Greg Lewis ပါဝင်သော ဇာတ်ကားများ

၂၀၀၁ ခုနှစ်မှာ ထွက်ရှိခဲ့တဲ့ The Princess Diaries  ပထမကားအပြီးမှာ နန်းတွင်းရေးရာတွေ သင်ယူရင်း နန်းတက်ဖို့ပြင်ဆင်နေပြီဖြစ်တဲ့ မင်းသမီးလေးအကြောင်းကို ထပ်ချပြဖို့  The Royal Engagement အမည်ခွဲနဲ့ နောက်ထပ် တစ်ကားထပ်ထွက်ခဲ့ပါတယ်။ မင်းသမီ မီယာတစ်ယောက် သူက မင်းသမီးဆိုတာ စသိခဲ့ရတုန်းက မဖြစ်ချင်လို့ အတွင်တွင်ငြင်းခဲ့ပေမယ့် အခု တော်ဝင်ဘဝကို လက်ခံပြီး နိုင်ငံအုပ်ချုပ်မယ် ဖြစ်သွားပြန်တော့လည်း အနှောင့်အယှက်တွေက ရှိလာပြန်ပါတယ်. ဒါကတော့ အိမ်ထောင်မရှိတဲ့ မိန်းမဟာ ဂျနိုဗီယာဘုရင်မ လုပ်လို့မရဘူးဆိုတဲ့ ဥပဒေပါပဲ။ ဘုရင်မမှ လုပ်ချင်သပဆို တစ်လအတွင်း ကြင်ယာရှာဖို့ပါ ပါလီမန်က ချမှတ်လိုက်တော့ မီယာတစ်ယောက် ဘာတွေဘယ်လို ဆက်လုပ်ကြမလဲဆိုတာ ရင်ခုန်စွာနဲ့ ကြည့်ရှုလိုက်ကြပါဦး File size…(1.87GB/(1017MB)/(518MB) Quality….Webrip 1080p / 720p / 480p Format…mp4 Duration….01:53:00 Genre...Comedy / Family / Romance Subtitle….Myanmar Subtitle (Hardsub) Encoder….Mr. Anderson Translated by Yoon Sandi Aung

မင်းသမီးချော Anne Hathaway ရဲ့ ငယ်ရွယ်စဉ်က အလှတွေကို တစ်ဝကြီးမြင်ရမယ့် တောင်းဆိုမှုများတဲ့ ကားဟောင်းကောင်းလေးတစ်ကား လာပါပြီ။ ၂၀၀၁ ခုနှစ်က ထွက်ရှိထားပြီး ငယ်ငယ်က Hollywood မူဗီတွေရဲ့ vibe ကို အပြည့်အဝပေးစွမ်းတဲ့ ကားလေးပါ။ မီယာဟာ အမေရိကန်ပြည်ထောင်စု ဆန်ဖရန်ဆစ္စကိုက လူမသိသူမသိနေရာလေး တစ်ခုမှာ အမေတစ်ခု သမီးတစ်ခု နေထိုင်ရင်း ဘဝကို အသက်ဆက်နေသူပါ။ ရှာမှရှားတဲ့ တစ်ဦးတည်းသော သူငယ်ချင်းလေးနဲ့အတူ ကျောင်းသွားရင်း ကျောင်းရဲ့ ဘူလီခံ စတိုင်လ်မကျု ရုပ်ဆိုးမလေးပေါ့၊ ဒါပေမဲ့ တစ်နေ့ သူဟာ ဂျနိုဗီယန် နိုင်ငံရဲ့ နန်းတက်မင်းသမီးတစ်ပါးပါဆိုပြီး အဘွားဖြစ်သူ ဘုရင်မကြီး ရောက်လာတဲ့ သတင်းနဲ့အတူ သူ့ဘဝကြီးဟာ ဇောက်ထိုးမိုးမျှော်တွေဖြစ်ကုန်ပါတော့တယ်။ ဒီတော့ သာမန်ဘဝနဲ့ပဲ ဖြတ်သန်းချင်တဲ့ မီယာနဲ့ မြေးဖြစ်သူကို တော်ဝင်မျိုးနွယ်စုထဲ ဇွတ်တွေ သွပ်သွင်းချင်တဲ့ ဘွားဘွားတို့ ဘယ်လို အတိုက်အခံတွေဖြစ်ကြမလဲ ကြည့်ရှုလိုက်ကြပါဦး File size…(2.03GB/(1.03MB)/(686MB) Quality….Webrip 1080p / 720p / 480p Format…mp4 Duration….01:55:00 Genre...Comedy / Family / Romance Subtitle….Myanmar Subtitle (Hardsub) Encoder….Mr. Anderson Translated by Yoon Sandi Aung

ထောင်က လွတ်လာခါစ ဂျွန်နီက နယူးယော့ခ်မြို့ကို ရောက်လာပြီး အလုပ်ရှာနေပါတယ်။ ထောင်ထဲမှာတုန်းက သင်ယူတတ်မြောက်ခဲ့တဲ့ အချက်အပြုတ်ပညာကို အားကိုးပြီး စားသောက်ဆိုင်တစ်ဆိုင်မှာ အလုပ်ဝင်လျှောက်ရာက ဖရန်ကီနဲ့ တွေ့ဖြစ်သွားတယ်။ ဖရန်ကီက အဲဒီဆိုင်မှာ အလုပ်လုပ်နေတဲ့ စားပွဲထိုးဖြစ်ပြီး ဘဝမှာ ပျော်စရာကို ရှာမတွေ့တော့တဲ့သူပါ။ သက်လတ်နှောင်းပိုင်းအရွယ် စားဖိုမှူး ဂျွန်နီက ဖရန်ကီကို ချစ်မိသွားပေမယ့် ဖရန်ကီအတွက်တော့ လူတစ်ယောက်ကို ယုံကြည်ဖို့၊ ကိုယ့်ခံစားချက်တွေကို ဖွင့်ပြဖို့ဆိုတာ မလွယ်ပါဘူး။ သူ့ကိုချစ်နေတဲ့ ဂျွန်နီနဲ့ လူတွေကို ယုံကြည်ရခက်နေတဲ့ ဖရန်ကီတို့ကြားက ချစ်ခြင်းမေတ္တာအကြောင်းကို ရိုက်ပြထားပါတယ်။ Frankie and Johnny ဆိုတဲ့ နာမည်က အမေရိကန်ရဲ့ လူသိများတဲ့ သီချင်းဟောင်းတစ်ပုဒ်ရဲ့ အမည်လည်း ဖြစ်ပါတယ်။ Elvis Presley ကတောင် သူ့ရုပ်ရှင်ထဲမှာ ထည့်သွင်းသီဆိုခဲ့ဖူးပါတယ်။ သီချင်းထဲမှာလည်း ဖရန်ကီနဲ့ ဂျွန်နီဆိုတဲ့ လူနှစ်ယောက်အကြောင်း ပါပေမယ့် ဒီရုပ်ရှင်က အဲဒီနာမည်ကိုပဲ ယူထားပြီး ဇာတ်လမ်းအကြောင်းအရာကတော့ မတူပါဘူး။

၁၉၈၇ ခုနှစ်မှာ ထွက်ရှိခဲ့တဲ့ The Running Man က အဲဒီအချိန်ကနေ နှစ်သုံးဆယ်အကြာ၊ ၂၀၁၇ ခုနှစ်ကို စိတ်ကူးပြီး ဇာတ်အိမ်တည်ထားပါတယ်။ ကမ္ဘာတစ်ဝန်း စီးပွားပျက်ကပ်ကြီး ဖြစ်နေပြီး စားနပ်ရိက္ခာထုတ်လုပ်မှု လျော့ကျလာသလို ရေနံ၊ သဘာဝဓာတ်ငွေ့နဲ့ တခြားသယံဇာတတွေလည်း ရှားပါးပြတ်လပ်နေတဲ့ ကာလပါ။ အမေရိကန်နိုင်ငံကိုတော့ အကြွင်းမဲ့အာဏာရှင်အစိုးရတစ်ရပ်က အုပ်ချုပ်နေတယ်။ နိုင်ငံကို စစ်နယ်မြေတွေ ခွဲထားပြီး စာပေ၊ ဂီတနဲ့ အနုပညာအားလုံးကို ဆင်ဆာနဲ့ ထိန်းချုပ်ထားပါတယ်။ တစ်နေရာနဲ့တစ်နေရာ စာရေးတာ၊ ဖုန်းဆက်တာတွေကို ခွင့်မပြုဘဲ ခရီးသွားဖို့လည်း အစိုးရထုတ်ပေးတဲ့ လက်မှတ်လိုတယ်။ အိမ်ပြင်ထွက်ရင် သွားလာခွင့်လက်မှတ် အမြဲဆောင်ထားရပြီး ညမထွက်ရအချိန် ကျော်လွန်သွားရင် တစ်သက်တစ်ကျွန်းအထိ အပြစ်ပေးခံရနိုင်ပါတယ်။ ရုပ်မြင်သံကြားကိုလည်း အစိုးရက လုံးဝချုပ်ကိုင်ထားပြီး အချိန်ပြည့် ဝါဒဖြန့်နေတယ်။ ပြည်သူတွေ ဆန္ဒပြဖို့ အာရုံမရောက်အောင် ထုတ်လွှင့်ပေးနေတဲ့ အစီအစဉ်တစ်ခုက The Running Man ဆိုတဲ့ လူကြိုက်များတဲ့ ဂိမ်းရှိုးပါ။ ထောင်သားတွေကို ငလျင်ကြောင့် ပျက်စီးနေတဲ့ နယ်မြေထဲ ထည့်ပေးပြီး ကြေးစားလူသတ်သမားတွေက နောက်ကနေ လိုက်သတ်ကြတယ်။ သုံးနာရီပြည့်တဲ့အထိ အသက်ရှင်နိုင်ရင် အနိုင်ရပြီး လွတ်ငြိမ်းချမ်းသာခွင့် ရမယ်ဆိုတဲ့ စည်းမျဉ်းနဲ့ ကစားရတာပါ။ အစိုးရတီဗီက မျက်မြင်တွေ့မှ ယုံကြဖို့ အမြဲပြောနေပေမယ့် ထုတ်လွှင့်သမျှက အမှန်တရားကို တည်းဖြတ်ပုံဖျက်ထားတာတွေ ဖြစ်နေတယ်။ ကြာလာတော့ လူတွေလည်း အဲဒါတွေကို ယုံလာကြပါတယ်။ ကလေးတွေအတွက် ကျောင်းတွေ မရှိတော့ဘဲ စစ်သင်တန်းတွေမှာပဲ အစိုးရလိုချင်တဲ့ အတွေးအခေါ်တွေ သွင်းပေးနေတယ်။ မိသားစုထဲမှာ တော်လှန်ရေးသမားရှိရင်ဖြစ်ဖြစ်၊ အစိုးရမကောင်းကြောင်း ပြောသူရှိရင်ဖြစ်ဖြစ် သတင်းပို့ဖို့ သင်ပေးပြီး သတင်းပေးတဲ့ကလေးကို မုန့်ဖိုးနှစ်ဆ ပေးပါတယ်။ ဒီလိုဖိနှိပ်မှုတွေကြားမှာ အစိုးရကို ဆန့်ကျင်နေတဲ့ လူအင်အားနည်းနည်းနဲ့ မြေအောက်တော်လှန်ရေးအဖွဲ့တစ်ဖွဲ့တော့ ရှိနေသေးတယ်။ ရဲအရာရှိ ဘန်ရစ်ချတ်ကလည်း ကိုယ်မကျူးလွန်ခဲ့တဲ့ အမှုကြီးတစ်ခုမှာ အကွက်ဆင်ခံရပြီး ထောင်ကျနေသူပါ။ သူငယ်ချင်းတစ်စုနဲ့အတူ ထောင်ဖောက်ထွက်နိုင်ခဲ့ပေမယ့် လွတ်လာပြီး ရက်သိပ်မကြာခင်မှာပဲ ပြန်အဖမ်းခံလိုက်ရတယ်။ ဒီတစ်ခါတော့ The Running Man ရဲ့ ထုတ်လုပ်သူလည်းဖြစ်၊ နာမည်ကြီးအစီအစဉ်တင်ဆက်သူလည်းဖြစ်တဲ့ ဒေမွန်ကီလီယံရဲ့ လက်ထဲ ရောက်သွားပါတော့တယ်။ ဘန်ရစ်ချတ်အဖြစ် Arnold Schwarzenegger သရုပ်ဆောင်ထားပြီး Stephen King က ကလောင်ခွဲတစ်ခုနဲ့ ရေးခဲ့တဲ့ The Running Man ဝတ္ထုကို အခြေခံထားပါတယ်။ အစိုးရက သတင်းအချက်အလက်နဲ့ လူတွေရဲ့အတွေးကို ထိန်းချုပ်ထားပုံတွေမှာ 1984 ဝတ္ထုနဲ့ ဆင်တူတဲ့ အငွေ့အသက်တွေလည်း တွေ့ရပါတယ်။