Eric Wang ပါဝင်သော ဇာတ်ကားများ

Detective Series တွေကြိုက်နှစ်သက်တဲ့ပရိသတ်တို့အတွက် The First Shot ထဲက မင်းသား Johnny Huang ပါဝင်သရုပ်ဆောင်ထားတဲ့ စုံထောက်အမှုလိုက်စီးရီးတစ်ခုနဲ့ မိတ်ဆက်ပေးပါရစေ။ ဒီစီးရီးမှာ မင်းသား Johnny Huang နဲ့အတူ The White Olive Tree ထဲက မင်းသမီးလေး Liang Jie၊ ဝါရင့်သရုပ်ဆောင်ကြီး Eric Wang တို့က တွဲဖက်သရုပ်ဆောင်ထားကြပါတယ်။ ဇာတ်အိမ်က တရားမျှတမှုနဲ့အာဏာကြားက အရှုပ်အထွေးတွေကိုအခြေတည်ထားတဲ့စုံထောက်အမှုလိုက်စီးရီးကောင်းတစ်ခုမို့ ပရိသတ်တို့လည်းအကြိုက်တွေ့မှာပါ။ ဇာတ်လမ်းအညွှန်း >>> လျင်မြန်စွာဖွံ့ဖြိုးတိုးတက်လာတဲ့ ဟန်ကျိုးမှာ ရဲအရာရှိချင်းဖုန်းတို့ညီအစ်ကိုနှစ်ဦးဟာ အမှန်တရားရဲ့ဘက်တော်သားတွေအဖြစ် ရပ်တည်နေထိုင်ကြပါတယ်။ ဒါပေမဲ့ လောကကြီးက ထင်သလောက်မရိုးရှင်းဘဲ ဖြောင့်မတ်လွန်းရင် အန္တရာယ်ကိုဖိတ်ခေါ်သလိုပဲမို့ သူတို့ညီအစ်ကိုလည်းအကျပ်အတည်းတွေနဲ့ တဖြည်းဖြည်းရင်ဆိုင်လာကြရပါတယ်။ ဒီလိုအကျပ်အတည်းတွေ၊ မိသားစု၊ အာဏာနဲ့ တရားမျှတမှုတို့ကြားက ရှုပ်ထွေးလှတဲ့ဆက်ဆံရေးတွေနဲ့ ရင်ဆိုင်နေရတုန်းမှာပဲ သူတို့ရဲ့အသက်နဲ့ဘဝကို အန္တရာယ်ပြုလာမဲ့ဒုစရိုက်ကောင်တွေနဲ့ပါ ရင်ဆိုင်လာရချိန်မှာတော့... ဓမ္မက အဓမ္မကို အနိုင်ယူနိုင်မလား? ဖြောင့်မတ်လွန်းတာက တကယ်ပဲအန္တရာယ်ကိုဖိတ်ခေါ်စေခဲ့တာလား? အမှုတွေရဲ့နောက်ကွယ်ကလက်သည်ကရော တကယ်ပဲဘယ်သူလဲ...ဒီလိုစိတ်လှုပ်ရှားစရာအစုံစုံကို ရင်တမမနဲ့ကြည့်ရှုရမှာမို့ ဒီစီးရီးကိုလည်း အားပေးလိုက်ကြပါဦး ပရိသတ်ရေ...! Quality : WEB-DL 1080p, 720p  Total Episodes : 40 Format : mp4 Genres : Crime, Mystery, Thriller Runtime : 45 min

The Volunteers ရုပ်ရှင်ဇာတ်ကားတွဲ၃ကားရဲ့ နောက်ဆုံးရုပ်ရှင်ဇာတ်ကားကြီးပဲဖြစ်ပါတယ်။ ရှေ့ကား ၂ကားလုံးကိုလဲ app မှာ 4K ထိ တင်ထားပြီးသားဖြစ်တဲ့အတွက် The Volunteers ဆိုပီးရိုက်ရှာလိုက်ရင် ၃ ကားလုံး ရှာလို့တွေ့ပါလိမ့်မယ် ..ဒီဇာတ်ကားမှာတော့ တရုတ်ရဲ့ အမေရိကန်ကိုတွန်းလှန်ပြီး ကိုရီးယားကိုကူညီတဲ့စစ်ပွဲရဲ့ ပဉ္စမတိုက်ပွဲကြီးအပြီးမှစပြီး အပစ်အခတ်ရပ်စဲရေးသဘောတူညီချက်စာချုပ်ရေးထိုးတဲ့အချိန်အထိ ဖြစ်ပျက်ခဲ့တဲ့ တစ်ဖက်မှာတိုက်ပွဲ တစ်ဖက်မှာဆွေးနွေးပွဲဆိုတဲ့ စစ်ဆင်ရေးကာလကို အဓိကထားပြီး ရိုက်ကူးပုံဖော်ထားတာဖြစ်ပါတယ် ရှေ့တန်းစစ်မြေပြင်မှာ သွေးမြေကျတိုက်ပွဲပြင်းထန်နေတဲ့အချိန်မှာပဲ စေ့စပ်ညှိနှိုင်းရေးစားပွဲဝိုင်းပေါ်မှာလဲ စကားလုံးတွေနဲ့ အပြင်းအထန်တိုက်ပွဲဝင်နေကြရပါတယ်။ ရန်သူရဲ့ အကြိမ်ကြိမ်စိန်ခေါ်မှုကို ရင်ဆိုင်ရတဲ့အချိန်မှာ တရုတ်မျိုးချစ် သားကောင်းသမီးကောင်းတွေက စည်းစည်းလုံးလုံးညီညီညွတ်ညွတ်နဲ့ တန်ပြန်တိုက်ခိုက်ခဲ့ကြပြီး အဆုံးအစွန်အထိရင်ဆိုင်သွားဖို့ သန္နိဌာန်ချခဲ့ကြတာပဲဖြစ်ပါတယ်။ ရက်ပေါင်း (၇၄၇)ကြာအောင် အသက်စွန့် အပြင်းအထန်တိုက်ခိုက်ခဲ့ကြပြီး နောက်ဆုံးမှာတော့ အမေရိကန်တပ်ရဲ့ဘယ်တော့မှမရှုံးဘူးဆိုတဲ့ ဒဏ္ဍာရီကိုချိုးဖောက်နိုင်ခဲ့ပြီး အားလုံးကမျှော်လင့်တောင့်တနေတဲ့ ငြိမ်းချမ်းရေးကိုရယူနိုင်ခဲ့ကြတာပဲဖြစ်ပါတယ် Filesize : 8.90 GB / 2.65 GB / 1.33 GB Quality : WEB-DL 4K HEVC , 1080p HEVC , 720p HEVC Format : mkv/mp4 Genres : Drama , War Runtime : 2h 24 min Subtitle : Myanmar Subtitle ( Hardsub )

ဓာတ်ပုံဆိုတာ ပျော်ရွှင်ခြင်း ဝမ်းနည်းခြင်းတွေရဲ့ မှတ်တမ်းတစ်ခုတင်မကပဲ ခေတ်ကာလတွေရဲ့သမိုင်းအထောက်အထားလဲဖြစ်ပါတယ် ဒီရုပ်ရှင်ဇာတ်ကားဟာ နန်ကျင်းမြို့မှာအစုလိုက်အပြုံလိုက်သတ်ဖြတ်မှုတွေကျူးလွန်ခဲ့တဲ့ ဂျပန်စစ်တပ်ရဲ့ရာဇဝတ်မှုကိုဖော်ပြခဲ့တဲ့ သမိုင်းဝင်ဓာတ်ပုံအထောက်အထားတွေကိုအခြေခံပြီးတော့ ရိုက်ကူးပုံဖော်ထားတဲ့ဇာတ်ကားဖြစ်ပါတယ် ကမ္ဘာစစ်အတွင်း တရုတ်နိုင်ငံကို ဂျပန်စစ်တပ်တွေကျူးကျော်ဝင်ရောက်လာတဲ့ကာလအတွင်းမှာ နန်ကျင်းမြို့မှာနေတဲ့တဲ့ ပြည်သူတစ်စုက (ကံကောင်းခြင်းဓာတ်ပုံတိုက်) ကျီရှန်ဓာတ်ပုံတိုက်မှာ ပုန်းအောင်းနေကြပါတယ်။ တစ်ရက်ပိုအသက်ရှင်နိုင်ဖို့ မျှော်လင့်ချက်နဲ့ သူတို့ဟာ ဂျပန်စစ်တပ်ဓာတ်ပုံဆရာတစ်ယောက်ရဲ့ ဖလင်ပြားတွေကို ကူညီပြီးဆေးကြောပေးဖို့ အတင်းအကြပ်စေခိုင်းခံရပါတယ်။ အဲဒီဖလင်ပြားတွေကို ဆေးကြောရာမှာ မမျှော်လင့်ပဲ ဂျပန်စစ်တပ်ရဲ့ မြို့တွင်း အစုလိုက်အပြုံလိုက်သတ်ဖြတ်နေတာတွေကို သက်သေပြနိုင်မယ့် ဓာတ်ပုံတွေပေါ်ထွက်လာပါတယ်။သူတို့ရဲ့ တစ်ခုတည်းသော မူလရည်ရွယ်ချက်က ဒီသတ်ဖြတ်မှုကြီးကြားမှာ အသက်ရှင်နိုင်ဖို့အရေးပဲဖြစ်ပါတယ်။ ဒါပေမယ့် နန်ကျင်းမြို့ထဲက ဂျပန်တွေရဲ့ လူမဆန်တဲ့ ရက်စက်ကြမ်းကြုတ်တဲ့ လုပ်ရပ်တွေကို မျက်ဝါးထင်ထင်မြင်တွေ့ရပြီးနောက်မှာတော့ ဒီဓာတ်ပုံဖလင်တွေကို ကမ္ဘာကသိအောင်ထုတ်ဖော်ပြနိုင်ဖို့ သမိုင်းဝင်အထောက်အထားအဖြစ် ကျန်ရစ်အောင်လုပ်နိုင်ဖို့ အပြင်ကိုမရရတဲ့နည်းနဲ့သယ်ထုတ်သွားဖို့ အသက်နဲ့ရင်းပြီးကြိုးစားကြတဲ့ ဇာတ်ကြောင်းပဲဖြစ်ပါတယ် Filesize : 4.84 GB / 1.67 GB / 950 MB Quality : WEB-DL 4K HEVC , 1080p HEVC , 720p HEVC Format : mkv/mp4 Genres : Drama, War, History Runtime : 2h 17 min Subtitle : Myanmar Subtitle ( Hardsub )

Crouching Tiger Hidden Dragonစတဲ့ရုပ်ရှင်ကောင်းတွေနဲ့နာမည်ကျော်ခဲ့တဲ့ မမ Zhang Zi Yiရဲ့ ၁၉၄၅ခုနှစ်တုန်းက သတင်းစာတွေမှာအကျယ်တဝင့်ပါပြီးဟိုးလေးတကျော်ဖြစ်ခဲ့တဲ့ ဖြစ်ရပ်မှန်ကိုမှီငြမ်းရိုက်ကူးထားတဲ့ မှုခင်းရုပ်ရှင် အသစ်ကိုတင်ဆက်ပေးလိုက်ပါပြီ။ ဒီကားမှာ Yang Mi, Zhao Li Ying, Jackson Yee, Li Xian စတဲ့နာမည်ကြီး သရုပ်ဆောင်တွေကလဲ Supporting Role အနေနဲ့ပါဝင်ထားပြီးတော့ ကြည့်ရတာအားရစေမယ့်ရုပ်ရှင်ကောင်းဖြစ်ပါတယ်။ ဇာတ်လမ်းအကျဉ်းကတော့ ၁၉၄၅ခုနှစ် ၃လပိုင်း ၂၀ရက်နေ့မနက် ရှန်ဟိုင်းမြို့မှာလူသတ်မှုတစ်ခုဖြစ်ခဲ့ပါတယ်။ လူသန်ကြီးလို့ အားလုံးခေါ်ကြတဲ့ ကျန်းယွင်ယင်ကိုသူ့ရဲ့ဇနီးကျိုးမျိုးနွယ်ကသတ်လိုက်တာပါ။ သတ်ပြီးသွားတဲ့ နောက်မှာကျိုးမျိုးနွယ်ကထွက်မပြေးပဲ အလောင်းကိုအပိုင်းပိုင်းဖြတ်နေခဲ့ပြီး ရဲတွေရောက်လာတဲ့အချိန်မှာ အဖမ်းခံခဲ့ပါတယ်။ လူသတ်မှုဖြစ်တဲ့နေရာမှာ တခြားသူမရှိပဲ ကျိုးမျိုးနွယ်ကိုယ်တိုင်ကိုကသူသတ်ပါတယ် လို့ဝန်ခံခဲ့တဲ့အတွက် တရားရုံးကနေပြီးတော့သေဒဏ်ချမှတ်ခဲ့ပါတယ်။ ဒါပေမယ့် အရပ်(၆)ပေကျော်သန်မာတဲ့ယောင်္ကျားကြီးတစ်ယောက်ကို အရပ် ၅ပေ ၃လက်မလောက်ပဲရှိတဲ့ အားနွဲ့တဲ့မိန်းကလေးကသတ်နိုင်မယ်လို့လူထုကမယုံကြည်ကြတဲ့အတွက် ဆန့်ကျင်မှုတွေရှိလာခဲ့ပါတယ်။ ပြည်သူတွေအပြင် သတင်းပိုင်းအနုပညာပိုင်းကလူတွေပါအာရုံစိုက်လာတဲ့အတွက် အာဏာပိုင်တွေဟာ အကြပ်ရိုက်လာပါတယ်။ ဒီလိုနဲ့ အမျိုးသမီးတွေဖိနှိပ်ခံရတဲ့ခေတ်မှာ ဒီအမှုဟာ အမျိုးသမီးတွေအတွက် တန်းတူအခွင့်အရေးရဖို့ကြိုးစားမှုအတွက်အရေးကြီးတဲ့အစိတ်အပိုင်းတစ်ခုဖြစ်လာခဲ့ပါတယ်။ Filesize : 3.46 GB / 1.20 GB / 677 MB Quality : WEB-DL 4K HEVC , 1080p HEVC , 720p HEVC Format : mkv Genres : Drama , Crime Runtime : 1h 36 min Subtitle : Myanmar Subtitle ( Hardsub )

CM ချစ်ပရိသတ်တို့အတွက် ဇာတ်ကားကောင်းလေးတစ်ခုကို ဘာသာပြန်တင်ဆက်ပေးလိုက်ပါတယ်... လူဆိုတာ တစ်ချိန်မှာ ကျောက်တုံးလို မာကျောလာနိုင်တယ်... အမှန်တရားက တူတစ်ချောင်းလိုပဲ... ကျောက်တုံးကိုတောင် ချေမွနိုင်တဲ့ တူတစ်ချောင်းပေါ့... ဒါပေမယ့် အမှန်တရားဆိုတဲ့ တူ ကို ကျောက်တုံးတွေအများကြီးက ဖုံးအုပ်လိုက်ရင်တော့... ကျောက်တုံးတစ်တုံးက စတေးပြီး တူတစ်ချောင်းရဲ့ အင်အားကို ပြန်ဖော်ထုတ်ဖို့ လိုအပ်သွားပြီပေါ့... ဟုတ်ပါတယ်... ဒီဇာတ်ကားလေးက မိန်းကလေးကျောင်းမှာ ဖြစ်ပျက်တဲ့ ကျောင်းသားချင်း အနိုင်ကျင့်မှုအကြောင်းကို အခြေခံ ရိုက်ကူးထားတာပါ... ဒီမိန်းကလေးကျောင်းရဲ့ ထူးခြားချက်ကတော့ သာမန်ကလေးတွေသာမကဘဲ အထူးဂရုစိုက်ဖို့လိုတဲ့ ကလေးတွေပါ တက်တဲ့ကျောင်းလေးပေါ့... ဒါကြောင့်လည်း အထူးဂရုစိုက်ဖို့ လိုတဲ့ ကလေးတွေ အနိုင်ကျင့်ခံရတဲ့ ကိစ္စဖြစ်ခဲ့တာပေါ့... ဒါပေမယ့် တကယ် ရဲတွေ လိုက်ခဲ့တာကတော့ ဒီအမှုမဟုတ်ဘဲ.. ကျောင်းသူပျောက်သွားတဲ့ အမှုကိုပါ... ဘာကြောင့်မှန်းမသိ ကျောင်းသူ ၃ ယောက် ပျောက်သွားတာကို လူပျောက်တိုင်ရာကနေ အမှုစစ်ဆေးဖို့အထိ ဖြစ်လာခဲ့တာပါ... တိုက်တိုက်ဆိုင်ဆိုင် မျက်မြင်သက်သေထဲမှာ မွေးရာပါ စကားမပြောနိုင်တဲ့ကျောင်းသူလေးပါနေခဲ့တယ်... နောက်ဆုံး ဒီကလေးမလေးပါ ပျောက်သွားခဲ့တာပါ... ကဲ ရဲတွေ ပျောက်ဆုံးနေတဲ့ ကျောင်းသူတွေကို ပြန်ရှာတွေ့နိုင်မှာလား... တခြား ဘာအမှုတွေနဲ့ပါ ချိတ်ဆက်နေဦးမှာလဲ... နောက်ပြီး ဒီကျောင်းကြီးရဲ့ လျို့ဝှက်ချက်ကရော ဘာရှိနေမှာလဲ... Filesize : 5.57 GB / 1.50 GB / 839 MB Quality : WEB-DL 4K HEVC ,1080p HEVC , 720p HEVC Format : mkv Genres : Drama , Mystery , Crime , Horror Runtime : 2h  Subtitle : Myanmar Subtitle ( Hardsub ) Translated by CM Team Reviewed By Chu Chu Encoded by LK

ဒုတိယကမ္ဘာစစ်အတွင်း မျိုးချစ်စိတ်ရှိတဲ့ ပြည်သူတစ်စုက ဂျပန်ဆန့်ကျင်ရေး တော်လှန်ရေးအဖွဲ့တစ်ခု ဖွဲ့စည်းခဲ့ကြပါတယ်။ ဂျပန်တွေ ပုလဲဆိပ်ကမ်းကို တိုက်ခိုက်ပြီးတဲ့နောက် ရုပ်သေးအစိုးရဖြစ်တဲ့ ဝမ်းအစိုးရဟာ အမေရိကန်မဟာမိတ်တပ်ကို စစ်ကြေညာပြီး ဂျပန်ဘက်က ရပ်တည်ခဲ့တယ်။ အဲဒီနောက် ဂျပန်တွေက ရှန်ဟိုင်းတစ်နယ်လုံးကို သိမ်းပိုက်လိုက်ပါတယ်။ စစ်ရေးအခြေအနေတွေ ပြောင်းလာတာနဲ့အမျှ တရုတ်နိုင်ငံလည်း ခံစစ်အနေအထားကို ပြောင်းသွားရတယ်။ Hidden Blade က အဲဒီကာလမှာ ဂျပန်ကိုတော်လှန်ပြီး နိုင်ငံကို ကာကွယ်ဖို့ လှုပ်ရှားကြတဲ့ တရုတ်ကွန်မြူနစ်အဖွဲ့ဝင်တွေရဲ့အကြောင်းကို ရိုက်ကူးထားတာပါ။ Tony Leung နဲ့ Wang Yi bo တို့ ပါဝင်သရုပ်ဆောင်ထားပါတယ်။

ဂျင်ဟောင်ဟာ အထက်တန်းကျောင်းသားဘဝကတည်းက အမေဆုံးသွားပြီး အဖေကလည်း ပစ်ထားခဲ့တဲ့ လူငယ်တစ်ယောက်ပါ။ ဒါကြောင့် ကျောင်းထွက်ကာ ဖုန်းပြုပြင်ရေးဆိုင်ဖွင့်ပြီး ရောဂါသည်ညီမလေးနဲ့အတူ ဘဝကို ရုန်းကန်နေရပါတယ်။ ညီမလေးမှာ မွေးရာပါနှလုံးရောဂါရှိပြီး မဖြစ်မနေ ခွဲစိတ်ဖို့လိုလာတဲ့အခါ ဂျင်ဟောင်အတွက် ငွေရှာဖို့ ပိုအရေးကြီးလာတယ်။ သူတတ်ကျွမ်းတဲ့ ဖုန်းပြုပြင်ပညာကို အားကိုးပြီး ခွဲစိတ်စရိတ် ရအောင်ရှာဖို့ ကြိုးစားရပါတယ်။ အခက်အခဲတွေကြားမှာ လိုအပ်တဲ့ငွေကို ဘယ်လိုရှာမလဲ၊ ဘဝရဲ့အတက်အကျတွေကို မောင်နှမနှစ်ယောက် ဘယ်လိုရင်ဆိုင်သွားမလဲဆိုတာကို ဆက်ပြထားပါတယ်။

၂၀၁၈ခုနှစ်ကရုံတင်ခဲ့ပြီး IMDb 7.8 နဲ့ Rotten Tomatoes 86% ရခဲ့တဲ့ ဇာတ်ကားကောင်းလေးကိုပြန်တင်ပေးလိုက်ပါတယ်။ ၂၀၀၄ခုနှစ်လောက်မှာ တရုတ်ပြည်မှာတကယ်ကိုလှုပ်ခတ်သွားခဲ့တဲ့ လုယုံဆိုတဲ့သူရဲ့ဖြစ်ရပ်မှန်ကိုအခြေခံပြီးရိုက်ထားတာပါ။ လူ့လောကမှာအဆိုးဆုံးရောဂါကဘာလဲဆိုတော့ ဆင်းရဲတဲ့ရောဂါတဲ့..... ငွေမရှိလို့သေလူတွေဖြစ်ရတော့မယ့် သွေးကင်ဆာရောဂါသည်တွေကြားမှာ ချန်ယုံကမထင်မှတ်ပဲ ကယ်တင်ရှင်တစ်ယောက်ဖြစ်လာခဲ့ပါတယ်။ သူသွင်းပေးတဲ့ဆေးတွေက ဥပဒေအရတရားတော့မဝင်ပါဘူး ဒါပေမယ့် လူနာတွေအတွက်ကတော့ အသက်ဆက်ဖို့မျှော်လင့်ချက်အလင်းရောင်လေးပါပဲ တရုတ်ပြည်တွင်းမှာ အနောက်တိုင်းဆေးကုမ္ပဏီတွေကသွင်းတဲ့ တရားဝင်ဆေးတွေကစျေးကြီးလွန်းလို့ သွေးကင်ဆာလူနာတွေက အိမ်ခြံမြေတွေရောင်းပြီးဆေးဖိုးပေးရတဲ့အထိ ဘဝပျက်ခဲ့ကြရပါတယ်။ ချန်ယုံဟာ အိန္ဒိယကနေစျေးအဆမတန်သက်သာတဲ့ဆေးတွေကို မှောင်ခိုသွင်းပြီး အသက်သာဆုံးစျေးနဲ့ပြန်ရောင်းပေးခဲ့ပါတယ်။ ချန်ယုံကလူနာတွေအတွက် ကယ်တင်ရှင်တစ်ယောက်ဖြစ်လာပေမယ့် အရင်းရှင်ဆေးကုမ္ပဏီကြီးအတွက် ဆူးတစ်ခုဖြစ်လာပြီး ဥပဒေအရ တရားဥပဒေချိုးဖောက်သူတစ်ယောက်ဖြစ်လာတဲ့အခါ ရဲတွေရဲ့အပြင်းအထန်စုံစမ်းဖမ်းဆီးတာကိုခံရပါတော့တယ်။ ချန်ယုံတစ်ယောက် အန္တရာယ်တွေကြားကနေလူနာတွေအတွက် ဆက်ရပ်တည်ပေးသွားမလား ကိုယ်လွတ်ရုန်းဖို့အတွက်ပဲ ရွေးချယ်ရမလားဆိုတာ ရင်နင့်စရာရွေးချယ်မှုတွေနဲ့ရင်ဆိုင်လာရပါတော့တယ် Filesize : 1.93 GB / 1.06 GB Quality : WEB-DL 1080p HEVC , 720p HEVC Format : mp4 Genres : Drama and Comedy Runtime : 1h 57 min Subtitle : Myanmar Subtitle ( Hardsub )