Jason Burkey ပါဝင်သော ဇာတ်ကားများ

I Can Only Imagine 2 (2026) IMDb Rating (7.2) / Rotten Tomatoes (63%) ၂၀၁၈ ခုနှစ်မှာ အောင်မြင်မှုအလီလီရရှိခဲ့တဲ့ ခရစ်ယာန်ဂီတအခြေခံ ဖြစ်ရပ်မှန်ရုပ်ရှင် I Can Only Imagine ရဲ့ နောက်ဆက်တွဲအဖြစ် ၂၀၂၆ ခုနှစ်မှာ ထွက်ရှိလာတဲ့ Faith-based Music Drama ကားကောင်းတစ်ကားပါ။ ဒီဇာတ်ကားဟာ ပထမကားရဲ့ အငွေ့အသက်ကို ဆက်လက်သယ်ဆောင်လာပြီး ပိုမိုကျယ်ပြန့်တဲ့ ဇာတ်အိမ်နဲ့ တင်ဆက်ထားပါတယ်။ MercyMe ရဲ့ နာမည်ကြီးသီချင်းသစ်တွေနဲ့အတူ မူရင်းသီချင်းရဲ့ Orchestral version အသစ်တွေကို ခံစားရမှာပါ။ ပထမကားမှာ Bart Millard က သူ့အဖေနဲ့ ပြန်လည်သင့်မြတ်ပြီး "I Can Only Imagine" ဆိုတဲ့ သီချင်းကို ရေးသားပုံကို အဓိကထားခဲ့ရင်၊ ဒီဒုတိယကားမှာတော့ အဲဒီသီချင်းဟာ ကမ္ဘာတစ်ဝှမ်းမှာ ဘယ်လိုမျိုး လူသန်းပေါင်းများစွာရဲ့ ဘဝတွေကို ခွန်အားပေးခဲ့သလဲဆိုတဲ့ "Legacy" (အမွေအနှစ်) ကို အခြေခံထားပါတယ်။ ဇာတ်လမ်းက Bart နဲ့ သူ့ရဲ့ MercyMe တီးဝိုင်းဟာ ကျော်ကြားမှုရဲ့ ထိပ်ဆုံးကို ရောက်နေချိန်မှာ ကြုံတွေ့ရတဲ့ စိန်ခေါ်မှုအသစ်တွေ၊ မိသားစုဘဝနဲ့ အနုပညာကြားက ရုန်းကန်မှုတွေကို ပြသထားသလို တစ်ဖက်မှာလည်း ဒီသီချင်းကြောင့်ပဲ ဘဝရဲ့ အမှောင်ဆုံးအချိန်တွေကို ကျော်ဖြတ်နိုင်ခဲ့တဲ့ သာမန်လူတွေရဲ့ စိတ်လှုပ်ရှားစရာ ဇာတ်လမ်းခွဲလေးတွေကိုပါ ရောယှက်တင်ဆက်ထားတာပါ။ အချစ်၊ ခွင့်လွှတ်ခြင်းနဲ့ ယုံကြည်ခြင်းတို့ဟာ အချိန်တွေ ဘယ်လောက်ကြာပါစေ ဘယ်တော့မှ မပြောင်းလဲဘဲ သီချင်းတစ်ပုဒ်က အနုပညာသက်သက်မဟုတ်ဘဲ လူတွေရဲ့ နှလုံးသားကို ဘယ်လိုကုသပေးနိုင်သလဲဆိုတာကို လက်တွေ့ဆန်ဆန် ရိုက်ပြထားပါတယ်။ File size… (5.7 GB) / (1.8 GB) / (940 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama,Music Duration…. 01:51:14 Subtitle…. Myanmar Subtitle (Hardsub)

Scream 7 (2026) ဒီကားကတော့ Scream ပရိသတ်တွေ အရမ်းကို စောင့်မျှော်နေကြတဲ့ ကားပါပဲ။ အရင် Scream 5 နဲ့ 6 တုန်းက မပါဖြစ်ခဲ့တဲ့ မင်းသမီး Neve Campbell က Sidney ဇာတ်ကောင်အနေနဲ့ ဒီ Scream 7 မှာ ပြန်ပါလာပါပြီ။ Jenna Ortega တို့ ညီအစ်မ ဇာတ်လမ်းကို ဆက်မသွားတော့ဘဲ မူလဇာတ်အိမ်ဖြစ်တဲ့ Sidney ရဲ့ ဘဝကိုပဲ ပြန်ပြီး အာရုံစိုက်ထားပါတယ်။ ထူးခြားတာတစ်ခုက ဒါရိုက်တာက မူလ Scream ဇာတ်လမ်းတွေကို ရေးသားခဲ့တဲ့ Kevin Williamson ကိုယ်တိုင် ပြန်လည်ရိုက်ကူးထားတာပါပဲ။ ဇာတ်လမ်းအကျဉ်း Sidney တစ်ယောက် Pine Grove မြို့လေးမှာ ရဲအရာရှိ ခင်ပွန်း Mark နဲ့ အတူ အေးအေးချမ်းချမ်း နေထိုင်နေတာပေါ့။ သူတို့မှာ Tatum ဆိုတဲ့ ဆယ်ကျော်သက် သမီးလေးတစ်ယောက်ရှိတယ်။ ဒီနာမည်က Sidney ရဲ့ ဆုံးပါးသွားတဲ့ သူငယ်ချင်းကို အမှတ်တရအနေနဲ့ ပေးထားတာပါ။ ဒါပေမဲ့ Sidney ရဲ့ အေးချမ်းတဲ့ ဘဝလေးက သိပ်မခံပါဘူး။ မျက်နှာဖုံးစွပ် လူသတ်သမား (Ghostface) အသစ်တစ်ယောက် ထပ်ပေါ်လာပြီး ဒီတစ်ခါတော့ Sidney ရဲ့သမီးလေး Tatum ကိုပါ ပစ်မှတ်ထားလာတော့တာပါပဲ။ ဒီလူသတ်သမားက တကယ်ရော ဘယ်သူဖြစ်မလဲ။ သေပြီလို့ ထင်ခဲ့ရတဲ့ Stu Macher များ ပြန်အသက်ရှင်နေတာလား ဆိုတာ စိတ်ဝင်စားစရာပါ။ Sidney တစ်ယောက် သူ့မိသားစုကို ကာကွယ်ဖို့အတွက် အတိတ်က အဖြစ်အပျက်ဆိုးတွေကို ပြန်ရင်ဆိုင်ရမယ့် အပိုင်းတွေကို ရင်တမမနဲ့ ကြည့်ရမှာပါ။ Neve Campbell, သတင်းထောက် Gale အဖြစ် Courteney Cox, ခင်ပွန်း Mark အဖြစ် Joel McHale, သမီးလေး Tatum အဖြစ် Isabel May တို့ အဓိက ပါဝင်ထားကြတယ်။ ပြီးတော့ အရင်ကားက အသက်ရှင်ကျန်ရစ်သူ အမွှာမောင်နှမ Mindy နဲ့ Chad တို့အပြင် Stu အဖြစ် Matthew Lillard ပါ ပြန်ပါလာတယ်ဆိုတော့ အရင် Scream ပရိသတ်တွေ အကြိုက်တွေ့မယ့် ကားလေးပါ။ ဒီကားက အရင်ကားတွေလိုပဲ သွေးထွက်သံယို အခန်းတွေ၊ လန့်စရာတွေ အပြည့်ပါပဲ။ Sidney ရဲ့ မိခင်မေတ္တာနဲ့ မိသားစုကို ကာကွယ်ချင်တဲ့ စိတ်ကို သေချာလေး ရိုက်ပြထားတယ်။ ရုပ်ရှင်ထဲက မျက်နှာဖုံးစွပ်ကလည်း တကယ့်ကို ရက်စက်တဲ့ လူသတ်သမားမို့လို့ သွေးထွက်သံယိုကားတွေ သဘောကျတဲ့သူတွေ၊ Scream series ကို အစကတည်းက အားပေးလာတဲ့ ပရိသတ်တွေဆိုရင်တော့ သဘောကျမယ့် ဇာတ်လမ်းလေး ဖြစ်မှာ အသေအချာပါပဲ။ File size… (6.4 GB) / (1.6 GB) / (860 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Crime, Horror, Mystery Duration…. 01:50:00 Subtitle…. Myanmar Subtitle (Hardsub)

Merv (2025) +++++++ ဇာတ်လမ်းက အန်နာနဲ့ရပ်စ် ဆိုတဲ့ စုံတွဲနှစ်ယောက် ကွဲသွားတဲ့အခါ သူတို့ရဲ့ချစ်ရတဲ့ခွေးလေး မာ့ဗ် စိတ်မကောင်းဖြစ်ရတာကနေ စပါတယ်။ မာ့ဗ်ကို ဂရုစိုက်ဖို့ သူတို့နှစ်ယောက် တစ်ပတ်တစ်လှည့်စနစ် နဲ့ နေရတော့တာပေါ့။ ခွေးလေးက စိတ်ဓာတ်ကျနေတာမြင်ရတော့ ရပ်စ်က မာ့ဗ်ကို ဖလော်ရီဒါက ခွေးတွေအတွက် အားလပ်ရက်စခန်း တစ်ခုဆီ ခေါ်သွားတယ်။ ဒါပေမဲ့ အန်နာကလည်း အဲဒီကိုရောက်လာတော့... မတွေ့ချင်ဘဲတွေ့၊ မဆုံချင်ဘဲဆုံဖြစ်ရင်းနဲ့ အတူတူအချိန်ကုန်ရ ပြန်ပါတယ်။ အဲဒီလိုအတူရှိနေရင်းကနေ အရင်က အချစ်တွေ၊ အမှားတွေကို ပြန်ပြောရင်းနဲ့ သူတို့နှစ်ယောက် ခံစားချက်တွေ ပြန်ပြီးရှင်သန်လာကြပါတော့တယ်။ ဇာတ်သိမ်းပိုင်းမှာတော့ ပြန်ပေါင်းပြီး ခရစ္စမတ်ကို အတူတူကျင်းပကြတဲ့အထိပါပဲ။ ခွေးလေးမာ့ဗ်က ဇာတ်ကားတစ်ခုလုံးရဲ့နှလုံးသားဖြစ်ပြီး ကြည့်ရတဲ့သူတိုင်း ချစ်သွားအောင် ဆွဲဆောင်ထားနိုင်ပါတယ်။ အချစ်၊ မိသားစု၊ တိရစ္ဆာန်ချစ်မြတ်နိုးမှုတွေကို ရိုးရိုးရှင်းရှင်းနဲ့ ပြေပြစ်အောင် ပြသထားတာမို့ စိတ်အပန်းပြေချင်သူတွေ ကြည့်သင့်တယ်။ အားလုံးခြုံကြည့်ရင် “Merv” ဇာတ်ကားလေးက ခွေးချစ်တဲ့သူတွေ၊ ရိုးရှင်းပြီး နှလုံးနွေးထွေးမှုလေး ရှာနေတဲ့သူတွေ အတွက်တော့ သင့်တော်တဲ့ ရုပ်ရှင်တစ်ကား ဖြစ်ပါလိမ့်မယ်။ File Size… (1.57GB) / (924MB) Quality… WEB-DL 1080p HEVC /720p Format…mkv / mp4 Duration…1h 45m Genre … Comedy , Hiloday , Romance Subtitle….Myanmar Subtitle (Hard Sub)

Suncoast (2024) ~ IMDb - 6.6/10, RT - 75%, Meta - 61% ~ ဒီကားလေးကတော့ အခုနှစ်အစပိုင်းမှာ ထွက်ရှိလာတဲ့ ဟာသဒရာမာကားကောင်းလေးပါပဲ။ သရုပ်ဆောင်အနေနဲ့ဆိုရင် True Detective, Now You See Me, Zombieland တို့နဲ့ လူသိများတဲ့ မင်းသားကြီး Woody Harrelson ပါ၀င်ထားပါတယ်။ ဆန်းကို့စ်ဆိုတာ နာတာရှည်လူနာတွေအတွက် ဆေးရုံပါ။ ဒိုးရစ်ရဲ့အစ်ကိုဖြစ်သူက စကားလည်းမပြောနိုင် အသိစိတ်လည်းမရှိတော့ဘဲ သေဖို့အချိန်ကို ထိုင်စောင့်နေရတဲ့သူပါ။ သူ့အမေကလည်း သူ့အစ်ကိုကိုပဲ ဂရုစိုက်လို့ ဒိုးရစ်က သိပ်အချစ်မခံရသလိုခံစားနေရတဲ့အတွက် အစ်ကိုဖြစ်သူကို မုန်းတီးနေတဲ့သူပါ။ ငယ်ငယ်ကတည်းက နာမကျန်းဖြစ်တဲ့အစ်ကိုကိုပြုစုခဲ့ရတဲ့ ဒိုးရစ်တစ်ယောက် သူလိုချင်တာက သာမန်ဆယ်ကျော်သက်ဘ၀လေးပါပဲတဲ့။ သူ့အမေက သူ့အစ်ကိုကိုအဖော်ပြုပြီး ဆန်းကို့စ်ဆေးရုံမှာ သွားအိပ်တဲ့အခါမှာတော့ ဒိုးရစ် သာမန်ဆယ်ကျော်သက်ဘ၀မှာ ပျော်ဖို့ကြိုးစားပါတော့တယ်။ ဒီကားလေးကတော့ ဒိုးရစ်ဖက်က ခံစားချက်တွေ မိခင်ဖြစ်သူရဲ့ခံစားချက်တွေကို အချိုးညီညီပေါင်းစပ်ပြီး ကွဲပြားတဲ့အမြင်နဲ့ မျဉ်းပြိုင်လိုလူနှစ်ယောက် နောက်ဆုံးမှာဘယ်လိုခံစားချက်တွေနဲ့ ထပ်တူညီသွားမလဲဆိုတာကို မျက်ရည်တွေကြားထဲခံစားရမယ့်ကားလေးပါပဲ။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 8.2GB, 1.75GB, 845MB Quality - 4K HEVC, 1080p, 720p IMDb Rating - 6.6/10 Format - mp4 Duration - 1H 49Min Genre - Drama Subtitle - Myanmar Subtitle (Hardsub) Translated by Soe Thiri Swe Encoded by Y

Apple TV+ က ထုတ်လွှင့်ခဲ့တဲ့ ဇာတ်ကားကောင်းလေးတစ်ကား တင်ဆက် ပေးလိုက်ပါတယ်။ IMDb မating 6.3, Rotten Tomatoes 47% ရရှိထား ပါတယ်။ The Great Beanie Baby Bubble: Mass Delusion and the Dark Side of Cute ဆိုတဲ့ စာရေးဆရာ Zac Bissonnette ရဲ့ ၂၀၁၅ ခုနှစ် ထုတ်စာအုပ်ကို အခြေခံပြီး ရိုက်ကူးထားတာပါ။ အဲစာအုပ်ဟာဆိုရင်လည်း အပြင်မှာ တကယ်ဖြစ်ခဲ့တာကိုရေးသားထားတာပါ။ ဒီဇာတ်ကားဟာဆိုရင် Comedy, Drama အမျိုးအစားပါ။ ဒီဇာတ်ကားဟာဆိုရင် Beanie Babies တွေကို ထုတ်လုပ်ခဲ့တဲ့ Ty Inc. ရဲ့ တည်ထောင်သူဖြစ်တဲ့ တိုင်ဝါနာရဲ့ ဘဝ စတင်ဖြစ်တည်လာတာကနေ ကျရှုံးတဲ့အချိန်အထိကို ရော်ဘီ, ရှီလာနဲ့ မာယာ ဆိုတဲ့ အမျိုးသမီးသုံးယောက်ရဲ့ အမြင်ကနေ တင်ဆက်ထားတာပါ။ ပထမဆုံးအမျိုးသမီး ရော်ဘီဟာဆိုရင် တိုင် ကို Ty Inc. ထူထောင်ဖို့ အတူတူ လက်တွဲလုပ်ခဲ့တဲ့သူ တစ်ယောက်ပါ။ ဒုတိယအမျိုးသမီး ရှီလာ ကတော့ တိုင်ကို Beanie Babies ဆိုတဲ့ အရုပ်တွေ ထုတ်လုပ်ဖို့ စိတ်ကူးရစေခဲ့သူ ဖြစ်ပါတယ်။ တတိယအမျိုးသမီး မာယာ ဆိုတာကတော့ ၁၇ နှစ်ကတည်းက Ty Inc. မှာ ဧည့်ကြိုအဖြစ်အလုပ်ဝင်ခဲ့ပြီး Ty Inc. ကို ကမ္ဘာပေါ်မှာ အအောင်မြင်ဆုံး အရုပ် ကုမ္ပဏီဖြစ်အောင် ကူညီပေးခဲ့တဲ့သူပါ။ ဒီလိုအမျိုးသမီး သုံးယောက်နဲ့ တိုင် ကြား မှာ ဘာတွေဖြစ်ခဲ့တယ် ဘာပြဿနာတွေ ကြုံရတယ်ဆိုတာကို ဇာတ်ကားထဲမှာ ဆက်လက်ခံစားလိုက်ပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Leonard Lin ဖြစ်ပါတယ်) File Size..........(1.6 GB) / (660 MB) Quality............WEB-RIP 1080p / 720p Duration.........1Hr 50Min Subtitle...........Myanmar Hardsub Format............MP4 Genre..............Comedy, Drama Translator......Leonard Lin Encoder..........SWM

Sun Moon (2023) သတို့သား မရှိခဲ့တဲ့ Kelsey ရဲ့ မင်္ဂလာပွဲ ... ဘာလို့လဲဆိုတော့ ဘုရားသခင်က ပြောလို့ လက်ထပ်လို့မရဘူး ဆိုတဲ့ဆင်ခြေနဲ့ သူချစ်ရတဲ့သူရဲ့ပစ်ပယ်ခြင်းကိုခံလိုက်ရတဲ့ Kelsey တစ်ယောက်အတွက် ဘုရားသခင်က သူမကိုကျ ဘာလို့ မပြောတာလဲဆိုတဲ့ လူတွေရဲ့မေးခွန်းကို ဖြေပေးစရာစကား သူ့မှာ ရှိမနေခဲ့ပါဘူး။ ဘုရားကျောင်း နဲ့ လူတွေကို ရင်ဆိုင်​တွေ့ဖို့ ကြောက်နေတဲ့ Kelsey က မင်္ဂလာပွဲကပစ္စည်း​တွေယူဖို့ မတတ်နိုင်ဘဲဘုရားကျောင်းကိုသွားရပြန်တယ် ။ အဲ့ဒီမှာ အခါအခွင့်သင့်စွာနဲ့ ထိုင်ဝမ်မှာ အင်္ဂလိပ်စာသင်ပေးဖို့ အလုပ်ကမ်းလှမ်းခံခဲ့ရပါတယ်။ သူ့ဘဝရဲ့ ရှုံးနိမ့်မှုတွေနဲ့ လှောင်ပြောင်ခံရခြင်းတွေဆီကထွက်ပြေးဖို့ ထိုင်ဝမ် ကိုသွားဖို့ဆုံးဖြတ်လိုက်ပါတော့တယ်။ အဲ့ဒီနောက်မှာ ဘာတွေဆက်ဖြစ်လာမလဲ Kelsey တစ်ယောက် သူ့ရဲ့ဒဏ်ရာတွေကို ထိုင်ဝမ်မှာကုစားနိုင်ပါ့မလားဆိုတာ ကိုယ်တိုင်ကြည့်ရှုပြီး အဖြေရှာကြည့်လိုက်ပါ။ အညွှန်း နဲ့ ဘာသာပြန်ကတော့ Phyu Phyu Thant ပဲ ဖြစ်ပါတယ်။

They Cloned Tyrone (2023) ဇာတ်လမ်းနာမည် They Cloned Tyrone ကိုကြည့်တာနဲ့ လျှို့ဝှက်ချက်တွေပြည့်နေမယ့်ဇာတ်လမ်းဆိုတာ သေချာတာပေါ့။ They ဆိုတာကဘယ်သူလဲဆိုရင် ကလုန်းပွားတာတွေနဲ့တခြားနည်းပညာတွေကို လက်ကလိနေကျဖြစ်တဲ့အစိုးရပဲပေါ့။ ဒီဇာတ်လမ်းမှာတော့ ဖွန်တိန်းကသာမန်လူတစ်ယောက်ပဲ။ သူကဆေးအရောင်းအဝယ်လုပ်တယ်။ ဆေးရောင်းသူတွေအချင်းချင်း အကျော်အခွဇယားလေးဘာလေးပဲရှိတယ်။ တစ်နေ့တော့ သူကလူတစ်ယောက်စီမှာအကြွေးသွားတောင်းပြီး ပြန်အထွက်မှာ သူ့နဲ့မတည့်တဲ့ဆေးရောင်းသူတွေကသူ့ကိုသေနတ်နဲ့ပစ်သွားပါလေရော။ ပစ်တာမှတစ်ချက်ထဲတောင်မဟုတ်ဘူး သုံးလေးချက်။ ဒါပေမဲ့နောက်နေ့ကျတော့ သူပြန်ရောက်လာတယ် အကြွေးပြန်လာတောင်းပြန်ရော။ သူသေနတ်နဲ့ပစ်ခံရတာလဲမမှတ်မိသလို ဘာဒဏ်ရာဒဏ်ချက်မှလဲမရှိပါဘူး။ ဒါဆိုမနေ့က ဖွန်တိန်းက ဘယ်ရောက်သွားလဲ။ အဲ့ဒီကိစ္စကိုလိုက်စုံစမ်းရင်း သူတို့ရပ်ကွက်တစ်ခုလုံးက အစိုးရရဲ့ထိန်းချုပ်ခံစမ်းသပ်ခံတွေဖြစ်နေတာကိုသိလိုက်ရတော့ ဘာတွေများဆက်ဖြစ်ကြမလဲဆိုတာ စိတ်ဝင်စားဖွယ်ကြည့်ရှုကြရမှာပါ။ အညွှန်းကိုတော့ Rashida က ရေးထားပေးပြီးတော့း ဘာသာပြန်ထားတာကတော့ Rashida နဲ့ Mary Christ ပဲ ဖြစ်ပါတယ်။

Lady and the Tramp ဆိုတဲ့ဇာတ်ကားဟာ Disney ရဲ့ 1955 Movies အဟောင်းကို Live-action/CGI နည်းစနစ်နဲ့ ပြန်လည်ဖန်တီးထားတဲ့ ဇာတ်လမ်းပဲဖြစ်တယ် ။ Dog lovers တွေအတွက်တော့ အမြဲတမ်း classic ဖြစ်နေတဲ့ဇာတ်လမ်းလေးကို 2019 ခုနှစ်မှာ Live Action ကားအဖြစ်ပြသခဲ့တယ်။ ဇာတ်ညွှန်း Lady ဆိုတဲ့ အိမ်မွေးခွေးမလေးတစ်ကောင်ဟာ သူ့သခင် လင်မယား မိသားစုနဲ့အတူ ပျော်စရာကောင်းတဲ့ဘဝလေးပိုင်ဆိုင်ခဲ့တယ် ။ တစ်နေ့တော့ သူ့သခင်တို့က လုလုဆိုတဲ့ ကလေးကို ကိုယ်ဝန်လွယ်ထားရချိန်ကနေစပြီး ခွေးလေးကို ဂရုစိုက်ဖို့မေ့လျော့လာခဲ့တယ် ။ သူ့အိမ်ကို အမှတ်တမဲ့ရောက်လာတဲ့ Tramp ဆိုတဲ့ လမ်းဘေးခွေးတစ်ကောင်ကို သူ့အကြောင်းကို ရင်ဖွင့်မိခဲ့တယ် ။ Tramp တော့ လမ်းပေါ်မှာလှည့်ပတ်သွားလာနေပြီး ဘဝကို လွတ်လွတ်လပ်လပ်ဖြတ်သန်းနေသူတစ်ယောက် ။ ‌Ladyကိုလည်း သူ့သခင်တွေ ကလေးမွေးလာရင် ခွေးတွေကနှင်ထုတ်ခံရမှာလို့ ပြောခဲ့တယ် ။ တစ်ရက်တော့ သူ့သခင်တို့က ကလေး‌ကိုခေါ်ပြီး ခရီးထွက်တဲ့အချိန်မှာ လေဒီ ကို စောင့်ရှောက်ဖို့အန်တီကြီးတစ်ယောက်ထားခဲ့တယ် ၊ အန်တီကြီးက Cat Lover ‌ဆိုတော့ လေဒီကို မတည့်တော့ ဆိုင်တစ်ဆိုင်ခေါ်သွားပြီး လေဒီကို ကိုက်လို့မရအောင် မျက်နှာတပ်တဲ့ဟာကို အတင်းအကျပ်တပ်ပေးခဲ့တယ် ၊ အဲမှာ လေဒီက ကြောက်လန့်ပြီးထွက်ပြေးရာ ၊ လမ်းပေါ်မှာ Tramp နဲ့ပြန်ဆုံတွေ့ခဲ့တယ်။ Tramp က လေဒီ ကို အခက်အခဲကြုံနေချိနိမှာကူညီပေးပြီး သူ့ကို အိမ်ပြန်ပို့ဖို့လုပ်ခဲ့တယ် ၊ လေဒီက အိမ်မပြန်ချင်တော့လို့ ၊ သူတို့နှစ်ယောက်လုံး တစ်နေကုန် လျှောက်လည်လျှောက်စားပြီး ညပိုင်းထိ တူတူလည်ပတ်နေခဲ့ကြတယ် ၊ အဲမှာ ခွေးဖမ်းသမားနဲ့တွေ့ပြီး သူတို့ထွက်ပြေးရာကနေ နှစ်ယောက်လုံးပြန်ကွဲသွားခဲ့ကြတယ် ၊ နောက်ပိုင်းမှာတော့ Lady နဲ့ Tramp နဲ့ပြန်လည်ဆုံဆည်းနိုင်မလား ၊ သူတို့နှစ်ယောက်ရဲ့အချစ်ဇာတ်လမ်းလေးဘယ်လိုဖြစ်သွားမလဲဆိုတာကို စိတ်လှုပ်ရှားဖွယ်ကြည့်ရှူရမဲ့ ဇာတ်လမ်းကောင်းလေးတစ်ပုဒ်ဖြစ်ပါတယ် Cast - Lady အဖြစ် *Tessa Thompson* (Voice) - Tramp အဖြစ် *Justin Theroux* (Voice) - Jim Dear အဖြစ် *Thomas Mann* - Darling အဖြစ် *Kiersey Clemons* - Trusty အဖြစ် *Sam Elliott* (Voice) - Peg အဖြစ် *Janelle Monáe* (Voice) တို့က သရုပ်ဆောင်ထားပါတယ် File size…    2.6 GB /  914 MB Quality… BluRay 1080p / 720p Format… mp4 Duration…. 1h 31m Genre ..... Comedy/ Family / Ramance Subtitle…. Myanmar Subtitle (Hard Sub)

ဒါကတော့ 2019ရဲ့ Drama/Thriller ကားကောင်းလေးတစ်ကားပါ။ ဒီကားထဲမှာတော့ Jeese Eisenbergကို ခါတိုင်းလို ယုံကြည်မှုတွေပြည့်ဝနေတဲ့ ဆရာကြီးတစ်ယောက်အဖြစ်မြင်တွေ့ရမှာမဟုတ်ဘဲ ကိုယ့်ကိုယ်ကိုယုံကြည်မှုမရှိ ကျားကျားယားယားမရှိ တုံ့ဆိုင်းပြီးအားနည်းနေတဲ့ ကေဆီ(နာမည်ကိုကမိန်းမနာမည်နဲ့)အဖြစ်တွေ့ရမှာပါ။ တစ်ညမှာ ကေဆီတစ်ယောက် ခွေးစာသွားဝယ်ရင်း လုယက်ခံရတာနဲ့ ကိုယ့်ကိုယ်ကိုကာကွယ်ဖို့ ကရာတေးသင်ပါတော့တယ်။ ကရာတေးကိုအရမ်းကိုရူးသွားပြီး ကရာတေးနည်းပြက သူ့ကိုအာရုံစိုက်လာတဲ့အခါမှာတော့ ... ကြည့်နေရင်းနဲ့ Thrillerပါတယ်သာပြောတယ် ခုထိဘာမှမဖြစ်ပါလားတွေးနေရင်း တစ်ချက်တစ်ချက်ထထပြီး wtf manတွေဖြစ်ကုန်ပါတယ်။ ဘာတွေဆက်ဖြစ်လဲဆိုတာကိုတော့ Rattingတွေလည်းကောင်းပြီး Jeeseပါဝင်သရုပ်ဆောင်ထားတဲ့ မိမိကိုယ်ကိုကာကွယ်ခြင်းအနုပညာဆိုတဲ့ ဇာတ်ကားလေးမှာ ဆက်လက်ကြည့်ရှုလိုက်ပါ File Size : ( 1GB , 345 MB) Quality :  BluRay 720p Running Time : 1 hr 44 min Format : Mp4 Genre : Comedy , Crime , Drama  Subtitle : Myanmar Subtitle (Hard Sub) Translated by Moe Lay Encoded by Moe Myint Lwin

IMDb rating 7.6 အထိရရှိထားတဲ့ 2018ခုနှစ်ထွက် Christian Drama ဇာတ်ကားကောင်းလေးဖြစ်ပါတယ်။ Mercy Me တီးဝိုင်းအဖွဲ့ရဲ့ Best Selling Christian Song ဖြစ်တဲ့ I Can Only Imagine ကိုရိုက်ကူးထားတာဖြစ်ပြီးအဆိုပါသီချင်းဟာ အမေရိကန်နိုင်ငံတွင်နံပါတ် ၁ ချိတ်ခဲ့တဲ့သီချင်းလည်းဖြစ်ပါတယ်။ ဒီသီချင်းကိုသူ့ရဲ့အဖေနဲ့ဆက်ဆံရေးအကြောင်းရေးဖွဲ့ထားခဲ့တဲ့အဆိုပါတီးဝိုင်းအဖွဲ့ရဲ့ Lead Singerလည်းဖြစ်တဲ့ Bart Millard အဖြစ် Michel Finely ကသရုပ်ဆောင်ထားတာဖြစ်ပါတယ်။ ဒီဇာတ်ကားလေးကို ဒေါ်လာရသန်းဖြင့်ရိုက်ကူးထားခဲ့ပြီး ၈၄သန်းအထိပြန်လည်ရရှိခဲ့တာကြောင့် အောင်မြင်တဲ့ဇာတ်ကားလေးလည်းဖြစ်ပါတယ်။ ဒါ့အပြင် အမေရိကန်ပြည်ထောင်စုတွင် တတိယအအောင်မြင်ဆုံးသောMusic Biopic အဖြစ်မှတ်တမ်းဝင်ခဲ့ပါသေးတယ်။ ဝေဖန်ရေးဆရာတစ်ချို့ကတော့ ဒီဇာတ်ကားလေးကို အခြား Faith-Based ဇာတ်ကားတွေနဲ့ယှဉ်ရင် ပိုပြီးစိတ်လွှမ်းမိုးနိုင်တဲ့ တိုးတက်မှုဖြစ်စေတဲ့ကားလေးဖြစ်တယ်လို့ဆိုထားပါတယ်။ ဇာတ်လမ်းအကျဉ်းလေးကတော့ ငယ်စဉ်ဘဝ မိဘတွေအဆင်မပြေမှုတွေကြောင့် မြေစာပင်ဖြစ်ခဲ့ရတဲ့ Bart Millard တစ်ယောက် မိခင်အိမ်ကနေထွက်သွားပြီးတဲ့နောက် ဖခင်နဲ့ပဲနေရတဲ့အခါ ဖခင်စိတ်တိုင်းကျဖြစ်စေချင်တာတွေကိုပဲ သဘောကျဖြစ်အောင်လုပ်ပေးခဲ့ပေမယ့် ကံကြမ္မာကသူ့ကိုလမ်းမှန်ပို့ခဲ့တယ်ဆိုရမလားပဲခြေကျိုးခဲ့ပြီး ဘောလုံးအသင်းကနေ Music Club ကိုရောက်သွားခဲ့ပါတယ်။ ငယ်စဉ်ကတည်းက သီချင်းတွေကိုခုံမင်မြတ်နိုးလာပြီး စိတ်ဉာဏ်ကွန့်မြူးတတ်တဲ့ Bart တစ်ယောက်အတွက်လမ်းမှန်အပေါ်ရောက်စေတဲ့ ပထမခြေလှမ်းလို့ပြောရမှာပါပဲ။ ဒါပေမယ့် အရာရာဟာ အဆင်ပြေပြေဖြစ်သွားတာမဟုတ်ပါဘူး။ ကြိုးစားရုန်းကန်ခဲ့ရတာတွေ စွန့်လွှတ်ခဲ့ရတာတွေလည်းအများကြီးရှိခဲ့တာကိုတွေ့ရမှာပါ။ ဒီကားလေးဟာ I Can Only Imagine ဆိုတဲ့သီချင်းလေးဖြစ်ပုံလာပုံကိုအဓိကထားရိုက်ကူးထားတာဖြစ်ပြီး Music Drama ကြိုက်သူတွေအတွက်သဘောတွေ့စေမယ့်ကားလေးဖြစ်မယ်ဆိုတာလည်း Rating အရသိနိုင်ပါတယ်။ ကြည့်လို့ကောင်းတဲ့ဇာတ်ကားလေးဖြစ်သလို ရသအမျိုးမျိုးလည်းခံစားရနိုင်တဲ့ကားလေးပါ။ ခရစ်ယာန်ဘာသာနဲ့အကျွမ်းတဝင်မရှိတဲ့အတွက် အသုံးအနှုန်းမှားယွင်းဘာသာပြန်ထားမိရင် ခွင့်လွှတ်ပေးကြစေလိုပါတယ်။ (ဇာတ်လမ်းအညွှန်းနဲ့ဘာသာပြန်သူကတော့ ကိုသူရပါ) File Size : (900 MB) and (370 MB) Quality : Blu-Ray 720p Running Time : 1hr 50min Format : Mp4 Genre : Drama, Family, Music Subtitle : Myanmar Subtitle (Hard Sub) Source : 720p.BluRay.x264.DTS-HDC Translated by Thura Zarni Aung Encoded by Thanhtike Zaw