Dimo Alexiev ပါဝင်သော ဇာတ်ကားများ

Red Sonja (2025) IMDb Rating (4.7) / Rotten Tomatoes (56%) သမိုင်းမစတင်မီခေတ်တုန်းက ဟာကေးနီးယန်းတောကြီးထဲမှာ ဟာကေးနီးယန်းမျိုးနွယ်စုက သူတို့ကိုးကွယ်တဲ့ နတ်ဘုရားမရဲ့ အစောင့်အ‌ရှောက်နဲ့ အေးချမ်းစွာ နေထိုင်ခဲ့ကြတယ်။ ဒါပေမဲ့ ဒီလို အေးချမ်းမှုတွေက ဒရေဂန်ဆိုတဲ့ ဧကရာဇ်တစ်ပါး ကြီးစိုးလာချိန်မှာ ပျက်သုဉ်းသွားရပါတယ်။ ဒရေဂန် ဒီလိုကမ္ဘာကို အုပ်စိုးနိုင်နေတယ်ဆိုတာလည်း ဟာကေးနီးယန်းတောထဲကနေ ရထားတဲ့ လျှို့ဝှက်ကျမ်းစာအုပ်ကြောင့်ပါ။ သူဟာ ဒီစာအုပ်ထဲက ပညာတွေကျေးဇူးနဲ့ စက်ယန္တရားတွေဖန်တီးပြီး တောထဲက သတ္တဝါတွေကိုဖမ်းဆီးပြီး ထင်ရာစိုင်းပါတယ်။ ဒါပေမဲ့ လိုအပ်ချက်တစ်ခုကတော့ သူ့မှာ ဒီကျမ်းစာအုပ်က တစ်ဝက်ပဲ ရှိနေတာပါ။ ကျန်တဲ့တစ်ဝက်ကလည်း သိပ်ကိုအန္တရာယ်များတဲ့ ဟာကေးနီးယန်းတောထဲမှာ ရှိနေပါတယ်။ ဒီတော့ သူဟာ ဒီတောကြီးကို အပြီးအပိုင်ဖျက်ဆီးပြီး ကျမ်းစာအုပ်ရှာဖွေရေး စတင်ဖို့ လုပ်ပါတယ်။ ဒီအချိန်မှာ ဟာကေးနီးယန်းတောကို တန်ဖိုးထားတဲ့ ဆွန်ယာဆိုတဲ့ မိန်းကလေး ပေါ်လာပြီး ဒရေဂန့်ရဲ့ အစီအစဉ်တွေကို တစ်နည်းမဟုတ်တစ်နည်းနဲ့ ဖျက်ဖို့ ကြိုးစားပါတော့တယ်။ File size… (5.1 GB) / (2.4 GB) / (1.2 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Action,Adventure,Fantasy Duration…. 01:51:47 Subtitle…. Myanmar Subtitle (Hardsub)

ဒီဇာတ်ကားလေးဟာ တကယ့်အပြင်ကဖြစ်ရပ်မှန် နယူးယောက်မြို့က ဂျာမန်သူ ရေကူးကစားသမား ထရူဒီ အယ်ဒါလီအကြောင်းကို ရိုက်ကူးထားတာဖြစ်ပါတယ်။ လက်ရှိအခြေအနေအမျိုးမျိုးကြောင့် စိတ်ဓာတ်ကျနေသူတွေ၊ စိတ်ပျက်အားလျော့နေသူတွေ မိုတီယူဖို့အတွက် ကြည့်နိုင်တဲ့ ဇာတ်ကားကောင်းလေးတစ်ကားပါ။ ကြည့်နေရင်းနဲ့ကို ဇာတ်က ဆွဲဆောင်သွားပြီး ထိုင်ရာကမထ ကြည့်ရှုရမှာပါ... ဇာတ်လမ်းအစကိုတော့ ဝက်သက်ပေါက်ပြီး အိပ်ရာပေါ်မှာ လဲနေတဲ့ ကောင်မလေး ထရူဒီနဲ့ စထားပါတယ် ဝက်သက်ဝေဒနာကို အပြင်းအထန်ခံစားနေရလို့ "ဒီနေ့ညကို မကျော်နိုင်ဘူး" လို့ ဆရာဝန်ကပြောခဲ့ပေမဲ့ ရောဂါကို အံတုပြီး အသက်ဘေးကလွတ်ခဲ့တဲ့ ထရူဒီ သူနေမကောင်းဖြစ်နေတုန်းမှာ ရေမကူးတတ်လို့ သင်္ဘောပေါ်မှာ မီးလောင်သေဆုံးကြတဲ့ အမျိုးသမီးတွေအကြောင်းကို ကြားထားရတဲ့ အမေဖြစ်သူက သားသမီးတွေ အကုန်လုံးကို ရေကူးသင်ပေးမယ်လို့ ဆုံးဖြတ်ချက် ချလိုက်ပါတယ် ဖြစ်ချင်တော့ ထရူဒီဟာ ဝက်သက်ရောဂါက နားအထိဝင်ခဲ့တာမလို့ ရေထဲဆင်းရင် နားကန်းမှာဆိုတဲ့အတွက် ရေကူးသင်ခွင့် မရခဲ့ပါဘူး ဒါပေမဲ့ ဘယ်လိုအခြေအနေမျိုးဖြစ်ဖြစ် ခေါင်းမာမာနဲ့ ရအောင်လုပ်ခဲ့တဲ့ ထရူဒီဟာ ရေကူးတာကို ဝါသနာ ပါတဲ့အလျောက် ရေကူးတဲ့နေရာမှာလည်း သူမတူအောင် ထူးချွန် ခဲ့ပါတယ်.. မိန်းကလေးဆို အချိန်တန် ယောကျ်ားယူ၊ ကလေးမွေး၊ အိမ်မှု ကိစ္စပဲလုပ်ရမယ်ဆိုတဲ့ အယူအဆတွေ၊ ပတ်ဝန်းကျင်တွေရဲ့ ကြားထဲမှာ ထရူဒီတစ်ယောက် အမေနဲ့ အစ်မဖြစ်သူရဲ့ အားပေးမှုကို အကူအညီယူလို့ ရအောင်တွန်းလှန်ခဲ့ပါတယ် သို့ပေမဲ့လည်း ဘယ်လိုနေရာမှာမဆို ကျရှုံးအောင် ထိုးချမယ့် သူတွေက ရှိနေလေတော့ အမျိုးသမီးတွေကလည်း စွမ်းဆောင် နိုင်တယ်၊ ယောကျ်ားသားတွေနဲ့ ရင်ဘောင်တန်းနိုင်တယ်ဆိုတာကို ပြသပြီး ထိုက်သင့်တဲ့ အခွင့်အရေး ရဖို့အတွက်... အမျိုးသားကျွမ်းကျင်ရေကူးသမားအနည်းငယ်သာ ဖြတ်ကူးနိုင်ခဲ့ပြီး အတော်များများ အသက်ဆုံးရှုံးရတဲ့ အင်္ဂလိပ်ရေလက်ကြားကို ဖြတ်ကူးဖို့ ထရူဒီတစ်ယောက် ဆုံးဖြတ်လိုက်ပါတယ်... အဲဒီလိုဖြတ်ကူးရာမှာရော သူ့ကိုယ်သူ ယုံကြည်ထားသလို ထရူဒီ တစ်ယောက် ဖြတ်ကူးနိုင်ခဲ့မလား.. ရေခဲရေလို အေးစက်နေတဲ့ ပင်လယ်ရေ၊ ရာသီဥတုအလိုက် ပြောင်းလဲတတ်တဲ့ ရေစီးကြောင်းတွေ၊ လှိုင်းတံပိုးတွေ၊ ပင်လယ်ထဲက ရေသတ္တဝါတွေနဲ့ ကြိုတင်တွက်ဆလို့မရတဲ့ အန္တရာယ်တွေကြားမှာ ပြင်သစ်ကနေ အင်္ဂလန်အထိ ဖြတ်ကူးရတဲ့ အင်္ဂလိပ်ရေလက်ကြားရဲ့ ၂၁ မိုင်ကွာဝေးတဲ့လမ်းခရီးကို ဘယ်လို ရေကူးပြီး ဖြတ်သန်းမလဲဆိုတာ စိတ်ဝင်တစား ကြည့်ရှုနိုင်မှာ ဖြစ်ပါတယ်.... ဒီကားလေးကိုကြည့်ပြီး ဆုံးဖြတ်ချက်ခိုင်ခိုင်မာမာချ၊ လုပ်စရာ ရှိတာကို ယုံကြည်မှုရှိရှိနဲ့လုပ်ဆောင်ရင် အချိန်တန်တဲ့အခါ ရလဒ်ကောင်းတစ်ခု ရလာနိုင်ပါကြောင်း အားပေးလိုက်ရပါတယ် အားလုံး ဖိုက်တင်းပါ...Nothing is impossible! File size…  5.55GB / 2.55GB / 1.21GB Quality…WEB-DL 4K HEVC 1080p / 720p Format…mp4 Duration….2h 9m Genre ….. Biography , Drama , Romance Subtitle….Myanmar Subtitle (Hard Sub) Encoder….Min Wai Translated by Chothet_mlmt

အက်ဘီဟာ ဖဲသမားအဖေရဲ့ အုပ်ထိန်းမှုအောက်မှာ ကြီးပြင်းလာခဲ့တဲ့ မိန်းကလေးပါ။ အမေကလည်း မိသားစုကို စွန့်ခွာသွားခဲ့တာကြောင့် သူ့ငယ်ဘဝက မသာယာခဲ့ဘူး။ ငယ်ငယ်ကတည်းက ပိုကာနဲ့ ရင်းနှီးလာပြီး ပါရမီထူးသူတစ်ယောက် ဖြစ်လာပေမယ့် အက်ဘီလိုချင်တာက အဖေ့လိုဘဝမျိုးမဟုတ်ဘဲ တည်ငြိမ်အေးချမ်းတဲ့ သာမန်ဘဝလေးပါ။ ဒါကြောင့် အဖေဆီကနေ ထွက်လာပြီး ပိုကာလောကမှာ Lucky 13 လို့ သိကြတဲ့ဘဝကို ချန်ထားကာ ကောလိပ်ကျောင်းသူတစ်ယောက်အဖြစ် အသစ်စဖို့ ကြိုးစားခဲ့တယ်။ ဒါပေမယ့် သူငယ်ချင်းကြောင့် ဖိုက်တာလေး ထရားဗစ်ရဲ့ လက်ဝှေ့ပွဲကို သွားကြည့်ဖြစ်တဲ့အခါ ထရားဗစ်က အက်ဘီကို သဘောကျသွားပါတယ်။ အက်ဘီကတော့ အေးအေးချမ်းချမ်း နေချင်တဲ့သူမို့ ပလေးဘွိုင်းလေး ထရားဗစ်ကို အပြင်းအထန်ငြင်းပြီး တည်ကြည်တဲ့ ဆရာဝန်လေး ပါကာကိုသာ လက်ခံဖို့ ကြိုးစားနေတယ်။ ထရားဗစ်ဘက်ကလည်း အလွယ်တကူ လက်လျှော့မယ့်သူ မဟုတ်ပါဘူး။ တစ်ယောက်ကလိုက်၊ တစ်ယောက်ကရှောင်နေကြတဲ့ သူတို့နှစ်ယောက်ကြားကို အလောင်းအစားတစ်ခု ဝင်လာတဲ့အခါ နာမည်တပ်ရခက်နေတဲ့ ဆက်ဆံရေးက ပိုပြီးပေါ်လွင်လာတယ်။ အရှုပ်အထွေးတွေကနေ လွတ်ချင်တဲ့ အက်ဘီဟာ ထရားဗစ်ကိုပဲ စွဲလမ်းမိလာသလို လူမသိစေချင်တဲ့ အတိတ်ကလည်း ပြန်ပြီး ဒုက္ခပေးလာပါတယ်။ ဒီအချစ်ရေးနဲ့ အတိတ်ကပြဿနာတွေကို အက်ဘီ ဘယ်လိုရင်ဆိုင်မလဲဆိုတာ ပေါ့ပေါ့ပါးပါး လူငယ်အချစ်ဇာတ်လမ်းအဖြစ် ဆက်ပြထားပါတယ်။

အန်နာ ဘိုးမန်းနဲ့ ဆက်ဘာရှန် လောရန့်တို့ဟာ နယူးယော့ခ်မြို့က ကြော်ငြာအေဂျင်စီတစ်ခုမှာ အလုပ်လုပ်ကြပေမယ့် စရိုက်ချင်းတော့ မတူကြပါဘူး။ ဆက်ဘာရှန်က အပူအပင်သိပ်မထားဘဲ လွတ်လွတ်လပ်လပ် တွေးတတ်သူဖြစ်ပြီး ငွေစာရင်းမန်နေဂျာ အန်နာကတော့ အရာရာကို စာရင်းအင်းနဲ့ ချက်ကျလက်ကျ စဉ်းစားတတ်သလို စိုးရိမ်လည်း လွယ်တယ်။ ပဲရစ်က နာမည်ကြီးစိန်အမှတ်တံဆိပ် ဂျူးရန်း ဒိုင်းမွန်းစ်ဟာ အမေရိကမှာ လုပ်ငန်းချဲ့ဖို့အတွက် သူတို့အေဂျင်စီကို ကြော်ငြာအပ်နှံလာပါတယ်။ ဒီအလုပ်ကြောင့် အန်နာနဲ့ ဆက်ဘာရှန်တို့ ပဲရစ်ကို သွားကြရတယ်။ အကျင့်စရိုက်မတူတဲ့ သူတို့နှစ်ယောက် ပဲရစ်မှာ ဘယ်လိုအချစ်ဇာတ်လမ်းမျိုး ကြုံလာရမလဲ၊ လာလုပ်တဲ့ အလုပ်ကိစ္စကရော အဆင်ပြေပါ့မလား။

A Hidden Life (2019) IMDb Rating (7.4) / Rotten Tomatoes (82%) " ကမ္ဘာကြီးကို ပိုကောင်းလာစေတဲ့ အဖြစ်အပျက်တွေထဲမှာ သမိုင်းမတွင်တဲ့လုပ်ရပ်တွေအများကြီးရှိပါတယ် မင်းတို့ငါတို့ရဲ့ ဘဝတွေ ဆိုးမသွားဘဲ အဆင်ပြေနေရတဲ့ အကြောင်းရင်းရဲ့ တစ်ဝက်လောက်က အညတရဘဝနဲ့ရှင်သန်ခဲ့ပြီး ဘယ်သူမှလာမတွေ့တဲ့ အုတ်ဂူတွေထဲက လူတွေရဲ့ ကျေးဇူးတွေပါပဲ။ " - George Eliot ဒုတိယကမ္ဘာစစ်အတွင်းက အေးချမ်းပြီးလူတွေမသိတဲ့ ဘဝလေးတစ်ခု ပျက်စီးခဲ့ရတဲ့ ဖြစ်ရပ်မှန်တစ်ခုကိုအခြေခံထားပါတယ်။ ဖရန့်နဲ့ ဖန်နီက ဩစတေးလျတောင်တန်းတွေကြားက အေးချမ်းသာယာတဲ့ရွာလေးတစ်ရွာမှာ ယာလုပ်ရင်း ချစ်စရာသမီးလေးသုံး‌ယောက်နဲ့အတူပျော်ရွှင်နေကြသူတွေပါ။ ဒုတိယကမ္ဘာစစ်စဖြစ်ကြတော့ ဖရန့်ကို စစ်ထဲဝင်ဖို့အမိန့်စာကျလာပါတယ်.. ဒီလိုနဲ့ လေ့ကျင့်ရေးစခန်းရောက်တဲ့အခါမှာတော့ ငြိမ်းငြိမ်းချမ်းချမ်းပဲနေချင်တဲ့သူ့အနေနဲ့ ခေါင်းဆောင်တွေရဲ့လုပ်ရပ်တွေ မှန်ကန်တယ်လို့မထင်၊ စစ်ပွဲကလည်း မတရားဘူးလို့ယူဆတဲ့အလျောက် ဟစ်တလာကိုသစ္စာခံပါမယ်ဆိုတဲ့ ကျမ်းသစ္စာကိုမကျိန်နိုင်ပါဘူးဆိုပြီး ငြင်းပါလေရော။ ဒါကြောင့် သူဟာ အကျဉ်းထောင်ထဲပို့ခံလိုက်ရပြီး ပြစ်ဒဏ်စီရင်ချက်ချဖို့စောင့်ဆိုင်းနေရတဲ့ အကျဉ်းသားဘဝကို တန်းရောက်သွားပါတော့တယ်။ ဒီရုပ်ရှင်ကားက ဇာတ်လမ်းကဘာဆက်ဖြစ်မလဲဆိုတာထက် တကယ့်အပြင်က ခံစားချက်တွေကိုပဲ ပေးစွမ်းမယ့် ရုပ်ရှင်ကားဖြစ်ပါတယ်။ အကျဉ်းစခန်းက ဖရန့်နဲ့ သူ့မိန်းမနဲ့စာတွေအပြန်အလှန်ရေးပြီးလွမ်းဆွတ်ရတာတွေကိုကြည့်ပြီး နာကျင်မှုတွေက ကိုယ်ထဲထိစီးဆင်းလာမှာပါ။ သာယာပျော်ရွှင်နေတဲ့မိသားစုလေးတခုတည်ရှိခဲ့ပေမယ့် ကိုယ်မှန်တယ်ထင်တဲ့အရာကို‌ခေါင်းမာမာနဲ့ လုပ်လိုက်တဲ့လင်ယောက်ျားကြောင့် သူ(မ)ပင်ပန်းဆင်းရဲစွာအလုပ်လုပ်ရပြီး ပတ်ဝန်းကျင်ရဲ့ဖယ်ကျဉ်ခြင်းကိုခံနေရပေမယ့် လင်ယောက်ျားအပေါ်ငြူစူခြင်းမရှိဘဲ အဆုံးထိပါရမီ‌ဖြည့်ပေးခဲ့တဲ့ မိန်းမတစ်ယောက်ကိုလည်း မှတ်ကျောက်တင်စရာမြင်တွေ့ရမှာပါ။ ဒါတွေအားလုံးက တကယ်ဖြစ်ခဲ့တဲ့အကြောင်းတွေဆိုတာတွေးမိရင် A hidden life ဆိုတဲ့အတိုင်း စစ်ရဲ့ပယောဂကြောင့်လူမသိသူမသိဘဲ ပျက်စီးခဲ့တဲ့ဘဝတွေဘယ်လောက်များရှိမလဲဆိုတာ မတွေးရဲအောင်ပါပဲ။ ဒီရုပ်ရှင်ကားက Epic historical War drama ရုပ်ရှင်ကားကြီးအဖြစ် အမြဲတမ်းမှတ်ကျောက်တင်နိုင်ခဲ့ပြီး ဆုများစွာလဲဆွတ်ခူးရရှိခဲ့ပါတယ်။ File size…(11 GB )/(3.4 GB) / (2.2 GB) Quality….BluRay 4K HEVC/ 1080p HEVC / 720p Format…mkv/mp4 Duration….02:54:00 Subtitle….Myanmar Subtitle (Hardsub) Encoder….Ka Naung Trasnlated by Moe Lay

Leatherface (2017) IMDb - 5.0/10 တက္ကဆက်ပြည်နယ်လူသူမနီးတဲ့နေရာတစ်ခုမှာခြောက်သွေ့ထူးဆန်းပြီးSawyerအိမ်ကြီးတစ်အိမ်ရှိပါတယ် အဲ့ဒီအိမ်မှာနေကြတဲ့မိသားစုနာမည်ကိုအစွဲပြုပြီးမှည့့်ထားတာပါ Sawyer မိသားစုပေါ့ဗျာ အဲ့ဒီအိမ်ကြီးကလူ့ပတ်ဝန်းကျင်အသိုင်းအဝိုင်းနဲ့သိပ်ပတ်သတ်မှုမရှိတဲ့မိသားစုပါ Antiဖြစ်နေလားတော့မသိ အဲ့ဒီအိမ်ကြီးထဲရောက်လာတဲ့သူမှန်သမျှက နည်းလမ်းအမျိုးမျိုးနဲ့သတ်ဖြတ်ခြင်းခံရပါတယ် အဲ့ဒီအိမ်ကြီးရဲ့သတင်းကြောင့်လည်း အစိုးရကကလေးသူငယ်များစိတ်ဓာတ်ပျက်ပြားမှုမရှိဖို့နဲ့ဘေးကင်းလုံခြုံဖို့ Gorman အဆောက်အဦးကိုတည်ဆောက်ပေးထားပါတယ် Gormanအဆောက်အဦးဆိုတာကတော့ပြစ်မှုမှာပါဝင်တယ်လို့ယူဆရတဲ့ကလေးငယ်တွေကိုဘဝသစ်ပြန်စဖို့အခွင့်အရေးပေးတဲ့အနေနဲ့ဆေးကုသမှုပေးထားပြီးစောင့်ရှောက်ထားတဲ့နေရာပါ တစ်နေ့တော့ အဲ့ဒီအဆောက်အဦးဆီကို Lizzyလို့ခေါ်တဲ့သူနာပြုဆရာမအသစ်လေးတစ်ယောက်ရောက်လာပါတယ် စောင့်ရှောက်ခံထားတဲ့သူတွေကလည်းဒီအိမ်ကြီးကစည်းကမ်းတင်းကြပ်ပြီးငြီးငွေ့စရာကောင်းတဲ့အတွက် အားလုံးကလွတ်လမ်းရှာနေကြပါတယ် တစ်နေ့မှာSawyer မိသားစုက ထိန်းသိမ်းခံထားရတဲ့ကောင်လေးJed ကိုတွေ့ခွင့်မပေးတာကြောင့့်ပြသနာတွေတက်ခဲ့ရပြီးထိန်းသိမ်းထားသမျှလူတွေလည်းဝရုန်းသုန်းကားနဲ့လွတ်မြောက်ကုန်တဲ့အထိဆိုးရွားသွားခဲ့ပါတယ် လွတ်မြောက်သွားတဲ့ထဲမှာ ခပ်အေးအေးနေတတ်တဲ့ Jackson နဲ့ Bud ဆိုတဲ့ကောင်လေး၂ယောက်ရယ် သူနာပြုမလေး Lizzy ရယ် ခပ်ဆိုးဆိုးခပ်ကြမ်းကြမ်း Ike နဲ့Clarice တို့အတွဲရယ်အတူတူထွက်ပြေးဖို့အကြောင်းဖန်လာပါတယ် ဒီလိုနဲ့ပဲရှေ့ဆက်ပြီးသူတု့ိ ၅ယောက်ဘာတွေဆက်ဖြစ်ကြမလဲ ဌာနဆိုင်ရာတွေကလည်းဝရမ်းထုတ်ဖမ်းတာကတဖက် Sawyer မိသားစုကလည်းဘယ်လိုတွေစိတ်ဝင်စားစရာပါဝင်ပတ်သတ်လာမလဲဆိုတာစောင့့်ကြည့်ရမယ့် ကြောက်မက်ဖွယ် ခပ်ကြမ်းကြမ်းကားလေးပါ (စကားလုံးကြမ်းတမ်းမှုများကိုသတိပြုပါရန်) (ဘာသာပြန်နဲ့အညွှန်းကတော့ Pyae Xeinn Sett ပါ) File Size : (700 MB) Quality : WEB-DL 720p Running Time : 1hr 30min Format : Mp4 Genre :Horror, Thriller Subtitle : Myanmar Subtitle (Hard Sub) Translated by Pyae Xeinn Sett Encoded by Thanhtike Zaw

The Legend of Hercules (2014) မင်းသားချော Kellan Lutz ရဲ့ တောင့်တင်းတဲ့ ဘော်ဒီပုံစံတွေနဲ့ ရိုက်ကူးထားတဲ့ ဟာကျူလီရုပ်ရှင်ကားကြီးဖြစ်ပါတယ်။ ဝေဖန်ရေးဆရာတွေအကြိုက်မဟုတ်ပေမယ့် ရောမခေတ်အက်ရှင်ဇာတ်ကြမ်းကြိုက်သူတွေအတွက်တော့ အဆင်ပြေမယ့်ကားဖြစ်ပါတယ်။ ဒဏ္ဍာရီလာ ဟာကျူလီဇာတ်လမ်းကို ပုံဖော်ထားတာဖြစ်ပြီး ဟာကျူလီတယောက် ဘယ်လောက်ထိ အားကောင်းမောင်းသန်တယ်ဆိုတာ ကြည့်ရမယ့်ရုပ်ရှင်ကားဖြစ်ပါတယ်။ 300 ဇာတ်ကားဆန်ဆန် တိုက်ပွဲခန်းတွေနဲ့ ကြည့်ပျော်တဲ့အက်ရှင်ကားမလို့ 4K Quality ထိ တင်ဆက်လိုက်ပါတယ်။ File size…(7.1 GB)/ (2.3 GB )/(1.6 GB) Quality…BluRay  4K HEVC/ 1080p HEVC / 720p Format…mkv/mp4 Duration….01:39:00 Subtitle….Myanmar Subtitle (Hardsub) Encoder….Ka Naung

300: Rise of an Empire (2014) IMDb - 6.2/10 Rotten - 44% #ရုပ်ရှင်မိတ်ဆက် ဒီကားကတော့ 2006 ခုနှစ် တုန်းက ထွက်ခဲ့တဲ့ 300 ဇာတ်ကားရဲ့အဆက် အဖြစ် ရိုက်ကူးထားတာဖြစ်ပါတယ်။ ဒီကားက 300 လောက်သိပ်မကောင်းပါဘူး။ အထူးသဖြင့် ဒီကားမှာ စစ် ပွဲကောင်းကောင်းတွေ တွေ့ရမယ်လို့ မျှော်လင့်ထားတဲ့ ကျွန်တော်အတွက်တော့ စိတ်ပျက်စရာဖြစ် ခဲ့ပါတယ်။ ဇာတ်လမ်းကတော့ Themistokles ဆိုတဲ့ အေသင် မြို့က စစ်သူကြီး က ပထမဆုံးအကြိမ် Persian တွေ စစ်ချီလာကတည်းက ရင်ဆိုင်တွေ့ခဲ့ဖူးသလို၊ Xerxes ရဲ့ အဖေဖြစ်တဲ့ (အဲ့ဒီအချိန်တုန်းက စစ်ချီလာတဲ့ Persian ဘုရင်) Darius ကို ပါ မြှားနဲ့ပစ်ခွင်းပြီး သတ်ခဲ့ပါတယ်။ ဒါပေမယ့် အဲ့ဒီတုန်းက ဘုရင့်သားတော် Xerxes ကိုတော့ မသတ်ပဲ လွှတ်ပေးမိရာကနေ Xerxes က နောက်တစ်ကြိမ် ပြန်ပြီး စစ်ချီလာတာဖြစ်ပါတယ်။ ၃၀၀ မှာတုန်းက Sparta ကို Messenger လွှတ်ပြီး အညံ့ခံဖို့ပြောသလိုပဲ Athens မြို့ကိုလည်း အညံ့ခံဖို့ ပြောပါတယ်။ အဲ့ဒါကြောင့် Themistokles က Sparta ကို သွားပြီး King Leonidas ကို သူနဲ့ ပူပေါင်း ဖို့ပြောသလို၊ ဂရိအနေနဲ့ နိုင်ငံတစ်နိုင်ငံ အဖြစ် စုပေါင်းပြီး တိုက်ခိုက်ဖို့ပြောပါတယ်။ ဒါပေမယ့် သူသွားတဲ့အချိန်မှာ Leonidas က Oracle (ရှေးခေတ်က ပုဏ္ဏားကဲ့သို့ ရှေ့ဖြစ်ကို ကြိုပြောနိုင်တဲ့ သူတွေဖြစ်ပါတယ်။ တစ်ခုခုလုပ်မယ် ဆိုရင် သူတို့ကိုသွားပြီး တိုင်ပင်ဆွေးနွေးရပါတယ်။) တွေနဲ့ သွားတွေ့နေတဲ့ အချိန်ဖြစ်လို့ Themistokles နဲ့မတွေ့လိုက်ရပါဘူး။ ဒါကြောင့် သူက Athens က ရှိတဲ့ ရေတပ်အင်အားနဲ့ ရန်သူကိုခုခံရပါတယ်။ တစ်ဖက်က ချီတက်လာတဲ့ ရေတပ် Commander က ဂရိလူမျိုး အမျိုးသမီး Artemisia (Eva Green) ဖြစ်ပြီး သူမကလည်း ဂရိတွေကုန် စိတ်နာနေတဲ့သူဖြစ်ပါတယ်။ အကြောင်းကတော့ သူငယ်စဉ်က ဂရိတစ်မြို့နဲ့တစ်မြို့ စစ်ဖြစ်ရာမှာ အောင်ပွဲခံစစ်သားတွေက သူ့ မိသားစုကို မုဒိန်းကျင့် သတ်ဖြတ်ရုံသာမက သူမကို ကျွန်အဖြစ်ရောင်းစားခံရသလို၊ ကျွန်ဘဝမှာလည်း အနှိပ်စက်ခံ၊ မတရားပြုကျင့်ခံရပြီး၊ မသေရုံတမယ် ဖြစ်နေတော့မှ စွန့်ပစ်ခံခဲ့ရပါတယ်။ ဒါကို ပါရှန်လူမျိုး General တစ်ဦးက ကယ်တင်ပေးပြီး ပညာစုံသင်ပေးသလို၊ သူ့ရဲ့ ပင်ကိုယ်ဗီဇကြောင့် လည်း တိုက်ခိုက်ရေးထူးချွန်ပြီး Persian ဘုရင်ရဲ့ ယုံကြည်မှုကိုရခဲ့ပါတယ်။ ဒါကြောင့် ဒီစစ်ပွဲမှာ Greek တွေကိုမုန်းနေတဲ့ Artemisia ရယ်၊ Greek တွေကို တိုက်ခိုက်ဖို့လာတဲ့ Xerxes ရယ် ကို Greek တွေဘယ်လို တွန်းလှန်မလည်း၊ Greek ဆိုပြီး တစ်နိုင်ငံတည်းပေါင်းစည်း ပြီး တိုက်ခိုက် လာအောင် စည်းရုံးနိုင်ပါ့မလားဆိုတာ ကြည့်ရှုရမှာဖြစ်ပါတယ်။ Visual Effect, Slow Motion, 3-D Effect ကောင်းကောင်းနဲ့ ရိုက်ကူးထားသလို၊ Fight Scene တွေကလည်း အထူးကောင်းမွန်ပါတယ်။ ဒါတွေကောင်းမွန်ရုံနဲ့တော့ ဇာတ်ကားကောင်း တစ်ကား အရမ်းကောင်းပါတယ်လို့ ပြောလို့မရပါဘူး။ ဇာတ်ကားမှာ ပရိတ်သတ်စိတ်ဝင်စားအောင် ဆွဲဆောင် ထားနိုင်တာက Fight Scene တွေနဲ့ Visual Effect ကောင်းကောင်းတွေပဲ ရှိပါတယ်။ အထူးသဖြင့် ၃၀၀ တုန်းက နောက် ထပ် Battle ကို ဘယ်လို ရင်ဆိုင်မလည်း၊ ဘယ်လို နိုင်အောင် တိုက်မလည်း၊ စသဖြင့် တစ်ကားလုံး စိတ်ဝင်စားစရာကောင်းအောင် ရိုက်ကူးထားနိုင်ပေမယ့်၊ ဒီကားကတော့ ဇာတ်လမ်း အဆုံး ပိုင်းနဲ့ ဇာတ်ကားကို စထားသလို၊ Scene တစ်ခုနဲ့တစ်ခုကြားမှာလည်း အချိတ် အဆက်မဲ့နေပါတယ်။ မင်းသားဖြစ်သူ Sullivan Stapleton ကလည်း ဒီကားတစ်ကားလုံး ခံစားချက်မဲ့နေသလိုပါပဲ။ စကားတွေတော့ ပြောနေပေမယ့် Emotion မပါသလို ဖြစ်နေပြီး၊ စစ်မတိုင်ခင် Motivational Speech (စိတ်ဓါတ်လှုံ့ဆော်ရေးစကား)ပြောတာတောင်မှပဲ စိတ်ဓါတ်တက်ကြွဖို့မကောင်းဖြစ်နေပါတယ်။ အထူးသဖြင့် 300 ထဲက King Leonidas အဖြစ်သရုပ်ဆောင်တဲ့ Gerard Butler လို မျိုး အင်တိုက်အားတိုက် မရှိပါဘူး။ Battle Scene တွေကလည်း Slow Motion တွေ အရမ်းများပြီး သွေးထွက်သံယို အခန်းတွေကို လိုတာ ထက်ပိုပြီး Effect သုံးထားလို့ ကြောက်ဖို့ကောင်းရမယ့်အစား၊ ကွန်ပျူ တာလုပ်ကွက်မှန်းသိသာနေပါတယ်။ ဇာတ်ကားကောင်းတစ်ကားဖြစ်ပေမယ့်၊ လက်မလွတ်ခံသင့်တဲ့ကားတော့ မဟုတ်ပါဘူး။ စစ်ကားကောင်း ကြည့်ချင်သူတွေအတွက်ကတော့ Brad Pitt ရဲ့ Troy ပြန်ကြည့်တာက မှပိုကောင်းပါဦးမယ်။ Action ကားကောင်းကို 3D နဲ့ကြည့်ချင်ရင်တော့ ဒီကားကို ကြည့်သင့်ပါတယ်။ ဒီကားက အသက် ၁၈နှစ်အောက် လူငယ်တွေ၊ မိဘမပါပဲ လုံးဝမကြည့်သင့်ပါဘူး။ သွေးထွက်သံယို များသလို၊ Nudity တွေလည်းပါပါတယ်။ Sex Scene တစ်ခန်းပါပြီး၊ Female Nudity လည်းပါပါတယ်။ Eva Green ပါပြီဆိုမှတော့ ဒီလိုပါတော့မယ်ဆိုတာ သူ့ကိုကြည့်ဖူးတဲ့သူတွေ သိကြမှာပါ....... #Sololay (ရုပ်ရှင်မိတ်ဆက် မှကူးယူဖော်ပြပါသည်....) File size...(1.9 GB) / (999 MB) Quality....BluRay 1080p / 720p Format...mp4 Duration....01:42:00 subtitle....Myanmar Hardsub Encoder....Nyeinsaeya Aung

Getaway (2013) ဇာတ်လမ်းတစ်ပုဒ်လုံး ကားမောင်းတဲ့အက်ရှင်အမိုက်စားတွေနဲ့ စိတ်ဝင်စားစရာ ဇာတ်လမ်းဇာတ်အိမ်မျိုးကို ကြိုက်တယ်ဆိုရင်တော့ 2013 ခုနှစ်ကထွက်ခဲ့တဲ့ ဒီ Getaway ဆိုတဲ့ ဇာတ်လမ်းက ရုပ်ရှင်ချစ်သူတွေအတွက် အကြိုက်တွေ့စေမှာပါ. ဒါ့အပြင် ဒီဇာတ်လမ်းထဲမှာ နာမည်ကြီး ဝါရင့်သရုပ်ဆောင်ဖြစ်တဲ့ Ethan Hawke ကို အဓိက ဇာတ်ကောင်အဖြစ် မြင်တွေ့ရမှာပါ. ဒါ့အပြင် ကျွန်တော်တို့ရဲ့ ငယ်ငယ်က crush လေးဖြစ်ခဲ့ဖူးတဲ့ Selena Gomez လေးကလည်း ပါသေးတယ်ဆိုတော့ကာ ဘာလိုသေးလဲ ဦးကြီးရယ်ပေါ့. ဇာတ်လမ်းအကျဉ်း ဘရန့် မဂ်နာဆိုတဲ့ ပြိုင်ကားမောင်းသမားဟောင်းတစ်ယောက်ဟာ ဇာတ်လမ်းအစမှာ အမည်မသိလူတစ်ဦးရဲ့ လမ်းညွှန်စေခိုင်းချက်အရ ကားတစ်စီးကို သွားပြီး ခိုးရပါတယ်. အဲ့ကားမှာ သူ့ကို ခိုင်းတဲ့လူက ကင်မရာတွေအပြည့်တပ်ဆင်ထားပြီး သူဘာလုပ်နေတယ်ဆိုတာကို အစအဆုံး တစ်နေရာကနေ ထိုင်ကြည့်နေပါတယ်. အဲဒီ့လူက ဘယ်သူလဲဆိုတာကိုတော့ ဘရန့်တစ်ယောက်မသိပါဘူး. နောက်တော့ ကျွန်တော်တို့ရဲ့မင်းသမီးလေး Selena နဲ့တွေ့ဆုံဖို့ဖြစ်လာပြီး အဲဒီ့တွေ့ဆုံမှုကလဲ အမည်မသိသူက စီစဉ်ထားတဲ့ တွေ့ဆုံမှုပဲလား? ဘရန့်ကရော ဘာဖြစ်လို့ အမည်မသိသူ ခိုင်းတဲ့အတိုင်း တစ်ခုမကျန်လိုက်လုပ်နေရသလဲ? အဲဒီ့လူရဲ့ သရုပ်မှန်ကရော ဘာဖြစ်မလဲ? စတဲ့ စတဲ့ မြှုပ်ကွက်လေးတွေနဲ့ စိတ်လှုပ်ရှားဖို့ကောင်းအောင် ကြည့်ရှုရမယ့် ဇာတ်ကားကောင်းတစ်ကားဖြစ်ပါတယ်. ဇာတ်လမ်းကိုအခြေတည်ထားတာတော့ ခရစ်စမတ်အချိန်မှာဖြစ်ပေမယ့် တခြား ခရစ်စမတ်ဇာတ်လမ်းတွေကို နုနုရွရွလေးမဟုတ်ပဲ ကြမ်းကြမ်းရမ်းရမ်းနဲ့ ခရစ်စမတ်ကို ဖြတ်သန်းတဲ့ ဘရန့် မဂ်နာ (Ethan Hawke) တစ်ယောက်ကိုမြင်တွေ့ရမှာဖြစ်ပါတယ်. အညွှန်းနှင့် ဘာသာပြန်ကိုတော့ Jo Joe မှရေးသားထားပါတယ်

မင်းသားကြီး Van Damme ကိုယ်တိုင်ဗီလိန်အဖြစ် ပါဝင်သရုပ်ဆောင်ထားတဲ့ Enemies Closer ဆိုတဲ့ဇာတ်ကားလေးကို CM ကနေတင်ဆက်ပေးလိုက်ပါပြီ။ ဟင်နရီကအမေရိကန်နဲ့ကနေဒါနယ်နမိတ်ကတောအုပ်အတွင်းမှာ အလုပ်လုပ်နေတဲ့သူပါ။တစ်နေ့မှာတော့ သူ့ရဲ့အတိတ်ကပြဿနာတစ်ခုကြောင့်သူ့ကို သတ်ဖို့ကြိုးစားတဲ့ ကလေး ဆိုသူရောက်လာခဲ့ပါတယ်။ ဒါပေမဲ့ ကလေးရဲ့ဟင်နရီကိုလုပ်ကြံသတ်ဖြတ်မှုကမအောင်မြင်ခဲ့ပဲ မူးယစ်ဆေးရောင်းဝယ်ရေးအဖွဲ့တစ်ခုက သူတို့ရှိနေတဲ့တောအုပ်ထဲကိုရောက်လာခဲ့ပါတယ်။ ဟင်နရီတို့နှစ်ယောက်ရန်သူအဖြစ်ကနေပူးပေါင်းသွားကြပြီး မူးယစ်ရာဇာတွေကိုဘယ်လိုအနိုင်ယူတိုက်ခိုက်ကြမလဲဆိုတာကို ဒီဇာတ်ကားလေးထဲမှာဆက်လက်ကြည့်ရှုခံစားနိုင်ပါတယ်။

ကေတီဟာ မော်ဒယ်တစ်ယောက်ဖြစ်ပြီး အပိုဝင်ငွေရဖို့ စားသောက်ဆိုင်မှာ အချိန်ပိုင်းအလုပ်လုပ်နေပါတယ်။ မော်ဒယ်လောကမှာ နာမည်ရချင်လို့ အခမဲ့ဓာတ်ပုံအရိုက်ခံမယ့် ကြော်ငြာတစ်ခု လုပ်ခဲ့ရာက ဘူလ်ဂေးရီးယားလူမျိုး ဓာတ်ပုံဆရာညီအစ်ကိုတွေနဲ့ ဆုံမိသွားတယ်။ သူတို့က ကေတီကို အလွန်အမင်း စွဲလမ်းလာကြပြီး အပေါ်ပိုင်းဗလာပုံ ရိုက်ဖို့ တောင်းဆိုလာတဲ့အခါ ကေတီက ဓာတ်ပုံရိုက်တဲ့နေရာကနေ ထွက်လာခဲ့ပါတယ်။ ဒါပေမယ့် နောက်ပိုင်းမှာ သူတို့ရဲ့လုပ်ရပ်တွေ ပိုဆိုးလာပြီး ကေတီဟာ အုပ်စုဖွဲ့ မုဒိမ်းကျင့်ခံရတဲ့အထိ ဖြစ်သွားတယ်။ သူ့ကို ကျူးလွန်ပြီး လွတ်မြောက်နေကြတဲ့ အဲဒီဓာတ်ပုံဆရာတွေကို ကေတီက ပြန်လက်စားချေဖို့ ကြိုးစားပါတော့တယ်။

The Expendables ဟာ လူတိုင်းနီးပါးကြည့်ပြီးသား ကြိုက်ပြီးသားကားဆိုပေမယ့် ဆရာကြီး Sylvester Stallone ကတော့ သိပ်ကျေနပ်ပုံမရပါဘူး။ အဲဒါနဲ့ပဲ ပိုပြီးပြည့်စုံခမ်းနားသွားမယ့် The Expendables Director's Cut ဆိုတာကို ထပ်မံထုတ်လုပ်ခဲ့ပါတယ်။ မင်းသားကြီးများပြီး အပျော်ကြည့် ရုပ်ရှင်ကားတစ်ကားအနေနဲ့ ကြည့်ရှုသူများပြားခဲ့တဲ့ The Expendables ရဲ့ Director's Cut မှာ ထူးခြားသွားတာက Character တွေကို ပိုပြီး အလေးပေးဖော်ပြထားတယ်၊ ရုပ်ထွက်တွေ၊ အသံတွေ အရင်မူရင်းဗားရှင်းထက် ပိုပြီး ကြည်လင်ပြတ်သားသလို ကြည့်ရတာကလည်း ပိုပြီး ချော့မွေ့သွားတယ်လို့ ခံစားရလိမ့်မယ်။ ဇာတ်လမ်းက နည်းနည်းလေး ပိုရှည်သယောင်ယောင်ဖြစ်နေရတာကလည်း ဒိုင်ယာလော့တွေ၊ ဇာတ်ကွက်တွေကို ပိုပြီး အချိန်ပေးထားတာကြောင့်ဖြစ်ပါတယ်။ ဒါကြောင့် အရင်က ကြည့်ရ ထောက်နေတာတွေ၊ ဟာ​နေတဲ့ ဇာတ်ကွက်​တွေ နာမည်ကြီးမင်းသားတွေရဲ့ Screen Time နည်းတာတွေက ဒီဗားရှင်းမှာဖြေရှင်းပြီးသားဖြစ်သွားပါတယ်။ ပြီးတော့ ယခင်ဗားရှင်းထက် အနည်းငယ်ထူးခြားသွားတာကိုတော့ ကြည့်ရှုရင်းနဲ့ပဲ အဖြေရှာကြပါလို့ ညွှန်းဆိုလိုက်ရပါတယ်။ Quality__720p and1080p File Size__1.5GB and 2.3GB IMDb Rating__6.6/10 Format__mp4 Duration__1h43min Type__Action, Adventure, Triller Subtitle__Myanmar Subtitle (Hardsub) Encoded by Htet Wai Lwin