Edwin Wright ပါဝင်သော ဇာတ်ကားများ

ညစ်ပတ်ပြီး ကြမ်းတမ်းတဲ့ ဟာသ အက်ရှင် အမျိုးအစားဖြစ်လို့ မိသားစုနဲ့ အတူမကြည့်သင့်ပါဘူး။ ကောင်းတာတော့ အတော်ကောင်းပါတယ်။ ဟယ်ရီပေါ်တာ မင်းသားက ဒီလိုကားတွေနဲ့ အတော်အကျိုးပေးပုံပါပဲ။ ဒီကားမှာတော့ မိုင်လ် ဆိုတဲ့ ကောင်လေးတစ်ယောက်ပေါ့။ မိုင်လ်ဟာ ကုမ္ပဏီတစ်ခုမှာ ကွန်ပြူတာလေး တစ်လုံးနဲ့ အလုပ်လုပ်ရတဲ့ ကောင်လေး၊ လက်တွေ့ဘဝမှာဘယ်သူမှ အထင်မကြီးသလို၊ ဘာမှလည်း အရာမရောက်တဲ့ ကောင်လေးပါ။ ဒီလိုလူတွေရဲ့ ထုံးစံအတိုင်း အင်တာနက်ပေါ်မှာ ထရိုးလိုလို ဂိလိုလိုနဲ့ ဖောင်းထုပြီး ဖင်နာရှာရင်း ပျော်နေရတဲ့ သူပေါ့။ ဒါပေမယ့် သူဖောင်းထုတာ လူမှားသွားပါတယ်။ လူတွေကိုဖမ်းပြီး လူသတ်ပွဲတွေလုပ်ခိုင်းရင်း တိုက်ရိုက်ထုတ်လွှင့်တဲ့ ကောင်တွေကို သွားပြီး ဖောင်းထုမိတာပါပဲ။ ဟိုက တည်နေရာကိုရှာပြီး အိမ်အထိ လာရိုက်တဲ့ အခါမှ ခြေသလုံးဖက်တောင်းပန်ပေမယ့် မမှီတော့ပါဘူး။ ရလာဒ်ကတော့ လူသတ်ကစားပွဲထဲကို အသွင်းခံရပြီး၊ အတော်ဆုံး ကစားသမားနဲ့ အသက်လု ချရဖို့ ဖြစ်လာတော့တာပါပဲ။ ဒီလိုသောက်ပေါနဲ့ တကယ့် လူသတ်သမားအကြမ်းစားတို့ ပြေးကြလွှားကြ တိုက်ကြရင်း အဲဒီပွဲက အင်တာနက်မှာလူကြည့်အများဆုံးဖြစ်လာပြီး သူလည်း တစ်ရက်ထဲနဲ့ နာမည်ကျော်လာပါတော့တယ်။ ဒီလောက်ဆို ဆက်ကြည့်ချင်မယ်ထင်ပါတယ်၊ ဆက်မပြောပြတော့ဘူးနော်။ စကားလုံးရော ရိုက်ချက်တွေရော ကြမ်းလို့ အိမ်မှာ မိသားစုနဲ့ ကြည့်လို့မသင့်တာ သတိပေးပါရစေ။ File Size : ( 916 MB , 334 MB ) Quality : WEB-DL 720p Running Time : 1 hr 35 min Format : Mp4 Genre : Action , Comedy Subtitle : Myanmar Subtitle (Hard Sub) Translated by Little Neo Encoded by Moe Myint Lwin

မာနာဝမ်ဆိုတဲ့ ရေအောက်သုတေသနအဖွဲ့ဟာ မျိုးစိတ်အသစ်တွေကို ရှာဖွေလေ့လာဖို့ ရေငုပ်ယာဉ်ငယ်တစ်စင်းနဲ့ လေ့လာရေးအဖွဲ့ကို ရေအောက်အနက်ဆုံး ကြမ်းပြင်ဆီ စေလွှတ်လိုက်ပါတယ်။ အဲဒီနေရာဟာ ရှေးကျတဲ့ သတ္တဝါကြီးတွေ ကျက်စားရာဒေသဖြစ်ပြီး ရေငုပ်ယာဉ်က အမျိုးအမည်မသိ သတ္တဝါတချို့ရဲ့ တိုက်ခိုက်မှုကို ခံလိုက်ရတယ်။ အဲဒီနောက် လေ့လာရေးစခန်းနဲ့ အဆက်အသွယ် ပြတ်တောက်သွားပါတယ်။ ယာဉ်ထဲကလူတွေကို ကယ်ဖို့ ရေအောက်ကယ်ဆယ်ရေး ကျွမ်းကျင်သူ ဂျိုးနက်စ်ကို သွားအကူအညီတောင်းကြရတယ်။ ဂျိုးနက်စ်က လူတွေနဲ့ အဆက်အသွယ်ဖြတ်ပြီး ထိုင်းနိုင်ငံမှာ အနားယူနေသူပါ။ အစမှာ ပိုက်ဆံဘယ်လောက်ပေးပေး မလိုက်ဘူးလို့ ငြင်းပေမယ့် အဆက်အသွယ်ပြတ်နေတဲ့ ရေငုပ်ယာဉ်ထဲမှာ သူ့အရင်လက်တွဲဖော်ပါ ပါနေမှန်း သိလိုက်ရတော့ ကယ်ဆယ်ရေးလုပ်ဖို့ လိုက်သွားပါတယ်။ ကမ္ဘာ့အကြီးဆုံး ငါးမန်းမျိုးနွယ်ဖြစ်တဲ့ Megalodon က ရေအောက်လေ့လာရေးစခန်းကို တိုက်ခိုက်တဲ့ ဒီသည်းထိတ်ရင်ဖိုဇာတ်ကားမှာ Jason Statham နဲ့ Li Bingbing တို့ ပါဝင်ထားပါတယ်။ ဂျိုးနက်စ်အနေနဲ့ ပင်လယ်ကြမ်းပြင်မှာ ဒုက္ခရောက်နေသူတွေကို ဘယ်လိုကယ်တင်မလဲ၊ ရေအောက်မှာ မမြင်ရသေးတဲ့ သတ္တဝါကြီးတွေကရော ဘာတွေဖြစ်မလဲဆိုတာကို ဆက်လိုက်ရမှာပါ။

Mahana (2016) IMDb..... 7.1 မြန်မာပြည်မှာတော့ လူသိနည်းသေးပေမဲ့ နိုင်ငံတကာမှာတော့ ချီးကျူးမှုတွေရရှိခဲ့တဲ့ Family Drama ရုပ်ရှင်ကောင်းတစ်ကားဖြစ်တဲ့ Mahana (2016) ကို တင်ဆက်ပေးလိုက်ပါတယ်။ Once Were Warriors လို နာမည်ကြီးရုပ်ရှင်ကိုရိုက်ကူးခဲ့တဲ့ ဒါရိုက်တာ Lee Tamahori ရဲ့ နောက်ထပ်လက်ရာကောင်းတစ်ခုဖြစ်ပြီး မျိုးဆက်နှစ်ခုကြားက ပဋိပက္ခနဲ့ မိသားစုလျှို့ဝှက်ချက်တွေကို အခြေခံရိုက်ကူးထားပါတယ်။ မင်းသားကြီး Temuera Morrison က မိသားစုအပေါ် သံမဏိစည်းမျဉ်းနဲ့အုပ်ချုပ်တဲ့ အဘိုးဖြစ်သူနေရာကနေ ပါဝင်ထားပြီး ဇာတ်အိမ်ကတော့ ၁၉၆၀ ခုနှစ်တွေက နယူးဇီလန်နိုင်ငံရဲ့ ကျေးလက်ဒေသမှာ အခြေတည်ထားပါတယ်။ အဲဒီမှာ သိုးမွေးညှပ်လုပ်ငန်းနဲ့ အသက်မွေးကြတဲ့ မာအိုရီလူမျိုးစုမိသားစုနှစ်ခုဖြစ်တဲ့ မဟာနာနဲ့ ပိုတာတို့ဟာ ရန်သူတွေဖြစ်ကြပါတယ်။ မဟာနာမိသားစုရဲ့ အကြီးအကဲဖြစ်တဲ့ အဘိုး "တာမီဟာနာ" ဟာ သူ့မိသားစုတစ်ခုလုံးကို သဘောထားတင်းမာစွာနဲ့ အုပ်ချုပ်ပါတယ်။ ဒါပေမဲ့ ဒီမိသားစုရဲ့ မျိုးဆက်သစ်ဖြစ်တဲ့ သူ့ရဲ့မြေး ဆီမီယွန်ကတော့ အစဉ်အလာတွေကို မေးခွန်းထုတ်ပြီး အဘိုးဖြစ်သူရဲ့ အာဏာကို စတင်စိန်ခေါ်လာပါတယ်။ ရိုးရာဓလေ့ထုံးတမ်းတွေကိုပဲ ဆုပ်ကိုင်ထားချင်တဲ့ အဘိုးနဲ့ အမှန်တရားကို သိချင်တဲ့ စပ်စုတတ်တဲ့ မြေးတို့ကြားက ပဋိပက္ခတွေ ပြင်းထန်လာပါတယ်။ ဆီမီယွန်တစ်ယောက် မိသားစုနှစ်ခုကြားက ရန်ငြိုးတွေရဲ့ နောက်ကွယ်က အကြောင်းအရင်းကို စတင်စုံစမ်းပါတော့တယ်။ သူစုံစမ်းရင်းနဲ့ သူတို့မိသားစုရဲ့ အခြေခံအုတ်မြစ်ဖြစ်တဲ့ သူ့အဘိုးနဲ့ အဘွားရဲ့ အချစ်ဇာတ်လမ်းကြီးဆိုတာဟာ တကယ်တော့ လူတိုင်းထင်ထားသလို မဟုတ်ဘဲ အမှောင်မိုက်ဆုံးသော လျှို့ဝှက်ချက်ကြီးတစ်ခု ဖုံးကွယ်ထားမှန်း သိလာရတဲ့အခါ... သူ့ရဲ့စုံစမ်းမှုတွေက နှစ်ပေါင်းများစွာတည်မြဲလာတဲ့ မိသားစုရဲ့စည်းလုံးမှုကို ပြိုကွဲသွားစေမလား... အစဉ်အလာနဲ့ အမှန်တရားကြား ဗျာများရတဲ့ ကောင်လေးတစ်ယောက်ရဲ့ ရင်နင့်ဖွယ်ရာ Drama Vibe ကို ပြန်လည်ခံစားကြည့်ရှုရမှာဖြစ်ပါတယ်။ File Size : 1.69GB/ 750MB Quality : AMZN WEB-DL 1080p 5.1CH/ 720p Format…mp4 Duration…1hr 40m Genre : Family, Drama Subtitle : Myanmar Subtitle (Hard Sub)