Dean Redman ပါဝင်သော ဇာတ်ကားများ

Freaks (2018) IMDB : 6.7 Rotten Tomatoes : 88% Genre : Sci-Fi / Thriller Freaks ကတော့ ၂၀၁၈ ခုနှစ်ထွက် ဝေဖန်သူတွေကြားထဲမှာ အောင်မြင်မှုရခဲ့တဲ့ အင်ဒီးသိပ္ပံစိတ်ကူးယဉ်ရုပ်ရှင်တစ်ကားဖြစ်ပါတယ်။ ဒီရုပ်ရှင်ရဲ့ ရိုက်ကူးကုန်ကျစရိတ်က အမေရိကန်ဒေါ်လာ ၂,၅၀၀ ဝန်းကျင်ပဲရှိခဲ့ပြီး Box Office မှာ ဒေါ်လာ သန်းချီမရခဲ့ပေမဲ့လည်း အသိအမှတ်ပြုမှုတွေကိုရရှိခဲ့ပြီး အတော်လေးကို အမြတ်အစွန်းများခဲ့တဲ့ ရုပ်ရှင်လည်းဖြစ်ပါတယ်။ ဇာတ်ညွှန်း ကလိုဝီလေးဟာ ငယ်စဉ်ကတည်းက အိမ်ထဲမှာ အဖေဖြစ်သူရဲ့ ပိတ်လှောင်ခြင်းကို ခံထားရသူဖြစ်ပါတယ်။ ဒီလိုမျိုး ပိတ်လှောင်ခံရတာ ၇ နှစ်တိတိရှိခဲ့ပြီဖြစ်ပါတယ်။ “အပြင်ဘက်က အန္တရာယ်များတယ်၊ ဒီလိုလုပ်ရတာ သမီးအတွက်ပါ” ဆိုပြီး အဖေ့ရဲ့ စကားကိုကြားခဲ့တာလည်း လူမှန်းသိတတ်စကတည်းပါ။ ဒါပေမဲ့ လူတစ်ယောက်ကို ဘယ်လောက်ထိ အိမ်ထဲမှာ ပိတ်လှောင်ထားနိုင်မှာလဲ။ အပြင်လောကကို ဘယ်လောက်ထိ ဖြတ်တောက်နိုင်မှာလဲ။ တစ်ရက်မှာတော့ သူ့အဖေအိပ်နေတုန်း ကလိုဝီလေးက ရေခဲမုန့်စားချင်လို့ အိမ်ထဲကနေထွက်ကာ ရေခဲမုန့်ကားဆီကိုသွားရာကနေ မထင်မှတ်ထားတာတွေစဖြစ်လာခဲ့ပါတယ်။ သူ့အဖေပြောသလိုပဲ အပြင်လောကက တကယ်ကြီး အန္တရာယ်များနေတာလားဆိုတာကိုတော့ ခံစားကြည့်လိုက်ကြပါ။ File size…    1.5 GB / 700 MB Quality… BluRay 1080p / 720p Format… mp4 Duration…. 1h 45m Genre ..... Sci-Fi / Thriller Subtitle…. Myanmar Subtitle (Hard Sub)

The Layover (2017) နှုတ်ခမ်းထက်ကမှဲ့လေးမှာ ကမ္ဘာကြီးကိုထမ်းထားလို့ရတဲ့ Kate Upton နဲ့ မျက်ဝန်းလဲ့ပြာပြာတစ်စုံမှာ ကမ္ဘာကြီးကို သိမ်းပိုက်ထားလို့ရတဲ့ Alexandra Daddario တို့နှစ်ယောက် အပြိုင်အဆိုင်ကြဲထားတဲ့ ဒီရုပ်ရှင်ကားက အချစ်ဟာသရိုမန့်ရုပ်ရှင်ကားကြီးပါ။ မဂ် နဲ့ ကိတ်တို့ နှစ်ယောက်က မတည့်အတူနေ သူငယ်ချင်းတွေပါ... စိတ်ထဲရှိသလို သောင်းကျန်းတတ်တဲ့ မဂ်ဟာ တနေ့တော့ အပန်းဖြေခရီးထွက်ဖို့ အတင်းစီစဉ်ပြီး ကိတ်ကိုပါအတင်းခေါ်ပါတော့တယ်။ သူတို့နှစ်ယောက်လေယာဉ်ပေါ်ရောက်တော့ အလန်းစားဘဲတပွေက သူတို့နှစ်ယောက်ကြားမှာ ပါလာပါတယ်။ ရွှေအိုရောင်ဆံပင်နဲ့ ပါးသိုင်းမွှေးနဲ့ six pack နဲ့ တောင့်တောင့်တင်းတင်းနဲ့ ရိုင်ယန်ဆိုတဲ့ဘဲကို အပြိုင်လုကြဖို့ သူတို့နှစ်ယောက်ဂိမ်းကစားသလို ပြိုင်ကြပါတော့တယ်။ လေယာဉ်ကလဲ ဟာရီကိန်းမုန်တိုင်းကြောင့် ခရီးစဉ်နှောင့်နှေးပြီး စိန့်လူးဝစ်မြို့မှာ ခဏဆင်းသက်နေရဖို့အကြောင်းကဖန်လာတဲ့အခါမှာတော့... သူငယ်ချင်းနှယောက် ရိုင်ယန်ကိုရရှိဖို့ ဂိမ်းကိုအောင်နိုင်သူဖြစ်ဖို့ ဘယ်လောက်ထိ ဆွဲဆောင်ပြသပြီး ဖိုက်ကြမလဲဆိုတာ.....။ ပေါ့ပေါ့ပါးပါးနဲ့ ရယ်မောပျော်ရွှင်ကြည့်ရှုရမယ့်ဇာတ်ကားပါပဲ။ File size…(1.8 GB )/(960 MB)  Quality….BluRay 1080p HEVC / 720p Format…mkv/mp4 Duration….01:28:00 Subtitle….Myanmar Subtitle (Hardsub) Encoder….Ka Naung Trasnlated by Missy

War for the Planet of the Apes (2017) IMDb - 7.4/10 Rotten - 94% အမေရိ ကန်စိတ်ကူးယဉ်သိပ္ပံဇာတ်ကား ဖြစ်တဲ့ War for the Planet of the Apes ဆိုတဲ့ ဇာတ်ကားလေးအ ကြောင်း ပြောပြပါရစေ။ ရုပ်ရှင် ဝေဖန်ရေးသမားတွေရဲ့ ချီးကျူး တဲ့ သုံးသပ်ချက်တွေ ရထားတဲ့ ဒါရိုက်တာမက်ရိဗ်စ်ရဲ့လက်ရာ ဇာတ်ကားလေးကို ၂၀ ရာစုမြေ ခွေးရုပ်ရှင် ထုတ်လုပ်ရေးကနေ ဖြန့်ချိထားတာပါ။ ဒီတစ်ခါ ဇာတ်လမ်းကတော့ နာမည်ကြည့်လိုက်တာနဲ့ စစ်ပွဲလို့ သုံးထားတဲ့အတွက် လူသားတစ် ယောက်လို အိုင်ကျူမြင့်တဲ့ ချင် ပန်ဇီမျောက်ဝံဆီဇာခေါင်းဆောင် တဲ့ မျောက်ဝံတပ်သား အဖွဲ့နဲ့ မျောက်ဝံတွေကို သုတ်သင်ဖြိုခွဲ မယ့် လက်နက်ကိုင်တပ်ဖွဲ့တို့ရဲ့ တိုက်ပွဲကိုအဓိကဇာတ်အိမ်တည် ထားတာပါ။ မျောက်ဝံစစ်တပ်ကို ဖြိုခွင်း ဖို့အတွက် အယ်လ်ဖာ-အိုမီဂါလို့ ခေါ်တဲ့ လက်နက်ကိုင်တပ်ဖွဲ့ကို အကြင်နာမဲ့ရက်စက်တဲ့ ကာနယ် ကဦးဆောင်တာဖြစ်ပြီး ဆီဇာရဲ့ ဇနီးနဲ့  သားအကြီးဆုံးကို သတ် ဖြတ်ပစ်ခဲ့ပါတယ်။ ဒီလိုနဲ့ မိသား စုနဲ့ မျောက်ဝံ မျိုးနွယ်စုကို ကာ ကွယ်ချင်တဲ့ဆီဇာနဲ့ မျောက်ဝံတွေ ကို မုန်းတီးပြီးအမျိုးဖြုတ်သုတ် သင်ချင်တဲ့ လက်နက်ကိုင်အဖွဲ့ အကြားမှာ တိုက်ပွဲတွေအကြီးအ ကျယ်ဖြစ်ပါတော့တယ်။  မျောက်ဝံအဖွဲ့မှာ သစ္စာ ဖောက်သူတွေ  ရှိတဲ့အတွက် နောက်ဆုံးမှာ ဆီဇာ အဖမ်းခံခဲ့ရပြီး ရက်စက်တဲ့ကာနယ်က အစာဖြတ်၊ ရေဖြတ်နဲ့ ညှဉ်းပန်းဒုက္ခပေးခဲ့ပေ မယ့်လည်း ကူညီမယ့်သူပေါ် လာ တဲ့အတွက် ဆီဇာတစ်ဖန်ပြန် လွတ်မြောက်ခဲ့ပါတယ်။ ဒီလိုနဲ့ နောက်ဆုံးမှာ ဆီဇာနဲ့ ကာနယ် ထိပ်တိုက် တွေ့ကြတဲ့အခါမှာ တော့ အနာဂတ်ကမ္ဘာမှာ ကျန်ရှိ မယ့် လူသားမျိုးနွယ်စုနဲ့ မျောက်ဝံ မျိုးနွယ်စုတို့ရဲ့ ကံကြမ္မာအတွက် ဘယ်လို အလှည့်အပြောင်းတွေ ဖြစ်လာမလဲဆိုတာ ရှုစားရမှာပါ။ ၂၀၁၁ တုန်းက ထွက်ခဲ့တဲ့ Rise of the Planet of the Apes နဲ့ ၂၀၁၄ တုန်းကထွက်ခဲ့တဲ့ Dawn of the Planet of the Apes ဇာတ်ကားတွေရဲ့ အဆက် ဖြစ် ထွက်ရှိထားတာမို့ အရင် ဇာတ်ကားတွေက ပရိသတ်တွေနဲ့ ရင်းနှီးပြီးသားဖြစ်တာမို့ ဇာတ် လမ်းကောင်း၊ မကောင်းကတော့ ပြောဖို့တောင်လိုမယ် မထင်ပါ ဘူး။ ပါဝင်သရုပ်ဆောင်ထားသူ တွေကတော့ အန်ဒီဆာကစ်၊ စတိဗ်ဇန်၊ ကာရင်ကိုနိုဗယ်၊ ဝူဒီ ဟာရယ်ဆင်၊ အမီရာမစ်လာ၊ ဂက်ဘရီရယ်ချာဗာရီရာစသူတွေ ပဲ ဖြစ်ပါတယ်။ File size…   5.3 GB / 1.8 GB /  1 GB Quality… BluRay 4K /  1080p / 720p Format… mp4 Duration…. 2h 20m Genre .....  Action , Adventure Subtitle…. Myanmar Subtitle (Hard Sub) Encoder…. Thit San Khant Translated by El'MoH

လူသားတွေနဲ့ Orc တွေဟာ အစက တစ်ဖက်နဲ့တစ်ဖက် မသိကြသလို မဆုံဖူးကြပါဘူး။ ဒါပေမဲ့ Orc တွေနေတဲ့ ကမ္ဘာ ပျက်စီးတော့မယ့်အချိန်မှာ မှော်ဆရာ Gul'dan က ဆိုးညစ်တဲ့ အစိမ်းရောင်မှော်ပညာ Fel ကို သုံးပြီး မှော်မုခ်ဝတစ်ခု ဖွင့်လိုက်တယ်။ သူက Orc တွေကို စုစည်းပြီး The Horde အဖွဲ့ကြီးတစ်ခုလုံးကို Azeroth ကမ္ဘာဆီ ခေါ်လာဖို့ ကြိုးစားနေတာပါ။ Azeroth မှာတော့ လူသားတွေ၊ လူပုတွေ၊ နတ်သူငယ်တွေဟာ အချင်းချင်း မယုံကြည်ကြ၊ မနှစ်သက်ကြပေမယ့် ငြိမ်းငြိမ်းချမ်းချမ်း နေလာခဲ့တာ ကြာပါပြီ။ အခုတော့ ကမ္ဘာနှစ်ခုက မျိုးနွယ်တွေ ဆုံလာပြီး ကိုယ့်ဘက်က ရှင်သန်နိုင်ဖို့ တိုက်ခိုက်ရတော့မယ့် အခြေအနေကို ရောက်လာကြတယ်။ လူသားဘုရင် Llane နဲ့ သူရဲကောင်း Lothar တို့က မှော်ဆရာ Khadgar ရဲ့အကူအညီနဲ့ ဒီအခြေအနေကို ဘယ်လိုရင်ဆိုင်ကြမလဲ။ Orc တွေဘက်မှာလည်း အမှန်တရားကို မြင်နိုင်တဲ့ နှင်းဝံပုလွေမျိုးနွယ်ခေါင်းဆောင် ဂျူရိုတန်နဲ့ သွေးနှော Orc မိန်းကလေး Garona တို့ ရှိနေကြတယ်။ သူတို့ကရော ဘယ်လိုဆက်လှုပ်ရှားကြမလဲ။

RoboCop(2014) ဒီကားက RoboCop remake သာမဟုတ်ခဲ့ရင် အရမ်းကောင်းတဲ့ စက်ရုပ်ကားတစ်ကားဖြစ်မှာဖြစ်ပြီး နာမည်ကြောင့် လူတွေ စိတ်ပျက်တာဖြစ်ပါတယ်။ လူတိုင်းကြိုက်ခဲ့တဲ့ RoboCop ကို ယူပြီး ဇာတ်လမ်းလုံးဝပြောင်းလိုက်တာကလည်း ပရိတ်သတ်ကို ဒေါသထွက်စေပါတယ်။ အထူးသဖြင့် ကျွန်တော်တို့ခေတ်က RoboCop က Made in USA ဖြစ်ပြီး ဒီ RoboCop ကတော့ Made in China ဖြစ်ပါတယ်။ အဲ့ဒီလောက်ထိ ဒီဘက်ခေတ်နဲ့ လျှော်ညီအောင် ရိုက်ကူးထားနိုင်သလို ဇာတ်လမ်းအားဖြင့်လည်း အထူးကောင်းမွန်ပါတယ်။ စက်ရုပ်နဲ့ လူနဲ့ တွဲထားပြီး စက်ရုပ်လိုပဲ လိုသလို ထိမ်းခြုပ်နိုင်အောင်ကြိုးစား ပေမယ့် လူဦးနှောက်နဲ့ နှလုံးသားက အထိန်းအချုပ်မခံ ပဲ Program ကို Override လုပ်တာမျိုး တွေက ဒီဘက်ခေတ် စက်ရုပ်အက်ရှင်ကား တစ်ကားအနေနဲ့ အထူးကောင်းမွန် ပါတယ်။ ဒါပေမယ့် RoboCop Remake ဆိုတာတစ်ခုတည်းနဲ့တင် RoboCop fan တွေ ကလက်မခံ ချင်ကြပါဘူး။ အားလုံးခြုံပြောရရင် ဇာတ်ကားကောင်းတစ်ကားပါ။ RoboCop လို့မမြင်ပဲ စက်ရုပ်ကားတစ်ကား လို့ သာ မြင်ရင် သို့မဟုတ် RoboCop (1987) ကားကို မကြည့်ဖူးရင်၊ ဇာတ်ကားကောင်းတစ်ကားဖြစ်လာ မှာပါ။ ကြည့်သင့်ပါတယ်။ ဒါက ဒီဘက်ခေတ်ကလေးတွေအတွက် 2014 RoboCop ပါ။ IronCop လို့နာမည်ပေးရင်တောင် တော်တော် ကောင်းပါဦးမယ်။ RoboCop နဲ့ လားလားမှမတူပါဘူး။ ကျန်တာအကုန်ကောင်းပါတယ်။ File size…1.61GB / 685MB Quality…WEB-DL 1080p / 720p Format…mp4 Duration….1h 57m Genre ..... Crime , Action , Sci-Fi Subtitle….Myanmar Subtitle (Hard Sub) Encoder….Min Wai

MonsterVerse Timeline MonsterVerse ရဲ့ ၅ ကားမြောက် Godzilla x Kong: The New Empire (2024) လဲထွက်လာခဲ့ပြီဆိုတော့ Godzilla, Kong နဲ့ သူတို့ကြားက အဖြစ်အပျက်တွေကြားက timeline ကို တစ်ချက်ပြန်ကြည့်ကြည့်ရအောင်. ဒီ timeline ထဲက အဖြစ်အပျက်တွေက ထွက်ရှိခဲ့တဲ့ MonsterVerse ရုပ်ရှင်၊ ဇာတ်လမ်းတွဲတွေအပြင် tied in graphic novels တွေက အကြောင်းတွေပါ ပါဝင်ပါတယ်။ Event တွေများ source တွေလည်း များလို့ မှားနေတာ လိုနေတာရှိရင် ဝင်ဆွေးနွေးသွား ထောက်ပြသွားနိုင်ပါတယ်။ - 252 millions BC ကမ္ဘာ့ မျက်နှာပြင်ပေါ်မှာ Radiation တွေ ယနေ့လက်ရှိအချိန်ထက် အဆပေါင်းများစွာရှိနေတုန်းက radiation ကို စားသုံးကြီးထွားတဲ့ Godzilla နဲ့ တခြား Titan တွေဟာ ကမ္ဘာမျက်နှာပြင်ပေါ်မှာနေကြတယ်။ ဒီမှာ Shinomura ဆိုတဲ့ နှစ်ကောင်ပေါင်းပြီး တစ်ကောင်ဖြစ်နိုင်တဲ့ Titan နဲ့ Godzilla တို့ ချနေကြတဲ့အချိန် ဘေးကိုဥက္ကာခဲကြီးကျလာပြီး ဖြစ်လာတဲ့ ကျင်းကြီးထဲကို Shinomura ပြုတ်ကျသွားတယ်။ ဥက္ကာခဲကျပြီး ပေါက်ကွဲမှုကြီးကြောင့် ကမ္ဘာ့ မျက်နှာပြင် radiation ပမာဏ ကျဆင်းသွားတဲ့အတွက် Godzilla နဲ့ တခြားအကောင်ကြီးတွေ နေစရာ စားစရာရှားလာတာမို့လို့ radiation ရှိသေးတဲ့ ကမ္ဘာ့အတွင်းပိုင်း၊ ပင်လယ်ရေအောက်ကြမ်းပြင် တွေကို ပြောင်းရွှေ့သွားကြသလို မြေအောက်မှာ နှစ်တေတွအကြာကြီး hibernate လုပ်ကိန်းအောင်းနေကြတာတွေလည်း ဖြစ်ကုန်ကြတယ်။ - Hollow Earth နဲ့ Skull Island ကမ္ဘာ့ မျက်နှာပြင်အောက်မှာ အခေါ်င်းကြီးဖြစ်နေပြီး Godzilla လို တခြား titan ကြီးတွေ နေထိုင်ကြတဲ့ Hollow Earth ဆိုတာရှိတယ်။ ဒီ Hollow Earth နဲ့ ချိတ်ဆက်နေတဲ့ တစ်နေရာကတော့ ပင်လယ်ထဲက ပြင်ပလောကနဲ့ အဆက်အသွယ်မရှိတဲ့ Skull Island ဆိုတဲ့ ကျွန်းကြီးတစ်ကျွန်း။ ဒီကျွန်းကို Kong ရဲ့ မျိုးနွယ် ape ကြီးတွေရောက်လာပြီး နေကြတယ်။ ဒါပေမယ့် နောက်တော့ Skullcrawler ဆိုတဲ့ကောင်တွေပေါ်လာလို့ Kong တို့အမျိုးတွေနဲ့ နှစ်ပေါင်းများစွာ စစ်ခင်းကြတယ်။ Iwi လူမျိုးတွေ ကျွန်းပေါ်စရောက်လာတဲ့အချိန်မှာတော့ Skull Island မှာ Kong ရဲ့ မိဘနှစ်ပါးပဲ ကျန်တော့တယ်။ Skullcrawler တွေလက်ချက်ကြောင့် Kong မွေးပြီးပြီးချင်း သူ့မိဘတွေ ဆုံးသွားခဲ့တယ်။ - Early 20th Century 1926 မှာ အမည်မသိလူတစ်ယောက် ဦးဆောင်တဲ့အဖွဲ့တစ်ဖွဲ့က ဒီ hollow earth ကို စူးစမ်းလေ့လာဖို့ထွက်သွားခဲ့ပေမယ့် ပြန်ပေါ်မလာခဲ့ဘူး။ 1938 မှာတော့ ပြင်သင်နိုင်ငံက ဂူကြီးတစ်ခုက Hollow Earth ရဲ့ ဝင်ပေါက်တစ်ပေါက်ဖြစ်ပြီး ဒီကသွားရင် Titan ကြီးတွေဆီရောက်လိမ့်မယ်လို့ ပုံတွေဘာတွေ ထွက်ရှိလာခဲ့တယ်။ 1943 မှာလည်း U.S.S Lawton ဆိုတဲ့ အမေရိကန် စစ်ရေယာဥ်တစ်စင်းဟာ အမည်မသိအကောင်တစ်ကောင် တိုက်ခိုက်ခံခဲ့ရပြီး William Randa တစ်ယောက်ကလွဲလို့ တစ်ယောက်မှ အသက်ရှင်မကျန်ခဲ့ဘူး။ US အစိုးရကတော့ ဒါကို ဖုံးကွယ်ခဲ့တယ်။ - WWII and Hiroshima ဒုတိယကမ္ဘာစစ်အတွင်း အမေရိကန်တိုက်လေယာဥ်တစ်စင်းနဲ့ ဂျပန်တိုက်လေယာဥ်တစ်စင်းတို့ ရင်ဆိုင်တိုက်ခိုက်ရင်း ကျွန်းတစ်ကျွန်းပေါ်ကိုပျက်ကျတယ်။ ဒီကျွန်းက Kong နေတဲ့ Skull Island ဖြစ်နေသလို ဒါကိုသိသွားခဲ့ကြတဲ့ pilot ၂ ယောက်ဟာ ရန်သူတွေကနေ မိတ်ဆွေတွေ၊ ညီအစ်ကိုတွေဖြစ်သွားခဲ့ကြပြီး ကျွန်းကလွတ်မြောက်ဖို့ အတူတူကြိုးစားခဲ့ကြတယ်။ 1945 မှာ Hiroshima ကို nuclear bomb ဖေါက်ခွဲခဲ့တဲ့အခါမှာတော့ ကြီးမား များပြားတဲ့ radiation တွေပေါ်ထွက်လာခဲ့ပြီမို့လို့ အရင် တိမ်မြုပ်နေတဲ့ titan တချို့ ပြန်လည်နိုးထလာတယ်။ အရင်ဆုံး ပေါ်လာတာကတော့ Godzilla နဲ့ ရင်ဆိုင်ရင်း ချောက်ထဲကျသွားတဲ့ Shinomura ဖြစ်ပြီး သူ့ကိုမျက်မြင်တွေ့ခဲ့သူတွေထဲမှာ “Let them fight” ဆိုပြီးပြောခဲ့တဲ့ Dr. Serizawa ရဲ့ အဖေ Eiji လည်းပါပါတယ်။ - 1946 - Monarch 1946 မှာတော့ Monarch ကိုတည်ထောင်တယ်။ ဒီ “အကောင်ကြီးတွေ” ကိုရှာဖွေ လေ့လာ စူးစမ်းဖို့အတွက်ပေါ့။ နောက်တော့ Monarch အဖွဲ့ထဲမှာ Eii Serizawa လည်း ပါဝင်လာခဲ့တယ်။ Monarch အဖွဲ့ကို ဦးဆောင်ခဲ့သူတွေထဲမှာ Keiko Miura, Lee Shaw နဲ့ Bill Randa တို့လည်း ပါဝင်လာခဲ့တယ်။ Keiko က single mother တစ်ယောက်ဖြစ်ပြီး အစပိုင်းမှာ Lee Shaw နဲ့ ကြိုက်မလိုဖြစ်ခဲ့ပေမယ့် နောက်တော့ သူနဲ့ စိတ်တူကိုယ်တူ Bill Randa နဲ့ပဲ လက်ထပ်ဖြစ်ခဲ့တယ်။ ဒါပေမယ့်လည်း ၃ ယောက်သားက အခင်မင်မပျက်ခဲ့ဘူး။ ဒီကြားထဲ Shinomura ပေါ်လာပြီး နေရာစုံ လိုက်တိုက်ခိုက် ရန်ရှာနေတာကို Godzilla က လိုက်ရန်တွေ့မောင်းထုတ်နေရင်း 1954 ခုနစ် Castle Bravo nuclear “စမ်းသပ်မှု” မှာ Monarch နဲ့ US အစိုးရက Godzilla နဲ့ Shinomura ကို မျှားခေါ်ပြီး ဖေါက်ခွဲခဲ့တာမှာ Godzilla တော့ မသေဘဲ Shinomura အလုံးစုံ ပျက်စီးသွားခဲ့တယ်။ 1959 မှာတော့ Keiko Miura တို့ ၃ ယောက် Kazakhstan မှာ သွားရောက် စူးစမ်းရှာဖွေတုန်း အကောင်တွေထွက်လာလို့ Keiko ပါသွားတယ်။ 1962 မှာ Lee Shaw ဦးဆောင်ပြီး Operation Hourglass ဆိုတဲ့ Hollow Earth ကို စူးစမ်းလေ့လာတဲ့ခရီးထွက်ခဲ့တယ်။ ဒါပေမယ့် အဆက်အသွယ်ပြတ်တောက်သွားခဲ့လို့ Bill Randa တစ်ယောက်ပဲ ကျန်ခဲ့တော့တယ်။ - 1973 - Kong: Skull Island 1973 ခုနစ် US အစိုးရက Vietnam စစ်ပွဲက ဆုတ်ခွာလာတဲ့အချိန် Bill Randa နဲ့ Monarch အဖွဲ့ဟာ လက်နက်ကိုင် အစောင့်အရှောက်တွေနဲ့တကွ Skull Island ကိုသွားပြီး စူးစမ်းလေ့လာခဲ့တယ်။ ဒီမှာ Skull crawler တွေလက်ချက်နဲ့ Brill Randa အပါအဝင် အများအပြား သေခဲ့ကြတယ်။ James Conrad, Brooks, San နဲ့ WWII pilot Marlow တို့ပဲ လွတ်မြောက်ခဲ့တယ်။ Bill က မသေခင် သူ့မှတ်တမ်းတွေကို ရေထဲမျှောပစ်ခဲ့တယ်။ - 1982 - Lee Shaw 1982 ခုနစ်မှာ Shaw တစ်ယောက် Monarch ဆေးရုံတစ်ရုံမှာ ပြန်လည်နိုးထလာတယ်။ သူ့အတွက် Hollow Earth ထဲမှာ ရက်အနည်းငယ်ပဲကြာသေးပေမယ့် ခုသူပြန်ရောက်လာတဲ့အခါမှာတော့ Keiko ရဲ့သား Hiroshi ကပါ Monarch မှာ လူကြီးတစ်ယောက်ဖြစ်နေပြီ။ Bill ရဲ့ recording တွေကို ပြန်ဆယ်တွေ့ထားလို့ ဒီကြားထဲ Bill ဆုံးသွားမှန်း သိခဲ့ရတယ်။ - 1973- Aaron Brooks 1973 ခုနစ် Skull Island က ပြန်လွတ်လာခဲ့တဲ့ Huston Brooks ရဲ့ သား Aaron Brooks ကလည်း Monarch ဆီရောက်နေပြီ။ ဒီမှာ Skull Island လိုအရေးကြီးတဲ့နေရာကို Kong တစ်ကောင်တည်းလက်ထဲ ထားလို့ရမရ သွားကြည့်မယ်ဆိုပြီး သူ့အဖွဲ့တွေနဲ့အတူ Skull Island ကိုသွားတယ်။ ဟိုမှာအကောင်တွေလက်ချက်ကြောင့် တစ်ဖွဲ့လုံးနီးပါးသေတဲ့အပြင် Aaron တို့အဖွဲ့သားတစ်ယောက်ကြောင့် Iwi တွေရဲ့ တံတိုင်းတွေပါ ပျက်ကုန်တဲ့အခါ Aaron လည်း ပြန်မလာဖြစ်တော့ဘဲ Randa တုန်းကလိုပဲ recording တွေလုပ်ပြီး ရေထဲပြန်မျှောပေးလိုက်တယ်။ ဒီ recording တွေကို 2012 မှာ Huston Brooks ရရှိခဲ့တယ်။ - 1999 - MUTO 1999 မှာတော့ ဖလစ်ပိုင်က Titan လိုအကောင်ကြီးတစ်ကောင်ရဲ့ အရိုးစုတွေထဲမှာ ကပ်ပါးကောင်ဥ တွေရှာတွေ့ကြတယ်။ ကောင်းနေပြီး မြုံနေတဲ့ ဥတစ်လုံးကိုတော့ Nevada ကိုပြန်ယူသွားနိုင်ခဲ့ပေမယ့် နောက်တစ်ဥကတော့ ပေါက်သွားခဲ့ပြီ။ သိပ်မကြာခင်မှာပဲ ဂျပန်နိုင်ငံက Janjira nuclear power plant ကို ခုနက ဥကပေါက်ပြီးထွက်သွားတဲ့ဆိုတဲ့ MUTO ဝင်မွှေတယ်။ ဓာတ်ပေါင်းဖိုပျက်စီးတာကြောင့် Joe Brody ရဲ့ ဇနီးဆုံးသွားခဲ့တယ်။ ဒီမှာ MUTO က ဓာတ်ပေါင်းဖိုက radiation တွေကို စုပ်ယူနေပြီး နောက်ထပ် ၁၅ နှစ်လောက် မလှုပ်ရှား အိပ်စက်နေခဲ့တယ်။ Joe က ဇနီးဆုံးသွားတာ ဒီတိုင်း ငလျင်လှုပ်လို့ စခန်းပြိုတာကြောင့်မဟုတ်ဘူးဆိုပြီး တောက်လျှောက်တွေးနေ လေ့လာနေလို့ သူ့ reputation တင်မက သားဖြစ်သူနဲ့ပါ ဆက်ဆံရေးထိလာခဲ့တယ်။ - 2005 - Orca Technology Emma နဲ့ Mark Russell တို့ ဇနီးမောင်နှံပေါင်းပြီး Orca နည်းပညာကို စမ်းသပ်တီထွင်ခဲ့တယ်။ ဒီဟာကိုသုံးပြီး Titan တွေကို စကားပြောလို့ရ (သို့မဟုတ်) ဒီစက်ကြောင့် Titan တွေ အမူအကျင့် ပြောင်းနိုင်လိမ့်မလားဆိုပြီး ဖြစ်လာတယ်။ နှစ်ယောက် အိမ်ထောင်ကွဲသွားခဲ့ပြီးနောက် Monarch မှာ ဆက်ရှိနေရင်း ဒီနည်းပညာကို ဆက်လေ့လာနေခဲ့တယ်။ ဒီကြားထဲမှာလည်း MUTO စောင့်ကြည့်စခန်းတွေဆီ Alan Jonah ဆိုတဲ့လူ ခိုးဝင်တာမိရာက သူ့ပါ စောင့်ကြည့်စာရင်းထဲ ထည့်ခဲ့ကြတယ်။ - 2009 - Nathan Lind နဲ့ Mothra Nathan Lind ရဲ့ အစ်ကိုဖြစ်သူဟာ ၂၀၀၉ ခုနစ်မှာ Hollow Earth ကို စူးစမ်းလေ့လာဖို့ ခရီးထွက်ပေမယ့် ဝင်ဝင်ချင်းမှာပဲ မြေဆွဲအား ပြောင်းလဲမှုကြောင့် သေဆုံးခဲ့တယ်။ ဒီအချိန်မှာပဲ တရုတ်နိုင်ငံ Yunnan ပြည်နယ် တောအုပ်ကြီးထဲက သီးချင်းဆိုသံတွေ ကြားရတယ်ဆိုလို့ ရှာဖွေကြရာက Mothra ဖြစ်လာမယ့် ပိုးအိမ်ကိုတွေ့ခဲ့တယ်။ Outpost 61 ဆိုတာ ဆောက်လုပ်ခဲ့ကြပြီး Emma Russell ရဲ့ အဓိက တာဝန်ကျနေရာဖြစ်လာခဲ့တယ်။ - 2013 - Ford Brody Joe ရဲ့သားဖြစ်သူ Ford Brody ဟာ ဗုံးဖြုတ်စစ်သား EOD ပညာရှင်အနေနဲ့ ၁၄ လ ကြာ စစ်မှုထမ်းစထွက်ခဲ့တယ်။ - 2014 - Godzilla : G-Day Ford အိမ်ပြန်ရောက်ရောက်ချင်းပဲ အဖေဖြစ်သူ တားမြစ်နယ်မြေထဲဝင်လို့ဆိုပြီး သွားခေါ်ထုတ်ပေးရာက နှစ်ယောက်သား ပြန်ခိုးဝင်ရင်း MUTO ထွက်ပေါ်လာတယ်။ Brody ဆုံးတယ်။ ဒီမှာ MUTO နဲ့ Godzilla တို့လက်ချက်ကြောင့် မြို့တွေ ရွာတွေတော်တော်များများ ပျက်စီးကုန်ပြီး Godzilla နဲ့ တခြားကောင်တွေ ရှိနေသေးတယ်ဆိုတာ public က သိလာခဲ့တယ်။ San Francisco မှာဖြစ်ခဲ့တဲ့အတွက် ဒီနေ့ကို G-Day လို့ ခေါ်လာခဲ့ကြတယ်။ ဒီနောက်ပိုင်းမှာ Mark Russell လည်း Monarch က ထွက်သွားခဲ့တယ်။ - 2015 - Legacy of the Monsters Keiko ရဲ့ မြေးနှစ်ယောက်ဖြစ်တဲ့ Cate နဲ့ Kentaro တို့ အဖေတူ အမေကွဲမောင်နှမနှစ်ယောက်ဟာ ပျောက်သွားတဲ့ သူတို့အဖေ Hiroshi Randa ကိုလိုက်ရှာရင်း လူအိုရုံမှာ အသက်ကြီးသလောက် လျှင်မြန်ဖြတ်လတ်နေသေးတဲ့ Lee Shaw နဲ့တွေ့တယ်။ နေရာစုံ သွားလာရင်းနောက်ဆုံး Hiroshi နဲ့ပြန်တွေ့ပေမယ့် Shaw က Hollow Earth ကိုသွားလို့ရတဲ့ ဝင်ပေါက်ထွက်ပေါက်တွေအကုန်လုံးကို ပတ်ပစ်ဖို့ ကြိုးစားတယ်။ အကြောင်းအမျိုးမျိုးကြောင့် Cate, Shaw နဲ့ May တို့ ၃ ယောက် Hollow Earth ထဲရောက်သွားခဲ့တယ်။ ဒီမှာ Hollow Earth ထဲကိုရောက်တာ ရက်ပိုင်းပဲရှိသေးလို့ ကယ်မယ့်လူစောင့်နေတဲ့ Keiko နဲ့ ပြန်တွေ့ကြတယ်။ ရှိတဲ့စက်အပျက်တွေ ပြန်ပြင်သုံးရင်း လက်ရှိအချိန်ကို ပြန်လာဖို့ ကြိုးစားတာမှာ Shaw က အသေခံပြီး Hollow Earth မှာ ကျန်ခဲ့တယ်။ - 2016 - King Ghiorah Antarctica တိုက်က ရေခဲပြင်တွေအောက်မှာ မြုပ်နေတဲ့ ခေါင်းသုံးလုံးရှိတဲ့ Ghidorah ကို Monarch အဖွဲ့က ရှာဖွေတွေ့ရှိခဲ့တယ်။ - 2017 - Apex Cybernetics Hollow Earth မှာ ခနလေးသောင်တင်ပြီး ထွက်ပြေးလာခဲ့တဲ့ Keiko, Cate နဲ့ May တို့ဟာ 2017 ခုနစ် Skull Island ပေါ်က Apex Cybernetics စခန်းမှာ ပြန်လည်ထွက်ပေါ်လာခဲ့ပါတယ်။ - 2019 - Godzilla: King of the Monsters Emma နဲ့ သူ့သမီး Madison တို့ကို Alan Jonah က ပြန်ပေးဆွဲခဲ့ပြီး တခြား အိပ်စက်နေတဲ့ Titan တွေကို လိုက်နှိုးခဲ့ကြတယ်။ Emma က Alan နဲ့ပေါင်းပြီး Titan တွေကို ပြန်လွှတ်ပေးချင်တာဖြစ်ပေမယ့် သူတို့လွှတ်ပေးလိုက်တဲ့ Ghidorah က ကမ္ဘာ့ပြင်ပကလာတဲ့ ဂြိုလ်သားတစ်ကောင်ဖြစ်နေပြီး သူ့စိတ်အရ တစ်ဂြိုလ်လုံးကို ပျက်စီးအောင်လုပ်မှာဖြစ်လို့ Godzilla ပြန်နိုင်အောင် ဝိုင်းကူကြရတယ်။ နောက်ဆုံး Godzilla နိုင်ပြီး King of the Monsters ဖြစ်လာတယ်။ Dr. Serizawa နဲ့ Emma တို့ ဆုံးပါးခဲ့တယ်။ - 2021 - Kingdom Kong 2021 ခုနစ်မှာတော့ Monarch အဖွဲ့ဟာ Skull Island မှာရှိတဲ့ Hollow Earth ဝင်ပေါက်ကို တူးဖေါ်စမ်းသပ်ဖို့ လုပ်ကြတယ်။ ဒီအချိန်မှာပဲ ကြီးမားပြင်းထန်တဲ့ မုန်တိုင်းကြီးတစ်ခုကလည်း Skull Island ဆီကို ဦးတည်လာနေတယ်။ ဝင်ပေါက်ကို ဖေါက်ကွဲလိုက်မိတဲ့အချိန်မှာပဲ အထဲက Titan Camaztoz ဆိုတဲ့ လင်းနို့လိုကောင်ကြီးနဲ့ သူ့လိုအကောင်သေးသေးလေးတွေ ထွက်လာပြီး Kong နဲ့ ရင်ဆိုင်တယ်။ Iwi တွေရဲ့ ဟောကိန်းအရ နေရောင်ပျောက်တဲ့အချိန် မြေအောက်က ဒီဘုရင်ကြီးနိုးထလာမယ်လို့ ရှိတာမို့လို့ မုန်တိုင်းတွေကြောင့် နေရောင်ပျောက်တာနဲ့ အံကိုက်ဖြစ်နေတယ်။ Kong ဘက်ကနေ Monarch တိုက်လေယာဥ်တွေ ဝိုင်းကူလို့ Camaztoz ရှုံးသွားတယ်။ ဒါပေမယ့် မုန်တိုင်းကြီးကြောင့် Skull Island ရဲ့ eco system ကို လုံးဝ ထိခိုက်လာနေပြီမို့လို့ ကျွန်းပေါ်က Iwi လူမျိုးစုကို ကယ်ထုတ်ရင်း Kong ကိုပါ ပြောင်းရွှေ့ဖို့ လုပ်ကြရတယ်။ - 2024 - Godzilla vs. Kong Apex Cybernetics ရဲ့ Mechagodzilla project ကို ဖျက်ဆီးဖို့လို့ရင်း လူသားတွေနဲ့ Godzilla တို့ ထိပ်တိုက်တွေ့သလိုဖြစ်လာခဲ့တယ်။ ဒီအချိန် Skull Island က ပြောင်းရွှေ့လာတဲ့ Kong နဲ့လည်း Godzilla တို့ တွေ့ကြပြန်တယ်။ Apex ကလည်း Hollow Earth က အင်အားကြီးမားတဲ့ energy source တွေကို လိုချင်လာတဲ့အတွက် Kong ကိုလမ်းပြခိုင်းပြီး အထူးပြုလုပ်ထားတဲ့ ယာဥ်တွေနဲ့တကွ Hollow Earth ကို လိုက်သွားကြတယ်။ ဒီက ရတဲ့ Energy signature ကို ပြန်ပွားပြီး Mechagodzilla ကို အသက်သွင်းတယ်။ Kong ကလည်း Hollow Earth မှာ ပုဆိန်ပြန်ရပြီး သိပ်မကြာဘူး Godzilla ရန်စလို့ Japan ကိုသွားပြီး ရင်ဆိုင်ရပြန်တယ်။ Ishiro Serizawa ရဲ့သား Ren Serizawa ဟာ Apex က ပညာရှင်တစ်ယောက်ဖြစ်ပြီး Mechagodzilla ကိုမောင်းနှင်ရတဲ့ pilot လည်းဖြစ်တယ်။ Ghidorah ရဲ့ ဦးခေါင်းခွံနဲ့ ဦးနောက်ကိုသုံးပြီး လှုပ်ရှားတာဖြစ်တာမှာ Ghidorah က Pilot ကိုပြန်အပိုင်စီးပြီး Mechagodzilla ကိုမောင်းနှင်ခဲ့လို့ တွေ့သမျှအကုန်ဖျက်ဆီးမဲ့ပုံစံ ဖြစ်သွားခဲ့တယ်။ ဒါကြောင့် Godzilla နဲ့ Kong တို့နှစ်ယောက်ပေါင်းပြီး Mechagodzilla ကို ရင်ဆိုင် အနိုင်ယူခဲ့ရတယ်။ — (MonsterVerse Timeline ရှင်းတမ်းကို  Movie Monster FB Page မှ ကူးယူဖော်ပြပါသည်။) ထွက်ရှိပြီးသမျှ MonsterVerse ရုပ်ရှင်တွေကို ဒီမှာ  https://channelmyanmar.org/?s=monsterverse ကြည့်လို့ရပါတယ်။ +++++++++++++++++++++++++++++++++++++++++++++++++++ MonsterVerse ရဲ့ပထမဆုံးရုပ်ရှင်ကားကတော့ Godzilla (2014) ဖြစ်ပါတယ်။ Godzilla (2014) 2014 ခု နှစ်မှာထွက်ရှိခဲ့တဲ့ Godzilla ရုပ်ရှင်ဇာတ်ကားကိုတင်ဆက်ပေးလိုက်ပါတယ်.. IMDb Rating6.4 ရရှိထားပြီးတော့ Rotten Tomatoes 75% အထိလည်းရရှိထားပါတယ်.. ဒါရိုက်တာ Gareth Edwards ကနေ ရိုက်ကူးတင်ဆက်ထားခြင်းဖြစ်ပါတယ်..ဂျပန်နိုင်ငံက ရိုက်ကူးခဲ့တဲ့ Godzilla ဇာတ်လမ်းတွဲကို အမေရိကပုံစံ အသက်သွင်းပြန်လည်ရိုက်ကူးတင်ဆက်ထားခြင်းဖြစ်ပါတယ်.. အချွန်အတက်များနဲ့ရက်စက်ယုတ်မာစွာ..အဖျက်စွမ်းအားကောင်းတဲ့အထပ်မြင့်မိုးမျှော်အဆောက်အဦးများထက်ကြီးမားတဲ့သတ္တဝါကြီးတွေဟာ လူသားတွေရဲ့ရပ်တည်မှုကိုခြိမ်းခြောက်လာစဉ်မှာ ဘယ်လိုတွေဖြစ်လာမလဲဆိုတာကို ကြည့်ရှုခံစားရမှာပဲဖြစ်ပါတယ်.. ဒီတစ်ခါတော့ ဟောလိဝုဒ်က ဂျပန်တွေရဲ့ Godzilla ဇာတ်လမ်းကို ကောင်းအောင် ရိုက်နိုင်ခဲ့ပါပြီ။ ၁၉၉၈ တုန်းက နာမည်ပျက်ခဲ့တဲ့ Godzilla ဇာတ်ကား နဲ့ဒီကားက တစ်ခြားစီပါပဲ။ လက်ရှိ Godzilla ဇာတ်ကားက ဂျပန် တွေတီထွင်ခဲ့တဲ့ Gojira (Godzilla) ရဲ့ မူလ ဇာတ်လမ်းကို မှီငြမ်းပြီး ရိုက်ကူးခဲ့ပါတယ်။ ဇာတ်လမ်းကတော့ ၁၉၅၄ ကျော်လောက်ကတည်း Castle Bravo Nuclear Bomb Testing လုပ်တာကို ပြခဲ့ပြီး အဲ့ဒီတုန်းက ဗုံးက စမ်းသပ်ဗုံးမဟုတ်ပဲ Godzilla ကို သတ်ဖို့ကြိုးစားခဲ့တာပဲဖြစ်ပါတယ်။ ၁၉၉၉ ခုနှစ် မှာတော့ ဖီလစ်ပိုင်မှာ ဂေါ်ဇီလာရုပ်ကြွင်းကိုတွေခဲ့သလို ဥနှစ်လုံးကိုလည်း တွေ့ခဲ့ပါတယ်။ တစ်လုံးကတော့ ဥပေါက်သွားပြီး ထွက်သားပြီးဖြစ်နေတာကို တွေ့ရပါတယ်။ အဲ့ဒီအချိန်မှာ Breaking Bad မင်းသား Bryan Cranston (Joe Brody) နဲ့ သူ့မိန်းမက ဂျပန် Nuclear Plant မှာ အလုပ်လုပ်နေတာဖြစ်ပြီး၊ ရုတ်တရက် ငလျင် လှုပ်ခတ်သွားသလို၊ EMP (Electromagnetic Pulse) ကြောင့် မီးတွေလည်းပျက်သွားခဲ့သလို Power Plant ပြိုကျမှုကြောင့် (Trailer ထဲမှာပါတဲ့) သူ့မိန်းမ လည်း သေသွားခဲ့ပါတယ်။ သူ့မိန်းမသေတဲ့ အခန်းက ရိုက်ထားတာ အရမ်းပီပြင်ပြီး သူကိုယ်တိုင် တံခါးပိတ်လိုက်ရတာဖြစ်လို့လည်း ကြည့်ရတဲ့သူတွေကိုပါ စိတ်မကောင်းဖြစ်စေခဲ့ပါတယ်။ Joe က ဒီ Nuclear Plant ပြိုကျတာဟာ သဘာဝဘေးအန္တရာယ်မဟုတ်ဘူးလို့ ခံယူထားပြီး အစိုးရက တစ်ခုခုကို ဖုံးကွယ်ထားတယ်လို့ ယုံကြည်နေပါတယ်။ ၁၅ နှစ်ကြာပြီးမှာတော့ သူ့ရဲ့ သား Aaron Taylor-Johnson (Kick-Ass မင်းသား ဖြစ်ပြီး၊ Avengers:Age of Ultron မှာ Quicksilver အဖြစ်ပါဝင်မှာ ဖြစ်ပါတယ်။) က မိန်းမနဲ့ကလေးနဲ့ ရှိနေသလို စစ်ထပ်ထဲမှာလည်း Bomb Specialist အဖြစ် တာဝန်ထမ်းဆောင်ဖူးပါတယ်။ သူ တာဝန်ပြီးလို့ ပြန်လာတဲ့အချိန်မှာပဲ သူ့အဖေက Japan မှာ ဖမ်းခံနေရလို့ အာမခံနဲ့သွားထုတ်ပေးရာက စပြီး လွန်ခဲ့တဲ့ ၁၅ နှစ်က အဖြစ်အပျက်တွေရဲ့ အဖြစ်မှန်ကို သိခဲ့ရပါတယ်။Nuclear Power Plant ပြိုကျခဲ့တာက သဘာ၀ အတိုင်း ငလျင်မဟုတ်ပဲ MUTO (Massive Unidentified Terrestrial Object) ကြောင့်ပြိုကျခဲ့တာဖြစ်ပါတယ်။ ၁၉၉၉ ဖီလစ်ပိုင်မှာတွေ့တဲ့ MUTO ဥနှစ်ဥထဲက အထီးရဲ့ ဥက အကောင်ပေါက်ပြီး ဂျပန်ကိုရောက်လာတာဖြစ်ပါတယ်။ MUTO တွေရဲ့ အဓိက အစာက Nuclear Radiation ဖြစ်တာကြောင့် Nuclear Power Plant မှာလာပြီး အသိုက်လုပ်နေနေပါတယ်။ အဲ့ဒီအချိန်ထဲက လူတွေက မသတ်ရဲသလို မသတ် ပဲနဲ့ လေ့လာမှုတွေလုပ်နေခဲ့ကြပါတယ်။ (သတ်လိုက်ရင် သူဆီက Radiation တွေ Nuclear ဗုံးဖောက်သလို ပွင့်ထွက်မှာ စိုးလို့လို့ ရှင်းပြထားပါတယ်။) MUTO နဲ့ Godzilla တို့က လူတွေထက်နှ်စ်သန်းပေါင်းများစွာစောပြီး ကမ္ဘာကြီးမှာ Radiation တွေ ရှိနေတဲ့ အချိန်ထဲက ရှင်သန်နေတာဖြစ်ပါတယ်။ သူတို့က ဒီ Radiation ကနေ အဟာရဖြစ်ပြီး နေလာရာက တစ်ဖြည်းဖြည်း Radiation နည်းလာတဲ့နောက် ရေအောက်ထဲကို ဆင်းပြီးနေလာ ကြပါတယ်။ ရေအောက် ကြမ်းပြင်က ကမ္ဘာ့ဗဟိုနဲ့ နည်းပြီး Radiation ပိုရလို့ဖြစ်ပါတယ်။ ဖီလစ်ပိုင်မှာတွေ့တဲ့ Godzilla ရုပ်ကြွင်းက MUTO တွေကြောင့် သေတာဖြစ်မယ်လို့လည်း ရှင်းထားပါတယ်။MUTO အမရဲ့ဥကိုတော့ Nevada, USA ကို သယ်သွားခဲ့ပြီး အဲ့ဒီမှာရှိတဲ့ Nuclear Waste ထားတဲ့ တောင်ကြားထဲမှာ ထားထားပါတယ်။ အမက ဥကနေ အကောင်မပေါက်သေးပဲ အထီးက အရွယ်ရောက်လို့ အချက်ပေးတော့မှ သူက အကောင်ပေါက်လာတာဖြစ်ပါတယ်။ ၁၅ နှစ်ကြာပြီးတဲ့နောက်မှာ Japan က အထီးနဲ့ Nevada က အမတို့ San Francisco မှာ တွေ့ကြပြီး မျိုးပွားဖို့ အစီအစဉ်ဖြစ်ပါတယ်။ဒါပေမယ့် အထီးက အမကို Signal ထုတ်လွှတ်ပြီး ဆက်သွယ်ရာမှာ ကြားထဲက Godzilla က ကြားသွားပြီး တဖန် နိုးထလာပါတယ်။အဲ့ဒီကနေ Godzilla နဲ့ MUTO နှစ်ကောင်ရဲ့ တိုက်ပွဲ ကို ပရိတ်သတ်ကြီးရင်သက်ရှုမောဖွယ် ကြည့်ရှု ခံစားရမှာဖြစ်ပါတယ်။ Godzilla က ဒီကားမှာ လူတွေကို ဒုက္ခပေးဖို့မဟုတ်ပဲ "Godzilla came to restore balance to the nature" လို့ပြောထားပါတယ်။ ဆိုလိုတာက ကမ္ဘာကြီးကို ဒုက္ခပေးဖို့ လာတဲ့ ရန်သူတွေကို Godzilla က အမြဲ ရင်ဆိုင်ရပြီး ကမ္ဘာကြီးကို စောင့်လျှောက်နေတာဖြစ်ပါတယ် (Original Japan ကားကြည့်ဖူးသူတွေသိမှာပါ။)အရင်ကားဟောင်းတွေရဲ့ အရသာမပျက်ပဲ အမြင်ဆန်းနဲ့ ရိုက်ကူးထားနိုင်ပြီး Visual Effect ကောင်းကောင်း နဲ့ ကြည့်ရသလို၊ ဇာတ်လမ်း ဇာတ်သွားလည်း အရမ်းကောင်းပါတယ်။ Fight Scene တွေကလည်း အထူးကောင်းမွန်ပြီး၊ Godzilla ကို တင်ဆက်သွားတာလည်း အရမ်းပီပြင်ပါတယ်။ ဇာတ်လမ်း၊ သရုပ်ဆောင်၊ ဇာတ်ရှိန်အတက်အကျ ဘာမှပြောစရာမရှိသလို၊ Godzilla ရဲ့ အဓိက လက်နှက်ဖြစ်တဲ့ Atomic Ray ကိုလည်း မြင်တွေ့ခံစားရမှာဖြစ်ပြီး၊ ဒီဘက်ခေတ်လူငယ်တွေ၊ ၁၉၅၀ ကျော်က ဂျပန် ကားမကြည့်ဖူးတဲ့လူတွေအတွက် ဒီကားက Godzilla ရဲ့ အနှစ်သာရကို အပြည့်အ၀ ရရှိစေမှာဖြစ်ပါတယ်။ တစ်ခုရှိတာက Godzilla က အရင်တုန်းကနဲ့ ယှဉ်ရင် အနည်းငယ်ဝနေတာကိုတွေ့ရပါတယ်။အရမ်းကောင်းတဲ့ ဇာတ်ကားကောင်းတစ်ကားဖြစ်ပါတယ်။ ရုံမှာ မလွတ်တမ်း ကြည့်ရှုသင့်တဲ့ကား ကောင်း ဖြစ်ပါတယ်။ (No Sex, No Nudity) ပါ။ မိသားစုတူတူ ကြည့်နိုင်ပါတယ်။ ကလေး လူကြီးမရွေးကြည့်သင့်တဲ့ကားဖြစ်ပြီး Rated PG-13 ပါ။ #Sololay (အညွှန်းကို ရုပ်ရှင်မိတ်ဆက် Movie Review မှကူးယူဖော်ပြသည်...) File size…(5.6 GB)/(2 GB) / (1.2 GB) Quality….BluRay 4K HEVC/1080p HEVC / 720p Format…mkv/mp4 Duration….02:03:06 Subtitle….Myanmar Subtitle (Hardsub) Encoder….Ka Naung

RT 82% နဲ့ IMDb 7.6 ရထားတဲ့ ကြည့်လို့ မရိုးနိုင်တဲ့ ဇာတ်ကားဟောင်းလေးကို CM ကနေ ပြန်တင်ဆက်ပေးလိုက်ပါတယ်။ Andy Serkis နဲ့ James Franco တို့ အဓိက ပါဝင် သရုပ်ဆောင်ထားပြီး ဒါရိုက်တာ Rupert Wyatt ရိုက်ကူးထားတဲ့ သိပ္ပံစိတ်ကူးယဉ် အမျိုးအစား ဖြစ်ပါတယ်။ ဇာတ်လမ်းအကျဉ်းကတော့ အဲလ်ဇိုင်းမားရောဂါကို ကုသနိုင်မယ့် ဆေးသစ်တစ်ခုကို ထုတ်ဖို့ စမ်းသပ်ရင်းကနေ ဉာဏ်ရည် အလွန်မြင့်တဲ့ ချင်ပန်ဇီတစ်ကောင် မွေးဖွားလာပါတယ်။ လူသားတစ်ယောက်လို တွေးနိုင်၊ လုပ်ကိုင်နိုင်တဲ့ ဒီချင်ပန်ဇီဟာ အကြောင်းမလှစွာဘဲ လူသားတွေရဲ့ ရက်စက်တာကို ခံခဲ့ရတဲ့နောက် မျောက်ဝံတွေ အားလုံးကို စုစည်းပြီး လွတ်မြောက်ရာကို ထွက်ပြေးနိုင်ဖို့ ပုန်ကန်လာပါတော့တယ်။ File size…   6.3 GB / 1.7 GB /  935MB Quality… BluRay 4K /  1080p / 720p Format… mp4 Duration…. 1h 45m Genre .....  Action , Adventure Subtitle…. Myanmar Subtitle (Hard Sub) Encoder…. Thit San Khant Translated by El'MoH

Tron : Legacy (2010)ကတော့ ၂၀၁၀ ထွက် သိပ္ပံစိတ်ကူးယဉ်ကားကောင်းလေးတစ်ကားဖြစ်ပါတယ်။ မကြာခင်မှာလည်း Tron : Ares ထွက်ရှိတော့မှာဖြစ်သောကြောင့် ပြန်နွေးလို့ရအောင် Quality Update ပေးလိုက်ရပါတယ်။ ဇာတ်ညွှန်း Kevin Flynn ဟာ နည်းပညာအတော်လေးတော်တဲ့လူတစ်ယောက်ဖြစ်ပါတယ်။ သူဟာ Digital World တစ်ခုကို ဒီဆောက်နိုင်တဲ့ Coding ဆရာကြီးဆိုလည်းမမှားပါဘူး။ သူ့မှာ သားလေးတစ်ယောက်ရှိပါတယ်။ နာမည်က Sam Flynn။ Kevin က Sam ကိုပြောနေကြတစ်ခုရှိတယ်။ အဲဒါက သူ Digital World မှာ Tron လို့ခေါ်တဲ့ Digital လူသားတစ်ယောက်ကို ဖန်တီးထားတယ်။ သူနဲ့လည်းအရမ်းကိုခင်တဲ့အကြောင်း တွေပြောပြခဲ့ပါတယ်။ ကလေးပဲရှိသေးတဲ့ Sam အဖို့ ဒါဟာတကယ်ကိုကြီးမားတဲ့ စိတ်ကူးယဉ်ဇာတ်လမ်းတစ်ခုဖြစ်ခဲ့ပါတယ်။ တစ်ရက်မှာတော့ Kevin ဟာ ပျောက်ချင်းမလှပျောက်သွားပြီး Sam တစ်ယောက်တည်း လူ့လောကမှာကျန်ခဲ့ပါတယ်။ Sam အရွယ်ရောက်လာတဲ့အခါမှာ သူ့အဖေပြောပြခဲ့တဲ့ Tron ဇာတ်လမ်းဟာ တကယ်မဖြစ်နိုင်မှန်း နားလည်ခဲ့ပါတယ်။ ဒါပေမဲ့ တကယ်ဖြစ်နိုင်ခဲ့ရင်ရော.... ဆက်လက်ခံစားလိုက်ကြပါခင်ဗျာ။ File SIze : 8.3 GB / 3.8 GB / 1.2 GB Quality : Blu-Ray 4K / 1080p / 720p Running Time : 2hr 05min Format : Mp4 Genre : Action, Adventure, Sci-Fi Subtitle : Myanmar Subtitle (Hard Sub) Encoded by Thit San Khant

လူသားတွေဟာ ကိုယ့်ရဲ့အသက် သေမလား ရှင်မလား မသေချာတော့တဲ့အချိန်မှာ အတ္တကင်းကင်းနဲ့ ဆောင်ရွက်နိုင်ပါ့မလားဆိုတဲ့မေးခွန်းကို လေးစားရတဲ့ စာရေးဆရာတစ်ယောက်ဆီ မေးမြန်းဖြစ်ခဲ့တဲ့ ဘူမိဗေဒဒေါက်တာ ဟမ်စလေ ကမ္ဘာ့အဆုံးသတ်ကို အစောဆုံးသိရှိသတိပေးခဲ့သော်လည်း ကိုယ်တိုင်မလွတ်မြောက်ခဲ့တဲ့ ရူပနက္ခတ္တဗေဒ ဒေါက်တာဆက်နမ် ပြိုကွဲသွားတဲ့မိသားစုလေးကို တစ်ဘဝစာ တာဝန်မကျေခဲ့ပေမယ့် ကမ္ဘာပျက်ကပ်မှာ အသက်ရှင်သန်နိုင်မှုကို ယူဆောင်‌ပေးနိုင်ခဲ့တဲ့ မအောင်မြင်တဲ့စာရေးဆရာ ကားတစ် ၂၀၁၂ ကမ္ဘာကြီးရဲ့အဆုံးသတ်မှာ အသက်ရှင်ရပ်တည်ဖို့ ကြိုးစားခဲ့ကြတဲ့ လူ့အဖွဲ့အစည်းများ လူသားမျိုးနွယ်နဲ့ သက်ရှိမျိုးစိတ်များ အနုပညာလက်ရာများကိုပါ ဆက်လက်ရှင်သန်အောင် သူတို့ရဲ့အားထုတ်မှုက ဘယ်လိုပုံစံလဲ... ကယ်တင်မရနိုင်တဲ့လူတွေကို အေးစက်စက်နှလုံးသားနဲ့စတေးသွားကြသူတွေရယ် သူတို့နဲ့အတူ အဆုံးသတ်ရဲ့အ‌မှောင်ထဲကို ရဲရဲဝံ့ဝံ့ တိုးဝင်ခဲ့ကြသူတွေရယ်... 2012 ဆိုတဲ့ဇာတ်ကားကို 2009 ခုနှစ်မှာ ရိုက်ကူးခဲ့ပြီး မေယာပြက္ခဒိန်ရဲ့ အယူအဆကို အခြေခံရိုက်ကူးသွားတဲ့ အကောင်းဆုံးကမ္ဘာပျက်ဇာတ်ကားတွေထဲက တစ်ခုပါ ကမ္ဘာ့အပေါ်လွှာမြေမာတွေ နေရာရွေ့ကုန်ပြီး ကုန်းပြင်တွေက ရေအောက်ရောက် ရေအောက်ကြမ်းပြင်တွေ မြေပေါ်တက်လာတဲ့ အခြေအနေမှာ ရှင်သန်ဖို့ကြိုးစားကြပုံတွေကို မြင်တွေ့ရမှာပါ ။ ( ဘာသာပြန်ပြီး အညွှန်းရေးသားထားသူကတော့ Are Khun Winchester ပါ ) File Size__3.3 GB , 1.6 GB , 530 MB Quality__1080p AAC 7.1, 720p , 360p IMDb Rating__5.8/10 Format__mp4 Duration__02:37:00 Type__Action, Adventure, Si-Fi Subtitle__Myanmar Subtitle (Hardsub) Translated by Are Khun Winchester Encoded by Naing Aung Latt

Keanu Reeves ပါဝင်သရုပ်ဆောင်ထားတဲ့ သိပ္ပံအက်ရှင် ရုပ်ရှင်ဇတ်ကားကောင်း တစ်ကားဖြစ်ပါတယ် ဇတ်လမ်း ပုံစံကတော့ နောဧ ရဲ့ လှေကြီးနဲ့ ခပ်ဆင်ဆင်တူမလား ပဲ ဘုရားသခင်က အရာအားလုံးကို ဖန်ဆင်းပေးတယ် ဒါပေမယ့် တစ်ချိန်ချိန်မှာ လူသားတွေ အတ္တကြီးလာမယ် အချင်းချင်းတိုက်ခိုက်ကြမယ်ဆိုရင်တော့ ရေကြီးမှု တွေ မုန်တိုင်းတွေ မီးလောင်တိုက်တွင်းမှုတွေ ငလျင်တွေ ရောဂါ တွေ ပို့လွှတ်ပြီး ပြန်ဖျက်စီးမှာ ဖြစ်ပြီး တာဝန်ပေးအပ်ချက်အရ အသက်ရှင်မယ့် လူသား ၂ ဦး နဲ့ သတ္တဝါအစုံ ဖိုမ ၂ ကောင်ဆီ ပြန်လည်ယူဆောင်သွားပြီး ကမ္ဘာအသစ် ပြန်လည်ဖန်ဆင်းပေးမှာ ဖြစ်ပါတယ်... ဒီရုပ်ရှင်ကားမှာတော့ ကမ္ဘာကို သိမ်းယူဖို့ ဖျက်စီးမရနိုင်တဲ့ အကောင်ကြီး တစ်ကောင် အရင်ပို့လိုက်ပါတယ် ပြီးနောက် သတ္တဝါပေါင်းစုံကို သိမ်းယူမယ့် အလင်းရောင် အလုံးကြီးတွေ ကမ္ဘာအနှံ့က နေရာအစုံကို ပစ်ချလိုက်ပါတယ် ပင်လယ်ထဲကိုလဲ ပစ်ချပါတယ် ဘယ် သတ္တဝါ တစ်မျိုးစီမှ မကျန်ရအောင် အကုန်ယူဆောင်သွားပါတယ် ဒီလို ယူဆောင်လို့ ပြီးသွားရင်တော့ ဖျက်ဆီးရေး လုပ်ငန်းစတင်မှာ ဖြစ်ပြီး ဘယ်သက်ရှိမှ ကမ္ဘာပေါ်မှာ ကျန်မနေခဲ့ရတော့ပါဘူး... ဒီလို ဖျက်စီးဖို့ အတွက်ကို ကမ္ဘာဖျက်ဖို့ ရောက်ရှိလာတဲ့သူက Klaatu လို့ နာမည်တွင်တဲ့ လူသားအသွင်ယူထားတဲ့ သူတစ်ဦးဖြစ်ပြီး သူ့ကိုပေးထားတဲ့ အမိန့်အတိုင်း အကုန်ဖျက်စီးရမှာပါ ဒါပေမယ့် သူ လူသားတွေရဲ့ ဖမ်းဆီးခြင်းကို ခံလိုက်ရပြီး သူ့အပေါ် ဂရုစိုက်တဲ့ သိပ္ပံပညာရှင် Helen Benson ရဲ့ အကူအညီ နဲ့ ထွက်ပြေးနိုင်ခဲ့ပြီး သူလာခဲ့တဲ့ မူရင်း ကမ္ဘာဖျက်မယ့် ကိစ္စ ကို Helen Benson ကို ပြောပြခဲ့ပါတယ် Helen Benson ကလဲ Klaatu ထင်သလို လူသားအားလုံး အတ္တကြီးတာ မဟုတ်ကြောင်း စာနာထောက်သားသင့်တဲ့ အပြစ်မရှိတဲ့သူတွေ ရှိတဲ့အကြောင်း ရှင်းပြခဲ့ပါတယ် လူသားစိတ်မဟုတ်တဲ့ Klaatu က Helen Benson ရှင်းပြတာကို နားထောင်ပြီး ကမ္ဘာဖျက်မယ့် အစီအစဉ်ကို ရပ်တန့်သွားမလား ဒါမှမဟုတ် မူလပထမ အစီအစဉ်တိုင်း ကမ္ဘာဖျက်ပြီး အားလုံးကို သတ်မလားဆိုတာတော့ ဆက်လက်ကြည့်ရှုလိုက်ကြပါအုံး............... ဒီရုပ်ရှင်ကားကို ဘာသာပြန်ပေးထားသူကတော့ CM Translator တစ်ဦးဖြစ်သူ May Thazin Soe ဖြစ်ပြီး YK မှ Encode လုပ်ပေးထားပါတယ် File size - (1GB & 3.1Gb & 202GB) Quality - BluRay 720p , 1080p HEVC , Blu-Ray 1080p Format - MP4 Duration - 1h 46m Subtitle - Myanmar Subtitle Translated By - May Thazin Soe Encoder -YK