Heida Reed ပါဝင်သော ဇာတ်ကားများ

အာတိတ်မြောက်ဝင်ရိုးစွန်းမှာ အမေရိကန်နဲ့ ဒိန်းမတ်တို့ နယ်မြေသစ်တွေ ရှာဖွေနေကြတဲ့ခေတ်ကို နောက်ခံထားတဲ့ ဖြစ်ရပ်မှန်အခြေခံဇာတ်ကားပါ။ ဂရင်းလန်းရဲ့ အနောက်မြောက်ပိုင်းမှာ နယ်နိမိတ်ပိုင်းခြားထားတဲ့ ရေမြောင်းကြီးတစ်ခုကို တွေ့ရှိထားတယ်လို့ အမေရိကန်ဘက်က အဆိုပြုလာပါတယ်။ ဒိန်းမတ်စူးစမ်းရှာဖွေရေးအဖွဲ့တစ်ဖွဲ့က အဲဒီအဆို မမှန်ကြောင်း သက်သေပြဖို့ ထွက်သွားရင်း ပျောက်ဆုံးသွားခဲ့တယ်။ လူစွန့်စားနှစ်ဦးဟာ ပျောက်ဆုံးနေတဲ့အဖွဲ့ကို ရှာဖွေရင်း ဒိန်းမတ်နယ်မြေကို အမေရိကန်က ပိုင်ဆိုင်မသွားစေဖို့ သက်သေအထောက်အထား ရှာကြရပါတယ်။ ရာသီဥတုဆိုးရွားပြီး အသက်ရှင်ဖို့တောင် ခက်ခဲတဲ့ ရေခဲပြင်ကြီးထဲက သူတို့ရဲ့စွန့်စားမှုတွေနဲ့အတူ နှစ်ယောက်ကြားက သူငယ်ချင်းသံယောဇဉ်ကိုပါ ဖော်ပြထားတယ်။ အဓိကဇာတ်ကောင်အဖြစ်တော့ Game of Thrones ထဲမှာ Jaime Lannister အဖြစ် သရုပ်ဆောင်ခဲ့သူ ပါဝင်ထားပါတယ်။

နာမည်ကြီးစာရေးဆရာမတစ်ယောက်ဟာ စာရေးမထွက်တော့တဲ့အတွက် ဆိတ်ငြိမ်ရိပ်သာတစ်ခုမှာ တစ်ယောက်တည်းနေပြီး စာရေးဖို့ ဆုံးဖြတ်လိုက်ပါတယ်။ အဲဒီနေရာမှာ သူ့ကို ကူညီပေးမယ့် အေအိုင်နှစ်မျိုးရှိတယ်။ တစ်ခုက နေ့စဉ်ဝေယျာဝစ္စတွေ လုပ်ပေးမယ့် ရိုဘော့လက်ထောက်ဖြစ်ပြီး နောက်တစ်ခုကတော့ အရိပ်သဏ္ဌာန်နဲ့ ပေါ်လာကာ အကြံပေးလမ်းညွှန်ပေးမယ့် အေအိုင်ပါ။ စာရေးပြီးမှပဲ အဲဒီနေရာကနေ ထွက်ခွာနိုင်မှာ ဖြစ်ပါတယ်။ ဒါပေမယ့် ဗိုင်းရပ်စ်ဝင်သွားပြီး စနစ်တစ်ခုလုံး ကမောက်ကမဖြစ်ကုန်တဲ့အခါ တိတ်တိတ်ဆိတ်ဆိတ် စာရေးဖို့လာတဲ့ သူ့အတွက် အခြေအနေပြောင်းသွားတယ်။ ကူညီပေးရမယ့် ရိုဘော့အေအိုင်နဲ့ ပြဿနာတွေတက်လာပြီး ဇာတ်လမ်းက သိပ္ပံစိတ်ကူးယဉ်ကနေ သည်းထိတ်ရင်ဖိုဘက်ကို ရောက်လာပါတယ်။ Boston Science Fiction Film Festival မှာ အကောင်းဆုံးဒါရိုက်တာဆု၊ အကောင်းဆုံးရုပ်ရှင်အနုပညာဖန်တီးမှုဆုနဲ့ အကောင်းဆုံးအမျိုးသားသရုပ်ဆောင်ဆုတွေ ရရှိထားတဲ့ ဇာတ်ကားဖြစ်ပါတယ်။

One Day (2011) ~ IMDb rating - 7/10 ~ One Day ကို တော်တော်ရိုမန့်တစ်ဆန်တဲ့ရုပ်ရှင်လို့ ပြောရင် ယုံချင်မှလည်း ယုံကြမယ်။ ဘယ်နားက ရိုမန့်တစ်ဆန်နေတာလဲလို့ ထမေးချင်စရာလည်း ဖြစ်ကောင်းဖြစ်သွားမယ်။ One Day ကိုယ်တိုင်ကလည်း ရိုမန့်တစ်ကို မရမကဖော်ကျူးထားတဲ့ ရိုမန့်တစ်ကားမျိုးမဟုတ်ဘူး။ ဘဝနှစ်ခုရဲ့ အစ အနိမ့် အမြင့်အတက်အကျတွေကြားက လူ၂ယောက်ရဲ့ ဆက်ဆံရေးကိုပဲ ပိုအသားပေးပြသွားတယ်။ ဒါကြောင့်ပဲ One Day ဟာ ပိုရိုမန့်တစ်ဆန်သွားခဲ့တာပဲ။ ဘာလို့ဆို One Day ဟာ လက်တွေ့နဲ့အနီးစပ်ဆုံး ရိုမန့်တစ်ကားမို့ပါပဲ။ ပါရီမှာ လက်ထပ်ခွင့်တောင်းတဲ့ ရိုမန့်ခန်းမျိုး ခင်ဗျားဘဝမှာ ကြုံလာရဖို့ မရှိနိုင်ပေမဲ့ လွဲချော်မှုများစွာ ဝေးကွာခြင်းတွေနဲ့ အချစ်တွေကတော့ ကျိန်းသေပေါက်ရှိနေခဲ့မှာပဲ။ One Day ဟာ ထိုနည်း၎င်း အချစ်တွေအကြောင်းပေါ့။ သက္ကရာဇ် နှစ်လတွေမှာ မြင်နိုင်ဆဲအချစ်တွေဟာ အိပ်မက်တစ်ခုထဲ ချဉ်းနင်းဝင်သွားခဲ့တယ်။ အိပ်မက်တို့ရဲ့ အတ္ထုပ္ပတ္တိကို ကျွန်တော်ပြန်ကြည့်တဲ့အခါ တစ်ခုတည်းသောအဖြေဟာ မနိုးထချင်သူဟာ မမက်မိဖို့သာပဲ။ "အချစ်ဆိုတာ အကြောင်းတရားလား။ အကျိုးတရားလား။ အကြောင်းတရားဆိုရင် အကျိုးသက်ရောက်မှုရှိရမယ်။ အကျိုးတရားဆိုရင်လည်း အကြောင်းဘက်က အရင်းခံရှိရမယ်။ နှစ်ခုလုံးမရှိတဲ့ အချစ်ဟာ အဲဒီနှစ်ခုလုံး မဟုတ်တော့ဘူး..." ဒါကိုကောင်းကောင်းနားမလည်သေးရင်လည်း အဖြေမရှာမကြည့်ကြနဲ့ပေါ့။ ဇော်ဇော်အောင်ပြောခဲ့သလိုပဲ ရင့်ကျက်လာတဲ့တစ်နေ့တော့ ခင်ဗျားသိလာလိမ့်မှာပဲ။ အဲဒီအချိန်မှာ တစ်ဦးတစ်ယောက်ကို ကျေးဇူးတင်လာရခြင်းတွေကလည်း ချစ်ခြင်းများဖြစ်လာလိမ့်မယ်။ လူတစ်လုံးသူတစ်လုံးဖြစ်အောင် ကျွန်တော်တို့ဘဝကို ပုံသွင်းသွားခဲ့တဲ့ သိပ်ချစ်ရသော မနှစ်သက်နိုင်တော့သော ချစ်ခြင်းတွေဟာလည်း ကျေးဇူးတရားများ ဖြစ်လာလိမ့်မှာပဲ။ မှားယွင်းမှုများစွာ... ချစ်ခြင်းများစွာ... ကျေးဇူးများစွာ... အဲဒီအိပ်မက်ထဲမှာ စီးဝင်နေကြတယ်။ မရှိတော့ပြီဖြစ်သော အိပ်မက်များကို အရှိလုပ်တတ်လာခြင်းဟာလည်း ချစ်ခြင်းရဲ့ချစ်ခြင်းများပါပဲ။ မမြင်သာ မခင်သာသူတို့ကြားလည်း မထင်သာ မမြင်သာနိုင်လည်း တစ်နည်းတစ်လမ်းနဲ့တော့ ရှိနေလိမ့်ဦးမယ်။ မဟောင်းတော့ပြီဖြစ်သော ဒဏ္ဍာရီလာ ခွဲခွာခြင်းများစွာမှာ... ဘယ်တော့မှ မနာကျင်နိုင်ခဲ့တဲ့ ဒဏ်ရာတွေကို ချစ်တတ်လာအောင်လည်း အချစ်တို့ကပဲ သင်ပေးသွားလိမ့်မယ်။ ဒီလိုနဲ့ပဲ... "ငါနဲ့ ငါ့အနာဟောင်းကလည်း ဘဝတစ်ခုဖြစ်ခဲ့တယ်..." Goodbye   ကမ္ဘာရဲ့အတွင်းထဲ နစ်ဝင်သွားသလို   သိပ်ရင်းနီးဖူးသော ဘဝကို   နှစ်ဦးသားရဲ့တစ်ရံတခါဆီမှာ   အမှားတွေဟာလည်း လွမ်းစရာရယ်လို့   ဒီလိုတိုင်းသာဆို...   ငါဟာ မင်းအမှားဖြစ်နေခဲ့တာ   ရှေးလွန်လေခဲ့ပြီးသော ဘဝများစွာ။ Ref - " " - ကတ္တီပါလွမ်းချင်းမှ           " " - မေမြို့မိုးမှ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.95GB, 630MB Quality - 1080p, 720p IMDb Rating - 7/10 Format - mp4 Duration - 1H 47Min Genre - Drama, Romance Subtitle - Myanmar Subtitle (Hardsub) Translated by WiRa Aung Encoded by Y