Dichen Lachman ပါဝင်သော ဇာတ်ကားများ

Vampires of the Velvet Lounge (2026) ++++++++++++++++++ ၂၀၂၆ ခုနှစ် မတ်လမှာ ထွက်ရှိထားတဲ့ "Vampires of the Velvet Lounge" ဇာတ်ကားလေးကတော့ Action၊ Horror နဲ့ Comedy တွေကို အချိုးကျကျ ရောမွှေထားတဲ့ ကားလေးပါ။ ဇာတ်လမ်းက ဘယ်လိုစလဲဆိုတော့ အမေရိကန်တောင်ပိုင်းက လမ်းကြားလေးတစ်ခုထဲမှာရှိတဲ့ တိတ်ဆိတ်တဲ့ ဘားတစ်ခုမှာ သွေးစုပ်ဖုတ်ကောင် အုပ်စုတစ်စု ပုန်းအောင်းနေကြပါတယ်။ သူတို့ရဲ့ ခေါင်းဆောင်ကတော့ မြို့စားကတော် အဲလိဇဘက် (Countess Elizabeth) ပေါ့။ သူတို့က အရင်လိုအပြင်ထွက်ပြီး လူမကိုက်တော့ပါဘူး။ ခေတ်နဲ့အညီ အရမ်းလည်လာပြီး သူတို့ရဲ့ နုပျိုမှုကို ထိန်းသိမ်းဖို့ Dating Apps တွေကနေတစ်ဆင့် အထီးကျန်နေတဲ့သူတွေကို ညာခေါ်၊ ချိန်းတွေ့ ပြီးမှ သွေးစုပ်ကြတာပေါ့။ တစ်နေ့ကျတော့ အဲလိဇဘက်က Dating app မှာ Right-swipe လုပ်ပြီး ချိန်းတွေ့ဖို့ ရွေးလိုက်တဲ့သူတွေက သွေးစုပ်ဖို့ အလွယ်လေးတွေ မဟုတ်နေပါဘူး။ ပြဿနာက အဲဒီလူတွေက သွေးစုပ်ဖုတ်ကောင်တွေကို လိုက်လံနှိမ်နင်းနေတဲ့ အသွင်ယူ Vampire Hunters တွေ ဖြစ်နေပါတယ်။ ဒီလိုနဲ့ သွေးစုပ်ဖုတ်ကောင်တွေနဲ့ Hunters တွေ Dating app ကနေတစ်ဆင့် ချိန်းတွေ့ကြတဲ့ညမှာ ဘာတွေဆက်ဖြစ်မလဲဆိုတော့... အကုန်လုံး ပရမ်းပတာတွေ ဖြစ်ကုန်တာပါပဲ။ သွေးစုပ်ဖုတ်ကောင်တွေကလည်း အပိုင်စားမယ်ဆိုပြီး လာတာ၊ ဟိုဘက်ကလည်း နှိမ်နင်းမယ်ဆိုပြီး အဆင်သင့်ဖြစ်နေတာဆိုတော့ အဲဒီဘားထဲမှာ သွေးတွေ၊ အက်ရှင်တွေ၊ ဟာသတွေနဲ့ ရူးသွပ်စရာကောင်းတဲ့ တိုက်ပွဲကြီး ဖြစ်သွားတော့တာပေါ့။ ဒီကားထဲမှာ Mena Suvari ၊ Stephen Dorff ၊ Rosa Salazar နဲ့ Fast and Furious ထဲက Tyrese Gibson တို့လို နာမည်ကြီးတွေ အဓိက ပါဝင်သရုပ်ဆောင်ထားပါတယ်။ သွေးထွက်သံယို အခန်းတွေပါပေမယ့် ဟာသလေးတွေပါ စွက်ထားလို့ အပေါ့စား ကြည့်လို့ကောင်းမယ့် Horror Comedy ကားလေးတစ်ကား ဖြစ်ပါတယ်။ File Size… (1.65GB) / (958MB) Quality… WEB-DL 1080p HEVC / 720p Format…mkv / mp4 Duration…1h 45m Genre ….Vampire Horror , Action , Comey , Thriller Subtitle….Myanmar Subtitle (Hard Sub)

The Roughneck (2025) ရေနံလုပ်သား လူငယ်လေးတစ်ယောက် တစ်နေ့တော့ လုပ်ငန်းခွင်ကနေ ထွက်ခွာပြီး ချစ်ရတဲ့ အမျိုးသမီးလေးနဲ့ လက်ထပ်ဖို့ ခရီးနှင်ရတော့မယ်။ လမ်းမှာလည်း အလုပ်ကနေတွေ့လို့ သနားချစ်နဲ့ ခေါ်တင်လာတဲ့ ခွေးလေးတစ်ကောင်က ပါသေး။ ဒီလိုနဲ့ သွားနေရင်း လမ်းတစ်ဝက်မှာ နားနေခန်းဝင်တုန်း ဒုက္ခကောင်းကောင်းရောက်ပါတော့တယ်။ ခွေးရော လူရောကို အသေအလဲ ရိုက်နှက်သွားကြတဲ့အပြင် လူမဆန်တဲ့အရာကိုပါ လုပ်သွားခဲ့ကြတယ်။ အဲဒါကြောင့် ဒီ မြို့ငယ်လေးက တိကုဆရာဝန်မလေးရဲ့ အကူအညီရယ် အကျဉ်းသားဟောင်း ဖခင်ဖြစ်သူ အကူအညီရယ်ယူပြီး ဒီလိုလုပ်သွားခဲ့တဲ့လူတွေကို ဘယ်လို ကလဲ့စားချေမလဲ ဆိုတာကတော့....။ File size… 1.2 GB / 622 MB Quality…WEB DL 1080p HEVC/ 720p Format…mkv/ mp4 Duration….1h 31m Subtitle….Myanmar Subtitle (Hard Sub)

ဒီတစ်ခါမှာတော့ အက်ရှင်အကြမ်းစားတွေကိုကြည့်ချင်တဲ့ ပရိသတ်တွေအတွက် အက်ရှင်ကားကောင်းတစ်ကားကို ယူဆောင်လာပါတယ်။ ဇာတ်ကားနာမည်က Aftermath ဖြစ်ပြီးတော့ အက်ရှင် ဇာတ်ကားတွေနဲ့ ဆုပေါင်းများစွာရရှိထားတဲ့ ဒါရိုက်တာ Patrick Lussier က ရိုက်ကူးထားပါတယ်။ အဓိကဇာတ်ဆောင်တွေအဖြစ် Mason Gooding, Dylan Sprouse, Dichen Lachman တို့က ပါဝင် ပေးထားပါတယ်။ ဇာတ်လမ်းအကျဉ်းကို ပြောပြရရင်တော့ အကြမ်းဖက်အဖွဲ့ တစ်ခုဟာ တံတားတစ်စင်းကိုဖောက်ခွဲပြီးတော့ တံတားပေါ်က လူတွေကို ဓားစာခံဖမ်းလိုက်ပါတယ်။ ဒါပေမယ့် အဲဒီဓားစာခံတွေထဲမှာ စစ်သားဟောင်းတစ်ယောက် ဖြစ်တဲ့ Eric နဲ့အတူ သူ့ညီမလေးပါ ပါသွားပါတယ်။ ဒီလိုနဲ့ Eric ဟာ သူ့ညီမလေးနဲ့အတူ ဓားစာခံအဖြစ်ကနေ ဘယ်လိုလွတ်မြောက်အောင်လုပ်မလဲဆိုတာကို စိတ်လှုပ်ရှားစွာနဲ့ ကြည့်ရှုကြရမှာပါ။ အမိုက်စားအက်ရှင်ခန်းတွေနဲ့အတူ အကြမ်းပတမ်းရိုက်ကူး ပြသထားပြီးတော့ အက်ရှင်ရသကို အပြည့်အဝပေးစွမ်းနိုင်တဲ့ ဇာတ်ကားကောင်းတစ်ကားဖြစ်ပါတယ်။ File size… (1.17GB) / (697 MB) Quality…WEB-DL 1080p HEVC / 720p Format…mkv / mp4 Duration….1h 37m Genre ….. Action , Thriller Subtitle….Myanmar Subtitle (Hard Sub) Encoder….Min Wai Translated by Austin

ဒီ ရုပ်ရှင်ကတော့ War for the Planet of the Apes (2017) ရဲ့ သီးသန့်အဆက်ဖြစ်ပြီးတော့ ဆီဇာ သေဆုံးသွားပြီး နှစ်ပေါင်းများစွာ ကာလကို ရိုက်ကူးထားတာပါ။ Apes ရုပ်ရှင် အတွဲတွေမှာတော့ လေးကားမြောက်ပါ။ ဒါရိုက်တာကတော့ Maze Runner တွေရဲ့ ဖန်တီးရှင် Wes Ball ပါပဲ။ Apes ရုပ်ရှင် ၄ ကားလုံးကိုကို Channelmyanmar App နဲ့ Website မှာ ကြည့်ရှုနိုင်ပါတယ်။ 1. Rise of the Planet of the Apes 2011 2. Dawn of the Planet of the Apes 2014 3. War for the Planet of the Apes 2017 4. Kingdom of the Planet of the Apes 2024 တို့ပါ။ ဒါ့အပြင် ပထမဆုံးထွက်ခဲ့တဲ့ ဗားရှင်းတွေကိုလည်း Channelmyanmar App နဲ့ Website မှာ တင်ပေးထားပါသေးတယ်။ Planet of the Apes (1968) ... Beneath the Planet of the Apes (1970) ... Escape From the Planet of the Apes (1971) ... Conquest of the Planet of the Apes (1972) ... Battle for the Planet of the Apes (1973) ... ဇာတ်လမ်းအကျဉ်း ဆီဇာမရှိတော့တဲ့နောက်ပိုင်းမှာ လူဝံတွေဟာ မျိုးနွယ်စုလိုက် နေထိုင်နေကြပါပြီ။ နိုရာကတော့ လင်းယုန်တွေကို မွေးပြီး အတူအစာရှာတဲ့ လင်းယုန်မျိုးနွယ်စုက လူဝံတစ်ယောက်ပါ။ သူတို့က ဆီဇာကိုတောင်မသိကြပါဘူး။ တစ်နေ့မှာ သူတို့မျိုးနွယ်ကို ပရောက်စိမပ် ဆိုတဲ့ လူဝံကြီးဦးဆောင်တဲ့ အဖွဲ့တွေက ဝင်သတ်ပြီး အချို့တွေကို ဖမ်းသွားပါတယ်။ ပရောက်စိမပ်တို့ကတော့ ဆီဇာရဲ့ နာမည်ကိုအသုံးချပြီး ဆီဇာရဲ့အဆုံးအမတွေကို လိုရာဆွဲသုံးပြီး သောင်းကျန်းနေတဲ့အုပ်စုပါ။ နိုရာကတော့လွတ်မြောက်သွားပြီး လမ်းမှာ ဆီဇာကို ကိုးကွယ်တဲ့ မျိုးနွယ်စုက နောက်ဆုံးလက်ကျန် လူဝံနဲ့အတူ လူသားတစ်ယောက်နဲ့ပူးပေါင်းပြီး ပရောက်စိမပ်လက်ကနေ မျိုးနွယ်စုတွေကို ပြန်ကယ်ဖို့ ကြိုးစားရပါတော့တယ်။ File size… (6.3 GB)/ (2.83GB) / (1.36GB) Quality…WEB-DL 4K HEVC/ 1080p 5.1CH / 720p Format…mkv/mp4 Duration….2h 25m Genre ….. Action , Adventure , Drama Subtitle….Myanmar Subtitle (Hard Sub) Encoder….Min Wai Translated by Mr.Anderson

Severance (2022) IMDb Rating (8.7) / Rotten Tomatoes (97%) အလုပ်ခေါ်စာတွေထဲမှာ မိသားစုအလုပ်လေးပါတို့၊ ဝိုင်းလုပ်ဝိုင်းစားတို့၊ အောက်သက်ကြေအောင် သင်ပေးမှာပါတို့နဲ့ ဂျင်းတွေထည့်ခံရဖူးကြသေးလား။ Apple tv+က နာမည်ကြီးနေတဲ့ series လေးကိုကြည့်ကြည့်လိုက်ပါ။ Lumon ဆိုတဲ့ ကုမ္ပဏီလေးအကြောင်းပေါ့။ အလုပ်သမားတွေကို စေတနာနဲ့ အလုပ်ချိန်မှာ တောင်တောင်အီအီမတွေးနိုင်အောင် ဦးနှောက်ကို ခွဲစိတ်ပေးထားလိုက်ပါတယ်။ အလုပ်ချိန်မှာ ကိုယ်ရေးကိုယ်တာကိစ္စတွေကို ဘာမှမမှတ်မိသလို၊ အပြင်ကိုရောက်ရင်လည်း အလုပ်ထဲကကိစ္စတွေ ဘာမှမမှတ်မိတော့ပါဘူး။ ဘယ်လောက်အလုပ်ဖြစ်လဲ။ Mark ဆိုတဲ့လူငယ်တစ်ဦးဟာ သူ့မိန်းမဆုံးသွားတဲ့အတွက် ပူ‌ဆွေးမှုကို သက်သာအောင် Severanceဆိုတဲ့ ခွဲစိတ်မှုကို ပြုလုပ်ပြီး Lumon ဆိုတဲ့ အဲဒီ ကုမ္ပဏီမှာ အလုပ်လုပ်ဖို့ဆုံးဖြတ်ခဲ့ပါတယ်။ Lumon ကုမ္ပဏီဆိုတာကလည်း အများထင်သလို မဟုတ်ဘဲအထဲမှာရော ဘာတွေဖြစ်ပျက်နေတာလဲ? သူ့ရဲ့ ကိုယ်ပိုင်ဘဝနဲ့ အလုပ်ဘဝရယ် ကုမ္ပဏီရဲ့လျို့ဝှက်ချက်တွေရယ် တဖြည်းဖြည်းပေါ်လာတာကို ပဟေဠိအနေနဲ့ ကြည့်ရှုရမှာပါ။ နာမည်ကြီး သရုပ်ဆောင် Ben Stiller ကဒါရိုက်တာအနေနဲ့ရိုက်ကူးထားတဲ့ thriller series ဖြစ်ပြီး Adam Scott,Brit Lower တို့အပြင် ဝါရင့်မင်းသားကြီးတွေဖြစ်တဲ့ Christopher Walkenနဲ့ John Turturro ပါ၀င်ထားပါတယ်။ဇာတ်လမ်းကလျှိ့ဝှက်ဆန်းကြယ်ပြီး ယနေ့ခေတ်ရဲ့ပြောင်းလဲလာတဲ့ စံနှုန်း‌တွေကို မှတ်ချက်ပြုထားပါတယ်။ အခုတော့ Rotten tomato-97%,IMDb 8.2/10 ရထားပါတယ်။ File size…400 Mb Quality….Webrip 720p Format…mp4 Duration….50 Min Genre...Sci-fi, Fantasy Subtitle….Myanmar Subtitle (Hardsub) Encoder….Mr. Anderson,DoubleK Translated by SP

Jurassic World ရဲ့ ပထမကားမှာ ပန်းခြံပျက်စီးသွားခဲ့ပြီး ဒုတိယကားမှာတော့ ဒိုင်နိုဆောတွေ ကမ္ဘာအနှံ့ ပျံ့နှံ့လာခဲ့ပါတယ်။ ဒီတတိယကားက ဒိုင်နိုဆောတွေနဲ့ ဒီအန်အေတူတဲ့ ဧရာမကျိုင်းကောင်တွေ ပေါ်လာပြီး လယ်ကွင်းတွေကို ဖျက်ဆီးနေတဲ့ ပြဿနာနဲ့ စထားပါတယ်။ အိုဝင်နဲ့ ကလယ်ရာတို့ကလည်း ချားလော့ရဲ့ ကလုန်းကောင်မလေး မေစီကို ကယ်တင်လာပြီး လူတွေနဲ့ဝေးတဲ့နေရာမှာ ဖွက်ထားကြတယ်။ ဒါပေမဲ့ မေစီကို လူတစ်စုက ဖမ်းခေါ်သွားသလို ရပ်ပ်တာမကြီး ဘလူးရဲ့ ကလေးကိုလည်း ဖမ်းသွားကြပါတယ်။ အိုဝင်တို့စုံတွဲက မေစီနဲ့ ဘလူးရဲ့ကလေးကို ကယ်ဖို့ လိုက်လာကြတယ်။ တစ်ဖက်မှာလည်း သိပ္ပံပညာရှင် သူငယ်ချင်းနှစ်ယောက်က ကျိုင်းကောင်တွေကို မျိုးဗီဇပြောင်းထားတဲ့ တရားခံကို ရှာနေကြပါတယ်။ သူတို့ ပူးပေါင်းမိလာတဲ့အခါ စွန့်စားခရီးကို အတူဆက်ကြရပါတော့တယ်။

IMDb Rating - 7.8 ဟိုးရှေးရှေးတုန်းကပေါ့ဗျာ ..... ပုံပြင်ဆိုတော့ ဒီလိုပဲ စရမယ်လေနော့။ ကူမန်ဒြာ ဆိုတဲ့ တိုင်းပြည်မှာ လူတွေရယ် နဂါးတွေ ရယ် အတူတူ နေကြသတဲ့။ တစ်နေ့မှာတော့ ဒရွန်း ဆိုတဲ့ ကျောက်ရုပ်ဖြစ်စေနိုင်တဲ့ မိစ္ဆာတွေက လာရောက်အနိုင် ကျင့်ကြတဲ့အခါမှတော့ ...... နဂါးတွေက လူတွေကို ကူညီတိုက်ခိုက်ပေးကြပါတယ်။ နဂါးတွေရဲ့ အစွမ်းတွေ စုထားတဲ့ ရတနာနဲ့ ဒရွန်း မိစ္ဆာတွေကို အနိုင်တိုက်နိုင်ခဲ့ပါတယ်။ ဒါပေမယ့် ကူညီတဲ့ နဂါးတွေအားလုံး ကျောက်ရုပ်တွေ ဖြစ်သွားကြပြီး နဂါးတစ်ကောင်ကတော့ ရှင်ကျန်နေရစ်ခဲ့ပါတယ်။ ကူမန်ဒြာ တိုင်းပြည်ကြီးလည်း လူမျိုးစု ၅ စု ကွဲသွားသလို ရတနာကလည်း ၅ ပိုင်း ကွဲသွားခဲ့ပါတယ်။ နောက် နှစ် ၅၀၀ အကြာမှာတော့ ဒရွန်းတွေ ပြန်ပေါ်လာခဲ့ပါတယ်။ နှလုံးသားမျိုးနွယ်စု ခေါင်းဆောင်ရဲ့ သမီးလေး ရာယာ က နောက်ဆုံးကျန်ခဲ့တဲ့ နဂါး ကို ရှာဖွေပြီး ဒရွန်းတွေကို နှိမ်နင်းဖို့ ကြိုးစားတဲ့အခါမှာတော့ ..... IMDb - 7.8/10 ရထားတဲ့ Animation ကားကောင်း တစ်ကားလည်း ဖြစ်ပါတယ်။ ဝေါ့ဒစ္စနေး ရဲ့ အခင်းအကျင်းတွေအတိုင်း နောက်ခံတေးဂီတကောင်းကောင်း၊ အထူးပြုလုပ်ချက်ကောင်းတွေနဲ့ ဆိုတော့ ကြည့်ရတာ အတော်ကောင်းတဲ့ ကာတွန်းကားပဲ ဖြစ်ပါတယ်။ (ဒီဇာတ်လမ်းရဲ့ အညွှန်းကို August မှရေးသားပေးပြီး၊ ဘာသာပြန်ရေးသားပေးသူကတော့ Littleneo ပဲဖြစ်ပါတယ်။) File size…(3.4 GB) / (1.9 GB) / (1.8 GB) / (900 MB) Quality….BluRay 4K HEVC / HEVC 1080p / WEBRip 1080p / 720p Format…mkv/mp4 Duration….01:47:29 Subtitle….Myanmar Subtitle (Hardsub) Encoder….Nyeinsaeya Aung Translated by Littelneo

ဒီနေ့မှာတော့ CM ပရိသတ်ကြီးတို့ အကျွမ်းတဝင်ဖြစ်နေမဲ့ ကားလေးနဲ့ မိတ်ဆက်ပေးပါရစေ။ ဆံပင်အပြာလေးနဲ့ Aquamarine ဆိုတဲ့ ရေသူ မလေးကို တော်တော်များများ မှတ်မိကြမှာပါ။ ရေသူမကားတွေအကြောင်း ပြောကြရင် Aquamarine က မပါမဖြစ်ပေါ့။ ငယ်ငယ်ကဆို highlight အပြာတွေ အရောင်ပြောင်းတဲ့လက်သည်းတွေ လိုချင်လိုက်ရတာ။ တီရှပ်ကို ဂါဝန်ပြောင်းဝတ်တာကလည်း ကိုယ်တွေအတွက် မျက်လှည့်ပြလိုက်သလို အထူးအဆန်းကြီးကိုဖြစ်လို့ပါပဲ။ ဒါ့အပြင် ဆယ်ကျော်သက်ကောင်မလေး နှစ်ယောက်ရဲ့ crush လိုက်နည်းအဖြာဖြာနဲ့ သူငယ်ချင်းသုံးယောက်ရဲ့ ခင်မင် မှုတွေကလည်း ရင်ထဲကျန်နေရစ်ခဲ့တာပေါ့။ မြှောက်ပြောတတ်တဲ့ ကြယ်ငါး လေးတွေကိုလည်း ချန်ထားခဲ့လို့မရပါဘူး။ ဇာတ်လမ်းအကျဉ်းကတော့ ဟေလီနဲ့ ကလဲရ်ဆိုတဲ့ ဆယ်ကျော်သက်ကောင်မ လေးနှစ်ယောက်က အချစ်ဆုံးသူငယ်ချင်းတွေပါတဲ့။ အဏ္ဏဝါဇီဝဗေဒပညာရှင် ဖြစ်တဲ့ဟေလီ့အမေက သူ့အလုပ်ကြောင့် ဩစတြေးလျကိုပြောင်းရဖို့ဖြစ်လာ ပါတယ်။ ကလဲရ်နဲ့မခွဲချင်တဲ့ဟေလီက သူ့အမေနဲ့ စစ်အေးတိုက်ပွဲဆင်နွှဲနေတာ ပေါ့။ ဒီလိုနဲ့မုန်တိုင်းထန်တဲ့တစ်ညမှာ အဖေဖြစ်သူစီစဉ်ပေးတဲ့ မင်္ဂလာပွဲကိုလက် မခံဘဲ အချစ်ကိုရှာမယ်ဆိုပြီး အိမ်ကထွက်ပြေးလာတဲ့ ရေသူမလေးအကွာမရင်းက လှိုင်းပုတ်ရာကနေ ကလဲရ်တို့ရေကူးကန်ထဲရောက်သွားပါတယ်။ အဲဒီမှာပဲ အကွာ မရင်းက ဟေလီတို့နဲ့ရင်းနှီးသွားပြီး သူ့ကိုကူညီပေးရင် ဆုတောင်းတစ်ခုပြည့်လိမ့် မယ်လို့ပြောပါတယ်။ မခွဲချင်ကြတဲ့ သူငယ်ချင်းနှစ်ယောက်က သူတို့အနှစ်နှစ်အလလလေ့လာထားတဲ့ crush လိုက်နည်းအစုံနဲ့ အကွာမရင်းတစ်ယောက် အချစ်ကိုပိုင်ဆိုင်လာအောင် ကူညီပေးပါတော့တယ်။ ကဲ ငယ်ဘဝက ဇာတ်လမ်းလေးကို ပြန်ကြည့်ရင်း အမှတ် တရတွေ ပြန်လည်ခံစားလိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ EL ဖြစ်ပါတယ်) File Size..........(2.33 GB) / (1.25 GB) Quality............BLU-RAY 1080p / 720p Duration.........1Hr 50Min Subtitle...........Myanmar Hardsub Format............MP4 Genre..............Comedy, Family, Fantasy Translator.......EL Encoder..........SWM