Isabel May ပါဝင်သော ဇာတ်ကားများ

Love Language (2026) IMDb Rating (6.8) / Rotten Tomatoes (79%) လူဝီဆာဟာ လက်ထပ်ခါနီးမှာပဲ ချစ်သူကောင်လေးက မင်္ဂလာပွဲကို ဖျက်သိမ်းသွားတာကို ခံလိုက်ရတဲ့ ကောင်မလေးတစ်ယောက်ဖြစ်ပါတယ်။ တစ်နေ့တော့ သူပူပူနွေးနွေးအသည်းကွဲထားတာကိုမှ မထောက် သူငယ်ချင်းဖြစ်သူက သူ့ရဲ့မင်္ဂလာကတိစကားကို စာအရေးအသားကောင်းတဲ့ လူ့ကို ရေးပေးဖို့ အကူအညီတောင်းလာခဲ့ပါတယ်။ ဒီလိုနဲ့ လူ့ရဲ့ မင်္ဂလာကတိစကားအရေးအသားကောင်းပုံက တစ်ဆင့်စကားတစ်ဆင့်နားနဲ့ သတင်းတွေပြန့်ပြီး လူတွေက သူ့ကို သူတို့ရဲ့ မင်္ဂလာပွဲအတွက် ကတိစကားတွေ ရေးပေးဖို့ အလုပ်အပ်တဲ့အခြေအနေထိ ဖြစ်လာခဲ့ပါတယ်။ တစ်ရက်မှာတော့ လူဝီဆာ မင်္ဂလာကတိစကားရေးပေးရမဲ့ ကလိုင်းရန့်ရဲ့ သတို့သားက သူတစ်ခါက ကြိတ်ကြိုက်ခဲ့ဖူးတဲ့ တက္ကသိုလ်တုန်းက ကောင်လေး ဖြစ်နေတာနဲ့ ကြုံလာရပါတော့တယ်။ ဒီတော့ လူဝီဆာတစ်ယောက် ဘာတွေဆက်ဖြစ်မလဲ၊ ခါတိုင်းလိုပဲ အခြေအနေတွေက ချောချောမွေ့မွေ့ပြီးဆုံးသွားမလားဆိုတာ ဆက်ပြီး ကြည့်ရှုလိုက်ကြပါဦး။ File size… (1.2 GB) / (840 MB) Quality…. WEB-Rip 1080p HEVC / 720p Format…. mkv/mp4 Genre…. Comedy,Romance Duration…. 01:44:54 Subtitle…. Myanmar Subtitle (Hardsub)

Scream 7 (2026) ဒီကားကတော့ Scream ပရိသတ်တွေ အရမ်းကို စောင့်မျှော်နေကြတဲ့ ကားပါပဲ။ အရင် Scream 5 နဲ့ 6 တုန်းက မပါဖြစ်ခဲ့တဲ့ မင်းသမီး Neve Campbell က Sidney ဇာတ်ကောင်အနေနဲ့ ဒီ Scream 7 မှာ ပြန်ပါလာပါပြီ။ Jenna Ortega တို့ ညီအစ်မ ဇာတ်လမ်းကို ဆက်မသွားတော့ဘဲ မူလဇာတ်အိမ်ဖြစ်တဲ့ Sidney ရဲ့ ဘဝကိုပဲ ပြန်ပြီး အာရုံစိုက်ထားပါတယ်။ ထူးခြားတာတစ်ခုက ဒါရိုက်တာက မူလ Scream ဇာတ်လမ်းတွေကို ရေးသားခဲ့တဲ့ Kevin Williamson ကိုယ်တိုင် ပြန်လည်ရိုက်ကူးထားတာပါပဲ။ ဇာတ်လမ်းအကျဉ်း Sidney တစ်ယောက် Pine Grove မြို့လေးမှာ ရဲအရာရှိ ခင်ပွန်း Mark နဲ့ အတူ အေးအေးချမ်းချမ်း နေထိုင်နေတာပေါ့။ သူတို့မှာ Tatum ဆိုတဲ့ ဆယ်ကျော်သက် သမီးလေးတစ်ယောက်ရှိတယ်။ ဒီနာမည်က Sidney ရဲ့ ဆုံးပါးသွားတဲ့ သူငယ်ချင်းကို အမှတ်တရအနေနဲ့ ပေးထားတာပါ။ ဒါပေမဲ့ Sidney ရဲ့ အေးချမ်းတဲ့ ဘဝလေးက သိပ်မခံပါဘူး။ မျက်နှာဖုံးစွပ် လူသတ်သမား (Ghostface) အသစ်တစ်ယောက် ထပ်ပေါ်လာပြီး ဒီတစ်ခါတော့ Sidney ရဲ့သမီးလေး Tatum ကိုပါ ပစ်မှတ်ထားလာတော့တာပါပဲ။ ဒီလူသတ်သမားက တကယ်ရော ဘယ်သူဖြစ်မလဲ။ သေပြီလို့ ထင်ခဲ့ရတဲ့ Stu Macher များ ပြန်အသက်ရှင်နေတာလား ဆိုတာ စိတ်ဝင်စားစရာပါ။ Sidney တစ်ယောက် သူ့မိသားစုကို ကာကွယ်ဖို့အတွက် အတိတ်က အဖြစ်အပျက်ဆိုးတွေကို ပြန်ရင်ဆိုင်ရမယ့် အပိုင်းတွေကို ရင်တမမနဲ့ ကြည့်ရမှာပါ။ Neve Campbell, သတင်းထောက် Gale အဖြစ် Courteney Cox, ခင်ပွန်း Mark အဖြစ် Joel McHale, သမီးလေး Tatum အဖြစ် Isabel May တို့ အဓိက ပါဝင်ထားကြတယ်။ ပြီးတော့ အရင်ကားက အသက်ရှင်ကျန်ရစ်သူ အမွှာမောင်နှမ Mindy နဲ့ Chad တို့အပြင် Stu အဖြစ် Matthew Lillard ပါ ပြန်ပါလာတယ်ဆိုတော့ အရင် Scream ပရိသတ်တွေ အကြိုက်တွေ့မယ့် ကားလေးပါ။ ဒီကားက အရင်ကားတွေလိုပဲ သွေးထွက်သံယို အခန်းတွေ၊ လန့်စရာတွေ အပြည့်ပါပဲ။ Sidney ရဲ့ မိခင်မေတ္တာနဲ့ မိသားစုကို ကာကွယ်ချင်တဲ့ စိတ်ကို သေချာလေး ရိုက်ပြထားတယ်။ ရုပ်ရှင်ထဲက မျက်နှာဖုံးစွပ်ကလည်း တကယ့်ကို ရက်စက်တဲ့ လူသတ်သမားမို့လို့ သွေးထွက်သံယိုကားတွေ သဘောကျတဲ့သူတွေ၊ Scream series ကို အစကတည်းက အားပေးလာတဲ့ ပရိသတ်တွေဆိုရင်တော့ သဘောကျမယ့် ဇာတ်လမ်းလေး ဖြစ်မှာ အသေအချာပါပဲ။ File size… (6.4 GB) / (1.6 GB) / (860 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Crime, Horror, Mystery Duration…. 01:50:00 Subtitle…. Myanmar Subtitle (Hardsub)

Masters of the Air (2024) [သွေးချောင်းစီးတဲ့-၁၁၀] Ongoing ~ IMDb - 8.8/10, Rotten Tomatoes - 85% ~ ဒုတိယကမ္ဘာစစ်ရဲ့ နာမည်ကျော် အမေရိကန်လေတပ် အမှတ်-၈ (နာမည်ပြောင် Mighty Eighth) ရဲ့ ဖြစ်ရပ်မှန်စစ်ဆင်ရေးတွေကို အခြေခံပြီးရိုက်ကူးထားတဲ့ စီးရီးအသစ်ထွက်လာပါပြီ။ ဒီဇာတ်လမ်းရဲ့အဓိကတပ်ဖွဲ့ကတော့ အမှတ်-၈ လေတပ်လက်အောက်ခံ အမှတ်-၁၁၀ ဗုံးကျဲလေယာဉ်အုပ်နဲ့ နာမည်ကျော် ဘီ-၁၇ မိုးပျံခံတပ်အကြောင်းပဲ ဖြစ်ပါတယ်။ ဒီဗုံးကျဲလေယာဉ်အုပ်ဟာ အကျအဆုံးများလွန်းလို့ သွေးချောင်းစီး-၁၁၀ လို့ နာမည်ပြောင်ပေးထားရတဲ့အထိ ရှေ့တန်းမှာ တိုက်ခဲ့ရတာပါ။ ဒီစီးရီးဟာ Band of Brothers နဲ့ The Pacific စီးရီးတို့နဲ့ ဖြစ်ရပ်ဆက်စပ်တာမို့ စီးရီး ၃ ပေါင်းပြီးကြည့်လို့ရတဲ့သဘောပါပဲ။ တကယ့်စစ်ကားကြီးတွေလို အထူးပြုလုပ်ချက်တွေနဲ့ ရိုက်ကူးထားတာမို့ အတော်ကြည့်ကောင်းပါတယ်။ Band of Brothers ရဲ့ ဇာတ်ညွှန်းဆရာတစ်ယောက်ဖြစ်တဲ့ John Orloff က တာဝန်ယူရိုက်ကူးထားတာဖြစ်ပြီး Elvis ရုပ်ရှင်ရဲ့မင်းသား Austin Butler ခေါင်းဆောင်ပါဝင်ထားပါတယ်။ ဒုတိယကမ္ဘာစစ် ဥရောပ စစ်မြေပြင်မှာ အမေရိကန် အမှတ်-၈ လေတပ်ပါဝင်တိုက်ခိုက်ခဲ့ပြီးအင်အား ၂ သိန်းအထိ ပါဝင်တာကြောင့် မိုက်တီး-၈ ဆိုပြီး နာမည်ပြောင်ပေးခံခဲ့ရပါတယ်။ စစ်ဆင်ရေးနဲ့အောင်မြင်မှုတွေအရမ်းများခဲ့သလို အကျအဆုံးကလည်း ဒုတိယကမ္ဘာစစ် အမေရိကန်တစ်နိုင်ငံလုံးရဲ့ လေတပ်ကျဆုံးဒဏ်ရာရသူ ၁၁၅၃၃၂ ယောက်ထဲမှာ အမှတ်-၈ တစ်ခုတည်းကနေ ၂၆၀၀၀ ကျော် ကျဆုံးပြီး ၂၀၀၀၀ ကျော် ထိခိုက်ခဲ့ပါတယ်။ သူရသတ္တိဆိုင်ရာ ဆုတံဆိပ်ပေါင်း ၄ သိန်းကျော်ရခဲ့သလို၊ ဗုံးပေါင်း တန် ၇ သိန်းလောက်ကျဲခဲ့ပြီး၊ လေယာဉ် ၅၀၀၀ ကျော် ပျက်စီးခဲ့တာပါ။ ဒုတိယကမ္ဘာစစ် စစ်ရှိန်အမြင့်ဆုံးကာလရဲ့ တိုက်ပွဲတွေကို အခြေခံရိုက်ကူးထားတာမို့ စစ်ကားကြိုက်သူတွေအတွက်တော့ ရေငတ်တုန်း ရေတွင်းထဲကျသလိုဖြစ်မှာပါပဲ။ ကြည့်လိုက်ကြပါ။ (ဒီစီးရီးအတွက် အညွှန်းရေးသား ဘာသာပြန်ပေးသူကတော့ Mr. Anderson ပဲဖြစ်ပါတယ်) Size ~ 2GB+, 800MB+, 400MB+ Total - 9 Episodes Quality – 4K HEVC, 1080p, 720p Duration ~ 55min (@Episode) Subtitle – Myanmar Hardsub Format – Mp4 Genre : Action, Drama, Thriller Source : ATVP.Web-dl.1080p Translator – Mr. Anderson Encoder – Y

Season 01/02 (complete) IMDb Rating (8.3) / Rotten Tomatoes (90%) အမေရိကန်နိုင်ငံအနောက်ပိုင်းဒေသတွေကို နောက်ခံဇာတ်အိမ်တည်ထားတဲ့ ကောင်းဘွိုင်းဇာတ်လမ်း 1883 ရဲ့အဆက်ဖြစ်တဲ့ 1923 ဇာတ်လမ်းတွဲဟာ နှစ်တွဲခွဲပြီးထုတ်လွှင့်သွားမှာဖြစ်ပြီး တစ်တွဲကို အပိုင်းရှစ်ပိုင်းထုတ်လွှင့်သွားမှာ ဖြစ်ပါတယ်။ ဒီစီးရီးတွေရဲ့ ပင်မဇာတ်လမ်း Yellowstone ကိုလည်း ချန်နယ်မြန်မာမှ တင်ဆင်ထားပါပြီ။ ဒီဇာတ်လမ်းတွဲမှာတော့ မင်းသားကြီးဟယ်ရီဆင်ဖို့ဒ်က မြို့ခံကော်မရှင်နာအရာရှိတစ်ဖြစ်လဲ၊ ကျွဲ၊နွားမွေးမြူရေးသမား ကောင်းဘွိုင်း အိမ်ထောင်ဦးစီးတစ်ယောက်အနေနဲ့ခေါင်းဆောင်ပါဝင်ထားပါတယ်။ သားသမီးမထွန်းကားလို့ တူရဲ့သားဖြစ်သူ ဂျက်ခ်၊ သစ္စာရှိအလုပ်သမားခေါင်း ဇိန်းတို့နဲ့ အတူနေထိုင်ပြီး ဘဝကိုဖြတ်သန်းနေပါတယ်။ ဂျက်ခ်ဟာ ဂျေကော့ဘ်ဒပ်တန်၊ ကာရာဒပ်တန်လင်မယားနဲ့အတူ မွေးမြူရေးခြံမှာနေပေမယ့် အခြားတူတစ်ဦးဖြစ်သူ စပန်ဆာဒပ်တန်ကတော့ ပထမကမ္ဘာစစ်မှာဝင်ရောက်တိုက်ခိုက်ခဲ့ပြီး စစ်ပွဲမှာရခဲ့တဲ့စိတ်ဒဏ်ရာတွေနဲ့အတူ စစ်အပြီးမှာ တောလိုက်မုဆိုးအဖြစ်အာဖရိကမှာ အသက်မွေးနေသူပါ။ ပထမကမ္ဘာစစ်၊ ဥပဒေပိတ်ပင်မှုတွေနဲ့ မိုးခေါင်ရေရှားမှုတွေကြောင့် ကျွဲ၊နွားခြံရှင်တွေ စားကျက်ရှားပါးလာပြီး အခက်အခဲတွေဖြစ်လာကြတဲ့အခါတောင်ထူထပ်တဲ့ အမြင့်ပိုင်းနေရာတွေကို တိရစ္ဆာန်အုပ်တွေမောင်းသွားပြီး စားကျက်ရှာဖို့ဖြစ်လာပါတော့တယ်။ ပထမကမ္ဘာစစ်အပြီး အမေရိကန်ပြည်သူတွေကြုံကြရတဲ့ စီးပွားပျက်ကပ်၊ အနောက်ဘက်ဒေသရွှေ့ပြောင်းမှု၊ အရက်သေစာရောင်းဝယ်‌ရေးတားမြစ်မှု စတဲ့အခက်အခဲတွေကြားမှာ ဒပ်တန်မိသားစုဖြတ်သန်းကြရပုံကို ဗဟိုပြုရိုက်ကူးထားပါတယ်။ အမေရိကန်နိုင်ငံ အနောက်ဘက်ဒေသ‌ တွေရဲ့ ရှုခင်းအလှအပတွေနဲ့ ကောင်းဘွိုင်းဇာတ်အိမ်မျိုးကိုသဘောကျသူများအဖို့ လက်မလွှတ်သင့်တဲ့ ဇာတ်လမ်းတွဲဖြစ်ပါတယ်။ File size… (1 GB) / (600 MB) Quality….WEB-DL 1080p HEVC / 720p Format…. mkv/mp4 Genre….Drama, Western Duration….01:00:00 Subtitle….Myanmar Subtitle (Hardsub) Encoder….Mr. Anderson, Benjamin Translated by Ninja, Vader

The Moon and Back ကောင်းတဲ့အမှတ်တရတွေနဲ့ ပျော်ရွှင်စရာဇာတ်သိမ်းတွေမှာပဲ ပိတ်လှောင်မိနေတဲ့ ဆယ်ကျော်သက်မလေးရဲ့ ဖခင်ဆုံးပြီးဘဝအကြောင်းကိုရိုက်ထားတာဖြစ်ပြီး The moon and backဆိုတဲ့ဇာတ်ကားရဲ့ နာမည်အတိုင်းပဲ ချစ်ခြင်းမေတ္တာရဲ့ တန်းခိုးစွမ်းအင်ကြီးမားပုံကို ဒီဇာတ်ကားမှာ မတူညီတဲ့ ရှုထောင့်မျိုးစုံကနေခံစားလို့ရမှာဖြစ်ပါတယ်။ ဖခင်ရဲ့ကွန်ပြူတာရှင်းရင်းမှ တွေ့လိုက်ရတဲ့ဇာတ်လမ်းကလစ်ဒ်ဒီယာ့ကိုဘယ်လိုပြောင်းလဲပေးမှာလဲ၊ ချစ်ရတဲ့လူကိုဖခင်အနေနဲ့ ဆုံးရှုံးလိုက်ရတဲ့ သမီးလစ်ဒ်ဒီယာနဲ့ ချစ်သူကိုဆုံးရှုံးလိုက်ရတဲ့မိခင်ကြားက သဘောထားကွဲလွဲမှုလေးတွေကရော ဘာတွေလဲ။ ပျော်လိုက်၊ငိုလိုက်၊ရယ်လိုက်နဲ့ တစ်ခုခုအဆင်မပြေရင်ဘဝမမည်တဲ့ လောကကိုသူတို့သားအမိတွေဘယ်လိုခွန်းအားတွေနဲ့ ရှေ့ဆက်လည်းဆိုတာကို လွမ်းဖွယ်ကြည်နူးဖွယ်တွေ့မြင်ရမယ့် ဇာတ်ကားကောင်းလေးတစ်ပုဒ်ဖြစ်တာကြောင့် channel myanmar ပရိသတ်ကြီးအတွက်တင်ဆက်ပေးလိုက်ပါတယ်။

ပီတာနဲ့ အမ်မာတို့ဟာ တတိုက်ထဲမှာအလုပ်တူတူလုပ်ပေမယ့် အချင်းချင်းမသိကြပါဘူး။တစ်ရက်မှာ မတော်တဆတွေ့မိရာကနေ သူတို့နှစ်ယောက်လုံး နှစ်ရှည်ကြာတွဲခဲ့တဲ့ရည်းစားတွေက မကြာသေးခင်ကပဲ ထားပစ်ခြင်းခံကြရမှန်းသိသွားကြပါတယ်။ဒီလိုနဲ့ပဲ သူတို့ရဲအရင်ရည်းစားတွေကိုပြန်ရနိုင်အောင် အချင်းချင်းကူညီပေးဖို့သဘောတူလိုက်ကြပါတယ်။သူတို့အကြံအစည်အတိုင်းလုပ်ကြရာမှာ ဟာသတွေ၊တလွဲတွေဖြစ်လာသလို နာကျင်ရမှုတွေ၊အချင်းချင်းလည်းနီးစပ်လာမှုတွေလည်း ဖြစ်လာပါတော့တယ်။ အမ်မာနဲ့ပီတာတို့နှစ်ယောက်သူတို့ဘ၀ရဲ့အချစ်စစ်ကိုရှာတွေ့နိုင်မှာလား။ဒီကားက Romantic Comedy လေးဖြစ်ပြီး Romance အပိုင်းရော Comedyအပိုင်းကိုပါ ပိုင်နိုင်‌အောင်ရိုက်ပြထားပါတယ်။ဒါရိုက်တာ Jason Orley ကရိုက်ကူးထားပြီး Jenny Slate,Charlie Day,Scot Eastwood,Gina Rodriguezတို့ပါ၀င်ထားပါတယ်။Rotten tomatoမှာ 89%,Imdb 6.7/10 ရထားပါတယ်။ File size…(1.96 GB)/(820.33 MB)/(482.88 MB) Quality….Webrip 1080p / 720p / 480p Format…mp4 Duration….01:56:00 Genre...Comedy, Romance Subtitle….Myanmar Subtitle (Hardsub) Encoder….Mr. Anderson Translated by SP

ဒီဇာတ်လမ်းတွဲကတော့ နာမည်ကျော် စီးရီး Yellowstone ထဲက မိသားစုရဲ့မူလပထမ စွန့်စားခန်းခရီးစဉ်ကို ရိုက်ကူးထားတာဖြစ်ပါတယ်။ Rating အမြင့်စား ကောင်းဘွိုင်စီးရီးရှားပါးနေတဲ့အချိန်မှာ ပီပီပြင်ပြင်ကို ရိုက်ကူးထားတာပါပဲ။ ၁၈၈၃ခုနှစ် အမေရိကန်ပြည်မှာ ရေမြေပတ်ဝန်းကျင် ပိုကောင်းရာအရပ်တွေဆီ ပြောင်းရွှေ့နေထိုင်ကြပုံတွေကို ရိုက်ကူးပြသထားတာပါ။ ဇာတ်လမ်းအကျဉ်းကတော့ လယ်သမားတစ်ဦးဖြစ်တဲ့ ဂျိမ်းစ်ဒက်တန်ဟာ ခိုးဆိုးဓားပြတွေပေါတဲ့ တက္ကဆက်အရိုင်းမြေကို စွန့်ခွာပြီး သူ့မိသားစုနဲ့အတူ အနောက်အရပ်ဆီ ခရီးထွက်ဖို့ပြင်ခဲ့ပါတယ်။ ဒီလိုပြင်ဆင်တုန်းမှာ လှည်းခရီးသွားတစ်ဖွဲ့ကို အနောက်အော်ရီဂွန်အရပ်ဆီ ဦးဆောင်သွားမယ့် ရှီအေးဘရန်နန်ဆိုတဲ့ လူတစ်ယောက်နဲ့ ဆုံမိခဲ့ပါတယ်။ ရှီအေးဘရန်နန်ဆိုတာကတော့ ကူးစက်ရေကျောက်ရောဂါဖြစ်ပြီး သေဆုံးသွားတဲ့ မိသားစုကို အိမ်မှာမီးရှို့ပြီးထားခဲ့ရတဲ့ နာကျင်စရာအတိတ်‌တွေနဲ့ လူတစ်ဦးပါ။ သူ့မှာ သောမတ်စ်ဆိုတဲ့ ညာလက်ရုံးတစ်ဦးလည်းရှိပါတယ်။ ဂျိမ်းစ်မိသားစုမှာက မိန်းမသားလေးယောက်နဲ့ ငါးနှစ်သား‌တစ်ယောက်၊ ရှီအေးတို့ခရီးသွားအဖွဲ့မှာက ‌မြင်းမစီး သေနတ်မပစ်တတ် ဘာဆိုဘာမှ မကျွမ်းကျင်သူတွေချည်းဆိုတော့ တစ်နေရာတည်းသွားမယ့် ခရီးသည်တွေအဖြစ် သူတို့နှစ်ဖွဲ့ တူတူခရီးနှင်ခဲ့ကြပါတယ်။ လမ်းခရီးမှာတော့ ခိုးဆိုးဓားပြ၊ မြွေပါးကင်းပါး၊ လှည်းနင်းမိတဲ့မတော်တဆမှုတွေ၊ ရောဂါကပ်ဘေးတွေ အမျိုးမျိုးကြုံကြရပါတယ်။ သေခြင်းတရားတွေ ပူဆွေးမှုတွေနဲ့ ပြည့်နှက်နေတဲ့ ခရီးစဉ်ကြီးပေါ့။ ဒါပေမဲ့ ဆယ်ကျော်သက်‌မိန်းမပျိုလေးတစ်ဦးဖြစ်တဲ့ ဂျိမ်းစ်ရဲ့သမီးဖြစ်သူ အယ်လ်ဆာအတွက်‌ကတော့ ဒီခရီးစဉ်ဟာ စိတ်လှုပ်ရှားတွေ၊ စွန့်စားခန်းတွေနဲ့ ပြည့်နေတဲ့ ခရီးစဉ်တစ်ခုပါတဲ့။ အယ်လ်ဆာအဖြစ် မင်းသမီး Isabel May ပုံဖော်ပေးထားပြီး ဇာတ်လမ်းရဲ့ narrator တစ်ဖြစ်လည်း ပါဝင်ပေးထားပါတယ် ဂျိမ်းစ်နဲ့ မားဂရက်တို့ ဇနီးမောင်နှံအဖြစ်တော့ အပြင်လောက တကယ့်ဇနီးမောင်နှံတွေဖြစ်တဲ့ Country အဆိုကျော် Tim Mcgraw နဲ့ Faith Hill တို့က ပုံဖော်ပေးထားပါတယ် ၁၈ရာစုနှောင်းပိုင်းကာလရဲ့ ဘဝတွေ၊ ကောင်းဘွိုင်သဘာဝတွေကို ခံစားကြရမှာပါ ကြည့်ရှုလိုက်ကြပါဦး File size…500 Mb Quality….Webrip 720p Format…mp4 Duration….50 min Genre...Western, Drama, Action Subtitle….Myanmar Subtitle (Hardsub) Encoder….Mr. Anderson Translated by MTA

ဒီတစ်ခါတော့ CM ပရိသတ်တွေအကြိုက်တွေ့စေမယ့် action and thriller ဇာတ်လမ်းလေးတစ်ပုဒ်နဲ့ မိတ်ဆက်ပေးပါရစေ။ ဇီုအီဟာ အသက် ၁၇ နှစ်အရွယ် ကောင်မလေးတစ်ယောက််ဖြစ်ပြီး အများနဲ့မတူ ဘောက်ဆတ်ဆတ်နိုင်တဲ့သူပါ။ သူနဲ့ သူ့ရဲ့ အချစ်ဆုံးသူငယ်ချင်း လူး၀စ်ဆိုတဲ့ ကောင်လေးတို့ဟာ ဗာနွန် အထက်ကျောင်းက ကျောင်းသားတွေပဲဖြစ်ကြပါတယ်။ အမေရိကန်အထက်ကျောင်းတွေရဲ့ သဘာ၀ ကပွဲတို့ ပျော်ပွဲရွှင်ပွဲတို့ စတဲ့အထိမ်းအမှတ်ပွဲတွေ မကြာခဏ ကျင်းပတာဟာသဘာ၀ပါပဲ ။ ဒီလို event တွေထဲမှာ Senior Prank ဆိုတဲ့ အစီအစဉ်လေးအပါအ၀င်ပါပဲ။ Senior Prank Day မှာ ကျောင်းသားတွေအားလုံး ဆရာဆရာမတွေအပါအ၀င် တစ်ယောက်နဲ့တစ်ယောက် စကြနောက်ကြပါတယ်။ ဥပမာ- စာသင်ခန်းတစ်ခန်းလုံး ပူပေါင်းတွေအပြည့် ထည့်ခဲ့တာမျိုးပေါ့။ ဒါပေမယ့် ဒီဇာတ်လမ်းထဲက ဗာနွန်အထက်တန်းကျောင်းသားတွေရဲ့ Prank Day ကတော့ ပျော်စရာမကောင်း ခဲ့ပါဘူး။ စနောက်ကြတဲ့ နေ့ကို အသုံးချပြီး ဆိုးသွမ်းတဲ့ ကျောင်းသားတစ်စုက ကျောင်းကန်တင်းကို လက်နက်တွေနဲ့ ၀င်လာပြီး လူသတ် ခြိမ်းခြောက်မှုတွေလုပ်ပါတော့တယ် .... ဒါကို သိသွားတဲ့ ဇိုအီဟာ မသိသေးတဲ့ ကျောင်းသား တွေကို သတိပေးနိုင်အောင် သူကိုယ်တိုင်လည်း မသမာသူတွေလက်က လွတ်အောင် ကြိုးစားရပါတော့တယ် .... (ဒီဇာတ်လမ်းရဲ့ အညွှန်းကို Yoon Sandi Aung မှရေးသားပေးပြီး။ ဘာသာပြန်ရေးသားပေးသူများကတော့ Yoon Sandi Aung , August တို့ပဲဖြစ်ပါတယ်။) Quality – 1080p, 720p WebRip Duration - 1h 50min Subtitle – Myanmar Hardsub Format – Mp4 Genre : Action, Thriller Source : 1080p.WebRip Translator – Yoon Sandi Aung, August Encoder – SWM

Let's Scare Julie အမ်မာဟာ မိဘတွေဆုံးပါးသွားတဲ့အခါ၊အစ်မဝမ်းကွဲဖြစ်သူ တေလာရဲ့အိမ်ကို ပြောင်းရွှေ့နေထိုင်ခဲ့ပါတယ်။ တစ်ညမှာ သူတို့အိမ်ကို၊အစ်မဝမ်းကွဲတေလာရဲ့ အစအနောက်သန်တဲ့သူငယ်ချင်းတွေရောက်လာပြီး၊ အမ်မာနဲ့မိတ်ဆက်စကားပြောရင်း အိမ်ရဲ့မျက်နှာချင်းဆိုင်က ထူးဆန်းတဲ့အိမ်အကြောင်း စကားဆက်မိသွားကြပါတယ်။ အဲ့အိမ်မှာအဖွားကြီးတစ်ယောက်နေထိုင်ခဲ့ပြီး၊ သူနေခဲ့တဲ့တစ်လျှောက်လုံးမှာသူ့ကို ဘယ်သူမှမမြင်ဖူးကြောင်း၊ အဲ့အဖွားကြီးကိုမြင်ဖူးခဲ့သူတစ်ယောက်လည်း ထူးဆန်းတဲ့ဖြစ်ရပ်ဖြစ်သွားခဲ့ကြောင်း၊အခုအဲ့အဖွားကြီးသေဆုံးသွားပြီမို့ အဲ့အိမ်ကို သားအဖနှစ်ယောက် ပြောင်းလာကြောင်း တေလာကပြောခဲ့ပါတယ် ။ ညီမဝမ်းကွဲဖြစ်သူအမ်မာကလည်း သူ့အစ်မဝမ်းကွဲ တေလာရဲ့အဖေမှာ အဲ့အိမ်ရဲ့သော့ရှိကြောင်းပြောပြလိုက်ပြီး၊ တေလာနဲ့သူ့သူငယ်ချင်းတွေဟာ အဲ့အိမ်ကိုပြောင်းလာတဲ့ ကလေးမလေး ဂျူလီတစ်ယောက်တည်းရှိနေချိန် ခိုးဝင်ပြီး၊ခြောက်လှန့်နောက်ပြောင်ဖို့ အကြံရလိုက်တဲ့အခါ... Translated by : Pyi T Nyein Encoded by ; YK File Size : 1.5GB and 689MB Quality : 1080p BluRay and 720p Subtitles : Myanmar Hardsub