Jacques Rispal ပါဝင်သော ဇာတ်ကားများ

၁၉၈၁ ခုနှစ်ထွက် ပြင်သစ်ရုပ်ရှင် Beau Pere မှာ စန္ဒရားတီးသူ ရယ်မီဟာ ဇနီးမာထင်န် ဆုံးပါးသွားပြီးနောက် မယားပါသမီး မာရီယွန်ကို စောင့်ရှောက်ဖို့ ဖြစ်လာပါတယ်။ အသက် ၁၄ နှစ်ပဲရှိသေးတဲ့ မာရီယွန်က မိခင်ကို ဆုံးရှုံးလိုက်ရတဲ့နောက် ပထွေးဖြစ်သူအပေါ် အလွန်တွယ်တာလာတယ်။ အဲဒီတွယ်တာမှုက သာမန်သားအဖဆက်ဆံရေးထက် ကျော်လွန်လာတဲ့အခါ ရယ်မီအတွက် အနေကြပ်စရာ ဖြစ်လာပါတယ်။ ဇနီးကို ဆုံးရှုံးထားတဲ့ ရယ်မီနဲ့ မိခင်မရှိတော့တဲ့ မာရီယွန်တို့ကြားက ဆက်ဆံရေး ဘယ်လိုဆက်ဖြစ်လာမလဲဆိုတာကို ဇာတ်လမ်းက ဆက်ပြထားပါတယ်။

IMDB : 6.9/10 ဒီဇာတ်ကားလေးကတော့ ဆားပုလင်းနှင်းမောင်လို လူဆိုးလူရမ်းကားတွေကို သဲလွန်စတွေရှာဖွေ ခြေရာခံပြီးလိုက်ဖမ်းတဲ့ စုံထောက်ဇာတ်လမ်းလေးဖြစ်တဲ့အတွက် အဲ့ဒါမျိုးတွေစိတ်ဝင်စားရင်တော့ ကြည့်ဖိုတိုက်တွန်းချင်တဲ့ဇာတ်ကားလေးဖြစ်ပါတယ်။ ဇာတ်လမ်းရဲ့အကြောင်းအရာကတော့ စုံထောက်မှုးကြီးလက်တဲလ်လီယာဟာ အရင်ကဘဏ်ဓားပြတိုက်မှုမှာ လွတ်မြောက်သွားတဲ့ မာကူကီး‌ဆိုတဲ့ လူမိုက်တစ်ယောက်ကိုလိုက်ဖမ်းနေပါတယ်။ဒါပေမဲ့တစ်ချိန်တည်းမှာပဲ မိန်းကလေးတွေကိုပဲပစ်မှတ်ထားပြီးလိုက်သတ်နေတဲ့ မီးနိုစ်ဆိုတဲ့ စိတ္တဇလူသတ်သမားပေါ်လာခဲ့တယ်။ဒါကို လက်တဲလ်လီယာဟာ အရင်ကမှုခင်းကိုပဲဖြေရှင်းရမလား အခုလက်ရှိမီးနိုစ်ဆိုတဲ့ စိတ္တဇလူသတ်သမားအမှုကို‌ပဲဖြေရှင်းရမလား အကြပ်ရိုက်လာတယ်။အဲ့ဒီအချိန်မှာပဲ မီးနိုစ်ဟာ လက်တဲလ်လီယာကို နာမည်တပ်စိန်ခေါ်ပြီး လူသတ်ပြတာတွေလုပ် လက်တဲလ်လီယာရဲ့ မကောင်းသတင်းကိုဖြန့်တာတွေလုပ်လာတယ်။ ဒါပေမဲ့ မီးနိုစ်ဟာ ဘာလိုမိန်းကလေးတွေကိုပဲ ရွေးသတ်နေရတာလဲ သူဟာသာမန်အပျော်တမ်းရွေးသတ်နေတာလား ပိုပြီးတော့နက်နဲတဲ့အကြောင်းကိစ္စတွေရှိနေတာလား သူ့စိတ်ပဲမနှံတာလားဆိုတာကို လက်တဲလ်လီယာဟာ ဘယ်လိုအဖြေရှာပြီး မှုခင်းကို ဘယ်လိုရင်ဆိုင်သွားမလဲဆိုတာကိုတော့..... File size…(1.3 GB) Quality…. 720p Format…mp4/ mkv Duration….01:48:00 Subtitle….Myanmar Subtitle (Hardsub)

ဂျင်ကလော့ဒ်နဲ့ ပီရော့တို့နှစ်ယောက်က ခိုးတာ၊ လုတာ၊ လိမ်တာတွေကို ကြုံသလိုလုပ်ပြီး စားဝတ်နေရေး ဖြေရှင်းနေကြသူတွေပါ။ ကျွမ်းကျင်လွန်းတဲ့ ရာဇဝတ်သားတွေတော့ မဟုတ်ဘဲ အဆင်ပြေသလို လုပ်စားရင်း ပြင်သစ်နိုင်ငံအနှံ့ ခရီးဆန့်နေကြတယ်။ တွေ့ကြုံရသူတွေနဲ့လည်း လိင်ဆက်ဆံမှုတွေ ရှိတတ်ကြပါတယ်။ ကားခိုးတဲ့ ကိစ္စတစ်ခုမှာတော့ မာရီအန်းဆိုတဲ့ အမျိုးသမီးတစ်ယောက်နဲ့ ဆုံကြတယ်။ နှစ်ယောက်စလုံးက အခြေချပြီး တည်တည်ငြိမ်ငြိမ် နေဖို့ စိတ်ကူးမရှိကြတော့ မာရီအန်းကိုပါ ခေါ်ပြီး ပြင်သစ်အနှံ့ ဆက်လက်ခရီးထွက်ကြပါတယ်။ ၁၉၇၄ ခုနှစ်က ထွက်ရှိခဲ့တဲ့ ဒီရုပ်ရှင်ဟာ ခရီးသွားဇာတ်လမ်းပုံစံ ဟာသဒရာမာဖြစ်ပြီး ဟာသတွေကလည်း ရယ်ရခက်တဲ့ အခြေအနေတွေကို ဖော်ပြတဲ့ အမည်းရောင်ဟာသဘက် သွားပါတယ်။ ဇာတ်ကောင်တွေရဲ့ အပြောအဆို၊ လုပ်ရပ်နဲ့ ပြကွက်တွေကြောင့် အငြင်းပွားမှုတွေ ရှိခဲ့သလို ရိုင်းစိုင်းတဲ့ အသုံးအနှုန်းတွေနဲ့ လိင်ဆက်ဆံမှု ပြကွက်တွေ ပါဝင်တာကြောင့် အရွယ်ရောက်ပြီးသူတွေအတွက် ရည်ရွယ်ထားတဲ့ ဇာတ်ကားပါ။