Ivan Rodrigues ပါဝင်သော ဇာတ်ကားများ

Crew (2024) "မဒီသုံးဖော်" IMDb - 6.4/10 တဘူး၊ ကရီးနား၊ ကရီတီးဆိုတဲ့ အသီးသီးတောက်ပခဲ့ကြပြီး တောက်ပနေတုန်းဖြစ်တဲ့ အိန္ဒိယရဲ့စတားမင်းသမီး သုံးယောက်တွဲထားတဲ့ရုပ်ရှင်ကို တင်ဆက်ပေးလိုက်ပါတယ်။ The Great Indian Kapil Showရဲ့ အစီအစဉ်မှူး ကာပီလ်နဲ့ နာမည်ကျော်ပန်ချာပီအဆိုတော်သရုပ်ဆောင် ဒေလ်ဂျိဒိုဆန်တို့လည်း ပါဝင်အားဖြည့်ထားပါသေးတယ်။ ရုံတင်ငွေ ၁၅၆ ကုဋေရထားပြီး ပေါ့ပေါးပါးပါး ကြည့်ရမယ့် ရွှေခိုးသယ်တဲ့ ဟာသရုပ်ရှင်လေးပါ။ အိပ်မက်ကိုယ်စီနဲ့ လေယာဥ်မယ်သုံးယောက်၊ ဝါသနာအလုပ်ကို လုပ်နေရပေမယ့် လေကြောင်းလိုင်းက လစာမပေးတော့တာ ခြောက်လကြာသွားတယ်။ လေကြောင်းလိုင်း ဒေဝါလီခံလိုက်ရတာ သိလိုက်ရတော့ စည်းမျဥ်းတွေကို စွန့်ပယ်ပြီး ဖြတ်လမ်းလိုက်ဖို့ လေဒီသုံးယောက်သား ရွေးချယ်လိုက်ရတဲ့အခါမှာ ရွှေခိုးသယ်နေကျ သူတို့ HR ဆရာကြီးရဲ့ လျှို့ဝှက်ချက်ကို အသုံးချပြီး သူတို့သုံးယောက်ကို တာဝန်ပေးဖို့ အပေးအယူလုပ်ကာ ဘယ်သို့ဘယ်ပုံ ဆက်ပြီး စွန့်စားခန်းထွက်ကြပုံကို ... ဒီရုပ်ရှင်ထဲမှာ ကြည့်ရှုခံစားကြရမှာပါ။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 1.9GB / 900MB Quality…WEB DL 1080p / 720p Format…mp4 Duration….1h 58m Subtitle….Myanmar Subtitle (Hard Sub) Encoder….YK Translated by CM Bollywood Team

အိမ်တစ်အိမ်ထဲမှာ အလောင်းတွေ့ရာက လူသတ်မှုတစ်ခုကို စုံစမ်းကြပါတယ်။ အမှုကို တာဝန်ယူတဲ့ အမျိုးသမီးစုံထောက်က လူသတ်သမား ဝင်ထွက်သွားတဲ့လမ်းနဲ့ အခင်းဖြစ်ပုံကို သဲလွန်စတွေကနေ ဆက်စပ်ကြည့်ပြီး ပတ်ဝန်းကျင်ကလူတွေကို စစ်မေးတယ်။ အဲဒီနောက် သံသယရှိသူတစ်ယောက်ကို ဖမ်းမိလာပါတယ်။ ဒါပေမယ့် အဖမ်းခံရသူနဲ့ ရုပ်ချင်းခွဲမရအောင်တူတဲ့ နောက်တစ်ယောက် ရဲစခန်းကို ရောက်လာတော့ အမှုက ပိုရှုပ်သွားတယ်။ ဒီနှစ်ယောက်က ဘယ်လိုပတ်သက်နေကြသလဲ၊ တကယ်သတ်ခဲ့သူက ဘယ်သူလဲဆိုတာကို အတိတ်အကြောင်းတွေ ပြန်လိုက်ရင်း ဖော်ထုတ်ကြရပါတယ်။ အဒီတရာကပူးရ်၊ မရူနယ်သာကာနဲ့ ဗီဒီကာပင်တိုတို့ အဓိကပါဝင်ထားတဲ့ စုံထောက်ဇာတ်ကားပါ။

မွန်ဘိုင်းမှာ မိန်းကလေးတွေ ဆက်တိုက် အသတ်ခံနေရပါတယ်။ အမှုတွေကို လိုက်စုံစမ်းကြည့်တဲ့အခါ လူသတ်သမားဟာ ရည်းစားရှိတဲ့ မိန်းကလေးတွေကိုပဲ ပစ်မှတ်ထားပြီး ရွေးသတ်နေတာကို တွေ့လာရတယ်။ ဒီလူသတ်မှုတွေနောက်က တရားခံဟာ ဘယ်သူလဲဆိုတာ လှည့်ကွက်တွေကြားကနေ လိုက်ရှာရမယ့် ဇာတ်လမ်းပါ။ ဂျွန်အာဘရာဟမ်၊ အရ်ဂျွန်ကပူး၊ ဒစ်ရှာနဲ့ တာရာတို့ ပါဝင်ထားပြီး ဗီလိန်နှစ်ယောက် အားပြိုင်ကြတဲ့ပုံစံနဲ့ တင်ဆက်ထားပါတယ်။ တစ်ဖက်သတ်အချစ်မှာ နစ်မွန်းမှု၊ မပိုင်ဆိုင်ရရင် တခြားသူကိုလည်း မပေးချင်တဲ့ အတ္တနဲ့ အသက်အသေခံနိုင်ပေမယ့် အရှုံးမခံနိုင်တဲ့စိတ်တို့လို အချစ်ရဲ့အမှောင်ဘက်ကိုလည်း ထည့်သွင်းထားတယ်။

Mumbai Saga (2021) မြန်မာစာတန်းထိုး ဂျွန်အေဗရာဟမ် ၊ ကာဂျဲလ် ၊ အီမ်ရန်းတို့ ပါဝင်သရုပ်ဆောင်ထားတဲ့ ဘောလိဝုဒ်ကားလေးထွက်လာလို့ အခက်အခဲတွေကြားက မရရအောင် တင်ပေးလိုက်ပါတယ်။ 1980 ခုနှစ်နောက်ပိုင်း ဘုံဘေမြို့ ( ယခု မွန်ဘိုင်း) ကို အခြေတည် ရိုက်ကူးထားတဲ့ ဒီရုပ်ရှင်ဟာ ဖြစ်ရပ်မှန်ရဲ့ တစ်စိတ်တစ်ပိုင်းကို မှီငြမ်းထားတယ်လို့ သိရပြီး ၊ အဲ့ဒီခေတ် အဲ့ဒီအခါ ဂိုဏ်းစတားတွေ ကြီးစိုးတဲ့ အချိန် ၊ နိုင်ငံရေးအရှုပ်အထွေးတွေကို နောက်ခံထားပြီး ရိုက်ကူးထားတာဖြစ်ပါတယ်။ ဘာသာပြန် နဲ့ အညွှန်းကတော့ Myint Thu ပဲ ဖြစ်ပါတယ်။ Encoder - August File size… 3.7 GB and 1.3 GB Quality…. 1080p HEVC 5.1 and 720p Format…mp4 Duration…. 2h 15min Subtitle….Myanmar Subtitle (Hardsub) Translator ..... Myint Thu Encoder ..... August

Horror ကားကြိုက်သူတွေအတွက် IMDb 7.3 ရထားပြီးတော့ အသစ်စက်စက်ထွက်ရှိထားတဲ့ ဘောလိဝုဒ်ဇာတ်ကား​လေးနဲ့ မိတ်ဆက်ပေးပါရစေ... သရုပ်ဆောင်ပိုင်းမှာလည်း Emraan Hashmiလို ဘောလိဝုဒ်နာမည်ကြီးမင်းသားပါဝင်ထားးလို့ အတော်လေးမိုက်ပါတယ်... ဇာတ်လမ်းအကျဉ်း ဆမ်နဲ့မာဟီတို့က လက်ထပ်ခါစဇနီးမောင်နှံတွေပါ ကိုယ်ဝန်ပျက်ကျထားတဲ့ဇနီးသည်ကို စိတ်အပြောင်းအလဲ ဖြစ်စေဖို့ရယ် သူရဲ့အလုပ်အတွက်ကြောင့် လူတိုင်းအပန်းဖြေဖို့ခရီးထွက်လေ့ရှိကြတဲ့ မာရူသစ်ကို ပြောင်းရွေ့လာကြပါတယ် စိတ်အပြောင်းအလဲဖြစ်ဖို့ ပြောင်းရွှေ့လာပေမယ့် အိမ်မှာ ထူးဆန်းတဲ့အရိပ်အယောင်တွေဖြစ်လာတဲ့အပြင် ဇနီးသည်အပြုအမူတွေကပါ ထူးဆန်းနေပါတော့တယ် အစကတော့ ဇနီးဖြစ်သူ ကိုယ်ဝန်ပျက်ကျခါစမို့ သွေးလေခြောက်ခြားပြီးဖြစ်တယ်လို့ဆိုပေမယ့် တကယ့်အကြောင်းအရင်းကို သိလိုက်ရတဲ့အချိန်မှာ ဘာတွေဆက်ဖြစ်မှာလဲ နာမည်အရ Dybbuk ဆိုတာကကော ဘာကိုဆိုလိုတာလဲ စိတ်ဝင်စားစရာကောင်းတဲ့ ဇာတ်လမ်းလေးမို့လို့ဆက်လက်စောင့်ကြည့်ပေးပါဦး File size…1.7GB / 1GB Quality…1080p True HD  / 720p  Format…Mp4 Duration….1h 52mins Subtitle….Myanmar Subtitle (Hard Sub) Encoder….YK Translated by Shwe Pyae Sone & Lai Laii

လွန်ခဲ့သောရက်ပိုင်းအတွင်း imdb website မှာ rating အမြင့်ဆုံး စီးရီးတွေဖြစ်တဲ့ Breaking Bad,Charnobyl အစရှိသည့် စီးရီးတွေကို ကျော်ဖြတ်ပြီး India Series တစ်ခုက rating 9.8 ဖြင့် ထိပ်ဆုံးရောက်ရှိခဲ့တဲ့ သတင်းက အတော်နာမည်ကြီးသွားခဲ့တယ်၊ India နိုင်ငံကလူတွေ မင်းသားအစွဲ၊မင်းသမီးအစွဲကြောင့် မဟုတ်ပဲ ဇာတ်လမ်းကို သဘောကျလွန်းလို့ ကြည့်ပြီးတဲ့ သူတိုင်း Rating 10 ပေးခဲ့တာကြောင့် အခုလို Rating 9.8 ရပြီး ထိပ်ဆုံးရောက်သွားခဲ့ရခြင်းဖြစ်တယ်၊ ကြည့်ရှူသူများလာလို့ vote များပြီး Rating ကျလာပေမယ့် အခုအချိန်ထိ Top 10 ထဲမှာ ဆက်လက်ရှိနေပါတယ်၊ ထိုဇာတ်ကားကတော့ ယခု CM ပရိသတ်တွေကို တင်ဆက်ပေးလိုက်တဲ့ Scam 1992 : The Harshad Mehta Story ဆိုတဲ့ ဇာတ်ကားပဲ ဖြစ်ပါတယ်၊ တကယ့်ဖြစ်ရပ်မှန် အဖြစ်အပျက်ကို အခြေခံထားတဲ့ ဒီစီးရီး India နိုင်ငံမှာ 1992 နှစ်အတွင်း ငွေကြေးကပ်ပျက်မှုကို ဖြစ်ပေါ်စေခဲ့တဲ့ ဟာရှဒ်မဟ်တာ ဆိုတဲ့ လူတစ်ယောက်ရဲ့ ဘဝကို အခြေခံပြီး ရိုက်ကူးထားတာပါ၊ ငယ်စဥ်က ဆင်းရဲပြီး နေထိုင်ခက်ခဲ့တဲ့ ဟာရှဒ်မဟ်တာရဲ့ အိပ်မက်က ချမ်းသာကြွယ်ဝပြီး တင့်တောင်းတင့်တယ်နေထိုင်ချင်တာာပါ၊ သူ့အိပ်မက်ကို အကောင်အထည်ဖော်ချင်တဲ့ ဟာရှဒ်အတွက် ဘုံဘေ စတော့အိတ်ချိန်းက မျက်စိကျစရာပါ၊ စတော့ပွဲစားကနေအစပြုခဲ့တဲ့ သူ့ရဲ့လမ်းကြောင်းက နောက်ဆုံးမှာ တစ်နိုင်ငံလုံးမှာရှိတဲ့ ငွေကြေးစီးဆင်းမှုကိုပါ တစ်မိနစ်အတွင်း ​မှောက်ခုံပြုလုပ်နိုင်တဲ့အထိ အင်းအားကြီးလာခဲ့ပါတယ်၊ဒီစီးရီးက ဟာရှဒ်တစ်ယောက် ဘယ်လို စီးပွားရေးတွေလုပ်ပြီး ဘယ်လိုတွေ ချမ်းသာလာခဲ့တယ်၊ ဘယ်လိုတွေ အကွက်မြင်ခဲ့တယ်ဆိုတာကို အပုိင်း ၁ ကနေ ၁၀ အထိ တစ်ထိုင်တည်း ကြည့်မိချင်ျလာက်အောင်အထိ စွဲဆောင်နိုင်လွန်းပါတယ်၊ ဒီဇာတ်လမ်းက စတော့စျေးကွက်တွေ၊​ငွေကြေးအကြောင်းတွေကို အများဆုံးအခြေခံထားတယ်ဆိုပေမယ့် ပျင်းရိဖွယ်မကောင်းပဲ ရုပ်ရှင်ကြည့်ပြီးချိန်မှာ ဒီဘဏ်ငွေကြေးဆိုင်ရာလည်ပတ်တဲ့စီးပွားရေးကို အတော်အတန် သဘောပေါက်နားလည်နိုင်သွားစေနိုင်ပါတယ်၊နောက်ပြီး ဒီဇာတ်ကားရဲ့ အသက်ဖြစ်တဲ့ ဟာရှဒ်ရဲ့ ဒိုင်ယာလောခ့်တွေက အလွန်မှ ရိုးရှင်းပြီး အလွန်မှ အသက်ဝင်လွန်းပါတယ်၊ အောင်မြင်ရေးတက်ကျမ်းတွေဖတ်နေရင်တောင် သဘာဝမကျတဲ့ တော်ကီတွေကိုဖတ်ပြီး နားမလည်နိုင်ပေမယ့် ဒီဇာတ်ကားမှာ အသုံးပြုတဲ့ ဒိုင်ယာလောခ့်အများစုက ရိုးရှင်းလွယ်ကူပြီး စီးပွားရေးလုပ်ငန်းတိုင်းမှာ အကျိုးရှိစေတဲ့အထိ မှတ်သားဖွယ်ကောင်းလှပါတယ်၊ မင်းသားကြီး လီယိုနာဒိုရဲ့ နာမည်ကျော် The Wolf Of Wall Street လိုဇာတ်ကားတွေ၊ မင်းသားကြီး ဘရက်ပစ် ပါဝင်ထားတဲ့ The Big Short လို ဇာတ်ကားမျိုးတွေ ကြိုက်တဲ့သူတွေအတွက်ကတော့ ဒီဇာတ်ကားကရွှေပါ၊ ဒီလိုဇာတ်ကားမျိုးကို ရုပ်ရှင်အဖြစ်ကြည့်ရတဲ့အချိန်မှာ အချိန်အကန့်အသတ်ကြောင့် နားမလည်နိုင်တာတွေရှိနိုင်ပေမယ့် ဒီဇာတ်လမ်းက အပုိင်း ၁၀ ပိုင်းပါတဲ့ စီးရီးဖြစ်တာကြောင့် အလွယ်တကူကြည့်ရလွယ်ကူစေနိုင်မှာပါ၊ ဒီလိုဇာတ်လမ်းမျိုးတူတဲ့ ကိုရီးယာ ဇာတ်လမ်းတွဲတစ်ခုလည်း ဒီနှစ်စကထွက်ရှိထားခဲ့ပါသေးတယ်၊The Money Game လို့အမည်ရပြီး ကျနော်တို့ CM ကနေလည်း ဘာသာပြန်ပြီး တင်ဆက်ခဲ့ပါသေးတယ်၊ကိုရီးယားကားကတော့ အတော်လေး လေးပင်ပြီး ကြည့်ရတာနားမလည်နိုင်ခဲ့ပေမယ့် ဒိဇာတ်ကားကတော့ အလွန်ရှုပ်ထွေးတဲ့ အကြောင်းအရာကို အလွယ်တကူနားလည်နိုင်အောင် တင်ဆက်ပြသနိုင်ခဲ့တဲ့ ဇာတ်ညွှန်းနဲ့ သရုပ်ဆောင်တွေကြောင့် imdb မှာ rating 9.8 ထိရတဲ့အထိ အောင်မြင်နိုင်ခဲ့တာဖြစ်ပါတယ်၊ မကြာမီအချိန်မှာ ​ကျနော်တို့နိုင်ငံမှာလည်း စတော့စျေးကွက်၊ဘဏ်ချေးငွေ အစရှိတဲ့ လုပ်ငန်းတွေက အတော်အများပတ်သတ်ရမှာဖြစ်တာကြောင့် အခုကတည်းက ကြည့်ပြီးပညာယူထားမယ်ဆို မမှားပါဘူ၊ အပုိင်း ၁၀ ပိုင်းသာရှိပြီး india ဇာတ်လမ်းတွဲတွေဆို ပေရှည်ပြီး ပါသမျှသရုပ်ဆောင် မျက်နှာတွေကို မလွတ်တမ်းကင်မရာရိုက်ပြနေတာတွေ မပါဝင်ပဲ သဘာဝကျတဲ့ သရုပ်ဆောင်တွေနဲ့ စိတ်လှုပ်ရှားဖွယ်ရာ ဇာတ်လမ်းကိုမှ ကြည့်ချင်တဲ့ သူတွေ အတွက်ကတော့ scam 1992 ဇာတ်ကားက စိတ်ကျေနပ်မှု ရရှိစေမှာပါ၊ Review by Zin Ko Ko Translated by Pyi Ti Nyein, Yoon Sandi Aung, MTA, Htet Wai Lwin, Shinn MonLat

IMDb rating - 5.7/10 Google Users - 74% Genere - Acrion/Drama မင်းသားကြီး Salman Khanနဲ့ မင်းသမီး Katrina Kaifတို့ အပြင် Sunil Grover တို့ သရုပ်ဆောင်ထားကြတဲ့ ရုံတင်ဇာတ်ကားကြီး အကြည်ထွက်လာလို့ တင်ဆက်ပေးလိုက်ပါတယ်။ လူတစ်ယောက် ဘဝတစ်ခု ဆိုပေမဲ့ ဘားရတ်ရဲ့ ဘဝက ဖြတ်သန်းရတဲ့ နယ်ပယ်အစုံမှာ မှတ်သားထားစရာ ဖြစ်ရပ်လေးတွေ ရှိတယ်။ ခု သူဟာ အသက်ကြီးကြီး လူအိုကြီး တစ်ယောက် ဖြစ်နေပြီ။ ငယ်ဘဝကတည်းက ခုထိတိုင် မပြောင်းလဲသေးတဲ့ အကြောင်းအရာတွေ အပြုအမူတွေ ရှိတုန်းပဲ။ တစ်နေ့ သူ့အဖေ ' ဒီဆိုင်လေးမှာ လာတွေ့မယ်၊ စောင့်နေပါ ' ဆိုတဲ့ စကားကို ငယ်ဘဝကနေ ခုထိ မမေ့သေးဘူး။ တနေ့ကျရင် သူ့အဖေနဲ့ သူ့ညီမ သူတို့ဆီ လာကြမယ်လို့ သူ ယုံကြည်ထားတုန်းပဲ။ " မင်းက အကြီးဆုံးသားမို့ အားလုံးကို စောင့်ရှောက်နော်" ဆိုတဲ့ အန္တရာယ်ကြားကို ပြေးသွားရတဲ့ အဖေ့ရဲ့ စကားကို သူ တည်ရဦးမယ်။ သူ့အဖေကို ပေးခဲ့တဲ့ 'စောင့်ရှောက်ပါမယ်'ဆိုတဲ့ ကတိက .... ဘာပဲဖြစ်ဖြစ် တည်ရမယ်မလား။ ခေတ်ကာလဆိုးတစ်ခုမှာ သူတို့တွေ ကွဲခဲ့ရပေမဲ့... ရွှေရောင်လက်တဲ့ ခေတ်မှာ အဖေနဲ့ ညီမကို ပြန်တွေ့ရမယ်လို့ သူ ယုံကြည်ထားဆဲပဲ။ ဒီလိုနဲ့ သူ ဖြတ်သန်းရုန်းကန်ခဲ့ရတဲ့ ဘဝတွေမှာ...... ကဲ ကိုယ်တိုင်ကိုယ်ကျ ခံစားရမယ်မလား။ ၂၀၁၉ ခုနှစ်မှာ မင်းသားကြီးရဲ့ ဒီဇာတ်ကားဟာ ဝေဖန်မှုတွေ အများကြီးရခဲ့တယ်။ မူရင်း Korea ကားကို အခြေခံထားတာဖြစ်လို့ မူရင်းကို မမီဘူးလို့ ပြောကြသလို ... အကောင်းမြင်တဲ့ သူတွေလည်း ရှိတယ်။ ကိုယ့်အကြိုက်နဲ့ ကိုယ်မို့ ကွဲလွဲကြမှာပါ။ Remake လို့ ရေးလိုက်တာ Spoiler ဆိုပေမဲ့ လူတိုင်းသိပြီးသားမို့ ရေးလိုက်တာပါ။ မူရင်းကို မကြည့်ဖူးတော့ ဇာတ်ကားက ကြည့်လို့ကောင်းနေတယ်။ မူရင်းက ဒီထက်ပိုကောင်းမလားတော့ ကျွန်တော် မပြောတတ်။။ ကဲ... ကိုယ်က မူရင်းကြည့်ပြီးသားဖြစ်နေရင်တောင် အဆင့်အတန်းမဲ့ပြီး Spoilerတွေ မန့်ထဲ ရေးမသွားဖို့ တောင်းဆိုချင်ပါတယ်။ နှစ်နဲ့ချည်ပြီး ဆယ်လ်မန်ခန်းရဲ့ ပရိသတ်တွေလည်း စောင့်နေကြတာရှိသလို... Spoiler မမိဘဲ ကြည့်ချင်ကြသူတွေက အများကြီးပါ။ ကဲ... အောက်က Comment ထဲက Link လေးကို Copy ယူပြီး browser ကနေ Downloadချနိုင်ပါပြီ။ အညွှန်းနဲ့ မြန်မာမှု ပြုထားကြသူတွေကတော့ ညီညီကိုးနဲ့ မြင့်သူတို့ ညီအစ်ကိုပါ။ File Size :(1.30 GB ) and (650 MB) Quality : AMZN WEB-DL 720p Running Time : 2hr 47min Format : Mp4 Genre : Action, Drama Subtitle : Myanmar Subtitle (Hard Sub) Source : 1080p AMZN WEB-DL DDP5.1 H.264-itsgoingdown Translated by Nyi Koe And Myint Thu Encoded by THZ

"ဇာတ်လမ်းအကျဉ်း" " အိန္ဒိယ နိုင်ငံ အဓွန့်ရှည် တည်မြဲပါစေ အိန္ဒိယ နိုင်ငံ အဓွန့်ရှည် တည်မြဲပါစေ " အသံတွေဟာ အရောင်မဲ့လည်း ခွန်အားပါလွန်းသည် ။ အထူးတပ်ဖွဲ့မို့လည်း ဗျုဟာ ကျွမ်းလှသည်။ သတ္တိရေးရာမှာ မကြောင်သလို ဉာဏ မှာလည်း မညံ့။ ယောကျ်ား ဘာသား ဟူ၍ တဇွတ်ထိုးထိုးစစ်မဆင်။ စစ်ချီအား အလုံးအရင်း မသုံး။သို့သော် တိုးတက်သော နည်းပညာအပေါ် စနစ်ကျကျ အသုံးချသည်။ တိုက်လည်းတိုက်ရဲသလိုသေလည်း သေရဲ သော တပ်ဖွဲ့ဖြစ်သည်။ ဤ အထူး တပ်ဖွဲ့ အား ဦးဆောင်သူကတော့ ကပ္ပတိန် ဗီဟန် ။ ဗီဟန် ဟာ ရဲစွမ်း သတ္တိိရှိသူ တစ်ယောက်။ တိုက်ပွဲ အတွေ့အကြုံ အရ လည်း အောင်ပွဲတွေ အလီလီ။ သို့သော် ဗီဟန် ရဲ့ ဒုက္ခကလည်း မသေးလှ ။ အမေဖြစ်သူက အယ်လ်ဇိုင်းမား ရောဂါ ဖြစ်ပွားနေပြီး ယောက်ဖဖြစ်သူမှာလည်း စစ်သွေးကြွေတို့ ခြုံခိုတိုက်ခိုက်မှုဗကြာင့် သေဆုံးခဲ့ရသည်။ ထို စစ်သွေးကြွတို့သည် အိန္ဒိယ နှင့် ပါကစ္စတန် နယ်စပ်ကြား တပ်အား အလစ် ဝင်ပြီး တိုက်ခိုက်ခဲ့ကြသည်။ ထို 2015 အခြင်းအရာသည် 2016 Uri : the surgical strike စစ်ဆင်ရေး၏ အခြေခံ အကြောင်းတရားဖြစ်လေတော့သည်။ ဇာတ်လမ်းတစ်ခု တိုက်ပွဲတစ်ခုကို သဏ္ဍာန်လုပ် သရုပ်တူစေဖို့တိုက်ပွဲသရုပ်ဖော်ချက်တွေနဲ့ နောက်ခံတီးလုံးတွေဟာအရမ်းကောင်းမွန်နေတာကို ခံစားမိပါတယ်။ အပစ်အခတ်တွေမှာလည်း ရိုက်ချက်တွေဟာပီပြင်လှပြီး တကယ့်စစ်ပွဲထဲ ရောက်နေသလို ခံစားမိပါတယ်။ မင်းသားတွေကို မြင်မြင်ချင်း လူတိုင်းကြိုက်ခဲ့ရတဲ့ Sanju (2018) ထဲမှာဆန်ဂျူးရဲ့ အချစ်ဆုံးသူငယ်ချင်း ကင်မလီအဖြစ် သရုပ်ဆောင်ခဲ့တဲ့ Vicky Kaushal နဲ့ဆန်ဂျူးရဲ့ အဖေ ဆူနေးဒတ်အဖြစ် သရုပ်ဆောင်ခဲ့တဲ့ Paresh Rawal တို့နဲ့ အတူတပ်မတော်အရာရှိတွေအဖြစ်နဲ့ မင်းသမီးချောချောလေးတွေဟာ ဇာတ်လမ်းထဲ မြိုင်ဆိုင်နေမှာပါ။ ဘာသာပြန်ဆိုထားတဲ့သူတွေကတော့Sanju(2018)မှာ ပြန်ဆိုခဲ့ကြတဲ့ကိုဇော်ထူးနဲ့ ညီညီကိုးပါ။ ဇာတ်လမ်းအကျဉ်းကို ကိုလင်းခယံဆီမှ ကူးယူဖော်ပြပြီးဘာသာပြန်ဆိုသူတို့မှ ကျန်အချက်အလက်များကိုထပ်လောင်းပေါင်းထည့်ထားပါတယ်။ ဇာတ်ကားက သမိုင်းကြောင်းဖြစ်တာမို့ကြည့်ရှုသူများ နားလည်စေရန်သမိုင်းအချက်အအလက်များနဲ့ စစ်တပ်သုံး အတိုကောက်စာလုံးတွေကို အကျယ်တဝင့် ရှင်းလင်းချက်တွေကိုစေတနာနဲ့ ထပ်ဖြည့်ပေးထားပါတယ်။ (ဘာသာပြန်သူတွေကတော့ ကိုဇော်ထူးနဲ့ ညီညီကိုးပါ)

Hichki ( သို့မဟုတ်)ဝင်ရိုးစွန်းကြယ်လေး ~~~~~~~~~~~~~~~~~~~ " ဝင်ရိုးစွန်းကြယ်လေးဟာ သဘောၤတွေကို လမ်းပြပေးခဲ့တယ် ဆိုရင် ကျွန်တော်တို့အတွက် ဆရာမ ဟာ ဝင်ရိုးစွန်ကြယ်လေး " ပါပဲ။ ဒါကတော့ St.Nokler's ကျောင်းရဲ့ အညံ့ဆုံးစာရင်းဝင် 9F အတန်းသားတွေက သူတို့ရဲ့ ဆရာမ Naina ကို ပြောခဲ့ကြတဲ့ စကားလေးတွေပါ။ ဒီတော့ ဆရာမ Naina အကြောင်း စပြောရအောင်။ ဆရာမ Naina ဆိုတဲ့ မိန်းမပျိုလေးဟာ Tourette syndrome လို့ခေါ်တဲ့ ဝေဒနာ ခံစားနေရသူပါ။ဒီဝေဒနာ ကဦးနှောက်ရဲ့ လုပ်ဆောင်ချက် စည်းချက်မကျမှုတွေကြောင့် စိတ်လှုပ်ရှားတိုင်း ကြို့ထိုးနေတဲ့ ခံစားမှု မျိုးဖြစ်ပါတယ်။ ဒီဝေဒနာဟာ ဉာဏ်ရည်ဉာဏ်သွေးကိုတော့ မထိခိုက်ပါဘူး။ ဒါပေမဲ့ ဒီဝေဒနာကြောင့်ပဲ Naina ဟာ ငယ်စဉ်ကတည်းက ရယ်ပြောင်ခံခဲ့ရတယ်။ ကျောင်း များစွာမှ ထုတ်ပယ်ခံရပြီး မိသားစုဆက်ဆံရေး မှာလည်း ပျော်ရွှင်မှုမရှိခဲ့ဘူး။ " ကျွန်မ ကို သာမန်ကလေးတွေလို တန်းတူ ဆက်ဆံပေးကြပါလား ရှင် " သို့ပင် Naina ဟာ ပြင်မရတဲ့ အားနည်းချက်ကို သိမ်ငယ်မနေခဲ့ပါဘူး။ ဒီတစ်ချက်ဟာ ဇာတ်ကားရဲ့ Message တစ်ခုပါပဲ။ ဘဝလူသားတွေဆီမှာ အားနည်းချက်ကိုယ်စီ ရှိတတ်ကြပြီး ပြင်မရတဲ့အားနည်းချက်တွေမှာပဲ စိတ်ဓာတ်ကျရပါတယ်။ ဒါပေမဲ့ Naina ရဲ့ စရိုက် က ဒီစိတ်ဓာတ်ကို ရိုက်ချိုး ပြနိုင်ခဲ့ပါတယ်။ Naina အနေနဲ့ ဆရာမ အလုပ်အကိုင် လျှောက်တော့လည်း ကျောင်းပေါင်းများစွာက ငြင်းပယ်ခဲ့တယ်။ နောက်ဆုံးမှာတော့ St.Nokler's ကျောင်းရဲ့ အညံ့ဆုံး အဆိုးဆုံး အတန်းကို သင်ပေးဖို့ ဖြစ်ခဲ့ပါတယ်။ 9F ဆိုတဲ့အတန်းကလည်း တကယ့်အဆိုးလေးတွေချည်း။ ဆရာမ တွေကိုတောင် ထွက်ပြေးအောင် ကြံဖန်ကြတဲ့ကလေးတွေ။ ကျောင်းတစ်ခုလုံးမှာ ရတဲ့ "Perfect " တံဆိပ်လေးတွေ တပ်ခွင့်မရှိတဲ့ကလေးတွေ။ ကျောင်းသန့်ရှင်းရေးသမား တွေရဲ့ ကလေးတွေ။ ဒီတော့ 9F ကလေးတွေကို ပညာရေးစိတ်ဝင်စားအောင် Naina တစ်ယောက် စီစဉ်ရပါတော့တယ်။ ဒီဇာတ်ကားရဲ့ ပညာရေးတည်ဆောက်ပုံက တကယ် လက်တွေ့ဆန်တယ်။ စူးစမ်းချင်စိတ်ကို တည်ဆောက်တယ်။ ကျွန်တော်ကတော့ ဒီဇာတ်ဝင်ခန်းတွေ သိပ်ကြွေခဲ့တာပဲ။ " ကလေးတို့ နားထောင်။ မင်းတို့ကြောက်ရတဲ့ အလုပ်တွေ စာရွက်တွေပေါ်ရေးပါ။ ပြီးရင် လေယာဉ်လေးခေါက်ပြီး လွှင့်ပစ်လိုက်ကြပါ။ မင်းတို့ကြောက် တာ မင်းတို့ အားနည်းချက် အစစ်အမှန်မဟုတ်ဘူး " ဒီလို တည်ဆောက်ခဲ့တဲ့ Naina ။ တကယ့် ဆရာစစ် တစ်ယောက်ရဲ့ အသွင်အပြင်တွေ။ တကယ် ချစ်မြတ်နိုးရတဲ့ စိတ်ထားတွေ မြင်ခဲ့တယ်။ ကျွန်တော်တို့ ဖြတ်သန်းရာမှာလည်း ကြယ်စင်တွေ မြင်ခဲ့ဖူးကြတယ် မဟုတ်လား။ဒီဇာတ်ကားလေး ကို ကြည့်ရင်း ကျွန်တော်တို့ရဲ့ ဆရာသမား များကို ပြန်မြင်ယောင်လာမိတယ် ။ ဘယ်လောက် အချိန်ပေးရကောင်းတဲ့ ဇာတ်ကားကောင်းပါလဲ။ - ဘ၀ မှာ နေရောင်ခြည် ရှိရုံနဲ့ ပန်းလေးတွေ မသန်မာတတ်သေးပါဘူး။ ပျိုးထောင် တတ်ဖို့ လိုအပ်ပါသေးတယ်။ ဒီဇာတ်ကားလေးမှာလည်း ဒီလိုပါပဲ။ ဒီကလေးတွေ ဘာကြောင့် ဆိုးသွမ်းရလဲ။ အညံ့ဆုံးဖြစ်နေရတာလဲ ဆိုတာ Naina တစ်ယောက် အဖြေရှာခဲ့တယ်။ ဇာတ် အိမ်အနေနဲ့ လည်း အပန်းပြေစေဖို့ သက်သက်မဟုတ်ဘဲ နိုင်ငံ့ပညာရေး ကိုပါ မီးမောင်းထိုးပြနေခဲ့တယ်။ လူမှုရေး နဲ့ ပညာရေးကို နှီးနွယ်နေမှု / ဖြတ်သန်းရာ ဘဝတွေနဲ့ မိသားစုနွေးထွေးမှုကိုပါ ထည့်သွင်းရိုက်ကူးထားတာမို့ အတော် ကြည်နူးရတဲ့ ပန်းချီ တစ်ချပ်လိုပါ။ ဒီဇာတ်ကားလေး ဟာ ကျွန်တော် ပြောပြရုံနဲ့ မပြီးပြည့်စုံပါဘူး။ ဝေဒနာ ခံစားနေရတဲ့ Naina တစ်ယောက် ဆရာမ အလုပ်ကို ဘာကြောင့် အသည်းအသန် လုပ်ချင်ခဲ့တာလဲ။ 9F အတန်းက ကလေးတွေကရော ဘယ်လို ဖြတ်သန်းရမလဲ ဆိုတာ ကတော့…………………။ File size…2.12  GB / 899 MB Quality…BluRay 1080p HEVC / 720p Format…mkv/mp4 Duration….1h 56m Subtitle….Myanmar Subtitle (Hard Sub) Encoder….YK Translated by CM Bollywood Team Review by Linn Kha Yann

ပုံပြင်လေးတစ်ပုဒ် ပြောပြချင်တယ်ဗျာ့ ဟိုးရှေးရှေးတုန်းကပေါ့ မူဟီနာဂူရီလို့ ခေါ်တဲ့ မြို့လေးရဲ့ ဆေးရုံလေးတစ်ခုမှာ ကလေးငယ်တစ်ယောက် ဖွားမြင်လေခဲ့တယ်။ ကလေးရဲ့ ကံဆိုးမှုလားပဲ သူ့ကို မွေးဖွားပြီး သိပ်မကြာခင်မှာပဲ အက်ဆီဒန့် တစ်ခုပြီး မိဘနှစ်ပါးလုံး သေဆုံးခဲ့ကြတယ်။ သူ့ကို လာခေါ်မယ့်ဆွေမျိုးသားခြင်း ဘယ်သူမှ မရှိလေဘူး့ ဒီဆေးရုံလေးကပဲ သူ့ကမ္ဘာလေးဖြစ်ခဲ့ရတယ့် နှစ်တွေအလီလီ ဆေးရုံမှာ ဖြတ်သန်းနေထိုင်ရင်း တနေ့မှာတော့ ရထားပေါ်က ခုန်ချလိုက်တဲ့ လူတစ်ယောက်ကို မြင်သွားပြီး အပြေးသွားကြည့်တဲ့အချိန်မှာ အဲ့ဒီလူကြီးက ဒဏ်ရာတွေ အများကြီးနဲ့ သတိလစ်မေ့မျောနေတယ် ဒီလူကြီးသတိရလာတော့ ဆေးရုံပေါ်ရောက်နေပြီ ဘေးနားမှာ ကောင်လေးတစ်ယောက် ဆေးပုလင်းလာချိတ်ပေးတယ် " မင်းနာမည် ဘယ်လိုခေါ်လဲ " ဘာမှ မဖြေပဲ ကောင်လေးပြန်ထွက်သွားတယ် နောက်နေ့ ဆေးပုလင်းထပ်လာချိတ်ပေးတယ် "မင်းနာမည် ဘယ်လို ခေါ်လဲ" ထပ်မေးတယ် ကောင်လေးလှည့်ပြန်သွားလိုက်တယ် ဘေးနားက ဆရာဝန်မကြီးက ပြောမှ သိရတယ် ကောင်လေးက စကားထစ်နေလို့ စကားမပြောဘူးတဲ့ စကားထစ်နေတဲ့ ကောင်လေးဟာ ဆေးရုံပေါ်က လူကြီး အကူအညီနဲ့ စကားပြောနိုင်ခဲ့တယ် သူပြောတဲ့ စကားလုံးတိုင်းဟာ သံစဉ်လေးတွေနဲ့ သီချင်သီဆိုနေသလိုပဲ ဒါဆို စကားမထစ်တော့ဘူး အဲ့ဒီအချိန်မှာ သိလိုက်ရတာ ကောင်လေး နာမည်က ဂျဂ္ဂ တဲ့ သူဆေးရုံကို ပို့ပေးလိုက်တဲ့ လူကြီးက ကောင်လေးကို သံယောဇဉ်ဖြစ်ပြီး သားအဖြစ်မွေးစားဖို့ ခေါ်သွားလိုက်တယ် ပျော်ရွှင်နေတဲ့ ဂျဂ္ဂနဲ့ မွေးစာစအဖေရဲ့ ဘဝထဲကို ဒုက္ခဆိုးကြီးက ဝင်လာပါလေရော တစ်နေ့ ဂျဂ္ဂတို့သားဖကို ဘယ်ကမှန်းမသိတဲ့ လူတစ်စု လိုက်ဖမ်းပါလေရော ဖမ်းမမိတော့ စာလေးတစ်ဆောင် ချန်ခဲ့တယ့် အဲ့ဒီစာထဲမှာ ဘာတွေပါလဲ ဂျဂ္ဂတော့ မသိနိုင်ဘူး သူ့အဖေက သူ့ကို ကျောင်းတစ်ကျောင်းနဲ့ ဘော်ဒါ်ဆောင်တစ်ခုမှာ ထားခဲ့ပြီး ထွက်သွားလိုက်တော့တယ် ဂျဂ္ဂ ခမျှာ ဘာကြောင့်သူ့ကိုထားခဲ့တာလဲ ဆိုတဲ့ မေးခွန်နဲ့ပဲ ကျန်ခဲ့ရတယ် ငယ်ဗီဇအတိုင်း စူးစမ်းလိုစိတ်ပြင်းပြတဲ့ ဂျဂ္ဂတစ်ယောက် ဒီမေးခွန်းအတွက်အဖြေရှာဖို့ ကြိုးစားရင်း့ မွေးစာ အဖေဆီက နှစ်စဉ် ကျောင်းစရိတ်နဲ့ မွေးနေ့အတွက် ဗီဒီယို တိပ်ခွေလေး တစ်ခုပဲ ရနေကျ့ ဒီနှစ်မွေးနေ့မှာ အဖေ့ တိပ်ခွေလေးကို မျှော်ရင်း့ ကျောင်းက ဆရာမတစ်ယောက်ရဲ့ သေဆုံးမှု့ သူစိမ်း မိန်းကလေးတစ်ယောက်ရဲ့ ခြောက်ချခံလိုက်ရတဲ့ အဖြစ်တွေကို ကူညီရင်း ဂျဂ္ဂဂျာဆူး ဆိုတဲ့ စုံထောက်လေး ဂျဂ္ဂ ဖြစ်လာပါတော့တယ့် ဂျဂ္ဂ သူ့အဖေနဲ့ ပြန်တွေ့ရပါမလားး့ တိပ်ခွေလေးကော ရောက်လာပါ့မလား့ ဟိုမိန်းကလေးကရော ဘယ်သူလဲဆိုတာကိုတော့ #ဇာတ်လမ်းလေးက ခပ်မြူးမြူးလေးနဲ့ Mystery / Adventure အမျိုးအစားဖြစ်လို့ ဘောလီဝုဒ် ကောင်းကောင်းတွေ မျှော်လင့်နေရင် လက်လွတ်မခံလိုက်ပါနဲ့။ ပြီးတော့ မင်းသား ရန်ဘီးကပူးရ် စကားပြောလိုက်တိုင်း သံစဉ်လေးတွေနဲ့ဆိုတော့ လန်ထွက်နေတာပါပဲ။ (ဇာတ်လမ်းအညွှန်းနဲ့ဘာသာပြန်သူကတော့ ကိုဇော်ထူးပါ) File Size : (1.4 GB) and (600 MB) Quality : Blu-Ray 720p Running Time : 2hr 41min Format : Mp4 Genre :Action, Adventure, Comedy Subtitle : Myanmar Subtitle (Hard Sub) Translated by Zaw Htoo Encoded by Thanhtike Zaw

2017 မှာထွက်ခဲ့သမျှ Bollywood ကားတွေမှာ အားရစရာ သိပ်မတွေ့ခဲ့ဘူး အထူးသဖြင့် တကယ့် ဂရိတ်ကြီးတွေရဲ့ ကားတွေ တော် မျှော်လင့်သလို ဖြစ်မလာခဲ့ဘူး (Akshay ရဲ့ Toilet တော့မကြည့်ရသေး) Badrinath Ki Dulhania လေးတော့ မဆိုးပါဘူး ဒီတစ်ခါ Bollywood ပရိတ်သတ်ကြီးကို တင်ဆက်ပေးမှာကတော့ မင်းသမီးကြီး Sridevi ရဲ့ Mom ဆိုတဲ့ ဇာတ်ကားပါပဲ့ English Vinglish မှာ ထူးထူးခြားခြား သတိထားမိတာပါ ( တခြားကားတွေ မကြည့်ဖူး ) ဒီကားထဲမှာလည်း သရုပ်ဆောင်သွားတာ သိပ်ကောင်းလွန်းလို့ မျက်ရည်ဝဲမိတဲ့ အထိပါပဲ့ အမေတစ်ယောက်ရဲ့ မေတ္တာ ဂရုဏာ ဒေါသ အားလုံးကို ကျွန်တော့်တို့ကို ချပြသွားနိုင်ပါတယ် မိခင် ဖြစ်ထားတဲ့ သူတွေ မိခင်ဖြစ်လာမည့် သူတွေ တွေ သမီးမိန်းကလေးတွေ သမီးရှင်တွေ လက်လွတ်မခံပဲ ကြည့်ထားသင့်တဲ့ ပညာပေး ဇာတ်ကား တစ်ကားပါ။ IMDB 7.4/10 ထိ ရရှိထားတာဆိုတော့ ကောင်းမကောင်း ပြောမနေတော့ပါဘူး ဒါ့အပြင် သဘာဝမင်းသားကြီး Nawazuddin Siddiqui ကလည်း အထူးသရုပ်ဆောင် အဖြစ်ပါဝင်ထားပါတယ်။ ဇာတ်လမ်းလေးကို ပြောရမယ်ဆိုရင့် ဒေ့ဗ်ကီဆိုတဲ့ ကျောင်းဆရာမ တစ်ယောက်ဟာ ခင်ပွန်းနဲ့ သမီးလေး နှစ်ယောက်နဲ့ ပျော်ရွှင်ဖွယ်ဘဝလေးကို ဖြတ်သန်းနေတာပါ။ ပြသနာ ရှိတာဆိုလို့ သမီးနှစ်ယောက်ဆိုတဲ့ အထဲမှာ သမီးအကြီးက လင်ပါသမီးပါ့ လင်ပါသမီး ဖြစ်ပေမယ့် ကိုယ့်သမီးအရင်းလို သဘောထားပြီး မေတ္တာတွေ ပေးခဲ့တယ့် ဘယ်တော့မှ ခွဲခြားခွဲခြား မဆက်ဆံခဲ့ပါဘူး ဒါပေမဲ့ အာယာ့ အာယာကတော့ အဖေဖြစ်သူ နောက်မိန်းမယူလိုက်ပေမယ့် မိမိ အမေဖြစ်သူ့ကို အခုချိန်ထိ မမေ့နိုင်သေးပဲ အမေ့နေရာကို တခြား တစ်ယောက်ကို အစားထိုးလို့ မရနိုင်သေးဘူး " အမေတစ်ယောက်ရဲ့ ဘဝမှာ သမီးတစ်ယောက်ဆိုတာ ရှိစမြဲပဲ့ ဒါပေမဲ့ သမီးတစ်ယောက်အတွက်တော့ အမေဆိုတာ အစားထိုးလို့ မရဘူး " အဆင်မပြေလှတဲ့ အာယာကို ကလေးမို့ အတတ်နိုင်ဆုံး လိုက်လျောပြီး တနေ့ အဆင်ပြေသွားမှာပါဆိုတဲ့ စိတ်နဲ့ ရှေ့ဆက်နေ့တဲ့ ဒေ့ဗ်ကီ တို့ ဘဝထဲကို မထင်မှတ်ထားတဲ့ ကံကြမ္မာဆိုးကြီး ကျရောက်လာပါတော့တယ့် အာယာ တစ်ယောက် ချစ်သူများနေ့ ပါတီပွဲကအပြန် အဓမ္မကျင့်ခံလိုက်ရပါတယ့် တရားခံတွေကို ဖမ်းမိပေမယ့် လူယုတ်မာတွေဟာ ခြေရာလက်ရာ ဖျောက်ကာ သက်သေတွေကို ဖျက်စီးခဲ့တဲ့အတွက် တရားဥပဒေအရ အပြစ်ပေးလို့ မရပါဘူး တရားသေ ပြန်လွှတ်ပေးခဲ့ရပါတယ့် ဒီအခါမှာတော့ အမေတစ်ယောက်က သမီးတစ်ယောက်အတွက် အကြွေးကို ကိုယ်တိုင် သိမ်းယူဖို့ ဖြစ်လာခဲ့ပါတော့တယ် " ဘုရားကို ယုံကြည်ပါ အစစအရာရာ အဆင်ပြေသွားလိမ့်မယ် ဘုရားက နေရာတကာမှာ ရှိမနေနိုင်ပါဘူးရှင် သိတယ်လေ ဒါကြောင့်ပဲ အမေတွေကို ဖန်ဆင်းထားတာပေါ့ " (ဇာတ်လမ်းအညွှန်းနဲ့ဘာသာပြန်က ကိုဇော်ထူးပါ။) File Size : (1.1 GB) Quality : Blu-Ray 720p Running Time : 2hr 26min Format : Mp4 Genre :Drama, Thriller Subtitle : Myanmar Subtitle (Hard Sub) Source : BluRay.x264.AC3.5.1.-.Hon3y Translated by Zaw Htoo Encode by Thanhtike Zaw

Tiger Zinda Hai (2017) (သို့) " တိုက်ဂါးရှိနေသေးတယ် " ၂၀၁၂ တုန်းက Ek Tha Tiger ဆိုတဲ့ အက်ရှင်သူလျှိုကားအပြီး ဒုတိယမြောက် Tiger ရုပ်ရှင်အဖြစ် ထွက်ရှိလာတာဖြစ်ပြီး စူပါစပိုင်နှစ်ယောက်ဖြစ်တဲ့ တိုက်ဂါးနဲ့ဇိုရာအဖြစ် မင်းသားကြီးဆယ်လ်မန်ခန်းနဲ့ မင်းသမီးချော ကတ်ထရီနာကေ့ဖ်တို့ကို အလန်းစားသူလျှိုတွေအဖြစ် ဆက်လက်ရှုစားရမှာပါ။ ဖြစ်ရပ်မှန်အကြောင်းအရာဖြစ်တဲ့ ၂၀၁၄ တုန်းက အိုင်အက်စ်အဖွဲ့က ဓားစာခံအဖြစ် ဖမ်းဆီးခေါ်ဆောင်သွားခဲ့တဲ့ သူနာပြု ၄၆ ယောက်ကို ကယ်ဆယ်တဲ့အကြောင်း အဓိက ဇာတ်အိမ်တည်ထားတာဖြစ်ပါတယ်။ ပထမဇာတ်လမ်းရဲ့ အဆက်အနေနဲ့ RAW အေးဂျင့်တိုက်ဂါးနဲ့ သူ့ချစ်သူ ISI အေးဂျင့်ဇိုရာတို့ဟာ လက်ထပ်ခဲ့ကြပြီး သားလေးနဲ့အတူ ဘဝကို အေးအေးချမ်းချမ်း ဖြတ်သန်းခဲ့ကြပါတယ်။ ဒီလိုနဲ့ ရှစ်နှစ်လောက်ကြာခဲ့အပြီးမှာ တော့ အချစ်ကိုဦးစားပေးပြီး မိသားစုအရေးပဲ အာရုံစိုက်ခဲ့ကြတဲ့ တိုက်ဂါးတို့စုံတွဲအတွက် မစ်ရှင်တစ်ခုပေါ်လာခဲ့ပါတယ်။ တိုက်ဂါးရဲ့ အလုပ်ရှင်ဟောင်းဖြစ်တဲ့ ရှီနွိုင်က အီရတ် မှာ အကြမ်းဖက်သမားတွေရဲ့ ပြန်ပေးဆွဲခြင်းခံရတဲ့ အိန္ဒိယသူနာပြု ၂၅ ယောက်ကို ပြန်ကယ်စေချင်ခဲ့ပါတယ်။ အကြမ်းဖက်သမားတွေလက်ထဲမှာ အိန္ဒိယသူနာပြုတွေအပြင် ပါကစ္စတန်သူနာပြု ၁၅ ယောက်လည်း ပါနေသေးတဲ့အတွက် အိန္ဒိယသူလျှိုတိုက်ဂါးနဲ့ ပါကစ္စတန်သူလျှိုဇိုရာတို့စုံတွဲစစ်ဆင်ရေးကို အတူလှုပ်ရှားခဲ့ကြပါတယ်။ အတိုက်အခိုက်၊ အပစ်အခတ်တွေနဲ့မို့ အက်ရှင်ဇာတ်ကြမ်း ကြိုက်ပရိသတ်အကြိုက်တွေ့ မယ့် ဇာတ်ကွက်တွေ အများကြီးပါသလို ဂီတ၊ အကနဲ့ ဒရာမာ တွေလည်း ပါတာမို့ ရသစုံပေး စွမ်းတဲ့ ဇာတ်ကားဆိုရင်လည်း မမှားပါဘူး။ အကြမ်းဖက်သမားတွေရဲ့ နယ်မြေထဲကို တိုက်ဂါးတို့စုံတွဲ ဘယ်လိုအစီအမံတွေနဲ့ ဝင်ကြမှာလဲ။ ဓားစာခံသူနာပြုတွေကို ဘယ်လိုကယ်တင်ကြမှာလဲဆိုတာ ဆက်ကြည့်ဖို့ ဖော်ပြလိုက်ပါတယ်။ ဒီဇာတ်ကားမှာ ဝါရင့်သရုပ်ဆောင်မင်းသား ဆယ်လ်မန်ခန်း နဲ့ မင်းသမီး ကက်ထရီနာကိတ်ဖ် တို့ကပဲ အဓိကဇာတ်ကောင်အ ဖြစ် သရုပ်ဆောင်ထားကာ ဆာဂျက်ဒယ်ဖရူဇ်၊ ဆူဒိ၊ အန်ဂက် ဘီဒီ၊ ကူမွတ်မစ်ရှ်ရာ စတဲ့သူတွေအားဖြည့်ထားပါတယ်။ (ဇာတ်လမ်းအညွှန်းကို 7daily Website မှကူးယူဖော်ပြပါသည်။) File size…(7.9 GB)/(3.1 GB)/(1.7 GB) Quality….BluRay 4K HEVC/ 1080p /720p Format…mp4 Duration….02:38:54 Subtitle….Myanmar Subtitle(Hardsub) Encoder….Ka Naung Translated by Zaw Htoo

နပန်းဆိုတာ အားကစားမဟုတ်ပါဘူး ရဲရင့်တဲ့ လူ၂ယောက်ကြားက တိုက်ပွဲ အဲ့တာ ကျွန်တော်ပြောတာ မဟုတ်ဘူးနေ်ာ စူလ်တန်က ပြောခဲ့တာ ကဲဗျာ ပရိတ်သတ်ကြီးအတွက် ၂၀၁၆ ထွက် မင်းသားကြီး ဆလမန်ခန်းရဲ့ ကားသစ်တကားကို ထပ်ပြီးတင်ပေးလိုက်ပါတယ် အလယ်အလတ်ပိုင်းအရွယ်ရှိတဲ့ နပန်းချန်ပီယံတစ်ယောက် Olympic မှာ India ကိုယ်စားပြုဝင်ပြိုင်ပြီး လက်ဝှေ့လောကကို ပြန်လာဖို့ ကြိုးပမ်းတဲ့အကြောင်းဖြစ်ပါတယ်။ တစ်ချိန်က ပြိုင်စံရှား အောင်မြင်ကျော်ကြားလှတဲ့ နပန်းသမားကြီး Sultan ခုတော့ အကြောင်းအမျိုးမျိုးကြောင့် အရှုံးသမားဖြစ်နေရာက ဆုံးရှုံးသွားသမျှကို ပြန်ယူဖို့အတွက် ကြိုးဝိုင်းအတွင်းကို ပြန်ဝင်ဖို့ဖြစ်လာပါတော့တယ်။ ဒီကားကို စသိမိတာကတော့ ထုံးစံအတိုင်း ရုပ်ရှင်ရုံမှာပြတဲ့ trailer ကြောင့်ပေါ့။ ပုံစံကမဆိုးဘူး၊ ရိုက်ချက်လေးတွေ မိုက်တယ်၊ တအားကြီးမကောင်းတောင် ထူးထူးခြားခြားနဲ့ အပန်းပြေနိုင်တယ် ကြည့်ဦးမှဆိုပြီးတော့ ဖြစ်ခဲ့တယ်ပေါ့ဗျ။ ဘယ်လိုကောင်းမယ် ဘာဖြစ်တယ်ညာဖြစ်တယ်မျိုး မှန်းထားတာမျိုးမရှိခဲ့ဘူး။ ဇာတ်လမ်းပိုင်းမှာ Sultan ဟာ Southpaw နဲ့ နည်းနည်းလေးသွားဆင်တယ်။ ဇာတ်ဝင်ခန်းတချို့ ပြောသွားတဲ့ ပေးသွားတဲ့ message တချို့အရ နောက်လာမဲ့ Amir Khan ရဲ့ Dangal နဲ့လည်း နည်းနည်းဆင်တယ်။ သိပ်မဆိုင်ဘူးဆိုပေမဲ့ အမှတ်ရတာတစ်ခုက ဒီကားမကြည့်ခင်မှာပဲ ဘော်ဒါတစ်ယောက်နဲ့ ပြောဖြစ်ခဲ့တဲ့ အချစ်အကြောင်းပါ။ ပြောရရင် ကြားရရင် နည်းနည်းလေး ပေါတောတောနိုင်တယ်လို့ ထင်နိုင်ပေမဲ့ အချစ်ကြောင့် မဖြစ်နိုင်ဘူးဆိုတာတွေ ဖြစ်လာနိုင်တယ်ဆိုပြီးတော့ပါ။ ရုပ်ရှင်ထဲမှာတော့ ပေါတောတော ပေါ့ပျက်ပျက်နေနေတဲ့ Sultan တစ်ယောက် အချစ်ကြောင့် ဘဝတစ်ခုလုံး ဘာမှမဆိုင်အောင် ပြောင်းလဲပြီး အတက်တွေအကျတွေ အနိုင်တွေအရှုံးတွေဆိုတာတွေနဲ့ ဇာတ်လမ်းတစ်ပုဒ်လုံးဖြစ်ပေါ်လာခဲ့တယ်ပေါ့။ Sultan ကိုတော်တော်လေးသဘောကျမိတဲ့ အချက်တစ်ခုက ရုပ်ရှင်ပြသချိန်ကို ရှည်ရှည်ယူပြီး ပေးချင်ပြောချင် ပြချင်တာတွေကို ဖြေးဖြေးနဲ့ မသိမသာလေးတွေ ထည့်ပေးလို့ပါ။ သူတို့ ရွာဓလေ့တွေ၊ လူ့စရိုက် လူ့သဘာဝ၊ မာနနဲ့ ဘဝ စတာတွေကို (ယှဉ်ပြောမိတာ ခွင့်လွှတ်) ကျွန်တော်တို့ ဗမာကားတွေလို ငါတို့ မြန်မာလူမျိုးဆိုတာ ဒီလို ဒါလိုရှိတယ်။ မိဘမေတ္တာဆိုတာ ဘယ်လိုမျိုးရှိတယ်၊ ငါတို့ရွာသားတွေက အရမ်းရိုးသားတာ ဘာာညာ ဆိုတာမျိုး အတင်းကြီး မစားစားအောင် ကျွေးလွှတ်တာမျိုးမဟုတ်ဘဲ သက်သက်သာသာလေးတွေနဲ့ ပေးသွားပြောသွားတာလေးတွေကိုပါ။ ရိုက်ချက်တွေမှာတော့ ထုံးစံအတိုင်း ကင်မရာမန်းတွေကတော့ စကေးရှယ်ပြထားပါတယ်။ အလင်းအမှောင်တွေဘာတွေ လိုတာပိုတာမရှိဘဲ လက်စွမ်းပြထားတယ်။ နောက်ခံတီးလုံးနဲ့ သီချင်းတွေကလည်း အင်မတန်ကောင်းတယ်။ သရုပ်ဆောင်တွေအကုန်လုံး တော်ကြသလို ဇာတ်လိုက် Salman Khan ကတော့ သူ့ရဲ့ ဘဝအတက်အကျ အနိမ့်အမြင့်တွေနဲ့လိုက်ပြီး အမူအရာမျိုးစုံ ပီပြင်အောင် သရုပ်ဆောင်ပြနိုင်ခဲ့တယ်။ Sultan ရုပ်ရှင်ဟာ ပျော်စရာ၊ ကြည်နူးစရာ၊ ဝမ်းနည်းစရာ အစုံပေးနိုင်တဲ့ရုပ်ရှင်တစ်ကားပါ။ ကြည့်နေသူတွေက တခွီခွီနဲ့ ရယ်ရတဲ့အခိုက်၊ ပြုံးပြီးသဘောကျနေတဲ့အခိုက်၊ မျက်ရည်လေးစမ်းစမ်းနဲ့ မငိုအောင်ထိန်းရတဲ့အခိုက် မျိုးစုံဖြစ်မှာ သေချာတယ်။ ဇာတ်လမ်းက နည်းနည်းရှည်တာလေးနဲ့ Bollywood ကား ထုံးစံအတိုင်း မင်းသားကို အတင်း skill ပြထားတာ၊ theme song ကို ခနခန တောက်လျှောက်သုံးထားတာ ဆိုတဲ့ မပြောပလောက်တဲ့ ဟာလေးတွေကလွဲပြီး ကျန်တာ အကုန်သဘောကျမိပါတယ်။ ပညာလည်းပေးနိုင်တဲ့အပြင် သူတို့ Indian ရိုးရာ ဓလေ့၊ နောက် သူတို့ရဲ့ ရိုးရာ နပန်းကစားနည်းကို visual effect မပါ (ပါတယ်ဆိုရောက်လောက်တော့ရှိတာပေါ့)၊ ပေါက်ကွဲခန်း action တွေမပါဘဲ လူစိတ်ဝင်စားအောင် လုပ်ပြနိုင်တော့ စဉ်းစားရင်း အားမရဖြစ်မိတာ တွေးမိတာက ကျွန်တော်တို့ မြန်မာပြည်မှာလည်း နည်းပညာအခက်အခဲကြောင့် ဆိုတာကြီး ဘေးဖယ်ပြီး မြန်မာ့လက်ဝှေ့တို့ဘာတို့ကို ဒီကားလိုမျိုး ကမ္ဘာကို ရိုက်ပြချပြနိုင်ရင်ကောင်းမယ်လို့ပေါ့။ Bollywood ရုပ်ရှင်တစ်ကားဖြစ်ပြီး မင်းသား Salman Khan အဓိကပါဝင်သရုပ်ဆောင်ထားပါတယ်။ Yash Raj Film မှ ထုတ်လုပ်ဖြန့်ချိတာဖြစ်ပါတယ်။ အညွှန်းကိုတော့ www.datshin.com မှကူးယူဖော်ပြပါတယ် File size…3.4 GB / 2 GB Quality…Blu Ray 1080p / 720p Format…mkv / mp4 Duration….02:49:56 Subtitle….Myanmar Subtitle (Hardsub)

ဒီဇာတ်ကားမှာ နာမည်ကြီး Bollywood မင်းသမီး(၂) ယောက်ဖြစ်တဲ့ Priyanka Chopra နဲ့ PK ဇာတ်ကားထဲက မင်းသမီး Anushka Sharma တို့အပြင် သရုပ်ဆောင်တော်တော်များများတို့ ပါဝင်ထားပါတယ်။ အချစ် ၊ အမုန်း ၊ စီးပွားရေး ၊ လူမှုရေး ၊ မိသားစုမေတ္တာ နဲ့ လူ့သဘော သဘာဝတို့ကို ပေါင်းစပ်ဖန်တီးထားပါတယ်။ ဒီဇာတ်ကားထဲက ဒိုင်ယာလော့ခ်တချို့နဲ့ပဲညွှန်းပေးလိုက်ပါတယ်။ "ခင်ဗျား တစ်ယောက်ယောက်ကိုချစ်နေရင် သူ့ကို လွတ်လပ်အောင်နေပေးလိုက်ပါ..... လွတ်လပ်မှုဆိုတာ ခက်ခဲတယ်...အမြဲတမ်းလဲ အကောင်းဆုံးပဲ...နှလုံးသားတိုင်းကို ခုန်ခိုင်းပါ.... နေရာလေးသေးနေပေမယ့် ချစ်ခြင်းက ပြည့်စုံနေရင် ဘာတွေလိုအပ်နေဦးမှာလဲ" လူသားတွေအတွက် အလိုအပ်ဆုံးက ချစ်ခြင်းမေတ္တာဆိုတာ မြင်ရမှာဖြစ်ပါတယ်။ IMDB Rating (6.8/10) ရရှိထားတဲ့ Drama, Romance အမျိုးအစား Bollywood ဇာတ်ကားပါ။ File size...(995MB) Quality...HDRip 720p Format...mp4 Duration....02:53:51 Subtitle....Myanmar Subtitle (Hardsub) Encoder....Nyeinsaeya Aung