Hwang In-jun ပါဝင်သော ဇာတ်ကားများ

အရိုတစ်လိုင်းကြိုက်သူတို့အတွက် အခုတစ်ခေါက် CM ကနေ တင်ဆက်ပေးလိုက်တာကတော့ မိုးလေဝသဌာနက အထက်အရာရှိမမနဲ့ ရာသီဥတုကိုခန့်မှန်းရာမှာကျွမ်းကျင်တဲ့မောင်လေးတို့ရဲ့ ဇာတ်လမ်းလေးပဲဖြစ်ပါတယ်။ ဂျင်ဟာဂယောင်းဟာ အရမ်းကိုသံသယကြီးလွန်းတဲ့ မိုးလေဝသဌာနကအရာရှိတစ်ယောက်ပါ။ သူ့မှာ ၁၀နှစ်တာလက်တွဲခဲ့တဲ့ ဂီဂျွန်းဆိုတဲ့ ရုပ်ချော ငွေပေါပြီး အလုပ်အကိုင်လည်းကောင်းတဲ့ ကောင်လေးရှိပါတယ်။ ရှီဝူကတော့ ဘဝကိုပျော်ပျော်နေတတ်တဲ့ မိုးလေဝသခန့်မှန်းရာမှာတော်တဲ့ ကောင်လေးဖြစ်ပြီး သတင်းထောက်ကောင်မလေးတစ်ယောက်ကို ချစ်နေသူပါ။ ဒါပေမဲ့ ကံကြမ္မာက ဆိုင်သူရှိပြီးသားသူတို့နှစ်ဦးကို မိုးလေဝသခန့်မှန်းရေးသတင်းဌာနမှာ ရေစက်ဆုံဖို့ ဖန်လိုက်တဲ့အခါ... မိုးလေဝသဆိုတာ ခန့်မှန်းရခက်ပေမယ့် အချက်ပြတဲ့ signal လေးတွေရှိတတ်ပါတယ်။ ဒါဆို တရားသေသတ်မှတ်ထားလို့မရတဲ့ ဘဝကြီးထဲမှာ ပေါက်ဖွားလာမယ့် အချစ်ကရော signal ပြမှာလား ? ရုတ်တရက်ကြီး ဝင်ရောက်လာမှာလား ? သိချင်ကြတယ်ဆိုရင်တော့ မမနဲ့မောင်လေးတို့နဲ့အတူ မိုးလေဝသခန့်မှန်းရင်း အပတ်စဥ် စနေတနင်္ဂနွေတိုင်း CM မှာ ကြည့်ရှုလိုက်ရအောင်နော်။ Quality : NF WEB-DL 720p Format : mp4 Genres : Drama Total Episodes : 16 Subtitle : Myanmar Subtitle ( Hardsub ) Translated by CM Team Encoded by LK

The Dude in Me (2019) ဒီတစ်ခါမှာတော့ ၂၀၁၉ ခုနှစ်မှာ ထွက်ရှိခဲ့ပြီး ဝက်ဝက်ကွဲ ရယ်ရတဲ့ "The Dude in Me" ဆိုတဲ့ Action, Comedy ဇာတ်ကားလေးနဲ့ မိတ်ဆက်ပေးပါမယ်။ ပရိသတ်တို့နဲ့ ရင်းနှီးပြီးသား သရုပ်ဆောင်တွေဖြစ်တဲ့ မင်းသားကြီး Park Sung-Woong, B1A4 က အချောလေး Jin Young, မင်းသမီးကြီး Ra Mi-Ran နဲ့ Lee Soo-Min တို့ အဓိက ပါဝင်ထားပြီး တခြားသရုပ်ဆောင်များလည်း မြိုင်မြိုင်ဆိုင်ဆိုင် အားဖြည့်ထားပါတယ်။ ဇာတ်လမ်းလေးကတော့ .. ဂျန်ဖန်းဆူ (Park Sung-Woong) ဆိုတာက နာမည်ကြားရုံနဲ့ လူမိုက်လောကမှာ ဒူးတုန်ရတဲ့အထိ အောင်မြင်တဲ့ စီးပွားရေးလုပ်ငန်းရှင် တစ်ဦးဖြစ်ပါတယ်။ တစ်နေ့မှာတော့ မတော်တဆမှုတစ်ခုဖြစ်ခဲ့ပြီး .. ကျောင်းမှာ အမြဲအနိုင်ကျင့်ခံနေရတဲ့ ဒုံဟျွန်း (Jin Young) ဆိုတဲ့ အဝလွန်ကျောင်းသားလေးနဲ့ ဝိညာဥ်ချင်း လဲသွားပါတော့တယ် ။ ဒီလိုနဲ့ လူမိုက်ဂိုဏ်းစတားကြီးရဲ့ ဝိညာဉ်က စိတ်နုနယ်တဲ့ ကျောင်းသားလေးရဲ့ ကိုယ်ထဲကို ရောက်သွားတဲ့အခါမှာတော့ .. အဝလွန်နေတဲ့ ကိုယ်အလေးချိန်ကို လျှော့ချပြီးတဲ့နောက် ကျောင်းမှာ အနိုင်ကျင့်သူတွေကို ပညာပြန်ပေးပုံတွေကို ကြည့်ရတာလည်း အားရကျေနပ်ဖို့ကောင်းပြီး တစ်ဖက်မှာလည်း ဒုံဟျွန်းရဲ့ အတန်းဖော်ဖြစ်တဲ့ ကျောင်းသူလေး ဟျွန်းဂျောင်းရဲ့ အမေဟာ ဂိုဏ်းစတားကြီးရဲ့ ရည်းစားဟောင်းဖြစ်နေတဲ့အပြင် အဲဒီကျောင်းသူလေးကပါ သူ့သမီးအရင်းဖြစ်နေတဲ့အခါမှာတော့ .. ဒီကားလေးက အစကနေ အဆုံးထိ ပျင်းစရာတစ်ချက်လေးမှ မရှိအောင် ဟာသတွေ၊ အက်ရှင်တွေနဲ့ ရသစုံစုံပါဝင်တဲ့ကားကောင်းလေး ဖြစ်ပါတယ်။ မိသားစုချစ်ခြင်းတရားနဲ့ မေတ္တာရဲ့ နက်ရှိုင်းတဲ့အဓိပ္ပါယ်တွေဟာ ငွေထက် ပိုတန်ဖိုးရှိကြောင်းကို ပုံဖော်ပြသထားတာမို့လို့ ကြည့်လို့ တန်တဲ့ကားဖြစ်ကြောင်း ညွှန်းဆိုလိုက်ပါရစေ။ File size…1.85GB / 883MB Quality… WEB-DL 1080p/ 720p Format…mp4 Duration….2 hr. 2 min. Genre ….. Action, Comedy, Supernatural, Drama Subtitle….Myanmar Subtitle (Hard Sub)

Ode to My Father (2014) (ဖခင်ထံသို့ တမ်းချင်း) ၁၉၅၀ ခုနှစ်ကို ဇာတ်ကြောင်းယူထားတဲ့ ဒီဇာတ်ကားလေးဟာ ကိုရီးယား Box Office ရဲ့ အနှစ်သာရရှိတဲ့ Drama လေးဖြစ်ပြီး ဆုပေါင်း ၂၃ ဆု သိမ်းပိုက်နိုင်ခဲ့ပါတယ်။ IMDb Rating ကလည်း 7.8 ဖြစ်ပြီးတော့  rottentomatoes က 71% နဲ့ WorldWide Box Office ဝင်ငွေ 105 Milions ရှိထားတဲ့ ဇာတ်ကားလေးဖြစ်ပါတယ်။ Ode To My Father (ဖခင်ထံသို့ တမ်းချင်း) ဆိုတဲ့ ခေါင်းစဉ်လေးအတိုင်း အသက်ငယ်ငယ်ရွယ်ရွယ်နဲ့ အိမ်ထောင်ဦးစီးနေရာကို ခါးစည်းခံ တာဝန်ယူခဲ့ရတဲ့ လူငယ်လေးတစ်ယောက်အကြောင်းကို အကောင်းဆုံး အလှပဆုံးပုံဖော်ထားတဲ့ ရိုက်ကူးထားတာဖြစ်ပြီး မင်းသားကြီး Hwang Jung Min က အဓိက ပါဝင်ထားပါတယ်။ ဇာတ်လမ်းအကျဥ်းကတော့ .. ၁၉၅၀ ခုနှစ် ကိုးရီးယားစစ်ပွဲကာလအတွင်း ဒေါ့ဆူတို့မိသားစုဟာ အသက်ဘေးကင်းရာကို ထွက်ပြေးကြရင်း ဒေါ့ဆူဖခင်နဲ့ လူချင်းကွဲကွာသွားခဲ့ပါတယ်။ ဖခင်ဖြစ်သူက ဒေါ့ဆူကို ကွဲကွာခါနီးမှာ အဖေ မရှိရင် အိမ်ထောင်ဦးစီးနေရာယူပြီး မိသားစုကို စောင့်ရှောက်ဖို့ အတန်တန်မှာကြားခဲ့ပါတယ် ။ အသက် ၁၀ နှစ်တောင် မပြည့်သေးတဲ့ ဒေါ့ဆူခမျာ အဲဒီအချိန်ကစပြီး သူ့အမေနဲ့ ညီ၊ ညီမတို့ရဲ့ဘဝ သာယာဖြောင့်ဖြူးကောင်းမွန်စေဖို့ သူ့ဘဝကို ပဓနမထားဘဲ စိတ်ရောလူပါ အပင်ပန်းခံကာ ရုန်းကန်ခဲ့ပါတယ် ။ အသက်ဘေးနဲ့အခါခါ ကြုံခဲ့ရရင်တောင် ဒေါ့ဆူက ဖခင်ရဲ့နောက်ဆုံးစကားတစ်ခွန်းနဲ့ ပြန်လည်ရုန်းထခဲ့သူပါ။ ၁၉၅၀ နှောင်းပိုင်း ကိုးရီးယားစစ်ပွဲအခြေအနေ ၊ စစ်ပွဲပြီး မိသားစုဘဝများနဲ့ စစ်ပွဲမှာ နစ်နာသူတွေကို နိုင်ငံအနေနဲ့ ကူညီထောက်ပံ့ပုံတွေနဲ့အတူ မိသားစုအရေး ရှေ့ထားပြီး ပေးဆပ်ခဲ့တဲ့ လူငယ်လေးတစ်ယောက်ရဲ့ဘဝခရီးကို အလှပဆုံးပုံဖော်ထားတဲ့အတွက် ကြည့်ရှူသူပရိသတ်အနေနဲ့ ရသပေါင်းစုံအပြင် အတွေးအမြင်ပါ ရရှိနိုင်မယ့် ကြည့်ရတန်တဲ့ ဇာတ်ကားလေးပဲဖြစ်ပါတယ် ။ File size…1.8GB / 884MB Quality… BluRay 1080p/ 720p Format…mp4 Duration….2 hr. 6 min. Genre ….. Drama, War Subtitle….Myanmar Subtitle (Hard Sub)

Breath (2007) တောင်ကိုရီးယား Art Houseဒါရိုက်တာတွေထဲက တစ်ယောက်ဖြစ်တဲ့ Kim Ki Dukကို ဒီကလူ တော်တော်များများသိကြသလို သူ့ရုပ်ရှင်တွေဖြစ်တဲ့ 3-Iron, Spring Summer Fall winterနဲ့ တခြားရုပ်ရှင်တွေလည်း ဒီမှာ တော်တော်ကြိုက်ကြပါတယ်။ Breathဟာ Kimရဲ့ ကားကောင်းတွေထဲက တစ်ကားပါပဲ။ Castတွေထဲ ထူးထူးခြားခြား ဝေါင်ကာဝေးလက်စွဲတော်တစ်ယောက်ဖြစ်တဲ့ ချန်းချန်ကို သုံးထားပါတယ်။ နောက် တောင်ကိုရီးယား A Listတန်း၀င် မင်းသား Ha Jung-Wooနဲ့ Park Ji-Ahတို့ကို သုံးထားပါတယ်။ Breathဟာ Kim Ki Dukကားပါ။ ဒီတော့ သူရိုက်တတ်တဲ့ပုံစံအတိုင်း ဒီထဲမှာ ချန်းချန်ရဲ့ ဇာတ်ကောင် Jiang Jinဟာ ဒီထဲစကားတစ်လုံးမှ မပြောပါဘူး။ လူ့အဇ္ဈတ္တအတွင်းသဏ္ဍာန်ကို သာမန်လူတွေ မတွေးမိတဲ့ဟန်နဲ့ပဲ ပုံဖော်ထားပါတယ်။ သူ့ကားပီပီသသ နည်းနည်းလည်း ပဟေဠိဆန်ပါတယ်။ သူ့ကားပီပီသသ လိင်ဆန္ဒသရုပ်ဖော်ခန်းတွေလည်း ပါတယ်။ ဖရန်စစ် ဖို့ဒ် ကော်ပိုလာဟာ သူ့ရုပ်ရှင်တွေကို စကားလုံးတစ်လုံးတည်းနဲ့ ခြုံငုံပြောပြဖူးပါတယ်။ မှတ်မိသလောက်ဆို Godfatherဆို Familyလို့ ပြောခဲ့တယ်ထင်ပါတယ်။ ဒီရုပ်ရှင်ကို စကားလုံးတစ်လုံးနဲ့ ကြံဖန်ပြောရရင် ကျွန်တော်တော့ curiosityလို့ပဲ ပြောမှာပါ။ Kim Ki Dukကားကြိုက်တဲ့လူတွေအတွက်တော့ စိတ်ပျက်စေမယ့်ကား လုံး၀မဟုတ်ပါဘူး။ ကိန်းရဲ့ အမြင့်ဆုံးဆုဖြစ်တဲ့ Palme d'Or ဆန်ခါတင် ၀င်ခဲ့တဲ့ရုပ်ရှင်လည်း ဟုတ်ပါတယ်။ 2020မှာ Kim ဆုံးသွားခဲ့ပြီဆိုတော့ သူ့ရုပ်ရှင်အသစ်တွေကို ကျွန်တော်တို့ ကြည့်ရတော့မှာ မဟုတ်တော့ပါဘူး။ ကဗျာဆရာသေပေမဲ့ ကဗျာတွေမသေဘူးဆိုသလိုပဲ ဒီရုပ်ရှင်ဟာ သူ့အရသာအပြည့်နဲ့ သူ့ကိုသတိရမိစေမယ့် ရုပ်ရှင်ပေါ့။ အညွှန်း နဲ့ ဘာသာပြန်ကတော့ WiRa Aung ပဲ ဖြစ်ပါတယ်။ Genre.....Drama Quality…. 480p File size… 605MB Format…mp4 Duration…. 1h 24min Subtitle….Myanmar Subtitle (Hardsub) Translator ..... WiRa Aung Encoder ..... August