Jane Perry ပါဝင်သော ဇာတ်ကားများ

အထီးကျန်ခြင်းဆိုတာ ခံစားချက်တွေထဲမှာ အဆိုးဆုံးတွေထဲက တစ်ခုပါ။ အကြောင်းမျိုးမျိုးကြောင့် အထီးကျန်တတ်ကြပြီး အထူးသဖြင့် အသက်အရွယ်ကြီးမြင့်တဲ့အခါတွေ အဖြစ်များလာတတ်ပါတယ်။ တစ်ချို့ကလည်း လွတ်မြောက်ရာနည်းလမ်းကို ရှာဖွေတွေ့ရှိကြသလို ကံဆိုးတဲ့တစ်ချို့ကလည်း အထီးကျန်မှုကြောင့် မဖြစ်သင့်တာတွေ ဖြစ်လာခဲ့ရပါတယ်။ ဒီဇာတ်ကားလေးရဲ့ အညွှန်းကတော့ ယောက်ျားလည်းဆုံး သမီးလည်းသေဆုံးခဲ့လို့ အထီးကျန်နေတဲ့ အမျိုးသမီးကြီးတစ်ဦး... နယ်ကလာပြီး မြို့ပေါ်မှာ သူငယ်ချင်း တစ်ယောက်နဲ့ အတူနေပြီး အလုပ်လာလုပ်နေတဲ့ မိတဆိုး ကောင်မလေးတစ်ယောက်... ရထားပေါ်က ပိုင်ရှင်မဲ့ အစိမ်းရောင် လက်ကိုင်အိတ်တစ်လုံး.... ဒီအရာတွေ အားလုံးပေါင်းစပ်လိုက်တော့ ထိတ်လန့်သည်းဖို ဆိုက်ကိုဇာတ်လမ်းကောင်းလေးတစ်ပုဒ် ဖြစ်လာခဲ့ပါတယ်။ ကြည့်ရှုအားပေးကြပါဦး File Size : (914 MB) Quality : WEB-DL 720p Running Time :  1 hr 38 min Format : Mp4 Genre : Drama , Mystery , Thriller Subtitle : Myanmar Subtitle (Hard Sub) Translated by Tar Tee Poe Encoded by Moe Myint Lwin

Phantom Thread (2017) ဒီကားလေးကတော့ rating မြင့် Drama ကားကြည့်ချင်သူများအတွက် ဇာတ်ကားကောင်းလေးပါ။ Phantom Thread ထဲမှာထည့်သွင်းရိုက်ကူးခဲ့တဲ့ဝတ်စုံတွေကြောင့် အကြိမ် ၉၀ မြောက် အော်စကာဆုပေးပွဲမှာ အကောင်းဆုံးဝတ်စုံဒီဇိုင်းဆုရရှိခဲ့ပါတယ်။ IMDb rating 7.5 အထိရရှိထားပြီး Daniel Day-Lewis ၊ Lesley Manville နဲ့ Vicky Krieps တို့ပါဝင်သရုပ်ဆောင်ထားပါတယ်။ စစ်ကြီးပြီး ၁၉၅၀ ခုနှစ်နှောင်းပိုင်း လန်ဒန်မြို့ ကို ဇာတ်အိမ်တည်ထားပါတယ်။ Reynolds နဲ့ သူ့ရဲ့အစ်မဖြစ်သူ Cyril တို့ဟာ ဗြိတိသျှဖက်ရှင်လောကမှာ အထင်ကရမျက်နှာကြီးသူတွေဖြစ်ပြီး တော်ဝင်မျိုးနွယ်များ၊ ရုပ်ရှင်အကျော်အမော်များ၊ နာမည်ကျော်ကြားသူများအတွက် ဝတ်စုံချုပ်လုပ်ဖန်တီးသူတွေပဲဖြစ်ပါတယ်။ တစ်ကိုယ်တည်းနေ ၂ ယောက်အတူနေနိုင်ကြတဲ့ အဲဒီမောင်နှမနှစ်ယောက်ဟာ သူတို့ရဲ့ဖက်ရှင်အလုပ်မှာပဲ စိတ်နှစ်မြုပ်ထားတာပဲဖြစ်ပါတယ်။ Reynold ဘဝမှာ သူ့ရဲ့ဝတ်စုံတွေဝတ်ဖို့ မော်ဒယ်တွေနဲ့အများကြီးပတ်သက်ဖူးထားသူဖြစ်ပေမယ့် အိမ်ထောင်ပြုခြင်းလည်း မရှိပါဘူး။ သူ့ဘဝကိုသူ စိတ်ကြိုက်မွမ်းမံဖြတ်သန်းနေသူပါ။ ဒါပေမယ့် ကံကြမ္မာတစ်ကွေ့မှာတော့ Alma ဆိုတဲ့ အမျိုးသမီးတစ်ယောက်နဲ့တွေ့ဆုံပြီးနောက်ပိုင်း သူ့ရဲ့ဘဝမှာ တဖြေးဖြေးပြောင်းလဲလာပါတော့တယ် .. သူကိုယ်တိုင်တည်ဆောက်ထားတဲ့ဘဝဟာ အချစ်ကြောင့် ပြောင်းလဲမှုတွေဖြစ်ပေါ်လာပြီး အရာရာဟာတစ်မူထူးခြားလာတဲ့နောက်မှာတော့ …… ဒီကားလေးထဲမှာ ဇာတ်ကောင်တွေက ရှုပ်ထွေးပြီး တစ်ဦးနဲ့တစ်ဦးဆန့်ကျင်ဘက်ဖြစ်နေပေမယ့်လည်း နောက်ဆုံးမှာ တစ်ဦးကိုတစ်ဦးလိုအပ်ကြောင်းသိရှိမှုကနေ နားလည်မှုဖြစ်ပေါ်လာကြပုံကိုမြင်တွေ့ရမှာဖြစ်ပါတယ်။ Phantom Thread ဟာ ရိုးရှင်းတဲ့ အချစ်ဇာတ်လမ်းထက် ပိုမိုနက်ရှိုင်းပြီး လူတွေရဲ့ဆက်ဆံရေးနဲ့ပတ်သက်လို့ ရှုပ်ထွေးတဲ့စိတ်ပိုင်းဆိုင်ရာထိန်းချုပ်မှုပညာရပ်အကြောင်းအရာတွေလည်း ပါဝင်နေတာကြောင့် ကြည့်ရှု ခံစားကြည့်လိုက်ပါဦးနော် .. File size…2.28GB / 914MB Quality… BluRay 1080p/ 720p Format…mp4 Duration….2h 10m Genre ….. Romance, Drama, Psychological drama Subtitle….Myanmar Subtitle (Hard Sub)

Maxwell Perkins ဟာ နာမည်ကျော် အမေရိကန်စာရေးဆရာကြီးများဖြစ်တဲ့ The Great Gatsby ကို ရေးသားခဲ့သူ F. Scott Fitzgerald နဲ့ စာပေနိုဘယ်ဆုရှင် Ernest Hemingway တို့ကို တွေ့ရှိစင်တင်ပေးခဲ့သူ အယ်ဒီတာတစ်ဦးဖြစ်ပြီး ၁၉၂၉ ရဲ့ တစ်ခုသောနေ့မှာ သူ့ဆီကို စာမျက်နှာပေါင်း တစ်ထောင်ကျော်တဲ့ စာမူတစ်ထပ်ကြီး ရောက်လာပါတယ်။ အဲဒီစာမူပိုင်ရှင်က Thomas Wolfe ဆိုတဲ့ မထင်မရှား လူငယ်စာရေးဆရာတစ်ဦးဖြစ်ပြီး Maxwell ကလည်း စာမူကို အကြမ်းသဘော ဖတ်မိရာကနေ တစ်ပတ်တာလုံးလုံး ဇနီးနဲ့သမီးတွေကိုတောင် ဂရုမစိုက်အားဘဲ စာမူကို လက်ကမချစတမ်း ဖတ်ရှူမိပါတော့တယ်။ နောက်ဆုံးမှာ Maxwell ဟာ Thomas Wolfe နဲ့ တွေ့ဆုံပြီး ဒီစာမူကို စာအုပ်အဖြစ်ထုတ်ဝေဖို့ စာချုပ်ချုပ်လိုက်ရာကနေ "Look Homeward, Angel" ဆိုတဲ့ စာအုပ်ဖြစ်လာပြီး Thomas Wolfe ဟာလည်း အမေရိကန်စာပေသမိုင်းမှာ အရေးပါဆုံး စာရေးဆရာတစ်ဦး ဖြစ်လာခဲ့ပါတယ်။ တစ်ချိန်တည်းမှာလည်း Maxwell နဲ့ Thomas တို့အကြားမှာလည်း ထူးခြားလေးနက်တဲ့ ဆက်ဆံရေးမျိုးနဲ့ မမေ့နိုင်စရာ အဖြစ်သနစ်တွေ ပေါ်ပေါက်လာပါတော့တယ်။ ဒီဇာတ်ကားကို တိုနီဆုရ ဒါရိုက်တာ Michael Grandage ရိုက်ကူးထားပြီး ဉာဏ်ကြီးရှင် အယ်ဒီတာလို့ လူသိများတဲ့ Maxwell Perkins နဲ့ ဉာဏ်ကြီးရှင် စာရေးဆရာလို့ ထင်ရှားတဲ့ Thomas Wolfe တို့နှစ်ဦးအကြားက မတူကွဲပြားတဲ့ အယူအဆတွေနဲ့ လေးနက်တဲ့ ဆက်ဆံရေးအပြင် သူတို့မိသားစုတွေအပေါ် သက်ရောက်လာတဲ့ အကျိုးဆက်တွေကို ဖွဲ့ဆိုတင်ဆက်ထားတဲ့ Drama/History ဇာတ်လမ်းတစ်ပုဒ်ဖြစ်ပါတယ်။ အက်ဖ်စကော့ ဖစ်ဂျရယ်နဲ့ အားနက်စ်ဟဲမင်းဝေးတို့နဲ့ အဲဒီခေတ် အမေရိကန်စာပေလောကကိုလည်း တစေ့တစောင်း မြင်တွေ့နိုင်ပါသေးတယ်။ Maxwell အဖြစ် Collin Firth ၊ Thomas Wolfe အဖြစ် Jude Law ၊ Thomas ရဲ့ အတူနေချစ်သူအဖြစ် Nicole Kidman ၊ Scott Fitzgerald အဖြစ် Guy Pearce ၊ Ernest Hemingway အဖြစ် Dominic West တို့လို နာမည်ကျော် သရုပ်ဆောင်တွေ ပါဝင်ထားပါတယ်။ ဒရာမာ နှစ်သက်သူတွေ ကြည့်ရှုသင့်တဲ့ ရုပ်ရှင်တစ်ကားဖြစ်ပါတယ်။ File size…(1.6 GB)/(750 Mb) Quality….Blu-Ray 1080p / 720p Format… mp4 Duration…. 01:44:00 Genre... Biography, Drama Subtitle….Myanmar Subtitle (Hardsub) Encoder….Garfield Translated by Wolfenheim

A Hologram for the King (2016) Tom Hanks ရိုက်ရင်ဘယ်လိုရုပ်ရှင်အတန်းအစားတွေကိုပဲရိုက်တယ်ဆိုတာ အထူးတလည်ရှင်းပြဖို့လိုမယ်မထင်ပါဘူး.. ပထမဆုံးပြောချင်တာက ဒီကားရဲ့ ဒါရိုက်တာ Tom Tykwer .. Tom Tykwer က Perfume: The Story of a Murderer (2006) (အရပ်အခေါ်ရေမွှေးကား) ၊ Run Lola Run (1998) တို့လို ဇာတ်အိမ်သိမ်မွေ့နက်နဲကောင်းမွန်လှတဲ့ နာမည်ကျော်ရုပ်ရှင်ကားတွေရဲ့ ဖန်တီးရှင်ဆိုတော့ သူ့အရည်အချင်းကို သံသယဖြစ်စရာလိုမယ်တောင်မထင်ပါဘူး။ ဒါပေမယ့် Music Composer တစ်ယောက်လည်းဖြစ်တဲ့ Tom Tykwer ရဲ့ တင်ပြချက်တွေဟာ ဖမ်းဆုပ်ရခက်ပါတယ်။ ဥပမာ Tom Hanks ရဲ့ ပရိတ်သတ်စစ်စစ်ပါဆိုတဲ့ ကျွန်တော်တောင် Tom Hanks နဲ့ပဲ သူရိုက်ကုူးခဲ့တဲ့ Cloud Atlas လိုရုပ်ရှင်မျိုးကိုတော့ ခံစားရခက်ခဲတယ်။ ဒဲ့ ဝန်ခံရရင် ဘာကိုဆိုလိုချင်မှန်းမသိဘူးပေါ့ဗျာ။ ကိုယ်ဉာဏ်မမှီတာဖြစ်မှာပါ။ A Hologram for the King ဆိုတဲ့စိတ်ဝင်စားစရာကောင်းတဲ့ Title အောက်မှာ Tom Hanks နဲ့တွဲတွေ့ရတော့ အရမ်းကြည့်ချင်မိပေမယ့် Tom Tykwer ကိုတော့ လန့်နေမိတာပေါ့.. တကယ်ကြည့်တော့ အထင်နဲ့အမြင်လွဲမှားလောက်အောင်ကို ဇာတ်လမ်းရသပေးပါတယ်။ ဘဝ၊မိသားစု၊ကျန်းမာရေး၊စီးပွါးရေး တွေစသဖြင့်စသဖြင့်ကို ရှုထောင့်တမျိုးကနေပညာသားပါပါပြသွားတဲ့ တန်းမြင့် Drama ရုပ်ရှင်ပါ။ ဇာတ်လမ်းတည်တာကလည်း ဘာသာရေးစည်းမျဉ်းတွေ အရမ်းကျပ်တည်းရှုပ်ထွေးလွန်းလှတဲ့ ဆော်ဒီလိုနိုင်ငံမျိုးမှာ စီးပွါးရေးသွားလုပ်ရတဲ့ အမေရိကန်စီးပွါးရေးသမား တစ်ယောက်ရဲ့အကြောင်းနဲ့ဆိုတော့ .. မိနစ်တိုင်းလုံးဝစိတ်ဝင်စားစရာတွေဖြစ်နေတာ။ ဒဲ့ပြောရရင် ဒီအကြောင်းအရာတွေဟာ ရုပ်ရှင်တွေထဲမှာမြင်တွေ့လေ့မရှိပါဘူး။ (Non-Muslim ဝင်ခွင့်မရှိတဲ့နေရာတွေကို အမှတ်မထင်ဖြတ်သန်းရတဲ့အခန်းတွေ၊ အမျိုးသမီးတွေအပေါ်ဖိနှိပ်သလိုဖြစ်နေတဲ့ ဥပဒေတွေ၊ အာရပ်ကမ္ဘာရဲ့ အနောက်နိုင်ငံအပေါ်မြင်တဲ့အမြင်တွေကို ပညာသားပါပါရိုက်ပြသွားတာပါ) အမုန်းတရားဖြန့်ချိတဲ့ ဇာတ်ကားတော့မဟုတ်ပါဘူး.. (ဟီးဟီး) ဆက်ညွှန်းနေရင်တမျိုးထင်မှာစိုးလို့.. ကြည့်သင့်တဲ့ ရုပ်ရှင်ဇာတ်ကားကောင်းတစ်ခုလို့ပဲ အတိုချုပ်ပြောပါရစေ..။IMDb Rating(6.1/10) ပါ။ (ရုပ်ရှင်အညွှန်းကို Ko Aung Zaw Oo Facebook (facebook.com/aungzawoo.mtla) မှကူးယူဖော်ပြပါသည်။) File size…(800MB) Quality…Blu-Ray Rip 720p Format…mp4 Duration….01:38:10 Subtitle….Myanmar Subtitle (Hardsub) Encoder….Nyeinsaeya Aung

ဒီဇာတ်လမ်းဟာ ဟယ်ရီပေါ်တာဇာတ်လမ်းတွေရဲ့ မှော်လောကထဲမှာ ဖြစ်ပျက်ခဲ့တဲ့အကြောင်းတွေပါပဲ။ ဒါပေမယ် ဖြစ်ပျက်နေတဲ့ကာလဟာ ၁၉၂၆ ဖြစ်ပြီး ကျောင်းအုပ်ဆရာကြီး အဲဘတ်စ် ဒန်ဘယ်လ်ဒိုးရဲ့လူငယ်ကာလဖြစ်ပါတယ်။ အဲဒီကာလရဲ့ နာမည်ကြီးမှော်နက်ဆရာကတော့ ဟယ်ရီစာအုပ်ထဲမှာ နာမည်ဖော်ပြခဲ့တဲ့ ဂရင်ဒီဝေါလ်ပါ။ ဒီဇာတ်ကားရဲ့ အဓိကဇာတ်ကောင်ကတော့ မှော်ပညာ နဲ့ မှော်သတ္တဗေဒ ပညာရှင်  နျု စကန်မန်ဒါပါ(ဟယ်ရီတို့ ကာလမှာ နျုရဲ့စာအုပ်တွေဟာ ကျောင်းအတွက် ပြဌာန်းစာအုပ်ဖြစ်လာခဲ့ပါတယ် ဟက်ဂရစ်လက်စွဲပေါ့)။ နျုဟာ လန်ဒန်ကနေ နယူးယောက်ကို မှော်သတ္တဝါဆန်းတွေ အပြည့်ပါတဲ့ လက်ဆွဲအိတ်တစ်လုံးနဲ့ ရောက်လာခဲ့ပါတယ်။ အဲဒီအချိန်မှာပဲ နယူးယောက်မှာ အဖြေရှာမရတဲ့ ထူးဆန်းတဲ့တိုက်ခိုက်မှုတွေ ပေါ်ပေါက်နေပါတယ်။ အမေရိကန်အခေါ် No-Maj (ဗြိတိန်အခေါ် မက်ဂယ်) မှော်ပညာမတတ်တဲ့ သာမာန်လူသားတစ်ဦးနဲ့ မတော်တဆအလွဲတွေ ဖြစ်ရင်း သူ့ရဲ့သေတ္တာထဲကနေ သတ္တဝါအချို့လွတ်မြောက်သွားတဲ့အခါ တိုက်ခိုက်မှုတွေရဲ့အကြောင်းရင်းဟာ သူ့ကြောင့်လို့ သံသယဖြစ်စရာတွေပေါ်လာပြီး ဖြေရှင်းဖို့ကြိုးစားရပါတော့တယ်။ ဒီဇာတ်ကားဟာ ၅ ကားအထိ ဆက်ရိုက်ဖို့ သတင်းထုတ်ပြန်ထားတာမို့ ဒီကားလေးကြည့်ပြီးရင် နောက်နှစ်တွေအတွက် ဆက်ပြီး စောင့်မျှော်ကြတာပေါ့ဗျာ။ File Size     :   952 MB File Type    :   mp4 Duration    :   2: 13: 38 Quality       :   Bluray rip Translator :   Litttleneo Encoder     :   Littleneo

သေမှုသေခင်းတွေက အလောင်းတွေကို ရင်ခွဲစစ်ဆေးပြီး သေဆုံးရတဲ့အကြောင်းရင်း ဖော်ထုတ်ပေးနေတဲ့ သားအဖနှစ်ယောက်ဆီ အမျိုးသမီးအလောင်းတစ်လောင်း ရောက်လာပါတယ်။ အလောင်းပိုင်ရှင်က ဘယ်သူဘယ်ဝါဆိုတာ မသိရသလို သေစေလောက်တဲ့ ပြင်ပဒဏ်ရာကြီးကြီးမားမားလည်း မရှိပါဘူး။ ဒီအမျိုးသမီး ဘာကြောင့်သေဆုံးခဲ့ရသလဲဆိုတာ စစ်ဆေးရင်း သားအဖနှစ်ယောက်ဟာ မထင်ထားတဲ့အရာတွေကို ကြုံတွေ့သိရှိလာရတယ်။ သူသေဆုံးရတဲ့အကြောင်းရင်းကို ဖော်ထုတ်နိုင်မလား၊ မသေဆုံးခင်မှာ သူ့ဆီ ဘာတွေဖြစ်ပျက်ခဲ့သလဲဆိုတာကိုရော အဖြေရှာနိုင်ပါ့မလား။

၁၉၅၉ ခုနှစ်မှာ ဒီယာလို့ဗ် ဦးဆောင်တဲ့ ရုရှားတောင်တက်သမား ကိုးယောက်ဟာ ရုရှားနိုင်ငံမြောက်ပိုင်းက ယူရယ်တောင်တွေဆီ စွန့်စားခရီးထွက်ခဲ့ကြပါတယ်။ နှစ်ပတ်အကြာမှာတော့ သူတို့စခန်းနဲ့ အနည်းငယ်လှမ်းတဲ့ နေရာတွေမှာ ကိုးယောက်လုံးကို ထူးဆန်းစွာ သေဆုံးလျက် တွေ့ခဲ့ရတယ်။ ဒီယာလို့ဗ်တောင်ကြားလမ်း မတော်တဆမှုလို့ ခေါ်ကြတဲ့ အဲဒီဖြစ်ရပ်မှန်ကို အခြေခံပြီး ဒီရုပ်ရှင်ကို စိတ်ကူးပုံဖော်ထားတာပါ။ ဇာတ်လမ်းထဲမှာ အော်ရီဂွန်တက္ကသိုလ်က ကျောင်းသားငါးယောက်ဟာ အဲဒီဖြစ်ရပ်ရဲ့အဖြေကို ရှာဖို့နဲ့ မှတ်တမ်းရိုက်ကူးဖို့ ယူရယ်တောင်တွေဆီ ထွက်လာကြပါတယ်။ ဒီယာလို့ဗ်တို့ သွားခဲ့တဲ့လမ်းအတိုင်း တောင်တက်လာကြပြီးနောက် သူတို့ငါးယောက်လည်း ပျောက်ဆုံးသွားကြောင်း သတင်းတွေ ထွက်လာတယ်။ သူတို့ ဘာတွေကြုံခဲ့ကြရတာလဲ။ တကယ်ရှိမရှိ မသိရတဲ့ နှင်းလူတွေကြောင့်လား၊ ဂြိုဟ်သားတွေကြောင့်လား၊ ပရလောကအင်အားတွေကြောင့်လား၊ ဒါမှမဟုတ် အစိုးရစစ်တပ်ရဲ့ လုပ်ရပ်တစ်ခုလား။ အဲဒီမေးခွန်းတွေကို သူတို့ ရိုက်ကူးထားတဲ့ ဗီဒီယိုမှတ်တမ်းပုံစံနဲ့ တင်ပြထားတဲ့ ထိတ်လန့်လျှို့ဝှက်ဆန်းကြယ် ဇာတ်လမ်းပါ။

လူတွေကို ဖုတ်ကောင်အဖြစ် ပြောင်းလဲသွားစေတဲ့ ရောဂါပိုးတစ်မျိုး ပျံ့နှံ့လာပြီး ကမ္ဘာတစ်ဝန်း အခြေအနေတွေ အချိန်တိုအတွင်း ဆိုးရွားသွားပါတယ်။ ကူးစက်ခံရသူဟာ စက္ကန့်ပိုင်းအတွင်း ပြောင်းလဲသွားသလို ပိုးပြန့်ပွားနှုန်းကလည်း မြန်လွန်းတာကြောင့် လူထောင်ချီ၊ သိန်းချီကို အချိန်ခဏအတွင်း ကူးစက်နိုင်နေတယ်။ နိုင်ငံတစ်နိုင်ငံပြီးတစ်နိုင်ငံ လူတွေ မျိုးတုံးသွားနိုင်တဲ့အထိ အန္တရာယ်ကြီးလာပါတယ်။ ဒီလိုအခြေအနေမှာ Brad Pitt သရုပ်ဆောင်ထားတဲ့ ဇာတ်ကောင်နဲ့ သူ့အဖွဲ့ဟာ ရောဂါရဲ့ဇစ်မြစ်နဲ့ ပိုးအမျိုးအစားကို ဖော်ထုတ်နိုင်ဖို့ ကြိုးစားကြရတယ်။ ကာကွယ်ဆေး ထုတ်နိုင်မယ့်နည်းကိုလည်း ရှာဖွေရဦးမှာပါ။ Max Brooks ရဲ့ World War Z ဝတ္ထုကို အခြေခံထားပြီး ၂၀၁၃ ခုနှစ် ဇွန်လမှာ ရုံတင်ခဲ့တဲ့ ထိတ်လန့်သည်းဖိုရုပ်ရှင်ဖြစ်ပါတယ်။

ဒီဇာတ်လမ်းဟာ  Alexandre Dumas ရဲ့ သူရဲကောင်း ၃ ယောက်ဝတ္ထုကို အခြေခံထားပြီးမှ ဇာတ်ညွှန်းဆန်းသစ်ပြီး ပြန်ရိုက်ထားတာပါ။ ၂၀၁၁ ထွက်ဖြစ်တာမို့ မြင်ကွင်းတွေနဲ့ ရိုက်ချက်တွေက ကောင်းမွန်ပါတယ်။ ဇာတ်လမ်းကတော မူရင်းလောက်မကောင်းတာအမှန်ပါပဲ။ အက်ရှင် စွန့်စားခန်းကောင်းတွေကို အားပေးချင်သူတွေအတွက် အဆင်ပြေမှာပါ။ File size…(1.7 GB)/(822 MB) Quality….Webrip 1080p / 720p Format…mp4 Duration….01:46:00 Genre...  Action, Adventure  Subtitle….Myanmar Subtitle (Hardsub) Encoder….Swan Min Htet Translated by Bo Phway