Emma Corrin ပါဝင်သော ဇာတ်ကားများ

100 Nights of Hero (2025) IMDb Rating (6.3) / Rotten Tomatoes (68%) ဒီဇာတ်ကားဟာ "One Thousand and One Nights" (အာရေဗျပုံပြင်များ) ကို ဖဲမီးနစ်အမြင်နဲ့ ပြန်လည်ဆန်းသစ်ထားတဲ့ စိတ်ကူးယဉ် ဒရမ်မာဇာတ်ကားတစ်ကား ဖြစ်ပါတယ်။ Nosferatu မင်းသမီး အမ်မာကိုရင် ပါဝင်ထားပါတယ်။ ဇာတ်လမ်းကတော့ Birdman ဆိုတဲ့ ဖန်ဆင်းရှင်ကို ကိုးကွယ်ကြတဲ့ ကမ္ဘာတစ်ခုမှာ တည်ရှိနေပါတယ်။ ဒီကမ္ဘာမှာ အမျိုးသမီးတွေဟာ စာဖတ်ခွင့်၊ စာရေးခွင့် တားမြစ်ခံထားရပြီး လွတ်လပ်ခွင့်တွေ ပိတ်ပင်ခံထားရပါတယ်။ ဇာတ်လမ်းရဲ့ အဓိက ဇာတ်ကောင်ဖြစ်တဲ့ အိမ်ဖော်လေး ဟီးရိုး နဲ့ ချယ်ရီတို့ဟာ ချယ်ရီ့ရဲ့ခင်ပွန်း ပြန်မလာခင် ရက်ပေါင်း (၁၀၀) အတွင်းမှာ မန်းဖရက်ဆိုတဲ့လူက အလောင်းအစားနဲ့ ဖောက်ပြန်အောင် မြူစွယ်ဖို့ ကြိုးစားမဲ့ ရန်ကနေ ကာကွယ်ဖို့ ကြိုးစားရပုံကို ရိုက်ကူးထားတာပါ။ ဟီးရိုးဟာ ချယ်ရီ့ရဲ့ ဂုဏ်သိက္ခာကို ကာကွယ်ဖို့နဲ့ အချိန်ဆွဲဖို့အတွက် တစ်ခုတည်းသော လက်နက်ကို ထုတ်သုံးခဲ့ရပါတယ်။ အဲဒါကတော့ "ပုံပြင်ပြောခြင်း" ပါပဲ။ ညတိုင်း ညတိုင်း ဟီးရိုးဟာ မန်းဖရက်ကို စိတ်ဝင်စားဖွယ်ရာ ပုံပြင်တွေ ပြောပြပြီး သူ့ကို ဖမ်းစားထားရပါတယ်။ ဒီဇာတ်ကားမှာ ဟီးရိုး ပြောပြတဲ့ ပုံပြင်တွေဟာ ရိုးရှင်းတဲ့ ပုံပြင်တွေ မဟုတ်ပါဘူး။ "နှုတ်သီးရှည် ညီနောင်များ" (The Beaked Brothers) ရဲ့ အုပ်ချုပ်မှုအောက်မှာ စာဖတ်ခြင်း၊ အချစ်ကို ဖော်ထုတ်ခြင်းတို့ကြောင့် "စုန်းမ" ဟု စွပ်စွဲခံရပြီး အသတ်ခံရမယ့် ရိုဇာ (Rosa) နဲ့ သူမရဲ့ ညီအစ်မများအကြောင်း လိုမျိုး စိတ်လှုပ်ရှားဖွယ်ရာ၊ ရင်ကွဲဖွယ်ရာ ဇာတ်လမ်းတွေကို ထည့်သွင်း ပြောပြသွားမှာ ဖြစ်ပါတယ်။ အမျိုးသမီးတွေရဲ့ စာပေနဲ့ ပညာဉာဏ်ရည်ကို ဖိနှိပ်ထားတဲ့ ခေတ်စနစ်ကို တော်လှန်တဲ့ ဇာတ်ကွက်တွေ၊ ညီအစ်မ သံယောဇဉ်၊ အချစ်နဲ့ သစ္စာတရားကို ပုံဖော်ထားတာတွေကိုရှေးခေတ်ပုံပြင် ပြောနည်းစတိုင်နဲ့ တင်ဆက်ထားပြီး စိတ်ကူးယဉ်ဆန်ဆန် ရိုက်ကူးထားတာ ဖြစ်ပါတယ်။ စုန်းလိုက်ပွဲခေတ်ရဲ့ အခြေအနေကို ထင်ဟပ်ပြသထားတာပါပဲ။ File size… (5.2 GB) / (1.4 GB) / (720 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Fantasy,Romance Duration…. 01:31:20 Subtitle…. Myanmar Subtitle (Hardsub)

Nosferatu (2024) IMDb Rating (7.6) / Rotten Tomatoes (84%) ဒီရုပ်ရှင်ကတော့ ၁၉၂၂ တုန်းက ရိုက်ကူးခဲ့တဲ့ ဂန္ဓဝင်ဂျာမန်ဟော်ရာရုပ်ရှင်ကြီးကို ပြန်လည်ဖန်တီးထားတာပါ။ မူရင်းရုပ်ရှင်ကိုတော့ ကြောက်ဖို့အရမ်းကောင်းလို့ ဆွီဒင်နိုင်ငံမှာဆို ၁၉၇၂ အထိ ပိတ်ပင်ခံခဲ့ရတာပါ။ ဒါ့အပြင် မူရင်းရုပ်ရှင်ဟာ ဘရမ်စတုတ်ရဲ့ ကမ္ဘာကျော် ဒရက်ကူလာဝတ္ထုကို မူပိုင်ခွင့်မတောင်းဘဲ မှီငြမ်းရိုက်ကူးခဲ့လို့ ဘရမ်စတုတ်ရဲ့ အမျိုးသမီးက တရားစွဲတာ ခံခဲ့ရပါတယ်။ လျော်ကြေးမပေးနိုင်လို့ ပရိုဂျူဆာတွေက ဒေဝါလီခံသွားပြီး ရုပ်ရှင်ရဲ့ ဖလင်နဲ့ မိတ္တူအားလုံးကို ဖျက်ဆီးဖို့ တရားရုံးက အမိန့်ချခဲ့ပါတယ်။ ဒါပေမဲ့ မိတ္တူအချို့ ဖျက်ဆီးခံရတဲ့ဘေးကနေ လွတ်မြောက်သွားတာမို့ လိုင်းပေါ်မှာ ရှိနေပြီး ချန်နယ်မြန်မာမှာလည်း တင်ပေးထားမှာပါ။ အခု ၂၀၂၄ ဗားရှင်းကတော့ မူပိုင်ခွင့်ယူထားတယ်လို့ မကြေညာထားပေမဲ့ သီးသန့် သဘောတူညီချက်ရှိရင်ရှိမှာပါ။ နောက်ပြီးတော့ ဒရက်ကူလာဝတ္ထုဟာလည်း ထုတ်ဝေပြီး နှစ် ၅၀ အကြာမှာ အများသုံးမူပိုင်ခွင့်စာရင်းထဲ ပါဝင်လာပြီမို့ တရားတော့အစွဲမခံရလောက်ဘူးထင်ပါတယ်။ အခုရုပ်ရှင်ဟာ The Lighthouse 2019 ရဲ့ ဖန်တီးရှင် ရောဘတ်အက်ဂါ ရိုက်ကူးထားတဲ့ဖြစ်ပြီး သူ့ရဲ့လက်ရှိ အကောင်းဆုံးလက်ရာလို့ ပြောလို့ရပါတယ်။ နို့စ်ဖရာတူ ၁၉၂၂ ဟာ ရောဘတ် ဒါရိုက်တာဘဝမှာ အကြီးအကျယ်လွှမ်းမိုးခဲ့တဲ့ရုပ်ရှင်ဖြစ်တာကြောင့် ဒီလို အကောင်းဆုံး ပြန်ရိုက်ကူးနိုင်ခဲ့တာလည်း ဖြစ်မှာပါ။ သရုပ်ဆောင်တွေအနေနဲ့ကတော့ အယ်လာဟက်တာအဖြစ် ဂျွန်နီဒက်ရဲ့ သမီး လီလီ-ရို့စ် ဒက်၊ သောမတ်ဟက်တာအဖြစ် နီကိုလတ်ဟောက်ထ်၊ နယ်စားကြီး အောလော့အဖြစ် IT ထဲက လူပြက်ကြီး ဘေလ်စကားစဂတ်၊ ပါမောက္ခဖရန့်အဖြစ် ဝီလီယံဒဖိုးတို့ ပါဝင်ထားတာပါ။ ဇာတ်လမ်းအကျဉ်း နို့စ်ဖရာတူ ဆိုတဲ့ စကားလုံးရဲ့ ဇစ်မြစ်ကတော့ ကွဲပြားနေတာအမျိုးမျိုးရှိပါတယ်။ ရိုမေးနီးယားဘာသာဖြစ်ပြီး ဗမ်ပိုင်းယား၊ ပလိပ်ကပ်ဘေး၊ သေမင်း စသဖြင့် အဓိပ္ပါယ်ဖွင့်ဆိုနိုင်ပေမဲ့ ရိုမေးနီးယားစကားလုံးအစစ်ဟုတ်မဟုတ်၊ ဂျာမန်လား အခြားဘာသာလားဆိုတာ အတည်ပြုရခက်ပါသေးတယ်။ ဒီရုပ်ရှင်မှာတော့ သောမတ် နဲ့ အယ်လန်တို့က ကြင်စဦး ဇနီးမောင်နှံတွေပါ။ သောမတ်ဟာ ဆင်းရဲတာကြောင့် ငွေရှာဖို့ကြိုးစားရင်း နယ်စားကြီးအောလော့ဆီမှာ အိမ်စာချုပ်တစ်ခု သွားချုပ်ပေးဖို့ ကြုံလာပါတယ်။ သောမတ်တစ်ယောက် အောလော့ဆီကို ရောက်နေတုန်းမှာပဲ အယ်လန်ဟာ ညဘက်တွေ ယောင်တာ၊ လမ်းထလျှောက်တာ၊ အတက်ရောဂါတွေဖြစ်လာပြီး ဆရာဝန်တွေ ကုလို့မနိုင်လောက်အောင် ဆိုးရွားလာပါတယ်။ သောမတ်ကလည်း အောလော့ဟာ လူသားမဟုတ်တာကို သိပြီးထွက်ပြေးဖို့ ကြိုးစားရပါတော့တယ်။ အဲဒီအချိန်မှာပဲ ဝစ္စဘက်မြို့တစ်ခုလုံး ပလိပ်ကပ်ဘေးကြီးကျလာတဲ့အခါ ဂမ္ဘီရပညာတွေကိုလေ့လာနေတဲ့ သမားတော် ဗွန်ဖရန့်နဲ့ သောမတ်ဇနီးမောင်နှံတို့ဟာ နို့စ်ဖရာတူ ခေါ် နယ်စားကြီးအောလော့ကို နှိမ်နင်းဖို့ ကြိုးစားကြရပါတော့တယ်။ ဒီရုပ်ရှင်အတွက် ဘေလ်စကားစဂတ်ဟာ အော်ပရာအဆိုတော်တစ်ယောက်နဲ့ အောလော့အသံကို လေ့ကျင့်ခဲ့ပြီးမှ သရုပ်ဆောင်ခဲ့တာပါ။ ဝီလီယံဒဖိုးကလည်း ကြွက်အစစ် အကောင် ၂၀၀၀ နဲ့ ဇာတ်ဝင်ခန်းကို ပီပီပြင်ပြင် သရုပ်ဆောင်ပေးနိုင်ခဲ့ပါတယ်။ ဆုတွေ တစ်ပုံကြီးသိမ်းပိုက်ထားပြီး အော်စကာမှာလည်း ထိပ်ဆုံးကပြေးမဲ့ရုပ်ရှင်တစ်ကားပဲဖြစ်ပါတယ်။ ရောဘတ်အက်ဂါပိုင်တဲ့ ရုပ်ရှင်အလင်းအမှောင်နဲ့ ရိုက်ကွင်းအလန်းတွေ၊ အသံဖန်တီးမှုကောင်းတွေ၊ သရုပ်ဆောင်ကောင်းတွေအပြင် မူရင်းဟော်ရာမြင်ကွင်းတွေနဲ့ ခေတ်သစ်ဟော်ရာစတိုင်တွေကို ပေါင်းစပ်ထားတာမို့ နို့စ်ဖရာတူ ၂၀၂၄ ဟာလည်း ဂန္ဓဝင်ဟော်ရာရုပ်ရှင်စာရင်းထဲမှာ သေချာပေါက်ပါလာမဲ့ ရုပ်ရှင်ပဲဖြစ်ပါတယ်။ အိပ်ရာခန်းအချို့နဲ့ ရက်စက်တဲ့အခန်းတွေ ပါဝင်တာကြောင့် မိသားစုနဲ့ကြည့်လို့တော့ သိပ်အဆင်မပြေလောက်ပါဘူး။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size…(9.2 GB) / (2.3 GB) / (1.1 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Fantasy, Horror, Mystery Duration….02:13:38 Subtitle….Myanmar Subtitle (Hardsub) Encoder….Benjamin Translated by Mr. Anderson

Deadpool & Wolverine (2024) IMDb Rating (7.9) / Rotten Tomatoes (78%) Official WED-DL Version ရုပ်သံအကြည်ထွက်လာလို့ 4K Quality နဲ့ ပြန်လည်တင်ဆက်လိုက်ပါပြီ။ Deadpool & Wolverine (2024) အပြင် အရင်ထွက်ခဲ့တဲ့ Deadpool နှစ်ကားကိုလည်း Channel Myanmar Web and App မှာ ကြည့်နိုင်ပါပြီ။ ပြီးတော့ ဒီရုပ်ရှင်နဲ့ဆက်စပ်တဲ့ MCU ရုပ်ရှင်အကုန်၊ Fantastic Four နှစ်ကား၊ Blade ၃ ကား၊ Loki စီးရီး စတာတွေကိုလည်း Channel Myanmar Web and App မှာ အသင့်တင်ပေးထားပါတယ်။ Deadpool & Wolverine (2024) ရုပ်ရှင်ဟာ Loki စီးရီးထဲက TVA အချိန်ခရီးသွားအဖွဲ့နဲ့ ချိတ်ထားတာမို့ ဒါမကြည့်ခင် Loki စီးရီး ကို အရင်ကြည့်ရင် ပိုနားလည်မှာပါ။ ဇာတ်လမ်းအကျဉ်း ဒက်ပူးဟာ အဗန်ဂျာအဖွဲ့ထဲကို ဝင်ဖို့ကြိုးစားပေမဲ့ မအောင်မြင်တာရယ်၊ စော်နဲ့ ပြတ်တာရယ်ကြောင့် စိတ်ဓာတ်ကျပြီး ကားအရောင်းစာရေးပဲ လုပ်နေတော့တာပါ။ ဒါပေမဲ့ တစ်နေ့မှာတော့ အချိန်စီးကြောင်းကွဲထွက်တာတွေကို ထိန်းချုပ်တဲ့ TVA ဆိုတဲ့အဖွဲ့က လာဖမ်းသွားပါတယ်။ အဓိက အကြောင်းရင်းကတော့ ဒက်ပူးရဲ့ စကြဝဠာက ပျက်စီးတော့မှာဖြစ်လို့ ဒက်ပူးကို ပျက်စီးတဲ့အထဲ မပါအောင် သူတို့အေးဂျင့်အဖြစ်ခိုင်းလို့ရအောင် ခေါ်လိုက်တာပဲ ဖြစ်ပါတယ်။ ဒါပေမဲ့ စကြဝဠာကို မပျက်စီးအောင် ကယ်ဖို့ ဝူးဗရင်းရဲ့ အကူအညီနဲ့ ဖြစ်နိုင်တယ်ဆိုတာ သိလိုက်ရတဲ့အခါ စကြဝဠာပေါင်းစုံကို ခြေဆန့်ပြီး ဝူးဗရင်းတစ်ယောက်ကိုရှာပါတော့တယ်။ နောက်ပိုင်းမှာတော့ ဝူးဗရင်းနဲ့ဒက်ပူး နှစ်ယောက်သား အချင်းချင်းချလိုက်၊ စွန့်စားခန်းတွေဖွင့်လိုက်ဖြစ်နေတာကို ဆက်ကြည့်ရုံပါပဲ။ ဒီရုပ်ရှင်မှာ အရင်ရုပ်ရှင်တွေထဲက နာမည်ကြီး ဇာတ်ကောင်တွေကို ဧည့်သည်အဖြစ်ထည့်ပြီးဟာသတွေလုပ်ထားတာမို့ ရယ်လည်းရယ်ရ ကြည့်လို့လည်း ကောင်းပါလိမ့်မယ်။ ကြည့်လိုက်ကြပါဦး။ File size…(8.1 GB) / (2.2 GB )/(1.5 GB) Quality…WEB-DL 4K HEVC/ 1080p HEVC / 720p Format…mkv/mp4 Duration….02:09:13 Subtitle….Myanmar Subtitle (Hardsub) Encoder….Ka Naung Translated by Mr.Anderson

IMDb Rating 7.7/10 ဒါဘီဟာ့တ်ဟာ အပျော်တမ်းလူငယ်စုံထောက် ဟက်ကာတစ်ယောက်ပါ။ အဖေဖြစ်သူက မှုခင်းအရာရှိ‌တစ်ယောက်ဖြစ်လို့ သူဟာ ငယ်ငယ်ကတည်း က အလောင်းတွေ လူသေမှုတွေနဲ့ မစိမ်းတဲ့လူတစ်ယောက်ပေါ့။ တစ်နေ့ ဒေတာမှတ်တမ်းတွေကို ဟက်ခ်ပြီး ရှာဖွေကြည့်တော့ ဒီလူသေမှုတွေရဲ့ တစ် ဝက်က မတော်တဆမှုနဲ့ သေဆုံးတာဖြစ်ပြီး ကျန်တစ်ဝက်က မဖြေရှင်းနိုင်တဲ့ လူသတ်မှုတွေဆိုတာ သူသိလိုက်ရတယ်။ ဒီလိုနဲ့ ဒါဘီဟာ ဘီလ်ဆိုတဲ့ အဖော်ကောင်လေးနဲ့အတူ သူပထမဆုံး လိုက်ခဲ့တဲ့ လူသတ်မှုအကြောင်း " ဆေးလ်ဗားဒိုး" ဆိုတဲ့ စာအုပ်ကို ရေးသားခဲ့တယ်။ ဒီစာ အုပ်ကြောင့် တစ်ရက်မှာ နည်းပညာအရာမှာ ဆရာတစ်ဆူကျတဲ့ အန်ဒီရွန်ဆန် ဆိုသူဟာ စွန့်ဦးတည်ထွင်သူတွေပါဝင်တဲ့ ခရီးစဉ်တစ်ခုမှာ ဒါဘီ့ကို ပါဝင်ဖို့ ဆက် သွယ်လာတယ်။ လေးစားအားကျရသူရဲ့ ဖိတ်ခေါ်မှုကြောင့် လိုက်ပါလာတဲ့ ဒီခရီး စဉ်က သူ့ရဲ့ စုံထောက်ပညာကို တစ်ဖန်ထပ်အသုံးချဖို့ ဖြစ်လာမယ်ဆိုတာတော့ ဒါဘီဟာ့ဒ်တစ်ယောက် မသိခဲ့ပါဘူး .... (ဒီစီးရီးရဲ့ အညွှန်းကို Act Molemy မှရေးသားပေးပြီး၊ ဘာသာပြန် ရေးသားပေး သူများကတော့ Act Molemy, May Thet Khine Soe တို့ ဖြစ်ပါတယ်။) File Size.............(300 Mb) / (600 MB) Quality...............WEB-DL 720p / 1080p Total Episodes...7 Duration............50Mins(@Episode) Subtitle..............Myanmar Hardsub Format...............MP4 Genre.................Drama, Mystery, Thriller Translator..........Act Molemy, May Thet Khine Soe Encoder..............SWM

Good Grief (2023) ~ IMDb - 6.4/10, RT - 78%, Meta - 60% ~ Schitt's Creek Sitcom နဲ့ နာမည်စရလာခဲ့သလို Schitt's Creek ရဲ့နောက်ဆုံးစီဆန်ကိုလည်း ကိုယ်တိုင်ရေးသား ရိုက်ကူး သရုပ်ဆောင်ခဲ့တဲ့ Emmy လေးဆုပိုင်ရှင် Dan Levy ကိုယ်တိုင် ရေးသား ရိုက်ကူး သရုပ်ဆောင်ထားတဲ့ရုပ်ရှင်ပါ။ Dan Levy ရဲ့ ပွဲဦးထွက်ရုပ်ရှင်လည်း ဟုတ်တယ်။ Rotten Tomatoes - 78% ရထားတော့ ပွဲဦးထွက်အနေနဲ့ဆို အရည်အချင်းရှိတယ်ပြောရမှာပါပဲ။ နက်ဖလစ်ကနေ ဖြန့်ပေးထားတဲ့ ရုပ်ရှင်လည်း ဟုတ်ပါတယ်။ ဇာတ်ကတော့ လိင်တူအချစ်ကို Focus ထားပြသလိုပြနေရင်းက သူငယ်ချင်းတစ်အုပ်ကြားကအချစ်ကို Focus ထားပြထားတဲ့ ရုပ်ရှင်လို့ပြောလို့ရပါတယ်။ မက်ဆိုတဲ့ ဂေးတစ်ယောက်ရှိတယ်။ သူက ပန်းချီဆွဲတဲ့အလုပ်လုပ်တယ်။ ပြောရရင်သရုပ်ဖော်ပုံဆွဲတာပေါ့။ စာအုပ်အဖုံးတို့ ပုံပြင်တို့ကိုဆွဲတာများတယ်။ သူ့ယောက်ျားကတော့ နာမည်ကျော် စာရေးဆရာ။ သူ့ယောက်ျားစာအုပ်တွေကိုလည်း သူပဲ သရုပ်ဖော်ပုံဆွဲတာ။ သူတို့လင်ယောက်ျားနှစ်ယောက် ပျော်ပျော်ရွှင်ရွှင်နဲ့ပဲ နေလာခဲ့တာကြာပြီ။ သူတို့အိမ်လေးကလည်း ပါတီတွေ သူငယ်ချင်းတွေနဲ့သာယာနေခဲ့တယ်။ ဒီလိုနဲ့ အပျော်တွေမကုန်ခင် တစ်နေ့မှာ သူ့ယောက်ျားဆုံးသွားတယ်။ ဘဝမှာ သူ့ယောက်ျားကိုပဲကြည့်ရင်း နေလာခဲ့တဲ့လူတစ်ယောက်ဟာ သူ့ယောက်ျားမရှိတော့တဲ့နောက် သူ့ယောက်ျားနဲ့အတူနေခဲ့တဲ့ အိမ်ကြီးထဲ တစ်ကိုယ်တည်း ရှင်သန်ရဖို့ဖြစ်လာတယ်။ သူ့သူငယ်ချင်းတွေက သူတို့ဘဝရဲ့ တစ်နှစ်တာအချိန်ကို အကုန်ခံပြီး သူ့ကိုအားပေးဖို့ သူနဲ့အတူလာနေပေးကြတယ်။ တစ်နှစ်ပြည့်ပြီးတဲ့နောက် သူ့ယောက်ျားချန်ထားခဲ့တဲ့စာကို ဖောက်ဖတ်ဖို့ သတ္တိရှိလာတဲ့အချိန် ဒီစာဟာ သူ့ဘဝကို ဘယ်လိုရိုက်ခတ်သွားခဲ့သလဲ... သူ့သူငယ်ချင်းတွေနဲ့သူ့ဆက်ဆံရေးက ဘာဖြစ်သွားမလဲ... ကျွန်တော်တို့မြင်ရလိမ့်မယ်။ ဆိုခဲ့သလို ဒီရုပ်ရှင်ဟာ အချစ်အကြောင်းကနေ သူငယ်ချင်းတွေအကြောင်းဖြစ်သွားတဲ့ရုပ်ရှင်ပါပဲ။ ခင်မင်မှုရဲ့ ခွင့်လွှတ်ခြင်း လှပခြင်းတွေကို တစိမ့်စိမ့်ကြည့်ရလိမ့်မယ်။ ဒီလိုကားမျိုးတွေက သရုပ်ဆောင်ကောင်းရင်ကောင်းသလောက် ပိုတာသွားတတ်သလို Dan Levy, Luke Evans, Emma Corrin, Passing (2021) ထဲက အဓိကဇာတ်ကောင်ဖြစ်ခဲ့တဲ့ မင်းသမီးဇာတ်ဆောင်အော်စကာဆု ဆန်ခါတင်ဖူးခဲ့တဲ့ Ruth Negga, Yesterday (2019)ထဲက မင်းသား Himesh Patel တို့လို သရုပ်ဆောင်ကောင်းတဲ့ ဆရာကြီးတွေချည်း သရုပ်ဆောင်ထားတာမို့ ကြည့်ရတာတော့ ရှယ်တန်မှာပါ။ (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size - 1.5GB, 665MB Quality - 1080p, 720p IMDb Rating - 6.4/10 Format - mp4 Duration - 1H 40Min Genre - Comedy, Drama, Romance Subtitle - Myanmar Subtitle (Hardsub) Translated by W Encoded by Y

My Policeman (2022) IMDb Rating - 6.3/10 One Direction အဖွဲ့က ဟယ်ရီစတိုင် ခေါင်းဆောင်မင်းသားအဖြစ် ပါဝင်ထားတဲ့ BL ရုပ်ရှင်အသစ်တစ်ကားဖြစ်ပါတယ်။ ကျွန်တော့်ရဲ့ ရဲသားကြီးဆိုတဲ့နာမည်နဲ့ နာမည်ကျော်ဝတ္ထုကို ပြန်ရိုက်ကူးထားတာပါ။ Firebird ဇာတ်လမ်းနဲ့ဆင်သလိုလိုပဲလို့ ပြောရမှာပါပဲ။ Call Me by Your Name ကိုမမီပေမဲ့ အတော်လေးကောင်းတဲ့ ဗြိတိန်အချစ်ဇာတ်လမ်းပါပဲ။ ဇာတ်လမ်းအကျဉ်း တွမ်ဟာ စိတ်ထားကောင်းပြီး ယဉ်ကျေးတဲ့ ရဲတပ်သားလေးတစ်ယောက် ပါပဲ။  တွမ့်ကိုအရမ်းကြိုက်နေတဲ့ မာရီရွန်ဆိုတဲ့ကောင်မလေးကတော့ ကျောင်းဆရာမလေးပေါ့။ သူတို့နှစ်ယောက်ရဲ့ အရင်းနှီးဆုံး သူငယ်ချင်း ဖြစ်လာသူကတော့ ပြတိုက်မှူး ပန်းချီဆရာ ပတ်ထရစ်ပါပဲ။ ဇာတ်အိမ်တည်ထားတာက ဗြိတိန်ရဲ့ ၁၉၅၀ ကျော်ကာလဖြစ်လို့ လိင်တူ ချစ်ကြိုက်မှုဟာ ပြစ်မှုမြောက်ပါတယ်။ ထောင်ကျပါတယ်။ ဒီတော့ သူတို့ သုံးယောက်ဘာတွေဘယ်လိုဆက်ဖြစ်ကြမလဲဆိုတာ ဆက်ကြည့်ရမှာပါပဲ။ သိုင်းချခန်းအချို့ပါဝင်လို့ မိသားစုနဲ့တော့ ကြည့်လို့မသင့်တော်ပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Mr.Anderson ဖြစ်ပါတယ်) File Size..........(500 MB) Quality............Web-DL 720p Duration.........1Hr 53mins Subtitle...........Myanmar Hardsub Format............MP4 Genre..............Drama, Romance Translator.......Mr.Anderson Encoder..........SWM

Connie လက်ထပ်ပြီး မကြာခင်မှာပဲ ခင်ပွန်းဖြစ်သူဟာ ပထမကမ္ဘာစစ်ကြောင့် ခါးအောက်ပိုင်း အကြောသေသွားပါတယ်။ စစ်ပြီးတဲ့အခါ သူတို့ဟာ ခင်ပွန်းအမွေရထားတဲ့ Wragby အိမ်ကြီးဆီ ပြန်လာနေကြပြီး ကျောက်မီးသွေးမိုင်းတွင်းတွေကို ဦးစီးလုပ်ကိုင်ကြတယ်။ ခင်ပွန်းက လိင်ဆက်ဆံနိုင်စွမ်း မရှိတော့သလို Connie ကို ချစ်သူဇနီးမယားတစ်ယောက်အဖြစ် ဆက်ဆံတာထက် သူနာပြုတစ်ယောက်၊ အိမ်အကူတစ်ယောက်လို ပိုပြီး မှီခိုလာပါတယ်။ မြို့ကြီးကနေ ကျေးလက်ကို ရုတ်တရက်ပြောင်းလာရလို့ အသားမကျသေးတဲ့ Connie အတွက် ခင်ပွန်းရဲ့ အေးစက်လာတဲ့ ဆက်ဆံရေးနဲ့ မပြည့်ဝတဲ့ လိင်မှုဆန္ဒတွေကလည်း ဖိစီးနေတယ်။ Wragby အိမ်ကြီးဟာ သူ့အတွက် မှောင်မိုက်တိတ်ဆိတ်တဲ့ နေရာတစ်ခုလို ဖြစ်လာပါတယ်။ အိမ်တော်က မွေးမြူရေးအလုပ်သမား Oliver နဲ့ တွေ့လာချိန်မှာတော့ သူ့ဘဝထဲမှာ ပျောက်နေတဲ့ ခံစားချက်တွေ ပြန်နိုးထလာတယ်။ စိတ်အားလျော့နေတဲ့ Connie အတွက် Oliver ဟာ ပြန်အားကိုးတွယ်တာစရာ ဖြစ်လာပါတယ်။ ဒီ Netflix ဗားရှင်းမှာ The Crown Season 4 ရဲ့ ဒိုင်ယာနာအဖြစ် သရုပ်ဆောင်ခဲ့တဲ့ Emma Corrin ပါဝင်ထားပါတယ်။ မူရင်းဝတ္ထုက ၁၉၂၈ ခုနှစ်မှာ ထွက်ရှိခဲ့ပြီး အဲဒီခေတ်က ညစ်ညမ်းစာပေအဖြစ် သတ်မှတ်ကာ နိုင်ငံအတော်များများမှာ ပိတ်ပင်ခံခဲ့ရတယ်။ ရုပ်ရှင်နဲ့ ဇာတ်လမ်းတွဲအဖြစ်လည်း အကြိမ်ကြိမ် ပြန်ရိုက်ကူးထားပါတယ်။ ဒီကားရဲ့ ရင်းနှီးမှုအခန်းတွေကို သစ်ပင်တွေကြား၊ လယ်ကွင်းနဲ့ စမ်းချောင်းဘေးက သဘာဝမြင်ကွင်းတွေမှာ ရိုက်ကူးထားပြီး အပြာရောင်ကောင်းကင်နဲ့ အစိမ်းရောင်မြက်ခင်းကြား သရုပ်ဆောင်နှစ်ယောက်ကို အလယ်မှာထားတဲ့ ကင်မရာရိုက်ချက်မျိုးလည်း ပါဝင်ပါတယ်။