Edi Patterson ပါဝင်သော ဇာတ်ကားများ

ဒီရုပ်ရှင်ကားကတော့ Comedy တစ်ဖြစ်လဲ မိသားစု Drama ရုပ်ရှင်ကားပါ... Night at the Museum, Tower Heist, The Watch ရုပ်ရှင်တွေနဲ့ လူသိများတဲ့ မင်းသားကြီး Ben Stiller က ပင်တိုင်ပါဝင် သရုပ်ဆောင်ထားပြီး ညီအစ်ကိုနေရာမှာ သရုပ်ဆောင်ထားတဲ့ ကလေးလေးယောက်ကလည်း လက်တွေ့ဘဝမှာပါ တကယ့် ညီအစ်ကိုရင်းတွေဖြစ်တာမို့လို့ Chemistry မိမိနဲ့ ဟာသနှောထားတဲ့ မိသားစုရုပ်ရှင်ကားလေးကို ခံစားကြည့်ရှုနိုင်မှာ ဖြစ်ပါတယ်... ချီကာဂိုက Millican Group ဆိုတဲ့ ကုမ္ပဏီမှာ အကြီးတန်း ဖွံ့ဖြိုးတိုးတက်ရေးမန်နေဂျာအနေနဲ့ လုပ်နေတဲ့ မိုက်ကယ် မက်စ်ဝဲလ် သူ ၆ နှစ်တာလောက် အသည်းအသန်ပြင်ဆင်နေတဲ့ အစိုးရ ပရောဂျက်ကြီးအတွက် တခြားကုမ္ပဏီနဲ့အပြိုင် ယှဉ်လုနေရတဲ့ အရေးကြီးအချိန်မှာမှ... အချိန်အတော်ကြာ စကားမပြောဖြစ်တော့တဲ့ ညီမဖြစ်သူနဲ့ သူ့ယောကျ်ားက ကားမှောက်ပြီး သေဆုံးသွားတဲ့အတွက် သူတို့ရဲ့နေအိမ် အိုဟိုင်းယိုးက ယာတောမှာ ကျန်ရစ်ခဲ့သူ ကလေးလေးယောက်ကို မွေးစားအိမ်ရှာပေးဖို့ သူ့ခေါင်းပေါ် တာဝန်ကျလာပါတော့တယ်... သူ့အထင်တော့ မွေးစားအိမ်ရှာတွေ့ပြီးလို့ စာချုပ်မှာလက်မှတ် ထိုးရုံလောက်ပဲ ပြီးရင်အိမ်ပြန်မယ်လို့ တွေးထားခဲ့ပေမဲ့ သူထင်ထားသလို ဖြစ်မလာခဲ့ဘဲ မွေးစားမိဘရှာဖို့ အခက်အခဲ ဖြစ်နေတာကိုမှ တူတော်လေးတွေကလည်း အမွှေစိန်တွေ ဖြစ်နေတဲ့အခါ အရေးတကြီး ပြန်သွားဖို့လိုတဲ့ အလုပ်ကိုပဲ ဦးစားပေးမလား... သူ့ရဲ့အမွှေစိန်တူလေးတွေကို ဦးစားပေးမလားဆိုတာနဲ့ သူတို့ကို ခေတ္တစောင့်ရှောက်ပေးနေစဉ်အတွင်း တူဝရီးတွေကြား ဖြစ်ပျက်သမျှ အလွဲတွေကို ဒီရုပ်ရှင်မှာ ကြည့်ရှုခံစားပြီး ရယ်မောနိုင်မှာ ဖြစ်ပါတယ်... File size… (2.87GB) / (1.03GB ) Quality… WEB-DL 1080p HEVC / 720p Format…mkv / mp4 Duration….1h 44m Genre ….. Comedy , Drama , Holiday Subtitle….Myanmar Subtitle (Hard Sub) Encoder….Min Wai Translated by Chothet_mlmt

Thelma The Unicorn ဇာတ်ကားဟာ Netflix ရဲ့ 2024 နောက်ဆုံးထွက် musical animation ဇာတ်ကားကောင်းလေးတစ်ကား ဖြစ်ပါတယ် အဓိက character ဖြစ်တဲ့ မြင်းမလေး Thelma ကို အသံသရုပ်ဆောင်ပေးထားတာကတော့ ဂရမ်မီဆုတွေ ရထားတဲ့ Brittany Howard ဖြစ်လို့ သီချင်းတွေ မကောင်းမှာကို လုံးဝစိတ်ပူစရာ မလိုပါဘူး။ ဇာတ်လမ်းလေးကတော့ နာမည်ကျော်အဆိုတော် ဖြစ်ချင်တဲ့ မြင်းပုမလေး Thelma ဟု သူ့ရဲ့အပေါ်ယံရုပ်ရည်ကြောင့် အိပ်မက်တွေ လက်တွေ့ဖြစ်ဖို့ အလှမ်းဝေးနေပါတယ်။ အဲဒီချိန်မှာ မတော်တဆမှုတစ်ခုကြောင့် မြင်းပုလေးကနေ unicorn အဖြစ် ပြောင်းသွားချိန်မှာ အောင်မြင်မှုတွေက ပိုနီးလာမလား ပိုဝေးသွားမလား သူ့ရဲ့မိတ်ဆွေစစ် မိတ်ဆွေတုတွေကရော သူ့ကို ဘယ်လိုဆက်ဆံကြမှာလဲ စတဲ့ ဇာတ်လမ်းလေးကို အကောင်းဆုံး သီချင်းတွေနဲ့ ထိုင်ရာမှ မကြွ အစအဆုံးကြည့်နိုင်အောင် ဆွဲဆောင်နိုင်မဲ့ ဇာတ်ကားကောင်းလေး ဖြစ်ပါတယ်.... File size… 2.47GB / 1.16GB Quality…NF WEB-DL1080p 5.1CH / 720p Format…mp4 Duration….1h 33m Genre ….. Animation , Adventure , Comedy Subtitle….Myanmar Subtitle (Hard Sub) Encoder….Min Wai Translated by Lin Aung

ဒီဇာတ်လမ်းထဲက ဆန်တာကလော့စ်ဟာ ဆန်တာမဖြစ်ခင်က တိုက်ခိုက်သတ်ဖြတ်ရာမှာ ကြမ်းတမ်းတဲ့ စစ်သည်တော်တစ်ယောက် ဖြစ်ခဲ့ပါတယ်။ နှစ်ပေါင်းများစွာ ခရစ္စမတ်လက်ဆောင်တွေ ပေးလာပြီးနောက် လူတွေ တဖြည်းဖြည်း လောဘကြီးလာတာကို တွေ့ရင်း ကမ္ဘာကြီးနဲ့ သူ့အလုပ်ကိုပါ စိတ်ကုန်လာတယ်။ အိမ်တစ်အိမ်ထဲ ဝင်လိုက်ရင် နို့နဲ့ ကွတ်ကီးအစား အရက်ပုလင်းကို ရှာသောက်နေပြီး ခရစ္စမတ်ရဲ့ ကောင်းခြင်းတွေကိုလည်း မယုံကြည်တော့ပါဘူး။ ဒါပေမဲ့ တာဝန်ရှိနေသေးတာမို့ လိမ္မာတဲ့ကလေးစာရင်းထဲက ထရူဒီဆိုတဲ့ ကလေးမလေးဆီ လက်ဆောင်ပေးဖို့ ရောက်လာပါတယ်။ ထရူဒီ့မိသားစုက သန်းကြွယ်သူဌေးတွေဖြစ်ပြီး ခရစ္စမတ်မှာ ဆုံကြတိုင်း ကိုယ့်အတွက် ဘာအမြတ်ထုတ်ရမလဲ တွေးနေကြသူတွေပါ။ အဲဒီခရစ္စမတ်ညမှာပဲ လက်နက်ကိုင်တစ်ဖွဲ့က သူတို့စံအိမ်ကို ဝင်စီးပြီး အလုံခန်းထဲက ဒေါ်လာသန်း ၃၀၀ ကို ဖောက်ယူဖို့ ကြိုးစားလာတယ်။ မူးမူးနဲ့ အိမ်ထဲပိတ်မိနေတဲ့ ဆန်တာလည်း ဓားပြတစ်ဖွဲ့လုံးကို ရင်ဆိုင်ရပါတော့တယ်။ Dead Snow နဲ့ Hansel & Gretel: Witch Hunters တို့ကို ရိုက်ကူးခဲ့တဲ့ Tommy Wirkola ရဲ့ အက်ရှင်ဟာသကားဖြစ်ပြီး David Harbour က ဆန်တာအဖြစ် သရုပ်ဆောင်ထားပါတယ်။ အဆဲအဆိုနဲ့ ကြမ်းတမ်းတဲ့ အသတ်အဖြတ်ခန်းတွေ ပါဝင်တဲ့ လူကြီးကြည့် ခရစ္စမတ်ဇာတ်ကားပါ။

Plan B (2021) IMDb Rating - 6.5/10 ကဲ CM ပရိသတ်ကြီးတို့ ss တွေနဲ့ CM gp ထဲမှာ စမြုပ်ပျံလို့ရမယ့် ဇာတ်ကားလာပါပြီ :3 Plan B ဆိုတဲ့ အသုံးအနှုန်းကို ကျွန်တော်တို့ ဘယ်အချိန်မှာ သုံးကြလည်းဗျ လိုရင်းတိုရှင်းပြောရရင် Plan B ဆိုတာ Plan A မအောင်မြင်တဲ့အခါ အသုံးချဖို့ထားတဲ့ Back Up ပါပဲ Plan B ကို နောက်ထပ်တစ်နေရာမှာလည်း သုံးသေးတယ်ဗျ အဲ့ဒါကတော့ Plan B Pill လို့ခေါ်တဲ့ သန္ဓေတားဆေးပါပဲ ဦးထုပ်မဆောင်းဘဲ ကုတင်ပေါ်ကကိစ္စတွေ လုပ်မိတဲ့အခါ အကာအကွယ်အနေနဲ့ အမျိုးသမီးတွေ သောက်တဲ့ဆေးပေါ့ဗျာ အဲ ဒါပေ့မယ် ဒီကားထဲက ဆန်နီဆိုတဲ့ ၁၇ အရွယ်ကောင်မလေးကတော့ ကံဆိုးတယ်ပြောရမှာပေါ့ဗျာ First Time ကို သူ့ crushနဲ့ ဖြစ်ချင်တာလည်း ဖြစ်ခွင့်မရတဲ့အပြင် ကွန်ဒုံးကပါ သူ့ကိုယ်ထဲ ကျန်နေခဲ့တော့ ဆန်နီတစ်ယောက် ကားပါလေရော ဒီတော့ ဆန်နီတစ်ယောက် သူ့ရဲ့ bff လုနဲ့အတူ plan B pill ကို အရေးပေါ်သောက်ဖို့ ကြံရပါတော့တယ် Plan B ဆေားဆိုတာက ဖောင်းဒိုင်းပြီးချိန်နဲ့ အချိန်ဝေးလာလေ ဆေးအာနိသင်က ရာခိုင်နှုန်း နည်းလေသဘောရှိပါတယ် ကံဆိုးမသွားရာ မိုးလိုက်လို့ရွာဆိုသလိုပဲ ဆေးဆိုင်က ဆေးမှူးက သူတို့ ID ကြည့်ပြီး ဆေးမရောင်းပေးတဲ့အခါ ဆန်နဲ့လုတို့ ဆေးတစ်လုံးရဖို့အရေး ရွာလည်ပါတော့တယ် P.s ဟိုခန်းဒီခန်းလေးတွေ ပါ၀င်တဲ့အတွက် မိသားစုနဲ့အတူတော့ မကြည့်သင့်ပါဘူး comedy ဆိုပေမယ့် လူငယ်တွေအတွက် ဗဟုသုတပေးမယ်လို့ မြင်မိပါတယ် အထူးသဖြင့် မိန်းကလေးတွေအတွက်ပါ ဒီလိုအခြေအနေတွေ ကြုံလာရတဲ့အခါ ပြူးပြာမသွားဘဲ စိတ်အေးအေးနဲ့ ဖြေရှင်းနိုင်ဖို့ ပညာပေးထားပါတယ်။ (ဒီဇာတ်လမ်းရဲ့ အညွှန်းကို Yoon Sandi Aung မှရေးသားပေးပြီး၊ ဘာသာပြန်ရေးသားပေးသူများကတော့ Yoon Sandi Aung နဲ့ Shwe Pyae တို့ ပဲဖြစ်ပါတယ်။) Quality – 1080p, 720p WebRip Duration - 1h 47min Subtitle – Myanmar Hardsub Format – Mp4 Genre : Comedy Source : 1080p.WebRip Translator – Yoon Sandi Aung, Shwe Pyae Encoder – SWM

စောင့်​မျှော်​နေကြတဲ့ Jake Gyllenhaalရဲ့ Crime, Thrillerကားသစ် ရပါပြီ၊ ဒီကားက​​တော့ 2018 တုန်းက ထွက်ခဲ့တဲ့ ဒိန်းမတ်ရုပ်ရှင် The Guilty ကို Remake ပြန်ရိုက်ထားတာပါ သူ့နာမည်က ဂျိုး​ဘေလာ၊ LAရဲတပ်ဖွဲ့ရဲ့ အရာရှိတစ်ဦးဖြစ်​ပေမယ့် အတိတ်ကအ​ကြောင်းတစ်ခု​ကြောင့် ၉၁၁- အ​ရေး​ပေါ်ဌာနကို ရာထူးချခံထားရသူ အ​ရေး​ပေါ်ဌာနတို့ရဲ့ ထုံးစံအတိုင်း ကားပိတ်တာ၊ ​ကြောင်သစ်ပင်​ပေါ်တက်တာကအစ သဘာဝ​ဘေးအန္တရာယ်အဆုံး ဖုန်းတဂွမ်ဂွမ်ဆက်လာတာကို ပြန်​ဖြေပေးရတဲ့​နေရာဆို​​တော့ ဂျိုးတစ်​ယောက် ​သိပ်နေသားမကျလှ၊ ရဲအရာရှိဘဝကလာတာမလို့ ​ပေါင်းသင်းဆက်ဆံ​​ရေးကလည်းညံ့​တော့ အ​တော်ဘုကလန့်ကျ​နေတာ​ပေါ့၊ ဒီကြားထဲ အိမ်​ထောင်​ရေးကလည်း အဆင်မ​ပြေ​တော့ တစ်ပူ​ပေါ်နှစ်ပူဆင့် ဖြစ်​နေတာ​ပေါ့ တစ်ရက် LAမှာ မီးအကြီးအကျယ်​လောင်မှု​ကြောင့် အ​ရေး​ပေါ်ဌာနတစ်ခုလုံး ဗျာများ​နေချိန် ဂျိုးဆီကို ဖုန်းတစ်​ကောလ်ဝင်လာတယ်၊ ဖုန်းဆက်လာသူအမည်က အမ်မလီလိုက်တန်၊ ဂျိုးဖုန်းကိုင်ကိုင်ချင်းပဲ သူ့ကို Sweetyဆိုပြီး စ​ခေါ်​​​တော့ လူဂွစာကြီးဂျိုး ​ထောင်းခနဲ​ဒေါသထွက်သွားပြီ၊ ဌာနတစ်ခုလုံးအလုပ်များ​နေချိန် မျက်နှာ​ပြောင်ပြီး ဖုန်းဆက်တာပဲ​​ပေါ့ ဒါ​​ပေမယ့်အဲ့ဒီအမျိုးသမီးရဲ့အသံက တုန်​နေတယ်၊ ငိုသံပါ​နေတယ်၊ ​ကြောက်လန့်​နေတယ်၊ ​ နောက်​ပြောင်ပြီး​ခေါ်တဲ့ဖုန်းမဟုတ်ဘူး။ ဂျိုးလည်းစဉ်းစားရပြီ၊ သူ့ကိုဘာလို့ Sweetyလို့​ခေါ်ရတာလဲ? ဘာလို့ ဖုန်း​​ပြောတဲ့အသံက ထူးဆန်း​နေတာလဲ? စသဖြင့် ​မေးခွန်း​တွေ​မေး၊ စကား​တွေ​ပြောရင်း ကိစ္စကသူထင်ထားသလို ရိုးရှင်းမ​နေမှန်းသိသွားတဲ့အခါ.... အမ်မလီလိုက်တန်ဆိုတဲ့ အမျိုးသမီးက ဘယ်သူလဲ? သူအခုကြုံ​နေရတဲ့ကိစ္စက ဘာလဲ? ဂျိုးရဲ့အတိတ်ကအ​ကြောင်းက​ရော ဘာဖြစ်​နေမလဲ? ပတ်သက်ဆက်နွယ်မှု​တွေ​ရော ရှိနေတာလား စသဖြင့် ပ​ဟေဠိ​ပေါင်းများစွာထွက်​​ပေါ်လာပါတယ် ရိုက်ကူးထားတဲ့ပုံစံက Jake Gyllenhaalတစ်ဦးတည်း အသား​ပေးထားပြီး ကျန်သရုပ်​ဆောင်​တွေက များ​သောအားဖြင့် အသံပဲပါဝင်​ပေမယ့် Jakeရဲ့ ပိုင်နိုင်တဲ့သရုပ်​​ဆောင်မှု​ကြောင့် ဇာတ်ရှိန်အနှိမ့်အမြင့် တစ်ခုလုံးကို ဇာတ်လမ်းစတာနဲ့ ​တောက်​လျှောက်ဆွဲ​​ခေါ်သွားနိုင်မှာပါ။ ကြည့်​နေရင်းနဲ့ကို အထဲကဇာတ်​ကောင် ဂျိုး​ဘေလာနဲ့အတူ ကိုယ်တိုင် ရင်ခုန်မွန်းကြပ်လာတဲ့ ခံစားချက်မျိုးရမှာပါ၊ ​ မူရင်းဇာတ်​ကားနဲ့ ဘာ​တွေကွာ​သလဲ၊ ဘယ်ကားကပို​ကောင်းသလဲဆိုတာကိုတော့ မူခင်း သည်းထိပ်ရင်ဖိုဇာတ်လမ်းကြိုက်သူတိုင်း ကြည့်ပြီးမှ ဆုံးဖြတ်ကြည့်လိုက်ကြပါ အညွှန်းကိုတော့ JimX က ရေးသားထားပြီးတော့ ဘာသာပြန်ထားတာကတော့ JimX နဲ့ Pyi Ti Nyein တို့ပဲ ဖြစ်ပါတယ်။ Quality….720p File size… 1GB Format…mp4 Duration….1h 30min Subtitle….Myanmar Subtitle (Hardsub) Translator ..... JimX and Pyi Ti Nyein Encoder ..... August

Between Two Ferns Between Two Fernsရဲ့ အစီအစဉ်တင်ဆက်သူဇက်တစ်ယောက် သူ့ရဲ့စတူဒီယိုကြီးတစ်ခုလုံးရေလွှမ်းခံလိုက်ရပြီးတဲ့နောက်မှာတော့ ပိုင်ရှင်ဖြစ်တဲ့ဝေးလ်ဖယ်ရိုနဲ့ အပေးအယူတစ်ခုလုပ်ခဲ့လိုက်ပါတယ်။ အပေးအယူကတော့ အင်တာဗျူးအစီအစဉ်အတွက် ၁၀ပိုင်းရှာပေးရင် သူညစဉ်ညတိုင်းပါဝင်နိုင်တဲ့ကိုယ်ပိုင် တီဗီရုပ်သံအစီအစဉ်တစ်ခုပေးဖို့ပါပဲ ။ အပေးအယူကိစ္စအောင်မြင်ပြီးတာနဲ့ ဇက်တစ်ယောက် သူ့စက်အဖွဲ့သား ၃ယောက်နဲ့ နိုင်ငံအနှံ့လျှောက်သွားပြီး အင်တာဗျူးပါတော့တယ်။ သူ့အင်တာဗျူးက တကယ်နာမည်ကြီးသရုပ်ဆောင်တွေကို အဆိုးဖက်ကနေဦးတည်ပြီးတော့ အနောက်ပုံစံနဲ့မေးမြန်းပြီး အတည်ပေါက်နဲ့ ကိုယ့်မကောင်းကြောင်းတွေကို ပြောဆိုခံရတဲ့အနေအထားပါ။ ဆိုတော့ ဇက်တစ်ယောက်သူရဲ့အပေးအယူကိုအောင်မြင်စွာ လုပ်ဆောင်နိုင်မလား ကိုယ်ပိုင်တီဗီအစီအစဉ်တစ်ခုရနိုင်မလားဆိုတာကိုတော့ ဆက်လက်ကြည့်ရှုလို်က်ရအောင်ပါဗျာ။ အင်တာဗျူးခံရတဲ့သူတွေထဲမှာ ကိုယ်တွေရဲ့ မာဗယ်ဟီးရီုးတွေအများကြီးပါဝင်ပါတယ်နော်။ ကိုယ်တွေရဲ့ဒေါက်တာအဆန်းကြီးကိုဖဲ့တာ ဖဲ့တာဆိုတာ။ File size…(1.28 GB) and (601.53 MB) Quality…1080p NF.WEBRip H264 FGT Format…mp4 Duration…1h 22min Subtitle….Myanmar Subtitle (Hardsub) Encoder…sithu Translator...Charm

IMDb Rating (8.0) / Rotten Tomatoes (97%) ဒီဇာတ်ကားက Rating တွေ ကြမ်းသလို နာမည်ကြီးသရုပ်ဆောင်တွေ တော်တော်များများပါဝင်ထားတယ်။ ဂျိမ်းစ်ဘွန်းမင်းသားကြီး Daniel Craig, ကပ္ပတိန်အမေရိက Chris Evans, No Time to Die နဲ့ Knock Knock ဇာတ်ကားတို့မှာ ပရိတ်သတ်အာရုံကို အပြည့်အဝဖမ်းစားခဲ့တဲ့ မင်းသမီး Ana de Armas, 13 Reason Why ရဲ့ Katherine Langford တို့အပြင် တခြားနာမည်ကြီးတွေလဲပါသေးတယ်။ မင်းသမီး Ana de Armas ရဲ့ ရှယ်သရုပ်ဆောင်ချက်တွေကို မြင်တွေ့ရမှာဖြစ်ပြီး Daniel Craig က သူ့ရဲ့သရုပ်ဆောင်ချက်တွေကို ကြိုက်လို့ No Time to Die ဂျိမ်းစ်ဘွန်းဇာတ်ကားမှာ ဒီမင်းသမီးကို ထည့်ရိုက်ခိုင်းခဲ့တယ် ဆိုကြတယ်....ပါဝင်သရုပ်ဆောင်ရတဲ့အချိန် အတိုလေးဆိုပေမယ့် သူ့ရဲ့ဖမ်းစားမှုကို အားလုံးခံခဲ့ကြရတယ်မလား...ခုကားမှာလဲ သူကပဲ ဇာတ်ကို စလည်ဆုံး ဆွဲခေါ်သွားပါဦးမယ်။ စုံထောက်ကားကောင်းကောင်းငတ်နေသူတွေအတွက်ဆို ဒီကားက ရှယ်ပေါ့ဗျာ။ဇာတ်လမ်းကတော့ ၂ ပင် ၃ ပင်လိမ်အောင်ကို လှည့်တာပါ။ တကယ်ကောင်းပါတယ်။နာမည်ကြီးတွေစုပြုံပါဝင်ပေမယ့် ဒီတစ်ခါတော့ ဆရာများ သားသေ မဖြစ်တော့ပါဘူး။ ဇာတ်လမ်းအကျဉ်းပဲ ပြောပြမယ်နော်။ အများကြီးပြောလို့မရဘူး။ ဟာလန်သရွန်ဘီဆိုတဲ့ နာမည်ကြီး လျို့ဝှက်သည်းဖို စာရေးဆရာကြီးရဲ့ ၈၅ နှစ်မြောက် မွေးနေ့မှာ သူ့ သားသမီးတွေ မြေးတွေနဲ့ သမက် ချွေးမတွေ လာစုစည်းပြီး ပါတီလုပ်ကြတယ်။ အကုန်လုံးကလည်း အဘိုးကြီးနဲ့ ပြဿနာ ကိုယ်စီပေါ့။ နောက်နေ့မနက်မှာ ဟာလန်ကြီးက သေနေပါလေရော။ လည်ပင်းကို လှီးပြီး ကိုယ့်ကိုယ်ကို သတ်သေသွားတာပါ။ သတ်သေမှုပါဆိုမှ ဘယ်သူက  အလုပ်အပ်လိုက်မှန်းမသိဘဲ နာမည်ကျော် အလွတ်စုံထောက်ကြီးက ရောက်ချလာရော။ ပြီးတော့ မထင်ထားတာတွေ ဆက်တိုက်ဖြစ်ပြီး ဇာတ်သိမ်းအထိ မထတမ်း ကြည့်မိသွားပါလိမ့်မယ်။ ဒီလောက်ဆို ဘယ်လိုကားလဲ  မှန်းမိမှာပါ။ ရုံးပိတ်ရက်မှာ အပမ်းပြေကြပါစေ။ File size…(4.3 GB) /(1.2 GB)/(1 GB) Quality….BluRay 4K HEVC/1080p HEVC/ 720p Format…mkv/mp4 Duration….02:10:12 Subtitle….Myanmar Subtitle (Hardsub) Encoder….MML , Nyeinsaeya Aung Translated by Little Neo

ဂျွန်မက်ကောက စာအုပ်ထုတ်ဝေရေးအတွက် အလုပ်လုပ်ရတဲ့ အေးဂျင့်တစ်ယောက်ဖြစ်ပြီး စကားလဲ တော်တော်ပြောနိူင်သလို တစ်ဖက်သားကို ယုံအောင် မဟုတ်တာရော ဟုတ်တာပါ ပြောပြီး စည်းရုံးနိူင်တဲ့လူတစ်ယောက်ပါ။ တစ်ရက်တော့ တရားထိုင်နည်းနဲ့ပတ်သတ်ပြီး နာမည်ကြီးနေတဲ့ ဒေါက်တာ ဆင်းဂျားဆီက စာအုပ်ထုတ်ဝေအောင် နည်းအမျိုးမျိုးနဲ့ စည်းရုံးပြီး ကိုယ်ကျိုးအတွက် အသုံးချဖို့ ကြိုးစားပါတော့တယ်။ အဲဒီလို စည်းရုံးလို့အောင်မြင်တဲ့ နောက်တစ်နေ့မှာပဲ သူအိမ်ထဲမှာ သစ်ပင်တစ်ပင်ပေါက်လာပြီး သူစကားတစ်ခွန်းပြောတိုင်း သစ်ရွက်တစ်ရွက်ကြွေသွားတာကို သတိထားမိလာပါတယ်။ အဲဒီသစ်ရွက်တွေသာ ကုန်သွားရင် သူသေသွားမယ်ဆိုတာကြောင့် အတတ်နိူင်ဆုံးစကားမပြောပဲ နေနိူင်အောင်ကြိုးစားပါတော့တယ်။ အဲဒီရဲ့ အကျိုးဆက်ကတော့ အလုပ်မှာရော အိမ်ထောင်ရေးမှာပါ အဆင်မပြေဖြစ်လာပါတယ်။ ဂျွန်မက်ကောတစ်ယောက် အဲဒီလို စကားမပြောပဲနေရတဲ့ ဒုက္ခကနေ လွတ်သွားနိူင်မှာလား၊နောက်ပိုင်းမှာ ဘာတွေဆက်ဖြစ်မှာလဲဆိုတာကို စိတ်ဝင်စားစွာ ကြည့်ရှူရမဲ့ ဇာတ်ကားကောင်းတစ်ခုပါ။ ဒီဇာတ်လမ်းကနေလဲ ဘဝအတွက် သင်ခန်းစာများကို ရယူနိူင်ကြပါစေ (မြန်မာစာတန်းထိုးကို Guerliaမှ ဖန်တီးထားခြင်းဖြစ်ပါတယ်) @joker