Jayakumar ပါဝင်သော ဇာတ်ကားများ

The Dark Heaven (2026) "မဟူရာကောင်းကင်ဘုံ" IMDb - 7.8/10 အိန္ဒိယနိုင်ငံ တမီလ်နာဒူးပြည်နယ်ရဲ့ တောင်တန်းတွေကြားမှာ ရှိတဲ့ မက်ကာရိုင်းဆိုတဲ့ ရွာလေးမှာ ထူးဆန်းကြောက်မက်ဖွယ်ရာအယူအဆတစ်ခု ရှိနေပါတယ်။ အဲဒါကတော့ ခုနစ်နှစ်တစ်ကြိမ် ဇွန်လအတွင်းမှာ ရွာထဲက အမျိုးသားတွေ -ေသဆုံးလေ့ရှိတယ်ဆိုတဲ့ ယုံကြည်မှုပါ။ ဒီလိုထူးဆန်းတဲ့ -ေသဆုံးမှုတွေနဲ့ ပတ်သက်ပြီး အသစ်ရောက်လာတဲ့ စခန်းမှူးပါရီက စုံစမ်းစစ်ဆေးမှုတွေ စလုပ်ပါတော့တယ်။ ဒါပေမဲ့ ရွာသားတွေရဲ့ အယူသီးမှုတွေနဲ့ နှစ်ပေါင်းများစွာ ဖုံးကွယ်ထားခဲ့တဲ့ လျှို့ဝှက်ချက်တွေကြားမှာ အမှန်တရားကို ရှာဖွေရတာက ထင်ထားသလောက် မလွယ်ကူခဲ့ပါဘူး။ -ေသဆုံးမှုတွေက တကယ်ပဲ ကျိန်စာတစ်ခုကြောင့်လား၊ ဒါမှမဟုတ် လူသားတွေရဲ့ လက်ချက်နဲ့ ဖန်တီးထားတဲ့ ရာဇဝတ်မှုတွေလား။ အတိတ်က အမှောင်ထုနဲ့ ပစ္စုပ္ပန်က လူသတ်မှုတွေကြား ဆက်စပ်မှုကို ဖော်ထုတ်ရင်း မထင်မှတ်ထားတဲ့ အမှန်တရားတွေဆီ ဦးတည်သွားမယ့် မှုခင်းစုံထောက်သည်းထိတ်ရင်ဖိုရုပ်ရှင်ကို တင်ဆက်ပေးလိုက်ပါတယ်။ File size… 1.6 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 25m Subtitle….Myanmar Subtitle (Hard Sub)

Idhayam Murali (2026) အီဒါယာပုံပြင် မင်းသား အာဒါဗာရဲ့ လွမ်းမောစရာ အချစ်ဒရာမာရုပ်ရှင်ကောင်းလေးကို တင်ဆက်ပေးချင်ပါတယ်။ အီဒါယာနဲ့ သူငယ်ချင်းတသိုက်ဟာ လေယာဉ်နဲ့ခရီးသွားရင်း လေယာဉ်ပေါ်မှာ ထူးဆန်းတဲ့လူတယောက်နဲ့ဆုံတွေ့ခဲ့ပါတယ်။ အဲဒီလူနဲ့သူတို့အဖွဲ့ဟာ စကားပြောမိရာကနေ ရင်းနှီးသွားရင်း တယောက်အကြောင်းတယောက် အချင်းချင်း ပြောပြကြပါတယ်။ ဒီရုပ်ရှင်လေးဟာ အဲဒီလိုစကားပြောရာကနေ အီဒါယာဆိုတဲ့ ခပ်အေးအေးကောင်လေးရဲ့အတိတ်ကို လွမ်းစရာကောင်းအောင် ပုံဖော်ပြထားတဲ့ရုပ်ရှင်လေးပဲဖြစ်ပါတယ်။ အီဒါယာဟာ မူလတန်းကစပြီး အရွယ်ရောက်တဲ့အထိ သူချစ်ဖူးသမျှကောင်မလေးတွကို တဖတ်သက်ဆိုတဲ့အဆင့်နဲ့တင်ရပ်ပြီး တခါမှဖွင့်မပြောရဲတဲ့ကောင်လေးတယောက်ပါ။ ဒါပေမဲ့ သူကြုံခဲ့ဖူးတဲ့ အချစ်ဇာတ်လမ်းတိုင်းဟာ ဟိတ်လှုပ်ရှားစရာကောင်းပြီး ကဗျာဆန်လွန်းလှပါတယ်။ အီဒါယာတယောက် ဘယ်လိုတွေကြုံတွေ့ခဲ့ရလဲ၊ နောက်ဆုံးမှာ တယောက်ယောက်နဲ့ ဆုံတွေ့ခွင့်ရမှာလားဆိုတာကို ဒီရုပ်ရှင်လေးထဲမှာ စီးမြောမြင်တွေ့ရမှာပါ။ File size… 3.16 GB / 1.65 GB Quality…WEB DL 1080p HEVC/ 720p Format…mkv/ mp4 Duration…. 2h 44m Subtitle….Myanmar Subtitle (Hard Sub)

Cristina Kathirvelan (2025) ခရစ်တီးနားဆိုတဲ့ ကောင်မလေး IMDb 7.5/10 ထိရထားတဲ့ တမီးလ်စကားပြော ကျေးလက်တပိုင်း အချစ်ဟာ သရုပ်ရှင်လေးကိုတင်ဆက်ပေးလိုက်ပါတယ်။ကာသီဟာ ၁၂ တန်းအောင်ပြီးပေမဲ့ တက္ကသိုလ်ဆက်မတက်ဘဲ နိုင်ငံခြားသွားအလုပ်လုပ်ဖို့ ရည်မှန်းထားသူပါ။ နိုင်ငံခြားသွားဖို့ ဗီဇာမကျသေးခင် ဘုရားပွဲတစ်ခုမှာ ကာသီဟာ ဘယ်သူဘယ်ဝါမှန်း မသိတဲ့ ကောင်မလေးတစ်ယောက်ကိုမြင်ပြီး သဘောကျသွားခဲ့ပါတယ်။ သူ နိုင်ငံခြား မသွားခင် သူငယ်ချင်းတစ်ယောက်ကို ကောလိပ်လိုက်ပို့ရင်း အဲဒီကောလိပ်မှာ သူ သဘောကျမိခဲ့တဲ့ ကောင်မလေးကို အမှတ်မထင်တွေ့လိုက်ရတဲ့အခါမှာတော့ ကာသီ ဟာ နိုင်ငံခြားသွားဖို့ကို လက်လျှော့ပြီး အဲဒီကောလိပ်မှာပဲ ရရာမေဂျာဝင်ယူရင်း ကျောင်းတက်ကာ အဲဒီကောင်မလေးနဲ့ နီးစပ်ဖို့ကြိုးစားပါတော့တယ်...။ File size… 2.1 GB / 1 GB Quality…WEB DL 1080p HEVC/ 720p Format…mkv/ mp4 Duration….2hr 13mins Subtitle….Myanmar Subtitle (Hard Sub)

Aaryan (2025)(စိတ္တဇ စာရေးဆရာ) IMDb rating - 6.4/10 ဒီတစ်ခါတင်ဆက်ပေးမယ့်ကားလေးကတော့ မှုခင်းတွေကိုစိတ်ဝင်စားတဲ့ သူတွေအကြိုက်တွေ့စေမယ့်ကားလေးပဲဖြစ်ပါတယ်။ ဇာတ်လမ်းအစ - စတူဒီယိုတစ်ခုမှာ ရှိုးပွဲတစ်ခုလုပ်ဖို့အတွက် နာယာနာနဲ့ ဟာရီတို့ သူငယ်ချင်းနှစ်ယောက်ကစီစဉ်နေကြတာဖြစ်ပြီး သူတို့ဖိတ်ခေါ်ထားတဲ့ အထူးဧည့်သည်တော်ကရောက်မလာခဲ့လို့ နှစ်ယောက်သား စကားများနေတာကနေအစီချီထားပါတယ်။ နာယာနာက စိတ်ပျက်လက်ပျက်ဖြစ်နေပေမဲ့ ဟာရီမှာတော့ အရံအစီစဉ်ရှိသေးတာမို့ ရှိုးပွဲကိုတင်ဆက်ဖို့ပဲ ပြေနေခဲ့တာပါ။ နာယာနာက အရံဧည့်သည်ကဘယ်သူလဲလို့မေးလိုက်တဲ့အခါမှာ စကီလေးတွေနဲ့ပတ်ရှုပ်ပြီး နာမည်အဖျက်ခံနေရတဲ့ တက်သစ်စမင်းသားလေး ကိုက်လက်ရှ်ဖြစ်နေတော့ အတော်လေးစိတ်ညစ်နေခဲ့တာပါ။ ဒါပေမဲ့လည်း ရှိုးပွဲတင်ဆက်ဖို့အချိန်ကလည်း နီးကပ်လာပြီး ရွေးချယ်စရာကလည်းမရှိတော့တာကြောင့် ကိုင်လက်ရှ်နဲ့ပဲ နှစ်ပါးသွားဖို့အကြောင်းဖန်လာပါတော့တယ်။ ဒီလိုနဲ့ နာယာနာနဲ့ ကိုင်လက်ရှ်တို့ ရှိုးမှာ မေးခွန်းတွေအပြန်အလှန်မေးဖြေကြရင်းနဲ့ ပရိတ်သတ်တွေထဲက တစ်ယောက်က ကိုင်လက်ရှ်ကိုမချေမငံတွေ စပြောရာကနေ ပစ်ခတ်မှုတွေဖြစ်တဲ့အထိဖြစ်လာပါတော့တယ်။ ဖြစ်ချင်တော့ အဲဒီလူက စိတ်ဝေဒနာသည် စာရေးဆရာတစ်ယောက်ဖြစ်ပြီး ရှိုးပွဲလာတဲ့လူတွေကို ဓားစာခံအဖြစ် ဖမ်းထားပါတော့တယ်။ ဒီလိုနဲ့ စတူဒီယိုထဲကလူတွေနဲ့ နာယာနာတို့ အဲဒီစိတ္တဇစာရေးဆရာဆီကနေ လွတ်မြောက်အောင်ဘယ်လိုကြိုးစားကြမလဲဆိုတာ ဆက်လက်ကြည့်ရှု့ပေးကြပါဦး။ File size… 2.2 GB / 1.06 GB Quality…WEB DL 1080p HEVC/ 720p Format…mkv/ mp4 Duration….2h 14m Subtitle….Myanmar Subtitle (Hard Sub)

Raghu Thatha (2024) "အရိုင်းပန်းပုံပြင်" နာမည်ကြီးဗီဂျေးတွေထဲကတစ်ယောက်ဖြစ်တဲ့ မင်းသားကြီး ရာဗင်ဒရာဗီဂျေးနဲ့ မင်းသမီးချောလေး ကီရ်သီဆူရက်ရှ်တို့ရဲ့ အသစ်ထွက် ကျေးလက် ဟာသဒရာမာရုပ်ရှင်လေးကို စီအမ်ကနေ တင်ဆက်ပေးချင်ပါတယ်။ ဇာတ်လမ်းကတော့ ကာယာဟာ မဟုတ်မခံစိတ်ရှိတဲ့ ဆတ်ဆတ်ကြဲ မိန်းမလှလေးတစ်ယောက်ပါ။ သူဟာ မိန်းကလေးစာရေးဆရာတွေကို အားမပေးတဲ့ ရှေးရိုးစွဲ လူ့အဖွဲ့အစည်းထဲမှာ ယောက်ျားလေးနာမည်နဲ့ စာရေးပြီး အတော်အသင့်အောင်မြင်နေသူလည်းဖြစ်ပါတယ်။ အသက် ၂၅ နှစ်ရောက်ပေမဲ့ အိမ်ထောင်မကျသေးတာကြောင့် တစ်ရွာလုံးက တွေ့တဲ့အချိန်တိုင်း ဘယ်တော့စားရမှာလဲလို့မေးတာခံနေရတဲ့သူဖြစ်ပြီး သူကလည်း မေးတဲ့သူတိုင်းကိုဂရုမစိုက်ဘဲ ကိုယ့်ခံယူချက်နဲ့ကိုယ် နေထိုင်သူဖြစ်ပြီး သူ့ရဲ့ ခံယူချက်တွေနဲ့ အများကသတ်မှတ်ထားတဲ့စည်းမျဉ်းတွေကြားမှာ မဖြစ်မနေရွေးချယ်ရမယ့်အခြေအနေ ဖြစ်လာတဲ့အခါမှာတော့...။ ကျေးလက်မြင်ကွင်းစိမ်းစိမ်းစိုစိုလေးတွေနဲ့ ရယ်ရမောရတဲ့ ရုပ်ရှင်လေးဖြစ်လို့ ပရိသတ်တွေ ခေတ္တစိတ်အပန်းပြေစေဖို့အတွက် ချန်နယ်မြန်မာရဲ့ ဘောလိဝုဒ်အဖွဲ့သားတွေကနေ ညွှန်းဆိုဘာသာပြန်တင်ဆက်ပေးလိုက်ပါတယ်...။ File size… 2.35 GB / 1.04 GB Quality…WEB DL 1080p HEVC/ 720p Format…mkv/ mp4 Duration….2h 14m Subtitle….Myanmar Subtitle (Hard Sub) Encoder….YK Translated by CM Bollywood Team

Akaali (2024) မသေမျိုး မေလ ၃၁ ရက်နေ့မှာ စတင်ရုံတင်ပြသခဲ့တဲ့ အိန္ဒိယ Thriller ရုံတင်ကားကြီး Akaali နဲ့ မိတ်ဆက်ပေးပါရစေ အိန္ဒိယကားတွေထဲမှာမှ ထူးထူးခြားခြား အောက်လမ်းပညာပါတဲ့မှုခင်းတစ်ခုအကြောင်း ရိုက်ကူးထားတဲ့ ဒီဇာတ်ကားမှာတော့... လွန်ခဲ့တဲ့ ၇ နှစ်က ဖြစ်ပျက်ခဲ့တဲ့မှုခင်းတစ်ခု... အစကတော့ မူးယစ်ဆေးဝါးမှုအနေနဲ့ပဲ စတင်စုံစမ်းခဲ့တာ စုံစမ်းရင်းနဲ့ နက်နဲလာတဲ့အခါ ကောင်မလေး တစ်ယောက်ပြန်ပေးဆွဲခံရတာတွေ မြို့တစ်မြို့ထဲမှာတင် လူ ၁ သောင်းကျော် ပျောက်ဆုံးသွားတာတွေ သင်္ချိုင်းဖောက် အလောင်းတွေ တူးထုတ်ခံရတာတွေနဲ့ ဆက်စပ်နေတာ တွေ့ရတယ် ဒါပေမဲ့ အဲဒီအမှုက အကြောင်းအမျိုးမျိုးကြောင့် ပိတ်သိမ်းခဲ့ပြီး ၇ နှစ်အကြာမှာမှ ပြန်စစ်ဆေးဖို့ ဖြစ်လာခဲ့တယ် အဲဒီအမှုကို ခေါ်တာက "ဂျာနစ်လူသတ်မှု" ဂျာနစ်ဆိုတာက လူလား အဖွဲ့အစည်းလားတော့ ဘယ်သူမှမသိခဲ့ကြဘူး နည်းပညာ တိုးတက်ပြီးသားနိုင်ငံမှာ အောက်လမ်းတွေ အယူသည်းတာတွေ ယဇ်ပူဇော်တာတွေက ရှိနေသေးတယ်ဆိုရင် ဘယ်လိုအကျိုးသက်ရောက်မှုတွေ ဖြစ်ခဲ့တာလဲ မှုခင်းတွေရဲ့ နောက်ကွယ်မှာရော ဘယ်လိုရည်ရွယ်ချက်တွေ ရှိနေတာလဲ အဖြေထုတ်ရခက်တဲ့ ပွေလီရှုပ်ထွေးမှုတွေနဲ့ အောက်လမ်းနည်းပညာတွေ၊ နောက် စုံစမ်းစစ်ဆေးမှုတွေကြားထဲက ကွက်လပ်တွေ မဖြစ်နိုင်ဘူးလို့ ယူဆထားတဲ့ သဲထိတ်ရင်ဖို ဖြစ်ရပ်တွေကို cinematic ရိုက်ကူးချက်အလန်းစားတွေနဲ့ ကြည့်ချင်တော့ ဒီကားလေးကို ဆက်ဆက်ကြည့်ရှုဖို့ တိုက်တွန်းလိုက်ပါတယ် File size…1.96GB / 886MB Quality…WEB DL 1080p / 720p Format…mp4 Duration….2h 25m Subtitle….Myanmar Subtitle (Hard Sub) Encoder….YK Translated by CM Bollywood Team

ဘွန်မီဟာ သူ့ကိုဆန့်ကျင်သူဆို မဆိုင်းမတွ သတ်ပစ်တတ်တဲ့ ဂိုဏ်းခေါင်းဆောင်တစ်ယောက်ပါ။ အဲဒီလိုလူမှာ အလွန်ချစ်ရတဲ့ ညီတစ်ယောက်ရှိပြီး နာမည်က ဆာရှီတဲ့။ တစ်နေ့ ဆာရှီ အသတ်ခံလိုက်ရတဲ့အခါ ဘွန်မီဟာ ယူကြုံးမရဖြစ်ပြီး တရားခံကို ရှိသမျှအင်အားသုံးကာ လိုက်ရှာပါတော့တယ်။ ရူဒရန်ကတော့ သူ့ကိုချစ်တဲ့ မိသားစု၊ သူငယ်ချင်းတွေနဲ့ ပျော်ပျော်နေတတ်တဲ့ ကောင်လေးတစ်ယောက်ပါ။ အလုပ်သွား၊ လစာထုတ်၊ သောက်စားပျော်ပါးရင်း ဘဝကို ဖြတ်သန်းနေတဲ့ သူကပဲ ဘွန်မီ့ညီကို သတ်ခဲ့သူ ဖြစ်နေတယ်။ ဒီလိုသာမန်ဘဝနဲ့ နေတဲ့ကောင်လေးက ဘာကြောင့် လူသတ်တဲ့အထိ ဖြစ်သွားရတာလဲ။ လူတိုင်းကြောက်ရတဲ့ ဘွန်မီနဲ့ ပတ်သက်မိပြီးနောက် ရူဒရန်ရဲ့ဘဝ အရင်လို အေးချမ်းနိုင်ပါဦးမလား။

သားဖွားဆရာမအမေ၊ အရက်သမားအဖေနဲ့ အရာရာကို အဆိုးမြင်တတ်တဲ့ သမီးတို့ နေထိုင်တဲ့အိမ်ကို လူတစ်ယောက် ရောက်လာပါတယ်။ သူယူလာတဲ့စကားက ကြွယ်ဝခြင်းနတ်ဘုရားက သူတို့ဆီ ကြွယ်ဝမှုတွေ ပို့လိုက်ပြီဆိုတာပါ။ အဲဒီစကားအဆုံးမှာပဲ ငွေထုပ်ပိုက်ထားတဲ့ လူတစ်ယောက် တကယ်ရောက်လာတဲ့အခါ မိသားစုရဲ့ အခြေအနေတွေ ပြောင်းလဲလာတော့တယ်။ လိုချင်တာကို များများနဲ့ မြန်မြန်ရဖို့ အဆင်အခြင်မဲ့ လုပ်မိရင် ရှိပြီးသားပါ ဆုံးရှုံးရနိုင်တယ်ဆိုတဲ့ ပုံပြင်သင်ခန်းစာမျိုးကို အခြေခံထားပါတယ်။ လက်ရှိဖြစ်ရပ်တွေ၊ ပုံပြင်နဲ့ ဘာသာရေးအယူအဆတွေကို လျှို့ဝှက်ဆန်းကြယ်တဲ့ ဇာတ်လမ်းအဖြစ် ချိတ်ဆက်ထားပြီး မထင်မှတ်တဲ့ ဇာတ်ကွက်အလှည့်အပြောင်းတွေလည်း ပါဝင်ပါတယ်။

မာသီဆိုတဲ့လူဟာ သင်္ချာသဘောတရားတွေနဲ့ အတွက်အချက်တွေကို သုံးပြီး ပြစ်မှုကျူးလွန်သူပါ။ သူပစ်မှတ်ထားသူတွေက ကမ္ဘာတစ်ဝန်းက ရာထူးကြီးသူတွေ၊ အရေးပါတဲ့ပုဂ္ဂိုလ်တွေနဲ့ နိုင်ငံရေးသမားတွေဖြစ်ပြီး အဲဒီလူတွေကို လုပ်ကြံသတ်ဖြတ်နေတာ ဖြစ်ပါတယ်။ သူ့ကို ဖမ်းဆီးဖို့အတွက် နိုင်ငံတကာရဲအရာရှိတစ်ယောက်က သင်္ချာပါရမီရှင် ကောင်မလေးတစ်ယောက်ရဲ့ အကူအညီကို ယူရမှာပါ။ မာသီက သင်္ချာဗျူဟာတွေကို ဘယ်လိုသုံးပြီး ပြစ်မှုကျူးလွန်သလဲ၊ သူဟာ တရားခံအစစ် ဟုတ်ရဲ့လား၊ ဒီအမှုတွေနောက်မှာ ဘယ်လိုအရှုပ်အထွေးတွေ ရှိနေသလဲဆိုတဲ့ မေးခွန်းတွေ ရှိလာတယ်။ နိုင်ငံတကာက အရေးပါတဲ့သူတွေကိုမှ ဘာကြောင့် ရွေးပြီး လုပ်ကြံနေတာလဲဆိုတာကိုလည်း ဖော်ထုတ်ရဦးမှာပါ။ Vikram ပါဝင်သရုပ်ဆောင်ထားတဲ့ ရာဇဝတ်မှုနဲ့ အက်ရှင်ဇာတ်ကား ဖြစ်ပါတယ်။

ရုံတင်တုန်းကလဲ လူကြိုက်များနာမည်ကြီးခဲ့တဲ့ တောင်ပိုင်းမင်းသား အာရားနဲ့ဗစ်ရှေးတို့ရဲ့ အတော်ကိုကောင်းမွန်တဲ့ အက်ရှင်ကားတစ်ကားကို တင်ဆက်လိုက်ပါတယ်။ IMDB မှာလည်း 7.7ဆိုတော့ ခပ်မိုက်မိုက်ပဲပေါ့။ ဇာတ်လမ်းအကျဉ်း... ဒီလောကကြီးထဲမှာ အန္တရာယ်အများဆုံးက သူစိမ်းတွေမဟုတ်ပဲ ကိုယ့်အကြောင်းကို အစအဆုံးသိနေတဲ့ အရင်းနှီးဆုံးသူက အန္တရာယ်အပေးနိုင်ဆုံးသူဖြစ်ပါလိမ့်မယ်။ ဒီကားမှာလည်း ငယ်ငယ်ထဲက တစ်ကျောင်းထဲဆင်း ဆရာ တစ်ယောက်ထဲထွက်တဲ့ သူငယ်ချင်းနှစ်ယောက်ကို ENEMY ဆိုတဲ့ ရန်သူတော်တွေဖြစ်လာအောင် ဘယ်အရာတွေက ပံ့ပိုးပေးမလဲဆိုတာ စီးမျောလိုက်ရအောင်။ ဇာတ်အိမ်ကကောင်းလွန်းတော့ ဒီထက်ပြောရင် Spoil သလိုဖြစ်နေမှာမို့ Tamil ကားကြိုက်သူတွေအတွက် လက်မလွတ်တမ်း လိုက်ပါစီးမျောခံစားလိုက်ဖို့ တိုက်တွန်းလိုက်ပါတယ်။ အညွှန်းကိုတော့ ThuRa  Heinနဲ့ Lwin Htoo Aung က ရေးသားပြီး ဘာသာပြန်ကတော့ JimX Trafalgar Law. Lai Laii နဲ့ Lwin Htoo Aung တို့ပဲဖြစ်ပါတယ်။ File size…(7.1 GB)/(2.7 GB)/(1.1 GB) Quality…WEB-DL 4K HEVC/1080p/720p Format…mkv/mp4 Duration….02:37:13 Subtitle….Myyanmar Subtitle (hard Sub) Encoder….YK Translated by Lwin Htoo Aung , ThuRa Hein , Lai Laii & JimX

Pizza (2012) ဆန်းကြယ်လေစွ ပရလောက Genre – Thriller, Horror IMDB – 7.9/10 ခုတလော နာမည်ကြီး လူကြိုက်များနေတဲ့ Maharaja ရဲ့ မင်းသားကြီး ဗီဂျေးစည်သူပတိတစ်ယောက် ငယ်ရွယ်နုပျိုစဉ်တုန်းက ရိုက်ကူးထားတဲ့ သည်းထိတ်ရင်ဖိုကားလေးကို ဗီဂျေးပရိတ်သတ်တွေအတွက် တင်ဆက်ပေးလိုက်ပါပြီဗျာ။ ၂၀၁၉ ခုနှစ်တုန်းက ဗီဂျေးပါဝင်ထားတဲ့ Petta ဆိုတဲ့ ရုပ်ရှင်ကို ရိုက်ကူးခဲ့တဲ့ ဒါရိုက်တာ Karthik Subbaraj ရိုက်ကူးခဲ့တာ ဖြစ်ပြီး ဗီဂျေးနဲ့ တွဲလုံးစထုတ်ခဲ့ပြီး နာမည်ကြီးခဲ့တဲ့ ဒါရိုက်တာဆိုလည်း မမှားပါဘူး။ နောက်ပိုင်းရုပ်ရှင်တွေမှာ တည်တည်ငြိမ်ငြိမ်နဲ့ ရှယ်ဖြုတ်ပြတဲ့ ဘဲကြီးပုံစံတွေ သရုပ်ဆောင်ထားပေမဲ့ ဒီကားလေးမှာတော့ ချစ်သူနဲ့ တူတူ ပျော်ရွှင်ကြည်နူးပြီး ပီဇာပို့နေတဲ့ လူငယ်လေးအဖြစ် လန်းဆန်းတက်ကြွစွာ သရုပ်ဆောင်ထားတာပါ။ မင်းသားက ဗီဂျေးဆိုတာနဲ့ ဇာတ်လမ်း ဇာတ်အိမ်တွေက ခန့်မှန်းမရပဲ အဆုံးထိ မြုပ်ကွက်ချုပ်ကွက်တွေနဲ့ သယ်ဆောင်သွားပြီး အဆုံးကျမှ ဟာခနဲ ဟင်ခနဲ ဖြစ်မယ့် သည်းထိတ်ရင်ဖိုကားလေးပဲ ဖြစ်ပါတယ်။ ဇာတ်လမ်းအကျဉ်းလေး ပြောရမယ်ဆို မိုက်ကယ်ဆိုတဲ့ကောင်လေးဟာ ပီဇာဆိုင်က ဒယ်လီဝန်ထမ်းလေး ဖြစ်ပြီး ချစ်သူ အာနူနဲ့ အတူတူနေထိုင်လျက်ရှိပါတယ်။ ကောင်မလေးက သရဲတစ္ဆေအကြောင်းတွေ အလွန်စိတ်ဝင်စားပြီး ဝတ္ထုရေးဖို့ ကြိုးစားနေသူဆိုပေမဲ့ မိုက်ကယ်ကတော့ ပြောင်းပြန် ဒီသရဲကိစ္စတွေကို အယုံအကြည်မရှိပေမဲ့ ကြောက်လန့်တတ်သူတစ်ယောက်ပါ။ တစ်ရက်ကျ ကောင်မလေးဖြစ်သူက ကိုယ်ဝန်ရှိလာပြီး မင်္ဂလာပွဲလေးကိုလည်း အကျဉ်းရုံးလုပ်ပြီးတဲ့နောက် မိုက်ကယ်ကို လူတိုင်းမှာ ဒီလို သဘာဝဖြစ်ရပ်တွေနဲ့ ကြုံဆုံလာရမယ့် အခိုက်အတန့်ဆိုတာ ရှိတယ် အဲဒါကြောင့် နင်လည်း ဒီနေ့ကစပြီး ဒီလို အခိုက်အတန့်တွေ ကြုံရတော့မှာပါဆိုပြီး ပြောပြီးတဲ့နောက်မှာတော့… မိုက်ကယ်တစ်ယောက် ပီဇာပို့ရင်း ထူးခြားဆန်းကြယ် ပရလောက အတွေ့အကြုံ ဖြစ်ရပ်တွေနဲ့ မျက်ဝါးထင်ထင် ကိုယ်တိုင်ကြုံတွေ့ရတဲ့အခါ….။ ထုံးစံအတိုင်း ဇာတ်လမ်းရဲ့သဘောသဘာဝအရ လူတွေကို အံ့သြမှင်သက်သွားအောင် လုပ်မယ့် အကွက်တွေ ပါဝင်နေတဲ့အတွက် ဒီလောက်လေးပဲ ပြောပြလိုက်ပြီး ကျန်တာကိုတော့ ဖန်သားပြင်ထက် ခံစားကြစေဖို့ ဖိတ်ခေါ်လိုက်ရပါတယ်ဗျာ။ (အညွန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်) File size…1.7GB / 781MB Quality…WEB DL 1080p / 720p Format…mp4 Duration….2h 7m Subtitle….Myanmar Subtitle (Hard Sub) Encoder….YK Translated by CM Bollywood Team