Francesca Reale ပါဝင်သော ဇာတ်ကားများ

Do Not Enter (2026) ဘတ်ဂျက်နည်းနည်းပဲ သုံးပြီး အမြတ်အစွန်းပြန်ရတဲ့ ဟော်ရာတွေထဲက တစ်ကားဖြစ်ပြီး ပရိသတ်အကြိုက်တွေ့သလို ဝေဖန်ရေးဆရာတွေလည်း သဘောကျကြတဲ့ ဇာတ်ကားပါ။ ဟိုတယ်ထဲမှာရင်ဆိုင်ရတဲ့ အရာက 'ဘာ' မှန်းသိမနေတာကိုက ရင်ဖိုစရာ စိတ်ဝင်စားစရာကောင်းနေပြီး အစပိုင်းအထနှေးပေမယ့် ကြမ်းပြီဆိုကတည်းက မနားတမ်း ဆက်တိုက်ကြမ်းပါတယ်။ ဇာတ်လမ်းအကျဉ်း ဒိုင်ယန်းတို့ သူငယ်ချင်းတစ်စုဟာ ထူးခြားဆန်းကြယ်တဲ့နေရာတွေကို လေ့လာဗီဒီယိုရိုက်ကူးတင်ဆက်နေတဲ့ အဖွဲ့တစ်ဖွဲ့ပါ။ ဘယ်လောက်ပဲကြိုးစားကြိုးစား ပရိသတ်များမလာတဲ့ အခြေအနေမှာ လူကြည့်များလာအောင် ဘယ်လိုလုပ်ရမလဲ အကြံထုတ်ရင်း စွန့်ပစ်ဟိုတယ်ကြီးတစ်ခုကို ရွေးချယ်လိုက်ကြပါတယ်။ အဲ့ဒီဟိုတယ်ကြီးဟာ တစ်ချိန်က ဂန်းစတားတစ်ယောက်ပိုင်ဆိုင်ခဲ့ပြီး အဲ့ဒီထဲမှာဒေါ်လာ သန်းရာချီဝှက်ထားခဲ့တယ်လို့သတင်းထွက်နေတဲ့အပြင် အဲ့ဒီငွေတွေကိုရှာဖို့ ဟိုတယ်ထဲကိုဝင်သွားတဲ့သူတွေဟာလည်း အစအနမတွေ့အောင်ပျောက်ဆုံးသွားတတ်တယ်လို့ ကောလဟာလတွေရှိပါတယ်။ ဒါတွေအားလုံးကို ခပ်ပေါ့ပေါပဲ သဘောထားပြီး ဝင်သွားခဲ့တဲ့ သူတို့အဖွဲ့ဟာ ဟိုတယ်ထဲမှာတော့ ကောလဟာလတွေအတိုင်း မယုံနိုင်စရာကောင်းလောက်အောင် ကြောက်မက်ဖွယ်အန္တရာယ် ပေါင်းစုံနဲ့ရင်ဆိုင်ရပါတော့တယ်။ File size… (2.7 GB) / (1 GB) / (580 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Horror Duration…. 01:31:00 Subtitle…. Myanmar Subtitle (Hardsub)

CM ပရိတ်သတ်ကြီးကို Rotten Tomatoes 87% နဲ့ IMDB 7.5 ရရှိထားတဲ့ ဇာတ်ကားကောင်းလေးကို တင်ဆက်ပေးချင်ပါတယ်။ ဆိုရှယ်မီဒီယာဟာ ယနေ့ခေတ်ကျွန်တော်တို့ နေ့စဉ်ဘဝမှာ မရှိမဖြစ် အရာတစ်ခုအနေနဲ့ ပါဝင်ပတ်သက်နေတယ် ဆိုတာတော့ ငြင်းလို့ရမယ် မထင်ဘူးဗျ။ မနက်မိုးလင်း မျက်စိဖွင့်လို့ ညအိပ်ယာဝင်သည်အထိ Facebook, Instagram, Twitter အစရှိတဲ့ App မျိုးစုံကို ရည်ရွယ်ချက်မျိုးစုံနဲ့အသုံးပြုနေကြတာပေါ့။ ဒါပေမဲ့ ခက်တာက လူအတော်အများဟာ Social Media ပေါ်က အတုအယောင် lifestyle တွေနဲ့ influencer တွေရဲ့ based on fact မဟုတ်တဲ့ အတွေးအမြင်တွေကို အမှန်လို့ ယူဆလာကြပြီး ကိုယ့်ကိုယ်ကို အားမလိုအားမရဖြစ်တဲ့စိတ်တွေ မလုံလောက်တဲ့စိတ်တွေ တဖြည်းဖြည်း စိမ့်ဝင်လာကြပါတယ်။ ဒီကားထဲက Riley ဟာလည်း ခန္ဓာကိုယ်ဖွဲ့စည်းပုံနဲ့ ပတ်သက်ပြီး မူမမှန်တဲ့ စိတ်ရောဂါတစ်ခုရှိနေတာပါ။ မော်ဒယ်တွေရဲ့ ကျော့ရှင်းလှတဲ့ပုံတွေကို မြင်တိုင်း တခြားမိန်းကလေးတွေကို မြင်တိုင်း သူ့ကိုယ်သူနဲ့ နှိုင်းယှဉ်ပြီး စိတ်ကျရောဂါ ခံစားနေရတဲ့ သူပေါ့။ ပြန်ထည်ထူထောင်ရေးစခန်းက ပြန်ထွက်လာပြီး ဘဝကို အသစ်က ကြိုးစားရှင်သန်တော့မဲ့နေရာကနေ ဇာတ်လမ်းကို အစပျိုးထားပါတယ်။ ဇာတ်လမ်းကို ငြိမ့်ငြိမ့်လေး ခံစားရမယ်။ သင်ခန်းစာတချို့လည်းရမယ်ဆိုတော့ သေချာပေါက် ရွေးချယ်ကြည့်ရှုသင့်တဲ့ ဇာတ်ကားလို့ ထင်ပါတယ်ဗျာ။ (အညွှန်းနဲ့ ဘာသာပြန်ဆိုရေးသားပေးသူကတော့ Thet Hnin Hsu ဖြစ်ပါတယ်) File size…1.87GB / 718MB Quality…WEB-DL 1080p 5.1CH / 720p Format…mp4 Duration….1h 37m Genre ….. Comedy , Drama , Romance Subtitle….Myanmar Subtitle (Hard Sub) Encoder….Min Wai Translated by Thet Hnin Hsu

အသစ်ထွက်ရှိလာတဲ့ ရွှေရင်အေး Musical/ အချစ်ကားလေး ဖြစ်ပြီး rating တွေလည်း ကောင်းတာမို့ ကြည့်ပျော်ရှုပျော် ဖြစ်မှာပါ ရူဒီမန်ကူဆို ဆိုတဲ့ youtuber တစ်ယောက်ရဲ့ ပထမဆုံးဇာတ်ကားဖြစ်ပြီး သူကိုယ်တိုင် ပါဝင်သရုပ်ဆောင်ထားတဲ့ သူ့ဘဝ ဇာတ်လမ်းလေးပါပဲ မင်းသမီးကလည်း သူ wifey ပဲပေါ့ ရူဒီ ဆိုတဲ့ New Jersey ရောက် ဘရာဇီးသားလေးက ဂီတကို ဝါသနာထုံပြီး ရထားလမ်းဘေးမှာ ရုပ်သေးပြတဲ့ အလုပ်ကိုလည်း လုပ်ပါသေးတယ် ကျောင်းပြီးတော့မှာ ဖြစ်ပေမယ့် မေမေ့အိမ်မှာ အတူနေတုန်း၊ မာမားဘွိုင်းလေးပေါ့ သူ့မှာ ပတ်ဝန်းကျင်က သာမန်အသံမျိုးစုံကို ဂီတနုတ်အဖြစ် ပြောင်းလဲပြီး Melody တွေပါ ဖန်တီးနိုင်တဲ့ အစွမ်းတစ်ခုလည်း ရှိပါသေးတယ် အမေရိကန်သူ ရည်းစားကောင်မလေးကတော့ သူနဲ့ ပြဒါးတစ်လမ်း သံတစ်လမ်း ဖြစ်တဲ့ သူဌေးသမီးတစ်ယောက်ပါ ဒီလို ဆန့်ကျင်ဘက်စရိုက်နဲ့ သူတို့နှစ်ယောက် ပြဿနာတက်ရင်းကနေ ပြတ်သွားတဲ့အချိန်မှာ ငါးရောင်းတဲ့ ဘရာဇီးသူလေး "Isabella" ဆိုသူ၊ ပေါ့ပေါ့ပါးပါးနေတတ်ပြီး ဂုဏ်ဒြပ်တွေ မလေးမထားတဲ့ မိန်းကလေးကို ဆုံတွေ့မိတဲ့ အခါမှာဆိုရင်တော့.... ဇာတ်လမ်းလေးက တက်တက်ကြွကြွရှိပြီး rating လည်း ကောင်းတာမို့ ပရိသတ်ကြီး အပျင်းပြေခံစားနိုင်ဖို့ တင်ဆက်လိုက်ရပါတယ်..... File size…(1.8 GB)/(890 Mb) Quality….Webrip 1080p / 720p Format…mp4 Duration….01:31:00 Genre...Comedy, Romance Subtitle….Myanmar Subtitle (Hardsub) Encoder….Garfield Translated by Sike Tan

Entergalactic (2022) ~ IMDb - 7.3/10, Rotten Tomatoes - 97% ~ "အချစ်ဆိုတာ ကမ္ဘာပေါ်မှာ မတော်တဆ‌မွေးဖွားလာဖို့အလွယ်ကူဆုံးအရာပဲ။ ဒါပေမဲ့ ရည်ရွယ်ချက်ရှိရှိမချစ်သရွေ့ အစစ်အမှန်မဖြစ်လာနိုင်ဘူး" လူတိုင်းက ဘဝတစ်ကွေ့မှာတော့ အချစ်ဆိုတဲ့ခဲလုံးလေးကို ခလုတ်တိုက်မိခဲ့ဖူးလိမ့်မယ်။ အိမ်နီးချင်းရဲ့ ပါတီသီချင်းသံကျယ်လို့ သွားပြောရာကနေ ‌မြင်မြင်ချင်း အချစ်ပန်းလေးတစ်ပွင့် ဖူးလာခဲ့သလိုပေါ့။ အချစ်ဆိုတဲ့အရာက လူကို ချောက်နက်တွေအထိ ဆွဲခေါ်သွားနိုင်တယ်။ စကြဝဠာထဲအထိ သယ်ဆောင်သွားနိုင်တယ်။ Entergalactic ဆိုတာ အဲဒီအဓိပ္ပါယ်ပါပဲ။ ဒီနာမည်က Kid Cudi ရဲ့ ပထမဆုံးအလ်ဘမ်မှာပါတဲ့ Enter Galactic ဆိုတဲ့သီချင်းကနေလာတယ်။ သူ့ရဲ့ အဓိပ္ပါယ်ကတော့ လူတစ်ယောက်နဲ့ တစ်ယောက်ကြားက ဆွဲငင်အားတစ်ခုဟာ ကိုယ့်ကို စကြဝဠာအထိ ဆွဲခေါ်သွားနိုင်လောက်အောင် အားကောင်းတယ်လို့ ဆိုလိုတယ်။ စကြဝဠာကြီးကို အဆုံးအစမဲ့ကြောင်း လူတွေပြောတယ်။ ဒါဆိုရင် အချစ်ကကော။ အချစ်ဆိုတာ ချစ်နေသူနှစ်ယောက်ကြားက အဆုံးအစမဲ့ စကြဝဠာတစ်ခုပါပဲ။ ဒီမှာတော့ Street Art ဆွဲတဲ့ ဂျဘာရီတစ်ယောက် သူ့ရဲ့ဇာတ်ကောင်ကို ရုပ်ပြအဖြစ်ပြောင်းလဲဖို့ Cosmic ရုပ်ပြမှာ အလုပ်ရပြီး အိမ်ပြောင်းလာရတာကနေစတယ်။ သူလမ်းမပေါ်မှာဆွဲနေတဲ့ မစ္စတာရေဂျာ ဆိုတဲ့ဇာတ်ကောင်က Kid Cudi ရဲ့ Mr. Rager သီချင်းကို ရည်စူးထားတယ်။ သူ့ရဲ့အဓိပ္ပါယ်က ဒုံရင်းဘဝမှာပျင်းလာလို့ စွန့်စားခန်းအသစ်တွေထွက်ချင်နေတဲ့ ဇာတ်ကောင်တစ်ခုပေါ့။ ဒါက Kid Cudi အနေနဲ့ သူ့ကိုယ်သူ ပြန်ထင်ဟပ်ဖို့ ကြိုးစားခဲ့တယ်လို့ယူဆနိုင်တယ်။ ဒါကြောင့်လည်း ဒီလိုရုပ်ရှင်နဲ့အလ်ဘမ် တွဲထုတ်ခဲ့တာပဲ။ ဒီလိုနဲ့ ဂျဘာရီပြောင်းလာတဲ့ အိမ်အသစ်မှာ အိမ်နီးချင်းဖြစ်တဲ့ ဓာတ်ပုံဆရာမ မဲဒိုး နဲ့ တွေ့ပြီး အချစ်သစ်ကိုစဖို့ အကြောင်းဖန်လာတယ်။ သူတို့ချင်းက အချစ်လို့ပြောလို့လည်းမရပြန်ဘူး။ အစပိုင်းကတော့ Situationship သဘောမျိုးပေါ့။ အဲဒါကို Chapter ၆ ခုနဲ့ တခုချင်းဆွဲသွားတယ်။ ဇာတ်လမ်းတည်ဆောက်ပုံကတော့ အတော်ကောင်းတယ်လို့ပြောနိုင်တယ်။ ဒီ TV Special ကို Kid Cudi ရဲ့ Entergalactic Album ရဲ့ Visual Companion Piece အနေနဲ့ထုတ်ခဲ့တယ်။ Visual Album ဆိုတာကတော့ သီချင်းအလ်ဘမ်ကို တွဲဖက်ရုပ်ရှင်အနေနဲ့ ပိတ်ကားပေါ် ‌တင်ဆွဲလိုက်တာမျိုးပေါ့။ ဒီရုပ်ရှင်ရဲ့ ဇာတ်ကွက်အများစုကို Entergalactic အလ်ဘမ်ရဲ့ “She’s Looking For Me”, “Somewhere to Fly”, “Can’t Shake Her” နဲ့ “Do What I Want” သီချင်းတွေကို အဓိက မှီငြမ်းထားတယ်။ Music Video တွေတပုဒ်ချင်းထုတ်မယ့်အစား အလ်ဘမ်တစ်ခုလုံးစာကို ရုပ်ရှင်ထဲ ပစ်ထည့်လိုက်တဲ့သဘော။ ဒါကြောင့် သုံးထားတဲ့သီချင်းတွေ၊ Visual တွေက ကြည့်ရတာသိပ်အရသာရှိလွန်းတယ်။ လူငယ်အချစ်ဇာတ်လမ်းတစ်ပုဒ်ကို Kid Cudi သီချင်းတွေနဲ့ အလှဆင်ထားတာပဲ။ Album ထဲက သီချင်းတွေကိုလည်း သူ့အနေနဲ့‌မဟုတ်ဘဲ သူ့စိတ်ကူးထဲကဇာတ်ကောင်၊ သူ့စိတ်ကူးထဲကအချစ်၊ သူ့စိတ်ကူးထဲက စကြဝဠာကို ပုံဖော်တဲ့အနေနဲ့ ရေးခဲ့တယ်။ အလ်ဘမ်ထဲက အချစ်သီချင်းတွေတင်မကဘူး၊ ဒီ ရုပ်ရှင်ကပါ Kid Cudi ရဲ့ စိတ်ကူးထဲက အချစ်အဓိပ္ပါယ်ဖွင့်ဆိုချက်လို့သူပြောတယ်။ သူကိုယ်တိုင် ဇာတ်လမ်းရေးသလို အဓိကဇာတ်ကောင် ဂျဘာရီနေရာမှာလည်း သူ့အသံနဲ့သရုပ်ဆောင်ထားတယ်။ အသံသရုပ်ဆောင်တွေအနေနဲ့ Jessica Williams, Thimothée Chalamet, Ty Dolla Sign အပြင် တခြားသရုပ်ဆောင်တွေပါဝင်ထားတယ်။ ထူးခြားချက်အနေနဲ့ အသံသရုပ်ဆောင်တဲ့လူတွေနဲ့ ဇာတ်ကောင်တွေရဲ့ပုံစံကို ခပ်ဆင်ဆင် ဖန်တီးထားတယ်။ Animation အရဆိုရင် Spider-Verse နဲ့ ခပ်ဆင်ဆင်ပဲ။ ဒါပေမဲ့ Spider-Verse ထက်ပိုပြီး Comic ဆန်တယ်။ ကြည့်ရတာကော၊ နောက်ခံသီချင်းနားထောင်ရတာတွေကပါ ဇာတ်လမ်းအသွားနဲ့ အံဝင်ပြီး ပြီးသွားတာမြန်လိုက်တာလို့တောင်ထင်ရက်နိုင်စရာပါ။ ဇာတ်ကောင်တွေရဲ့ အဝတ်အစားကိုတော့ Virgil Abloh က သူ မကွယ်လွန်ခင်မှာ ဒီဇိုင်းဆွဲပေးသွားခဲ့တယ်။ အဲဒါကြောင့် အလ်ဘမ်နဲ့ ဒီရုပ်ရှင်ကို Kid Cudi က သူ့ရဲ့သူငယ်ချင်းဖြစ်တဲ့ Virgil Abloh ကိုရည်စူးပြီး Virgil မွေးနေ့ စက်တင်ဘာ ၃၀ ရက်နေ့မှာ ထုတ်ခဲ့တယ်လို့ဆိုတယ်။ Dialogue တွေကလည်း အားရဖို့ကောင်းတယ်။ ရယ်စရာတွေ၊ ငိုစရာတွေ၊ တွေးစရာတွေ၊ မေ့နေတဲ့အချက်တွေကို ဘေးကနေဘော်ဒါတစ်ယောက်က ထိုင်အကြံပေးနေသလို ခံစားရလိမ့်မယ်။ အသုံးအနှုန်းကြမ်းနဲ့ ဝတ်လစ်စလစ်ပြကွက်တွေပါတာကြောင့် အသက်မပြည့်သေးတဲ့သူတွေအနေနဲ့တော့ မကြည့်သင့်ဘူး။ လူငယ်အထာဆိုတော့ လူငယ်စကားတွေပြောရင်း လူငယ်ကိစ္စတွေလုပ်ကြတာပေါ့။ လမ်းသရဲ ‌ဒေါင်းတောင်းပက်ရဲ့စကားအရဆိုရင်တော့... "အချစ်ဆိုတာ မြေနိုးကြီးပဲ ငါ့ကောင်တို့ရ ဒါပေမဲ့ အချစ်က ငါတို့ကိုကယ်တင်မယ့် တစ်ခုတည်းသောအရာပဲ" (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size - 2.15GB, 855MB Quality - 1080p, 720p IMDb Rating - 7.3/10 Format - mp4 Duration - 1H 33Min Genre - Animation, Comedy, Music Subtitle - Myanmar Subtitle (Hardsub) Translated by Min Thant Bo Encoded by Y

ဒရေယာက အမေနဲ့နှစ်ယောက်တည်း နေရပြီး ငွေကြေးမပြေလည်ပေမယ့် ရို့စ်ဟေးလ်ကျောင်းမှာ ပညာသင်ဆုနဲ့ တက်ခွင့်ရထားသူပါ။ သူ့ရည်မှန်းချက်က နာမည်ကျော် ရေးလ်တက္ကသိုလ်ကို တက်ရဖို့ဖြစ်ပြီး ကျောင်းက လူချမ်းသာသားသမီးတွေကြား ဝင်ဆံ့အောင်လည်း နေတတ်ပါတယ်။ ဒါပေမယ့် ချစ်သူသူဌေးသား မက်စ်ဆီကနေ သူ့ရဲ့လိင်ဆက်ဆံမှုဗီဒီယို ပျံ့နှံ့လာတဲ့အခါ ဒရေယာရဲ့ဘဝက ပြောင်းလဲသွားတယ်။ စိတ်မြန်လက်မြန်နဲ့ မက်စ်ကို လက်သီးနဲ့ထိုးလိုက်ပြီးနောက် အချစ်ဆုံးသူငယ်ချင်းဆိုသူတွေကိုပါ ဆုံးရှုံးလိုက်ရပြီး ကျောင်းမှာ အပယ်ခံဖြစ်သွားပါတယ်။ အဲဒီလိုအချိန်မှာ ဒရေယာအတွက် အဖော်ရလာသူက နွေရာသီတင်းနစ်စခန်းမှာ ဆုံခဲ့တဲ့ အယ်လီနောပါ။ အယ်လီနောကလည်း သူ့လိုပဲ စိတ်ဒဏ်ရာတွေရှိနေတဲ့ လိင်တူချစ်သူကောင်မလေးတစ်ယောက်ဖြစ်ပါတယ်။ သူတို့နှစ်ယောက်ရဲ့ ရေစက်က တင်းနစ်စခန်းမှာတင် ရပ်မသွားဘဲ ကျောင်းမှာပါ ဆက်ဆုံလာတဲ့အခါ နှစ်ယောက်ပေါင်းပြီး ဘယ်လိုတွေ ပြန်မွှေကြမလဲ။ Camila နဲ့ Maya Hawkes တို့ ပါဝင်သရုပ်ဆောင်ထားတဲ့ အမေရိကန်ဟာသဇာတ်ကားပါ။

အဗာလိုနီးယားဆိုတဲ့ တိုင်းပြည်ကို တောင်တန်းအထပ်ထပ်က ဝန်းရံထားပါတယ်။ တောင်တန်းတွေရဲ့ တစ်ဖက်မှာ ဘာရှိလဲဆိုတာ ဘယ်ပြည်သူမှ မသိကြသလို အရင်က စူးစမ်းဖို့ ကြိုးစားခဲ့သူတွေလည်း မအောင်မြင်ခဲ့ကြပါဘူး။ နာမည်ကြီးစူးစမ်းရှာဖွေသူ ဂျေဂါကလေ့ဒ်ကတော့ အဲဒီတောင်တွေကို ကျော်ဖြတ်ဖို့ ဇွဲမလျှော့ဘဲ ကြိုးစားနေသူပါ။ ခရီးတစ်ခုမှာ တောင်တန်းတွေကို ကျော်နိုင်တော့မယ့် အလားအလာ မြင်လာချိန်မှာပဲ သူ့သားလည်းဖြစ်၊ လက်ထောက်လည်းဖြစ်တဲ့ ဆာချာကလေ့ဒ်က ထူးဆန်းပြီး လက်လက်ထနေတဲ့ အပင်တစ်မျိုးကို တွေ့သွားပါတယ်။ ခရီးဆက်မလား၊ အပင်ကို အဗာလိုနီးယားဆီ ပြန်သယ်သွားမလားဆိုတာ သားအဖနှစ်ယောက် သဘောထားကွဲကြတယ်။ အဖွဲ့သားတွေကလည်း ဆာချာဘက်မှာ ရှိနေတဲ့အတွက် ဂျေဂါဟာ တစ်ယောက်တည်း ရှေ့ဆက်ပြီး သားနဲ့အဖွဲ့သားတွေကို အိမ်ပြန်စေလိုက်ပါတယ်။ အဲဒီနောက် ဂျေဂါ့သတင်းကို မကြားရတော့ပါဘူး။ ဆာချာကတော့ သူတွေ့ခဲ့တဲ့ ပန်ဒိုအပင်ကို စိုက်ပျိုးသုတေသနလုပ်ရင်း အပင်ကနေ စွမ်းအင်ထုတ်ယူနိုင်ခဲ့တယ်။ အဲဒီစွမ်းအင်ကို လျှပ်စစ်လို အသုံးပြုနိုင်လာတာကြောင့် အဗာလိုနီးယားရဲ့ လူနေမှုအဆင့်အတန်း မြင့်တက်လာပြီး ဆာချာလည်း လေးစားခံရတဲ့ အထင်ကရပုဂ္ဂိုလ် ဖြစ်လာပါတယ်။ တစ်နေ့မှာ သူ့အိမ်ရှေ့စိုက်ခင်းဆီကို မြို့မှာသုံးနေကျ လေသင်္ဘောအငယ်စားတွေထက် ကြီးမားတဲ့ယာဉ်တစ်စီး ရောက်လာတယ်။ ယာဉ်နဲ့အတူ ရောက်လာသူက အဗာလိုနီးယားသမ္မတ မောလ်ပါ။ သူက အရင်က ဂျေဂါရဲ့ခရီးစဉ်မှာ လိုက်ပါခဲ့ဖူးတဲ့ အဖွဲ့သားတစ်ယောက်လည်း ဖြစ်ပါတယ်။ မောလ်ရဲ့ပြောပြချက်အရ တိုင်းပြည်ရဲ့ အဓိကစွမ်းအင်ရင်းမြစ်ဖြစ်တဲ့ ပန်ဒိုအပင်တွေ အန္တရာယ်ကြုံနေရပြီဆိုတာ ဆာချာ သိလိုက်ရတယ်။ ပန်ဒိုကို ကယ်ဖို့ စီစဉ်ထားတဲ့ ခရီးမှာ သူ့ကိုလည်း လိုက်စေချင်တာကြောင့် ဆာချာ မငြင်းသာတော့ပါဘူး။ ဆာချာ ခရီးထွက်ရတော့မယ့်အချိန်မှာ စူးစမ်းလိုစိတ်ပြည့်နေတဲ့ ဆယ်ကျော်သက်သား အီသန်ကလည်း အတင်းလိုက်ချင်နေပါတယ်။ အီသန် ဒီခရီးမှာ ပါသွားမလား၊ ပန်ဒိုကို ဒုက္ခပေးနေတဲ့အရာရဲ့ ဇာစ်မြစ်ကို မောလ်တို့အဖွဲ့ ရှာဖွေတားဆီးနိုင်မလားဆိုတာ ဆက်တွေ့ရမှာပါ။ ဝေါ့လ်ဒစ္စနေးရဲ့ သိပ္ပံစိတ်ကူးယဉ်အန်နီမေးရှင်းဖြစ်ပြီး ဆန်းပြားတဲ့ သတ္တဝါတွေ၊ ရှုခင်းတွေနဲ့ စွန့်စားခန်းတွေကို ဖန်တီးထားပါတယ်။ သားအဖနဲ့ အဘိုးအမြေးကြားက သံယောဇဉ်၊ လူကြီးနဲ့လူငယ်ကြား သဘောထားမတူမှုတွေကိုလည်း ထည့်သွင်းထားသလို လိင်စိတ်တိမ်းညွတ်မှုဆိုင်ရာ အကြောင်းအရာအချို့လည်း ပါဝင်ပါတယ်။