Geoffrey Lewis ပါဝင်သော ဇာတ်ကားများ

Down in the Valley (2025) IMDb Rating (6.4) / Rotten Tomatoes (53%) Edward Nortonနဲ့ West Worldမင်းသမီး Evan Rachel Woodတို့ အဓိကပါဝင်သရုပ်ဆောင်ထားတဲ့ ရုပ်ရှင်ပါ။ သူတို့၂ယောက်စလုံး ငယ်တုန်းနုတုန်းကကားပေါ့။ မင်းသမီးဆို တော်တော်ငယ်သေးတယ်။ ဇာတ်လမ်းကတော့ မြို့လေးတစ်မြို့မှာ အခြေတည်ထားတယ်။ ကောင်မလေးက သူ့အဖေရဲကြီးနဲ့ သူ့မောင်လေးနဲ့အတူတူ နေပေမဲ့ သူ့အဖေတောင် ထိန်းမနိုင်အောင် ကောင်မလေးက ဆိုးသွမ်းတယ်။ ပြောရရင် သူ့အဖေနဲ့ ကောင်မလေးက မတည့်ကြဘူးပေါ့။ တစ်နေ့ကောင်မလေးက ကမ်းခြေသွားရင်း လမ်းမှာဆီဝင်ဖြည့်တော့ ဆီဆိုင်က ကောင်ချောချောလေးနဲ့ ကြိုက်မိကြတယ်။ အိမ်ကိုခေါ်လာတော့ သူ့အဖေက ကောင်လေးနဲ့ သဘောမတူရာကနေ ကောင်လေးနဲ့ကောင်မလေးကြား ကမ္ဘာခြားကုန်ကြရော။ ဒါကဇာတ်လမ်းရဲ့အစပါပဲ။ တကယ်တမ်း ဒီဇာတ်ကို Romanceလို့ အမျိုးအစားခွဲထားပေမဲ့ အချစ်ကားမဟုတ်သလို ကောင်လေးက ကောင်းဘွိုင်ဆန်ဆန်တွေလုပ်ပြနေလို့ westernလို့လည်း အမျိုးအစားထပ်ခွဲထားပေမဲ့လည်း အဲဒီလိုလည်းမဟုတ်ပါဘူး။ neo-westernအပိုင်းက ကောင်လေးစိတ်ထဲပဲ ဖြစ်နေတာပိုများတယ်။ ပြောရရင် Genreတပ်ထားတာတွေကို မယုံသင့်တဲ့အကြောင်း သာဓကတစ်ခုလိုဖြစ်နေတဲ့ရုပ်ရှင်ပဲ။ ဇာတ်ကတော့ Pscyhological Dramaဆန်ပါတယ်။ မင်းသမီးချောချောလေးနဲ့တန်တဲ့ ဇာတ်ဆိုတာတော့ သေချာတယ်။ File size… (2.2 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Drama,Romance,Thriller,Western Duration…. 01:57:33 Subtitle…. Myanmar Subtitle (Hardsub)

Horror ဇာတ်ကားအဟောင်းလေးတွေထဲက ကောင်းတာလေးတွေကို ပြန်ကြည့်ချင်တဲ့လူတွေအတွက် The Devils Rejects လို့ခေါ်တဲ့ ၂၀၀၅ ခုနှစ်က ထွက်ခဲ့တဲ့ဇာတ်ကားလေးကိုတင်ဆက်ပေးလိုက်ပါတယ်။ ဒီကားကတော့နာမည်အတိုင်းပဲ နတ်ဆိုးကတောင်ငြင်းပယ်ရတဲ့အပယ်ခံတွေလို့ တင်စားခံထားရလောက်တဲ့အထိ ဆိုးသွမ်းတဲ့ရာဇဝတ်သားတွေအကြောင်းကို ရိုက်ကူးထားတာပဲဖြစ်ပါတယ်။ဇာတ်လမ်းအစမှာတော့ ရဲမှူးဝိုင်ဒဲလ်က အိမ်တစ်အိမ်က ရာဇဝတ်သားတွေကို လာရောက်ဖမ်းဆီးတဲ့မြင်ကွင်းကိုတွေ့ရမှာပါ။ဒါပေမယ့် အဲ့ဒီရာဇဝတ်သားတွေက ရိုးရိုးတန်းတန်းရာဇဝတ်သားတွေမဟုတ်ဘဲ အရမ်းကို ရက်စက်ယုတ်မာရိုင်းစိုင်းပြီး လူမဆန်တဲ့ရာဇဝတ်သားတွေဖြစ်ပါတယ်။ဒီလိုနဲ့ ရဲတွေနဲ့လူဆိုးတွေကြား အပြန်အလှန်ပစ်ခတ်ကြရင်းနဲ့ တော်တော်များများကို ဖမ်းမိပြီး နှစ်ယောက်တော့ လွတ်သွားပါတော့တယ်။ရဲမှူးဝိုင်ဒဲလ်လဲ သူတို့နောက်ကို လိုက်ဖမ်းရင်းနဲ့ သူ့အစ်ကိုသေရတာ သူတို့ကြောင့်ဆိုတာကိုသိလာခဲ့ပြီး အလုပ်ကိစ္စဆိုတာထက် ကိုယ်ရေးကိုယ်တာတွေပါပါလာတဲ့အခါ ရဲတစ်ယောက်လည်း နတ်ဆိုးထက်ပိုကြမ်းလာနိုင်တယ်ဆိုတာကိုတွေ့ရမှာပဲဖြစ်ပါတယ်။ File size…2.42GB / 1.24GB Quality…Blu-Ray 1080p / 720p Format…mp4 Duration….1h 47m Genre ….. Horror , Crime , Drama Subtitle….Myanmar Subtitle (Hard Sub) Encoder….Min Wai Translated by Saw Lay

Imdb rating - 5.8/10 ဒီကားလေးကတော့ အမေရိကန် ကျောင်းသားဟာသကားလေးပါ။ ဇာတ်လမ်းအကျဉ်းကတော့ ဒစ်ဇ်က အထက်တန်းကျောင်းသားတစ်ဦးဖြစ်ပြီး အတန်းထဲမှာ အနိုင်ကျင့်ခံအရှုံးသမားတစ်ယောက်ပါ။ ဒါပေမဲ့ စီနီယာနှစ်မှာတော့ အဲဒါကိုပြောင်းလဲဖို့အတွက်ကြိုးစားရင်း မတော်တဆမှုဖြစ်ပြီး လူရယ်စရာဖြစ်သွားပါတယ်။ စိတ်ညစ်ညစ်နဲ့ ချာ့ခ်ျဂီတအဖွဲ့ထဲ၀င်ကြွယ်လိုက်တာ တစ်ညဂျေးအောင်းလိုက်ရပြီး လူသာဆိုတဲ့ဘဲကြီးဆီအရှုံးသမားကနေ လူကြမ်းကြီးဖြစ်ဖို့ နည်းစနာယူပညာသင်ပါတော့တယ်။ ကျောင်းလည်းပြောင်းလိုက်ပြီးတော့ နာမည်ပါပြောင်း သင်လာသမျှပညာတွေထုတ်သုံးပြီး ဒစ်ဇ်တစ်ယောက် သူဖြစ်ချင်သလို လူကြမ်းကြီးဖြစ်အောင် ကြိုးစားတဲ့အကြောင်း ပေါ့ပေါ့ပါးပါးကြည့်ရှုနိုင်မှာပါ။ plotက အကောင်းကြီးမဟုတ်ပေမဲ့ ခွီပဲခွီချင်တယ်ဆိုတဲ့ ကြည့်ရှုသူတွေအတွက် ရွေးချယ်ဖို့အဆင်ပြေတဲ့ကားလေးဖြစ်တာကြောင့် တင်ဆက်ပေးလိုက်ပါတယ်။ File size…(2.2 GB)/(1.1 GB) Quality….Webrip 1080p / 720p Format…mp4 Duration….01:48:00 Genre...  Comedy  Subtitle….Myanmar Subtitle (Hardsub) Encoder….Swan Min Htet Translated by Soe Thiri Nwe

အခုတင်ဆက်ပေးမှာကတော့ Bencio နဲ့ Ryan Phillipe တို့ရဲ့ crime action ရုပ်ရှင်သစ်ပါ ၂၀၀၀ ပြည့်နှစ်ကာလကိုနောက်ခံထားပါတယ် Bencio က Traffic (2001) ရုပ်ရှင်နဲ့ Best Supporting Actor ဆုရထားပြီးRyan Phillipeကတော့ တော်တော်များများသိကြတဲ့ horror series ''I Know What You Did Last Summer'' နဲ့နာမည်ကြီးပါတယ် ဇာတ်လမ်းအကျဥ်း အငှားကိုယ်ဝန်ဆောင်ပေးတဲ့အမျိုးသမီးတစ်ယောက် သူ့နာမည်က ရော်ဘင်။ ကလေးပိုင်ရှင်လင်မယားရဲ့အိမ်မှာ သက်တော်စောင့်တွေရဲ့အချိန်ပြည့်စောင့်ကြည့်မှုနဲ့ အကျဥ်းသားတစ်ယောက်လိုနေရတဲ့သူ။ ကလေးမီးဖွားပြီးရင် သူ့တာဝန်ပြီးဆုံးမှာဖြစ်ပြီး အဖိုးအခအနေနဲ့ ဒေါ်လာတစ်သန်းယူပြီးထွက်သွားရုံပါပဲ။ ဒါပေမဲ့ ကလေးမီးဖွားဖို့တစ်ပတ်အလိုမှာ ပြန်ပေးဆွဲခံလိုက်ရပြီး..... ဇာတ်ညွှန်းရေးသူဟာ ဒီဇာတ်ကားကိုကြည့်တဲ့သူတွေကို ဘယ်သူ့ဘက်ကိုပါရမှန်းမသိအောင် ဘယ်ဇာတ်ကောင်ကိုယုံရမယ်မှန်းမသိအောင် လုပ်ထားပါတယ်။ ဇာတ်လမ်းရဲ့ main role နှစ်ယောက်ကအစ ခိုးဆိုးလုယက်သူတွေဖြစ်နေလို့ပါပဲ။ အငှားကိုယ်ဝန်ဆောင်မိန်းကလေးဟာလည်း ထင်သလောက်ရိုးရှင်းမနေခဲ့ပါဘူး။ ပြန်ပေးဆွဲမခံရခင်ကတည်းက ကလေးကိုပေးစရာမလိုမယ့်နည်းလမ်းကို စဥ်းစားနေခဲ့တာဆိုရင်ရော...... ငွေမဲခဝါချတဲ့အလုပ်နဲ့ကြီးပွားနေတဲ့ ကလေးပိုင်ရှင် အဘိုးကြီးနဲ့ သူ့ဇနီးငယ်ငယ် ၊ အငှားကိုယ်ဝန်ဆောင်မိန်းကလေး ၊ ဆရာဝန် ၊ သက်တော်စောင့် သူတို့အားလုံးကြားမှာ ဖုံးကွယ်ထားတဲ့ဆက်ဆံရေးတွေ သစ္စာဖောက်မှုတွေရှိနေပြီး ဘယ်သူကမှ ဘယ်သူ့ကိုမှမယုံဘဲ အားလုံးဟာ ကိုယ့်နည်းကိုယ့်ဟန်နဲ့ play နေကြတာပါပဲ ဒီဇာတ်ကားကနေ တွေးမိတဲ့အချက်ကတော့ လူတွေဟာ အပေါ်ယံမြင်ရတာထက်ပိုတယ်ဆိုတာပါပဲ ဒေါ်လာတစ်သန်းအတွက်တိုက်ပွဲက ဘယ်လိုအဆုံးသတ်သွားမလဲ။ kidnapperနှစ်ဦးကနောက်ပြန်လှည့်ဖြစ်မှာလား။ အငှားကိုယ်ဝန်နဲ့မိန်းကလေးအတွက်ဇာတ်သိမ်းကရောဘယ်လိုဖြစ်မှာလဲ.... ဒါရိုက်တာ Christopher McQuarrieရိုက်ကူးထားပြီး IMDb 6.6 ရထားပါတယ် File size…(2.5 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….02:01:00 Genre...Drama, Action, Crime, Thriller Subtitle….Myanmar Subtitle (Hardsub) Encoder….Mr. Anderson Translated by Hnin Ei Pai

ပါတီပွဲတစ်ခုအကြောင်း သတင်းယူဖို့ နယူးယောက်ကနေ စေလွှတ်ခံရတဲ့ ဂျွန်ကယ်ဆိုဟာ ဆာဗန်းနားမြို့ကို ရောက်လာပါတယ်။ သူ့အတွက် အစိမ်းသက်သက်ဖြစ်နေတဲ့ ဒီမြို့မှာ ပါတီပွဲကို ကျင်းပမယ့် သူဌေးကြီး ဂျင်မ်ဝီလီယံစ်နဲ့ ခင်မင်သွားတယ်။ ဂျင်မ်က ရှေးဟောင်းပစ္စည်းတွေ စုဆောင်းလေ့ရှိသူပါ။ ဒီလိုနဲ့ တစ်မနက်မှာတော့ ဂျင်မ်ရဲ့အိမ်ကြီးမှာ လူသတ်မှုတစ်ခု ဖြစ်သွားတယ်ဆိုတဲ့သတင်းကို ဂျွန် သိလိုက်ရပါတယ်။ ပါတီပွဲအကြောင်း သတင်းလာယူတဲ့ သူ့ခရီးဟာ မိတ်ဆွေသစ်ရဲ့အိမ်မှာ ဖြစ်သွားတဲ့ လူသတ်မှုနဲ့ ဆက်စပ်လာတော့တယ်။

မိတ်ဆွေတို့အနေနဲ့ ကိုယ့်ဟာ နယ်ပယ်တစ်ခု၊ အလုပ်တစ်ခုမှာ မဖြစ်မနေအောင်မြင်ရမယ်ဆိုပြီး အလိုလိုသိနေတဲ့ ဗီဇစိတ်( instinct mind) (တစ်နည်း )တစ်ခုခုမှာ ကိုယ့်ကိုယ်ကိုပါရမီပါနေတယ်လို့ ကံသေကံမအခိုင်အမာ ယုံကြည်ဖူးပါသလား။ ဥပမာ- ငါဟာ သီချင်းဆိုတဲ့ အဆိုတော်အဖြစ် တစ်နေ့မုချအောင်မြင်လိမ့်မယ်ဆိုတာမျိုး၊ ငါဟာ ဘောလုံးအားကစားမှာ ပရိုကစားသမားတစ်ယောက်အဖြစ် တစ်နေ့အောင်မြင်လိမ့်မယ်ဆိုတာမျိုး၊ ငါဟာ စာရေးဆရာတစ်ယောက်အဖြစ် bestseller တန်းဝင်ပြီး တစ်နေ့မုချအောင်မြင်လိမ့်မယ်ဆိုတာမျိုး အခိုင်အမာ ကိုယ့်ကိုကိုယ်သိနေ၊ ယုံကြည်နေတာမျိုး ရှိဖူးခဲ့ပါသလား။ စာရေးသူအနေနဲ့တော့ ကိုယ်တိုင်ရှိခဲ့ဖူးသလို မိတ်ဆွေတို့မှာလည်း တစ်မျိုးမဟုတ်တစ်မျိုး၊ တစ်ခုမဟုတ်တစ်ခုမှာ ရှိမယ်ဆိုတာ သေချာပေါက်ပြောနိုင်ပါတယ်။ မိတ်ဆွေကိုယ်တိုင် မသိဘူးထင်ရပေမယ့် အတွင်းမသိစိတ်မှာတော့ မိတ်ဆွေဟာ နယ်ပယ်တစ်ခုခုမှာ ပါရမီအရမ်းရှိနေတာမျိုး၊ အဲ့လိုရှိမှန်းမသိသည့်တိုင် မိတ်ဆွေဟာ ထူးချွန်နေတာမျိုး ရှိတတ်ပါတယ်။ အခုတင်ဆက်ပေးမယ့် ဇာတ်လမ်းကလည်း အဆိုပါသဘောတရားကို အနည်းငယ်ကျောရိုးယူပြီး ဇာတ်အိမ်တည်ထားတဲ့ ဟောလိဝုဒ် Western ရုပ်ရှင်တစ်ခု ဖြစ်ပါတယ်။ Western ရုပ်ရှင်ပီပီ အပစ်အခတ်၊ အကြမ်းအရမ်းတွေပါသော်လည်း သူတို့ချည်းသက်သက်မဟုတ်ဘဲ money heist ဆန်ဆန် twists and turns လေးတွေထည့်ပြီး အထက်မှာဖော်ပြခဲ့တဲ့သဘောတရားနဲ့ ပိုကာလောကအကြောင်းရောသမမွှေထားတဲ့ တစ်မူဆန်းသစ်ကွဲပြားတဲ့ western ရုပ်ရှင်ဖြစ်လို့ သမရိုးကျ cowboy ရုပ်ရှင်တွေနဲ့မတူတဲ့ ရသတစ်မျိုးကို ခံစားရမှာပါ။ အဓိကဇာတ်ဆောင်ကတော့ သရုပ်ဆောင်ရော၊ ဒါရိုက်တာအဖြစ်ပါ အနုပညာစန်းပါတဲ့ မင်းသားကြီး Mel Gibson ဖြစ်တဲ့အတွက် သရုပ်ဆောင်ကောင်းမွန်မှု၊ ဇာတ်လမ်းဇာတ်အိမ်ခိုင်မာမှုကို အထူးတလည်ညွှန်းဆိုနေစရာ လိုမယ်မထင်တော့ပါဘူး။ Mel Gibson၊ James Garner၊ Jodie Foster၊ James Coburn၊ Alfred Molina၊ Geoffrey Lewis၊ Dub Taylor အစရှိတဲ့ ၉၀ ပြည့်လွန်နှစ်တွေရဲ့ ဒိတ်ဒိတ်ကြဲသရုပ်ဆောင်တွေနဲ့ အားဖြည့်တင်ဆက်ထားပါတယ်။ Roy Huggins ရဲ့ Maverick ဆိုတဲ့နာမည်တူဝတ္တုအပေါ်မှာပဲအခြေခံထားပြီး ဇာတ်ညွှန်း William Goldman၊ ဒါရိုက်တာ Richard Donner ကတာဝန်ယူရိုက်ကူးကာ Warner Bros. ကုမ္ပဏီကနေ 1994 ခုနှစ် မေလမှာဖြန့်ချိခဲ့တာဖြစ်ပါတယ်။ ဇာတ်လမ်းအကျဥ်းကတော့ ကျွန်တော်တို့ရဲ့ဇာတ်လိုက်ကျော်ကြီး မဲဗရစ်ခ်( Mel Gibson) ဟာ သူ့ကိုယ်သူ ဖဲဝိဇ္ဇာကြီးတစ်ယောက်လို့ စိတ်ကြီးဝင်နေသူပါ။ ဖြစ်ချင်တော့ အမေရိကန်အနောက်ပိုင်းဒေသဟောင်း Lauren Belle အပျော်စီးသင်္ဘောပေါ်မှာ အထူးစပါယ်ရှယ် ပိုကာချန်ပီယံလုပွဲကြီး ကျင်းပဖို့ရှိနေပါတယ်။ မဲဗရစ်ခ်ခမျာ သူ့ပါရမီနဲ့ ဖဲဇာတာကို တစ်ချီတည်းစမ်းသပ်ခွင့်ရမယ့် အဆိုပါပြိုင်ပွဲကို တားမနိုင်ဆီးမရ ဝင်ပါချင်နေပါတယ်။ ဒါပေမယ့် ပြိုင်ပွဲဝင်ကြေးက ဒေါ်လာ ၂၅၀၀၀ ဖြစ်တဲ့အတွက် သူ့မှာရှိတဲ့ပိုက်ဆံနဲ့မလောက်လို့ အကြွေးသမားတွေဆီက ပြန်ဆပ်ငွေရဖို့လည်း အဆင်မပြေတဲ့အခါမှာ မဲဗရစ်ခ်တစ်ယောက် ဝင်ကြေးပြည့်မီဖို့ ကြိုးစားရပါတော့တယ်။ အဲ့လိုကြိုးစားရင်း ပြိုင်ပွဲကိုအသွား လမ်းခရီးမှာ လူလိမ်မလေး အန်နာဘယ်လ်၊ နယ်ထိန်းအရာရှိ ဇိန်းကူးပါးတို့နဲ့ ဆုံပြီး ဘယ်လိုတလွဲတွေကြုံကြမလဲ၊ သူ့ရည်ရွယ်ချက်အတိုင်း ပြိုင်ပွဲဝင်နိုင်ပါ့မလား၊ သူတို့ကိုယ်စီရဲ့ လျှို့ဝှက်ရည်မှန်းချက်တွေက ဘာတွေလဲ၊ နောက်ဆုံး ဘယ်သူချန်ပီယံဖြစ်ပြီး ဆုငွေ ဒေါ်လာသန်းဝက်ကို ဘယ်သူနိုင်သွားမလဲဆိုတာတော့ ဆက်လက်ရှူစားကြရမှာဖြစ်ပါတယ်။ Western ရုပ်ရှင်တို့ထုံးစံအတိုင်း သေနတ်ပစ်ခန်းတွေ၊ အင်ဒီးယန်းတွေ၊ မြင်းစီးကောင်းဘွိုင်တွေ ရိုးရာမပျက်ထည့်ပေးထားတဲ့အပြင် ဒီဇာတ်လမ်းမှာတော့ ပိုကာနဲ့ comedy ပိုင်းကို နည်းနည်းအသားပေးပြထားလို့ ဇာတ်ကားအစမှအဆုံးထိ မလွတ်တမ်းကြည့်ဖြစ်သွားမှာပါ။ အက်ရှင်သီးသီး ကောင်းဘွိုင်ဇာတ်လမ်းတွေပဲ ကြိုက်သူတွေအတွက် အဆင်မပြေလောက်ပေမယ့် မင်းသားကြီး Mel Gibson သရုပ်ဆောင်ချက်ကိုကြည့်ရတာနဲ့တင် ကြည့်ပျော်နေပါပြီ။ IMDb rating 7 ရထားပြီး Rotten tomatoes 68% ဖြစ်တဲ့အတွက် ကြည့်သင့်တဲ့ဇာတ်ကားကောင်းတစ်ခုဖြစ်ကြောင်း ညွှန်းပါရစေ။ File size…(2.2 GB)/(1.2 GB) Quality….Webrip 1080p / 720p Format…mp4 Duration….02:07:00 Genre...Action, Adventure, Comedy Subtitle….Myanmar Subtitle (Hardsub) Encoder….Garfield Translated by Ninja

ငယ်စဉ်ကလေးဘဝတုန်းက ကျွန်တော်တို့ပါးစပ်ဖျားထက်မှာစွဲခဲ့တဲ့ ပါရာနာဝေးလို့လူသိများခဲ့တဲ့ Only the strong ဇာတ်ကားဟာဆိုရင် 1993 ခုနှစ်မှာထွက်ရှိခဲ့တဲ့ ဇာတ်ကားကောင်းတစ်ကားဖြစ်ပြီးIMDb rating 6.7 အထိရရှိခဲ့တဲ့ကားပဲဖြစ်ပါတယ်... မင်းသားကြီး Mark Dacascos နဲ့ မင်းသမီး Stacey Travis တို့အဓိကသရုပ်ဆောင်ထားပြီး Geoffrey Lewis နဲ့ Paco Christian Prieto တို့အပြင် သရုပ်ဆောင်များစွာပါဝင်တဲ့ ဇာတ်ကားကောင်းတစ်ကားဖြစ်ပါတယ် ဇာတ်လမ်းအကျဉ်းကတော့ လူးဝစ်စတီဗင် (Mark Dacascos) က သူ့ဒေသကနေ နှစ်အတော်ကြာခွဲခွာပြီး စစ်သားတစ်ယောက်အဖြစ်တာဝန်ထမ်းနေရာက သူ့ဒေသ ဖလော်ရီဒါပြည်နယ်ကိုပြန်ရောက်လာတယ်... သူတက်ခဲ့တဲ့လင်ကွန်အထက်တန်းကျောင်းက ဆရာ့ဆီမှာအကူအညီတောင်းဖို့သွားရင်းကနေ သူ့ကျောင်းက ကျောင်းသားတွေက ဆေးစွဲ အကြမ်းဖက်ဂိုဏ်းတွေနဲ ့ပေါင်းပြီးဆိုးသွမ်းပျက်စီးနေကြတာ တွေ့လိုက်ရတယ်... အဲ့ကျောင်းမှာ ဆရာပြန်လုပ်ဖြစ်ရာက ကလေးတွေကိုစိတ်ပိုင်းဆိုင်ရာပြုပြင်မှုတွေလုပ်ပေးခဲ့တယ်... Capoeira ဆိုတဲ့ ဘရာဇီးရိုးရာသိုင်းပညာနဲ့ ကလေးတွေပျက်စီးမှုရဲ့အဓိကတရားခံဖြစ်တဲ့ မူးယစ်ဆေးဈေးကွက်ကို အုပ်စိုးနေတဲ့ ဂိုဏ်းခေါင်းဆောင် ဆေးလ်ဗရီယို (Paco Christian Prieto) ကို ဘယ်လိုတွန်းလှန်ဖို့ကြိုးစားခဲ့လဲဆိုတာ တွေ့မြင်ရမှာဖြစ်ပါတယ်... ဆရာတပည့်ချစ်ခြင်းမေတ္တာတွေနဲ့ လူငယ်တွေကိုပြုပြင်ပေးတဲ့ကားကောင်းလေးတစ်ကားဖြစ်လို့ နှစ်သက်ကြမယ်ထင်ပါတယ် 1993 ခုနှစ်က ထွက်ခဲ့တဲ့ကားဖြစ်တဲ့အတွက်ကြောင့် အကြည်လင်ဆုံးရနိုင်တဲ့ ကွာလတီကိုတင်ဆက်ပေးလိုက်ရပါတယ်

ပြစ်မှုကျူးလွန်သူအဖြစ် မှားယွင်းစွပ်စွဲ ထောင်ချခံရတဲ့ ဆန်တီဟာ အကျဉ်းထောင်ကူးပြောင်းနေတဲ့ လမ်းခုလတ်မှာပဲ ထွက်‌ပြေးခဲ့ပြီး မရက်ခ်အမည်ရှိတဲ့ အမျိုးသမီးတစ်ဦးကို ဓားစာခံအဖြစ် ဖမ်းခေါ်သွားခဲ့ပါတယ်။ အဲဒီအမျိုးသမီးဟာ သမာသမတ်ကျတဲ့ ဒုလက်ထောက်ရဲအရာရှိဖြစ်တာကြောင့် ဒီအခြေအနေကို ဘယ်လိုကိုင်တွယ်ဖြေရှင်းမလဲ၊ ဆန်တီကရော ဘာအကြောင်းကြောင့်စွပ်စွဲခံရလဲ၊ နောက်ကွယ်က လက်မည်းကြီးက ဘယ်သူဖြစ်မလဲဆိုတာကို တစ်ဆင့်ချင်းခံစားကြည့်ရှုရမယ့် ဇာတ်ကားကောင်းလေးတစ်ခုပါ။ File size…(2.1 GB)/(1.2 GB) Quality….Blu-Ray 1080p / 720p Format…mp4 Duration….01:46:00 Genre... Action, Adventure, Crime Subtitle….Myanmar Subtitle (Hardsub) Encoder….Garfield Translated by Tina

ဟောင်ကောင်မှာ တူးမြောင်းလုပ်ငန်း လုပ်နေတဲ့ စီးပွားရေးလုပ်ငန်းရှင်တစ်ယောက်ရဲ့ ပိုင်ဆိုင်မှုတွေကို သူ့လုပ်ဖော်ကိုင်ဖက်က လိုချင်နေပါတယ်။ ဒါကြောင့် ဟောင်ကောင်က လူဆိုးဂိုဏ်းတစ်ဂိုဏ်းကို အကူအညီတောင်းပြီး လုပ်ငန်းရှင်နဲ့ သူ့မိသားစုကို သတ်ဖို့ စီစဉ်ခဲ့တယ်။ ဒါပေမယ့် လုပ်ငန်းရှင်ရဲ့ အမြွှာသားလေးနှစ်ယောက်ကတော့ အသက်မသေဘဲ လွတ်မြောက်သွားခဲ့ပါတယ်။ နှစ်ဆယ့်ငါးနှစ်ကြာတဲ့အခါ အဲဒီညီအစ်ကိုနှစ်ယောက် ပြန်ဆုံကြပြီး ဖခင်အတွက် လက်စားချေဖို့ ကြိုးစားလာကြတယ်။ ညီအစ်ကိုဖြစ်ပေမယ့် တစ်ယောက်က အပျော့၊ တစ်ယောက်က အမာဆိုသလို စရိုက်ချင်း မတူကြပါဘူး။ ဒီဇာတ်ကောင်နှစ်ယောက်စလုံးကို ဗန်ဒိန်းက နှစ်ကိုယ်ခွဲသရုပ်ဆောင်ထားပြီး သူကိုယ်တိုင်တတ်ကျွမ်းတဲ့ ကိုယ်ခံပညာနဲ့ အက်ရှင်ခန်းတွေကို သရုပ်ဖော်ထားပါတယ်။

Tango & Cash (1989) ၁၉၈၀ ခုနှစ်တွေတုန်းက လျှမ်းလျှမ်းတောက်အောင်မြင်နေခဲ့တဲ့ Sylvester Stallone နဲ့ Kurt Russell တို့လို အက်ရှင်မင်းသားတွေကို ဇာတ်ဆောင်တင်ရိုက်ထားတဲ့ Action, Comedy ရုပ်ရှင်ကားကောင်းတစ်ခုပါ။ Stallone ကလည်း Rambo ၃ကား နဲ့ Rocky ၄ကားထွက်ပြီးတဲ့အချိန်၊ Kurt ကလည်း Escape from Newyork နဲ့ Big Trouble in Little China တို့လို အက်ရှင်ကားတွေရိုက်ကူးထားပြီးချိန်ပါ။ မင်းသား ၂ယောက်ရဲ့ ဩဇာရှိန်တက်နေဆဲအချိန်ပေါ့။ လော့စ်အိန်ဂျလိစ်ရဲတပ်ဖွဲ့မှာ အတော်ဆုံးလို့ သတ်မှတ်ထားရတဲ့ စုံထောက် ၂ ယောက်ရှိပါတယ်။ အနောက်ဘက်က တန်ဂိုနဲ့ အရှေ့ဘက်က ကက်ရှ် တို့ပါ။ နေရာချင်းမတူသလို စရိုက်ချင်းကလည်းမတူပါဘူး။ တန်ဂိုဟာ သပ်သပ်ရပ်ရပ်ဝတ်စားပြီး လူကြီးလူကောင်းဂိုက်နဲ့ အမြဲနေပေမဲ့ ကက်ရှ်ကတော့ ပိုလွတ်လပ်တဲ့ လမ်းသရဲစတိုင်ရှိပါတယ်။ ဒီလိုအတော်ဆုံးရဲ ၂ ယောက်က လော့စ်အိန်ဂျလိစ်မှာ ရှိနေတော့ ရာဇဝတ်ဂိုဏ်းတွေအနေနဲ့ အခက်ကြုံပါပြီ။ ဒါကြောင့် သူတို့ ၂ ယောက်ကို ရှင်းပစ်ဖို့ကြံပါတော့တယ်။ သူတို့ကိုရှင်းပစ်ချင်တာကတော့ ပရက်လို့ ခေါ်တဲ့ လက်နက် နဲ့ မူးယစ်ဆေးရာဇာကြီးပါ။ အဲဒါနဲ့ တစ်နေ့မှာ သူတို့ ၂ ယောက်လုံးဆီ သတင်းအမှားတစ်ခုကို ပေးပြီး ထောင်ချောက်ဆင်ချလိုက်ပါတယ်။ အဲဒါနဲ့ တန်ဂိုနဲ့ ကက်ရှ်တို့ နာမည်လည်းပျက်တဲ့အပြင် ထောင်ပါကျသွားတာပေါ့လေ။ အဲဒီကနေ သူတို့ ၂ ယောက် နာမည်ဘယ်လိုပြန်အဖတ်ဆယ်မလဲ... မူးယစ်ဂိုဏ်းကို ဘယ်လိုပြန်လိုက်မလဲ... ဆိုတာကို အက်ရှင်ခန်းကောင်းကောင်းနဲ့ ကြည့်ရှုရမှာဖြစ်ပါတယ်။ ဒီရုပ်ရှင်ရဲ့ စတန့်ခန်း အတော်များများကို မင်းသားတွေကိုယ်တိုင် သရုပ်ဆောင်ခဲ့ပါတယ်။ အက်ရှင်ခန်းတွေ မပီပြင်မှာစိုးလို့ပါတဲ့လေ။ အဲဒါကြောင့် Stallone ကလည်း နံရိုးတစ်ချောင်းကျိုးခဲ့ပေမဲ့ ပြီးတဲ့အထိတော့ ရိုက်ကူးခဲ့ပါတယ်။ သူတို့ ၂ ယောက်ရဲ့ ရိုက်ကွင်းပြင်ပ ရင်းနှီးမှုကတော့ ရုပ်ရှင်ထဲအထိပါ ရောင်ပြန်ဟပ်နေသလိုပါပဲ။ စရိုက်ချင်းမတူပေမဲ့ အစပ်အဟပ်တည့်နေတာမျိုးပေါ့။ ဒါ့အပြင် ငယ်ငယ်ရွယ်ရွယ် မမ Teri Hatcher လည်း ပါပါသေးတယ်။ ဒါရိုက်တာကလည်း ဟာသတွေကို ပေါပေါပဲပဲဖြစ်အောင်မသုံးထားဘဲ အံဝင်အောင်သုံးထားတဲ့အပြင် ရိုက်ကူးတဲ့နေရာမှာလည်း အက်ရှင်ခန်းတွေကို ရှုထောင့်ကောင်းကောင်းကနေ ရိုက်ကူးထားပါတယ်။ ဒီဇာတ်ကားရုံတင်ခဲ့တုန်းက ဝေဖန်ရေးဆရာတွေဟာ ဇာတ်လမ်းကတော့ အော်စကာရဖို့အထိမဖြစ်နိုင်ပေမဲ့ အက်ရှင်ခန်းတွေ ကောင်းကြောင်း နဲ့ ဇာတ်ဆောင်၂ ယောက်ကြားက အတွဲညီမှုကို အထူးတလှယ်ချီးကျူးခဲ့ပါတယ်။ ဒီဇာတ်ကားဟာ 1989 ခုနှစ်ရဲ့ ဝင်ငွေအကောင်းဆုံး ရုပ်ရှင်တွေထဲက တစ်ခုဖြစ်ခဲ့ပြီး Sylvester Stallone နဲ့ Kurt Russell တို့ကို အက်ရှင်ထိပ်သီးတွေနေရာမှာ ပိုတည်မြဲစေခဲ့ပါတယ်။ ဇာတ်လမ်းက မြုပ်ကွက်အများကြီးနဲ့ စုံထောက်ကားလိုမဟုတ်ပေမဲ့ ကိုယ်ကြိုက်ရတဲ့ အက်ရှင်မင်းသားတွေနဲ့ အက်ရှင်ခန်းကောင်းကောင်းတွေကို နှစ်သက်တယ်ဆိုရင်တော့ မြည်းစမ်းကြည့်သင့်တဲ့ ရုပ်ရှင်တစ်ခုပါ။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size - 2.5GB, 998MB Quality - 1080p, 720p IMDb Rating - 6.4/10 Format - mp4 Duration - 1H 44Min Genre - Action, Comedy, Crime Subtitle - Myanmar Subtitle (Hardsub) Translated by Min Thant Bo Encoded by Y

ဒီရုပ်ရှင်ဟာ Spaghetti Western လို့ခေါ်တဲ့ အီတလီစတိုင် ကောင်းဘွိုင်ကားတွေထဲမှာ ထူးခြားတဲ့ကားတစ်ကား ဖြစ်ပါတယ်။ နာမည်ကျော် ဒါရိုက်တာ Sergio Leone ရဲ့ စိတ်ကူး (Idea) ကို အခြေခံပြီး ဒါရိုက်တာ Tonino Valerii က ရိုက်ကူးထားတာဖြစ်လို့ အက်ရှင်ရော၊ ဟာသပါ နှောထားတဲ့ ဂန္တဝင်လက်ရာတစ်ခုပါ။ ဇာတ်လမ်းကတော့ ခေတ်ဟောင်းအနောက်ပိုင်း (Wild West) ရဲ့ နာမည်အကြီးဆုံး သေနတ်သမား Jack Beauregard (Henry Fonda) အကြောင်းကို အခြေခံထားပါတယ်။ Jack ဟာ သေနတ်ကိုင်သက်တမ်းတစ်လျှောက်မှာ လူမိုက်ပေါင်းများစွာကို ရှင်းလင်းခဲ့ပြီးပြီဖြစ်လို့ အခုချိန်မှာတော့ အေးအေးဆေးဆေး အနားယူပြီး ဥရောပကို ထွက်ခွာချင်နေပါပြီ။ ဒါပေမဲ့ သူ့ရဲ့ အမာခံပရိသတ်တစ်ယောက်ဖြစ်တဲ့ "Nobody" (Terence Hill) လို့ခေါ်တဲ့ လူငယ်သေနတ်သမားတစ်ယောက်နဲ့ ဆုံတွေ့တဲ့အခါ အခြေအနေတွေ ပြောင်းလဲသွားပါတယ်။ Nobody ဟာ Jack ကို ရိုးရိုးတန်းတန်း အနားယူသွားတာမျိုး မလိုလားဘဲ၊ သမိုင်းမှာ တွင်ကျန်ရစ်မယ့် "လူဆိုးဂိုဏ်းသား ၁၅၀ (The Wild Bunch)" နဲ့ တစ်ယောက်တည်း ယှဉ်ပြိုင်တိုက်ခိုက်တဲ့ ပွဲကြီးပွဲကောင်းတစ်ခုကို ဖန်တီးပေးချင်နေတာပါ။ My Name is Nobody ဟာ ကောင်းဘွိုင်ကားတွေကို ကြိုက်နှစ်သက်သူတွေအတွက်သာမက၊ ပေါ့ပေါ့ပါးပါး အက်ရှင်ဟာသကား ကောင်းကောင်းတစ်ကား ကြည့်ချင်သူတွေအတွက်ပါ လက်မလွှတ်သင့်တဲ့ ဇာတ်ကားပါ။ ခေတ်ဟောင်းတစ်ခု ကုန်ဆုံးသွားပုံကို လွမ်းမောဖွယ်၊ ရယ်မောဖွယ် တင်ဆက်ထားတဲ့ Masterpiece တစ်ခုပါပဲ။ File size…5.44 GB / 1.55 GB Quality… Blu -RAY 1080p / 720p Format… mp4 Duration….1h 57m Genre ..... Comedy , Western Subtitle…. Myanmar Subtitle (Hard Sub)