Dev Patel ပါဝင်သော ဇာတ်ကားများ

Rabbit Trap (2025) +++++++++ ဒါဖနီနဲ့ ဒါစီတို့ဟာ အိမ်မှာ ထူးဆန်းတဲ့ ကလေးတစ်ယောက်နဲ့ ဆုံတွေ့ရာကနေ စတင်တဲ့ လျှို့ဝှက်ဆန်းကြယ်တဲ့ ဇာတ်လမ်းတစ်ပုဒ်ပါ ကလေးရဲ့ ထူးထူးခြားခြား အပြုအမူနဲ့ စကားတွေကြောင့် သူတို့ဟာ စိတ်ဝင်စားမှုနဲ့ စိုးရိမ်မှုတွေ ရောထွေးလာပါတယ်... ကလေးက နတ်သမီးကမ္ဘာနဲ့ ဆက်စပ်နေတဲ့ ထူးဆန်းတဲ့ နေရာတွေအကြောင်း ပြောပြရင်း သူ့ရဲ့ အတိတ်နဲ့ ရည်ရွယ်ချက်တွေကို ဖြည်းဖြည်းချင်း ဖွင့်ဟလာပါတယ် ဒါဖနီဟာ ကလေးရဲ့ ပုံပြင်တွေကို စွဲလမ်းပြီး သူ့ရဲ့ အတိတ်က ဒဏ်ရာတွေကို ရင်ဆိုင်ရဖို့ တွန်းအားရလာတယ် ဒါစီကတော့ ကလေးကို သံသယဝင်ပြီး စိတ်အနှောင့်အယှက်ဖြစ်နေပါတယ် .... ဇာတ်လမ်းဟာ မိသားစု၊ ဆုံးရှုံးရတာ၊ ကြောက်ရွံ့တာနဲ့ ပြန်လည်ရှာဖွေတွေ့ရှိတာမျိုးတွေကို ပုံပြင်တွေ၊ ဂီတနဲ့ သဘာဝရဲ့ သင်္ကေတတွေနဲ့ ရောယှက်ဖော်ပြထားပါတယ် နောက်ဆုံးမှာ ဒါဖနီဟာ သူ့အတိတ်ကို လက်ခံပြီး ကိုယ်ပိုင်ခရီးကို ရှာတွေ့ခဲ့ပေမယ့် ဒါစီကတော့ ကလေးကို ဖယ်ရှားဖို့ ကြိုးစားရင်း သူတို့ရဲ့ ဆက်ဆံရေးမှာ အခက်အခဲတွေ့နေပါတယ်........ ဒီဇာတ်လမ်းဟာ စိတ်ခံစားချက်နဲ့ လျှို့ဝှက်ဆန်းကြယ်တဲ့အရာမျိုးတွေ ရောထားတဲ့ ပုံပြင်တစ်ပုဒ်မို့လို့ ကြည့်လို့ကောင်းတဲ့ ကားလေးတကားပါ......... File Size… (1.61GB) / (629MB) Quality… WEB-DL 1080p HEVC /720p Format…mkv / mp4 Duration…1h 37m Genre … Horror , Mystery Subtitle….Myanmar Subtitle (Hard Sub)

နာမည်ကြီး ဒါရိုက်တာ Wes Anderson ရိုက်ကူးထားတဲ့ ဇာတ်လမ်းတို လေးပုဒ်ပါဝင်တဲ့ ရုပ်ရှင်ကားလေးပါ ကလေးပုံပြင်စာရေးဆရာ Roald Dahl ရဲ့ ဝတ္ထုတွေကို ပြန်အသက်သွင်းထားတာ ဖြစ်ပြီး Wes Anderson ရဲ့တမူထူးတဲ့ တင်ဆက်ဟန်က ပရိသတ်နှစ်ဖွဲ့ကွဲစေမှာပါ တစ်ဖွဲ့က သူ့ရဲ့ ကိုယ်ပိုင်ဟန်ကို သဘောကျမယ့်လူနဲ့ နောက်တစ်ဖွဲ့ကတော့ စတိုင်မလိုင်တွေ များလွန်းတယ်ဆိုပြီး မျက်စိဆံပင်မွှေးစူးမယ့် ပုံစံမျိုးပါ ဒီထဲမှာဆိုရင် - အိန္ဒိယက ကျင့်စဥ်တစ်ခုကို ကျင့်ပြီး ကာစီနိုလောင်းသူ - ငန်းဖြူပုံပြင် - ထူးဆန်းတဲ့ ကြွက်ဖမ်းသမား - ဗိုက်ပေါ်က မြွေဆိုတဲ့ ပုံပြင်လေးပုဒ်ကို တမူထူးခြားစွာ ရသမြောက်အောင် တင်ဆက်ထားတာကို ကြည့်ရှုရမှာ ဖြစ်ပါတယ် File size…(1.4 GB)/(1 GB) Quality….Webrip 1080p / 720p Format…mp4 Duration….01:28:00 Genre... Fantasy, Adventure Subtitle….Myanmar Subtitle (Hardsub) Encoder….Mr. Anderson Translated by Sike Tan

Monkey Man (မွန်ဘိုင်း John Wick) အိန္ဒိယ အက်ရှင်ဇာတ်ကြမ်းတစ်ခု ထွက်လာပါပြီ။ ဒါရိုက်တာ၊ ဇာတ်ညွှန်း၊ သရုပ်ဆာင်အဖြစ် Slumdog Millionaire ထဲက ဂျာမဲအကြီးကောင်လေးအဖြစ် သိကြတဲ့ Dev Patel ပါဝင်ထားပါတယ်။ Dev Patel ဟာ ၁၀နှစ်သားကတည်းက တိုက်ကွမ်ဒိုသမားဖြစ်ခဲ့ပြီး ၁၆ နှစ်သားမှာ ခါးပတ်နက်ဖြစ်နေပါပြီ။ ဒီရုပ်ရှင်ဟာ အစက နက်ဖလစ်မှာ တင်ဖို့ ရိုက်ထားတာ ဖြစ်ပေမဲ့ Jordan Peele ကြည့်မိသွားပြီး ဒါမျိုးကားက ရုံပါတင်သင့်တယ်လို့ ယူဆလို့ နက်ဖလစ်ဆီကနေ ရုံတင်နိုင်အောင် စီစဉ်ပေးခဲ့တာပါ။ ဒါရိုက်တာမင်းသားရဲ့အပြောအရတော့ အက်ရှင်အများစုမှာ ဖြစ်တတ်တဲ့ ဇာတ်အိမ်မခိုင်မာတာကို ပြင်ထားပြီး ဇာတ်အိမ်ခိုင်ခိုင်၊ နောက်ကြောင်းခိုင်ခိုင်နဲ့ အိန္ဒိယဓလေ့တွေ ထည့်သွင်းရိုက်ကူးထားတာဖြစ်ပါတယ်။ အပြောအဆိုနဲ့ အတိုက်အခိုက်ခန်းတွေကြမ်းလို့ ကလေးငယ်တွေအတွက်တော့ မသင့်တော်ပါဘူး။ ဇာတ်လမ်းအကျဉ်း မြေအောက်လက်ဝှေ့ဝိုင်းတွေမှာ လုပ်ပွဲတွေ အထိုးခံပြီး ငွေရှာလေ့ရှိတဲ့ မျောက်မျက်နှာနဲ့လူငယ်လေးတစ်ယောက်။ ရင်ထဲမှာ အမုန်းတွေကလဲ့စားတွေနဲ့ပြည့်နေပြီး အထိုးခံစရာ နာစရာကိုရှာရင်းအသက်ရှင်နေတဲ့လူတစ်ယောက်၊ ဘာသာရေးအကြောင်းပြ၊ ဘာသာရေးသမားနဲ့ နိုင်ငံရေးသမားတို့ ရဲနဲ့ပေါင်းပြီး မြေမတရားသိမ်း၊ မိခင်ကို သတ်ဖြတ်ခဲ့တာတွေအတွက် တစ်သက်လုံး အငြိုးတွေနဲ့ ကြီးပြင်းလာတဲ့လူတစ်ယောက်။တစ်နေ့မှာတော့ သူ့ရဲ့ကလဲ့စားနဲ့အတူ အခြားသူတွေအတွက်ပါ တိုက်ခိုက်ပေးဖို့ အကြောင်းပြချက်တွေရှိလာပါတယ်။ သူလက်စားချင်ချင်တဲ့လူတွေကလည်း အိန္ဒိယရဲ့ ဩဇာအကြီးဆုံးအသိုင်းအဝိုင်းဖြစ်နေပြီး ဂရုဆရာတော်ကြီး၊ ရဲမှူးချုပ်နဲ့၊ ပါတီကြီးတစ်ခုတစ်ခုရဲ့ ခေါင်းဆောင်ဖြစ်နေတော့ ရဲတွေ လုံခြုံရေးတွေနဲ့ လူမိုက်တွေကို ရအောင်ကျော်ဖြတ်ပြီး လက်စားချေဖို့ကြိုးစားပုံတွေကို ပြထားတာပါပဲ။ အက်ရှင်ပရိသတ်တွေ အကြိုက်တွေ့မှာပါ၊ File size…(5.8 GB)/(2.1 GB)/(1 GB) Quality….WEB-DL 4K HEVC/1080p / 720p Format…mp4 Duration….02:01:00 Genre…Action, Thriller, Crime Subtitle….Myanmar Subtitle (Hardsub) Encoder….Mr. Anderson , Ka Naung Translated by Mr Anderson

IMDb Rating - 7.4/10 ကျွန်တော်ငယ်ငယ်တုန်းက ကြီးကျယ်ခန်းနားတဲ့ စွန့်စားခန်းတွေအကြောင်း ပုံပြင်တွေ နားထောင်ရရင် အရမ်းပျော်ပါတယ်။ ပုံပြင်ပြီးသွားရင်တောင် အတွေးထဲက သူရဲကောင်းကြီးကတော့ စွန့်စားခန်းတွေ ဆက်ဖွင့်နေတုန်းပါပဲ။ တစ်ခါတစ်လေ အိပ်မက်ထဲထိတောင် ရောက်လာပြီ ဘီလူကြီးတွေ နဂါးကြီးတွေနဲ့ ရင်ဆိုင်နေလိုက်ပါသေးတယ်။ ဒီလိုနဲ့ အရွယ်ရောက်လာတော့ အဲဒီပုံပြင်တွေကိုသာ ရုပ်ရှင်အဖြစ် ရိုက်ကူးကြရင် ဘယ်လိုများဖြစ်မလဲ စိတ်ကူးကြည့်ဖူးပါတယ်။ သင်လည်းအဲ့လိုစိတ်ကူးဖူးတယ်ဆိုရင် ဒီဇာတ်ကားကို ကြည့်ကြည့်ဖို့ တိုက်တွန်းချင်ပါတယ်။ The Green Knight 2021 ဟာ ဂန္ဓဝင်ဝတ္ထုတစ်ပုဒ်ဖြစ်တဲ့ ဘုရင်အာသာရဲ့ တူဖြစ်သူ ဆာဂါဝင်ရဲ့ စွန့်စားခန်းအကြောင်းကို ပြန်ရိုက်ကူးထားတာပါ။ ဒါရိုက်တာ David Lowery ရဲ့ ရိုက်ချက်တွေကို ကြည့်ဖို့သက်သက်နဲ့တင် ဒီကားက ကြည့်ဖို့တန်တဲ့ကားတစ်ကားပါ။ ဂန္ဓဝင်ဇာတ်လမ်းတစ်ပုဒ်ကို ခေတ်ပေါ်နည်းပညာတွေနဲ့ ပုံဖော်ထားတဲ့ အနုပညာမြောက်ကားတစ်ကားလို ပြောလို့ရပါတယ်။ အဓိကဇာတ်ဆောင်အနေနဲ့လည်း အော်စကာဆုရ Slumdog Millionaire ဇာတ်ကားရဲ့ မင်းသား Dev Patel က ဂါဝင် အနေနဲ့ ပါဝင်ထားပါတယ်။ (ဒီဇာတ်လမ်းရဲ့ အညွှန်းကို Htet Wai Lwin မှရေးသားပေးပြီး၊ ဘာသာပြန်ရေးသားပေးသူများကတော့ F&R Team ပဲ ဖြစ်ပါတယ်။) Quality – 1080p, 720p, 360p WebDL Duration - 2h 10min Subtitle – Myanmar Hardsub Format – Mp4 Genre : Adventure, Drama, Fantasy Source : 1080p.WebDL Translator – F&R Team Encoder – SWM

လန်ဒန်က အမျိုးသားတစ်ယောက် ပါကစ္စတန်က မင်္ဂလာပွဲတစ်ခုကိုသွားဖို့ပြင်ဆင်နေတယ်... ဒါပေမယ့် သူ့မျက်နှာက မှိုင်းညိုလို့ ပျော်ရွှင်နေတဲ့ပုံလည်းမပေါက်ပါလား... ဒါတင်မကသေးဘူး သူယူသွားဖို့ ပြင်ဆင်နေတဲ့ပစ္စည်းတွေကလည်း သမာရိုးကျမဟုတ်ပြန်ဘူး ... ဒါဆို သူအဲ့မင်္ဂလာပွဲကို သွားရတဲ့ရည်ရွယ်ချက်က ဘာများလဲ.. သူကရော ဘယ်သူလဲ... သူတက်မယ့် မင်္ဂလာပွဲကို ကျင်းပမယ့်သူတွေက သူနဲ့ဘယ်လိုတော်စပ်နေသလဲ... ဇာတ်ကားတစ်ကားလုံး စလယ်ဆုံး ဘာဖြစ်မလဲ ဘာဖြစ်မလဲဆိုပြီး ရင်တထိတ်ထိတ်နဲ့ကြည့်ရှုရမယ့်ဇာတ်လမ်းကောင်းတစ်ပုဒ်မို့ မ spoil တော့ပါဘူး ကိုယ်တိုင်ပဲကြည့်ရှုခံစားလိုက်ပါ... (ဇာတ်လမ်းအညွှန်းနဲ့ဘာသာပြန်ပေးထားသူကတော့  မေမြတ်သူ ပါ) File Size : (750 MB) and (380 MB) Quality : WEB-DL 720p Running Time : 1hr 38min Format : Mp4 Genre :  Thriller  Subtitle : Myanmar Subtitle (Hard Sub) Source : 1080p.WEB-DL.DD5.1.H264-FGT Translated by May Myat Thu Encoded by THZ

Drama/Thriller IMDb - 7.8/10 Hotel Mumbai ဆိုတာ အိန္ဒိယနိုင်ငံရဲ့ နာမည်ကြီး ကြယ်ငါးပွင့် ဟော်တယ်ဖြစ်ပြီး ဒီဇာတ်ကားမှာလည်း 2008 ခုနှစ်က အဲ့ဒီဟိုတယ်ကြီးမှာ ဖြစ်ပွားခဲ့တဲ့ ဖြစ်ရပ်မှန်အကြောင်းအရာများကို မှီငြမ်းရိုက်ကူးထားပါတယ်... ဘာသာရေးအထိကရုဏ်းတွေနဲ့ မဝေးကွာတဲ့ မြန်မာနိုင်ငံအတွက် ဘာသာရေး ပဋိပက္ခဆိုတာ မစိမ်းလှပါဘူး...ဒီဇာတ်ကားဟာလည်း အလ္လာရှင်မြတ်ကို အကြောင်းပြုပြီး ဘာသာရေးမှိုင်းတိုက်ကာ အကြမ်းဖက်တဲ့ဇာတ်ကားတစ်ကားပါ... ကြိုးကိုင်ခြယ်လှယ်သူတစ်ယောက်ရဲ့ ရုပ်သေးရုပ်တွေဖြစ်တဲ့ လူငယ်ဆယ်ယောက်ဟာ မွန်ဘိုင်းမြို့ကို လှေနဲ့ချဉ်းကပ်လာခဲ့ပြီး သူတို့ရဲ့ခေါင်းဆောင်ညွှန်ကြားတဲ့အတိုင်း တသဝေမတိမ်း လုပ်ဆောင်ကြရပါတယ်...သေဆိုသေ...ရှင်ဆိုရှင်...သေနတ်ဆိုသေနတ်...ဗုံးဆိုဗုံးပါ... ဘာသာရေးမှိုင်းမိနေတဲ့ လူငယ်လေး ဆယ်ယောက်ဟာ အထက်ကညွှန်ကြားတဲ့အတိုင်း အသက်စွန့်လုပ်ဆောင်တဲ့အခါမှာတော့ "အလ္လာရှင်မြတ်ဟာ ကြီးမြတ်တယ်" ဆိုတဲ့ ကြွေးကြော်သံတွေနဲ့အတူ သူတို့ကိုသူတို့ ဘုရားထံ အပ်နှံထားကြပါတယ်... မွန်ဘိုင်းမြို့က ပြည်သူတွေဟာ ဘုရားမသိ တရားမရှိ ဒိဌိတွေလို့ မှိုင်းတိုက်ခံထားရတဲ့ လူငယ်လေးတွေအတွက် လုပ်ဆောင်သမျှအရာတိုင်းကို ဘုရားရှင်ကောင်းကျိုးအတွက်လို့ ခံယူလာတဲ့အခါမှာတော့ အရာရာဟာ သွေးပျက်ဖွယ်တွေ ဖြစ်လာပါတော့တယ်.... ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်... File Size : (950 MB) and (374 MB) Quality : WEB-DL 720p, Format…mp4 Duration…02:03:00 Genre :  Drama, History, Thriller Subtitle : Myanmar Subtitle (Hard Sub) Translated by  Paing Encoded by Phyo Pyae

Lion (2016) IMDb Rating (8.0)/ Rotten Tomatoes ( 84%) Nominated for 6 Oscars. Another 59 wins & 98 nominations ဆိပ်ကမ်းမဲ့တဲ့မြစ် (Lion - 2016) အိန္ဒိယနိုင်ငံရဲ့ ကျေးလက်ဒေသလေးမှာ Saroo လို့ ခေါ်တဲ့ ငါးနှစ်သား ကလေးငယ်လေးအဖို့တော့ ဘဝဟာ ပျော်စရာအတိပါပဲ။ အကိုဖြစ်သူ Guduu နဲ့အတူ ရထားပေါ်တက်၊ကျောက်မီးသွေးတွေခိုး၊ အစောင့်တွေ့သွားရင် ရထားပေါ်က ခုန်ချ၊ မုန့်ဆိုင်ကို မီးသွေးပြန်ရောင်း၊ ရတဲ့ ငွေက မုန့်ဖိုးပဲဖိုးပေါ့။ အမေက ကျောက်ထုတ်လုပ်ငန်းတစ်ခုမှာ လုပ်တယ်။ ညီမအငယ်ဆုံးလေး တစ်ယောက်လည်း ရှိသေးရဲ့။ ဆင်းရဲပေမယ့် အရမ်းချစ်ကြတဲ့ စိတ်ချမ်းသာစရာ မိသားစုလေးပါ။ အကို Guduu က ညဘက်ဆိုလည်း ရထားဘူတာမှာ ကုန်ထမ်းတဲ့ အလုပ်,လုပ်ရသေးတယ်။ ယောကျ်ားလေးပီပီ Saroo ကလည်း အကိုနဲ့ လိုက်ချင်တယ်။ အကိုက တားပေမယ့် ဇွတ်လိုက်ချင်တယ် လုပ်နေတာနဲ့ ခေါ်သွားရတယ်။ ညီလေးကို ချစ်တာကိုး။ ပိုက်ဆံရရင် မင်းကြိုက်တဲ့ စလေဘီမုန့် ဝယ်ကျွေးမယ်တဲ့။ ရွာနဲ့နီးတဲ့ မီးရထားဘူတာလေးကို ညီအကို နှစ်ယောက် ရောက်လာခဲ့ကြတယ်။ ဘူတာရုံလည်းရောက်ရော ညီလေး Saroo က အိပ်ချင်ပြီ ဆိုပြီး ခုံတန်းလျားပေါ် လှဲအိပ်တော့တာပဲ။ အကိုက ထပါ ခေါ်လည်း မရတော့ဘူး။ အဲဒါနဲ့ ''ညီလေး ဒီမှာ အိပ်စောင့်ဦး အကို အလုပ်သွားလုပ်မယ်၊ အကို ပြန်လာရင် စလေဘီ ဝယ်ခဲ့မယ်'' ဆိုပြီး ခဏထားခဲ့တယ်။ Saroo တရေးနိုးလာတော့ ညသန်းခေါင်အချိန်..ဘူတာထဲမှာ လူသူမရှိ တိတ်ဆိတ်လို့။ အကိုလည်း ပြန်မလာသေးဘူး။ ဘူတာစင်္ကြန်မှာ ဘယ်အချိန်က ရောက်နေမှန်း မသိတဲ့ ရထားတစ်စင်းက ထိုးစိုက်ထားတာလည်း တွေ့တယ်။ ကလေးပီပီ စူးစမ်းစိတ်နဲ့ ရထားတွဲပေါ်တက်၊ ဟိုဟိုဒီဒီကြည့်ရင်း တရေးအိပ်ပျော်သွားပြန်ရော။ Saroo ခုတခါ နိုးလာတော့ ရထားက အရှိန်နဲ့ ခုတ်မောင်းနေပြီ။ ဖြစ်ချင်တော့ သူတက်အိပ်နေတဲ့ ရထားဟာ ခရီးသည်မတင်ဘဲ တွဲအလွတ်တွေချည်းပဲ ဆွဲပြီး ထွက်လာတဲ့ ရထားပါ။ ကလေး ပါလာမှန်းလည်း ဘယ်သူမှ မသိဘူး။ အပြင်ကနေ lock ချပြီး ဘူတာစဉ် မရပ်နားဘဲ ခုတ်မောင်းနေတဲ့ ရထားပေါ်က Saroo အဖြစ်ဟာ ကူရာမဲ့ကယ်သူမဲ့ပါပဲ။ ရထားခရီးစဉ်က နှစ်ရက်ကြာမြင့်ခဲ့ပြီ။ မျက်ရည်စက်လက်နဲ့ Saroo ခင်မျာတော့ ခုံအကြိုအကြားက စားကြွင်းစားကျန်တွေ ရှာစားပြီး အိပ်လိုက်၊ ဘယ်နေရာမှန်း မသိတဲ့ ရထား အပြင်ကို ငေးမောလိုက်နဲ့ လိုက်ပါလာရတယ်။ ဒါနဲ့ ရထားဟာ ကာလက္ကတားမြို့ ဘူတာကြီးကို ဆိုက်ရောက်တော့မှ Saroo လည်း ရထားပေါ်က ဆင်းလို့ ရတော့တယ်။ ဘယ်အရပ်ဒေသမှန်းမသိ၊ လူတွေ ပျားပန်းခတ်မျှ ရှုပ်ထွေးနေတဲ့ ဘူတာရုံ၊ ဒေသမတူလို့လည်း ဘာသာစကားကလည်း မတူ၊ အမေ နဲ့ အကိုကို တမ်းတရင်း ငိုနေတဲ့ ၅ နှစ်သား ညစ်ထေးထေး ကလေးငယ်ကို ဘယ်သူကမှ အရေးတယူလုပ် မလုပ်ကြ။အမှန်တော့ Saroo တစ်ယောက် အိမ်နဲ့ မိုင်ထောင်ချီဝေးရာ အရပ်ကို ရောက်နေပါပြီ။ အိမ်မဲ့ယာမဲ့ကလေးတွေ ကြားမှာ ရောအိပ်၊ ကလေးဖမ်းသူတွေနဲ့ တွေလို့ ထွက်ပြေး၊ လူပွဲစားတွေ လက်က ထွက်ပြေး၊ ဘူတာနားမှာပဲ အငတ်ငတ်အပြတ်ပြတ်နဲ့ အမှိုက်ကောက်စား။ ရဲနဲ့တွေ့တော့လည်း Saroo ပြောတဲ့ သူ့ရွာနာမည်ကို ရဲက နားမလည်။ ငါးနှစ်သားဆိုတော့လည်း ပြည်နယ်တွေ၊ ခရိုင်တွေ၊ မြို့တွေ မပြောတတ်၊ သူပြောတဲ့ရွာနာမည်ဆိုတာလည်း သူ ခေါ်တတ်သလို ခေါ်တာ၊ မှန်ချင်မှ မှန်မယ်။ လူမှုဝန်ထမ်းက သတင်းစာမှာ ကြော်ငြာထည့်ပေးပေမယ့် ပြည်နယ်တွင်းဖြန့်တဲ့ သတင်းစာဟာ မိုင်ထောင်ချီဝေးတဲ့ Saroo တို့ ဒေသကို ဘယ်ရောက်ပါ့မလဲ။ ရောက်ရင်လည်း ဇနပုဒ်မှာ နေတဲ့ စာမတတ် ပေမတတ်အမေက ဘယ်ဖတ်တတ်မတုန်း။ နောက်တော့ မိဘမဲ့ဂေဟာမှာ ဆင်းဆင်းရဲရဲနေရတဲ့ Saroo ရဲ့ ဘဝကြမ္မာအလှည့်အပြောင်းတစ်ခု ပေါ်လာပြန်ပါတယ်။ သြစတေးလျမှာနေတဲ့ Brierly ဇနီးမောင်နှံက Saroo ကို မွေးစားဖို့ ကမ်းလှမ်းလာပါတယ်။ မိသားစုနဲ့ ပြန်တွေ့ဖို့ သမုဒ္ဒရာထဲ အပ်ပျောက်ရှာသလို ခဲယဉ်းသွားပြီဖြစ်တဲ့အတွက် Saroo လည်း အိမ်နဲ့ ဝေးသထက်ဝေးရာ တိုင်းတပါးက မိဘအသစ်တွေဆီ ရောက်ရှိလာပါတော့တယ်။ အနေအေးပြီး ညဏ်ကောင်းတဲ့ Saroo ကို မွေးစားမိဘနှစ်ပါးက သားအရင်းနဲ့ မခြား ချစ်ခင်ကြပြီး လိုလေသေးမရှိအောင် စောင့်ရှောက်ပေး ပြုစုပျိုးထောင်ပေးခဲ့တယ်။ မိသားစုနဲ့ ကွဲကွာအပြီး ၂၅ နှစ်အကြာ Saroo လည်း အရွယ်ရောက်၊ Brierly မိသားစုရဲ့ သားလိမ္မာတစ်ယောက် ဖြစ်နေပါပြီ။ မဲလ်ဘုန်းက တက္ကသိုလ်တစ်ခုမှာ ပညာသင်ယူရင်း အိန္ဒိယနိုင်ငံက ကျောင်းလာတက်သူ သူငယ်ချင်းတွေနဲ့ ဆုံမှ နှစ်ပေါင်းများစွာ ဝေးနေရတဲ့ သူ့အိမ်၊ သူ့ မိသားစုကို ပြန်ရှာဖို့ လမ်းစကို စဉ်းစားမိပါတော့တယ်။ သူမှတ်ထားတဲ့ ရွာနာမည်ကလည်း လွဲနေတော့ အိမ်ကို ရှာဖို့က အရမ်းခဲယဉ်းတယ်။ သူမှတ်မိတာ သူ့ကို အရမ်းချစ်တဲ့ အမေ၊ သူ့ကို အရမ်းဂရုစိုက်အလိုလိုက်တဲ့ အကို၊တောတန်းလေးကို ဖြတ်ပြန်ရတဲ့ သူ့ရွာလေး၊ အမေနဲ့အတူ ကျောက်သယ်ရတဲ့ ကျောက်တောင်ကုန်းတွေ၊ ညီအကိုနှစ်ယောက် ရေချိုးကြတဲ့ ရထားလမ်းဘေးက ဆည်လေး။ တကယ်တော့ Saroo ဟာ ၂၅ နှစ်လုံးလုံး တစ်ရက်မှ မပျော်ခဲ့ရဘူး။ ဘယ်ဆီရောက်နေမှန်း မသိတဲ့ မိသားစုကို လွမ်းဆွတ်စိတ်ကြောင်း တမြေ့မြေ့ခံစားနေရတယ်။ အိပ်မက်ထဲမှာ အမေ့ဆီ ပြန်ရောက်နေတယ်လို့ပဲ မက်တယ်။ အရွယ်ရောက်လာလေ စိတ်ထိခိုက်ကြေကွဲရလေပဲ။ သူ့နာမည်ကို တကျော်ကျော်အော်ခေါ်ပြီး ရှာနေမယ့် အကို၊ သေလားရှင်လား မသိတဲ့ သားအတွက် သောကဖိစီး ငိုကြွေးနေမယ့် အမေ တို့ကို မြင်ယောင်ရင်း ကြေကွဲဝမ်းနည်းမိရတယ်။ အထူးသဖြင့် မွေးစားမိဘများ ကျေးဇူးကြောင့် ရပ်ဝေးမှာ ကောင်းကောင်း နေထိုင်၊စားသောက်နေရချိန်မှာ ဆင်းရဲတဲ့ သူ့ မိသားစုကို အတွေးထဲမှာ ပုံဖော်ကြည့်ပြီး စိတ်ထိခိုက်ရပြန်တယ်။ Saroo တစ်ယောက် ကောက်ရိုးပုံထဲ အပ်ရှာသလို လူဦးရေ သန်းထောင်ချီရှိတဲ့ အိန္ဒိယက မွေးရပ်မြေ၊ မိသားစုကို ပြန်တွေ့ဖို့ ကြိုးပမ်းရတဲ့ ရှာပုံတော်ခရီးဟာ............ လူဦးရေ သိပ်သည်းဆ များပြားပြီး ဆင်းရဲနွမ်းပါးသူပေါများတဲ့ အိန္ဒိယမှာ နှစ်စဉ် ကလေးပျောက်မှု ၈၀၀၀၀ လောက် ပျမ်းမျှ ဖြစ်ပွားလေ့ရှိသတဲ့။ Saroo ရဲ့ ကြေကွဲဖွယ်ဖြစ်ရပ်ဟာ အဲဒီလို ဖြစ်စဉ်ပေါင်းများစွာထဲက တစ်ခုပါ။ ဒီရုပ်ရှင်ဟာ ကာယကံရှင် Saroo Brierly ရေးတဲ့ A long way home စာအုပ်ကို အခြေခံပြီး ရိုက်ကူးထားတာ ဖြစ်ပါတယ်။ ရုပ်ရှင်အစအဆုံး ဇာတ်ဝင်ခန်းတွေ တစ်ခန်းချင်း ကြည့်နေရင်း တကယ့် ဖြစ်ရပ်ပါလားဆိုတဲ့ အသိကြောင့် ကာယကံရှင်တွေရဲ့ သောကဗျာပါဒမီးဟာ ကြည့်ရှူသူကိုပါ အရှိန်ဟပ်စေပါလိမ့်မယ်။ မိသားစုနဲ့ခွဲနေရလို့ အိမ်လွမ်းသူ ကျွန်တော့်အဖို့လည်း သေမှန်းမသိ၊ ရှင်မှန်း မသိ ရှင်ကွဲကွဲနေရတဲ့ သူတို့မိသားစုထက်စာရင် တော်ပါသေးလားလို့ ဖြေတွေးတွေးရပါတယ်။ ကိုယ်တွေရဲ့ အလွမ်းဟာ Saroo နဲ့ ယှဉ်ရင် ကလေးကစားစရာလောက်ပဲ ဖြစ်နေမလားဘဲ။ Dev Patel၊ Rooney Mara၊ Nicole Kidman စတဲ့ သရုပ်ဆောင်ကောင်းများ ပါဝင်ထားပြီး အော်စကာတစ်ကြို ၆ ဆု စာရင်းပါခဲ့တဲ့ကားပါ။ ကလေးသရုပ်ဆောင်များရဲ့ သဘာဝကျကျ သရုပ်ဆောင်မှုများကလည်း ချီးကျူးထိုက်ပါတယ်။ ဝတ္ထုပုံပြင်တွေထက် ဆန်းကြယ်တဲ့ တကယ့် ဘဝဖြစ်ရပ်မှန် ဇာတ်လမ်းကောင်တစ်ကားမို့ ကြုံကြိုက်ရင် ကြည့်ဖြစ်အောင် လက်တို့ညွှန်းဆိုလိုက်ပါတယ်။ (ရုပ်ရှင်အညွှန်းကို  Phyo Myint Wai FB မှ ကူးယူဖော်ပြပါသည်။) File size…(1.7 GB )/ (990 MB) Quality…BluRay 1080p HEVC / 720p Format…mkv/mp4 Duration….01:58:00 Subtitle….Myanmar Subtitle (Hardsub) Encoder….Ka Naung Translated by Myint Thinzar

လွန်ခဲ့သောနှစ်ပေါင်းတရာကျော်ကာလ တခုသောနွေဦးရာသီမှာ အင်္ဂလန်မှာရှိတဲ့ Trinity ကောလိပ်မြေပေါ်ကို အိန္ဒိယလူငယ်လေးတယောက်ဟာ အိပ်မက်တွေတပွေ့တပိုက်နဲ့ မဝံ့မရဲခြေချခဲ့ပါတယ်။ ... Ramanujan ဆိုတဲ့ ဒီလူငယ်ဟာ အင်္ဂလန်မြေကို ရောက်လာဖို့ သူ့ဘဝတခုလုံး ပုံအောခဲ့ရတာဖြစ်ပါတယ်။ သူဟာ အိန္ဒိယမှာ သာမန်စာရေးအလုပ်ရဖို့ ရုံးပေါင်းစုံမှာ အောက်ကျို့ပြီးအလုပ်လိုက်တောင်းသည့်တိုင် နေရာကောင်းကောင်း မရပါဘူး။ သူ့မှာ ဘွဲ့ဒီဂရီမရှိလို့ ဖြစ်ပါတယ်။ ဒါပေမယ့် တဖက်မှာ ဝါသနာအရ သင်္ချာပညာကို လေ့လာလိုက်စားမှုဟာ သူ့ကို ကမ္ဘာသစ်တခုထဲ ခေါ်ဆောင်သွားခဲ့ပါတယ်။ သူ့ရဲ့လေ့လာတွေ့ရှိချက်များဟာ သူ့အတွက် အင်္ဂလန်သွားသင်္ဘောလက်မှတ် ဖြစ်စေခဲ့ပါတယ်။ ... ရာမနုဂျန်တယောက် အင်္ဂလန်မြေကို အရဲစွန့်ရောက်လာချိန်ဟာ အိန္ဒိယဟာ ဗြိတိသျှကိုလိုနီဖြစ်နေချိန်ပဲ ဖြစ်ပါတယ်။ အင်္ဂလိပ်ပါမောက္ခတွေဟာ နဂိုကမှ ကိန်းခန်းကြီးတဲ့အပြင် လက်အောက်ခံနိုင်ငံတခုက အောက်ခြေလူတန်းစားသာဖြစ်တာမို့ အသက် ၂၇ နှစ်အရွယ် ဒီလူငယ်ကိုတွေ့ကာစမှာ သူတို့ သိပ်တော့အထင်မကြီးပါဘူး။ ... ဒါပေမယ့် သွေးကြီးတဲ့ Cambridge ပါမောက္ခကြီးတွေနဲ့ အိန္ဒိယလူငယ်လေးကို တခုသောအရာက နီးကပ်စေခဲ့ပါတယ်။ အဲဒါကတော့ ပညာဆိုတဲ့အရာပဲ ဖြစ်ပါတယ်။ ... တကယ့်ဖြစ်ရပ်မှန်ကို ရိုက်ကူးထားတဲ့ဒီဇာတ်လမ်းကို ကြည့်ပြီးချိန်မှာ အတွေးဝင်မိတာရှိပါတယ်။ အဲဒါကတော့ ပညာကိုချစ်မြတ်နိုး တန်ဖိုးထားတတ်ပုံခြင်းတူရင် လူမျိုးအဆင့်အတန်းကွာခြားမှုတွေ ရှိနေသည့်တိုင် နီးစပ်သွားနိုင်ပြီး ပညာအပေါ်တန်ဖိုးထားမှုမတူတဲ့အခါ အသိုက်အဝန်းတခုအတွင်း ရှိနေသည့်တိုင်အောင် ဝေးကွာနေတတ်တယ်ဆိုတာပါပဲ..... ... ဒီကားထဲမှာ ကြိုက်မိတဲ့ dialogue လည်း ရှိပါတယ်။ ကမ္ဘာကျော်တက္ကသိုလ်ကြီးရဲ့ ပရိဝုဏ်မြေအနင်းမှာ မင်သက်အံ့သြသွားတဲ့ အိန္ဒိယသားလေး Ramanujan ကို John Littlewood က ယခုလို အားပေးစကားပြောပါတယ် ... ''Great knowledge often comes from the humblest of origins'' ................ Phoe Thant (3.2.17) ဒီဇာတ်ကား အညွှန်းကိုတော့ ကို Thant Zin ရဲ့ Facebook စာမျက်နှာကနေ ကူးယူဖော်ပြပါသည်။ (Thit San Khant) Encoder Arkar Phyo

2015 မှာ ထွက်ရှိထားတဲ့ Chappie ဆိုတဲ့ စက်ရုပ်ဇာတ်လမ်းကောင်းလေးတစ်ကားကို တင်ပေးလိုက်ပါတယ်… လူသားဆန်တဲ့စက်ရုပ်တစ်ရုပ်အကြောင်းကိုရိုက်ကူးထားတဲ့ ဇာတ်လမ်းကောင်းလေးဖြစ်ပါတယ်… Movie Review ကို ဖတ်ကြည့်ပါဦး.. ဂျိုဟန်းနက်စ်ဘာ့ဂ်မှာ မှုခင်းတွေဆိုးဆိုးရွားရွားဖြစ်ပွားတာကို လျှော့ချဖို့ ကြိုးပမ်းနေတဲ့ တောင်အာဖရိက အစိုးရဟာ ရဲတွေနေရာမှာ စက်ရုပ်ရဲတွေကိုအစားထိုး တာဝန်ထမ်းဆောင်စေခဲ့ပါတယ်။ စက်ရုပ်တီထွင်တဲ့ ဒီဇိုင်နာဒီယွန်ဝီလ်ဆင်ဟာ လူသားတွေလိုပဲ အသိဉာဏ်ရှိပြီး ခံစားမှုပါရှိတဲ့စက်ရုပ်တစ်ရုပ်ကို တီထွင်လိုပေမယ့် အထက်လူကြီးတွေရဲ့ ခွင့်ပြုချက်မရခဲ့ပါဘူး။ ဒါပေမဲ့လည်း  ဒီယွန်ဟာ သုံးလို့မရတော့လို့ ဖျက်ဆီးပစ်တော့မယ့် စက်ရုပ်တစ်ရုပ်ကို သူ့အိမ်မှာ တီထွင်ဖို့ယူသွားတုန်းလမ်းမှာ လူဆိုးတစ်ဖွဲ့ရဲ့ ဖမ်းဆီးခြင်းခံခဲ့ရပါတယ်။ လူဆိုးအဖွဲ့ထဲက နင်ဂျာ၊ ရိုလန်ဒီနဲ့ ရန်ကီတို့ဟာ သူတို့ ဓားပြတိုက်ရာမှာသုံးဖို့အ တွက် စက်ရုပ်ကိုပြင်ပေးဖို့ ဒီယွန်ကို အတင်းအကျပ်စေခိုင်းပါ တော့တယ်။ ဒီလိုနဲ့ ဒီယွန်က စက်ရုပ်ထဲဆော့ဖ်ဝဲသစ်ထည့်လိုက်တဲ့ အခါမှာတော့ စက်ရုပ်ဟာကလေး တစ်ယောက်လိုပြုမူခဲ့ပါတယ်။ အဲဒီနောက်စကားလည်း စပြောခဲ့ပြီး သူ့ကို ချက်ပီလို့နာမည်ပေးခဲ့ကြပါတယ်။ ချက်ပီကို တီထွင်တဲ့ဒီယွန်ကို နင်ဂျာက နှင်ထုတ်ခဲ့ပါတယ်။ ရိုလန်ဒီက ချက်ပီရဲ့အမေဖြစ်ရတာကို သဘောကျပေမယ့် နင်ဂျာကတော့ သူတို့ဓားပြမှုမှာ မြန်မြန်ထည့်သုံးချင်နေတာမို့ ချက်ပီက ကလေးလိုပဲပြုမူနေသေးတာကို စိတ်မရှည်ပါဘူး။ တစ်ရက်မှာတော့ နင်ဂျာဟာ ချက်ပီကို အန္တ ရာယ်ရှိတဲ့ နေရာတစ်ခုမှာ စွန့်ပစ်ခဲ့တာကြောင့်ဒီယွန်ကိုနောက် ယောင်ခံလိုက်နေတဲ့ သြစတြေးလျ ဒီဇိုင်နာဗင်းဆင့်ကဖမ်းခေါ်သွားပြီး အန္တရာယ်ပြုမှာစိုးလို့ လက်တွေကို ဖြုတ်ပစ်ခဲ့ပါတယ်။ အဲဒီနောက် ချက်ပီကိုယ်ထဲက ဘက်ထရီအလုပ်ပြန်လုပ်ပြီး အသိဉာဏ်လည်းပြန်ဝင်သွားတာကြောင့် ချက်ပီနင်ဂျာတို့ဆီ ပြန်ထွက်ပြေးခဲ့ပါတယ်။ ချက်ပီကို လက်ပြန်တပ်ပေးခဲ့ပြီး အတိုက်အခိုက်တွေ၊ လက်နက်ကိုင်နည်းတွေကိုပါသင်ပေးခဲ့ကြပြီး သူတို့နဲ့ အတူတူမှုခင်းတွေမှာ ပါဝင်စေခဲ့ပါတော့တယ်။ ဒီဇိုင်နာဗင်းဆင့်ဟာ စက်ရုပ်ရဲတွေ အကုန်လုံးကို ဆော့ဖ်ဝဲသစ်ထည့်ခဲ့ပြီး ဂျိုဟန်းနက်စ်ဘာ့ဂ်တစ်မြို့လုံးကို ဖရိုဖရဲဖြစ်စေခဲ့ပါတယ်။ အဲဒီအချိန်မှာ ဒီယွန်ဟာ ချက်ပီ ကို စက်ရုပ်ထုတ်တဲ့စက်ရုံကို သယ်လာပြီး ဗင်းဆင့်လုပ်ထားတဲ့ ဆော့ဖ်ဝဲတွေကို ရပ်တန့်အောင် ကြိုးပမ်းခဲ့ပါတယ်။ အဲဒီအခါမှာ ဗင်းဆင့်တစ်ယောက်ဘယ်လိုတွေ ဆက်ဒုက္ခပေးဦးမှာလဲ။ ချက်ပီကကော သူနဲ့ ပတ်သက်သူတွေကို ကယ်ဆယ်နိုင်ပါ့မလားဆိုတာကို တော့ ကိုယ်တိုင် ကြည့်ရှုခံစားလိုက်ပါဦးနော်။ ဒီဇာတ်ကားမှာ ချက်ပီနေရာ ကနေ အသံနဲ့လှုပ်ရှားမှု သရုပ် ဆောင်ပေးသူက ရှာလ်တိုကိုပ လေး၊ ဒီယွန်အဖြစ် ဒက်ဗ်ပက် တယ်၊ ဗင်းဆင့်အဖြစ် ဟုချ်ဂျက်ခ်မန်းတို့က သရုပ်ဆောင်ထားပါ တယ်။ (7daydaily မှ အညွှန်းကိုဖေါ်ပြပါသည် ) File Size : (1 GB) Quality : BluRay 720p Running Time : 2hr  Format : Mp4 Genre : Action , Crime , Drama  Subtitle : Myanmar Subtitle (Hard Sub) Translated by Tar Tee Poe Encoded by May Pyae Sone Oo

The Road Within (2014) အခုတစ်ခါတင်ဆက်ပေးမယ့် "The Road Within" ဆိုတဲ့ ဇာတ်ကားလေးကတော့ ရိုးရိုးရှင်းရှင်း ခရီးသွားကားတစ်ကားမဟုတ်ဘဲ စိတ်ပိုင်းဆိုင်ရာဝေဒနာတွေကို ဟာသနှောပြီးတင်ဆက်ထားတဲ့ ရသစုံ ဇာတ်ကားကောင်းတစ်ကားပဲဖြစ်ပါတယ်။ Tourette Syndrome (ခန္ဓာကိုယ်အစိတ်အပိုင်းအချို့ မထိန်းချုပ်နိုင်ဘဲ လှုပ်ရှားခြင်းနှင့် ဆဲဆိုမိခြင်း)ဝေဒနာခံစားနေရတဲ့ ဗင်ဆင့်ရယ်၊ အစာမစားချင်တဲ့ရောဂါရှိတဲ့ မာရီနဲ့ အရာရာကို သန့်ရှင်းစင်ကြယ်နေမှ စိတ်တိုင်းကျတဲ့ အဲလက်စ်.. ဒီလို ထူးခြားဆန်းပြားတဲ့ လူငယ်သုံးယောက်ဟာ ကုသရေးစင်တာကနေ ဆရာဝန်မကြီးရဲ့ကားကိုခိုးပြီး ထွက်ပြေးခဲ့ကြပါတယ်။ သူတို့ရဲ့ ဦးတည်ချက်ကတော့ ဗင်ဆင့်ရဲ့ မိခင်နောက်ဆုံးဆန္ဒဖြစ်တဲ့ ပင်လယ်ပြင်ဆီကိုသွားပြီးတော့ အရိုးပြာသွားကြဲဖို့ပါ.... ပင်လယ်ပြင်ဘက်ကိုသွားတဲ့လမ်းတစ်လျှောက် သူတို့ ၃ ယောက်သား ဘာတွေကြုံတွေ့ရမလဲ ဘာတွေလွဲကြမလဲဆိုတာကို ဟာသလေးနှောပြီးရိုက်ကူးထားပါတယ်.... . The Road Within" ဟာ ကြည့်ပြီးသွားတဲ့အခါ သင့်ရင်ထဲမှာ တစ်ခုခု ကျန်ရစ်ခဲ့မယ့် ကားမျိုးပါ။ ကိုယ့်ကိုယ်ကိုယ် လက်မခံနိုင်ဖြစ်နေတဲ့ အချိန်မျိုး၊ လောကကြီးက ကိုယ့်အပေါ် ရက်စက်တယ်လို့ ထင်နေတဲ့အချိန်မျိုးမှာ ဒီဇာတ်ကားကို ကြည့်လိုက်ပါ .. ရင်ထဲမှာတစ်ခုခုကျန်နေခဲ့မှာတော့ သေချာပါတယ်..... File size…1.95GB / 910MB Quality… BluRay 1080p/ 720p Format…mp4 Duration….1h 40m Genre ….. Adventure, Comedy, Drama Subtitle….Myanmar Subtitle (Hard Sub)

About Cherry ဆိုတဲ့ဇာတ်ကားကတော့ ၂၀၁၂ ခုနှစ်ကထွက်ရှိထားပြီး James Franco နဲ့ Heather Graham Ashely Hinshaw တို့ပါဝင်သရုပ်ဆောင်ထားပါတယ်။ အန်ဂျလီနာဆိုတဲ့ကောင်မလေးဟာ ငယ်ငယ်ရွယ်ရွယ်နဲ့ ကိုယ့်ခြေထောက်ပေါ်ကိုယ်ရပ်တည်းပြီး ဘဝကိုကြိုးစားရုန်းကန်နေတဲ့အမျိုးသမီးငယ်တစ်ယောက်ပါ။ သူမဟာ သူ့ရဲ့ဘဝမှာ လွတ်လပ်မှုကို ရှာဖွေရင်း ဘဝကိုအသစ်ကနေပြန်စဖို့ဆုံးဖြတ်လိုက်တဲ့တစ်နေ့မှာတော့ သူမရဲ့အပြစ်ကင်းတဲ့အဖြူထည်ဘဝကနေ အရောင်ပြောင်းလဲသွားစေတဲ့လောကထဲကို ဝင်ရောက်ဖို့ ဖြစ်လာပါတော့တယ်။ စူးစမ်းလိုစိတ်အားပြင်းတဲ့ဆယ်ကျော်သက်မိန်းမငယ်တစ်ယောက်ရဲ့အဖြစ်ကနေ လမ်းမှားလိုက်မိရင်း လူကြီးရုပ်ရှင်လောကထဲကို ခြေစုံပစ်ဝင်လိုက်တဲ့အခါ ပေါ်ပေါက်လာတဲ့ လက်တွေ့ဘဝရဲ့ရိုက်ခတ်မှုတွေ၊ ဘဝနဲ့ရင်းပြီးရတဲ့အတွေ့အကြုံတွေကို အနုပညာဆန်ဆန်ရိုက်ကူးပုံဖော်ထားတဲ့ ဇာတ်ကားကောင်းတစ်ကားပဲဖြစ်ပါတယ်။ အဖော်အချွတ် အညှီအဟောက်တွေ အထင်းသားကြီးပါတာမို့ တစ်ယောက်တည်းကြည့်ကြပါကုန်။ File Size : 2 GB, 1 GB Quality : Blu-Ray 1080p / 720p Running Time : 1hr 38min Format : Mp4 Genre : Adult, Drama Subtitle : Myanmar Subtitle (Hard Sub) Translated by : Vader ft Riley Encoded by : Thit San Khant

ဆင်းရဲသားရပ်ကွက်မှာ ကြီးပြင်းလာတဲ့ အသက် ၁၈ နှစ်အရွယ် လူငယ်တစ်ယောက်ဟာ Who Wants to Be a Millionaire အစီအစဉ်မှာ ဝင်ပြိုင်နေပါတယ်။ ပညာတတ်တစ်ယောက် မဟုတ်ပေမယ့် မေးခွန်းတွေကို ဆက်တိုက်ဖြေနိုင်နေတာကြောင့် မသမာတဲ့နည်းလမ်း သုံးထားသလားဆိုပြီး သံသယဝင်ခံရတယ်။ နောက်ဆုံးမေးခွန်းဆီ မရောက်ခင်မှာပဲ ရဲစခန်းကို ဖမ်းခေါ်ပြီး စစ်မေးခံနေရတဲ့နေရာက ဇာတ်လမ်းစပါတယ်။ သူ ဒီပြိုင်ပွဲကို ရောက်လာရတဲ့အကြောင်းက ငယ်ငယ်က ဆုံဖူးပြီး သံယောဇဉ်ရှိခဲ့တဲ့ မိန်းကလေးတစ်ယောက်နဲ့ ဆက်နွှယ်နေတယ်။ သူဟာ အဲဒီမိန်းကလေးကို တောက်လျှောက် လိုက်ရှာနေခဲ့သူပါ။ မိန်းကလေးကြိုက်တဲ့ တီဗီအစီအစဉ်မှာ ဝင်ပြိုင်ရင် ပြန်ဆုံခွင့်များ ရနိုင်မလားဆိုတဲ့ မျှော်လင့်ချက်နဲ့ ဝင်လာခဲ့တာ ဖြစ်ပါတယ်။ ပြိုင်ပွဲမှာ မေးလာသမျှကလည်း သူ့ဘဝမှာ ကြုံခဲ့ရတဲ့ အဖြစ်အပျက်တွေနဲ့ ဆက်စပ်နေတယ်။ အရွယ်နဲ့မလိုက်အောင် ခံခဲ့ရတဲ့ ဘဝအထုအထောင်းတွေကနေ အဲဒီအဖြေတွေကို သိထားခဲ့တာပါ။ စစ်မေးခံနေရတဲ့ လူငယ်ရဲ့အကြောင်းနဲ့အတူ ညီအစ်ကိုနှစ်ယောက် ဖြတ်သန်းခဲ့ရတဲ့ ငယ်ဘဝခရီးကြမ်း၊ အိန္ဒိယရဲ့ အောက်ခြေလူနေမှုဘဝက အကျည်းတန်တဲ့ အဖြစ်အပျက်တွေကို ပြန်မြင်ရပါတယ်။ အဓိကဇာတ်ကောင်တွေရဲ့ အသက်အရွယ်ကို သုံးပိုင်းခွဲပြီး သရုပ်ဆောင် သုံးယောက်စီနဲ့ တင်ဆက်ထားပါတယ်။ အိန္ဒိယစာရေးဆရာရဲ့ ဝတ္ထုကို အခြေခံပြီး အိန္ဒိယသရုပ်ဆောင်တွေနဲ့ ရိုက်ကူးထားပေမယ့် ဗြိတိန်ရုပ်ရှင်ဖြစ်ပါတယ်။ ကုန်ကျစရိတ် ၁၅ သန်းနဲ့ ရိုက်ကူးခဲ့ပြီး ရုံဝင်ငွေ ၃၇၈.၁ သန်း ရရှိခဲ့တယ်။ အကယ်ဒမီဆု ဆယ်ဆုအတွက် လျာထားခံရပြီး ရှစ်ဆု ရခဲ့သလို ဘက်ဖ်တာဆု ခုနစ်ဆု၊ ဝေဖန်ရေးဆု ငါးဆုနဲ့ ရွှေကမ္ဘာလုံးဆု လေးဆုလည်း ရရှိခဲ့ပါတယ်။ စတင်ပြသချိန်ကနေ တဖြည်းဖြည်း လူသိများအောင်မြင်လာတဲ့ sleeper hit အဖြစ်လည်း ဖော်ပြထားပါတယ်။ ဇာတ်ဝင်သီချင်းအဖြစ် M.I.A ရဲ့ Paper Plane ကို အသုံးပြုထားပါတယ်။