Eric Lee ပါဝင်သော ဇာတ်ကားများ

Generation-Y မျိုးဆက်ဝင် အောင်မြင်တဲ့ စီးပွားရေးလုပ်ငန်းရှင် ချက်ဒ်ကို အင်တာဗျူးနေတဲ့ ပုံစံနဲ့ ဇာတ်လမ်းကို တင်ပြထားပါတယ်။ မာစတာဘွဲ့ရထားတဲ့ ချက်ဒ်ဟာ အလုပ်သင်ကာလပြီးတဲ့နောက် အလုပ်ခန့်ဖို့ အရွေးမခံရဘဲ အိမ်ကို စိတ်ပျက်လက်ပျက် ပြန်လာခဲ့ရတယ်။ သူ့အဖေကလည်း အောင်မြင်တဲ့ စီးပွားရေးသမားတစ်ယောက်ဆိုတော့ ကိုယ်အလုပ်မရခဲ့တာကို ပိုပြီး ခံစားနေရပါတယ်။ အိမ်ရောက်တော့ မိသားစုက သူအလုပ်ရပြီအထင်နဲ့ ဂုဏ်ပြုပါတီလုပ်ဖို့ စောင့်နေကြတယ်။ အဲဒီအခြေအနေမှာ ချက်ဒ်လည်း အမှန်အတိုင်း မပြောရက်တော့ဘူး။ ရှေ့ဆက် ဘာလုပ်ရမလဲ မသိဘဲ လမ်းပျောက်နေတုန်း ငယ်သူငယ်ချင်းတစ်ယောက်ရဲ့ Instagram ပို့စ်ကို တွေ့လိုက်ရာက အတ္တလန်တာကို သွားဖို့ ဆုံးဖြတ်လိုက်ပါတယ်။ အဲဒီခရီးကနေ ဘယ်လိုအတွေ့အကြုံတွေ ကြုံရမလဲ၊ လောကဓံကို ခံနိုင်ပါ့မလား၊ စိတ်ဓာတ်ကျပြီး လက်လျှော့မိမလားဆိုတဲ့ မေးခွန်းတွေနဲ့ သူ့ဘဝအကြောင်းကို ဆက်ပြထားပါတယ်။

ဆဋ္ဌမအာရုံကောင်းတဲ့ မိဘမဲ့ဂျက်ကီဟာ ဓားပြမှုတစ်ခုကို တားဆီးပေးရင်း လူသိများလာပါတယ်။ အဲဒီကနေ မိဘအရင်းတွေကို လိုက်ရှာဖို့ ကြိုးစားရာမှာ သူလျှိုတစ်ယောက် ဖြစ်လာပါတော့တယ်။ ကိုယ့်အတိတ်အကြောင်းကို ဖော်ထုတ်လေလေ လူဆိုးမျိုးစုံနဲ့ ပတ်သက်မိလေလေ ဖြစ်လာပြီး အရှုပ်အထွေးတွေထဲက လွတ်မြောက်ဖို့ စွန့်စားရပါတယ်။ ၂၀၀၁ ခုနှစ်မှာ ထွက်ရှိခဲ့တဲ့ ဂျက်ကီချမ်းရဲ့ အက်ရှင်ဟာသဇာတ်ကားဖြစ်ပြီး Vivian Hsu နဲ့ Min Kim တို့လည်း ပါဝင်သရုပ်ဆောင်ထားပါတယ်။

မင်းသားကြီး Kurt Russell ရဲ့ 1986 ခုနှစ်ထွက် သဘာဝလွန် ဟာသအက်ရှင်ရုပ်ရှင်ကားကောင်းလေးကိုတင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ ဂျက်ခ်ဘာတန် (Kurt Russell) ဟာ ထရပ်ကားဒရိုင်ဘာတစ်ယောက်ဖြစ်ပြီး အချိန်ပြည့်လမ်းပေါ်မှာအချိန်ကုန်နေတဲ့လူစားမျိုးပါ။ တစ်ညမှာတော့ ဆန်ဖရန်စစ္စကိုက ဝာရုတ်တန်းမှာ သူ့မိတ်ဆွေဝမ်ချီဆီရောက်ဖြစ်ရင်းနဲ့ လေဆိပ်မှာ ဝမ်ချီရဲ့ ဇနီးလောင်းကိုသွားကြိုဖို့ လမ်းကြုံလိုက်ပို့ပေးခဲ့ပါတယ်။ ဒါပေမဲ့အဆင်ပြေမသွားဘဲ ဝမ်ရဲ့ ဇနီးလောင်းကို သေခြင်းသခင်ဆိုတဲ့ ဝာရုတ်လူမိုက်ဂိုဏ်းက ဝင်ဖမ်းသွားတဲ့အတွက် မိတ်ဆွေအတွက်ဆို ဘာမဆိုစွန့်စားရဲတဲ့ ဂျက်ခ်တစ်ယောက် လိုက်ကူညီပေးရင်း သေခြင်းသခင်အဖွဲ့ရဲ့ ခေါင်းဆောင်ဖြစ်သူ လိုပန်ဆိုတဲ့ အောက်လမ်းနတ်ဆရာ ရဲ့ အောက်လမ်းမှော်အတတ်တွေနဲ့ပါ ရင်ဆိုင်ခဲ့ရပါတယ်။ ဝမ်ကိုလိုက်ကူညီရင်း ဂျက်ခ်ရဲ့ ထရပ်ကားပါအခိုးခံလိုက်ရတာဖြစ်လို့ ဝမ်ရဲ့ဇနီးလောင်းနဲ့ သူ့ရဲ့ထရပ်ကားကို ပြန်ရနိုင်မလား ဂျက်ခ်နဲ့ ဝမ်တို့ ဘာတွေကို ရင်ဆိုင်ဖြတ်ကျော်ကြရမလည်းဆိုတာ ဆက်လက်ကြည့်ရှုလိုက်ကြပါဦး။ File Size :  1.8 GB, 883 MB Quality : WEB-DL 1080p / 720p Running Time : 1hr 39min Format : Mp4 Genre : Action, Adventure, Comedy Subtitle : Myanmar Subtitle (Hard Sub) Translated by : TMMT Encode by : Thit San Khant