ပေမယ့် တကယ်ရှိခဲ့တဲ့ ရုပ်ရှင်လောကသားတွေကို အခြေခံထားပါတယ်။ Brad Pitt ရဲ့ဇာတ်ကောင်ကို အဲဒီခေတ်က မင်းသား John Gilbert အပေါ် အခြေခံထားပြီး Margot Robbie သရုပ်ဆောင်တဲ့ နယ်လီကိုတော့ Clara Bow နဲ့ ဆက်စပ်ဖန်တီးထားတာပါ။ သုံးနာရီခန့်ကြာတဲ့ ဇာတ်ကားထဲမှာ ဟာသနဲ့ ဒရာမာကို တွဲတင်ဆက်ထားပြီး လူကြီးအကြောင်းအရာတွေလည်း ပါဝင်ပါတယ်။

IMDb Rating - 6.4/10 ဒီဇာတ်ကားလေးဟာ IMDb Rating 6.4/10 ရရှိထားပြီး ကြည့်လို့ကောင်းတဲ့ Crime, Drama ဇာတ်ကားကောင်းလေး ဖြစ်ပါတယ်။ ဇာတ်လမ်းအကျဥ◌်းကိုပြောပြရရင် ရောဘတ်နဲ့ ထရီဇာဆိုတဲ့ စုံတွဲဟာ လူတွေကို လှည့်ပတ်လိမ်လည်နေတဲ့ ဂျင်ပေါ်ကထုံး လမ်းဘေးကြွက် Con Artist နှစ်ယောက်ပါ၊ ရတဲ့ဝေစုကို အမြဲတမ်း ၂ ယောက်ခွဲယူတယ် ဒီလိုနဲ့ သူတို့ ဘဝကို လည်ပတ်ဖြတ်သန်းနေတာပါ။ နောက်ပြီး သူတို့မှာ သမီးလေး တစ်ယောက်ရလာတော့လည်း ပညာအမွေပေးတဲ့အနေနဲ့ အဲ့ဒီ သမီးကို ၂၆ နှစ်လုံးလုံး သူတို့လိုလူလိမ်တစ်ယောက်ဖြစ်အောင် လေ့ကျင့်ပေးခဲ့ပါတယ်။ (စေတနာတွေနော်) ရောဘတ်ပြောတဲ့ စကားအရဆို ငါ့သမီးက စာမရေးတတ်ခင် အရွယ်ကထဲက လူတွေကို ဘယ်လိုလှည့်ပတ်ရမလဲ သိနေပြီတဲ့.... အဲ့ဒီလိုနဲ့ သူတို့ ၃ ယောက်အဖွဲ့ထဲကို မယ်လီနာဆိုတဲ့ ကောင်မလေး တစ်ယောက်ရောက်လာပြီး ဓားပြမှုတစ်ခုကို စီစဉ်ကြတဲ့အခါမှာ ဘာတွေဆက်ဖြစ်မလဲဆိုတာ ကိုဆက်လက်ကြည့်ရှုပေးပါ ခင်ဗျာ။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Thiha Yan Naing ပဲဖြစ်ပါတယ်။) Quality – 1080p, 720p WebRip 5.1CH Duration - 1h 44min Subtitle – Myanmar Hardsub Format – Mp4 Genre : Crime, Drama Source : 1080p.WebRip Translator – Thiha Yan Naing Encoder – SWM

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်.....DCEU ရုပ်ရှင်အားလုံးကို ဒီမှာ https://channelmyanmar.org/category/special-package/dceu/  ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ - Man of Steel (2013) - Batman vs Superman: Dawn of Justice (2016) - Suicide Squad (2016) - Wonder Woman (2017) - Justice League (2017) (Theatrical Cut) - Aquaman (2018) - Shazam! (2019) - Birds of Prey (and the Fantabulous Emancipation of One Harley Quinn) (2020) - Wonder Woman 1984 (2020) - Zack Snyder's Justice League (2021) - The Suicide Squad (2021) - Black Adam (2022) - Shazam!: Fury of the Gods (2023) - The Flash (2023) - Blue Beetle (2023) - Aquaman and the Lost Kingdom (2023) +++++++++++++++++++++++++++++ Birds of Prey (and the Fantabulous Emancipation of One Harley Quinn) 2020 IMDb Rating (6.1 ) / Rotten Tomatoes (79%) ဒီဇာတ်လမ်းကတော့ ဆူဆိုက်စကွက်ထဲမှာ အားလုံးအားကျကြတဲ့ စုံတွဲလေးဖြစ်တဲ့ ဂျိုကာ နဲ့ ဟာလေကွင်းတို့ရဲ့ နောက်ဆက်တွဲပါပဲ။ ဇာတ်လမ်းအစမှာ ဟာလေကွင်းနဲ့ ဂျိုကာတို့ လမ်းခွဲရတာကနေ စပါတယ်။ လမ်းခွဲအပြီးမှာ နဂိုက ဟာလေကွင်းကို ချဉ်နေတဲ့ တစ်မြို့လုံးနီးပါးဟာ ဂျိုကာကိုမပူရတော့တဲ့အတွက် ဟာလေကွင်းကို အမဲဖျက်ဖို့ လိုက်လာကြပါတော့တယ်။ ဟာလေကွင်းကတော့ “သူက ဂျိုကာမရှိဘဲ မနေနိုင်ပါဘူးတို့၊ ခဏနေ ပြန်တွဲမှာပါပဲ၊ ဂျိုကာလက်ဖြောက်တီးလိုက်တာနဲ့ ရင်ခွင်ထဲပြန်ပြေးဝင်မှာပါ” တို့ သူငယ်ချင်းတွေက ဒီလိုအတင်းတုပ်တာတွေကို မကျေနပ်တာပေါ့။ ဒါကြောင့် တကယ်ပြတ်ပြီဆိုတာ သက်သေပြဖို့ သူတို့ရဲ့ အချစ်ဇာတ်လမ်းလေး စခဲ့တဲ့ ဓာတုစက်ရုံကြီးကို ဖျက်ဆီးပစ်လိုက်ပါလေရော။ ဒီနောက်မှာတော့ ဂေါ့သမ်ရဲ့ နာမည်ကြီးမာဖီယားကြီးတစ်ယောက်က သူ့ကိုဖမ်းမိပြီးသတ်ဖို့လုပ်ပါတော့တယ်။ အသတ်ခံရမှာ ကြောက်သွားတဲ့ ဟာလေကွင်းက မာဖီးယားကြီးပျောက်သွားတဲ့ အရေးကြီးတဲ့ စိန်တုံးကြီးကို ရအောင်ရှာပေးမယ်လို့ အပေးအယူလုပ်ရင်း ပြန်လွတ်လာတာပေါ့။ နောက်ပိုင်းဇာတ်လမ်းကတော့ အဲဒီစိန်ကြီးကို ရှာဖို့ သူ့လိုပဲ ထက်မြက်တဲ့မိန်းမတစ်စုနဲ့ ပူးပေါင်းပြီး စွန့်စားခန်းဖွင့်ရတာတွေကို ပြထားတာပါ။ အားလုံးက သတ်ဖို့လိုက်နေတဲ့ ကလေးမလေးတစ်ယောက်ကို ကယ်ထားတာတို့၊ သူအဘိုးလိုချစ်တဲ့လူကြီးတစ်ယောက်ရှိတာတို့ တွေ့ရတော့ ဟာလေကွင်းက ထက်မြက်ရုံတင်မကဘဲ စိတ်ထားလေးကလည်း ဖြူစင်ရှာတာလည်း တွေ့ရမှာပါ။ ဒါပေမယ့် ဟာလေကွင်းရဲ့အတိတ်တို့ အခြားထက်မြက်တဲ့ မိန်းမတွေရဲ့ အတိတ်ဇာတ်လမ်းတွေကတော့ deep ပြီး dark ကြောင်း တစ်ခွန်း၂ခွန်းထည့်ပြောထားတာမို့ အပျော်ကြည့်ကားချည်းပဲ သက်သက်လို့တော့ ပြောလို့မရပြန်ပါဘူး။ အရမ်းချစ်တဲ့ရည်းစားနဲ့ပြတ်သွားပြီး ကိုယ့်ခြေထောက်ပေါ်ကို ရပ်တည်ဖို့ ကြိုးစားတဲ့ စိတ်ထားဖြူစင်တဲ့ ထက်မြက်တဲ့မိန်းမဇာတ်ရုပ်ကို ပြထားတာဖြစ်လို့ ကြည့်လို့လည်းကောင်း မက်ဆေ့တွေလည်းအများကြီးရမယ့် ရုပ်ရှင်လေးပါပဲ။ File size…(6.8 GB)/ (1.8 GB)/(1.1 GB) Quality…BluRay 4K HEVC /1080p HEVC/720p Format…mkv/mp4 Duration….01:48:54 Subtitle….Myanmar Subtitle (Hardsub) Encoder….Ka Naung Translated by Littleneo

၁၀နှစ်ကြာပြီးတဲ့နောက်မှာတော့ အိုတစ်ဒရစ်ဖ်ဝုဒ်ထောင်ဖောက်ထွက်ပြေးခဲ့ပြီးနောက် ကပ္ပတိန်စပေါဒင်းနဲ့ ပြန်လည်ဆုံစည်းခဲ့ပါတယ်။ သူတို့ရဲ့နောက်ထပ်ပလန်ကတော့ သူတို့ရဲ့ညီမလေး ဘေဘီကိုကယ်တင်ဖို့ပါပဲ။ ဘေဘီဆိုတာက လေထဲမှာလွှင့်ပျံ့နေတဲ့ ပန်းလေးတစ်ပွင့်လိုပါပဲ။ ရိုးရိုးပန်းလေးတစ်ပွင့်တော့ မဟုတ်ပါဘူး အဆိပ်ဆူးတွေအပြည့်နဲ့ ပန်းပွင့်လေးလို့ခေါ်ရမှာပါ။ သူတို့၃ယောက်နယ်ခြားတိုင်းပြည်တစ်ခုကိုထွက်ပြေးဖို့ကြံစည်ကြပါတော့တယ်။ ဒါပေမယ့် သူတို့နောက်မှာ နောက်ထပ်သေမင်းတမန်တွေကျန်နေခဲ့သေးတယ်ဆိုတာကိုတော့ မသိခဲ့သေးပါဘူး။ ဒီဇာတ်ကားက ၂၀၀၃ခုနှစ်ကတည်းကထွက်ရှိထားတဲ့ House of 1000 Corpses နဲ့ The Devil's Rejectsတို့ရဲ့ Sequel ပဲဖြစ်ပါတယ်။ လူသတ်ကားဇာတ်ကားတစ်ကားဖြစ်ပြီးတော့ R အဆင့်သတ်မှတ်ထားပါတယ်။ ဇာတ်ကားအတွင်းမှာ ကြမ်းတမ်းတဲ့ဇာတ်ကွက်တွေ၊ဆေးသုံးစွဲတာတွေနဲ့ လိင်မှုကိစ္စတွေပါပါဝင်တာကြောင့်ပါ။ လူသတ်ကားကောင်းကောင်းကြမ်းကြမ်းလေးတွေကြိုက်တဲ့သူတွေအတွက်တော့ ကြည့်သင့်တဲ့ဇာတ်ကားလေးတစ်ကားပဲဖြစ်ပါတယ်။

နယ်စပ်တစ်ခုမှာတာဝန်ထမ်းဆောင်ရင်း တိုက်ပွဲကျသွားတဲ့ တပ်သားဘတ်ဂရေဂိုရီဟာ သေဆုံးပြီး၁လကျော်အကြာမှ သူ့အလောင်းကသူရဲ့မိသားစုတွေဆီကိုပြန်ရောက်လာပါတယ် သူ့ရဲ့မိသားစုတွေနဲ့အချစ်ဆုံးသူငယ်ချင်းနှစ်ယောက်က သူ့ရဲ့သေဆုံးမှုအတွက်ယူကြုံးမရဖြစ်ကြရပြီး သူ့ရဲ့ချစ်သူကောင်မလေးကလဲ သူ့ကိုအရမ်းချစ်ပြီးလက်ထပ်ဖို့အထိရည်ရွယ်ထားတာမလို့ဖြေမဆည်နိုင်လောက်အောင်ကိုဝမ်းနည်းနေရပါတယ် ဒါပေမယ့် အလောင်းကိုမြေချပြီးနောက်ရက်မှာပဲ ဘတ်ဂရေဂိုရီကအခေါင်းထဲက ပြန်နိုးလာပြီး သူ့ကိုယ်တိုင်အရှင်လတ်လတ်မြေမြုပ်ခံထားရတယ်အထင်နဲ့ သူ့သူငယ်ချင်းဂျိုဝီကိုအပြေးသွားရှာပါတယ် ဒါပေမယ့်ဂျိုဝီမြင်လိုက်ရတဲ့ မြင်ကွင်းကတော့ ဘတ်ဂရေဂိုရီကပုပ်သိုးပြီးအနံ့တောင်ထွက်နေပါပြီ ဒါပေမယ့်လည်းသစ္စာရှိလွန်းတဲ့သူငယ်ချင်းက သူ့ဘော်ဒါမိုက်ရူးရဲဆန်စွာ ဖွက်ထားပြီး လိုအပ်တာအကုန်လုံးကို ဥပဒေနဲ့ညီတာမညီတာမတွေးတော့ဘဲ အကုန်လိုက်လုပ်ပေးရာကစလို့ကြောက်မက်ဖွယ် ဗရမ်းဗတာကိစ္စတွေဖြစ်လာရပါတော့တယ်... File size…(1.7 GB)/(795 MB) Quality….Webrip 1080p / 720p Format…mp4 Duration….01:50:00 Genre...Comedy, Horror Subtitle….Myanmar Subtitle (Hardsub) Encoder….Mr. Anderson Translated by Del Lune

Shoot 'Em Up (2007) IMDb - 6.7/10 Rotten - 67% မမမိုနီကာပါဝင်တဲ့ Action/Thriller လေးပါ...မုန်လာဉနီမြင်ရင် သတိရနေမိတဲ့ဇာတ်ကားဆိုလဲမမှားပါဘူး။ ဇာတ်လမ်းအကြောင်းလေးကို အနည်းငယ်မိတ်ဆက်ပေးပါရစေ။ ဇာတ်လမ်းအစမှာ ဘယ်သူမှန်းမသိတဲ့ ဗိုက်ကြီးသည်မိန်းကလေးတစ်ယောက်နဲ့စတင်ထားပါတယ်။ ဒီမိန်းကလေးကို ဘယ်ကမှန်းမသိတဲ့ လူတစ်စုကသတ်ဖြတ်ချင်နေကြပါတယ်. . . အဲ့လိုပြသနာတွေဖြစ်နေကြတုန်းမှာ ဘယ်လိုပေါ်လာမှန်းမသိတဲ့ ဇာတ်လိုက်က မိန်းကလေးကိုကယ်သွားပါတယ်... ကလေးတောင်မွေးပေးလိုက်သေး... သူတို့ဇာတ်ရှုပ်ကြီး အပစ်အခတ်ကြမ်းကြမ်းနဲ့ ဘယ်လိုရှင်းကြမလဲဆိုတာ....။ ဇာတ်လမ်းသွား တမူထူးခြားတဲ့ဇာတ်ကားလေးပါပဲ။ File size…(1.5 GB) Quality….BluRay HEVC 1080p Format…mkv Duration….01:26:32 Subtitle….Myanmar Subtitle (Hardsub) Encoder….Nyeinsaeya Aung Translated by Idiot Myo Ko

ဘန်ဂိတ်စ်တို့ရဲ့ ဘိုးဘေး သောမတ်စ်ဂိတ်စ်ဟာ ပြည်တွင်းစစ်ခေတ်က လင်ကွန်းလုပ်ကြံမှုကို ကြိုးကိုင်ခဲ့သူဆိုပြီး စွပ်စွဲခံရပါတယ်။ လုပ်ကြံသူရဲ့ ပျောက်ဆုံးနေတဲ့ ဒိုင်ယာရီစာမျက်နှာတစ်ရွက် ပြန်ပေါ်လာပြီး အဲဒီပေါ်မှာ သောမတ်စ်ဂိတ်စ်ရဲ့အမည် ပါနေလို့ပါ။ မိသားစုနာမည်ပျက်ကို ရှင်းဖို့အတွက် သောမတ်စ်ဂိတ်စ် ဖျက်ဆီးဖို့ ကြိုးစားခဲ့တဲ့ အဲဒီစာရွက်ဟာ ရတနာမြေပုံဖြစ်ကြောင်း သက်သေပြရတော့မယ်။ ဒီလိုနဲ့ ဘန်တို့အဖွဲ့ ရတနာရှာဖို့ ခရီးထွက်လာကြပါတယ်။ National Treasure ရဲ့ ပထမကားလိုပဲ သမိုင်းနဲ့ ပဟေဠိတွေကို အခြေခံပြီး သဲလွန်စတစ်ခုနောက်တစ်ခု လိုက်ရှာကြရတဲ့ဇာတ်လမ်းပါ။ ဒီတစ်ခါမှာတော့ အထင်ကရနေရာတွေ ပိုပါလာပြီး သမ္မတအဆင့်အထိ ပတ်သက်လာတယ်။ ရတနာသိုက်ရှာဖွေမှုကို နိုင်ငံ့သမိုင်း၊ သမ္မတတွေနဲ့ နိုင်ငံရေးရာကိစ္စတွေကြား ချိတ်ဆက်ထားပြီး အက်ရှင်ခန်းတချို့လည်း ရောနှောထားပါတယ်။ နစ်ကေ့ သရုပ်ဆောင်တဲ့ ဘန်ဂိတ်စ်က ခပ်တည်တည်နေပြီး ကိုယ့်ကိုယ်ကို အထင်ကြီးတတ်သူပါ။ ဂျက်စတင်ရဲ့ ဇာတ်ကောင်ကတော့ ဟာသလေးတွေ ပြောတတ်သူဖြစ်တယ်။ ခရူဂါရဲ့ ဇာတ်ကောင်အပါအဝင် အဓိကဇာတ်ကောင်တွေ အပေးအယူမိပုံကို မူရင်းက အလေးထားဖော်ပြထားပါတယ်။ အခွေငှားဆိုင်ခေတ်ကတည်းက လူသိများခဲ့တဲ့ National Treasure ဟာ နစ်ကေ့ရဲ့ အောင်မြင်တဲ့ ရုပ်ရှင်တွဲတွေထဲက တစ်ခုဖြစ်ပြီး ဆက်စပ်စာအုပ်တွေလည်း ထွက်ရှိခဲ့ပါတယ်။ မူရင်းစာမှာတော့ အဲဒီခေတ်က ပုတက်၊ ကစ်ဇုန်လို ကာတွန်းဂျာနယ်တွေ၊ သုတစာအုပ်တွေကတစ်ဆင့် သမိုင်းဝင်ပုဂ္ဂိုလ်တွေနဲ့ နေရာတွေကို ရင်းနှီးခဲ့ကြပုံ၊ မင်းသိင်္ခရဲ့စာတွေကနေ ဖရီးမေဆင်အကြောင်း ကြားဖူးခဲ့ကြပုံကိုလည်း ပြန်ပြောထားတယ်။ အရင်က ဖတ်ဖူးကြားဖူးတဲ့အရာတွေကို ရတနာရှာဇာတ်လမ်းထဲမှာ ပြန်တွေ့ရတဲ့အရသာနဲ့ ဒီကားတွေကို ကြည့်ခဲ့ရတဲ့အချိန်ကို လွမ်းဆွတ်မိပုံတို့ကို ရေးထားပါတယ်။

Paparazzi ၂၀၀၄ ခုနှစ်ထွက် စုံထောက်ဆန်ဆန်အက်ရှင်ကားလေးတင်ဆက်ပေးလိုက်ပါတယ်... ဇာတ်လမ်းကတော့ နာမည်အတိုင်းပဲပါပါရာဇီတွေကြောင့် အောင်မြင်ခါစရုပ်ရှင်မင်းသားတစ်ယောက်ဒုက္ခရောက်ရပုံကိုရိုက်ထားတာပါ...ပါပါရာဇီဆိုတာကတော့ နာမည်ကြီးတဲ့လူတွေနောက် တကောက်ကောက်လိုက်နေတဲ့သတင်းထောက်တွေကိုပြောတာပါ... ဇာတ်လမ်းအကြောင်းပြောရရင် ဘိုလာရာမီးဟာ အောင်မြင်ခါစရုပ်ရှင်မင်းသားတစ်ဦးပါ...သူဟာမိသားစုကိုအလေးထားသူပါ....ဘိုလာရာမီးဟာ တရှိန်ထိုးအောင်မြင်လာသူဖြစ်လေတော့ သူ့နောက်ကိုပါပါရာဇီတွေလိုက်ကြပါတယ်....အဲ့ထဲကမှပါပါရာဇီတစ်အုပ်စုဟာ ဘိုလာရာမီးရဲ့မိန်းမနဲ့သူ့သားပုံတွေကိုပါချောင်းရိုက်ပြီး မဂ္ဂဇင်းမှာတင်တဲ့အခါ ဘိုလာရာမီးနဲ့ညှိပါတော့တယ်... တစ်ရက်ကျ ထိုပါပါရာဇီအုပ်စုကြောင့် ဘိုလာရာမီးတို့မိသားစုမောင်းနှင်လာတဲ့ကားတိမ်းမှောက်သွားပြီး ဘိုလာရာမီးရဲ့သားလေးဟာကိုမာဝင်သွားပါတယ်.... ထိုအခါဘိုလာရာမီးဘယ်လိုပြန်လက်စားချေမလဲ... ကားတိမ်းမှောက်မှုကိုစုံစမ်းတဲ့စုံထောက်ဘာတွန်ကရော ဘယ်လိုမျိုးဆက်စုံစမ်းမလဲဆိုတာ ဆက်လက်ကြည့်ရှုကြပါခင်ဗျာ.... File size…(1.69 GB)/(924 MB) Quality….Webrip 1080p / 720p Format…mp4 Duration….01:40:00 Genre... Action, Drama, Thriller Subtitle….Myanmar Subtitle (Hardsub) Encoder….Mr. Anderson Translated by AKM