Emily Beecham ပါဝင်သော ဇာတ်ကားများ

Supergirl (2026) IMDb Rating (6.1) / Rotten Tomatoes (53%) Supergirl (2026) ဟာ DC Universe (DCU) ရဲ့ ဒုတိယမြောက် ရုပ်ရှင်ဖြစ်ပြီး ကောမက်ပရိသတ်တွေ အကြိုက်တွေ့ခဲ့တဲ့ Tom King ရဲ့ Supergirl: Woman of Tomorrow ကို အခြေခံပြီး ရိုက်ကူးထားတာဖြစ်ပါတယ်။ ဒါရိုက်တာ Craig Gillespie ရိုက်ကူးထားပြီး Milly Alcock (Supergirl)၊ Matthias Schoenaerts (Krem)၊ Eve Ridley (Ruthye) နဲ့ တခြားသရုပ်ဆောင်တွေ အများကြီးပါဝင်ထားတဲ့ စူပါဟီးရိုး၊ သိပ္ပံဇာတ်လမ်း (Sci-Fi) နဲ့ အက်ရှင်အမျိုးအစား ရုပ်ရှင်တစ်ကားဖြစ်ပါတယ်။ ဇာတ်လမ်းအကျဉ်း ကမ္ဘာမြေပေါ်မှာ ချစ်ခြင်းမေတ္တာအပြည့်နဲ့ ကြီးပြင်းလာခဲ့ရတဲ့ Superman နဲ့ မတူဘဲ Supergirl ဖြစ်သူ Kara Zor-El ကတော့ Krypton ဂြိုဟ် ပျက်စီးသွားချိန်မှာ အပျက်အစီးတွေကြား ၁၄ နှစ်ကြာအောင် ဒုက္ခမျိုးစုံခံပြီးမှ အသက်ရှင်ကျန်ရစ်ခဲ့တာပါ။ ဒါကြောင့်မို့လို့ သူ့ရဲ့ စိတ်ဓာတ်နဲ့ စရိုက်က Superman ထက် အများကြီး ပိုမာကျောပြီး ရင်းနှီးရခက်တဲ့ ပုံစံရှိပါတယ်။ သူ့ရဲ့ ၂၃ နှစ်ပြည့် မွေးနေ့မှာတော့ Kara တစ်ယောက် အာကာသထဲ လှည့်လည်ရင်း သောက်စားမူးယစ်နေတုန်း Ruthye ဆိုတဲ့ ဂြိုဟ်သူ ကောင်မလေးတစ်ယောက်နဲ့ ဆုံတွေ့ခဲ့ပါတယ်။ Ruthye ဟာ သူ့အဖေကို ရက်ရက်စက်စက် သတ်ဖြတ်သွားခဲ့တဲ့ Krem ဆိုတဲ့ လူသတ်သမားကို လက်စားချေဖို့ ကြိုးစားနေတာပါ။ အစတော့ မကူညီချင်ပေမဲ့ Krem က Kara ရဲ့ ခွေးလေး Krypto ကို ထိခိုက်အောင် လုပ်လိုက်တဲ့အခါမှာတော့ Kara တစ်ယောက် ခရစ်ပတိုကို ကယ်ဖို့ Krem ကို တွေ့အောင်ရှာမှဖြစ်မှာမို့ ရုသီကိုခေါ်ပြီး စကြဝဠာတစ်ခွင် စွန့်စားခန်းတွေ ဖွင့်ကြပါတော့တယ်။ သမီးလိမ္မာပုံစံ မဟုတ်ဘဲ သေနတ်၊ ဓား၊ စကြာဝဠာထဲက အရက်ဆိုင်တွေနဲ့ ခပ်ကြမ်းကြမ်း Space Western ပုံစံ ဖန်တီးထားတာမို့လို့ DCU ရဲ့ ဇာတ်ကြောင်းအသစ်ကို မြင်တွေ့ရမှာပါ။ House of the Dragon ထဲမှာ ပရိသတ်သဘောကျခဲ့တဲ့ Milly Alcock က Kara အဖြစ် သရုပ်ဆောင်ထားပြီး Character နဲ့ အတော်လေး လိုက်ဖက်မှုရှိပါတယ်။ Aquaman အဖြစ်ကနေ ပရိသတ်တွေ မျှော်လင့်နေကြတဲ့ အာကာသ ကြေးစားဆုကြေးမုဆိုး Lobo အဖြစ် Jason Momoa ပါဝင်လာတာကလည်း ဇာတ်ကားရဲ့ ကြည့်ချင်စရာ အချက်တစ်ခုပါ။ ကမ္ဘာမြေပေါ်မှာပဲ အခြေမစိုက်ဘဲ ဂြိုဟ်ပေါင်းစုံ၊ အာကာသဓားပြတွေ၊ ကြေးစားတွေနဲ့ အက်ရှင်ခန်းစုံစုံလင်လင် ကြည့်ရမှာဖြစ်လို့ တင်ဆက်ပေးလိုက်ရပါတယ်။ File size… (6.4 GB) / (1.5 GB) / (970 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Action,Adventure,Science Fiction Duration…. 01:48:59 Subtitle…. Myanmar Subtitle (Hardsub)

King & Conqueror (2025) Season 01 (စ/ဆုံး) Viking , Game of Throne , The Last kingdom တို့ကို ကြိုက်တဲ့ ဖန်တွေအတွက် BBC ထုတ် ဗိုက်ကင်းဇာတ်လမ်းတွဲတစ်ခုထွက်လာပါပြီ။ အင်္ဂလန်သမိုင်းက ဘုရင် အက်ဝက်၊ ကျူးကျော်သူ နော်မန်ဒီမြို့စား ဝီလီယံ စတဲ့ တကယ်ရှိခဲ့တဲ့ဇာတ်ကောင်တွေကို အခြေခံပြီး ရိုက်ထားပါတယ်။ ဇာတ်လိုက်ကျော်ကြီးအဖြစ် GOT ထဲက Kingslayer ဂျေမီလန်နစ်စတာဇာတ်ကောင်နဲ့နာမည်ကြီးခဲ့တဲ့ မင်းသား Nikolaj Coster-Waldauက အင်္ဂလန်ပြည်ကို ကျူးကျော်မယ့် ပြင်သစ်နော်မန်ဒီမြို့စားအဖြစ် ဦးဆောင်ပါဝင်ထားပါတယ်။ ဆက်ခံမယ့် အေသည်စတန်ဘုရင်လောင်းသေဆုံးအပြီးမှာ အက်ဝက်ဘုရင်နန်းတက်လာပါတယ်။ ဒီအတောတွင်းမှာ ဝက်ဆက် မာစီယာ နော်သမ်ဘီးယား စတဲ့ အင်္ဂလန်ပြည်ကြီးတည်ခါစက ပြည်နယ်ကြီးတွေမှာ အုပ်ချုပ်သူဘုရင်ခံလောင်းတွေနဲ့ ငြိမ်းချမ်းခဲ့တဲ့ ကာလာပေါ့။ ဒါပေမဲ့ ဘုရင်အက်ဝက်နန်းတက်အပြီး ဘုရင့်မယ်တော် အမ်မာရဲ့ စနက်ကနေ ပြည်တွင်းစစ်ကြီးဖြစ်ဖို့ အကြောင်းဖန်လာပါတော့တယ်။ ပြည်နယ် ၃ ခုက အမတ် ၃ ယောက်ကို ဆင့်ခေါ်လိုက်ပြီး အဓိကမိသားစုဖြစ်တဲ့ ဂေါ့ဝင်းတို့မိသားစုတို့ကို ငြိမ်းချမ်းရေးချိုးဖောက်တယ်ဆိုပြီး ဝက်ဆက်ပြည်ကို ဘုရင်အက်ဝက်က သိမ်းပိုက်ရာကနေ ဇာတ်လမ်းတည်ထားပါတယ်။ ပါဝင်တဲ့သရုပ်ဆောင်တွေကလည်း အရမ်းကောင်း ဇာတ်လမ်းကလည်း ကြမ်းတဲ့အတွက် သေချာပေါက်ကြည့်သင့်တဲ့ ဇာတ်လမ်တွဲပါပဲ။ File size… (600 MB) / (300 MB) Quality…. WEB-DL 1080p HEVC / 720p Format…. mkv/mp4 Genre…. Action & Adventure, Drama Duration…. 45min Subtitle…. Myanmar Subtitle (Hardsub)

My Mother's Wedding (2025) ဟောလိဝုဒ်ရဲ့ ထိပ်တန်း မင်းသမီး Scarlett Johansson နဲ့အတူ Sienna Miller၊ Emily Beecham တို့က ညီအစ်မ ၃ ဦးအဖြစ် အပြိုင်အဆိုင် သရုပ်ဆောင်ထားတဲ့ ဗြိတိန် Drama ရုပ်ရှင်ကားကြီးဖြစ်ပါတယ် ဇာတ်လမ်းကတော့ ရေတပ်ကပ္ပတိန် ကတ်သရင်း (Scarlett Johansson)၊ ဟောလိဝုဒ် မင်းသမီး ဗစ်တိုရီးယား (Sienna Miller) နဲ့ သူနာပြုမလေး ဂျော်ဂျီနာ (Emily Beecham) ဆိုတဲ့ ညီအစ်မ သုံးဦးအကြောင်းကနေ စတင်ထားတာပါ။ သူတို့ ညီအစ်မ သုံးဦးဟာ ခင်ပွန်း နှစ်ဦး မတော်တဆမှုတွေနဲ့ သေဆုံးခဲ့လို့ မုဆိုးမ နှစ်ကြိမ် ဖြစ်ခဲ့ရတဲ့ မိခင်ဖြစ်သူ ဒိုင်ယာနာ (Kristin Scott Thomas) ရဲ့ တတိယမြောက် မင်္ဂလာပွဲကျင်းပဖို့အတွက် မိခင်အိမ်ဆီ ပြန်လည်စုစည်းမိကြပါတယ်။ မင်္ဂလာပွဲ ပြင်ဆင်ရင်းနဲ့ပဲ... မတူညီတဲ့ စရိုက်တွေ၊ မပြေလည်သေးတဲ့ အတိတ်က နာကျင်မှုတွေနဲ့ မိသားစုကြားက လျှို့ဝှက်ချက်တွေ ပြန်လည် ပေါ်ထွက်လာခဲ့ပါတော့တယ်။ ဒီလိုနဲ့ မထင်မှတ်ထားတဲ့ မင်္ဂလာဧည့်သည်တွေရဲ့ ကူညီမှုနဲ့အတူ... ညီအစ်မ သုံးဦးနဲ့ မိခင်ဖြစ်သူတို့ဟာ အတိတ်က စိတ်ဒဏ်ရာတွေကို ပြန်လည်ရင်ဆိုင်ရင်း အနာဂတ်အတွက် ပြန်လည်ကုစားကြရပုံကို ကြည့်ရမယ့်ဇာတ်လမ်းကောင်းလေးဖြစ်ပါတယ်။

ဒီတစ်ခေါက်တင်ဆက်ပေးမယ့်ဇာတ်ကားလေးကတော့ အလယ်ခေတ်နှောင်းပိုင်း Action အမျိုးအစားဇာတ်ကားလေးပဲ ဖြစ်ပါတယ်... ဒီဇာတ်ကားလေးမှာဆိုရင် ၁၄ ရာစုက ဥရောပသားတို့ရဲ့ အားကြီးသူအနိုင်ယူတဲ့ ဘဝပုံရိပ်ကို ဒဏ္ဍာရီသူရဲကောင်း Wilhelm Tell ရဲ့ ဘဝဇာတ်ကြောင်းနဲ့အတူ တင်ဆက် ပြသထားပြီး အလယ်ခေတ်နှောင်းပိုင်းပုံရိပ်တွေကို နှစ်ခြိုက်ဖွယ် ရိုက်ကူးပုံဖော်ထားတာပဲဖြစ်ပါတယ်... Wilhelm Tell ဟာ ဂျေရုစလင်တိုက်ပွဲကနေ ပြန်လာပြီး အမဲလိုက်သမားဘဝနဲ့ ရိုးရိုးကုပ်ကုပ်မိသားစုတစ်စုကို ထူထောင် ထားသူစစ်ပြန်တစ်ယောက်ဖြစ်ပါတယ်... စစ်ပွဲရဲ့အနိဋ္ဌာရုံတွေကို မမြင်ချင်မတွေ့ချင်တော့လို့ ဆွစ်ဇာလန် တောင်ကြားထဲမှာ မိသားစုနဲ့အတူ ဘဝကို အေးအေးချမ်းချမ်း ဖြတ်သန်းနေသူတစ်ယောက်ဟာ ဘုရားသခင်ကိုလည်း ယုံကြည်သူဖြစ်ပြီး သူတစ်ပါးကိုပါ ကူညီတတ်သူဖြစ်ပါတယ် ထိုသို့နေထိုင်ရင်း အခွန်တော်ကောက်တစ်ယောက်အား သတ်ဖြတ်ခဲ့သူကို မုန်တိုင်းထန်နေတဲ့ကန်ရေပြင်ကိုဖြတ်ကာ ကူညီပေးဖို့ ဖြစ်လာခဲ့ရာမှာလည်း ဘုရားသခင်ရဲ့လမ်းစဉ်ကို လိုက်နာသူဖြစ်တဲ့ Tell ဟာ မုန်တိုင်းထန်နေတဲ့ ရေကန်ထဲကို အကြောက်အလန့်မရှိ ဖြတ်ကူပေးပါတယ်... တစ်ဖက်မှာလည်း ၎င်းကူညီပေးခဲ့သူ သတ်ဖြတ်ခဲ့တဲ့ အခွန်တော် ကောက်ဟာ တန်ခိုးထားနေတဲ့ ဩစတြီးယားဘုရင့်လူဖြစ်တာကြောင့် ဘုရင်ဟာ အမျက်ရှလျက် တရားခံကို ဖမ်းဆီးပြီး သူ့သိက္ခာကို ဆယ်ဖို့ မြို့စားဖြစ်သူကို စေခိုင်းခဲ့ပါတယ်... ထိုမြို့စားဟာ ရက်စက်ကြမ်းကြုတ်သူပီပီ တရားခံကိုမမိမချင်း ဆွစ်ဇာလန်ရွာမှန်သမျှကို လိုက်လံရှင်းလင်း မီးရှို့ဖျက်ဆီးပြီး အာဏာပြရာမှာတော့ မူလက လူမျိုးစုပြဿနာများကြောင့် အချင်းချင်းမသင့်မြတ်ကြသူ ဆွစ်ဇာလန်လူမျိုစုများအချင်းချင်း သွေးစီးကာ ဩစတြီးယားရဲ့ အုပ်ချုပ်မှုကို စုပေါင်းတွန်းလှန်ကြဖို့ အကြောင်းဖန်တီးလာပြီး ဩစတြီးယားစစ်တပ်များကို တိုက်ခိုက်ဖို့ ပြင်ဆင်ကြရာမှာတော့… ဒီကားလေးမှာဆိုရင် ၁၄ ရာစုရဲ့ ဆွစ်ဇာလန်မျိုးချစ် ဒဏ္ဍာရီ သူရဲကောင်း လေးသည်တော် Wilhelm Tell အကြောင်းကို အံဩဆန်းကြယ်စွာရိုက်ကူးပုံဖော်ထားတာဖြစ်ပြီး ရင်သပ်ရှုမောဖွယ် တောတောင်ရေမြေတွေကိုနောက်ခံပြုကာ စစ်ဘုရင်တို့ရဲ့ လက်အောက်က မြို့များရွာများရဲ့ နှိပ်စက်ကလူပြုကျင့်ခံရမှုတို့ကို ရသမြောက်တင်ပြထားတာဖြစ်လို့ အလယ်ခေတ်ရုပ်ရှင်ကြိုက်သူ ပရိသတ်များ မြည်းစမ်းကြည့်သင့်တဲ့ဇာတ်ကားလေးဖြစ်ကြောင်း ညွှန်းဆိုတင်ဆက်ပေးလိုက်ရပါတယ်ခင်ဗျာ..... File size… (2.32 GB) / (1.34 GB) Quality… WEB-DL 1080p HEVC / 720p Format…mkv / mp4 Duration….2h 13m Genre ….. Action , Biography , Drama ,  History , War Subtitle….Myanmar Subtitle (Hard Sub) Encoder….Min Wai Translated by Ye Thiha Htet

Slingshot ( 2024) IMDb Rating (5.7) ဒီဇတ်ကားကတော့ သိပ္ပံနဲ့ စိတ်ပိုင်းဆိုင်ရာထိတ်လန့်သည်းဖိုအမျိုးအစားကဇတ်ကားဖြစ်ပါတယ်။ ဒါရိုက်တာက Mikael  Håfström (မစ်ခေးလ်ဟက်ဖ်စထွန်းမ် ) ဖြစ်တယ်။ သရုပ်ဆောင်တွေကတော့ Manchester by the Sea နဲ့ အော်စကာဆုရထားတဲ့ ကေစီအက်ဖလက်ခ်( Casey Afflect )အဂ်လိပ်မင်းသမီး အမ်မလီဘီးချမ်(Emily Beecham ။ အမ်မလီက ကိန်းရုပ်ရှင်ပွဲတော်မှာ ၂၀၁၉ခုနှစ်က Little Joeဇတ်ကားနဲ့အကောင်းဆုံးအမျိုး သမီးသရုပ်ဆောင်ဆုရထားပါတယ်။ နောက်နှစ်ယောက်တော့ Emmy ဆုတွေ နဲ့အခြားဆုတွေရထားတဲ့ အသက်၆၃နှစ်ရှိ ပြီဖြစ်တဲ့လောရ့င်စ်ဖစ်ရှ်ဘာနီနဲ့နက်ရှ်အဖြစ်သရုပ်ဆောင်ထားတဲ့တိုမာကက်ပ်ဝမ်း တို့ဖြစ်တယ်။ ဒါ​ကြောင့်သရုပ်ဆောင်ချက်တွေကတော့ပြောစရာမလိုအောင်းကောင်းပါတယ်။ ဇတ်လမ်းအကျဥ်းကတော့  တိုက်တန်လကိုသွားနေတဲ့အိုးဒက်ဆီး-၁အာကာသယာဥ်ပေါ်မှာကြုံရတဲ့အခက်အခဲတွေ။ အာကာသတွင်းခရီးသွားရာမှာကိုယ်တွင်းစွမ်းအင်သိပ်မလိုအောင်ကာလရှည်အိပ်မောကျအောင်လုပ်ပေးတဲ့ဆေးတွေရဲ့ဆိုးကျိုးကစိတ်ပိုင်းရုပ်ပိုင်းကိုဘယ်လိုသက်ရောက်မလဲ။ ဘယ်ဟာကအစစ်အမှန်လဲဘယ်ဟာကအတုအယောင်လဲ။ အာကာသတွင်း ရက်ရှည်ခရီးသွားရတာကအာကာယာဥ်မှုးတွေအပေါ်ဘယ်လိုသက်ရောက်မှုတွေရှိမလဲ။ အာကာသယာဥ်မှူးသုံးယောက်ကြားကပဋိပက္ခတွေ။တိုက်တန်လပေါ်ကိုရောက်အောင်သွားမှာလားပြန်လှည့်မှာလား။ Slingshot ( လောက်လွှဲလှုပ်ရှားမှုခေါ်ဒြပ်ဆွဲအားအကူ)နဲ့ယာဥ်ရဲ့အလျင်ကိုမြှင့်တက်ပြီးတိုင်တန်ကိုအမြန်ဆုံးရောက်အောင်လုပ်တာအောင်မြင်မလား။ လှပတဲ့အချစ်ဇတ်လမ်းလေးတစ်ပုဒ်လည်းပါမယ်။ လေးနက်တဲ့ ဒိုင်ယာလော့တွေ သိပ္ပံဆိုင်ရာ ဗဟုသုတတွေနဲ့ နောက်ဆုံးမှာမထင်မှတ်တဲ့ အလှည့်အပြောင်းတွေနဲ့ လှည့်စားချက် ထည့်ထားတာက ဇတ်ကောင်တွေအစားရင်ထိတ်ရမယ်ပြီးတော့တွေးစရာ အဆုံးသတ်ကိုပေးမယ်။ အကြိုက်ဆုံး စကားလုံးက "ပိုးဖလံတွေအန္တရာယ်ကြုံရတဲ့အခါအလင်းရှိရာကိုပျံသန်းကြတယ်အလင်းဆီမပျံသန်းဘူးဆို ရင်အပြောင်းအလဲကဘာလဲအမှောင်ထုဆီကိုလား" အကာသထဲလမ်းလျောက်တာတွေမပါပေမယ့် Slingshotဇာတ်လမ်းကိုရေးတဲ့ R Scott Adam( အာစကော့အဒမ်)နဲ့ Nathan Parker (နက်သန်ပါကား)တို့ကပရိသတ်ကိုပေးချင်တဲ့ message ( သတင်း)ကတော့ ပရိသတ် နဲ့အကာသသိပ္ပံလက်တွေ့လောကလူတွေကိုတွေးစရာပေးသလို အခြားအာကာသသိပ္ပံကားတွေနဲ့ ကွဲထွက်နေတာကို တွေ့ရမှာဖြစ်ပါတယ်။ နိုင်ငံတကာမှာreviewကောင်းတွေရရှိထားသလို သင်အချိန်ပေးရတာတန်တာတွေ့ရပါလိမ့်မယ်။ (အညွှန်းနဲ့ဘာသာပြန်ကတော့ Khin Sakar Khin ပဲဖြစ်ပါတယ်) File size…(1.9 GB) / (885 MB) Quality….WEB-DL 1080p HEVC / 720p Format…. mkv/mp4 Duration….01:48:15 Subtitle….Myanmar Subtitle (Hardsub) Encoder….Benjamin Translated by Khin Sakar Khin

အခုတင်ဆက်ပေးမယ့်ဇာတ်လမ်း‌လေးကတော့ နိုင်ငံရေးဇာတ်လမ်းတွေ စိတ်ဝင်စားတဲ့သူတွေအတွက် အကြိုက်တွေ့မယ့် တော်လှန်ရေးကားပုံစံလေးဖြစ်ပါတယ် ဇာတ်လမ်းကိုအရမ်းပြောလိုက်ရင် spoilမိသွားနိုင်လို့ အတိုချုပ်ပဲပြောပါရ‌စေရှင့် အဓိက ကတော့ နိုင်ငံရေးကားလို့ပြောရပါမယ် ချစ်ကြည်ရေးကို ဗန်းပြပြီး နိုင်ငံကိုသိမ်းတာကို မခံနိုင်လို့ပြန်လည်တော်လှန်ကြရာကနေ အဲ့ထဲက နိုင်ငံရေးအရှုပ်တော်ပုံတွေ ဘုရင်နဲ့ဘုန်းတော်ကြီးတစ်ယောက်ပူးပေါင်းကြံစည်မှုတွေနဲ့ အရမ်းဇာတ်အိမ်ခိုင်တဲ့ ဇာတ်ကားလေးတစ်ကားဖြစ်ပါတယ် ဖြစ်ရပ်မှန်ဇာတ်လမ်းကို အခြေခံရိုက်ကူးထားတာလည်းဖြစ်တာကြောင့် ပရိတ်သတ်တွေကို ရသတစ်ခုတော့ပေးစွမ်းနိုင်မှာပါသေချာပါတယ် File size…(2.6 GB)/(1.3 GB) Quality….1080p / 720p Format…mp4 Duration….02:25:00 Genre... Action, History, War Subtitle….Myanmar Subtitle (Hardsub) Encoder….Garfield Translated by Phoo Myat Thwe

အာဖဂန်စစ်ပွဲအတွင်း တာဝန်ထမ်းဆောင်ခဲ့တဲ့ အမေရိကန်တပ်ကြပ်ကြီး ဂျွန် ကန်န်လီနဲ့ အာဖဂန်စကားပြန် အာမက်တို့ရဲ့အကြောင်းကို ရိုက်ကူးထားတဲ့ စစ်ကားပါ။ Guy Ritchie က ရိုက်ကူးပြီး ဂျိတ်ယီလင်ဟော ပါဝင်သရုပ်ဆောင်ထားပါတယ်။ Covenant ဆိုတဲ့ အမည်ကတော့ ကတိတစ်ခု၊ သစ္စာတစ်ခုကို ဆိုလိုတာပါ။ နောက်ခံအခြေအနေအနေနဲ့ ၉/၁၁ တိုက်ခိုက်မှုကို တုံ့ပြန်ဖို့ ၂၀၀၁ ခုနှစ် အောက်တိုဘာ ၇ ရက်မှာ အမေရိကန်တပ်သား ၁၃၀၀ ကို အာဖဂန်မှာ တာဝန်ချထားခဲ့ရာက ၂၀၁၁ ခုနှစ် ဒီဇင်ဘာမှာ တပ်သား ၉၈၀၀၀ အထိ ရှိလာခဲ့ပါတယ်။ အမေရိကန်မှာ ခိုလှုံခွင့်ပေးမယ်ဆိုတဲ့ သဘောတူညီချက်နဲ့ အာဖဂန်စကားပြန် ငါးသောင်းလောက်ကိုလည်း စစ်တပ်က တာဝန်ပေးခဲ့တယ်။ အဲဒီကာလမှာ ဂျွန်နဲ့ အာမက်တို့ဟာ အသက်လုရတဲ့ တိုက်ပွဲတွေကို အတူဖြတ်သန်းခဲ့ကြရပါတယ်။ ၂၀၂၁ ခုနှစ်မှာ အမေရိကန်တပ်တွေ ဆုတ်ခွာပြီး တာလီဘန်တွေ အာဏာရလာချိန်မှာတော့ စကားပြန် ၃၀၀ ကျော်နဲ့ မိသားစုတွေ အသတ်ခံခဲ့ရပြီး ထောင်နဲ့ချီတဲ့ စကားပြန်တွေ ပုန်းအောင်းနေခဲ့ရတယ်။ ဂျွန်ရဲ့ ရဲဘော်ရဲဘက်ဟောင်း အာမက်လည်း တာလီဘန်တွေ သတ်ဖို့ လိုက်ရှာနေတာကို ခံနေရပါတယ်။ ဒီအချိန်မှာ ဂျွန်က အာမက်ကို ကယ်ထုတ်ဖို့ အာဖဂန်ကို ပြန်ဝင်လာပြီး ကြိုးစားပါတော့တယ်။

နာမည်​ကျော်Dark series ပရိုဂျူဆာ​တွေရဲ့ နောက်ထပ်mystery, horror, thriller seriesတစ်ခုဖြစ်တဲ့ 1899seriesထွက်လာပါပြီ။ Darkအ​ကြောင်းကို သိသူ​တွေအတွက် ဒီseriesက ​ဘယ်​လောက် Mind-blownလုပ်ဦးမလဲဆိုတာ ရိပ်စားမိကြမှာပါ။ လက်ရှိ IMDb 9.2နဲ့ RT 71%ရထားပါတယ်။ Darkလိုမျိုး Time travel genre ထပ်သုံးမှာမဟုတ်ဘူးလို့ ​ပြောထားတာလည်းရှိ​တော့ အခုseriesနဲ့ Dark ချိတ်ဆက်ပေးမ​လားဆိုတာ​​​ ​စောင့်ကြည့်ရမှာပါ။​သေချာတာ တစ်ခုက​တော့ Mysteries​ပေါင်းများစွာနဲ့ ကြည့်သူ​​တွေရဲ့စိတ်ကို ကောင်း​ကောင်းကြီးအလုပ်​ပေးဦးမှာပါ။ ဇာတ်လမ်းအညွှန်းက​​တော့ လန်ဒန်က နယူး​ယောက်ကို ​ရေ​နွေး​ငွေ့ သင်္ဘော Kerberosနဲ့ ထွက်ခွာလာတဲ့ လူတစ်စုဟာ လမ်းခုလတ်မှာ ခရီးဖင့်စရာကိစ္စတစ်ခုနဲ့ ကြုံခဲ့ရပါတယ်။ Prometheusလို့​ခေါ်တဲ့ ကုမ္ပဏီတူသင်္ဘောတစ်စင်းဟာ ​ပျောက်ဆုံးသွားတာ ၄လ​ကျော်ထိ ရှိပြီဆို​ပေမဲ့ Kerberosသင်္ဘောဖြတ်သွားတဲ့အချိန်မှ ကိုဩဒိနိတ်နဲ့ တည်​နေရာကို အချက်ပြလာလို့ နဂိုလမ်း​ကြောင်းက​ ပြန်လှည့်ပြီး သွားကယ်ဖို့ ကြိုးစားရာမှ Kerberos​ပေါ်က ခရီးသည်​တွေအ​နေနဲ့ ထူးဆန်း​ပွေလီတဲ့ ပ​ဟေဠိများစွာနဲ့ ပတ်သက်မိသွားပါ​တော့တယ်။ အညွှန်းကိုတော့ JimX က ရေးထားပေးပြီးတော့ ဘာသာပြန်ထားတာကတော့ JimX, Leonard Lin, Act Molemy, Lai Laii, Mary Christ တို့ပဲ ဖြစ်ပါတယ်။ Genre..... Mystery, Drama Quality…. 1080p | 720p | 480p File size… 800MB | 400MB Format… mp4 Duration…. 40min Subtitle…. Myanmar Subtitle (Hardsub) Translator ..... JimX, Leonard Lin, Act Molemy, Lai Laii, Mary Christ Encoder ..... August, Thit San Khant

ဒီနေ့အတွက် Netflix ကထွက်ရှိလာတဲ့ အလန်းစား Action, Fantasy ကားကောင်းလေး တစ်ကားကို တင်ဆက်ပေးချင်ပါတယ်။ အရင်ဆုံးပြောချင်တာကတော့ Anthony Mackie ပါဝင်ထားပြီး . Damson Idris နဲ့အတူ ဒိတ်ဒိတ်ကြဲအပြိုင်သရုပ်ဆောင်ထားတဲ့ ကားလေးပါ . ဒီကားအတွက်လည်း ဘတ်ဂျက်ကို အတော် အကုန်ကျခံရိုက်ကူးထားတယ်လည်းသိရပါတယ်။ 2021 ရဲ့ အစဟာ မူဗီချစ်ပရိသတ်တွေအတွက်တော့ အတော်လေးကျေနပ်စရာကောင်းလောက်မယ့်ကား ကောင်းလေးတစ်ချို့ထွက်ရှိလာတာကိုလည်းတွေ့ရပါတယ်။ ဇာတ်လမ်းအကျဉ်းကိုပြောရမယ်ဆိုရင်တော့ ဟာ့ပ်ဆိုတဲ့ drone pilot တပ်သားတစ်ယောက်ဟာ drone ပစ်ခေတ်မောင်းနှင်ရာမှာအတော်လေးကျွမ်းကျင်ပြီး ပစ်မှတ်ကိုတိတိကျကျပစ်ခတ်နိုင်တဲ့ သူတစ်ယောက်ဖြစ်ပါတယ်။ ဒါပေမယ့် Mission တစ်ခုမှာ သူ့ရဲ့ စိတ်လောပြီး တဇွတ်ထိုးနိုင်တဲ့စိတ်ကြောင့် အမှားတစ်ခုကျူးလွန်မိပြီး . မိမိတပ်ဘက်ကစစ်သားတစ်ချို့ရဲ့ အသက်ပါ ပေးဆပ်လိုက် ရတာကြောင့် ဒဏ်ပေးခံရတဲ့အနေနဲ့ စစ်ဇုံတစ်ခုကိုအပို့ခံရပါတော့တယ်။ အဲ့ဒီ စစ်စခန်းရောက်မှ လီယိုနဲ့တွေ့ပြီး ခက်ခဲကြမ်းတမ်းတဲ့ Mission ကို ရပ်တန့်ရင်ဆိုင်ရမှာကို ပစ်ကွင်းပစ်ကွက် အတိုက်အခိုက်တွေနဲ့ ရိုက်ပြသွားတာကို ကြည့်ရှုရမှာပါ။ Anthony ဖန်တွေကတော့ အကြိုက်ဖြစ်ဦးမှာမလွဲပါဘူး။ (ဒီဇာတ်ကားရဲ့ အညွှန်းကို Yoon Sandi Aungကရေးသားပေးပြီး . ဘာသာပြန်ပေးသူများကတော့ Yoon Sandi Aung, Jerrica, MTA တို့က ဘာသာပြန်ပေးထားပါတယ်။) Quality – 1080p, 720p WebRip Duration - 1h 54min Subtitle – Myanmar Hardsub Format – Mp4 Genre :  Action, Adventure, Fantasy Source : 1080p.WebRip Translator –  MTA, Jerrica, Yoon Sandi Aung Encoder – SWM

ခရူရယ်လာဆိုတဲ့ ဒစ်စနေးရဲ့ နာမည်ကျော် ဗီလိန်ကြီးလာပါပြီ။ ကျတော်တို့ငယ်ငယ်ကတည်းက ခွေးလေးတွေကို လိုက်ဒုက္ခပေးချင်တဲ့ ဒီမိန်းမကြီးကို မြင်တာနဲ့ မုန်းခဲ့တာပါ။ အခုတော့ သူ့နေရာကို အမ်မာကျောက်တုံးလေးက ဝင်ပြီး သရုပ်ဆောင်လိုက်တော့လည်း မုန်းလို့မရတော့ပါဘူး။ မယ်လီဖီးဆန့် ဂျိုလီကို မုန်းလို့မရသလိုပေါ့။ ဒီ Live action အသစ်ကတော့ အတော်ကောင်းတဲ့အထဲမှာ ပါပါတယ်။ ဇာတ်လမ်းဇာတ်ကွက်လည်း အဆင်ပြေတယ်။ ခရူရယ်လာဆိုတဲ့ သူဌေးမကြီးဘယ်လိုဖြစ်လာသလဲဆိုတာကို ကောင်းကောင်းပြထားတာပါပဲ။ ရိုက်ထားတာတွေ ဖက်ရှင်တွေကလည်းအတော်ကိုကောင်းပါတယ်။ ကြည့်ကိုကြည့်သင့်တဲ့ ရုပ်ရှင်ပါပဲ။ ခရူရယ်လာ အကြောင်းကို ပြန်ကြည့်ချင်ရင်တော ့ 101 dalmatians နဲ့ 102 dalmatians ဆိုတဲ့ ရုပ်ရှင်နှစ်ကားရှိပါသေးတယ်။ ဒါကိုလည်း တစ်ခါတည်း တင်ထားပေးပါတယ်။ File size…(2 GB) and (1.4 GB) Quality….Webrip 1080p and 720p Format…mp4 Duration….02:14:00 Subtitle….Myanmar Subtitle (Hardsub) Encoder….Mr.Anderson Translated by Mr.Andreson

ဒါကတော့ ဇာတ်လမ်းတွေကို သူ့ရဲ့ကိုယ်ပိုင်ဟန်နဲ့ဖန်တီးလေ့ရှိတဲ့ Austrianအမျိုးသမီးဒါရိုက်တာ Jessica Hausnerရဲ့ လက်ရာဇာတ်ကားလေးပါ။ Cannes film festivalရဲ့ မြင့်မားတဲ့ဆုတွေမှာ ဇကာတင်စာရင်းဝင်ထားပြီး ခေါင်းဆောင်မင်းသမီးက Cannes Best Actress Awardရထားပါတယ်။ ဇာတ်လမ်းကတော့ Aliceဆိုတဲ့ singleမေမေ အမျိုးသမီးတစ်ယောက်က အပင်မျိုးစိတ်သစ်တွေကို ဖန်တီးပြီး သူ့အလုပ်ကိုအင်မတန်ရူးသွပ်သူပါ။ လူတွေကိုပျော်ရွှင်စေဖို့ အနံ့အရမ်းကောင်းမွန်အောင်ပြုလုပ်ထားတဲ့ အပင်မျိုးစိတ်သစ်တစ်ခုကို ဖန်တီးအောင်မြင်ပြီးတဲ့နောက် အဲ့အပင်လေးကို သူ့သားJoeရဲ့နာမည်ကိုအစွဲပြုပြီး Little Joeလို့နာမည်ပေးလိုက်တယ်။ ဒါပေမယ့် သူ့ရဲ့လုပ်ဖော်ကိုင်ဖက် ဘယ်လာဆိုတဲ့ အမျိုးသမီးကြီးက Little Joeဟာ လူတွေကိုပျော်ရွှင်စေရုံတင်မဟုတ်ပဲ သူ့ရဲ့ဝတ်မှုန်ဟာလူ့ဦးနှောက်ထဲဝင်သွားပြီး လူတွေကိုအပင်ကလွဲရင် တခြားအရာကိုဂရုမစိုက်အောင်ပြောင်းလဲပစ်နေတယ်လို့ အခိုင်အမာပြောဆိုပါတယ်။ Aliceလည်း အစကမယုံကြည်ပေမယ့် သူ့ရဲ့သားကပါ ထူးထူးဆန်းဆန်းတွေပြုမူလာတဲ့အခါမှာတော့.... ဒီဇာတ်လမ်းမှာ ဒါရိုက်တာရဲ့ဝသီအတိုင်း အရောင်တွေကိုသေချာသုံးထားလို့ Displayတွေလှတယ်။ ဇာတ်လမ်းကို ကိုယ်ပါဝင်ပြီး စဉ်းစားစရာတွေဖြစ်လာတယ်။ ဇာတ်လမ်းပြီးသွားတဲ့နောက်မှာလည်း ဒွဟတွေကျန်ခဲ့တယ်။ လူတော်တော်များများအတွက် ကြောင်တောင်တောင်ကားလို့ ထင်နိုင်တယ်။ လူတိုင်းအကြိုက်ကားမျိုးတော့မဟုတ်ဖူးပေါ့။ နောက်ခံအသံတွေကလည်း သဘောမကျတဲ့သူတွေအတွက် စိတ်အနှောက်အယှက်ဖြစ်နိုင်တယ် အဲ့တာကိုချီးကျုးတဲ့သူတွေကလည်းရှိတယ်။ ဒါရိုက်တာပြချင်တာကို တကယ်ခံစားနိုင်ပြီး ဒီလိုကားတွေကိုသဘောတွေ့သူအတွက်တွေတော့ ကောင်းတဲ့ကားလေးပါ။ ဒီတော့ ကိုယ်တိုင်ပဲ ကြည့်ရှုအကဲဖြတ်ကြည့်လိုက်ပါ။ File Size : ( 985 MB ) Quality :  WEB-DL 720p Running Time : 1 hr 45 min Format : Mp4 Genre : Drama , Sci-Fi Subtitle : Myanmar Subtitle (Hard Sub) Translated by Moe Lay Encoded by Moe Myint Lwin

၁၉၅၀ ခုနှစ် ဟောလိဝုဒ်ရုပ်ရှင်လောကကို ထင်ဟပ်ထားတဲ့ Dark Comedy အမျိုးအစား ဇာတ်လမ်း တစ်ပုဒ်အနေနဲ့ Hail Ceasar! ကို တင်ဆက်ပေးလိုက်ရပါတယ်။ ကတ်ပီတော်ပစ်ချားရုပ်ရှင်ထုတ်လုပ်ရေးရဲ့ fixer ဖြစ်တဲ့ အက်ဒီမန်းနစ်စ်ရဲ့ တစ်နေ့စာအလွဲများလို့ ဆိုရမယ့် ဇာတ်ကားလည်းဖြစ်ပါတယ်။ ရုပ်ရှင်လောကကို ဖော်ပြတဲ့ဇာတ်ကားဖြစ်တာနဲ့အမျှ A-List Actor အများစုကို အသုံးပြုထားတာတွေ့ရပါတယ်။ သရုပ်ဆောင်တွေအနေနဲ့ Josh Brolin, George Clooney, Alden Ehrenreich, Ralph Fiennes, Jonah Hill, Scarlett Johannsson, Frances McDorman, Tilda Swinton နဲ့ Channing Tatum အထိ မြိုင်မြိုင်ဆိုင်ဆိုင် ပါဝင်ထားကြပါတယ်။ ဇာတ်လမ်းအကျဉ်းအနေနဲ့ ကတ်ပီတော်ပစ်ချား ရဲ့ ထုတ်လုပ်ရေးဦးစီးဖြစ်တဲ့ အက်ဒီမန်းနစ်စ်ဟာ စတူဒီယိုရဲ့ အရှုပ်တော်ပုံများကို လိုက်လံဒိုင်ခံ ဖြေရှင်းရသူ တစ်ဦးလည်း ဖြစ်ပါတယ်။ တစ်ရက်မှာ စတူဒီယိုရဲ့အဓိကပရော်ဂျက်ဖြစ်တဲ့ “Hail Ceasar” ရဲ့ အဓိကသရုပ်ဆောင် ဘာ့တ်ဝှစ်လော့တ် ရိုက်ကွင်းကနေ ဆေးခတ်ပြီး ပြန်ပေးဆွဲခံခဲ့ရပါတယ်။ စတူဒီယိုအပေါ်မကျေနပ်ချက်တွေကြားမှာ မြေစာပင် ဖြစ်ခဲ့ရသူ ဘာ့တ်ဝှစ်လော့တ်ကလည်း စာရေးဆရာကွန်မြူနစ်အုပ်စု ကြားထဲကို ရောက်သွားခဲ့ပါတယ်။ ဒီလိုနဲ့ အက်ဒီမန်းနစ်စ်ဟာ ပြန်ပေးငွေ ဒေါ်လာ ၁ သိန်းကို ပေးပြီးဖြေရှင်းရန် ကြိုးစားစဉ်မှာပဲ ဘာ့တ်ဝှစ်လော့တ် ရဲ့ အညှီအဟောက်သတင်းတွေကို အနံ့ရပြီး အမြတ်ထုတ်ချင်နေသူ သိုရာ နဲ့ သတ်စလေ ညီအစ်မတို့ရန် ကလည်း ဉာဏ်နဲ့ ဖြေရှင်း ရပါသေးတယ်။ တစ်ဖက်မှာလည်း စတူဒီယိုအတွက် မင်းသားရှာတဲ့ အလုပ်၊ လင်ကောင်မပေါ်ဘဲ ကလေးရလာမယ့် မင်းသမီးအတွက် စတူဒီယိုပုံရိပ်မကျအောင် ကြံစည်ရပုံတွေ၊ ဘာ့တ်ဝှစ်လော့တ်ကို ဖမ်းခေါ်သွားတဲ့ လူတွေ နောက်ကို စုံစမ်းဖို့ကိစ္စတွေကို ၂၄ နာရီနီးပါးအတွင်းမှာ အက်ဒီမန်းနစ်စ် တစ်ယောက်အကွက်ကျကျ ဘယ်လို စီမံသွားမလဲဆိုတာကို ကြည့်ရှုရမှာ ဖြစ်ပါတယ်။ File size…    2.4 GB /  1 GB Quality… BluRay 1080p / 720p Format… mp4 Duration…. 1h 46m Genre ..... Comedy/Drama Subtitle…. Myanmar Subtitle (Hard Sub) Encoder…. Thit San Khant Translated by Sai Sumali

Into the badlands IMDb (8.1/10) ဒီ series က​တော့ American television series တစ်​ခုဖြစ်​ပြီး တစ်​မူထူးခြားတဲ့ series တစ်​ခုဖြစ်​ပါတယ်​ ဇာတ်​လမ်​းရဲ့​ခေတ်​ကာလက​တော့ ကမ္ဘာပျက်​ပြီး နှစ်​​ပေါင်း ၅ဝဝခန့် အကြာမှာ ဖြစ်​​နေ​ပေမယ့် ​သေနတ်​​​တွေ မပါပဲ တုတ်​ဓားလက်​နက်​​တွေဖြင့်သာ ကွန်​ဖူးကွက်​ကျကျ တိုက်​ခိုက်​သတ်​ပုတ်​တဲ့ အခန်း​တွေကိုသာ ရင်​သပ်​ရှု​မောဖွယ်​ကြည့်ရမှာဖြစ်​ပါတယ်​... ဇာတ်​လမ်​းရဲ့အ​နေအထားကလဲ Game of throne ဆန်​ဆန်​ နယ်​​မြေထီးနန်းလုတဲ့ ဇာတ်​အိမ်​သ​ဘောမျိုးကိုတည်​​ဆောက်​ထားပါတယ်​.. ဇာတ်​လမ်​းအညွှန်းကို​ပြောပြရရင်​........ ကမာ႓ပျက်​ပြီး ခန့်မှန်း​ခြေအားဖြင့် နှစ်​​ပေါင်​း ၅ဝဝအကြာမှာ လူ​တွေဟာ လျှပ်​စစ်​ပစ္စည်းများ....​သေနတ်​များ အစရှိတဲ့ ​ခေတ်​​ပေါ်ပစ္စည်းများကို စွန့်ပစ်​လိုက်​ကြပြီး ဓားများ ​လေးမြှား တုတ်​စသည်​တို့ကိုသာ အသုံးပြုကြပါ​တော့တယ်​..... အဲ့အချိန်​ကာလဟာ အ​ကြောက်​တရားနဲ့ ယုတ်​မာဆိုးသွမ်​မှု​တွေသာ ကြီးစိုး​နေပါ​တော့တယ်​ ...... "ဘတ်​လန်းစ့်"နယ်​​မြေ​ကို လူ ၇​ယောက်​က ပိုင်းခြားအုပ်​ချုပ်​ပြီး ကိုယ့်ကိုကိုယ်​ "ဘယ်​ရွန်​"သခင်​​တွေ အဖြစ်​ခံယူကာ လက်​​အောက်​ခံလူများကို ကျွန်​​အဖြစ်​ ခိုင်း​စေကြပါတယ်​ "ဘတ်​လန်းစ့်"နယ်​​မြေ ရဲ့ "ဘယ်​ရွန်​"သခင်​​၇​ယောက်​ဟာ ဘိန်းစိုက်​ခြင်း၊ ​ရေနံထုတ်​ခြင်း ၊" ​ကောဗ့်"လို့​ခေါ်တဲ့ အလုပ်​သမားများကို​ရောင်းခြင်း စတဲ့ ကိုယ်​ပိုင်​ စီးပွား​ရေးလုပ်​ငန်းများ ကိုယ်​စီရှိကြပါတယ်​ ​နောက်​ပြီး "ဘယ်​ရွန်​"သခင်​​တွေမှာ "ကလစ်​ဘာ"လို့​ခေါ်တဲ့ စစ်​သည်​​တော်​​တွေရှိကြပြီး ထိုကလစ်​ဘာ​တွေကို "ရီးကျင့်"အမတ်​က သင်​ကြား​လေ့ကျင်​့​ပေးပါတယ်​ ..ထို "ရီးကျင့်"အမတ်​​တွေ "ကလစ်​ဘာ"​တွေဟာ "ဘယ်​ရွန်​"သခင်​​ လက်​​အောက်​မှ အမှုထမ်များဖြစ်​ပါတယ်​... ဇာတ်​ကားရဲ့ ဇာတ်​လိုက်​မင်​းသားက​တော့ တရုတ်​အက်​ရှင်​မင်​သား "ဒန်​နီယယ်​ဝု"ဖြစ်​ပြီး ဆန်​နီအဖြစ်​ သရုပ်​​ဆောင်ထားပါတယ်​။ပြီး​တော့ သူဟာ "ကွင်းစ့်"ဘယ်​ရွန်​သခင်​ရဲ့ "ရီးကျင့်"အမတ်​တစ်​​ယောက်​ဖြစ်​ပါတယ်​ ။ "ရီးကျင့်"အမတ်​​တွေကို ချမှတ်​ထားတဲ့စည်းကမ်းတစ်​ခုက​တော့ အိမ်​​ထောင်​ပြုပြီး မိသားစုဘဝထူ​ထောင်​လို့မရပါဘူး စည်းကမ်း​ဖောက်​ရင်​ ​သေဒဏ်​​ပေးပါတယ်​ ဆန်​နီဟာ သူ့ချစ်​သူနဲ့​မှောက်​မှားမိပြီး ကိုယ်​ဝန်​ရှိလာတဲ့အခါမှာ​တော့ "ဘတ်​လန်းစ်​"နယ်​​မြေက​နေ ထွက်​​ပြေးဖို့ကြံစည်​ပါ​တော့တယ်​..... သူတို့ ​အောင်​မြင်​စွာနဲ့ပဲ ထွက်​​ပြေးနိုင်​ပြီး မိသားစုစုံစုံလင်​နဲ့ ငြိမ်းချမ်းစွာ​နေထိုင်​နိုင်​မလား ဒါမှမဟုတ်​ "ဘတ်​လန်းစ်​"နယ်​​မြေ အပြင်​ဘက်ဟာ " ဘတ်​လန်းစ့်"နယ်​​မြေထက်​ ပိုမို ဆိုးသွမ်းပြီး ယုတ်​မာတဲ့အ​မှောင်​ကမ္ဘာဖြစ်​​နေမလားဆိုတာက​တော့.......... ဆက်​လက်​ကြည့်ရှုလိုက်​ပါ.....။ (ဘာသာပြန်ထားတင်ဆက်ထားသူများကတော့ MgKing , Hnin Amy Khine , Megumi , Zwel Zan Aung , Tin Nilar တို့ဖြစ်ပါတယ်။) File size…(400 MB) Quality…HD 720p Format…mp4 Duration….45:00 @Episode Subtitle….Myanmar Subtitle (Hardsub) Encoder….Nyeinsaeya Aung

Rise of the Footsoldier (2007) IMDb Rating (6.7) / Rotten Tomatoes (14%) ဒီကားက ဂန်းစတားကားဆိုတော့ ဂန်းစတားကြိုက်တဲ့လူတွေ ကြိုက်ကြမယ့်ကားပဲ။ ပိုထူးတာက ဒီကားက အကုန် တကယ့်ဖြစ်ရပ်မှန်တွေလို့ ပြောလို့ရတယ်။ အဲဒီထက်ပိုထူးတာက ဒီဇာတ်လမ်းကို ရေးခဲ့တဲ့သူ ဒီကားရဲ့ အဓိကဇာတ်ကောင်က အခုထိ သက်ရှိထင်ရှားပဲ။ ဇာတ်လမ်းတွေလည်း ထပ်ပြောပြနေတုန်းပဲ။ ၆ကားထွက်ထားတယ်။ ဒုတိယကားကတော့ ဒီကားလိုပဲ သူကိုယ်တိုင်ပြောပြထားတဲ့ ဇာတ်လမ်းပဲ။ ကျန်တဲ့ ၄ကားကတော့ ဖစ်ရှင်တွေဖြစ်သွားတယ်။ ဇာတ်ကတော့ ဘောလုံးအသင်းကို အားပေးတဲ့အဖွဲ့တွေချင်း ရန်ပွဲတွေကနေ စတယ်။ ဟိုဘက်အသင်းဖန်နဲ့ ဒီဘက်အသင်းဖန် ကွဲကြပြဲကြ ဓားထိုးကြ ဆော်ကြတဲ့အထိ အားပေးကြတယ်။ လူမိုက်လိုကောင်တွေပေါ့။ ဇာတ်ဆောင်က အဲဒီလိုကောင်တွေထဲက တစ်ကောင်ပဲ။ အဲဒီနောက် ကလပ်အပေါက်စောင့်ဖြစ်လာတယ်။ အဲဒီနောက် ဂန်းစတား။ မူးယစ်ရာဇာပေါ့။ အဲဒီမှာ သူကြုံခဲ့ရတဲ့ အခြေအနေတွေ သူကြုံခဲ့ရတဲ့ဘော်ဒါတွေအကြောင်း ပြောပြထားတယ်။ ကျန်တဲ့၅ကားတော့ ဘယ်လိုနေမလဲမသိပေမဲ့ ဒီပထမကားရဲ့ ဒါရိုက်တာက တင်ဆက်ပုံတော်တော်ကောင်းတယ်။ ဘိုင်အိုဂရပ်ဖီလိုဇာတ်ကို ပျင်းစရာမကောင်းအောင် ဇာတ်ကြောင်းပြောပြနိုင်တော့ တော်တော်တော့ ကြည့်ကောင်းတဲ့ ဖြစ်ရပ်မှန်ဂန်းစတားကားပါပဲ။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (4 GB) / (2 GB) Quality…. Blu-Ray 1080p HEVC / 720p Format…. mkv/mp4 Genre…. Action,Crime,Thriller Duration…. 02:15:39 Subtitle…. Myanmar Subtitle (Hardsub)

Zombie ကားလိုမျိုး တစ်တိုင်းပြည်လုံးဗိုင်းရပ်စ်ကူးစက်ခံရလို့ပြေးရတဲ့ Survival ကားမျိုးကြိုက်သူတွေအတွက် 2007ခုနစ်ခုနှစ်ကထွက်ရှိထားတဲ့ 28 weeks later ဆိုတဲ့ဇာတ်ကားလေးကိုတင်ဆက်ပေးချင်ပါတယ် ဒီဇာတ်ကားမှာ Jeremy Rennerလည်းပါဝင်သရုပ်ဆောင်ထားပါတယ် ဇာတ်လမ်းအကျဥ်းလေးကတော့ အင်္ဂလန်နိုင်ငံမှာ ကုသလို့မရတဲ့ဗိုင်းရပ်စ်တစ်မျိုးကူးစက်ပြန့်ပွားနေပြီး တစ်နိုင်ငံလုံးနီးပါးရောဂါကူးစက်ခံထားရပါတယ် ခြောက်လအကြာမှာတော့ ကူးစက်ခံထားသူတွေဟာအစာငတ်မွတ်မှုကြောင့်သေဆုံးသွားကြပါတယ် လန်ဒန်ကနေရာတစ်ခုမှာ ဗိုင်းရပ်ကင်းစင်တဲ့နယ်မြေအဖြစ်သတ်မှတ်ပြီး အသက်ရှင်လွတ်မြောက်လာတဲ့သူတွေကအဲ့မှညပဲနေရပါတယ် အမေရိကန်စစ်တပ်နဲ့ဆေးအဖွဲ့ကလည်း ပြန်လည်ထူထောင်ရေးအတွက်ကူညီပေးနေပါတယ် တမ်မီနဲ့အန်ဒီတို့မောင်နှမနှစ်ယောက်ဟာ ကျောင်းလေ့လာရေးခရီးသွားနေတာကြောင့် ဒီဖြစ်ရပ်နဲ့မကြုံတွေ့လိုက်ရပါဘူး သူတို့ပြန်ရောက်လာတဲ့အခါမှာတော့ အသက်ရှင်သူတွေထဲမှာ သူတို့အဖေပဲပါလာပြီး သူတို့အမေပါမလာတော့တာကိုတွေ့လိုက်ရပါတယ် သူတို့နှစ်ယောက်သူ့အမေရဲ့ဓာတ်ပုံကိုလိုချင်လို့ လုံခြုံတယ်လို့သတ်မှတ်ထားတဲ့နေရာကိုကျော်ပြီး သူတို့အရင်အိမ်ကိုပြန်သွားရာကနေ ဗိုင်းရပ်စ်ပိုးပြန်လည်ပြန့်ပွားလာတဲ့အခါ........