Dayle Haddon ပါဝင်သော ဇာတ်ကားများ

Celebrity (1998) နာမည်ကြီး ဒါရိုက်တာ Woody Allen ကြီးရဲ့ ၉၀ ကာလက လက်စွမ်းပြခဲ့တဲ့ ကားကောင်းတွေထဲကတစ်ခုဖြစ်ပြီး...Leonardo DiCaprio ရဲ့ ဆိုးသွမ်းတဲ့နာမည်ကြီးမင်းသားတစ်ယောက်နေရာက သရုပ်ဆောင်ချက်တွေကိုမြင်တွေ့ရမှာဖြစ်ပြီး Woody Allen ရဲ့ထုံးစံအတိုင်း နယူးယောက်မြို့နဲ့ မန်းဟတ်တန်ရဲ့အငွေ့အသက်တွေ..အားကောင်းတဲံ ဒိုင်ယာလော့တွေကို ထိုခေတ်က နာမည်ကြီး မင်းသား၊ မင်းသမီးများစွာ ပါဝင်ထားတာကြောင့် စိတ်ဝင်စားဖို့ကောင်းပါတယ်။ ဇာတ်လမ်းကတော့ အိမ်ထောင်သက် ၁၆ နှစ်အကြာမှာ လမ်းခွဲလိုက်ကြတဲ့ လင်မယားနှစ်ယောက်ဖြစ်သူ Lee Simon (Kenneth Branagh) နဲ့ Robin Simon (Judy Davis) တို့ရဲ့ ကွဲပြားခြားနားသွားတဲ့ ဘဝခရီးစဉ်တွေအကြောင်းပါ။ ခင်ပွန်းဖြစ်သူ Lee ကတော့ ကျော်ကြားတဲ့ စာရေးဆရာ၊ သတင်းထောက်တစ်ယောက်ဖြစ်ဖို့ ရည်မှန်းချက်ကြီးသူဖြစ်ပြီး၊ နာမည်ကြီးအနုပညာရှင်တွေနဲ့ ပတ်သက်ခွင့်ရဖို့ ကြိုးစားရင်း သူ့ဘဝကို ကုန်ဆုံးနေသူပါ။ တစ်ဖက်မှာတော့ ဇနီးဖြစ်သူ Robin က သူမရဲ့ စိတ်ဒဏ်ရာတွေကို ကျော်ဖြတ်ရင်း မထင်မှတ်ဘဲ ရုပ်သံလောကမှာ အောင်မြင်တဲ့ အမျိုးသမီးတစ်ဦး ဖြစ်လာပါတော့တယ်။ နာမည်ကြီးချင်လွန်းတဲ့သူက ကျရှုံးနေပြီး၊ အေးအေးဆေးဆေးနေချင်သူက နာမည်ကြီးလာတဲ့ သူတို့နှစ်ဦးရဲ့ ကံကြမ္မာ အလှည့်အပြောင်းကို ရိုက်ပြထားပြီး ဒါရိုက်တာ Woody Allen ရဲ့ ထုံးစံအတိုင်း စကားပြောခန်းတွေက မြန်ဆန်တယ် ၊ ခနဲ့တဲ့တဲ့နိုင်တယ်၊ လူမှုပတ်ဝန်းကျင်ကို ထိထိမိမိ ဝေဖန်ထားတဲ့ 90 ခေတ်က ဆယ်လီတွေရဲ့ဘဝအကြောင်းပါ

Cyborg (1989) IMDb Rating (5.1) / Rotten Tomatoes (22%) ဗန်ဒိန်းရဲ့ အစောပိုင်းကာလ နာမည်ကျော်ဇာတ်ကားတစ်ကားဖြစ်ပါတယ်။ အဲ့ဒီချိန်တုန်းက ခေတ်စားနေတဲ့ Post-apocalypticပုံစံမျိုးပါပဲ။ ဇာတ်လမ်းကတော့ ကပ်ရောဂါကြောင့် ပျက်စီးယိုယွင်းနေပြီး မင်းမဲ့စရိုက်တွေ လွှမ်းမိုးနေတဲ့ ကမ္ဘာကြီးမှာဒီရောဂါကိုကုသပေးနိုင်မယ့် ကုထုံးကို သိပ္ပံပညာရှင်တွေက ရှာဖွေတွေ့ရှိခဲ့ပေမယ့် အချက်အလက်တွေကို သယ်ဆောင်ဖို့ပါးလ်ဆိုတဲ့ မိန်းကလေးကို ဆိုင်ဘော့ချ်အဖြစ် ဖန်တီးလိုက်ပါတယ်။ သူက အက်တလန်တာကိုအရောက်သွားရမှာဖြစ်ပေမယ့်ကမ္ဘာကြီးကို ဩဇာလွှမ်းမိုးချင်နေတဲ့ ပင်လယ်ဓားပြ ဖန်ဒါတို့ဂိုဏ်းရဲ့ဖမ်းဆီးမှုကို ခံလိုက်ရပြီးတဲ့နောက် ဂစ်ဘ်ဆင်(ဗန်ဒိမ်း)ဆိုတဲ့ လမ်းပြလူငယ်လေးက သူ့ကိုကယ်တင်ပြီး သူသွားလိုရာခရီးဆုံးကို လိုက်ပြီး ပို့ဆောင်ကာကွယ်ရမယ့် စွန့်စားခန်းခရီးရှည်အကြောင်းပါပဲ။ ဇာတ်လမ်းထက် အက်ရှင်ကိုပိုအသားပေးထားပြီး ဗန်ဒိမ်းရဲ့နာမည်ကျော် ကန်ချက်တွေကိုတွေ့မြင်ရမှာပါ။ ဒေါ်လာ ငါးသိန်းဝန်းကျင်ပဲသုံးထားပေမယ့် ဆယ်သန်းကျော်ရအောင်ရှာဖွေနိုင်ခဲ့ပြီး စီးပွားရေးအရ အလွန်အောင်မြင်ခဲ့သလိုဒီအောင်မြင်မှုကြောင့်ပဲ ဗန်ဒိန်းဟာ အက်ရှင်မင်းသားအဖြစ် အခိုင်အမာခြေကုပ်ယူနိုင်ခဲ့တာဖြစ်ပါတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (1.9 GB) / (1.1 GB) Quality…. Blu-Ray 1080p HEVC / 720p Format…. mkv/mp4 Genre…. Action,Adventure,Science Fiction,Thriller Duration…. 01:27:24 Subtitle…. Myanmar Subtitle (Hardsub)

Madame Claude (1977) Madame Claude ဆိုတဲ့ ဇာတ်ကားကတော့ ၁၉၆၀-၁၉၇၀ ဝန်းကျင်မှာ ကျော်ကြားခဲ့တဲ့ Paris မြို့က ပြည့်တန်ဆာခေါင်းကြီး Fernende Grudet ခေါ် Madame Claude အကြောင်းကိုအခြေခံထားတာ ဖြစ်ပါတယ်။ Madame Claude ရဲ့ ပြည့်တန်ဆာဝန်ဆောင်မှုက ကြီးလွန်းလို့ အာဏာအရှိဆုံးဆိုတဲ့ ယောက်ျားတွေ သူဌေးတွေ နိုင်ငံရေးသမားကြီးတွေ နာမည်ကြီးတွေပါ အသုံးပြုကျတဲ့အတိုင်း သူ့မှာလျှို့ဝှက်ချက်တွေ အများကြီးကို ကိုင်ဆောင်ထားတဲ့လူပါ။ ဒီဇာတ်လမ်းထဲမှာ Madame Claude ရဲ့ စီးပွားရေး အင်ပါယာ ကိုယ်ပိုင် ဘဝ နောက်ကျောကို ဓါးနဲ့ထိုးတာတွေ အာဏာတွေ အားနည်းချက် တွေကို ယောက်ျားတွေ ကြီးစိုးတဲ့ ကမ္ဘာမှာ ဘယ်လိုကျော်ဖြတ်ခဲ့ရသလဲဆိုတာကို တင်ဆက်ပြသထားတာပဲဖြစ်ပါတယ်။ နောက်ထပ်အရေးကြီးတဲ့ ဇာတ်ကောင်ကတော့ Sidonie ဆိုတဲ့ အမျိုးသမီးပါ Madam Claude ရဲ့တပည့် သူမရဲ့ ကိုယ်ပိုင်ဘဝရော အလုပ်မှာရော အရေးပါခဲ့တဲ့ လူပါ။ Madam Claude တယောက် အာဏာကြီးလာတာနဲ့အမျှ ရန်သူတွေလဲများလာပါတယ်။ နောက်ဆုံး သူတည်ဆောက်ထားတဲ့ အင်ပါယာကြီးကိုပါ ပျက်စီးဖို့ ဖြစ်လာတဲ့အခါမှာ ဘယ်လိုဖြေရှင်းကျော်လွှားမလဲဆိုတာ...။ ၁၉၇၇ ဝန်းကျင်က ပြင်သစ်နိုင်ငံရဲ့ နိုင်ငံရေးတွေ ယဥ်ကျေးမှုတွေ သေချာလေး တင်ဆက်ထားတာဖြစ်လို့ ခေတ်ဟောင်းပုံစံတွေ စိတ်ဝင်စားတယ်ဆိုရင် ကြည့်သင့်တဲ့ ဇာတ်လမ်းတစ်ခုပဲ ဖြစ်ပါတယ်ခင်ဗျာ။ - အဖော်အချွတ်ခန်းတွေပါဝင်တာမလို့ မိသားစုနဲ့တော့ ကြည့်လို့မရပါဘူး။ (ရုပ်ရှင်အညွှန်းနဲ့ဘာသာပြန်ကို Moe Zac မှ တင်ဆက်ထားပါတယ်။) File size…(3.2 GB )/(1.2 GB) Quality….BluRay 1080p HEVC / 720p Format…mkv/mp4 Duration….01:50:00 Subtitle….Myanmar Subtitle (Hardsub) Encoder….Ka Naung Trasnlated by Moe Zac