Jaymes Butler ပါဝင်သော ဇာတ်ကားများ

The Brutalist (2024) IMDb Rating (7.9) / Rotten Tomatoes (94%) အော်စကာ စကာတင် ၁၀ ဆု ဝင်ထားတဲ့ ၂၀၂၄ အကောင်းဆုံးရုပ်ရှင်တွေထဲက တစ်ခု လာပါပြီ။ မင်းသားကတော့ The pianist နဲ့ လူသိများကြတဲ့ Adrien Brody ပါပဲ။ ဇာတ်လမ်းနာမည်ကတော့ Brutal - ရက်စက်သောဆိုတဲ့ စာလုံးကနေလာတာပါ။ ဒါပေမဲ့ လူ့လုပ်ရပ်နဲ့ဆိုင်တာမဟုတ်ဘဲ Brutalism ဆိုတဲ့ ဗိသုကာသဘောတရားကနေလာတာပါ။ အဆောက်အဦဒီဇိုင်းကို ခပ်ကြမ်းကြမ်းပုံဖော်တာပေါ့။ အလှအပတွေ အကွေ့အကောက်တွေထက် သင်္ချာကျကျ လေးထောင့်ကျကျ ခိုင်ခိုင်မာမာနဲ့ တောင့်တောင့်တင်းတင်း ဆောက်လိုက်တဲ့စတိုင်မျိုးပါ။ ဒီရုပ်ရှင်ထဲမှာတော့ ဒုတိယကမ္ဘာစစ် ချွေးတပ်စခန်းကနေ လွတ်မြောက်လာတဲ့ ဂျူးဗိသုကာပညာရှင်ဟာ အမေရိကန်အိပ်မက်နောက်ကိုလိုက်ရင်း ၁၉၅၀ ကာလ ရှုပ်ထွေးတဲ့လူမျိုးရေးနိုင်ငံရေးတွေကြားမှာ သမိုင်းတွင်တဲ့လက်ရာတစ်ခုကို တည်ဆောက်ခဲ့ပုံကို အခြေခံထားတာပါ။ ဖြစ်ရပ်မှန်မဟုတ်ဘဲ သမိုင်းနောက်ခံ စိတ်ကူးယဉ် ရုပ်ရှင်အမျိုးအစားဖြစ်ပါတယ်။ ဇာတ်လမ်းအကျဉ်း လက်စလိုတော့သ်ဟာ ဂျူးဗိသုကာပညာရှင်ကြီးတစ်ယောက်ဖြစ်ပြီး ချွေးတပ်စခန်းကနေ ဒုတိယကမ္ဘာစစ်အပြီး အမေရိကန်ကို ရောက်လာခဲ့တဲ့လူပါ။ ရောက်ရောက်ချင်း ပရိဘောဂဆိုင်လေးတစ်ခုမှာ အလုပ်လုပ်နေပေမဲ့ မကြာခင်မှာပဲ သူ့လက်ရာဟာ နိုင်ငံတော်အဆင့်ဆိုတာ သဘောပေါက်သွားတဲ့ မီလီယံနာကြီးတစ်ယောက်က ဧရာမစီမံကိန်းကြီးတစ်ခုကိုပေးလာပါတယ်။ အဲဒီအချိန်မှာလက်စ်လိုရဲ့ ဇနီးနဲ့ တူမက အမေရိကန်ကိုတောင် ရောက်မလာနိုင်သေးဘဲ နယ်စပ်မှာ ဒုက္ခရောက်နေခဲ့တာပါ။ ဒီလိုအခက်အခဲတွေ လူမျိုးရေးနိုင်ငံရေးပြဿနာတွေကြားထဲမှာမှ လက်စလိုဟာ သမိုင်းကိုကိုယ်စားပြုတဲ့၊ သူခံစားခဲ့ရတဲ့ချွေးတပ်စခန်းက ဒုက္ခတွေကို ကိုယ်စားပြုတဲ့၊ သူ့ဇနီးနဲ့သူကွဲကွာရတာတွေကို ကိုယ်စားပြုတဲ့ အဆောက်အဦကြီးတစ်ခုကို နိမိတ်သင်္ကေတပေါင်းများစွာနဲ့ မရရအောင် တည်ဆောက်ပါတော့တယ်။ မြန်မာဆန်ဆန်ပြောရရင်တော့ မနူဟာဘုရားလို အကျဉ်းချခံရတဲ့ ခံစားချက်ကို ကိုယ်စားပြုတဲ့ ဗိသုကာလက်ရာမျိုးပါပဲ။ ဒီဇာတ်လမ်းကိုမှ အစ္စရေး ဂျေရုဆလင်သမိုင်းတွေ၊ ဒုတိယကမ္ဘာစစ်အပြီး နိုင်ငံရေးလူမျိုးရေးအမြင်တွေနဲ့ ရောမွှေပြသထားတဲ့ရုပ်ရှင်ဖြစ်လို့၊ ဇာတ်လမ်း သရုပ်ဆောင် ရိုက်ကွက်တွေအားလုံးကလည်း ကောင်းမွန်နေလို့ ဆုပေါင်း ရာနဲ့ချီရပြီး ၂၀၂၅ အော်စကာဆုပေးပွဲမှာ ထိပ်ဆုံးကနေ ဆန်ကာတင်အများဆုံးရုပ်ရှင်၊ အကောင်းဆုံးရုပ်ရှင်ဆု ဆန်ကာတင်အဖြစ် ပါဝင်နေတာပါပဲ။ သမိုင်း ဒရာမာ အေးအေးဆေးဆေးခံစားချင်တဲ့သူတွေရှိရင် အကြိုက်တွေ့မှာပါ။ မူးယစ်ဆေးဝါးနဲ့ အိပ်ရာအခန်းတွေပါလို့ ကလေးတွေ မကြည့်သင့်ပါဘူး။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size… (13.8 GB) / (4.3 GB) / (1.9 GB) Quality…. WEB-DL 4K HEVC / 1080p HEVC / 720p Format…mkv / mp4 Duration….03:30:00 Genre...Drama  Subtitle….Myanmar Subtitle (Hardsub) Encoder….Swan Min Htet Translated by Mr. Anderson

The Boys in the Boat (2023) ~ IMDb - 7.1/10, Rotten Tomatoes - 57% ~ George Clooney ရိုက်ထားတဲ့ လှေခတ်တဲ့အကြောင်း ဖြစ်ရပ်မှန် အားကစားရုပ်ရှင်ပေါ့။ လှေခတ်ပြိုင်တဲ့ အားကစားက ခုတော့ ဒီမှာသိပ်မတွင်ကျယ်တော့ပေမဲ့ ရှေးရှေးက ရန်ကုန်တက္ကသိုလ်နောက်ခံ ဝတ္ထုတွေမှာတော့ လှေလှော်ခတ်တဲ့အားကစားဟာ တက္ကသိုလ်ရဲ့ အကျော်ကြားဆုံးအားကစားတစ်ခုအသွင်နဲ့ သရုပ်ဖော်ခဲ့ကြဖူးတယ်။ အခုထိလည်း ရှိတော့ရှိသေးပါတယ်။ အနောက်နိုင်ငံတွေဘက်ကြည့်ရင်လည်း လှေခတ်တဲ့အားကစားက တက္ကသိုလ်တွေမှာ တော်တော်အရေးပါတယ်။ လက်ရှိ လှေလှော်ပြိုင်ပွဲတွေဆို ၁၇ရာစုလောက်ကတည်းက လန်ဒန် သိမ်းမြစ်မှာ စခဲ့ပြီး ၁၈ရာစုမှာ ကျောင်းတွေအထိ ပျံ့နှံ့လာခဲ့တယ်။ ဒီရုပ်ရှင်ဆိုလည်း အမေရိကန်တက္ကသိုလ်ကျောင်းသားတွေရဲ့ လှေလှော်အသင်းက အိုလံပစ်မှာ ဝင်ပြိုင်ခဲ့တဲ့အကြောင်း ဖြစ်ရပ်မှန်ပေါ့။ ဆိုပေမဲ့လို့ သူတို့ရိုက်ပြဖို့ ရွေးလိုက်တဲ့အဖွဲ့က အတွေ့အကြုံဘာမှမရှိ၊ လှေခတ်တဲ့အကြောင်း ဘာမှမသိတဲ့ အဖွဲ့။ မိခင်အဖွဲ့ကလည်း အဲဒီခေတ်အနေနဲ့ တက္ကသိုလ်ကြီးတွေက အဖွဲ့ကြီးမဟုတ်ဘူး။ နယ်ဘက်လို ဘက်က ဝါရှင်တန်တက္ကသိုလ်ရဲ့ လှေလှော်အသင်းက ဂျူနီယာကောင်လေးတွေအကြောင်း။ ဝါရှင်တန်တက္ကသိုလ်ရဲ့ လှေလှော်အသင်းက လူသစ်စုဖို့ လူရွေးပွဲလုပ်တယ်။ လာတဲ့လူတွေတော့ အများကြီးပဲ။ အဲဒီထဲကနေမှ သူတို့က ၈ယောက်လှေလှော်အသင်းအတွက်လိုတဲ့ ရှစ်ယောက်ကိုပဲရွေးမှာ။ သူတို့ထဲက တချို့ဆို ပိုက်ဆံပေး နေစရာပေးတယ်ဆိုလို့ အဲဒါကိုမက်ပြီး ရောက်လာကြတာ။ လှေလှော်တဲ့အားကစားကို ချစ်ဖို့မပြောနဲ့ သေချာတောင်သိကြသေးတာမဟုတ်ဘူး။ ဆိုတော့ လှေလှော်အားကစားအကြောင်း နကန်းတစ်လုံးမှ မသိသေးတဲ့ဇာတ်ကောင်တွေနဲ့အတူတူ လှေလှော်တဲ့အားကစားအကြောင်းကြည့်ရင်း သူတို့ဒီအားကစားကိုချစ်လာပုံကို ကြည့်ရမှာဆိုတော့လည်း အားကစားဒရာမာတစ်ကားအနေနဲ့ ကြည့်ရတာ တော်တော်တော့ အဆင်ပြေတယ်။ ဆိုခဲ့သလို လှေခတ်တဲ့အကြောင်း ဘာမှတောင်မသိခဲ့တဲ့ကောင်လေးတွေကို လှေလှော်အသင်းနည်းပြက သေချာသင်ပေးရင်း ဒီအားကစားကို ချစ်တတ်လာအောင်ပါ သင်ပေးတာကို မြင်ရလိမ့်မယ်။ ရှစ်ယောက်စလုံး တစ်ယောက်နဲ့တစ်ယောက် တစ်ချက်တောင် ရစ်သမ်မလွတ်သွားဘဲ တစ်သားတည်းဖြစ်အောင်လှေခတ်နိုင်တဲ့အခါကျ လှေခတ်တာက အားကစားတစ်ခုဆိုတာထက် ကဗျာတစ်ပုဒ်သီရသလိုဖြစ်သွားလိမ့်မယ်တဲ့။ လူ၈ယောက် တစ်ယောက်နဲ့တစ်ယောက် မတိမ်းမစောင်း ဟန်ချက်ညီနေဖို့က တော်တော်ခက်လိမ့်မယ်။ ဒါကြောင့် နည်းပြက ၈ယောက်လှေလှော်တာက ကမ္ဘာ့အခက်ဆုံးအားကစားလို့ဆိုခဲ့တယ်။ ဒီလိုခက်ခဲတဲ့အားကစားနဲ့ ဘာမှမသိတဲ့ကလေးတွေကို 1936 Summer Olympics ကို ဝင်ပြိုင်နိုင်အောင် နည်းပြတစ်ယောက်ရဲ့ အားထုတ်မှုတွေကိုလည်း မြင်ရလိမ့်မယ်။ နောက်ထပ်တော့ အားကစားကားဆိုတဲ့အတိုင်း အားကစားစိတ်ဓာတ်အကြောင်း အားကစားသမားတွေရဲ့ စိတ်ဓာတ်အကြောင်းတွေကိုလည်း ပါးပါးလေးပြတယ်။ သရုပ်ဆောင်တွေကတော့ လောက်လောက်လားလားဆိုလို့ Joel Edgerton နဲ့ Callum Turner တို့ပဲပါမယ်။ သူတို့လည်းထူးထူးခြားခြားတော့ ကောင်းတယ်လည်း မဟုတ်ပါဘူး။ ဒါပေမဲ့လည်း ရှာရှားပါးပါး လှေလှော်အသင်းတွေ တက္ကသိုလ်တွေနဲ့ လှေလှော်အားကစားအကြောင်းကို ကြည့်ရမှာဖြစ်ပြီး အိုလံပစ်အထိပါ သမိုင်းဝင်ခဲ့တဲ့ ပွဲစဉ်တွေကို ပြန်ရိုက်ပြထားတာဆိုတော့လည်း စိတ်ဝင်စားဖို့ကောင်းတဲ့ အကြောင်းအရာတစ်ခုဖြစ်နေတယ်။ ဂျော့ကလူးနေးရဲ့ ဒါရိုက်တင်းစကေးကတော့ ထူးပြီးလည်းကောင်းမနေသလို ထူးပြီးလည်းညံ့မနေတော့ ကြည့်ကောင်းတဲ့ကားတစ်ကားအဖြစ်တော့ ရှိနေတယ်။ အမှန်ဆို ဒီရုပ်ရှင်ကို ၂၀၁၁ကတည်းက ဝင်းစတိန်းကုမ္ပဏီက ရိုက်ဖို့ကြံခဲ့ဖူးတယ်။ စာရေးဆရာဆီက ရိုက်ခွင့်လည်း ဝယ်ထားခဲ့တယ်။ စာအုပ်က ၂၀၁၃မှ ထွက်တာဆိုတော့ မရေးခင်ကတည်းက ရိုက်ခွင့်ကြိုဝယ်ထားသလား မထုတ်ခင်ဝယ်ထားသလားတော့ မသိပါဘူး။ စစတော့ Kenneth Branagh ကို ဒါရိုက်တာလုပ်ခိုင်းဖို့လုပ်ခဲ့တယ်။ အကြောင်းကြောင်းနဲ့ မရိုက်ဖြစ်ရင်း မတ်လ ၂၀၂၀မှာတော့ ဂျော့ကလူးနေးရိုက်ဖို့ ကြေညာခဲ့ပြီး ၂၀၂၄ ဇန်နဝါရီမှာ ဒစ်ဂျစ်တယ်အနေနဲ့ထွက်လာခဲ့ပါတယ်။ သေချာတာကတော့ Kenneth ဗားရှင်းဆို ပိုကောင်းမှာဖြစ်လို့ နှမြောတော့ နှမြောစရာပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 7.4GB, 2.3GB, 1.2GB Quality - 4K HEVC, 1080p, 720p IMDb Rating - 7.1/10 Format - mp4 Duration - 2H 3Min Genre - Biography, Drama, Sport Subtitle - Myanmar Subtitle (Hardsub) Translated by WiRa Aung Encoded by Y

Mystery Adventure ကိုကြိုက်နှစ်သက်တဲ့သူတွေအတွက် ဇာတ်ကားကောင်းလေးတစ်ပုဒ်ကို တင်ဆက်ပေးသွားမှာဖြစ်ပါတယ် ဒုတိယကမ္ဘာစစ်ပြီးဆုံးခါနီးမှာ နပိုလီယွန်စစ်ဆင်ရေးအတွက် ဘာလင်မြို့ကနေ လေယာဉ်တစ်စီးထွက်ခွာခဲ့ပြီး ပျောက်ဆုံးသွားပါတယ် အဲ့ဒီနောက် အမေရိကန်စစ်တပ်ဟာ လေယာဉ်ပျောက်ဆုံးသွားတဲ့ အနီးတစ်ဝိုက်ကို စစ်ရေးလေ့ကျင့်ရေး အကြောင်းပြပြီး ရှာဖွေခဲ့ကြပေမဲ့ မတွေ့ရှိခဲ့ကြပါဘူး အချိန်ကြာလာပြီး ကမ္ဘာကြီးပူနွေးမှုကြောင့် ရေခဲမြစ်တွေ အရည်ပျော်လာကာ သူတို့ရှာဖွေနေတဲ့ လေယာဉ်ဟာ ထွက်ပေါ်လာပါတယ် ဒါပေမဲ့ လေယာဉ်ရှိတဲ့ နေရာကို အမေရိကန်တွေရောက်လာခင် ရောက်သွားခဲ့တာကတော့ ခရစ်စတင်းရဲ့ ‌မောင်ဖြစ်သူ အယ်လီတို့ သူငယ်ချင်းသုံးယောက်ပါ သူတို့ဟာ လေယာဉ်တွေ့ရှိကြောင်းကို မှတ်တမ်းတင်နေတုန်းမှာပဲ အမေရိကန်က သိပ္ပံပညာရှင်အဖွဲ့ရောက်ရှိလာပြီး သူတို့ကို ‌နှုတ်ပိတ်ဖို့ကြိုးစားပါတော့တယ် အယ်လီတစ်ယောက်လည်း မှတ်တမ်းတင်ထားတွေကို သူ့အစ်မ ခရစ်စတင်းဆီကိုပို့ပြီး ထွက်ပြေးပါတော့တယ် ခရစ်တင်းဟာလည်း နေရင်းထိုင်ရင်းကနေ သူ့မောင်ပို့လိုက်တဲ့ လေယာဉ်မှတ်တမ်းတွေကြောင့် လိုက်ဖမ်းတာ ခံနေရတာပါ ခရစ်စတင်းတစ်ယောက် ပြေးရင်းလွှားရင်း သူ့မောင်ပို့လိုက်တဲ့ ဓာတ်ပုံလေးတွေကနေ လေယာဉ်ရှိတဲ့နေရာကို ရအောင်ရှာပြီးတော့ သူ့မောင်ကို သွားကယ်ဖို့လုပ်ပါတော့တယ် ခရစ်စတင်းကရော သူ့မောင်ကို ကယ်နိုင်ပါ့မလား နပိုလီယွန် စစ်ဆင်ရေးဆိုတာကရော ဘာဖြစ်လို့ အမေရိကန်တွေက အသဲအသန်လိုချင်နေရတာလဲ Villain နေရာမှာလား GOT က နဂါးမေမေရဲ့ သက်တော်စောင့်မင်းသားကြီး အိုင်ရင်ဂလန်က ပါဝင်သရုပ်ဆောင်ထားတာမလို့ စိတ်ဝင်တစားနဲ့ ကြည့်ရှုရမှာဖြစ်ပါတယ် File size…(1.7 GB)/(905 MB) Quality….Webrip 1080p / 720p Format…mp4 Duration….01:52:00 Genre...Thriller Subtitle….Myanmar Subtitle (Hardsub) Encoder….Mr. Anderson Translated by Ban

တက်စ်ဟာ အလုပ်အင်တာဗျူးအတွက် မြို့လေးတစ်မြို့ကို လာရင်း ယာယီတည်းဖို့ အိမ်လေးတစ်လုံး ငှားထားပါတယ်။ မိုးထဲလေထဲ အဲဒီအိမ်ကို ရောက်သွားတော့ အထဲမှာ အမျိုးသားတစ်ယောက် ရောက်နှင့်နေတာကို တွေ့လိုက်ရတယ်။ နှစ်ယောက်သား ဝဘ်ဆိုက်တစ်ခုစီကနေ အိမ်တစ်လုံးတည်းကို မှားပြီး တစ်ချိန်တည်း ငှားထားမိကြတာပါ။ ညနက်နေပြီဖြစ်သလို မိုးကလည်း ရွာနေတော့ တခြားနည်းလမ်းမရှိဘဲ အဲဒီအိမ်မှာပဲ အတူတည်းဖို့ ဖြစ်လာပါတယ်။ အဲဒီနောက်မှာတော့ ကြောက်စရာဖြစ်ရပ်တွေ စကြုံလာရတယ်။ ပဟေဠိဆန်တဲ့ ဒီဟော်ရာရုပ်ရှင်မှာ Georgina Campbell က အဓိကပါဝင်ပြီး Bill Skarsgård လည်း သရုပ်ဆောင်ထားပါတယ်။

ဒီကားက Escape Room2019  ရဲ့အဆက်ပေါ့... ပထမကားမှာအောင်မြင်မှုများစွာရခဲ့သလို အခုကားမှာလည်း ပထမကားထက်ပိုသာတဲ့ ဇာတ်ကောင်တွေ ပိုမိုက်လာတဲ့ escape rooms တွေနဲ့ ဇာတ်ကွက်လည်းပိုခိုင်မာ ပိုကောင်းလာပါတယ်။ Setting တွေပိုလန်းလာတယ်....Game ရဲ့ လျှို့ဝက်ချက်တွေပိုမြင့်လာသလို လွှတ်မြောက်ဖို့ ပေးတဲ့ စကားဝှက်တွေက ပိုခက်လာတယ်... ဇာတ်ကောင်အသစ်တွေထည့်ပေးထားပြီး ပိုထိတ်လန့်စရာကောင်းတဲ့ Plotတွေနဲ့ပေါ့. ဆိုတော့ ဇိုဝီနဲ့ ဘင်န်မီလာတို့ ဟာ ပထမ လူသတ်ပွဲကြီးက ကံဉာဏ်ဖေးမမှုတွေကြောင့် လွတ်မြောက်လာတဲ့(၂)ယောက်ပေါ့.. ဒီဇတ်ကားမှာတော့ သူတို့(၂)ယောက်ဟာ ကိစ္စတစ်ခုဖြေရှင်းရင်း မကြုံချင်ဆုံး ပိုအဆင့်မြင့်ပိုရှုပ်ထွေးပြီးပိုမိုရက်စက်ကြမ်းတမ်းလာတဲ့ လှည့်ကွက်တွေကြားမမျှော်လင့်ဘဲ ထပ်ရောက်သွားပါတယ်... သူတို့နဲ့အတူရောက်လာတဲ့သူတွေလည်းရှိပါတယ်..ဒီလူတွေကလည်း ဒီဂိမ်းတွေကိုအတွေ့အကြုံရှိဖူးတဲ့သူတွေ.. မိမိအသက်ရှင်သန်ရေးကို သူတို့ဘယ်လိုရုန်းကန်ကြမလဲ... ဂိမ်းအားလုံးဟာ  သူတို့ထင်ထားတာထက်ပိုခက်ပြီး ပိုကြမ်းလာတဲ့အခါမှာတော့.... ဘန်န်နဲ့ ဇိုဝီတို့တစ်သိုက် ပဟေဠိတွေကိုဖြေရှင်းရင်းလွတ်မြောက်နိုင်မလား ဒါတွေကို လုပ်နေတဲ့သူက ဘယ်သူလဲSurvival အရသာကို အပြည့်အဝခံစားနိုင်မယ့်. ..အသက်ရှူမှားစရာဇာတ်ကွက်တွေနဲ့အတူ ကြည့်ရှုရမှာပါ... File Size :(1.8GB) (960 MB) Quality : WEB-DL1080P5.1CH,720p Format…mp4 Duration…01:28:00 Genre : Adventure, Action ,Horror Subtitle : Myanmar Subtitle (Hard Sub) Translated by Alias & Sai Thurein Lynn Encoded by Phyo Pyae

ရုပ်ရှင်ကို ဖြစ်ရပ်မှန်အပေါ် အခြေခံပြီး ရိုက်ကူးခဲ့ပါတယ်။ ၂၀၁၃ ခုနှစ်က လူတိုင်းပါးစပ်ဖျားမှာ ရေပန်းစားခဲ့တဲ့ စနိုးဒင် ဆိုတဲ့နာမည်ကို မှတ်မိကြဦးမယ် ထင်ပါတယ်။ အမေရိကန် အမျိုးသားလုံခြုံရေးအေဂျင်စီ(NSA) ကနေ တကမ္ဘာလုံးက ဆဲဖုန်းလ်တွေကို ထောက်လှမ်းဖို့ကြိုးစားနေမှုတွေ၊ နိုင်ငံအတွင်းက မက်ဆေ့တွေ အီးမေးလ်တွေကို တရားမဝင်စောင့်ကြည့်နေမှုတွေကို ဖွင့်ချပြီး ထွက်ပြေးသွားခဲ့တဲ့ CIA ဝန်ထမ်းဟောင်းတစ်ယောက်ပါ။ ဒီဇာတ်ကားဟာ ၂ နာရီကျော်ကြာတာတောင်မှ ခိုင်ခန့်တဲ့ ဇာတ်အိမ်၊ စပိုင်အေဂျင်စီတွေရဲ့ သဘောတရားတွေ၊ ခံစားချက်ပါတဲ့ စကားလုံးတွေ နဲ့ အချိန်ကိုမေ့သွားအောင် ဆွဲဆောင်သွားပါလိမ့်မယ်။ မထွက်ခင်က စိတ်ပူခဲ့သလို romance တွေ action တွေ လိုအပ်တာထက် ပိုနေတာကိုလည်း မတွေ့ရပါဘူး။ လူတိုင်းကြည့်ဖို့ ထိုက်တန်တဲ့ကားထဲမှာ ပါမှာပါ။ ထူးခြားချက်အနေနဲ့ နောက်ဆုံးခန်းမှာ စနိုးဒင်ကိုယ်တိုင် ဧည်သည်သရုပ်ဆောင်အနေနဲ့ မော်စကိုကနေ အပိတ်စကားပြောကြားသွားတာကို ကြည့်ရပါလိမ့်မယ်ခင်ဗျာ။ နောက်ပြီးတော့ စာတန်းထိုးပြီးချိန်မှာ သမိုင်းအချက်အလက်တွေကို မြန်မာပြန်ပေးထားတာမို့ အဆုံးထိကြည့်ဖို့လည်း မမေ့ပါနဲ့လို့။ ဘာသာပြန်သူဟာ နိုင်ငံရေးနယ်ပယ်ကမဟုတ်လို့ official အသုံးအနှုန်းများနဲ့ ကွဲလွဲသည်များရှိသော် နားလည်ပေးကြဦး ခင်ဗျ။ File size…(3.2 GB)/(1.4 GB) Quality….Blu-Ray 1080p / 720p Format…mp4 Duration….02:14:00 Genre... Biography, Crime, Drama Subtitle….Myanmar Subtitle (Hardsub) Encoded & Translated by Mr. Anderson

Big Game (2014) IMDb - 5.4/10 Rotten - 78% 2015 ခု နှစ်ထဲမှာ ထွက်ရှိထားတဲ့ ဇာတ်ကား အမိုက်စား ဖြစ်ပါတယ်...ဒါရိုက်တာ Jalmari Helander က ရိုက်ကူးတင်ဆက်ထားပြီး IMDb Rating 5.4 ရရှိထားပါတယ်...Rotten Tomatoes က တော့ 78% ရရှိထားတာကို တွေ့မြင်ရမှာပါ အမေရိကန်တွေအနေနဲ့လည်း သမ္မတ ကို ပဲဇာတ်လမ်းတည်ပြီးရိုက်ရတာသိပ်အားရနေကြလားတော့ မသိဘူး..White House Down တို့ olympus has fallen တုန်းကလည်း အိမ်ဖြူတော်ကို စိစိညက် ညက်ကြေနေအောင်ရိုက်ပြထားခဲ့ပြီးပြီ..အခုလည်း ဒီဇာတ်လမ်းမှာ သမ္မတ ကို လိုက်လံလုပ်ကြံ သတ်ဖြတ်တဲ့ ဇာတ်ကြောင်းနဲ့ ရိုက်ပြထားပါတယ်..အကောင်းမွန်ဆုံးရိုက်ပြထားခြင်းဖြစ်ပါတယ်. ဆယ်ကျော်သက်ကောင်လေးတစ်ယောက်ရဲ့ Campsite နားလေးမှာ သမ္မတ လေယာဉ်ဟာပစ်ချ ခံလိုက်ရပါတယ်..အဲ့မှာ ကောင်လေးက သမ္မတကြီးကို ကယ်ဆယ်ပြီးတဲ့နောက်မှာတော့.. ထပ်ပြီးလိုက်လာတဲ့ လိုက်လံသတ်ဖြတ်တဲ့သူတွေလက်က 2ယောက်လုံးလွတ်အောင်ပြေးရပါတော့တယ် စိတ်ဝင်စားမှုအရှိန်အဟုန်ကောင်းကောင်းနဲ့ အက်ရှင်ကောင်းကောင်းကြိုက်သူတွေအတွက်တော့ ကြည့်သင့်တဲ့ဇာတ်ကားမျိုးဖြစ်ကြောင်းအသိပေးလိုက်ပါတယ် File size : 550 MB Quality : 720p Format : mp4 Running Time : 1hr 50min Subtitle : Myanmar Subtitle ( Hardsub ) Encoder : LK

နာမည်ကျော်ပုဂ္ဂိုလ်တွေရဲ့ ကိုယ်တွေ့မှတ်တမ်းတွေကို သူတို့ကိုယ်စား ရေးပေးနေတဲ့ ဂို့စ်ဆီ ငွေကြေးအများကြီးရမယ့် အလုပ်တစ်ခု ရောက်လာပါတယ်။ ဗြိတိန်ဝန်ကြီးချုပ်ဟောင်း အဒမ်လန်းရဲ့ ကိုယ်တွေ့မှတ်တမ်းကို ရေးပေးဖို့ပါ။ အရင်ရေးပေးနေတဲ့ မိုက်ခ်ဆိုသူ ရေနစ်သေဆုံးသွားလို့ သူ့နေရာမှာ ဂို့စ်ကို ငှားလိုက်တာဖြစ်ပါတယ်။ နိုင်ငံရေးအကြောင်း သိပ်မသိပေမယ့် ရမယ့်ငွေကြောင့် ဗြိတိန်သား ဂို့စ်က အမေရိကန်အထိ သွားပြီး အလုပ်လုပ်ဖို့ ပြင်ဆင်လိုက်တယ်။ သူ အလုပ်စတော့မယ့်အချိန်မှာပဲ အဒမ်လန်းနဲ့ပတ်သက်တဲ့ ကောလာဟလတွေ ထွက်လာပါတယ်။ အဒမ်လန်းဟာ စီအိုင်အေနဲ့ ပူးပေါင်းပြီး ပြည်သူတချို့ကို အကြမ်းဖက်သမားတွေလို့ စွပ်စွဲကာ ညှဉ်းပန်းနှိပ်စက်ခဲ့တယ်ဆိုတဲ့ သတင်းတွေပါ။ ကိုယ်တွေ့မှတ်တမ်း ရေးပေးဖို့ ရောက်လာတဲ့ ဂို့စ်ဟာ ဒီအကြောင်းတွေကြားမှာ အလုပ်ကို ဆက်လုပ်ရမလား၊ နောက်ဆုတ်ရမလား ဝေခွဲမရ ဖြစ်လာပါတယ်။

ဒီဇာတ်ကားက Resident Evil franchiseရဲ့ ပထမဆုံးဇာတ်ကား ဖြစ်ပြီး IMDbမှာ မဆိုးခဲ့​ပေမဲ့ RTမှာ​တော့ မူရင်းဂိမ်းနဲ့ကွဲပြား​နေတဲ့ Main character အဖြစ် Alice ဆိုတဲ့ ဇာတ်​ကောင်ကို သုံးထားတဲ့ အပြင် ဂိမ်းနဲ့ကွဲလွဲမှုများစွာ ရှိ​နေတဲ့အတွက် ratingအ​​တော်နည်းတဲ့ ဇာတ်ကားတစ်ခု ဖြစ်​နေခဲ့တာပါ။ ဒါ​ပေမဲ့ အက်ရှင်ကား​​တွေ ကြိုက် တဲ့ လူ​တွေအတွက် RE live action ကား​ဟာ မဆိုးလှတဲ့ အက်ရှင် ပြကွက်​​တွေ​၊ သည်းထိပ်ရင်ဖိုစရာ​တွေရဲ့ အ​တော်ကြည့်​ကောင်းတဲ့ ဇာတ်လမ်းတစ်ခုဆိုလည်း မမှားပါဘူး။ ဒီဇာတ်ကားမှာ REမှာ အဓိကအဖွဲ့ကြီး တစ်ခုဖြစ်တဲ့ အမ်ဘရဲလား ​ကော်ပို​ရေးရှင်းရဲ့ Hiveလို့​ခေါ်တဲ့ ​မြေ​အောက်ဓါတ်ခွဲခန်းကြီးတစ်ခု အ​ကြောင်း မိတ်ဆက်​ထားပါတယ်။ အဲဒီဓါတ်ခွဲခန်းထဲမှာ ပိုးပျံ့နှံ့မှု တစ်ခု ဖြစ်ခဲ့လို့ သူ့ရဲ့ကာကွယ်​ရေးAiက အဲဒီမှာရှိ​နေတဲ့ လူတိုင်းကို သတ်ပစ်ခဲ့ပါတယ်။ Aliceက Hiveကိုဝင်တဲ့ ​မြေ​ပေါ်ဝင်​ပေါက်ကို ​စောင့်ကြည့်ရတဲ့ အမ်ဘရဲလားဝန်ထမ်းပါ။ ဒီကိစ္စ​တွေ ဖြစ်​နေချိန် သူက အ​ကြောင်းတစုံတရာ​ကြောင့် ​မေ့လဲ​နေခဲ့ပြီး သတိရလာချိန် အတိတ်​မေ့သလို ဖြစ်​နေခဲ့တာပါ။ Hiveထဲကိုဝင်ပြီး ကာကွယ်​ရေး စနစ်ကို ပိတ်ချပစ်ဖို့ အမ်ဘရဲလားက လွှတ်လိုက်တဲ့ ကွန်မန်ဒိုတပ် တစ်ဖွဲ့ အဲဒီဝင်​ပေါက်ကို ​ရောက်လာချိန် Aliceကို​​တွေ့ပြီး သူ့ကိုပါ တစ်ခါတည်း​ခေါ်သွားခဲ့ပါတယ်။ သူတို့​တွေသွား​နေတဲ့ Hiveဆိုတဲ့ ​​ဓါတ်ခွဲခန်းကြီးက ငရဲတစ်ခုလိုမျိုးဖြစ်​နေမှန်း သိသွားကြတဲ့အခါ ဘယ်လိုသည်းထိတ်ရင်ဖိုစရာ​တွေ ကြုံရမလဲ၊ ကာကွယ်​ရေးAiက သူတို့ကို ဘယ်လိုတားဆီးမလဲဆိုတာ ကြည့်ရှုရမှာပါ။ File size…     5.2 GB /  1.6 GB /   738 MB Quality… BluRay 4K / 1080p / 720p Format… mp4,mkv Duration…. 1h 40m Genre ..... Action/Horror Subtitle…. Myanmar Subtitle (Hard Sub) Encoder…. Thit San Khant Translated by JimX