Jake Cherry ပါဝင်သော ဇာတ်ကားများ

၂၀၁၂ခုနှစ်က ထွက်ရှိခဲ့တဲ့ အမေရိကန်အက်ရှင်ဇာတ်လမ်းကို တင်ဆက်ပေးလိုက်ပါတယ်။ နိတ်ဆိုသူက အိမ်ခြံမြေလုပ်ငန်းမှာ လိမ်လည်မှုနဲ့ထောင်ကျသွားခဲ့တာကြောင့် သားနှစ်ယောက်ရယ် ဇနီးဖြစ်သူရယ်နဲ့ပြန်အဆင်ပြေစေဖို့ ထောင်ကထွက်လာတဲ့အချိန် အပန်းဖြေခရီးတစ်ခုထွက်လာခဲ့ပါတယ်။ တစ်ဆက်တည်းမှာပဲ လူလေးယောက်က ပိုက်ဆံလေးသန်းတင်လာတဲ့ယာဉ်ကို ဓားပြတိုက်သွားတဲ့အတွက် သတိထားကြဖို့ တွေ့ရှိကသတင်းပေးဖို့ သတင်းမှာလာနေခဲ့တယ်။ ကံမကောင်းချင်တော့ ဓားပြတွေက လမ်းမှာပိတ်စစ်နေတဲ့ရဲတွေရန်ကလွတ်အောင် နိတ်တို့မိသားစုရဲ့ကားပေါ်မှာ ငွေလေးသန်းအိတ်ကြီးကို တင်ပေးလိုက်ပါတယ်။ နိတ်တို့မိသားစုကလည်း သူတို့ကားပေါ်မှာပိုက်ဆံအိတ်ပါလာတာကို မသိဘဲခရီးဆက်လာတဲ့နောက်မှာတော့...။ မိသားစုနဲ့အဆင်ပြေဖို့ကြိုးစားနေတဲ့ နိတ်တစ်ယောက် ဓားပြတွေနဲ့ပါရင်ဆိုင်ဖို့ဖြစ်လာပါတော့တယ်။ (အညွှန်းနဲ့ဘာသာပြန်ကတော့ Pyae Phyoဖြစ်ပါတယ်) File size…(2.1 GB)/(1.1 GB) Quality….Webrip 1080p / 720p Format…mp4 Duration….01:58:00 Genre... Drama , Scifi Subtitle….Myanmar Subtitle (Hardsub) Encoder….Mr. Anderson Translated by Pyae Phyo

ရဲတစ်ယောက်ဖြစ်တဲ့ အဖေဆုံးသွားပြီးနောက် ဂျွန်နသန်ဝွိုက်က အဘွားနဲ့အတူ မူးယစ်ဆေးသုံးသူတွေ ပေါများတဲ့ ပတ်ဝန်းကျင်မှာ နေခဲ့ရပါတယ်။ တစ်နေ့မှာ မူးယစ်ဆေးသုံးသူတစ်ယောက်ကို မတော်တဆ သေနတ်နဲ့ ပစ်သတ်မိပြီး သူငယ်ချင်း ဗင်နီ၊ ဗစ်ကီတို့နဲ့အတူ အလောင်းကို သွားစွန့်ပစ်လိုက်ကြတယ်။ ဒါကို သူတို့တိုက်မှာနေတဲ့ လူတစ်ယောက်က သိသွားပြီး နောက်တစ်နေ့မှာ ဂျွန်နသန်ကို ငွေညှစ်လာပါတယ်။ အဲဒီလူကိုလည်း မတော်တဆ လှေကားပေါ်ကနေ တွန်းချမိလို့ နောက်ထပ်လူတစ်ယောက် သေဆုံးသွားပြန်တယ်။ ဒီလူသတ်မှုနှစ်ခုကို စုံစမ်းရသူက ဂျွန်နသန့်အဖေရဲ့ တွဲဖက်ဟောင်း စုံထောက်စတန်းဖို့ ဖြစ်နေပြီး သူက အမှုတွေကို ဖုံးကွယ်ပေးကာ ပိတ်လိုက်ပါတယ်။ နှစ်ပေါင်းများစွာကြာတော့ ဂျွန်နသန်ကိုယ်တိုင်လည်း ရဲတစ်ယောက်ဖြစ်လာပြီး မိသားစုနဲ့ အေးအေးချမ်းချမ်း နေနေခဲ့တယ်။ ဒါပေမဲ့ အတိတ်က အမှုတွေ ပြန်ပေါ်လာတဲ့အခါ အရင်က ဖုံးထားခဲ့သမျှကို ပြန်ရင်ဆိုင်ရပါတော့တယ်။ ဒီကိစ္စတွေကို ပြန်ဖော်လာသူက ဘယ်သူလဲ၊ စုံထောက်စတန်းဖို့မှာ ဘယ်လိုလျှို့ဝှက်ချက်တွေ ရှိနေသလဲ၊ ဂျွန်နသန်ကရော အတိတ်ကို ဘယ်လိုရင်ဆိုင်မလဲ။

The Sorcerer's Apprentice (2010) IMDb Rating (6.1) / Rotten Tomatoes (40%) 2010 ကထွက်ခဲ့ပြီး Nicolas Cage ကြီးကားကောင်းတွေရိုက်ခဲ့စဉ်က အောင်မြင်ခဲ့တဲ့ မှော်အက်ရှင်ဇာတ်ကားပါ။ မှော်ပညာကို သိပ္ပံနဲ့ရောစပ်ပြီး ယုတိ္တရှိရှိဖန်တီးပြနိုင်ခဲ့တာကြောင့်ရော၊ အံ့မခန်းလှပတဲ့အထူးပြုလုပ်ချက်တွေ၊ စိတ်ကူးကောင်းကောင်းနဲ့ဖန်တီးထားတဲ့ မှော်ပညာသုံးအက်ရှင်ခန်းတွေကြောင့်ပါ နာမည်ကျော်ပါတယ်။ ဇာတ်လမ်းအကျဉ်းကတော့ အားလုံးသိကြတဲ့ မှော်ဆရာကြီး မာလင်ရဲ့တပည့်သုံးယောက်ဖြစ်တဲ့ ဘယ်လ်သဇာ၊ ဟော်ဗတ်နဲ့ ဗရိုနီကာတို့မှာ သုံးပွင့်ဆိုင်ဇာတ်လမ်းဖြစ်ရာကနေ ဟော်ဗတ်ကသစ္စာဖောက်သွားခဲ့ပါတယ်။ မာလင်သေဆုံးပြီးနောက် ဘယ်လ်သဇာက မာလင့်ရန်သူတော်မော်ဂါနာရဲ့ဝိဉာဉ်ကို ဗရိုနီကာရဲ့ကိုယ်ထဲမှာပိတ်လှောင်ခဲ့ပြီး သူတို့ကိုတော့ ဂရင်းမ်ဟိုးလ်လို့ခေါ်တဲ့မှော်ရုပ်လေးထဲမှာ ချုပ်နှောင်ထားခဲ့ပါတယ်။ အဲ့ဒီဖြစ်ရပ်တွေအပြီး နှစ်ပေါင်းတစ်ထောင်အကြာမှာ ဒေ့ဗ်ဆိုတဲ့ စာကြမ်းပိုးကျောင်းသားလေးဟာ သူ့ကိုယ်သူမာလင်ရဲ့ဆက်ခံသူဆိုတာ မသိပဲ နေထိုင်နေပါတယ်။ သူ့ကို ဘယ်လ်သဇာ ရှာတွေ့ပြီးတဲ့နောက်မှာတော့ ဟော်ဗတ်ရဲ့ကမ္ဘာကြီးကိုဖျက်ဆီးမယ့် အစီအစဉ်ကို အတူတူတားဆီးဖို့ကြိုးစားကြရမှာပါ။ File size… (2.1 GB) / (1.2 GB) Quality…. Blu-Ray 1080p HEVC / 720p Format…. mkv/mp4 Genre…. Action,Adventure,Fantasy Duration…. 01:49:19 Subtitle…. Myanmar Subtitle (Hardsub)

The Rebound (2009) Wednesday ဇာတ်လမ်းတွဲထဲက Wednesday ရဲ့ အမေ Morticia Addams နေရာက သရုပ်ဆောင်ထားတဲ့ အန်တီလှလှကြီးဖြစ်တဲ့၊ ကျွန်တော်တို့တွေ ငယ်ငယ်ကတည်းက Zorro ကားထဲမှာ ငမ်းခဲ့ကြရတဲ့ Catherine Zeta-Jones အသက် ၄၀ ပြည့်တဲ့နှစ်က ရိုက်ကူးထားတဲ့ကားလေးပါ။ ဇာတ်ကားကြည့်လိုက်ရင် အသက် ၄၀ ဆိုတာ ဟုတ်ပါ့မလားလို့ ထင်သွားရလောက်အောင် နုပြီး လှနေပါတယ်။ ဘာမှ ခပ်ဆန်းဆန်း ဇာတ်လမ်းတွေ မပါတဲ့ ပေါ့ပေါ့ပါးပါးအချစ်ဇာတ်လမ်းလေးပါပဲ။ အိမ်တွင်းအောင်းပြီး အိမ်ရှင်မဘဝမှာပဲ မြှုပ်နှံထားတဲ့ အမျိုးသမီးတစ်ယောက် ယောက်ျားက အိမ်ထဲမှာတင်ဖောက်ပြန်နေတာကို တွေ့သွားပါတယ်။ အဲဒီမှာမှ သူ့ဘဝက အိမ်ထောင်ရှင်မဆိုတဲ့ထဲမှာပဲ နစ်မြုပ်နေပြီး သူ့ဘဝဆိုတာ ပျောက်နေပြီဆိုတဲ့ အသိက နိုးထလာပါတယ်။ ကလေးနှစ်ယောက်လက်ဆွဲပြီး အိမ်ပေါ်ကဆင်း ဘဝသစ် စရင်းမှာ မရှာဘဲရလိုက်တဲ့ ကလေးထိန်း ကောင်လေးနဲ့ အနေနီးစပ်လာပြီး သူ့ထက် ၁၅ နှစ်လောက်ငယ်တဲ့ ကောင်လေးနဲ့ မမနဲ့ မောင်လေး​ဇာတ်လမ်း ရေးကြပါတော့တယ်။ ကောင်လေးက ရင့်ကျက်ပေမဲ့လည်း မိဘအိမ်မှာကပ်နေတုန်း ဘဝဆိုတာ ဘာလဲအဖြေရှာနေတုန်း အတွေ့အကြုံတွေ အစုံ မခံစားဖူးသေးဘူးဆိုပြီး မမက စိတ်မကောင်းဖြစ်ပြီး ဖြတ်လိုက်ပါတယ်။ သူတို့တွေ ပြန်တွေ့ဖြစ်ကြမှာလား... ဒီတိုင်း တစ်ချိန်တုန်းက တစ်ယောက်သောသူအနေနဲ့ပဲ ဇာတ်လမ်းပြီးသွားမှာလား ဆိုတာကတော့ ကိုယ်တိုင်ပဲကြည့်လိုက်ပါတော့။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 1.5GB, 760MB Quality - BluRay 1080p HEVC, 720p IMDb Rating - 6.3/10 Format - mkv, mp4 Duration - 1H 35Min Genre - Comedy, Romance Subtitle - Myanmar Subtitle (Hardsub) Translated by 666 Encoded by Y

သဘာဝသမိုင်းပြတိုက်မှာ ညစောင့်လုပ်ခဲ့တဲ့ လယ်ရီ ဒဲလ်လေဟာ အခုတော့ သူတီထွင်ထားတဲ့ အိမ်သုံးပစ္စည်းတွေကို ရောင်းချရင်း အောင်မြင်တဲ့ လူသုံးကုန်ပစ္စည်းကုမ္ပဏီတစ်ခုရဲ့ CEO ဖြစ်နေပါပြီ။ သူ့ရည်မှန်းချက်အတိုင်း အလုပ်လုပ်နိုင်ခဲ့ပေမယ့် ပြတိုက်ဟောင်းကို အလည်ပြန်ရောက်လာတဲ့အခါ အရင်က မိသားစုလိုဖြစ်ခဲ့တဲ့ မိတ်ဆွေတွေ တကွဲတပြားစီ ဖြစ်ရတော့မယ်ဆိုတာ သိလိုက်ရတယ်။ လူကြိုက်နည်းလာတဲ့ ပြတိုက်ပစ္စည်းတွေကို ခေတ်မီသုံးဖက်မြင်စက်ပစ္စည်းတွေနဲ့ အစားထိုးဖို့ စီစဉ်နေပြီး အရုပ်တွေကိုတော့ ပြည်ထောင်စုမော်ကွန်းတိုက်ရဲ့ မြေအောက်ခန်းဆီ ပို့တော့မှာပါ။ လယ်ရီ ထွက်သွားခဲ့တာကို စိတ်နာနေကြတဲ့ မိတ်ဆွေတွေထဲမှာ စကားနာထိုးသူလည်းရှိသလို သူ့ကို မကြည့်ချင်လို့ မျက်နှာလွှဲသူလည်း ရှိတယ်။ လယ်ရီက သူတို့နဲ့ တစ်ညတာအတူနေပြီး နှုတ်ဆက်ခဲ့ပါတယ်။ ဒါပေမယ့် မျောက်ကလေး ဒက်ဇ်တာက ရွှေကျောက်စာကို မော်ကွန်းတိုက်ရဲ့ အောက်ထပ်ဆီ ခိုးယူသွားတဲ့အခါ ကမ္ဘာ့အကြီးဆုံးပြတိုက်ကြီး အသက်ဝင်လာတယ်။ အသက်ဝင်လာသူတွေထဲမှာ လယ်ရီ့မိတ်ဆွေ အခမ်းရာ့ရှ်ရဲ့ အစ်ကိုလည်း ပါလာပါတယ်။ သူဟာ စိတ်ဓာတ်ယုတ်ညံ့လို့ ထီးနန်းမအပ်ခံခဲ့ရတဲ့ ဖာရိုဘုရင်မျိုးရိုးဝင်တစ်ယောက်ဖြစ်ပြီး ကမ္ဘာကို အုပ်စိုးချင်နေသူပါ။ သူက လယ်ရီ့လက်ထဲက ကျောက်စာကို လုယူပြီး တမလွန်မြေအောက်ကမ္ဘာက မိစ္ဆာစစ်တပ်ကို ခေါ်ထုတ်ဖို့ ကြိုးစားလာပါတယ်။ ဒီစွန့်စားခရီးမှာ လယ်ရီနဲ့အတူ လိုက်ပါကူညီသူကတော့ သတ္တိရှိတဲ့ အမျိုးသမီးလေယာဉ်မှူးတစ်ယောက်ပါ။ လယ်ရီ့ကို မြတ်နိုးတဲ့စိတ်နဲ့ ကူညီပေးနေတဲ့ သူတို့နှစ်ယောက်ရဲ့ မေတ္တာအကြောင်းကိုလည်း ဟာသနဲ့ စွန့်စားခန်းတွေကြားမှာ တွဲဖော်ပြထားပါတယ်။

~ IMDb Rating - 6.4/10 ~ စားပွဲထိုးလေးတွေ ဆူညံပြေးလွှားနေတဲ့ လက်ဖက်ရည်‌ဆိုင်လေးတစ်ခုမှာ လယ်ရီ ဒဲလ်လေ နဲ့ ကျွန်တော်ဆုံတယ်။ ကိုယ်စီပြောစကားတွေနဲ့ အသက်ဝင်နေတဲ့ ပတ်ဝန်းကျင်လေးမှာ နံရံကပ်တီဗွီပေါ်က သူတို့ရဲ့ အမူအယာတွေ၊ စကားသံတွေ၊ လှုပ်ရှားသက်ဝင်မှုတွေကို အရမ်းအာရုံစိုက်ပြီး ကြည့်ခဲ့ရတယ်ပေါ့ဗျာ။ ဘာသာပြန်စာတန်းကလည်း သူစိတ်ပါတဲ့နေရာမှ ထ ထ ပေါ်လာတာဆိုတော့ ဟိုတစ်စ ဒီတစ်စ ပါပဲ။ IMDb 6.4 ရယ်၊ Rotten Tomato 44% ရရှိထားပါတယ်။ ဟာသမင်းသားကြီး Ben Stiller က အဓိကသရုပ်ဆောင်ထားပါတယ်။ Box Office မှာ ၅၇၄.၅ သန်းပြန်လည်ရရှိပြီး ၂၀၀၆ ခုနှစ်ရဲ့ ဝင်ငွေအကောင်းဆုံး ဇာတ်ကားဖြစ်လာခဲ့ပါတယ်။ ဒီဇာတ်ကားလေးကတော့ မိသားစု အပျော်ကြည့်လေးပေါ့။ အလုပ်လက်မဲ့တစ်‌ေယာက်၊ တီထွင်သူလိုလိုနဲ့ အိမ်ထောင်ကွဲ၊ သားတစ်ယောက်ကို ဇနီးသည်‌ေဟာင်းနဲ့ တစ်လှည့်စီ အုပ်ထိန်းနေရတဲ့ လယ်ရီ။ ကွင်းစ် ကို မပြောင်းရွှေ့ရဖို့အတွက် အလုပ်တစ်ခုကို အသည်းအသန်လိုအပ်နေတဲ့ လယ်ရီ။ အရှုံးသမား လယ်ရီ။ အလုပ်အကိုင်ရှာဖွေရေး အေဂျင်စီတစ်ခုမှာ စုံစမ်းရင်း မေးမြန်းရင်း သဘာဝသမိုင်းပြတိုက်ဟောင်းလေးတစ်ခုကို အလုပ်ရဖို့မျှော်လင့်ချက်နဲ့ ရောက်လာခဲ့တယ်။ ရမယ့်အလုပ်က ညစောင့်ဆိုတော့ မလုပ်ချင်ပေမယ့် သားလေးမျက်နှာကို ထောက်ထားပြီး ဝင်လုပ်ခဲ့ရ။ ဒါပေမဲ့ ကံကြမ္မာနတ်ဘုရားက သူ့‌အပေါ် အကျီစားသန်ခဲ့တယ်ပေါ့လေ။ အလုပ်ရဲ့ ပထမဆုံးည၊ နဖူးတွေ့ ဒူးတွေ့ လုပ်ငန်းခွင် အတွေ့အကြုံတစ်ခု။ ပြတိုက်ထဲက လူ၊ တိရစ္ဆာန်၊ ရုပ်တုမှန်သမျှက နေဝင်ချိန်မှာ အသက်ဝင်လာကြသတဲ့။ လှုပ်ရှား သွားလာ စကားတွေပြော၊ ဖြစ်ချင်တာတွေဖြစ် ပရမ်းပတာ အဖြစ်ကြီးထဲမှာ လယ်ရီ တစ်ယောက် စိတ်ရူးပေါက်မတတ်ပါပဲ။ ဒီကြားထဲ သူ့ကို အစိမ်းလိုက်ဝါးစားချင်တဲ့သူရယ်၊ သူ့ ခြေလက်တွေကို ဆွဲဖြုတ်ချင်တဲ့သူရယ်၊ သူ့သော့တွေကိုခိုး ပြတိုက်ထဲကအရာတွေကို အပြင်လွှတ်ပေးချင်တဲ့သူရယ်။ မြတ်စွာဘုရား ဆိုးလိုက်တဲ့ အဖြစ်ပါပဲလား။ သူတစ်ခုခု အမှားလုပ်တာနဲ့ သူ့ကို အလုပ်ဖြုတ်ပစ်ဖို့ မွေးဖွားလာတဲ့ ပြတိုက်ဒါရိုက်တာကြီးမျက်နှာကို မြင်ယောင်ရင်း သပွတ်အူကိစ္စကြီးထဲ ညပ်ပါသွားရှာတဲ့ လယ်ရီ ပေါ့။ နေထွက်ချိန်မှာ အပြင်ရောက်နေတဲ့ ပြတိုက်ထဲက ပစ္စည်းဆိုရင် ချက်ချင်းအမှုန့်ဖြစ်သွားတဲ့ အဖြစ်ကလည်းရှိသေး။ အဲဒီလို ဆပ်ပြာသည်လင်ပျောက်ရတဲ့ အချိန်မှာ အရင်ညစောင့်အဘိုးကြီးသုံးယောက်က သူ့ကိုချောက်ချပြီး ပြတိုက်ထဲက ပစ္စည်းတွေ ခိုးချင်ကြသေးသတဲ့။ သူတို့ခိုးချင်တာက ရွှေကျောက်စာ တစ်ချပ်ပါ။ အီဂျစ်ဖာရို ဘုရင်တွေရဲ့ လက်ဆင့်ကမ်းရတနာ တစ်ပါးပေါ့။ အင်မတန်အစွမ်းထက်တဲ့ မှော်တန်ခိုးတွေ ပိုင်ဆိုင်ထားတဲ့ မှော်ကျောက်စာချပ်ပါပဲ။ သူ့ကြောင့်ပဲ ပြတိုက်ထဲက အရုပ်တွေ အသက်ဝင်လာတာပါ။ လယ်ရီတစ်ယောက် ပြတိုက်ထဲက သက်ဝင်အရုပ်များနဲ့ အဆင်ပြေအောင်နေရင်း တစ်ဖက်မှာ အဘိုးကြီးသုံးယောက်ရဲ့ ယုတ်ပတ်တဲ့အကြံအစည်ကို ဘယ်လိုကာကွယ်ရမလဲဆိုတာ တဝါးဝါး တဟားဟား ကြည့်ရှုရမယ်ပေါ့ဗျာ။ (ဇာတ်ကားနဲ့အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 2GB, 1GB Quality - Blu-ray 1080p, 720p IMDb Rating - 6.4/10 Format - mp4 Duration - 1H 48Min Genre - Adventure, Comedy, Family Subtitle - Myanmar Subtitle (Hardsub) Translated by Arr Khun Winchester Encoded by Y