Geoff Bell ပါဝင်သော ဇာတ်ကားများ

King & Conqueror (2025) Season 01 (စ/ဆုံး) Viking , Game of Throne , The Last kingdom တို့ကို ကြိုက်တဲ့ ဖန်တွေအတွက် BBC ထုတ် ဗိုက်ကင်းဇာတ်လမ်းတွဲတစ်ခုထွက်လာပါပြီ။ အင်္ဂလန်သမိုင်းက ဘုရင် အက်ဝက်၊ ကျူးကျော်သူ နော်မန်ဒီမြို့စား ဝီလီယံ စတဲ့ တကယ်ရှိခဲ့တဲ့ဇာတ်ကောင်တွေကို အခြေခံပြီး ရိုက်ထားပါတယ်။ ဇာတ်လိုက်ကျော်ကြီးအဖြစ် GOT ထဲက Kingslayer ဂျေမီလန်နစ်စတာဇာတ်ကောင်နဲ့နာမည်ကြီးခဲ့တဲ့ မင်းသား Nikolaj Coster-Waldauက အင်္ဂလန်ပြည်ကို ကျူးကျော်မယ့် ပြင်သစ်နော်မန်ဒီမြို့စားအဖြစ် ဦးဆောင်ပါဝင်ထားပါတယ်။ ဆက်ခံမယ့် အေသည်စတန်ဘုရင်လောင်းသေဆုံးအပြီးမှာ အက်ဝက်ဘုရင်နန်းတက်လာပါတယ်။ ဒီအတောတွင်းမှာ ဝက်ဆက် မာစီယာ နော်သမ်ဘီးယား စတဲ့ အင်္ဂလန်ပြည်ကြီးတည်ခါစက ပြည်နယ်ကြီးတွေမှာ အုပ်ချုပ်သူဘုရင်ခံလောင်းတွေနဲ့ ငြိမ်းချမ်းခဲ့တဲ့ ကာလာပေါ့။ ဒါပေမဲ့ ဘုရင်အက်ဝက်နန်းတက်အပြီး ဘုရင့်မယ်တော် အမ်မာရဲ့ စနက်ကနေ ပြည်တွင်းစစ်ကြီးဖြစ်ဖို့ အကြောင်းဖန်လာပါတော့တယ်။ ပြည်နယ် ၃ ခုက အမတ် ၃ ယောက်ကို ဆင့်ခေါ်လိုက်ပြီး အဓိကမိသားစုဖြစ်တဲ့ ဂေါ့ဝင်းတို့မိသားစုတို့ကို ငြိမ်းချမ်းရေးချိုးဖောက်တယ်ဆိုပြီး ဝက်ဆက်ပြည်ကို ဘုရင်အက်ဝက်က သိမ်းပိုက်ရာကနေ ဇာတ်လမ်းတည်ထားပါတယ်။ ပါဝင်တဲ့သရုပ်ဆောင်တွေကလည်း အရမ်းကောင်း ဇာတ်လမ်းကလည်း ကြမ်းတဲ့အတွက် သေချာပေါက်ကြည့်သင့်တဲ့ ဇာတ်လမ်တွဲပါပဲ။ File size… (600 MB) / (300 MB) Quality…. WEB-DL 1080p HEVC / 720p Format…. mkv/mp4 Genre…. Action & Adventure, Drama Duration…. 45min Subtitle…. Myanmar Subtitle (Hardsub)

MobLand (2025) Season 01 ( စ/ဆုံး ) +++++++++++++++++ MobLand [2026] S2 +++++++++++ အပိုင်းသစ် ( ၇ ) IMDb Rating (8.0) / Rotten Tomatoes (71%) Tom Hardy, Helen Mirren, Pierce Brosnan တို့လို ဆရာကြီးတွေ ပါထားတဲ့ ဂန်းစတား စီးရီးကြီး စီစင် ၂ ထွက်ရှိလို့လာပါပြီ။ တွမ်ဟာဒီကတော့ ဟာရီဂန်စ် မိသားစုက အားကိုးရတဲ့ ပြဿနာဖြေရှင်းရေးသမားကြီးပေါ့။ လန်ဒန်မြို့ပေါ်က ဂန်းစတားမိသားစုတွေ ဈေးကွက်တွေ လုကြတာ၊ အကွက်တွေရွှေ့ကြတာကို ပြထားတဲ့ စီးရီးပါပဲ။ Gentlemen စီးရီး Gangs of London စီးရီးတွေလိုပဲ အထာကျပါတယ်။ စီးရီးဖန်တီးတဲ့ ရိုနန် ဘန်းနက်ကိုလည်း Public Enemies တို့ Day of the Jackal စီးရီးတို့နဲ့ လူသိများကြမှာပါ။ ရိုက်ထားတဲ့ ဒါရိုက်တာကလည်း the Gentlemen ဖန်တီးရှင် Guy Ritchie ပဲမို့ ဂန်းစတားစီးရီးမှာတော့ သူ့အပိုင်ပါပဲ။ ဇာတ်လမ်းအကျဉ်း ဟာရီဂန် ဒုစရိုက်မိသားစုက ဘိန်းဖြူလောကမှာ အင်အားအကြီးဆုံးဖြစ်ပြီး ရစ်ချီတို့ရဲ့ ဖန်တနိုင်းဈေးကွက်ကို လုဖို့ ကြိုးစားနေတဲ့သူပါ။ ဖြစ်ချင်တော့ ဟာရီဂန်မိသားစုက သားဆိုး အက်ဒီ နဲ့ ရစ်ချီရဲ့သား တွမ်မီတို့က ညဘက်မှာထွက်လည်ရင်း ပြဿနာတွေ တက်သွားပါတယ်။ တွမ်မီပြန်မလာချိန်မှာ ရစ်ချီက ဟာရီဂန်တွေကို စစ်ကြေညာလာသလို ဟာရီဂန်တွေကလည်း ရစ်ချီ့ဆီက ဖန်တနိုင်းဈေးကွက်ကိုလုဖို့ စပြီး ကြံစည်လာတဲ့အခါ ဂိုဏ်းစစ်ပွဲကြီးတွေ ဖြစ်လာဖို့ နီးကပ်လာပါတော့တယ်။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size… (4 GB) / (800 MB) / (400 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Crime, Drama Duration….01:00:00 Subtitle….Myanmar Subtitle (Hardsub) Encoder….Benjamin Translated by Mr. Anderson

IMDb Rating (6.9) / Rotten Tomatoes (73%) တစ်ခါက ကူပါချေ့စ်ဆိုတဲ့ ဘိုးဘွားရိပ်သာတစ်ခုရှိပါတယ်။ အဲလိဇဘက်၊ ရွန်နဲ့ အီဘရာဟင်မ်ဆိုတဲ့ မိတ်ဆွေသုံး‌ယောက်ကတော့ ဒီဇာတ်လမ်းရဲ့ ဇာတ်လိုက်တွေပါ။ အငြိမ်းစားယူပြီး အချိန်တွေပိုနေတဲ့ အဘိုးကြီးအဘွားကြီးတွေပီပီ သူတို့သုံးယောက်က အရင်က မဖြေရှင်းနိုင်လိုက်တဲ့ အမှုဟောင်းတွေကို ကြာသပတေးနေ့တိုင်း အစည်းအဝေးထိုင် ဖြေရှင်းကြပြီး သူတို့အဖွဲ့နာမည်ကို "The Thursday Murder Club" လို့ နာမည်ပေးထားကြပါတယ်။ တိုနီနဲ့ အီရန်ကတော့ ကူပါချေ့စ်ရဲ့ ပိုင်ရှင်တွေပါ။ တိုနီက ရိပ်သာမှာ သူ့အဒေါ်ရှိသေးတာကြောင့် ကူပါချေ့စ်ကို ဆက်ပြီး ဖွင့်ချင်ပေမဲ့ အီရန်ကတော့ အကျိုးလိုလို့ အဲဒီနေရာမှာ ဇိမ်ခံတိုက်တွေ ဆောက်ပြီး ရိပ်သာကို ပိတ်ပစ်ချင်သူပါ။ တစ်နေ့တော့ သူတို့ကတောက်ကဆဖြစ်ပြီး နောက်နေ့မှာ တိုနီဟာ ရုတ်တရက် သူ့နေအိမ်မှာ အသတ်ခံလိုက်ရပါတယ်။ ဒီလိုနဲ့ တိုနီ့ရဲ့ သေဆုံးမှုက စုံထောက်ကြီးသုံးယောက်ရဲ့ အလုပ်တစ်ခု ဖြစ်လာကာ တရားခံရှာပုံတော် ဖွင့်ကြပါတော့တယ်။ File Size… (1.76GB) / (956MB) Quality… WEB-DL 1080p HEVC /720p Format…mkv / mp4 Duration…1h 58m Genre ….Comedy , Crime , Mystery , Thriller Subtitle….Myanmar Subtitle (Hard Sub)

ဟာသအချစ်ကား‌ကောင်းကောင်းလေးတွေ ကြိုက် နှစ်သက်သူတွေအတွက် အသစ်ထွက်ရှိလာတဲ့ ဗြိတိသျှ ဇာတ်ကားကောင်းလေးတစ်ကားကို တင်ဆက်ပေးလိုက် ပါတယ်။ဇာတ်ကားနာမည်ကတော့ Marching Powder ဖြစ်ပြီး လက်ရှိ IMDb Rating 5.5 အထိရရှိထားပါတယ်။ ရိုင်းစိုင်းတဲ့စကားလုံးတွေကို ပျစ်ပျစ်နှစ်နှစ် ရှယ်သုံးထားပြီး မူးယစ်ဆေးသုံးတဲ့အခန်းတွေကိုလည်း မှိုလိုပေါက်အောင် ရိုက်ကူးထားတဲ့အတွက် ကလေးသူငယ်တွေကြည့်ဖို့အတွက် တော့ မသင့်တော်ပါဘူး။ဒါပေမယ့် ဒီလိုအပေါ်ယံ ဆိုးသွမ်း မှုတွေကိုဖယ်ပြီး နှလုံးသားနဲ့ရှုစားလိုက်မယ်ဆိုရင်တော့ ကြည်နူးစရာကောင်းတဲ့ဇာတ်ကားလေးဖြစ်တဲ့အတွက် အသစ်အဆန်းတွေမြည်းစမ်းချင်သူတွေကြည့်သင့်တဲ့ ဇာတ်ကားလေးတစ်ကားဖြစ်ပါတယ်။ ယနေ့‌ခေတ်အိမ်ထောင်ဦးစီးအမျိုးသားတွေကိုကြည့် လိုက်မယ်ဆိုရင် လူပျိုလူလွတ်ဘ၀တုန်းက ဘယ်လောက်ပဲ ဆိုးခဲ့ဆိုးခဲ့ သားနဲ့မယားနဲ့ဖြစ်လာပြီဆိုရင်ပြောင်းလဲပြီး လိမ္မာတဲ့အားကိုးရတဲ့ခင်ပွန်းကောင်း ဖခင်ကောင်းတွေ ဖြစ်သွားတတ်ကြတာများပါတယ်။ ဒါပေမယ့်လည်း အရင်တုန်းကဆိုးခဲ့ပြီး သားနဲ့မယားနဲ့ ဖြစ်လာမှပိုဆိုးလာတယ်ဆိုတဲ့ ယောက်ျားတွေကလည်း ရှိနေပါသေးတယ်။အဲ့ဒီထဲမှာ ဒီကားရဲ့မင်းသားဖြစ်တဲ့ ဂျက်ခ်ဆိုတဲ့လူလည်းထိပ်ဆုံးကပါဝင်နေပါတယ်။ သူက မွေးကတည်းက ကိုကိန်းဆိုတဲ့စကားကိုစပြော လာခဲ့ပြီး ကြီးပြင်းလာခဲ့တဲ့တစ်လျှောက်မှာလည်း လက်ဖျားခါလောက်အောင်ဆိုးသွမ်းတဲ့လူတစ်ယောက် ဖြစ်ခဲ့ပါတယ်။အခုဒန်နီဆိုတဲ့မိန်းမနဲ့ ဂျေဂျေဆိုတဲ့ သားလေးရထားတာတောင် သူ့မှာနဂိုဗီဇကမပျောက်ဘဲ ဆေးချလိုက် ရန်ဖြစ်လိုက်နဲ့ဖြတ်သန်းနေတဲ့အခါမှာတော့ မလွှဲသာမရှောင်သာ တရားရုံးနဲ့ရင်ဆိုင်လိုက်ရပါတော့ တယ်။အဲ့ဒီအခါမှာတော့ သူ့မိန်းမနဲ့ကလေးကို ဆုံးရှုံးရမဲ့ အပြင် ထောင်ကျဖို့ပါနီးလာတဲ့အခါမှာတော့ သူ့ဘ၀ တစ်လျှောက်လုံးဆိုးလာခဲ့သမျှတွေကိုပြုပြင်ပြီး လူသစ် တစ်ယောက်အဖြစ်နဲ့ဘ၀ကိုရှေ့ဆက်သွားနိုင်ပါ့မလား ဆိုတာကို ရှုစားရမဲ့ ဇာတ်ကားလေးတစ်ကားပဲဖြစ်ပါတယ်။ File size… (1.07 GB) / (678 MB) Quality… WEB-DL 1080p HEVC / 720p Format…mkv / mp4 Duration….1h 36m Genre …..Acion , Comedy , Crime , Drama , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

ဒီနှစ်ထဲမှာ အသစ်ထွက်ရှိလာတဲ့ ခရမ်းချဉ်သီးပုပ် ၆၀နဲ့ IMDb 6.1 ရရှိထားတဲ့ Rise of the Footsoldier franchise ရဲ့ sequel ရုပ်ရှင်သစ်တခုဖြစ်ပါတယ်။ ဒီရုပ်ရှင်ထဲမှာလည်း Rise of the Footsoldier ရဲ့ပင်တိုင်သရုပ်ဆောင်ကြီး ခရိတ်ဖဲဘရက်စ်က ပတ်တိတ် နေရာကနေ ထပ်မံသရုပ်ဆောင်ထားပါတယ်။ ဇာတ်လမ်းအကျဉ်းကတော့ မှောင်ခိုလောကမှာ ဆေးအရောင်းအ၀ယ်အလုပ်လုပ်နေတဲ့ ပတ်ရဲ့မိတ်ဆွေဖြစ်သူဟာ ရက်ရက်စက်စက်သတ်ဖြတ်ခံလိုက်ရတာကြောင့် ပတ်တိတ်ဟာ မိတ်ဆွေဖြစ်သူအတွက် လက်စားချေပေးဖို့ရာ ဒီလူသတ်မှုရဲ့ နောက်ကွယ်ကတရားခံကို လိုက်လံစုံစမ်းရင်းကနေ မှောင်ခိုလောကရဲ့ထုံးစံအတိုင်း ရဲတပ်ဖွဲ့တွေ ဂိုဏ်းတွေနဲ့ ဇာတ်ရှုပ်ရပါတော့တယ်။ ဇာတ်လမ်းအကြောင်းကို အများကြီးမပြောတော့ပါဘူး ဖိုက်တင်ပလေးတာတွေကတော့ ကြမ်းတယ်လို့ပြောလို့ရမယ့်အထဲမှာပါပါတယ်။ သရုပ်ဆောင်ချက်တွေနဲ့ ဇာတ်လမ်းဇာတ်ကွက်တွေက တော်တော်အဆင်ပြေတဲ့အထဲမှာပါတာမလို့ အက်ရှင်ကားကြမ်းကြမ်းကြည့်ချင်နေတဲ့သူတွေအတွက်ကတော့ သင့်တော်မှာဖြစ်ကြောင်း ညွှန်းဆိုပေးလိုက်ပါတယ်။ File size…(1.6 GB)/(861 MB) Quality….Webrip 1080p / 720p Format…mp4 Duration….01:52:00 Genre...Action, Drama, Thriller Subtitle….Myanmar Subtitle (Hardsub) Encoder….Mr. Anderson Translated by Steven Khant

2017 မေလထဲမှာ ရုံတင်ပြသခဲ့ပြီး အခုချိန်မှာ IMDb 6.7 နဲ့ပါ။ ဇာတ်လမ်းကျောရိုးကတော့ အင်္ဂလန်ရဲ့ နာမည်အကြီးဆုံး ပုံပြင် တွေထဲက အာသာဘုရင်ရဲ့ ဇာတ်ကြောင်းပါပဲ။ ဒီဇာတ်ကြောင်းကိုပဲ အမျိုးမျိုး ပြုပြင်ဖန်တီးပြီး ရိုက်ကူးထားကြတဲ့ကားတွေ မနည်းပါဘူး။ ဒီရုပ်ရှင်ထဲမှာတော့ ဘုရင် အူသာ ပန်ဒရက်ဂွန် လုပ်ကြံခံရပြီး သူ့ရဲ့ ညီ ဗော်တီဂန်က ထီးနန်းကို သိမ်းပိုက်ထားတယ်။ ဘုရင်လောင်း အာသာလေးက ကလေးကတည်း ထွက်ပြေးတိမ်းရှောင်နေရပြီး သူ့ကိုယ်သူ ဘုရင်လောင်းမှန်းမသိဘူးပေါ့။ မှော်ဆရာမာလင် ပေးခဲ့တဲ့ အိတ်စ်ကာလီဘာ မှော်ဓားဟာ အာသာအရွယ်ရောက်လာချိန်မှာ အလိုလိုပြန်ပေါ်လာပြီး ထုံးစံအတိုင်း ကျောက်တုံးထဲစိုက်နေ နှုတ်မရဖြစ်နေပါတယ်။ ဘုရင်ဗော်တီကန်က အာသာရှိနေမယ့် အသက်အရွယ် ပတ်ဝန်းကျင်လူငယ်အားလုံးကို ဒီဓားကို စမ်းသပ်ပြီး ဆွဲနှုတ်ခိုင်းတဲ့နည်းနဲ့ အာသာကို လိုက်ရှာပါတော့တယ်။ အာသာ မှော်ဓားကို ဆွဲနှုတ်နိုင်သွားချိန်နောက်ကစပြီး ဘုရင် ဗော်တီဂန်န် နဲ့ အာသာတို့ စတင်ရင်ဆိုင်မိပါတော့တယ်။ ဒီအာသာဗားရှင်းမှာတော့ မှော်ပညာတွေ သတ္တဝါဆန်းကြီးတွေ ထည့်သွင်းထားပါတယ်။ ရုပ်ရှင်ကောင်းတစ်ခုပဲမို့ ကြည့်ကြည့်လိုက်ကြပါတော့။ File size…(6.8 GB)/(2 GB)/(1.3 GB) Quality….BluRay  4K HEVC/1080p HEVC /720p Format…mkv/mp4 Duration….02:06:00 Subtitle….Myanmar Subtitle (Hardsub) Encoder….Ka Naung Translated by Littleneo

၂ဝ၁၆ ခုနှစ်က ထွက်ရှိခဲ့တဲ့ ဒီ Mine ဆိုတဲ့ ဇာတ်ကားလေးဟာIMDB 5.9 ရရှိထားတဲ့ ဇာတ်ကားကောင်းဖြစ်ပါတယ်။ ဇတ်လမ်းပုံစံကတော့ မစ်ရှင်တစ်ခု ဆောင်ရွက်ဖို့ စနိုက်ပါ၂ဦးမစ်ရှင်မအောင်မြင်ဘဲ အပြန်ခရီးလမ်းမှာ နှစ်ပေါင်းများစွာကမိုင်းတွေ မြုပ်နှံထားခဲ့ဖူးတဲ့ သဲကန္တာရတစ်ခုကို ကျော်အဖြတ်မှာစနိုက်ပါတစ်ဦးကတော့ မိုင်းကြောင့်သေဆုံးခဲ့ပြီး ကျန်ရှိတဲ့စနိုက်ပါတစ်ဦးဖြစ်သူ ဆာဂျင်မိုက်ကယ်သားစစ်ကတော့ မိုင်းနင်းထားမိပြီး ၎င်းနေရာမှခွာလို့မရနိုင်ဘဲ သဲမုန်တိုင်းများ၊ ရန်သူများကို တစ်ဦးတည်းတိုက်ခိုက်နေရပုံများကိုရင်သပ်ရှုမောဖွယ် ခံစားကြည့်ရှုရမှာပဲဖြစ်ပါတယ်။ နောက်ဆုံးမှာ ဆာဂျင်မိုက်ကယ်သားစစ်တစ်ယောက် တပ်ဖွဲ့ရဲ့ကယ်ဆင်ခြင်းကိုခံရမလား၊ သဲကန္တာရထဲ ရေငတ်ပြီး သေဆုံးသွားမလား၊သဲမုန်တိုင်းကြောင့်သေသွားမလား၊ ရန်သူလက်ချက်နဲ့သေသွားမလားဆိုတာကို ဒီ Mine ဆိုတဲ့ဇာတ်ကားလေးမှာ ဆက်လက်ရှုစားလိုက်ကြပါ။ QTY - 720p Bluray Duration - 1hr 45min Gerne - Thrill/War Subtitle - Myanmar hard sub Translator - Yae Yint May Encoder - Kyaw Ye Aung

Epic Sci-fi အမျိုးအစားဖြစ်တဲ့ Star Wars ဇာတ်လမ်းတွေကို စုစည်းတင်ဆက်ပေးထားပါတယ်။ သိပ္ပံစိတ်ကူးယဉ်ရုပ်ရှင်တွေထဲမှာ သမိုင်းတလျှောက်အအောင်မြင်ဆုံး ရုပ်ရှင်တွဲတွေထဲက တစ်ခုပါပဲ။ နောက်ပိုင်းထွက်သမျှ ရုပ်ရှင်တွေထဲမှာလည်း ဒီရုပ်ရှင်တွေထဲက စကားစုတွေ ကိုးကားချက်တွေကို မကြာခဏတွေ့ရတတ်ပါတယ်။ ပညာရှိ ဆရာဆိုရင် Master Yoda ကိုအမြဲတင်စားကြသလို ဗီလိန်ဆိုရင်လည်း Darth Vader ဟာ ပြောစမှတ်တွင်ကျန်ခဲ့တာပါပဲ။ ဇာတ်လမ်းကတော့ ဟိုးအတိတ်ကာလတစ်ခုတုန်းက ဝေးကွာလှတဲ့ နဂါးငွေ့တန်းကြယ်စုတွေကြားထဲမှာ ဖြစ်ပျက်နေတဲ့အကြောင်းတွေပါ။ အစဦးမှာ ကြယ်စုတွေ ဂြိုလ်တွေဟာ လွှတ်တော်ဖွဲ့စည်းထားပြီး ဒီမိုကရေစီ စနစ်နဲ့ အုပ်ချုပ်မှုအောက်မှ နေထိုင်ကြပါတယ်။ လွှတ်တော်နဲ့အတူ ဂလက်ဆီကြီးတစ်ခုလုံးရဲ့ တရားမျှတမှုနဲ့ ငြိမ်းချမ်းမှုကို ထိန်းသိမ်းပေးတဲ့ သူရဲကောင်းအဖွဲ့တစ်ခုလည်း ရှိနေပါတယ်။ အဲဒီသူတွေကိုတော့ Jedi တွေလို့ ခေါ်ကြပြီး သူတို့မှာ Lightsaber ဆိုတဲ့ အလင်းဓားလက်နက်တွေ ပိုင်ဆိုင်ကြပါတယ်။ ဒါ့အပြင် သူတို့ကို သာမန်လူတွေထဲ ထူးခြားတဲ့ စိတ်စွမ်းအင်တွေနဲ့ ခွန်အားတွေကို Force ဆိုတဲ့ အရာကနေ ယူငင်သုံးစွဲကြပါတယ်။ Force ဆိုတာကတော့ သက်ရှိသက်မဲ့တွေ အားလုံး အတွင်းထဲ အပြင်ထဲမှာ ဝိုင်းရံနေတဲ့ စွမ်းအင်တစ်မျိုးဖြစ်ပြီး Jedi တွေသာ ခံစားနိုင် သုံးစွဲနိုင်ကြပါတယ်။ အဲဒီ Jedi တွေရဲ့ လုံးဝဆန့်ကျင်ဖက်လမ်းစဉ်ကို လိုက်တဲ့သူတွေကိုတော့ Sith တွေလို့ခေါ်ပြီး သူတို့က ဒေါသနဲ့အမုန်းတွေကို အခြေခံတဲ့ အမှောင်ခြမ်းစွမ်းအင် Dark Side of the Force ကို သုံးစွဲကြပါတယ်။ ဒီ star wars ရုပ်ရှင်တွေအတွင်းမှာ Jedi နဲ့ sith တွေရဲ့ အပြန်အလှန်အားပြိုင်မှုတွေ တော်လှန်ရေးအဖွဲ့တွေနဲ့ အင်ပါယာတပ်တွေရဲ့ တိုက်ပွဲတွေအကြောင်းတွေ ခံစားကြည့်ရှုနိုင်ပါလိမ့်မယ်။ စတားဝါးရုပ်ရှင်တွေကို ထုတ်လုပ်ခဲ့တဲ့ခုနှစ်အတိုင်း အစဉ်လိုက်ကြည့်ရှုမယ်ဆိုရင်အောက်ပါအတိုင်းကြည့်ရှုလို့ရပါတယ်။ 1. Star Wars IV : A New Hope (1977) 2. Star Wars V : The Empire strikes back (1980) 3. Star Wars VI : Return of the Jedi (1983) 4. Star Wars I : Phantom Menace (1999) 5. Star Wars II : Attack of The Clones (2002) 6. Star Wars III : Revenge of The Sith (2005) 7. Star Wars VII: The Force Awakens (2015) 8. Rogue One : A Star Wars Story (2016) 9. Star Wars VIII : The Return of the Jedi (2017) 10. Solo : A Star Wars Story (2018) 11. Star Wars IX : The Rise of the Skywalker (2019) တကယ်လို့ Star Wars Timeline အတိုင်းကြည့်မယ်ဆိုရင်တော့ အောက်ပါအတိုင်းကြည့်ရှုလို့ရပါတယ်။ 1. Star Wars I : Phantom Menace (1999) 2. Star Wars II : Attack of The Clones (2002) 3. Star Wars III : Revenge of The Sith (2005) 4. Solo : A Star Wars Story (2018) 5. Rogue One : A Star Wars Story (2016) 6. Star Wars IV : A New Hope (1977) 7. Star Wars V : The Empire strikes back (1980) 8. Star Wars VI : Return of the Jedi (1983) 9. Star Wars VII: The Force Awakens (2015) 10. Star Wars VIII : The Return of the Jedi (2017) 11. Star Wars IX : The Rise of the Skywalker (2019) ( Littleneo မှ ဘာသာပြန်တင်ဆက်ထားပါတယ်။) Star Wars ရုပ်ရှင်အားလုံးကို https://channelmyanmar.org/category/special-package/star-wars/  မှာကြည့်ရှုနိုင်ပါတယ်။ 4K ကိုတော့ www.cmapp.tv မှာ မန်ဘာဝင်ပြီး CM App ကနေ လွယ်ကူစွာတိုက်ရိုက်ကြည့်ရှုနိုင်သလို One Click Download လဲ ပြုလုပ်နိုင်ပါတယ်။ +++++++++++++++++++++++++++++ Rogue One: A Star Wars Story (2106) Rogue One ရဲ့ ကာလကတော့ Star Wars III : Revenge of the Sith နောက်ပိုင်းမှာ Jedi အားလုံးလုပ်ကြံခံရပြီး ဒီမိုကရေစီကနေ အင်ပါယာထူထောင်ခံချိန်၊ အင်ပါယာကို Sith Lord နဲ့ Darth Vader တို့ အုပ်စိုးချိန်မှာ Rebellion တော်လှန်ရေးတပ်ကို စတင်ဖွဲ့စည်းတဲ့ကာလဖြစ်ပါတယ်။ ဒီဇာတ်ကားကို Star Wars IV : A New Hope မတိုင်ခင်ကာလအဖြစ်ကြည့်ရှုရမှာပါ။ A New Hope အစမှာ မင်းသမီးလိုင်ယာ လက်ထဲကို Death Star ရဲ့ ပုံစံနဲ့ အားနည်းချက်တွေ ရောက်လာတာက စခဲ့တာဖြစ်တဲ့အတွက် ဒီကားမှာတော့ အဲဒီ Death Star ရဲ့ ပုံစံနဲ့ အားနည်းချက်ကို အသက်စွန့်ယူဆောင်ပေးကြတဲ့ Rebellion သူရဲကောင်းတွေရဲ့ တိုက်ပွဲတွေကို တွေ့ရပါလိမ့်မယ်။ (ဒီကားထဲမှာ ဘုရင်ခံတာကင်နဲ့ မင်းသမီးလိုင်ယာတို့ရဲ့ ၁၉၇၇ က ဇာတ်ကောင်ပုံစံတွေအတိုင်း တူအောင် digital ပုံရိပ်ဖော်ပြီး ထည့်သွင်းပေးထားတာပါ) File size…(8.1 GB)/(2.1 GB)/(1.2 GB) Quality….BluRay  4K HEVC/1080p HEVC /720p Format…mkv/mp4 Duration….02:13:00 Subtitle….Myanmar Subtitle (Hardsub) Encoder….Ka Naung Translated by Little Neo

Kingsman: The Secret Service (2014) IMDb Rating (7.7) / Rotten Tomatoes (75 %) "Manners maketh man." Gentleman ဆိုတာဘယ်လိုယောက်ကျားမျိုးလဲဆိုတာ ပြသဖို့ဆိုရင်တော့ Kingsman ရုပ်ရှင်တွေက အတိအကျကိုညွှန်းဆိုပြသနေတာပါပဲ။ ဘယ်လိုအခြေအနေမျိုးမှာမဆို ဖြောင့်မတ်တည်ကြည်တဲ့ယောက်ျား.. အဝတ်အစားကစလို့ အပြောအဆိုအနေအထိုင် အမူအရာ အမူအကျင့် အားလုံးမှာ စမတ်ကျကျနဲ့ ယဉ်ကျေးတဲ့ယောက်ျား ဒီလို Gentleman ရဲ့ဝိသေသတွေနဲ့  မင်းသားကြီး Colin Firth ကို ဟယ်ရီအဖြစ် မြင်တွေ့ရတာက Kingsman ရုပ်ရှင်တွေရဲ့ အရသာပါပဲ။ Kingsman ဆိုတာကတော့ ကမ္ဘာကြီးကို တိတ်တဆိတ်ကယ်တင်နေတဲ့လျှို့ဝှက်အေးဂျင့်အဖွဲ့အစည်းပါ။ ဂျိမ်းစ်ဘွန်းရုပ်ရှင်တွေကို အခြေပြုထားတယ်ဆိုပေမယ့် မတူကွဲပြားတဲ့ တင်ဆက်ပုံတွေ  မထင်မှတ်ထားတဲ့ အချိုးအကွေ့တွေနဲ့ Kingsman ဆိုတဲ့ ရသသစ်တခုကို အပြည့်အဝပေးနိုင်ခဲ့ပါတယ်။ Kingsman:The Secret Service (2014) ရုပ်ရှင်မှာတော့ မင်းသားကြီး Colin Firth,Samuel L.Jackson , Mark Strong , Michael Caine တို့လို ဝါရင့်သရုပ်ဆောင်တွေပါဝင်ပြီး လူငယ်သရုပ်ဆောင် Taron Egerton က အဓိကသရုပ်ဆောင် Kingsman Agent အဖြစ်ပါဝင်ထားပါတယ်။ File size…(6.8 GB)/(2.2 GB )/(1.5 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:09:00 Subtitle….Myanmar Subtitle (Hardsub) Encoder….Ka Naung Translated by Dike Ran

War Horse (2011) အခုတင်ပေးမှာကတော့ လူနဲ့တိရစ္ဆာန်အကြား ချစ်ခြင်းမေတ္တာ၊ မိသားစုချစ်ခြင်းမေတ္တာ၊ စစ်၏သဘောတရား စတဲ့ ခံစားမှုရသမျိုးစုံပါဝင်တဲ့ ဇာတ်ကားကောင်းလေးဖြစ်ပါတယ်...ဇာတ်ကားနာမည်ကတော့ အပေါ်ကအတိုင်း War Horse ပါ။ စစ်မြင်းတစ်ကောင်အကြောင်းပေါ့... Jurassic Park, Jaws စတဲ့ တိရစ္ဆာန်ဦးစားပေးဇာတ်ကားတွေ၊ Saving Private Ryan၊ Schindler’s List၊  စတဲ့ စစ်ပွဲဦးစားပေးဇာတ်ကားတွေကို ရိုက်ကူးခဲ့တဲ့ နာမည်ကြီး ဒါရိုက်တာ Steven Spielberg က ရိုက်ကူးထားတာဖြစ်ပါတယ်... စာရေးဆရာကြီး Michael Morpurgo ရဲ့ နာမည်ကျော် War Horse စာအုပ်ကို မှီငြမ်းရိုက်ကူးထားတာဖြစ်ပြီး ပထမကမ္ဘာစစ်အတွင်း နိုင်ငံအသီးသီးက အသုံးပြုခဲ့တဲ့ မြင်းပေါင်း ရှစ်သန်းကျော်ရဲ့ သနားစရာဘဝကို တစ်ကောင်တည်းနဲ့ ကိုယ်စားပြု ရိုက်ကူးထားတာဖြစ်ပါတယ်... ပြီးတော့ Loki မင်းသား Tom Hiddleston နဲ့ Sherlock Holmes မင်းသား Benedict Cumberbatch တို့ကလည်း အားဖြည့်ကူညီထားပါတယ်.... ဇာတ်လမ်းအညွှန်း ပထမကမ္ဘာစစ်မစမီ အင်္ဂလန်ပြည်မှာ လယ်ထွန်ဖို့အတွက် မြင်းတွေကို အသုံးပြုခဲ့တာပါ... ဈေးတွေမှာ မြင်းတွေကို လေလံဆွဲရောင်းချရာကနေ ဇာတ်လမ်းရဲ့ အဓိကဇာတ်ကောင်ဖြစ်တဲ့ Joey ဆိုတဲ့မြင်းလေးကို Ted Narracott ဆိုတဲ့လူက ဝယ်ယူခဲ့ရာက စတာပါ...လယ်ထွန်တတ်တဲ့ မြင်းဝယ်ရမယ့်အစား စစ်မြင်းလေးကို ဈေးကြီးပေး ဝယ်ချလာတဲ့ Ted တို့ မိသားစုမှာ ပြဿနာမျိုးစုံတက်တော့တာပါပဲ... Ted ရဲ့သားဖြစ်သူ Albertက မြင်းလေးကိုကောင်းကောင်းမွန်မွန်သင်ကြားပေးပြီး ပြဿနာအချို့ကို ကျော်လွှားနိုင်ခဲ့ပေမဲ့ အခြေအနေအမျိုးမျိုးကြောင့် ဒီမြင်းလေးကို စစ်တပ်ကို ရောင်းချခဲ့ရပါတယ်...ဒီလိုနဲ့ ပထမကမ္ဘာစစ်မှာ မြင်းလေးကို အသုံးပြုဖို့ဖြစ်လာခဲ့ပြီး သူ့ကိုအရမ်းချစ်တဲ့ Albert ကတော့ မြင်းလေးနဲ့ ဝေးဖို့ဖြစ်လာခဲ့ရာကနေ သူ့ရဲ့မြင်းလေးနဲ့ ပြန်တွေ့ဖို့ ကြိုးစားခဲ့ပုံတွေကို ရိုက်ကူးထားတာပါ... စစ်ပွဲအတွင်း မြင်းတွေကို အမျိုးမျိုးအသုံးချပုံတွေ၊ စစ်သားတွေရဲ့ ခက်ထန်မှုတွေ၊ တစ်ချိန်တည်းမှာပဲ စစ်သားတွေရဲ့ ချစ်စဖွယ်အပြုအမူတွေ၊ စစ်ပွဲတွင်းအဖြစ်အပျက်တွေကိုတခမ်းတနား ကြည့်ရမယ့် ဇာတ်ကားကောင်းလေးဖြစ်တာမို့ Channel Myanmar ပရိသတ်ကြီးလည်း အကြိုက်တွေ့မယ်လို့ မျှော်လင့်ပါတယ်... စစ်ကားလည်းဖြစ်တဲ့အပြင် ဒါရိုက်တာ  Steven Spielberg  ရဲ့ လက်ရာဆိုတော့ ထွေထွေထူးထူးညွှန်းစရာမလိုလောက်ဘူးထင်ပါတယ်... ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်.... File Size : 3.05GB / 1.55GB Quality : WEB-DL 1080p 5.1 CH,  720p Duration : 02:26:00 Genres : Drama, History, War Subtitle : Myanmar Subtitle (Hard Sub) Translated by Paing Encoded by Heather Oo

ဒီတစ်ခါ cm ပရိသတ်ကြီးကို Brighton Rock ဆိုတဲ့ ဇာတ်ကားလေး တစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားလေးက စာရေးဆရာကြီး ဂရေဟမ်ဂရင်းရဲ့ ၁၉၃၈ ခုနှစ်က ထုတ်ဝေအောင်မြင်ခဲ့တဲ့ စာအုပ်ကို ပြန်လည် ရိုက်ကူးထားတာ ဖြစ်ပါတယ်။ ၂၀၁၀ ခုနှစ်မှာ ဒီဇာတ်ကားနဲ့ အကောင်းဆုံး မျက်နှာသစ် အမျိုးသမီး ဇာတ်ဆောင်ဆုရရှိခဲ့ပြီး nomination ၈ ခုအထိ ရရှိအောင်မြင်ခဲ့ပါတယ်။ ဇာတ်ကြောင်းက ပင်ကီဘရောင်းဆိုတဲ့ လူဆိုးအဖွဲ့ဝင် ကောင်လေးတစ်ယောက်ဟာ သူ့ဖခင်လို သဘောထားရတဲ့ လူဆိုးဂိုဏ်းခေါင်းဆောင်ကို မျက်စိရှေ့တင် အသတ်ခံ လိုက်ရပါတယ်။ သတ်သွားတဲ့သူကို လက်တုံ့ပြန် သတ်ဖြတ်တဲ့အချိန်မှာ ကံဆိုးချင်တော့ ရို့စ်ဆိုတဲ့ ကောင်မလေးတစ်ယောက်က ဇာတ်ရှုပ်ထဲ ဝင်ပါမိသလို ဖြစ်ပြီး သက်သေခံ ဖြစ်မှန်းမသိ ဖြစ်သွားတာပါ။ ရို့စ်ကို နှုတ်ပိတ်တဲ့အနေနဲ့ သမီးရည်းစားအဖြစ်ကနေ လက်ထပ်တဲ့အထိ ချဉ်းကပ်ခဲ့တဲ့ ပင်ကီဘရောင်းဟာ ဘယ်လိုမျိုး လူသတ်မှုကနေ လွတ်အောင် ကြိုးစားမလဲ။ သူဝင်ဦးစီးဖို့ လုပ်နေတဲ့ လူဆိုးအဖွဲ့က သူ့ကို မယုံကြည်တော့တဲ့ အခါမှာတော့.....။ File size…1.52GB / 712MB Quality…Blu-Ray 1080p / 720p Format…mp4 Duration….1h 51m Genre …..Crime , Drama , Thriller Subtitle….Myanmar Subtitle (Hard Sub) Encoder….Min Wai Translated by Aoi

Night Train (2009) IMDb....5.7 ၂၀၀၉ ခုနှစ်ကထွက်ရှိထားတဲ့ Night Train ကတော့ Mystery ၊ Thriller အမျိုးအစားဖြစ်ပါတယ်။ ခရစ္စမတ်ညရဲ့ လူနည်းစုသာလိုက်ပါလာတဲ့ ရထားတစ်စီးပေါ်မှာ အမျိုးသားတစ်ဦးဟာ ဆေးလွန်ပြီး သေဆုံးသွားခဲ့ပါတယ်။ တွဲစောင့်မိုင်စ်နဲ့အတူ သေဆုံးသူနဲ့တစ်တွဲတည်းအတူစီးခဲ့ကြတဲ့ခရီးသည်တွေဖြစ်တဲ့ ခိုးလီနဲ့ ပိတို့ဟာ သေဆုံးသူရဲ့ ထူးဆန်းတဲ့ပစ္စည်းတစ်ခုကို ရှာတွေ့သွားခဲ့ကြပါတယ်။ အဆိုပါသေတ္တာလေးဟာ သဘာဝလွန်စွမ်းအားရှိတဲ့ ပစ္စည်းတစ်ခုဆိုတာ မသိကြဘဲ သေတ္တာထဲကို ကြည့်မိသူတိုင်းက မိမိလောဘကိုရောင်ပြန်ဟပ်ပြီး ကိုယ်အလိုချင်ဆုံးအရာကိုမြင်တွေ့ရတတ်ပါတယ်။ သေတ္တာထဲကို ကြည့်မိတဲ့ မိုင်စ်၊ ပိနဲ့ ခိုးလီတို့ သုံးယောက်ပေါင်းပြီး သေတ္တာကိုအပိုင်စီးဖို့အတွက် အလောင်းဖျောက်ဖို့ ကြိုးစားကြရာကနေ ရထားပေါ်မှာ သေတ္တာကိုလိုချင်နေတဲ့လူတွေက သူတို့တင်မကဘူးဆိုတာ သိရှိလာကြရပါတော့တယ်။ ရထားပေါ်မှာ သေတ္တာကိုပိုင်ဆိုင်ရဖို့ အချင်းချင်း သတ်ဖြတ်လာကြတဲ့အခါမှာတော့ မိုင်စ်၊ ပိနဲ့ခိုးလီတို့ အသက်ရှင်ကျန်ရစ်ခဲ့နိုင်မှာလားဆိုတာ ဆက်လက်ကြည့်ရှုရမှာပဲဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်သူကတော့ July ပဲဖြစ်ပါတယ်) File Size : 800MB/ 2.23GB Quality : Blu-Ray 1080p 5.1 CH/ Blu-Ray 720p Format…mp4 Duration…01:31:00 Genre : Crime, Horror, Mystery, Thriller Subtitle : Myanmar Subtitle (Hard Sub) Translated by July Encoded by Tiff

Solomon Kane (2009) IMDb - 6.1/10 Rotten - 67% မိစ္ဆာတွေ စွန့်စားခန်းတွေ တိုက်ပွဲတွေ မှော်ပညာပါတဲ့ ဇာတ်လမ်းတွေကိုမှ အားပေးချင်ပါတယ်ဆိုတဲ့ ပုရိတ်သတ်ကြီးအတွက်ဆော်လမွန်ကိန်း လာပါပြီ။ ဇာတ်လမ်းကျောရိုးလေးကို နားလည်ထားမှ ဇာတ်ကားလေးက ကြည့်ရတာအရသာရှိနေတာကြောင့် တင်ပြလိုပါတယ်။ တစ်ချိန်တုန်းက ကမ္ဘာကြီး မိစ္ဆာအမှောင်ထုရဲ့ ကြီးစိုးမှု့အောက်ရောက်ရှိခဲ့ပါတယ် မှော်ဆရာတွေ မိစ္ဆာတွေ မကောင်းဆိုးရွားတွေ သူတစ်လူ ငါတစ်မင်း သောင်းကျန်းချင်တိုင်းသောင်းကျန်း နေတဲ့ခေတ်တစ်ခေတ်ပါပဲ။ အားလုံးက အတည်တကျမဖြစ် ကျီးလန့်စာစားနေနေကြရပါတယ်။ ကိုယ့်ကိုယ်ကိုမပြောနဲ့ ကိုယ့်ဝိဉာဉ်ကိုယ်တောင်မပိုင်တဲ့ ခေတ်ကြီးပါပဲ။ ဝိဉာဉ်ကို မိစ္ဆာတွေနဲ့ အလဲထပ် အလောင်းစားလုပ်လို့ရနေပြီး ကတိဆိုတာ မရှိသလောက်ဖြစ်နေပါတယ်။ ဆော်လမွန်ကိန်းတစ်ယောက် ဖခင်ရဲ့စေတနာကို နားလည်မှု့လွဲပြီး ဆန့်ကျင်ဘက်တွေလုပ်ရာမှ သူ့ဝိဉာဉ်ကို မိစ္ဆာနဲ့အလောင်းစားလုပ်ပြီး ဆိုးချင်တိုင်းဆိုး မိုက်ချင်တိုင်းမိုက်နေခဲ့ပါတယ်။ မိစ္ဆာကလည်း အချိန်စေ့တာကတစ်ကြောင်း မနိုင်တော့တာလဲတစ်ကြောင်းမို့ ဝိဉာဉ်ပြန်လာနှုတ်ပါတယ်။ ဒါပေမဲ့ ဆော်လမွန်ကိန်းက ပြန်မပေးပဲ အပြန်လှန်တိုက်ခိုက်ရာမှ ထွက်ပြေးလွတ်မြောက်ခဲ့ပါတယ်။ ဆော်လမွန်ကိန်းတစ်ယောက် ပြေးရင်းပြေးရင်းမှ မိစ္ဆာတွေရဲ့ စက်ကွင်းလွတ်ရာ ဘုန်းတော်ကြီးကျောင်းထဲမှာ ရက်ရှည်လများစွာခိုအောင်းရင်း ဆိုးမိုက်မှု့တွေကိုစွန့်လွှတ်ကာ အေးချမ်းစွာနေထိုင်နေပါတယ်။ တစ်နေ့မှာတော့ ဘုန်းတော်ကြီးက သူ့မွေးရပ်ဇာတိကို ပြန်ပြီးအမွေဆက်ခံဖို့စေလွှတ်ပါတော့တယ်။ အေးဆေးနေချင်တဲ့ ဆော်လမွန်ကိန်းတစ်ယောက် မငြင်းသာတော့ပဲ ခရီးရှည်ကြီးကို စတင်ရပါတော့တယ်။ လမ်းခရီးကမိတ်ဆွေတွေရှိနေသလို မိစ္ဆာတွေနဲ့ပြည့်နေတဲ့ ခယောင်းလမ်းကြီးပါပဲ။ ကျိန်စာသင့် ဝိဉာဉ်နဲ့ ဆော်လမွန်ကိန်းတစ်ယောက် အိမ်အပြန်ခရီးကို ဘယ်လိုဆက် ရသလဲဆိုတာ ရင်တထိတ်ထိတ် သဲတဖိုဖို အံ့သြစရာစရာတွေနဲ့ အပြည့်မို့ ပုရိတ်သတ်ကြီးအတွက် တင်ဆက်လိုက်ပါတယ်။ (ဇာတ်လမ်းအညွှန်းနဲ.ဘာသာပြန်သူကတော့ Aye Minn Oo ပဲဖြစ်ပါတယ်) File Size : (800 MB) Quality : 720p Bluray Running Time : 1hr 44minutes Format : Mp4 Genre : Action, Adventure, Fantasy Translated By Aye Minn Oo Encode By Thanhtike Zaw

လန်ဒန်အိမ်ခြံမြေလောကကို လက်ထဲမှာ ချုပ်ကိုင်ထားတဲ့ လန်နီကိုးလ်ဟာ လောဘကြီးတဲ့ သူဌေးတစ်ယောက်ပါ။ ရုရှားသူဌေးတစ်ယောက်က သူ့ဆီ လုပ်ငန်းကိစ္စနဲ့ ဆက်သွယ်လာရာကနေ မထင်မှတ်တဲ့ တိုက်ဆိုင်မှုတွေ ဖြစ်လာပြီး ဝိုင်းဘန့်ချ်ဆိုတဲ့ ဒုစရိုက်အဖွဲ့ပါ သူတို့နှစ်ယောက်ကြားမှာ ပတ်သက်မိသွားပါတယ်။ Guy Ritchie ရိုက်ကူးထားတဲ့ ဒီဇာတ်ကားမှာ လန်ဒန်ဒုစရိုက်လောက၊ မူးယစ်ဆေးဝါးနဲ့ အိမ်ခြံမြေဥပဒေပိုင်း အကျင့်ပျက်ခြစားမှုတွေကို ဆက်စပ်တင်ပြထားပါတယ်။ တိုက်ဆိုင်မှုတွေက ဝိုင်းဘန့်ချ်ကို ဘယ်အထိ ဆွဲခေါ်သွားမလဲ၊ အကွက်ကျကျ ကောက်ကျစ်တတ်တဲ့ သူဌေးနှစ်ယောက်ကြားမှာ သူတို့ မြေစာပင်ဖြစ်သွားမလားဆိုတာ လိုက်ကြည့်ရမှာပါ။

“အချစ်ရယ် မင်းအချစ်ကိုသာရမယ်ဆို မိုးပေါ်ကကြယ်ကို ဆွတ်ခူးရ ဆွတ်ခူးရပါ” တဲ့ ဒါပေမဲ့ မိုးပေါ်ကကြယ်လေးက ကောင်မလေးချောချောလေးဖြစ်နေခဲ့ရင်ရော?? ဟုတ်ပါတယ်။ ထရစ်စတန်သရုန်းတစ်ယောက် သူ့အချစ်ကိုသက်သေပြဖို့ ကြယ်ကိုလိုက်ရှာရာကနေ ကြယ်ကကောင်မလေးဖြစ်နေတဲ့အခါ… သူ့ချစ်သူဆီခေါ်ဆောင်သွားရာကနေ လမ်းခရီးမှာ ကြယ်လေးက သူထင်သလောက်ရိုးရှင်းမနေဘဲ အနှောင့်အယှက်မျိုးစုံနဲ့ ရင်ဆိုင်ရပါတော့တယ်။ ထရစ်စတန်သရုန်းကောင်လေးရဲ့နောက်ကြောင်းကလည်း သူထင်ထားသလို သာမာန်ဘဝလေးမဟုတ်ပါဘူး။ ဒီကားလေးက romance, mystery အကုန်ရောစပ်ထားဖြစ်တဲ့အတွက် စိတ်ကူးယဉ်ဆန်ဆန် ရိုတဲ့ကားကောင်းလေးတွေကြိုက်တတ်ရင်… အချစ်ကအရာရာကျော်ဖြတ်ရဲလောက်အောင် အစွမ်းရှိကြောင်း ပြောပြထားတဲ့ကားကောင်းလေးမို့ မလွတ်တမ်းကြည့်ကြပါလို့ တိုက်တွန်းလိုက်ပါရစေ။ File size…(1.79 GB) and (923.5 MB) Quality…1080p,720p Blu-Ray H264 FGT Format…mp4 Duration…2h 7min Subtitle….Myanmar Subtitle (Hardsub) Encoder…sithu Translator…Ngeu Mon

အမေရိကန် သတင်းစာပညာကျောင်းသား မတ်ဘက်ခ်နာဟာ အစ်မရဲ့မိသားစုရှိရာ လန်ဒန်ကို ပြောင်းလာပါတယ်။ အဲဒီမှာ ဘောလုံးပရိသတ်လူရမ်းကား ပိထ်ဒန်ဟန်နဲ့ တွေ့ပြီး မတ်အတွက် မရင်းနှီးသေးတဲ့ လောကတစ်ခုထဲ ရောက်သွားတယ်။ ပိထ်က သူ့ကို ဘောလုံးပွဲမစခင်နဲ့ ပွဲပြီးတိုင်း ပရိသတ်အချင်းချင်း ရန်ဖြစ်ကြတဲ့ ကြမ်းတမ်းတဲ့အသိုင်းအဝိုင်းထဲ ဆွဲခေါ်သွားတာပါ။ ဒါပေမဲ့ ပိထ်ရဲ့ညာလက်ရုံး ဘော့ဗာက မတ်ကို မယုံကြည်ဘူး။ ပိထ်တို့အဖွဲ့နဲ့ နှစ်ပေါင်းများစွာ ရန်ကြွေးရှိနေတဲ့ တခြားအဖွဲ့ကို ဘော့ဗာက ပြန်ရန်စလိုက်တဲ့အခါ အခြေအနေတွေ ပိုရှုပ်ထွေးလာပါတယ်။ ၂၀၀၅ ခုနှစ်ထွက် ဒီမှုခင်းဒရမ်မာမှာ Elijah Wood က အဓိကပါဝင်သရုပ်ဆောင်ထားပါတယ်။

CM ပရိတ်သတ်ကြီးအတွက် Scarlett Johansson ရဲ့ အရင်က ကားဟောင်းလေးကို တင်ဆက်ပေးလိုက်ပါတယ်။ IMDB 6.9/10, Rt 73 % ရရှိထားတဲ့ Romance/Drama ကားလေးဖြစ်ပြီး မင်းသမီး Scarlett Johansson၊ မင်းသား Colin Firth (Kingsman: Secret Service/ Pride and Prejudice) နဲ့ မင်းသား Cillian Murphy (Peaky Blinders/ Oppenheimer) တို့က အဓိက ပါဝင်သရုပ်ဆောင်ထားကြပါတယ်။ ဒက်ချ် ပန်းချီဆရာ Johannes Vermeer ရဲ့ နာမည်ကြီး လက်ရာတစ်ခုဖြစ်တဲ့ Girl with a Pearl Earring ဆိုတဲ့ပန်းချီကားကို အခြေခံပြီး ဖန်တီးထားတဲ့ Tracy Chevalier ရဲ့ နာမည်တူဝတ္တုကို ဒါရိုက်တာ Peter Webber က ရုပ်ရှင်အဖြစ် ပြန်လည်အသက်သွင်းထားတာပဲဖြစ်ပြီး ဆုပေါင်း ၁၇ ဆု ရရှိခဲ့ကာ ဆန်ကာတင် ၄၆ ခု (အော်စကာဆု အပါအဝင်) ဝင်ခဲ့တာပါ။ ၁၆၆၅ ခုနှစ်ဆီက ဟော်လန်နိုင်ငံရဲ့ ပန်းချီဆရာတစ်ယောက်အိမ်မှာ အစေခံအဖြစ်ရောက်လာတဲ့ ဂရိဒ်ဆိုတဲ့ ကောင်မလေးနဲ့ ပန်းချီပညာရှင် သူ သခင်ရဲ့ကြားက ဆက်ဆံရေးကို cinematography ကောင်းကောင်းနဲ့ တင်ဆက်ပြနိင်ခဲ့လို့ ဝေဖန်သူတွေရဲ့ ချီးကျူးမှုပေါင်းများစွာကိုလည်း ရရှိခဲ့တာပါ။ မူရင်းပန်းချီထဲက ကောင်မလေးက ပန်းချီဆရာရဲ့အိမ်က အစေခံကောင်မလေး ဟုတ်မဟုတ်ကိုတော့ ဘယ်သူကမှ အတည်ပြုနိုင်ခြင်းမရှိခဲ့သလို ဒီပန်းချီကားက ပန်းချီပညာရှင် Vermeer ရဲ့ နာမည်အကြီးဆုံးပန်းချီကားဖြစ်တယ်ဆိုတာကိုလည်း ဘယ်သူကမှ မငြင်းဆိုနိုင်ခဲ့ပါဘူး။ ဂရိဒ် (Scarlett Johansson) တိမ်တွေမှာ အရောင်ရှိတယ်တဲ့။ အရင်ကတော့ သူမ သတိမထားမိခဲ့ပါဘူး။ ဒါပေမယ့် သခင်က ပြောလို့ သေချာခံစားပြီးကြည့်တော့မှ တကယ်ဟုတ်တာပဲ။ တိမ်တွေမှာ အရောင်တွေရှိနေပါတယ်။ အိမ်ရဲ့စားဝတ်နေရေးကြောင့် သူများအိမ်မှာ အစေခံလာလုပ်နေရပေမယ့် သခင့်ရဲ့ပန်းချီတွေက သူမကို အလုပ်လုပ်နေရတယ်လို့ မခံစားရစေခဲ့ပါဘူး။ အရေးကြုံရင်လည်း သခင်က သူမဘက်က ရပ်တည်ပေးတတ်သေးတယ်လေ။ ဗာမီရား (Colin Firth) ပျင်းရိငြီးငွေ့ဖွယ် သူ့ဘဝထဲ သူမ ဝင်လာချိန်ကစပြီး သူ့ဘဝက အပြောင်းလဲကြီး ပြောင်းလဲသွားခဲ့ရတယ်။ အရောင်တွေကို နားလည်ပြီး အနုပညာကို ခံစားတတ်တဲ့ သူမက သူ့ရဲ့လက်ရာအမြောက်ဆုံးဖြစ်လာမယ့် ပန်းချီတစ်ချပ်ကို ဖန်တီးပေးခဲ့သူပေါ့။ ပီတာ (Cillian Murphy) အသားစိမ်းတွေနဲ့ပဲ အချိန်ကုန်နေတဲ့ အသားသည်သူ့ဘဝထဲ "အသားကမလတ်ဘူး"လို့ ပြောပြီး သူမ ဝင်လာခဲ့တာပါ။ မျက်လုံးဝိုင်းကြီးတွေနဲ့ ပင့်ကြည့်ပြီး သူမက ပြောတော့ သူတို့သားအဖ တစ်ယောက်မျက်နှာတစ်ယောက်ကြည့်ပြီး အကောင်းစားအသားကို ထုတ်ပေးလိုက်ကြရတယ်။ သူမ ဘယ်သွားတတ်လဲ၊ ဘာလုပ်တတ်လဲ လိုက်စုံစမ်းပြီး သူမအနားပဲ ရှိနေချင်မိတာ သူ့အမှားမဟုတ်ဘူးလေ။ သူမက လှတာကိုး။ ဇာတ်လမ်းကို spoil မိမှာစိုးလို့ သိပ်အများကြီး မညွှန်းတော့ပါဘူးနော်။ မတ်မတ်ရဲ့ ငယ်ရွယ်နုပျိုတဲ့ အလှလေးကို ခံစားရင်း နောက်ဆုံး ဘယ်လိုဇာတ်သိမ်းသွားမလဲဆိုတာကိုတော့ ဇာတ်လမ်းထဲမှာပဲ စီးမျောခံစားကြည့်လိုက်ကြပါဦးလို့။ (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ) File size…(2 GB)/(1 GB) Quality….Webrip 1080p / 720p Format…mp4 Duration….01:40:00 Genre...Biography, Drama, Romance Subtitle….Myanmar Subtitle (Hardsub) Encoder….Garfield Translated by Emily

I'll Sleep When I'm Dead ကတော့ ၂၀၀၃ ခုနှစ်က ထွက်ရှိခဲ့တဲ့မှုခင်းရုပ်ရှင်အမျိုးအစားဖြစ်ပါတယ်။ ထူးဆန်းတဲ့အခြေအနေတွေနဲ့သေဆုံးသွားတဲ့ညီဖြစ်သူ အကြောင်းစုံစမ်းဖို့ ဇာတိမြေကိုပြန်လည်ရောက်ရှိလာတဲ့ ရာဇဝတ်ဂိုဏ်းခေါင်းဆောင်တစ်ဦးအကြောင်းရိုက်ကူး ထားတာဖြစ်ပါတယ်။ ရုပ်ရှင်ထဲမှာတော့ လိင်ပိုင်းဆိုင်ရာ အသုံးအနှုန်းတွေပါဝင်တာကြောင့် ကလေးငယ်တွေနဲ့ အတူမကြည့်ရှု့သင့်ပါဘူး။ တစ်ချိန်က တစ်မြို့လုံးက ဖိန့်ဖိန့်တုန်အောင်ကြောက်ခဲ့ရတဲ့ ရာဇဝတ်ဂိုဏ်းဆောင်ဟောင်း ဝီလ်ဂရေဟမ်ဟာ အရာအားလုံးကိုစွန့်လွှတ်ပြီး တောအုပ် လေးတစ်ခုထဲမှာ အလုပ်သမားတစ်ယောက်အဖြစ် မထင်မရှားလာရောက်လုပ်ကိုင်နေခဲ့ပါတယ်။ တစ်ရက်မှာတော့ အလုပ်ပြုတ်သွားပြီးတဲ့နောက် ဘယ်သွားရမှန်းမသိဖြစ်နေတဲ့ ဝီလ်ဟာ လမ်းမှာ ညီဖြစ်သူဒေဗီကိုမြင်တွေ့လိုက်ရပေမယ့် ထင်ယောင်ထင်မှားမြင်မိတာသာဖြစ်နေခဲ့ပါတယ်။ ဒါပေမဲ့ စိတ်ထင့်သွားတဲ့ဝီလ်ဟာ ဒေဗီဆီဖုန်းဆက်ကြည့်ခဲ့ပေမယ့် ဆက်သွယ်လို့မရတာကြောင့် မတတ်သာတဲ့အဆုံးမှာ ဇာတိမြို့ကို ပြန်လာခဲ့ရပါတော့တယ်။ ဝီလ်ပြန်ရောက်ချိန်မှာတော့ ဒေဗီက သေဆုံးနေခဲ့ပြီဖြစ်ပြီး သာမန်သေဆုံးမှုမျိုးမဟုတ်ဘဲ သံသယဖြစ်စရာတွေများတာကြောင့် ဝီလ်ဟာ အကြောင်းရင်းမှန်ကို သိရဖို့ စတင်စုံစမ်းခဲ့ပါတယ်။ ဒါပေမဲ့ ဝီလ်ရဲ့ပြန်လည်ရောက်ရှိ လာခြင်းက မြို့တွင်းမှာလက်ရှိမင်းမူနေတဲ့ ရာဇဝတ်ဂိုဏ်းခေါင်းဆောင်ဖရန့်ခ်တန်နာကို ထိတ်လန့်စေခဲ့ပြီး ဖရန့်ခ်ကလည်း ဝီလ်ကို မြို့ကပြန်လည်ထွက်ခွာသွားအောင် အစွမ်းကုန်ကြိုးစားလာပါတော့တယ်။ File size…1.95GB / 837MB Quality…Blu-Ray 1080p 5.1CH  / 720p Format…mp4 Duration….1h 43m Genre ….. Drama , Crime , Mystery Subtitle….Myanmar Subtitle (Hard Sub) Encoder….Min Wai Translated by JULY

"The Mean Machine" လို့ ဂုဏ်ထူးမှည့်ခေါ်ခံရတဲ့ အင်္ဂလန်ဘောလုံးအသင်းခေါင်းဆောင်ဟောင်း ဒန်နီမီဟန် အနေနဲ့ ဂျာမနီနဲ့ကစားတဲ့ပွဲတစ်ခုမှာ လုပ်ပွဲကစားခဲ့တာကြောင့် ဘောလုံး ကစားခြင်းကနေ တားမြစ်ထားခံရခဲ့ပါတယ်။ တစ်ရက်မှာတော့ ဘားတစ်ခုကနေ အရက်သောက်ပြီးအပြန်မှာ လမ်းမှာ ကားမဆင်မခြင်မောင်းနှင်မှုကြောင့် ရဲများလိုက်လာပြီး အရက်သောက်ထားမထား စစ်ဆေးခြင်းကို ငြင်းဆိုပြီး ရဲအရာရှိနှစ်ယောက်ကို တိုက်ခိုက်မှုကြောင့် လောင်းမာ့ရှ်ထောင်မှာ ၃ နှစ် ပြစ်ဒဏ်ချမှတ်ခံခဲ့ရပါတယ်။ သူ့ရဲ့ Celebrity Status ကြောင့်ပဲ ထောင်အစောင့်တွေနဲ့ ပြဿနာဖြစ်ပွားခဲ့ပြီး ရောက်ပြီးမကြာခင်မှာပဲ အထုအထောင်းခံခဲ့ရပါတယ်။ ထောင်ဦးစီးအနေနဲ့လည်း ဒန်နီမီဟန်ကို ဒီ ၃ နှစ်မှာ လောင်းမာ့ရှ်ထောင်မှာပဲ ရှိနေအောင် ကြိုးစားခဲ့ပြီး သူတို့ရဲ့ ထောင်အစောင့် ဘောလုံးအသင်းကို နည်းပြဖို့ စည်းရုံးခဲ့ပါတယ်.။ ဒန်နီအနေနဲ့ ငြင်းဆန်ခဲ့ပြီး ထောင်သားတွေပါဝင်တဲ့အသင်းတစ်ခုကို လေ့ကျင့်သင်ကြားပေးဖို့ ဆုံးဖြတ်ခဲ့ပါတယ်။ ဒန်နီရဲ့ ထောင်တွင်းဘဝမှာ နိုင်ငံသစ္စာဖောက်အနေနဲ့ အခန်းဖော်တွေရဲ့ မကြိုဆိုမှု၊ နစ်နာဆုံးရှုံးသွားတဲ့ လောင်းကစားသမားတွေရဲ့ မျက်မုန်းကျိုးမှု တွေကြားကနေ သူ့ရဲ့အသင်းကို လူသစ်စည်းရုံးကာ တည်ထောင်ခဲ့ရပါတယ်။ နှစ်ကြီးသမားတစ်ယောက်ဖြစ်တဲ့ ဒေါ့နဲ့ တွေ့ဆုံအပြီးမှာတော့ ဆပ်ပြာတုံး လွတ်မကျဖို့ကနေစပြီး ဆေးလိပ်အမြန်ဖွက်ပုံနည်းလမ်းအထိ ထောင်တွင်းနေထိုင်နည်းအဖြာဖြာကို သင်ယူခဲ့ရပါတယ်။ အသင်းဖော်တွေရဲ့ ယုံကြည်မှုကို ခက်ခက်ခဲခဲစည်းရုံးအရယူအပြီးမှာတော့ ထောင်စောင့်တွေနဲ့ ယှဉ်ပြိုင်ရမယ့် ဘောလုံးပွဲစဉ်ဟာ နိုင်ငံသစ္စာဖောက်အဖြစ်နဲ့ ကျဆင်းခဲ့ရတဲ့ ဒန်နီရဲ့ဂုဏ်သိက္ခာကို အဖတ်ပြန်ဆယ်ရမယ့် ပွဲတစ်ပွဲလည်း ဖြစ်လာခဲ့ပါတယ်။ ၁၉၇၄ ခုနှစ်က The Longest Yard အမေရိကန်ရုပ်ရှင်ကားကို မှီငြမ်းထားပေမယ့် American Football အစား Soccer အကြောင်းကို ရိုက်ကူးတင်ဆက်ထားပြီး ဒန်နီမီဟန် အနေနဲ့ Vinnie Jones၊ Jason Statham တို့ ပါဝင်ထားတဲ့ Sports Comedy ဇာတ်ကားလေးကို CM ပရိသတ်များ ကြည့်ရှုခံစားနိုင်ဖို့ တင်ဆက်ပေးလိုက်ပါတယ်။ File size…    1  GB /  625 MB Quality… Web-Rip 1080p / 720p Format… mp4 Duration…. 1h 39m Genre ..... Drama/Crime Subtitle…. Myanmar Subtitle (Hard Sub) Encoder…. Thit San Khant Translated by Sai Sumali