Devin Cecchetto ပါဝင်သော ဇာတ်ကားများ

လေလာဟာ အဖေဘယ်သူလဲဆိုတာ မသိဘဲ ကြီးပြင်းလာရသူပါ။ အမေကလည်း မူးယစ်ဆေးစွဲပြီး အိမ်ကို ပြန်ချင်မှပြန်လာတတ်တယ်။ လေလာ အသက်ဆယ်နှစ်လောက်မှာ အမေ ဆေးလွန်ပြီး ဆုံးသွားခဲ့ပါတယ်။ ဆုံးရှုံးမှုတွေနဲ့ မစိမ်းတဲ့သူဟာ နောက်တော့ တစ်ဦးတည်းသော အခင်တွယ်ရဆုံး မွေးစားအစ်မ အိုင်းရစ်ကိုပါ ဆုံးရှုံးလိုက်ရပြန်တယ်။ ဒီနောက်မှာ လေလာက အဖေရင်းကို ရှာဖို့ ဆုံးဖြတ်လိုက်ပါတယ်။ DNA စစ်ဆေးချက်အရ သူဟာ အိမ်ခြံမြေလုပ်ငန်းပိုင်ရှင် စကော့တ်ဟာရတ်ရဲ့ သမီးဖြစ်နေတာ သိလာရပေမယ့် အဖေက ထူးထူးဆန်းဆန်း သေဆုံးသွားခဲ့ပြီဆိုတာပါ တစ်ဆက်တည်း သိလိုက်ရတယ်။ လေလာက အဖေ့ကိုသတ်ခဲ့သူကို ဖော်ထုတ်ချင်သလို သူ့ရဲ့တစ်ဦးတည်းသော သွေးသား၊ ဖအေတူမအေကွဲညီမ ဗွိုင်အိုလက်ကိုလည်း စောင့်ရှောက်ပေးချင်ပါတယ်။ ဒါကြောင့် အတ္တလန်တာကနေ ဖီလစ်ဒဲဖီးယားကို ထွက်လာခဲ့တယ်။ ဗွိုင်အိုလက်ကလည်း ငယ်ငယ်ရွယ်ရွယ်နဲ့ မိဘနှစ်ပါးလုံးကို ဆုံးရှုံးခဲ့ရတဲ့ စိတ်ဒဏ်ရာတွေကြောင့် ဘယ်သူ့ကိုမှမယုံဘဲ မာမာထန်ထန် နေနေသူပါ။ သူက လေလာ့ကို လက်ခံနိုင်ပါ့မလား။ ဖခင်သေဆုံးမှုရဲ့ နောက်ကွယ်က အမှန်တရားနဲ့ နီးကပ်လာတဲ့အခါ သူတို့နှစ်ယောက်အတွက် ဘယ်လိုအန္တရာယ်တွေ စောင့်နေဦးမလဲ။

အထက်တန်းနောက်ဆုံးနှစ် ကျောင်းသူနီကိုလက်ဟာ သူငယ်ချင်းဘရွတ် ပျောက်ဆုံးနေတဲ့အတွက် လူပျောက်ကြေညာစာတွေ လိုက်ကပ်ရင်း စိတ်ပူနေပါတယ်။ ဘရွတ်က ကိုယ်ဝန်ရှိနေသူဖြစ်ပြီး သူ့အနာဂတ်ကလည်း မရေရာသေးပါဘူး။ တစ်နေ့တော့ ဘရွတ်က နီကိုလက်ဆီ ဖုန်းဆက်လာတယ်။ သူ့နောက်ကို လူတစ်ယောက် လိုက်နေကြောင်းနဲ့ သူ့ကလေးကို ငွေပေးယူချင်သူတွေ ရှိနေကြောင်း ပြောလာပါတယ်။ နီကိုလက်လည်း ကူညီနိုင်ဖို့ တစ်နေရာမှာ ချိန်းလိုက်ပေမယ့် သူငယ်ချင်း ကားတိုက်ခံရပြီး သေဆုံးသွားတာကို မျက်မြင်တွေ့လိုက်ရတယ်။ ဒါဟာ မတော်တဆဖြစ်တာလား၊ တစ်ယောက်ယောက်က တမင်ကြံစည်ခဲ့တာလားဆိုတာ နီကိုလက် စုံစမ်းနေချိန်မှာ သူကိုယ်တိုင်လည်း မမျှော်လင့်ဘဲ ကိုယ်ဝန်ရှိနေမှန်း သိလာပါတယ်။ ကိုယ့်အနာဂတ်အတွက်တောင် ဘာမှမရေရာသေးတဲ့ နီကိုလက်ဟာ ကိုယ်ဝန်ဆောင်အမျိုးသမီးငယ်တွေကို ပစ်မှတ်ထားနေသူတွေဆီက လွတ်အောင် ရှောင်နိုင်ပါ့မလား။

အဆက်အသွယ်ပြတ်နေကြတဲ့ သူငယ်ချင်းတစ်စုဟာ သူငယ်ချင်းတစ်ယောက် ကိုယ့်ကိုယ်ကို အဆုံးစီရင်သွားတဲ့အတွက် ဈာပနမှာ ပြန်ဆုံကြပါတယ်။ အဲဒီနောက် သူတို့က လူငယ်တွေကြားမှာ ကစားလေ့ရှိတဲ့ လက်ထပ်မယ့်သူ၊ အတူအိပ်မယ့်သူ၊ သတ်မယ့်သူကို ရွေးရတဲ့ဂိမ်းကို ဆော့ကြတယ်။ ဂိမ်းတစ်ခုအဖြစ် စလိုက်ပေမယ့် ထူးဆန်းပြီး ကြောက်စရာကောင်းတဲ့အရာတွေ တကယ်ဖြစ်လာတဲ့အခါ ပြန်ဆုံမှုက ထင်ထားသလို မဖြစ်တော့ပါဘူး။ သူငယ်ချင်းတွေကြားက အဲဒီဂိမ်းကို အခြေခံထားတဲ့ ပဟေဠိဆန်ဆန် ဟော်ရာကားပါ။