Gopal Datt ပါဝင်သော ဇာတ်ကားများ

Space Gen Chandrayann (2026) SO1 လကမ္ဘာသို့ခရီးနှင်ခြင်း IMDb (6.5/10) ၂၀၁၉ ခုနှစ် စက်တင်ဘာလ၇ရက်နေ့... တစ်ကမ္ဘာလုံးက စောင့်ကြည့်နေတဲ့ကြားမှာ Chandrayaan-2 ရဲ့ ဆင်းသက်ယာဉ် လမျက်နှာပြင်ပေါ် ပျက်ကျသွားတဲ့အခါ အိန္ဒိယ သိပ္ပံပညာရှင်တွေရဲ့ မျက်ရည်တွေဟာ ကမ္ဘာကျော်ခဲ့ပါတယ်။ ဒါပေမဲ့ အဲဒီမျက်ရည် တွေဟာ အရှုံးပေးဖို့ မဟုတ်ဘဲ ပိုမိုတောက်ပတဲ့ အောင်မြင်မှုအတွက် အားယူတာဆို တာ ဒီကားက သက်သေပြသွားမှာပါ။ ဒီ Web Series ဟာ ၂၀၂၃ မှာ တစ်ကမ္ဘာလုံးကို အံ့အားသင့်စေခဲ့တဲ့ Chandrayaan-3 အောင်မြင်မှုရဲ့ နောက်ကွယ်က ဘယ်သူမှမသိသေးတဲ့ ဇာတ်လမ်းတွေကို ပုံဖော်ထားတာပါ။ သိပ္ပံပညာရှင်တွေရဲ့ မိသားစုအခက်အခဲ ဘတ်ဂျက်ကန့်သတ်ချက်တွေနဲ့ နိုင်ငံတကာရဲ့ ဖိအား တွေကြားထဲကနေ အရဲစွန့်ခဲ့ပုံတွေကို ရင်ခုန်စရာ ကြည့်ရှုရမှာဖြစ်ပါတယ်။ "သိပ္ပံပညာဆိုတာ ကိန်းဂဏန်းတွေတင်မဟုတ်ဘူး စိတ်ဓာတ်ကြံ့ခိုင်မှုလည်း လိုအပ်တယ်" ဆိုတာကို ပြသသွားတဲ့ ၂၀၂၆ ရဲ့ အကောင်းဆုံး Docu-drama တစ်ခုပါ။ အာကာသဝါသနာ ရှင်တွေတင်မကဘဲ Inspiring ဖြစ်စေမယ့်ကားမျိုး ရှာနေသူတွေအတွက် လက်မလွတ်သင့် တဲ့ စီးရီးကောင်းတစ်ခုဖြစ်ပါကြောင်း...။ Genre.....Sci-Fi & Fantasy, Drama Quality….WEB-DL 1080p File size…500MB Format…mkv Duration….30min Subtitle….Myanmar Subtitle (Hardsub)

Fisaddi 2024 ကျောင်းတော်မှဇိုးများ တက္ကသိုလ်ကျောင်းသားဘဝရဲ့ အမှတ်တရတွေကို ပြန်လည်မြင်ယောင်မိစေမယ့် ပေါ့ပေါ့ပါးပါးmini seriesလေးတစ်ခုကို တင်ဆက်ပေးလိုက်ပါပြီ။ ဒီဇာတ်လမ်းတွဲလေးကတော့ ကျောင်းကဇိုးတစ်ယောက်ဖြစ်တဲ့ ဂိုလ်ဒီနဲ့ သူ့ညီစာကြမ်းပိုးလေးဗီမယ်တို့ကြားက အားပြိုင်မှုလေးပေါ့။ ဗီမယ်တစ်ယောက် အထက်တန်းကို အမှတ်မြင့်မြင့်နဲ့အောင်ခဲ့ပေမဲ့ အစ်ကိုဖြစ်သူဂိုလ်ဒီတက်နေတဲ့ တက္ကသိုလ်ကိုပဲ တက်ရမယ်ဆိုတဲ့ မိဘတွေရဲ့တစ်ချက်လွှတ်အမိန့်ကြောင့် အတော်လေးဘူနေတာပေါ့။ မိဘတွေကလည်း ဂိုလ်ဒီကိုသားကြီးပီပီ အတော်လေးအားကိုးပြီး အရမ်းထက်မြက်တဲ့သူလို့ထင်နေကြတာပါ။ ဒါပေမဲ့ တကယ်တမ်း ကျောင်းကဂိုလ်ဒီကတော့ အုပ်စုဖွဲ့ရိုက်လိုရိုက် စာမေးပွဲကျလို့ ဆရာမကိုခြိမ်းခြောက်လိုခြိမ်းခြောက်နဲ့ လုပ်ချင်ရာလုပ်နေတဲ့ဇိုးတစ်ယောက်ပါ။ ဒီလိုနဲ့ ဗီမယ်ပါ သူနဲ့တစ်ကျောင်းတည်းရောက်လာတော့ အိမ်မှာ ထက်မြက်တဲ့သားကြီးလုပ်နေတဲ့ဂိုလ်ဒီတစ်ယောက် ကျောင်းက နာမည်ဆိုးတွေဗီမယ်မသိရေး တို့အရေးဆိုပြီး အသည်းအသန်ဖုံးဖိဖို့ လုပ်ရပါတော့တယ်။ ဒီလိုနဲ့ အိမ်မှာ ဦးဆောင်သူနေရာယူထားပေမဲ့ တကယ်တမ်းကျ ကလေကချေဖြစ်နေတဲ့ဂိုလ်ဒီနဲ့ အမှန်အကန်ထက်မြက်ပြီး စာတော်တဲ့ဗီမယ်အကြား အိမ်ရဲ့သားလိမ္မာနေရာအတွက် ယှဉ်ပြိုင်ဖို့ ဖြစ်လာတဲ့အခါ ဘာတွေဆက်ဖြစ်ကြမလဲ ရှုစားကြပါဦး။ (အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်) File Size – 700MB (Appx;)@Episode Quality – 1080p WEB DL Duration –30minute (Appx) (@Episode) Total Episodes:7 Eps Subtitle – Myanmar Hardsub Format – Mp4 Genre : Drama Translator – CM Bollywood Team Encoder – YK

Gaanth Chapter 1: Jamnaa Paar (2024) လကြတ်ညရဲ့ အိပ်မက်ဆိုး Genre – Drama, Mystery, Thriller IMDB – 7.8/10 - နမိတ်မကောင်းတဲ့ လကြတ်ညတစ်ည - လျှို့ဝှက်ဆန်းကြယ်တဲ့ စာအုပ်တစ်အုပ် - မိသားစုလိုက်ကြီး ခွေးပါမကျန် ထူးခြားစွာ ရုပ်ပျက်ဆင်းပျက် သေဆုံးနေမှု - ပဟေဠိဆန်သော ပူဇော်ပသမှု - ဖုံးကွယ်ထားသော မြေအောက်ခန်း စသဖြင့် အခြေအနေများနဲ့ ရှုပ်ထွေးပလီသော လူသတ်မှုကြီးကို… အရင် အမှုမှာ ပြဿနာရှာထားလို့ တာဝန်ဆိုင်းငံ့ခံရတဲ့ ကိုယ်ရေးကိုယ်တာ ပြဿနာများနဲ့ ဒေါသအိုးကြီး အင်စပတ်တာဂါဒါဆင်းဂ်ရယ်၊ အထက်ကချောက်တွန်းပြီး လွှတ်ထည့်လိုက်တဲ့ အရာရှိမလေး ဆတ်ယာဝတီရယ်၊ ဆေးရုံမှာ တစ်ယောက်တည်းသီးခြားနေပြီး သူများတွေ အမြဲတမ်း အနိုင်ကျင့် နှိမ်တာကို ခံရပေမဲ့ ပညာစွမ်းရည်မှာကျ သူမတူအောင် ထူးချွန်တဲ့ ဆရာဝန်မလေး ဆက်ရှီမာမူရယ် ဒီ သုံးယောက်သားဟာ ဝင်္ကပါလို အကွေ့အကောက်လှည့်ကွက်များပြီး ထူးခြားဆန်းကြယ်လှတဲ့ ဒီလူသတ်မှုကြီးကို ကံကြမ္မာတစ်ခုကြောင့် လာဆုံတွေ့ပြီး ဖြေရှင်းဖို့ ဖြစ်လာခဲ့တဲ့အခါ…….။ စုစုပေါင်း ၈ ပိုင်းတိတိ ပါဝင်ပြီး Rating ကောင်းရထားတဲ့ သည်းထိတ်ရင်ဖို အိန္ဒိယစုံထောက်စီးရီးကို CM မှ အပိုင်းအားလုံး တင်ဆက်ပေးသွားမှာ ဖြစ်လို့ အားပေးကြည့်ရှုဖို့ ဖိတ်ခေါ်လိုက်ရပါတယ်ဗျာ။ (အညွန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်) File Size – 500MB(Appx;)@Episode Quality – 1080p WEB DL Duration –minute (@Episode) Total Episodes:Eps Subtitle – Myanmar Hardsub Format – Mp4 Genre : Drama ~ Crime Translator – CM Bollywood Team Encoder – YK

Wild Wild Punjab (2024) IMDb-5.7/10 ဘော်ဒါမကောင်း သူကောင်းမဖြစ် ခွီလဲခွီ ဘော်ဒါကိုလဲ ပြန်သတိရစေနိုင်မယ့် netflixက ပူပူနွေးနွေးထွက်ရှိထားတဲ့ ဘော်လိဝုဒ်အခွီဟာသကားလေးကို တင်ဆက်ပေးချင်ပါတယ် အသဲကွဲလို့ သတ်သေမလို့ပါဆို ဘေးကနေ ထိုင်မြှောက်ပေးတဲ့ သူငယ်ချင်းမျိုး ရှိလား အိမ်မပိုင်လို့ ပြဿနာတက်နေပါတယ်ဆို အိမ်မပိုင်တဲ့ကောင်ကိုမှ ဝိုင်းဒုက္ခပေးတဲ့ သူငယ်ချင်းမျိုး ပိုင်ဆိုင်ထားလား မကောင်းတာလုပ်မယ်ဆို နှစ်ခါခေါ်စရာမလို အရောက်ပို့ပေးမယ့် သူငယ်ချင်းမျိုးရော တွေ့ဖူးလား သေလောက်အောင် ချမ်းသာနေပါစေ ကျပ်မပြည့်တဲ့ဘော်ဒါရော ကြုံဖူးကြလား ဘာတွေဘယ်လိုပဲဖြစ်နေပါစေ အခက်အခဲကြုံလာတဲ့အခါ ကိုယ့်ဘက်မှာ ရှိနေပေးကြမှာက ဒီစောင်ရူးဘော်ဒါတွေပါပဲ ဒီကားလေးမှာတော့ သူငယ်ချင်း ၄ ယောက် ဂယက်ထကြတာကို ကြည့်ရှုရမှာပါ ဘဝဖိအားတွေခံရတဲ့အခါ, ဘယ်အရာကမှ ကိုယ့်ကိုမပျော်ရွှင်စေတော့တဲ့အခါ ငယ်တုန်းက ဂယက်အတူတူထခဲ့ကြတဲ့ သူငယ်ချင်းတွေအကြောင်း ပြန်တမ်းတတာကလည်း ထွက်ပေါက်လေးတစ်ခု ဖြစ်နိုင်ပါတယ် အဲဒီထွက်ပေါက်လေးကို ရရှိဖို့ CM Bollywood Team မှ ဘာသာပြန် တင်ဆက်ပေးလိုက်ပါပြီနော် (အညွန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်) File size… 2.5GB / 1.23GB Quality…WEB DL 1080p / 720p Format…mp4 Duration….1h 49m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb-8.4/10 Darling ကားထဲက မိန်းမကိုအနိုင်ကျင့်တဲ့ဂျစ်တစ်တစ်ရုပ်နဲ့ မင်းသား Vijay Varma နဲ့ ကပြားမင်းသမီးလေး Suzanna Mukherjee တို့ ပါဝင်ထားတဲ့ စီးရီးပါ ရဲအရာရှိတစ်ယောက်ဖြစ်ချင်လွန်းရူးသွပ်ကြလွန်းတဲ့ အိန္ဒိယကားများစွာကြည့်ခဲ့ဖူးကြပါတယ် ဒီကားကတော့ ရဲအရာရှိမဖြစ်ချင်ပါပဲ ဖြစ်နေရသူတစ်ယောက်ရဲ့ဘဝပါပဲ ရာဗီဟာ ရဲအရာအလုပ်ကိုစိတ်မဝင်စားလို့ နှုတ်ထွက်စာတင်ပေမဲ့ နှုတ်ထွက်မရဘဲဆက်တာဝန်ထမ်းနေရသူပါ အဲဒီအတောအတွင်းသူပျက်လိုက်တဲ့တစ်ရက်မှာပဲ ရဲစခန်းမှာလည်းအမှုတွေရှုပ် ၊ မိန်းကလေးတစ်ယောက် အက်စစ်နဲ့ပက်ခံရတဲ့အမှုကလည်း မထင်မှတ်ပဲသူကိုင်တွယ်လာရနဲ့ မပျော်လို့ထွက်ခါမှ ဝန်ပိနေရသူတစ်ယောက် နှုတ်မထွက်ရခင်ကာလအတွင်း ဘယ်လိုကောင်းကောင်းလုပ်ဆောင်နိုင်သွားမလဲ ဘယ်လိုအခက်အခဲပေါင်းသောင်းခြောက်ထောင်ကို ကျော်ဖြတ်ရမလဲရှုစားကြည့်ပါဦး (အညွှန်းနဲ့ ဘာသာပြန်သူတွေကတော့ BpL ~ Saii ~ Zwe ~ Yunni ~ Moon ~ Cherry တို့ပဲဖြစ်ပါတယ်) File Size – 800MB / 720p Quality – 1080p WEB DL / 720p Duration – 32mins Total Episodes: 8Eps Subtitle – Myanmar Hardsub Format – Mp4 Genre : Crime | Drama Translator –  BpL ~ Saii ~ Zwe ~ Yunni ~ Moon ~ Cherry Encoder – YK

Sherni 2021 တောတွင်းက Wild Life တွေ အစိမ်းရောင်တောအုပ်တွေကို တစိမ့်စိမ့်ထိုင်ကြည့်ရတာကြိုက်တဲ့သူတွေအတွက် Sherni လာပါပြီ Newton ဇာတ်ကားနဲ့ အရမ်းပေါက်ခဲ့တဲ့ Director Amit V Masurkar ရိုက်ကူးထားတဲ့ 2021 အသစ်ထွက် movie ဖြစ်ပြီးတော့ IMdB 6.9/10 ရရှိထားပါတယ် ဗစ်ဒီရာ သစ်တောအရာရှိအသစ်အဖြစ်နဲ့ တာဝန်ယူရတဲ့ ရွာကလေးမှာ ကျားရန်က ခြိမ်းခြောက်နေပါတယ် နိုင်ငံရေးသမားတွေရဲ့ အကွက်ချမှုကြောင့် စားကျက်မြေလက်လွှတ်ဆုံးရှုံးခဲ့ရတဲ့ ရွာသူရွာသားတွေခမျာ ဆုပ်လည်းစူး စားလည်းရူး ကျောင်းစရာမြေက တောထဲပဲ ရှိလေတော့ ကျားရန်ကြောက်ပေမယ့်လည်း ကိုယ်မွေးထားတဲ့ ကျွဲနွားဆိတ်လေးတွေ ဗိုက်ဆာကြမှာစိုးလို့ တောထဲပဲ သွားကျောင်းရပါတယ် အန္တရာယ်များတဲ့ အသက်မွေးဝမ်းကျောင်းမှုမှာ အန္တရာယ်တွေ တကယ်ကြုံလာရတဲ့အခါ ကတိတွေအထပ်တလဲလဲပေးခဲ့တဲ့ နိုင်ငံရေးသမားတွေက သူတို့ပေးတဲ့ကတိတည်နိုင်ကြပါ့မလား သစ်တောဌာနရဲ့ ရည်ရွယ်ချက်က ဘာလဲ သစ်တောကို ထိန်းသိမ်းရင်းနဲ့ လူတွေကို လျစ်လျူရှုမိသလိုများ ဖြစ်နေမလား စတာတွေကို ကြည့်ရှုရမှာဖြစ်ပါတယ် သဘာဝပတ်ဝန်းကျင်ထိန်းသိမ်းရေးနဲ့ Women Empowerment ကိုပါ ထည့်သွင်းရိုက်ကူးထားတာဖြစ်ပြီးတော့ Wild Life , Discovery , Documentary ကြိုက်သူများအတွက် မျက်တောင်မခတ်တမ်း ကြည့်ရှုရမယ့် ဇာတ်ကား ကောင်းလေးတစ်ကားပဲဖြစ်ပါတယ် Translated by : Jerrica & JoJo Va Encoded by : YK Quality :Web Dl  1080p and 720p File Size ; 2.28GB and 1.24GB Duration : 2h 11min

၂၀၀၅ ခုနှစ်မှာ ထွက်ရှိခဲ့ပြီး အမီတာဘဂျမ်းတို့သားအဖနဲ့ငွေကြေးအရရော အနုပညာအရပါအောင်မြင်ပြီး အပြင်မှာပါ ရုပ်ရှင်ထဲကအတိုင်း ပုံတူကူးလိမ်လည်မှုတွေဖြစ်ပေါ်လာတဲ့အထိ ဩဇာကြီးခဲ့တဲ့ Bunty Aur Babli ရဲ့ ​နောက်ဆက်တွဲ​ဖြစ်ပါတယ်။ ဒီဇာတ်ကားမှာ ပထမကားနဲ့ ၁၅ နှစ်အကွာမှာ ဇာတ်လမ်းကို ပြန်လည်စတင်ထားပါတယ်။အခုချိန်မှာတော့ ဘန်တီနဲ့ ဘာဘလီတို့ လူလိမ်ဝိဇ္ဇာ ၂​ယောက်ဟာ မိသားစု တစ်ခု ထူ​ထောင်ပြီး ​ အေး​​အေး​ဆေး​ဆေး ဘဝကို ဖြတ်သန်း​နေကြပါပြီ. သား​လေးတစ်​ယောက်နဲ့ ​ပျော်ရွှင်စွာ​နေထိုင်ရင်းနဲ့ တစ်​နေ့မှာ​တော့ ဘန်တီနဲ့ဘာဘလီတို့ရဲ့ လှည့်ကွက်​တွေ ပြန်​ပေါ်လာပါပြီ ဆိုပြီး လူတိုင်းပါးစပ်ဖျား​ပေါ် ပြန်​ရောက်လာကြပါ​​တော့တယ်. သက်လတ်ပိုင်း​ရောက်​နေကြတဲ့ ဘန်တီနဲ့ ဘာဘလီတို့လဲ သူတို့မလုပ်တဲ့ လိမ်လည်မှု​တွေနဲ့ စွပ်စွဲခံရပါ​တော့တယ်။ ရဲအရာရှိ ဂျတာယူဟာ ဒီလက်သစ် ဘန်တီ-ဘာဘလီကို သဲလွန်စ ရှာမရတာ​ကြောင့် မူလ ဘန်တီ-ဘာဘလီတို့ကို က​လေးနဲ့ ခြိမ်း​ခြောက်ပြီး စုံစမ်း​ရေးမှာ ပါဝင်ဖို့ ခိုင်းစေခဲ့ပါတယ်။ ၁၅နှစ်အကြာမှ ဒီနယ်ပယ်ထဲ ပြန်ဝင်လာရတာမို့အနားယူထားတဲ့ ကာလရှည်အတွင်း သူတို့အရည်အချင်းတွေလျော့ပါးကုန်ပြီလား။ ပြောင်းလဲသွားတဲ့ ခေတ်မှီနည်းပညာနဲ့ကွာဟသွားတဲ့ခေတ်အခြေအနေတွေကြားမှာ သူတို့ကိုပုံတူကူးကျူးလွန်နေတဲ့ လူငယ်စုံတွဲနဲ့ ဘယ်လိုဉာဏ်များယှဉ်ပြိုင်ကြမလဲဆိုတာ ဟာသတွေနှောပြီး ရယ်မောပျော်ရွှင်စွာရှုစားကြရမှာပါ။ ပထမကားက Abhishek နေရာမှာ Saif Ali Khan ပါဝင်လာပြီး Rani နဲ့ဇာတ်ကားပေါင်းများစွာတွဲဖက်အောင်မြင်ခဲ့သူပီပီ လိုက်ဖက်ညီအပေးအယူမျှစွာတွေ့မြင်ရပါလိမ့်မယ်။ လူငယ်စုံတွဲ ဘန်တီအာဘာဘလီလက်သစ်အဖြစ် Gully boy ဇာတ်ကားနဲ့ပေါက်လာတဲ့ Siddhant Chaturvedi နဲ့ မင်းသမီးသစ်လေး Sharvari Wagh ကိုမိတ်ဆက်တွဲဖက်ပေးထားပါတယ်။ ပေါ့ပေါ့ပါးပါးသဘာ၀ကျတဲ့ဟာသတွေ သီချင်းကောင်းကောင်းလေးတွေနဲ့ ယောက်ျားရပြီးကားရိုက်ကျဲသွားတဲ့မမကြီး ရာနီးကို အရင်တုန်းကလို လှလှပပ ခေတ်မှီသွက်လက်တဲ့ဇာတ်ရုပ်နဲ့တစ်မျိုး ဂွတီးဂွကျလူလတ်ပိုင်းအိမ်ထောင်ရှင်မကြီးအဖြစ်ပါ တစ်ဝကြီးတွေ့မြင်ရမှာပါ။ File size…(4.5 GB)/(2.3 GB)/(1 GB) Quality….WEB-DL 4K HEVC/ 1080p / 720p Format…mkv/mp4 Duration….02:18:00 Subtitle….Myanmar Subtitle (Hardsub) Encoder….Ka Naung Translated by Mugiwara Ya & Alias

Atrangi Re (2021) ရင်ကူး(Sara Ali Khan) ဟာ သူ့ချစ်သူမျက်လှည့်ဆရာလေး ဆာဂျတ်ဒ်အလီ (Akshay Kumar) ကိုအရူးအမူးချစ်ခင်စွဲလန်းသူဖြစ်ပါတယ်။ မတူညီတဲ့ ဘာသာရေးနောက်ခံတွေကြောင့် ရင်ကူးရဲ့အယူအစွဲကြီးတဲ့အသိုင်းအ၀ိုင်းဟာ သူခိုးရာလိုက်ပြေးတိုင်း မရရအောင်လိုက်ခွဲလေ့ရှိပြီး နောက်ဆုံးတစ်ကြိမ်မှာတော့ ဆာဂျတ်ဒ် မဟုတ်ရင်ပြီးရောဆိုပြီး လူတစ်ယောက်ကိုပြန်ပေးဆွဲခေါ်လာပြီး အတင်းအကျပ်လက်ထပ်ပေးလိုက်ပါတော့တယ်၊ အဲ့ဒီလူကတော့ တမီလ်နာဒူးပြည်နယ်ကလာတဲ့ ဆရာဝန်လောင်းလေးဖြစ်တဲ့ ဗီရှူး (Dhanush) ပါပဲ။ ပြဿနာက ဗီရှူးမှာလဲ မကြာခင်စေ့စပ်တော့မယ့်သတို့သမီးလောင်းရှိနှင့်နေပြီးဖြစ်နေတာပါ။ မိဘသဘောတူရုံသက်သက် အချစ်ဆိုတာ ဘာမှန်းမသိဘဲ လက်ထပ်လုဆဲဆဲ ဗီရှူးဟာ တစ်ပါးသူကိုအရူးအမူးချစ်နေတဲ့ ရင်ကူးကိုစွဲလန်းစပြုလာရာကနေ သုံးပွင့်ဆိုင်ဇာတ်လမ်းတစ်ခုအဖြစ်အသက်ဝင်လာပါတော့တယ်။ Dhanush ရဲ့နာမည်ကျော် hindi ဇာတ်ကား Raanjhanaa ရဲ့ဖန်တီးရှင် ဒါရိုက်တာကြီး Aanand L. Rai ရဲ့လက်ရာဖြစ်ပြီး ဂီတပိုင်းကိုတာဝန်ယူထားတဲ့သူက A R Rahman ဖြစ်နေတဲ့အတွက် သီချင်းကောင်းကောင်းလေးတွေ လှပတဲ့ရှုမျှော်ခင်းတွေ ရိုက်ကွင်းရိုက်ကွက်တွေကို ရိုးရာဟန်မပျောက်ဘဲ တွဲဖက်မြင်တွေ့ရမှာပါ။ ဇာတ်လမ်းကိုယ်တိုင်ကလဲ ထွေလာထဲကနဲ့မတူပဲ ထူးခြားတဲ့အချိုးအကွေ့အလှည့်အပြောင်းတွေကိုမြင်တွေ့ရပါလိမ့်မယ်။ အညွှန်းကိုတော့ Alias က ရေးထားပေးပြီးတော့ ဘာသာပြန်ထားတာကတော့ Alias, Pyi Ti Nyein နဲ့ Chit Tee တို့ပဲ ဖြစ်ပါတယ်။ Genre..... Comedy, Drama, Romance Quality….4K HEVC 1080P, WEB-DL 1080p and 720p and 360p File size…4.67VB, 1.94GB and 1.1GB and 300MB Format…mp4 Duration….2h 18min Subtitle….Myanmar Subtitle (Hardsub) Translator ..... Alias, Pyi Ti Nyein, Chit Tee Encoder ..... August

Guilty 2023 - မပျော်ရတဲ့ဗယ်လင်တိုင်းည IMDb-5.4/10 မင်းသမီးချောလေးကီယာရာနဲ့ အကိတ်လေး Akansha Ranjan Kapoor တို့နှစ်ယောက်အပြိုင်ကျဲထားတဲ့ ကျောင်းသားတွေကြားက thriller/ drama ဇာတ်လမ်းတစ်ပုဒ် ကျောင်းသားအရွယ်တွေမှာ ဗယ်လင်တိုင်းဆိုတာ ပျော်ရတဲ့နေ့တွေထဲကတစ်ရက်ပဲလေ ဒီကားထဲမှာတော့ ကျောင်းသားဘဝအပျော်တွေခဏရပ်ပြီး လိင်အကြမ်းဖက်မှုတစ်ခုကြောင့် အားလုံးအစစ်ဆေးခံသံသယတွေဝင်နဲ့နေကြရတာတွေရဲ့အစက ဗယ်လင်တိုင်းညမှာဖြစ်ခဲ့တာမို့ပါပဲ ဗီဂျေးဆိုတာလူချစ်လူခင်များ ပျိုတိုင်းကြိုက်နှင်းဆီလေးတစ်ယောက် ၊ နန်ကီကတော့သူမတူအောင်တော်တဲ့တေးရေးဆရာမလေး ဗီဂျေးရဲ့ချစ်သူ၊ တာနူဆိုတဲ့ မိန်းမလှလေးက ခု‌မှကျောင်းပြောင်းလာတဲ့အသစ်လေး ဗီဂျေးကိုကြိတ်သဘောကျနေတဲ့သူ၊ ကျောင်းသားတွေ ပြဇာတ်အတူက concert တွေအတူတက်ကြရင်း 2018 ဗယ်လင်တိုင်းညမှာ Twitter မှာ #MeToo နဲ့ တာနူတစ်ယောက် rape ခံရတယ်ဆိုတဲ့သတင်းတက်လာတယ် လိင်အကြမ်းဖက်သူလို့ စွပ်စွဲခံရသူကဗီဂျေး... အားလုံးမူးရူးကွဲပြဲနေတဲ့ ဗယ်လင်တိုင်းညအဖြစ်အပျက်တွေကိုလည်း ဘယ်သူမှမမှတ်မိနေတော့ ကျောင်းစရောက်တည်းက အသွက်လွန်အလန်းလေးကို လူတိုင်းအချစ်တော် သဘောမနောကောင်းဗီဂျေးက ကျူးလွန်တယ်ဆိုတာ ဘယ်သူကမှမယုံကြည်နေလေတော့... ရဲစုံထောက်တွေ သတင်းမီဒီယာတွေ ဆိုရှယ်မီဒီယာတွေမှာပါ ဟိုးလေးတကျော်ကျော်ဖြစ်နေတဲ့ဒီအမှုကို တစ်ယောက်ချင်းမေးမြန်းအဖြေရှာရင်း တရားခံကဘယ်သူဖြစ်မလဲဆိုတာတော့.... အညွှန်းနှင့် ဘာသာပြန်သူတွေကတော့ BpL ~ V ~ Alex ~ Zwe Yan ~ KKKZ တို့ပဲဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…2.15GB/ 880MB Quality…WEB DL 1080p /720p Format…mp4 Duration….1h 59m Subtitle….Myanmar Subtitle (Hard Sub) Encoder….YK Translated by CM Bollywood Team

ဒီဇာတ်ကားအကြောင်းမညွှန်းခင်၊ အရင်ဆုံး ဒီဇာတ်လမ်းထဲက မင်းသမီးဖြစ်တဲ့ Bhumi Pednekar အကြောင်း နည်းနည်းလောက် ပြောရအောင် Bhumi Pednekar ဟာဆိုရင် နှစ်ပေါင်းများစွာကြာအောင် Yash Raj Film မှာ လက်ထောက်ဒါရိုက်တာဝန် လုပ်ကိုင်ခဲ့ပြီးမှ ကုမ္ပဏီနဲ့ ရုပ်ရှင်သုံးကားကို မင်းသမီးအနေနဲ့ သရုပ်ဆောင်ဖို့ စာချုပ်ချုပ်ခဲ့တာဖြစ်ပါတယ်။ ပထမဆုံး ဇာတ်ကားဖြစ်တဲ့ Dum Laga Ke Haisha ဇာတ်ကားမှာ ပွဲဦးထွက် သရုပ်ဆောင်ခဲ့ပြီး ဒီဇာတ်ကားနဲ့ပဲ Filmfare Award for Best Female Debut ဆုရရှိခဲ့ပါတယ်။ နောက်ပြီးတော့ အားလုံးသိကြတဲ့ မင်းသားကြီး အက်ရှေးကူမားနဲ့အတူ၊ Toilet: Ek Prem Katha ဇာတ်လမ်းမှာလည်း အကောင်းဆုံးနဲ့ ပရိတ်သတ်ရင်ဖက်ထဲမှာ နေရာယူနိုင်ခဲသလို အခု ဇာတ်ကားဖြစ်တဲ့ Shubh Mangal Savdhan (2017) မှာလည်း အကောင်းဆုံး ကြိုးစားထားတော့ ပရိတ်သတ်ရင်ဖက်ထဲ ရောက်မယ်ဆိုတာ အာမခံပါတယ်။ ( ကိုယ်တွေကတော့ Bhumi Pednekar ပရိတ်သတ်ဖြစ်သွားပါပြီ ? ) " အမေ - ဒီမယ် သမီး အမျိုးသမီးတစ်ယောက်ရဲ့ ခန္ဓာကိုယ်ဆိုတာ လျှို့ဝှက် ရတနာသိုက် တစ်ခုလိုပဲ၊ ပြီးတော့ အဲ့ဒီရတာနာကလည်း အုတ်ဂူတစ်ခုထဲမှာ အလုံပိတ်ထားတာ။ ဘယ်အချိန်မှာ အဲ့ဒီအုတ်ဂူပွင့်သွားလဲသိလား သမီး - တစ်ယောက်ယောက်က ရွှေတံခါးကြီး ဖွင့်ပါဦးလို့ ပြောတဲ့အချိန်လား အမေ - ဘယ်ကသာ၊ မင်္ဂလာဦးညမှပွင့်တာ သမီးရဲ့၊ ခိုးသားလေးဆယ်အတွက် မဟုတ်ဘူးနော် အလီဘာဘာ တစ်ယောက်တည်း အတွက်ပဲ ပွင့်တာ သမီး - ဒါဆို တကယ်လို့ အလီဘာဘာက အုတ်ဂူဆီ မရောက်ခဲ့ရင်ရော အမေ - ဟင် ရောက်ရမှာပေါ့၊ အလီဘာဘာက အုတ်ဂူဆီရောက်ဖို့ပဲ မွေးလာတာ " မကြာခင် မင်္ဂလာဆောင်တော့မည့် သမီးဖြစ်သူရဲ့ ဒီစကားက စဉ်းစားစရာပါ အလီဘာဘာက ဘာကြာင့် အုတ်ဂူကို မရောက်ရမှာလဲ ခေတ်အခါခါက အလီဘာဘာတိုင်း အုတ်ဂူဆီရောက်လာနေကျပါ။ ဘာကြောင့် ဆူဟန်ဒရာက ဒီလိုပြောလိုက်တာလဲ့ သူမအတွက် မကြာခင်မှာ အလီဘာဘာ ဖြစ်လာမည့်သူကတော့ မူဒစ်ရှရ်မား နှစ်ယောက် ဘယ်လို လက်ထပ်ဖြစ်ကြတာလည်းဆိုတော့ အွန်လိုင်းကနေ မင်္ဂလာကမ်းလှမ်းမှုတစ်ခုရောက်လာလို့တဲ့ ဆူဟန်ဒရာ ကြည့်လိုက်တော့ ဒီလူကို ငါသိပါတယ် တစ်လလောက် ငါ့အနား တဝဲလည်လည် လုပ်နေပြီး စကားတောင် လာမပြောရဲတဲ့ ကိုယ်တော်ချောပဲ့ မူဒစ်ခမျှာ မိန်းကလေး တစ်ယောက်ကို စိတ်ဝင်စားနေပေမယ့် မပြောရဲမဆိုရဲ နောက်ဆုံးကြံရာမရ အိမ်က အကြံပေးတဲ့အတိုင်း အွန်လိုင်းကနေ မင်္ဂလာကမ်းလှမ်းလိုက်တော့တယ့် မိဘတွေက စီစဉ်ပေးရပေးမယ့် နှစ်ယောက်သား တစ်ယောက်ကို တစ်ယောက် အပြန်အလှန်စိတ်ဝင်စားနေကြတော့ တစ်နေ့မှာတော့ ဆူဟင်ဒရာ မိဘတွေ အိမ်မှာမရှိတုန်း မူဒစ်နဲ့ ဆူဟင်ဒရာ အနေနီးစပ်ဖို့ အကြောင်းဖန်လာပါတော့တယ့် ဒါပေမဲ့ မူဒစ်ခမျှာ မျက်နှာငယ်နဲ့သာ အိမ်ပြန်သွားခဲ့ပါတော့တယ်။ ဒါကြောင့် အမေဖြစ်သူက မင်္ဂလာဦးအတွေ့အကြုံတွေနဲ့အတူ၊ မိန်းကလေးတစ်ယောက် သိသင့်သိထိုက်တဲ့ အိမ်ထောင်ရေး အကြောင်းတွေ သင်ပေးနေတဲ့ အချိန်မှာ သမီးဆီက " အလီဘာဘာက အုတ်ဂူကို မရောက်ခဲ့ရင်ရော" ဆိုတဲ့ မေးခွန်းထွက်ပေါ်လာခဲ့တာပါ။ အလီဘာဘာ အုတ်ဂူဆီ ရောက်လာနိုင်မလား ရောက်လာဖို့ ကြိုးစားပုံတွေကို ဒီဇာတ်လမ်းမှာ ဆက်လက်ကြည့်ရှု့လိုက်ပါဦး #ဟာသ့ဒရာမာ့ဇာတ်ကားကောင်းလေးမို့ လက်အလွတ်မခံလိုက်ကြပါနဲ့ ( ဒီကားကြည့်မိပြီး တစ်ခုတွေးမိတာ ဘာနည်းပညာ၊ ဘာအသုံးစရိတ် အကြီးမားမှမပါသလို၊ အစိုးရအကူအညီလည်း မပါပဲ အခုလို အမှန်အကန်ဇာတ်ကားတွေ အိန္ဒိယမှာ ထွက်နေချိန်မှာ အိန္ဒိယရဲ့ အိမ်နီးချင်းနိုင်ငံဖြစ်တဲ့ ကျွန်တော်တို့ မြန်မာနိုင်ငံမှာ ချပြစရာ ဇာတ်ကားကောင်းကောင်း မရှိသေးတာ အင်မတန်မှ စိတ်မကောင်းဖြစ်မိပါတယ်လို့ ) File Size : (900 MB) and (370 MB) Quality : WEB-DL 720p Running Time : 1hr 59min Format : Mp4 Genre :Comedy, Romance Subtitle : Myanmar Subtitle (Hard Sub) Source : 1080pWEB-DL x264 AAC MSubS-Hon3y Translated by Zaw Htoo Encoded by Thanhtike Zaw

TVF Pitchers (Season 1) -စွန့်စားမှု၏ခရီးစဉ် မနက်၉ ညနေ ၅ အတွင်း ပူပင်သောကတွေ စိတ်ပျက်အားငယ်မှုတွေနဲ့ ပြည့်နှက်နေတဲ့ နေ့စဉ်ရုံးအလုပ်တွေကနေ ရုန်းထွက်ပြီး ကိုယ်ပိုင်အိပ်မက်တွေကို ဖန်တီးဖို့ ဘယ်လိုလူတွေက ရဲရဲဝံ့ဝံ့ ခြေလှမ်းလှမ်းနိုင်မလဲ TVF ရဲ့ နာမည်ကျော် ဝဘ်စီးရီး "TVF Pitchers" Season 1 က ၂၀၁၅ ခုနှစ်မှာ စတင်ထွက်ရှိခဲ့ပြီး s2 ကလည်း ယခုနှစ်မှာ ထွက်ရှိလာခဲ့ပါပြီ စွန့်ဦးတီထွင်လောကထဲကို ဝင်ရောက်ကြတဲ့ သူငယ်ချင်းလေးယောက်ရဲ့ ရယ်စရာကောင်းတဲ့ စိတ်အားထက်သန်ဖွယ်ရာ ဇာတ်လမ်းကို ပုံဖော်ထားပါတယ် ဇာတ်လမ်းရဲ့ အဓိကဇာတ်ဆောင်တွေဖြစ်တဲ့နာဗင်း ဂျီတူ ယိုဂီနဲ့ မန်ဒယ်တို့က သူတို့ရဲ့ ရည်မှန်းချက်တွေအတွက် ပုံမှန်အလုပ်တွေကို စွန့်လွှတ်ပြီး စွန့်စားခန်းအသစ်တစ်ခုကို စတင်လိုက်ကြပါတယ် ဇာတ်လမ်းကတော့ နာဗင်းတစ်ယောက်သူလုပ်ချင်တဲ့ ပရောဂျက်အတွက် အခွင့်အရေးမရတဲ့အခါ ဒေါသတကြီးနဲ့ အလုပ်ကနေ နုတ်ထွက်လိုက်ရာကနေ စတင်တာပါ သူတို့လေးယောက်က "Tu Beer Hai" (မင်းက ဘီယာပါပဲ - "မင်းက ကိုယ်ပိုင်တန်ဖိုးရှိသူ အစွမ်းအစရှိသူပါ") ဆိုတဲ့စိတ်ဓာတ်ကို လက်ကိုင်ထားပြီး ကိုယ်ပိုင် startup တစ်ခု တည်ထောင်ဖို့အတွက် ခရီးစတင်ခဲ့ကြပါတယ် ဒီစီးရီးက startup ဘဝရဲ့ အတက်အကျတွေကို ရိုးသားပွင့်လင်းစွာ တင်ဆက်ထားပြီး ရင်းနှီးမြှုပ်နှံသူတွေ ရှာဖွေရတာ ကုမ္ပဏီတည်ထောင်ရတာ ပြိုင်ဆိုင်မှုတွေနဲ့ ရင်ဆိုင်ရတာ စတဲ့ အခက်အခဲပေါင်းစုံကို ဟာသနဲ့ ဒရာမာအချိုးကျ ပေါင်းစပ်ပြီး ပုံဖော်ထားပါတယ် သူငယ်ချင်းတွေကြားက ခိုင်မာတဲ့ ခင်မင်မှု အပြန်အလှန် အားပေးမှုတွေ အိပ်မက်တွေအတွက် အတူတကွ ရုန်းကန်ကြိုးစားမှုတွေက ကြည့်ရှုသူတွေကို စိတ်ဓာတ်ခွန်အားတွေ အများကြီး ပေးပါလိမ့်မယ် အိန္ဒိယ startup လောကရဲ့ အမှန်တရားကို လက်တွေ့ဆန်ဆန် ဖော်ပြထားရုံသာမကလူငယ်တွေရဲ့ ရည်မှန်းချက် စိန်ခေါ်မှုတွေနဲ့ စွန့်ဦးတီထွင်စိတ်ဓာတ်တွေကိုပါ ထင်ဟပ်ပြသနေပါတယ် Startup တစ်ခုကို အကောင်အထည်ဖော်ဖို့ ကြိုးစားနေသူတိုင်း ကြည့်ရှုသင့်တဲ့ စီးရီးကောင်းလေးတစ်ခုဖြစ်ပါကြောင်းညွှန်းဆို တင်ဆက်ပေးလိုက်ရပါတယ် ( အညွှန်းကိုတော့ Yunni က ရေးသားပေးထားပြီး ဘာသာပြန်တွေကတော့ CM Bollywood Team ပဲဖြစ်ပါတယ် ) File Size – 700 MB (Appx;)@Episode Quality – 1080p WEB DL Duration – 45minute (@Episode) Total Episodes: 5Eps Subtitle – Myanmar Hardsub Format – Mp4 Genre : Comedy~Drama Translator – CM Bollywood Team Encoder – YK

Tere Naam (2003) ဒီဇာတ်ကားလေးကတော့ ဆလမန်းခန်းနဲ့ ဘူမီကာ ချောင်ဝ်လာရဲ့ romance/dramaအမျိုးအစား ဇာတ်တ်ကားလေးတစ်ကားဖြစ်ပါတယ်။ Radhe Mohanဟာအလုပ်မရှိအကိုင်မရှိ လူကြမ်းတစ်ယောက်ဖြစ်ပြီး သူတက်ခဲ့ဖူးတဲ့ ကောလိပ်ကျောင်းကို အမြဲသွားလေ့ရှိတယ်။ တစ်နေ့တော့ ကျောင်းကိုရောက်လာတဲ့ Nirjara Bharadwajဆိုတဲ့ ကောင်မလေးတစ်ယောက်ကို တွေ့ပြီး ချစ်ကြိုက်သွားခဲ့တယ်။ ဒါနဲ့ပဲ သူက Nirjaraကို ဖွင့်ပြောဖို့ကြိုးစားတော့တာပေါ့။ ဒါပေမဲ့ Nirjaraက သူ့ကို ငြင်းလိုက်တဲ့အခါမှာ ဘာတွေဆက်ဖြစ်မလဲဆိုတာကိုတော့ ဇာတ်ကားထဲမှာပဲ ကြည့်ရှူပေးကြပါလို့ ۔۔۔۔۔ ဘောလိဝုဒ်ချစ်သူများ လုံးဝလက်မလွတ်သင့်ပါကြောင်း ۔۔۔۔۔ ဘာသာပြန်တွေကတော့Soe Kalayarနဲ့ Intelligenceတို့ဖြစ်ပါတယ်။ File size…3.1GB / 1.3GB Quality…1080p BluRay / 720p Format…mp4 Duration….2h 12m Subtitle….Myanmar Subtitle (Hard Sub) Encoder….YK Translated by Soe Kalayr & Intelligence