Jeevan Kumar ပါဝင်သော ဇာတ်ကားများ

Deewana 2026 အချစ်စွမ်းအား မွန်နာဆိုတဲ့ကောင်လေးက ဘွဲ့သာ ရထားတာ ဘာအလုပ်မှလည်း မလုပ်ချင်၊ ဘဝအတွက်လည်း အစီအစဉ်မရှိဘဲ မိဘပိုက်ဆံကို ထိုင်ဖြုန်းရင်း လမ်းပေါ်မှာ အဓိပ္ပာယ်မရှိ ရန်ခဏခဏဖြစ်၊ ပေတေနေတတ်တဲ့ လူမိုက်ခေါင်းဆောင်တစ်ယောက်ပေါ့။ ဒီလိုနဲ့ အချည်းနှီး ကုန်ဆုံးနေတဲ့ သူ့ရဲ့ အမှောင်ထုကမ္ဘာထဲကို အမ်မူ ဆိုတဲ့ ကောင်မလေး ရောက်ရှိလာခဲ့ပြီး ဒီကောင်မလေးကို မြင်မြင်ချင်းမှာပဲ ခေါင်းအစ ခြေအဆုံး ရူးရူးမူးမူး စွဲလန်းချစ်မြတ်နိုးမိသွားပါတော့တယ်။ ဒါပေမဲ့ အမ်မူကတော့ ဘာအကိုင်အတိုင်းမှမရှိ၊ အနာဂတ်မဲ့ပြီး လေလွင့်နေတဲ့ မွန်နာရဲ့ ပိုးပန်းမှုတွေကို လုံးဝ ဂရုမစိုက်ဘဲ ခါးခါးသီးသီး ငြင်းပယ်ခဲ့ပါတယ်။ ဒါကိုမှ မွန်နာက ဇွဲမလျှော့ဘဲ တရစပ် လိုက်ကပ်နေတဲ့အခါမှာတော့ ငြီးငွေ့လာတဲ့ အမ်မူက "နင်သာ အစိုးရအလုပ်တစ်ခု ရအောင်လုပ်နိုင်ရင် နင့်ကို စဉ်းစားပေးမယ်" ဆိုပြီး လှောင်ပြုံးလေးနဲ့ စိန်ခေါ်လိုက်ပါတော့တယ်။ ဒီစိန်ခေါ်မှုကို ရွဲ့ပြီး ပြောလိုက်တာဖြစ်ပေမဲ့ မေတ္တာမိုးမှောင်ကျနေတဲ့ မွန်နာ့အတွက်တော့ အသက်တမျှ အရေးကြီးတဲ့ တစ်ခုတည်းသော မျှော်လင့်ချက်အဖြစ် အတည်မှတ်လိုက်ပါတော့တယ်။ ဒါနဲ့ပဲ သူ့ရဲ့ ချစ်သူဆီက အချစ်ကို အရယူဖို့အတွက် အရင်က ပေတေနေခဲ့သမျှ ဘဝအကျင့်ဆိုးတွေကို ရေစုံမျှောပစ်ပြီး အစိုးရအလုပ်တစ်ခု ရရှိရေးအတွက် ဘဝကို အသေအလဲ ကြိုးစားအားထုတ်ပါတော့တယ် ကဲ အလုပ်ရဖို့ခက်ခဲနေတဲ့နေရာမှာ မွန်နာ အလုပ်ရသွားမှာလား လိုချင်တဲ့ အချစ်ကိုရော ရသွားမလားဆိုတာကတော့....။ File size… 2.5 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 22mins Subtitle….Myanmar Subtitle (Hard Sub)

Gurram Paapi Reddy (2025) လောဘသားကောင်များ အလွဲအချော်ပေါင်းများစွာနဲ့ လူ့လောဘကို ဟာသနှောပြီး ရိုက်ကူးထားတဲ့ Crime Comedy ဇာတ်ကားတစ်ကားပါ ၂နာရီကျော်ကြာ‌ပေမဲ့ လုံးဝပျင်းမ သွားဘဲ ထိုင်ရယ်နေရမဲ့ကားမျိုးကြည့်ချင်သူများအတွက် ဒီကားကိုရွေးကြပါ အားလုံးရဲ့အချစ်တော် ယိုဂီဘာဘူလည်း ပါဝင်ထားပါသေးတယ် ဇာတ်လမ်းက ပုံမှန်မဟုတ်တဲ့ ရာဇဝတ်မှုတစ်ခုနဲ့အတူ စတင်ထားတာဖြစ်ပြီး Gurram Paapi Reddy က မထင်မှတ်ဘဲ အဲ့ဒီအရှုပ်အထုပ်ကြီးထဲကို ခြေစုံပစ်ဝင်လိုက်ရပါတယ် အေးအေးဆေးဆေးနေချင်တဲ့ သူ့ရဲ့ဘဝထဲကို ထူးဆန်းတဲ့ဇာတ်ကောင်တွေ တစ်ယောက်ပြီးတစ်ယောက် ရောက်လာတဲ့ အခါမှာတော့ အခြေအနေတွေဟာ သူထိန်းချုပ်လို့မရတော့ဘဲ လုံးဝ ကမောက်ကမ ဖြစ်ကုန်ပါတော့တယ် အထူးသဖြင့် လူရွှင်တော်ကြီး Brahmanandam နဲ့ အဖွဲ့သားတွေရဲ့ ကြားဝင် နှောက်ယှက်မှုတွေ၊ ငွေကြေးနဲ့ လောဘနောက်ကွယ်က အလွဲအချော်တွေကြားမှာ ဇာတ်ကောင်တွေဟာ ဘယ်သူ့ကိုယုံရမှန်းမသိအောင် ဖြစ်လာကြပါတယ် ပြောရရင် ရာဇဝတ်မှုတွေရဲ့ ပြင်းထန်မှုကို ဟာသနဲ့ ဘယ်လိုခပ်မိုက်မိုက် ချိတ်ဆက်သွားမလဲဆိုတာ ကြည့်ရှုရမဲ့ကားကောင်းတစ်ကားပဲဖြစ်ပါတယ် File size… 2.3 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2hr 24mins Subtitle….Myanmar Subtitle (Hard Sub)

Daaku Maharaaj (2025)"ဒါကူမဟာရာ့ဂျ်" တောင်ပိုင်းမင်းသားကြီး နန်ဒါမူရီနဲ့ ဘော်ဘီဒိုးတို့လို ဂန္ထဝင်သရုပ်ဆောင်ကြီးတွေရဲ့ အသစ်ထွက် အက်ရှင်ဒရာမာရုပ်ရှင်ကို ပရိသတ်တွေအတွက် တင်ဆက်ပေးချင်ပါတယ်။ အရင်ဆုံးပြောရရင် ဒီကားက ရုပ်ငြိမ်ဓာတ်ပုံတွေ တော်တော်လှပါတယ်။ ဇာတ်လမ်းကတော့ ကျောင်းအုပ်ဆရာကြီးတစ်ယောက်ရဲ့မြေး ဗိုင်ရှ်နာဗီဆိုတဲ့ မိတဆိုးကလေးမလေးဟာ မထင်မှတ်ထားဘဲ သူ့ရဲ့ခွေးလေး သေသွားတဲ့အတွက် သူ့ခွေးလေးကို သဝာ်တဲ့တရားခံကို ရဲတိုင်ရာကနေ လူဆိုးဂိုဏ်းကြီးတစ်ခုကို ရန်စမိသလိုဖြစ်သွားခဲ့ပါတယ်။ အဲဒီလိုဖြစ်ပြီး ဗိုင်ရှ်နာဗီလေး အသက်အန္တရာယ်တွေ ကြုံလာရတဲ့အတွက် ထောင်ကျနေတဲ့ သူ့ရဲ့ဖခင် မဟာရာ့ဂျ်က ထောင်ဖောက်ပြေးလာပြီး သူ့သမီးရဲ့အိမ်မှာ ဒရိုက်ဗာအယောင်ဆောင်ကာ သမီးဖြစ်သူကို ကာကွယ်ပေးဖို့ကြိုးစားပါတယ်။ မဟာရာ့ဂျ်ကတော့ တချိန်က အင်မတန်နာမည်ကြီးခဲ့တဲ့ ဂိုဏ်းစတားတစ်ယောက်ဖြစ်ပြီး သူ့သမီးကို ကာကွယ်ဖို့ကြိုးစားရင်း နောက်ကလိုက်နေတဲ့ ရဲစုံထောက်တစ်ယောက်နဲ့လည်း ရင်ဆိုင်ရပုံတွေကို ဒီရုပ်ရှင်ထဲမှာ မြင်ကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size…2.8 GB / 1.4 GB Quality…WEB DL 1080p HEVC / 720p Format…mkv/mp4 Duration….2h 30m Subtitle….Myanmar Subtitle (Hard Sub) Encoder….YK Translated by CM Bollywood Team

Mathu Vadalara 2 2024 (ဒလီသမားကိုကိုအေးဂျင့်များ) ဘာဘူနဲ့ ယေဆူတို့နှစ်ယောက်ဟာ အရင်ကတော့ ဒလီသမားတွေပေါ့။ ဒလီလုပ်ရင်း မူးယစ်ဂိုဏ်းနဲ့ ကြုံတွေခဲ့ရလို့ ပရမ်းပတာတွေဖြစ်ခဲ့ရတဲ့ သူတို့နှစ်ယောက်။ အခက်အခဲတွေအများကြီးကြုံတွေ့ခဲ့ရပြီးတော့ သူတို့ဘဝ တစ်ဆစ်ချိုးပြောင်းလဲမယ်လို့ထင်ခဲ့သော်လည်း အလုပ်က ထုတ်ခံလိုက်ရတဲ့အပြင် အိမ်ပိုင်ရှင်က မောင်းထုတ်တာကိုပါ ခံလိုက်ရပါတော့တယ်။ ဒီလိုနဲ့ ရှိတဲ့လက်ကျန်ငွေလေးနဲ့ စားသောက်ရင်း နောက်ဆုံးလက်ကျန်ငွေလေးနဲ့ မြေပဲဝယ်စားရာကနေ မြေပဲထည့်ပေးတဲ့ သတင်းစာအပိုင်းလေးမှာပါတဲ့ အလုပ်ခေါ်စာကိုမြင်ပြီး သွားလျှောက်ရာကနေ လျှို့ဝှက်အေးဂျင့်တွေဖြစ်လာကြတဲ့ သူတို့နှစ်ယောက်။ လျှို့ဝှက်အေးဂျင့်ဖြစ်လာပေမယ့် လုပ်ရတဲ့အလုပ်နဲ့ ရတဲ့လစာ မကာမိတဲ့အတွက် သူတို့ဟာ အကျပ်ရိုက်နေပါတော့တယ်။ ဒီလိုနဲ့ တစ်ရက်မှာ ပြန်ပေးသမားကို လိုက်ဖမ်းရာကနေ ပြန်ပေးငွေတွေ မီးလောင်ပြီး ဆုံးရှုံးလိုက်ရတဲ့အခါ ရုံးချုပ်က လူ့အသက်သာဦးစားပေး ပိုက်ဆံမဟုတ်ဘူးလို့ ပြောလိုက်တဲ့ စကားအရ သူတို့ဟာ ပြန်ပေးငွေတွေထဲကနေ မသိမသာငွေတချို့ကို ယူထားဖို့ လုပ်ကြပါတော့တယ်။ ဒီလိုအကြံအစည်တွေကို ရိပ်မိနေတဲ့ မိုက်ကယ်ဆိုတဲ့ အေးဂျင့်တစ်ယောက်ဟာ ဘာဘူနဲ့ ယေဆူကို ထောင်ဖမ်းဖို့လုပ်ရင်း သူတို့နှစ်ယောက် ဘယ်လိုတွေ ကွေ့ပတ်ပြီး ရှောင်သွားမလဲ ..... ဘာဘူနဲ့ ယေဆူတို့ကရော ဘယ်လိုမစ်ရှင်တွေကို ကိုင်တွယ်ဖြေရှင်းရဦးမလဲ ...... ဆိုတာတွေကို ကြည့်ရှုရမှာဖြစ်ပြီးတော့ ဟာသမင်းသားကြီး Vennela Kishore လည်း ပါတာဖြစ်လို့ မရယ်ရမှာတော့ စိတ်ပူစရာကိုမလိုတဲ့ ဟာသအက်ရှင်ဇာတ်ကားလေးပဲဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ်) File size… 2.5 GB / 1.24 GB Quality…WEB DL 1080p HEVC/ 720p Format…mkv/ mp4 Duration….2h 19m Subtitle….Myanmar Subtitle (Hard Sub) Encoder….YK Translated by CM Bollywood Team

Saripodhaa Sanivaaram (2024) "စနေကောင်" IMDB 7.6 တောင်းဆိုမှုလေးတစ်ချို့ရှိနေတဲ့ တေလဂူးအက်ရှင်ကားအသစ်စက်စက်ကို အမြန်ဆုံးတင်ဆက်ပေးလိုက်ပါတယ် ယင်ကောင်မင်းသား ခေါ်ကြတဲ့ Nani ရဲ့ ဈေးအကြီးဆုံးရုပ်ရှင်ဖြစ်ပြီး ရီဗျူးကောင်းလေးတွေလည်း အသင့်အတင့် ရထားတာပဲဖြစ်ပါတယ် ဇာတ်လမ်းအကျဥ်းကတော့ ဆူယာခေါ် စနေကောင်ဟာ "ဒေါသအင်မတန်ကြီးသူပါ ဒါကိုသိတဲ့ သူ့အမေက ဒေါသထိန်းချုပ်နည်းတစ်ခုကို သင်ပေးခဲ့တယ် ဘယ်လိုလဲဆိုတော့ တစ်ပတ်မှာခြောက်ရက် ဒေါသအတိုင်း စိတ်လိုက်မာန်ပါမလုပ်ဘဲ ဒေါသထွက်ရတဲ့အကြောင်းရင်းကို ရေးမှတ်ထားပြီး စနေနေ့မှာမှ အဲဒီလူကို ဒေါသထွက်နေတုန်းပဲဆိုရင် ကြိုက်တာသာလုပ်ပါလို့ သူ့အမေက ပြောခဲ့တာပါ ဒီလိုနဲ့ သူ့အမေသေပြီးနောက်ပိုင်း အဲဒီလမ်းစဥ်အတိုင်းလိုက်နာလာခဲ့ရာမှာ သူငယ်ငယ်က ချစ်ရတဲ့ကောင်မလေးကလည်း ရဲမေအဖြစ် ပြန်ရောက်လာပြီး သူတို့နယ်က အကျင့်ပျက်ရဲတစ်ယောက်ကို သူတို့ဘယ်လိုရင်ဆိုင်ဖြေရှင်းသွားမလဲ ဆိုတာကတော့…… အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… 3.04 GB / 1.55 GB Quality…WEB DL 1080p HEVC/ 720p Format…mkv/ mp4 Duration….2h 46m Subtitle….Myanmar Subtitle (Hard Sub) Encoder….YK Translated by  CM Bollywood Team

Dhootha 2023 IMDb 7.8/10 Horror "Dhootha " ဆိုတာ အစိုးရနဲ့ပြည်သူကြားကို အမှန်တရားတွေပို့ဆောင်ဆက်သွယ်ပေးသူ "Messenger" ဆိုပြီး ဂျာနယ်လစ်တွေကိုရည်ညွှန်းထားတဲ့ ဝေါဟာရတစ်ခုပါ ဂျာနယ်လစ်တစ်ယောက်အတွက်တော့ ဖောင်တိန်တစ်ချောင်းက အင်အားအကြီးဆုံးလက်နက်ပါပဲ ... ဇာတ်လမ်းအစကတော့ ဆာဂါဗာရ်မာအဗူဒူရီကို အယ်ဒီတာချုပ်ရာထူးပေးအပ်ပွဲကစတယ်လို့ဆိုရမှာပေါ့ သူဒီရာထူးကိုရခဲ့တာတော့နည်းနည်းလေးကလိမ်ကျတယ်ဗျ ဒီရာထူးအတွက်လူကြီးတွေမှန်းထားတဲ့ ချားစ်ဆိုတဲ့လူက ရူးနေတာပါလို့လူကြီးတွေကိုပြောလိုက်လို့ ချားစ်အစား သူရလာခဲ့တဲ့ရာထူးတစ်ခု ဒီရာထူးနဲ့အတူ သူ့ဆီကိုရောက်လာမဲ့ ကံကြမ္မာဆိုးကိုတော့ သူကြိုတင်မြင်နိုင်စွမ်းမရှိခဲ့ဘူးပေါ့ ရာထူးအပ်နှင်းပွဲပြီးလို့ အိမ်အပြန်လမ်းမှာဆီပြတ်လို့ စားသောက်ဆိုင်လေးထဲဝင်ထိုင်ရင်း ဆီစွန်းနေတဲ့သတင်းစာစာရွက်ပိုင်းလေးကို ယူဖတ်ကြည့်လိုက်တော့" 9-11-2022 ည 10:45:33 အချိန် နာမည်ကျော်အယ်ဒီတာချုပ် ဆာဂါရ်ဗာရ်မာအဗူဒူရီတို့ ကားအက်ဆီးဒင့်ဖြစ်ရာမှ ခွေးသေဆုံး "ဆိုတဲ့သတင်းခေါင်းစဉ်တစ်ခုကိုတွေ့လိုက်ရတယ် လက်ရှိအချိန်ကလည်း သတင်းစာပိုင်းထဲကအချိန်နဲ့ကွက်တိကျနေလို့ တွေဝေနေတုန်း ရပ်ထားခဲ့တဲ့ကားက တကယ်ကားတိုက်မှုထဖြစ်ပြီး ဒီကံကြမ္မာဆိုးကို လက်ဆင့်ကမ်းယူလိုက်မိသွားရာက... နောက်ထပ် ဘယ်လိုသတင်းစာပိုင်းတွေထပ်ရဦးမလဲ ဒီ‌ကျော့ကွင်းထဲက သူဘယ်လိုလွတ်အောင်ရုန်းနိုင်မလဲ အနာဂတ်ကိုကြိုသိရပေမဲ့ ရေးဆွဲပြီးသားကံကြမ္မာကို ပြောင်းလဲနိုင်စွမ်းရှိပါ့မလားဆိုတာကိုတော့.... (အညွှန်းကိုတော့ Yunni ကရေးသားပေးထားပြီး CM Bollywood Team မှဘာသာပြန်ဆိုပေးထားပါတယ် ) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File Size – 700MB(Appx;)@Episode Quality – AMZ WEB DL 1080p  Duration – 45 minute (@Episode) Total Episodes: 8Eps Subtitle – Myanmar Hardsub Format – Mp4 Genre : Mystery, Crime, Drama Translator – CM Bollywood Team Encoder – YK

IMDb 8.8/10 တောင်ပိုင်း တက်သစ်စ မင်းသမီးချောလေး ရူဟနီရှာမာရဲ့ မှုခင်း ရုံကားသစ် Her Chapter 1 ကြည်၊ တောက်၊ ရှင်း ဗားရှင်း ထွက်ရှိလို့လာပါပြီ။ အာချာနာဆိုတဲ့ ဒုရဲအုပ်မလေးဟာ ကိစ္စတစ်ကြောင့် တာဝန် ၆ လ ရပ်ဆိုင်းခံရတာနေ အလုပ်ပြန်ဝင်တဲ့အချိန်မှာပဲ စစချင်းကြုံရတဲ့အမှုက ရှုပ်ထွေးတဲ့ နှစ်လောင်းပြိုင်လူသဝာ်မှုတစ်ခုဖြစ်နေပါတယ်။ အဲဒီအမှုက ရည်ရွယ်ချက်ရှိရှိကျူးလွန်တဲ့အမှုလား၊ ခရီးသွားဟန်လွှဲဖြစ်သွားတဲ့အမှုလား၊ အာချာနာကရော အတိတ်မှာဘာတွေကြုံခဲ့ရတာလဲဆိုတာကို တောင်ပိုင်းမှုခင်းကားတွေရဲ့ထုံးစံ စိတ်ဝင်စားဖို့ကောင်းအောင်မြင်တွေ့ရမယ့် ရုပ်ရှင်လေးပဲဖြစ်ပါတယ်...။ ( ဒီရုပ်ရှင်ရဲ့ အညွှန်းနဲ့ ဘာသာပြန်တွေကတော့ V, ToMo, Dee နဲ့ Zwe Yan တို့ပဲဖြစ်ကြပါတယ်။ ) File size… 1.67GB / 879MB Quality…1080p WEB DL /720p Format…mp4 Duration…1h 43m Subtitle….Myanmar Subtitle (Hard Sub) Encoder….YK Translated by V~ ToMo~ Dee~ Zwe Yan

ဘိုင်ရာဗာမင်းသမီးလေး ကာဂျဲလ်နဲ့ တီလဂူးကားတွေရဲ့ အက်ရှင်မင်းသားကြီး Nandamuri Balakrishna မင်းသမီးချောလေး Sreeleela တို့ အဓိကပါဝင်ထားပြီး Ra.One နဲ့ Om Shanti Om ရဲ့ ဗီလိန် ခန့်ချောကြီး Arjun Rampal လည်းပါဝင်ထားတာတဲ့ အက်ရှင်ကြမ်းကြမ်း ပလော့လန်းလန်းနဲ့ ရုံကားကြီးတင်ဆက်ပေးလိုက်ပါတယ် ရုံတင်ငွေလည်း ကုဋေ ၁၃၀ ထိရထားတာမို့ အကြိုက်တွေ့ကြမဲ့ကားပါ နီလာကွန်ဒါဘာဂဗန်ကေဆရီလို့ ခေါ်တဲ့ လုပ်ငန်းရှင်တစ်ဦး၊ အရင်အစိုးရကို ရံပုံငွေထောက်ပံ့တဲ့အတွက်ကြောင့် အခုတက်လာတဲ့အစိုးရကနေ အမှုဖွင့်ပြီး ထောင်ထဲကို ပို့ခံထားရသူ။ တရားမှုကို မြတ်နိုးပြီးတော့ အနိုင်ကျင့်တာကိုလည်း မျက်ကွယ်ပြုမထားနိုင်သူတစ်ယောက်။ တစ်ရက်မှာတော့ ဘာဂဗန်ရဲ့ မိခင်ဖြစ်သူဟာ သေခါနီးဆဲဆဲ သူ့သားကို မမြင်ရရင် မသေနိုင်ဘူးဆိုပြီး တင်းခံနေတဲ့အတွက်ကြောင့်နဲ့ သူ့ရဲ့မိခင်ကို တွေ့ဖို့ သူတို့ရဲ့ ထောင်မှူးကို တောင်းဆိုရာကနေ ထောင်မှူးရဲ့ ခွင့်ပြုချက်နဲ့ မိခင်ဖြစ်သူရဲ့ နောက်ဆုံးထွက်သက်ကို အနားမှာ ရှိပေးလိုက်နိုင်ခဲ့ပါတယ်။ ဒီလို ကျေးဇူးတွေကြောင့်နဲ့ ဘာဂဗန်ဟာ ထောင်မှူးစီရီခန့်သ်ကို တစ်ဘဝလုံးစာ အကြွေးတင်နေတယ်လို့ သတ်မှတ်ထားလိုက်ပါတော့တယ်။ ဒီနောက်ပိုင်းမှာတော့ ထောင်မှူးစီရီခန့်သ်ရဲ့ သမီးလေး ဗီဂျီနဲ့လည်း ဘာဂဗန်ဟာ ရင်းနှီးလာခဲ့ပြီးနောက်မှာတော့ ထောင်မှူးကြီးကို ရုံးခန်းမှာ မတွေ့ရတာ ရက်အတော်ကြာနေပြီဖြစ်တဲ့အတွက် မေးကြည့်လိုက်တဲ့အချိန်မှာတော့ သူ့မိခင်ကို တွေ့ခွင့်ရဖို့အတွက် ထောင်စည်းကမ်းကို ဖောက်ဖျက်ပေးခဲ့တဲ့ အမှုနဲ့ ထောင်မှူးဟာ ရာထူးကနေ အနားခံလိုက်ရတဲ့အကြောင်းကို သိလိုက်ရပါတော့တယ်။ ဒါ့အပြင် ထောင်မှူးဟာ သူရာထူးကနေ ထွက်မသွားခင်မှာ သူ့ကို ထောင်ကနေ လွှတ်ပေးမယ့်စာရင်းထဲကို ထည့်ပေးခဲ့တာကိုလည်း သိိလိုက်ရပါတော့တယ်။ ထောင်ကနေ ထွက်လာတဲ့နောက်မှာ ဘာဂဗန်ဟာ ထောင်မှူးတို့ကို သွားတွေ့ရင်းနဲ့ ထောင်မှူးက အပြင်သွားစရာရှိတာနဲ့ သမီးလေး ဗီဂျီကို စောင့်ကြည့်ပေးနေတုန်းမှာပဲ ထောင်မှူးဟာ အပြင်သွားရင်း လမ်းမှာ ကားအက်စီးဒန့်ဖြစ်ပြီးတော့ ဒဏ်ရာအပြင်းအထန်နဲ့ ဆေးရုံမှာတင်ပဲ ဆုံးပါးသွားခဲ့ပါတယ်။သူ့အဖေရဲ့ သတင်းကို ရုတ်တရက်ကြီး ကြားသိလိုက်ရတဲ့ ဗီဂျီလေးဟာ စိတ်ဒဏ်ရာရပြီးတော့ အလန့်တကြားဖြစ်သွားရင်း ရှော့ရတတ်တဲ့ရောဂါကို ခံစားနေရပါတော့တယ်။ မိဘတွေမရှိတော့တဲ့ ဗီဂျီလေးကို ဘာဂဗန်ကပဲ သန်မာလာအောင် ပြုစုစောင့်ရှောက်ပေးရင်းနဲ့ နောက်ပိုင်းမှာရော ဘယ်လိုတွေ ဆက်ဖြစ်လာဦးမလဲဆိုတာကို ကြည့်ရှူရမယ့် အက်ရှင်ဒရာမာကားကောင်းလေးတစ်ကားပဲ ဖြစ်ပါတယ်။ (အညွှန်းနဲ့ ဘာသာပြန်ကတော့ Thaik San~Dee~V~BpL~Yunni~ToMo တို့ပဲ ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…3.3GB / 1.68GB Quality…1080p WEB DL /720p Format…mp4 Duration…2h 44m Subtitle….Myanmar Subtitle (Hard Sub) Encoder….YK Translated by Thaik San~Dee~V~BpL~Yunni~ToMo

Keedaa Cola (2023) "ကီဒါ ကိုလာ" အသစ်ထွက်ရှိထားတဲ့ အမှန်အကန်ရယ်ရမယ့် တေလဂူး crime/comedy ကားလေးဖြစ်ပါတယ် IMDb 8.3 နဲ့ Rotten Tomatoes 79% ရထားပြီး အိန္ဒိယရုပ်ရှင်ဝေဖန်ရေးဆရာ Paul Nicodemus ရဲ့ စကားနဲ့ပြောရရင် "ကြောင်တောင်တောင်နိုင်တဲ့ ဟာသရုပ်ရှင်ထဲကို ဒဿန ပါးပါးလေး သွတ်ထည့်ထားခြင်း" လို့ ညွှန်းချင်ပါတယ် ဇာတ်လမ်းအကျဥ်းကတော့ အဓိကဇာတ်ကောင် ဗီစသူ တစ်ယောက် ငယ်ငယ်တုန်းက ကားအက်ဆီးဒင့်တစ်ခုမှာ မိဘတွေ သေသွားခဲ့လို့ စကားထစ်သွားခဲ့ပြီး ဝှီးချဲလ်မှာ အဆင်သင့်သေးပေါက်လို့ ရတဲ့ အဘိုးဖြစ်သူနဲ့ပဲ နေထိုင်ခဲ့ပါတယ် ပင်ပင်ပန်းပန်းပိုက်ဆံမရှာပဲ အေးအေးချမ်းချမ်း ဘဝကို တောင့်တနေတဲ့ ဗီစသူ တစ်ယောက် ပိုက်ဆံလွယ်လွယ်ရဖို့ တရုတ်ကလာတဲ့ သရုပ်ပြလူနာ(patient simulator) အရုပ်မ တွေကို ဝယ်ပြီး ဆေးရုံတွေမှာ လိုက်ရောင်းဖို့ ကြိုးစားပေမယ့်လည်း အလုပ်မဖြစ်ပါဘူး မဖြစ်တဲ့အပြင် အဲဒီအရုပ်ကြောင့်ပဲ သူ့ရဲ့ ၃၅ ကြိမ်မြောက် မိန်းမတောင်းရမ်းပွဲမှာလည်း အရှက်တကွဲ ဖြစ်သွားရပါတယ် (သူ့အခန်းထဲမှာ သရုပ်ပြလူနာ အရုပ်မကို ရင်ဘတ်လက်နဲ့ဖိနေတာကို အရုပ်မနဲ့ မူစကူဒူးနေတယ် အထင်ခံလိုက်ရတာပါ) ဒီလိုနဲ့ ပိုက်ဆံကလည်းမရှိ... မိန်းမကလည်း မရသေးနဲ့ ဘဝကို ပိုက်ဆံပုံပေါ်မှာ အေးအေးလူလူဖြတ်သန်းချင်တဲ့ ဗီစသူ ရဲ့ အိပ်မက်လည်း မပြည့်နိုင် ဖြစ်နေပါတယ်... နောက်တော့ သူနဲ့ သူ့သူငယ်ချင်းအုပ်စု အအေးပုလင်းထဲကို ပိုးဟပ်တစ်ကောင် ထည့်ပြီး ပိုက်ဆံအချီကြီးရမယ့် မဟာအကြံကို ကြံပါတော့တယ် ဘယ်သို့ဘယ်ပုံ အဲဒီလို အခြေအနေကို ရောက်သွားတာလဲ... သူတို့ရဲ့ အကြံအစည် အလုပ်ဖြစ်ပါ့မလား ဆိုတာကို ပရိသတ်ကြီးကပဲ ဆက်လက်ခံစားကြည့်ရှုပြီး အမောဖြေလိုက်ကြပါဦး (အညွှန်းနဲ့ ဘာသာပြန်ကတော့ CM Bollywood Team ကပဲ ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…1.6GB / 754MB Quality…WEB DL 1080p / 720p Format…mp4 Duration….2h 15m Subtitle….Myanmar Subtitle (Hard Sub) Encoder….YK Translated by CM Bollywood Team

အဖေနဲ့သမီး နှစ်ယောက်တည်းရှိတဲ့ မိသားစုလေးမှာ တစ်နေ့ မင်္ဂလာဆောင်က ပြန်လာပြီးနောက် သမီးက ရွာထဲကို ခဏသွားမယ်ဆိုပြီး ထွက်သွားပါတယ်။ ပြန်မလာတော့လို့ အဖေဖြစ်သူက တစ်ညလုံး လိုက်ရှာပေမယ့် မတွေ့ခဲ့ဘူး။ နောက်နေ့မနက်မှာတော့ မီးလောင်ကျွမ်းထားတဲ့ အရိုးစုကိုပဲ တွေ့ရပါတော့တယ်။ အဖေက သမီးအတွက် တရားဥပဒေနဲ့အညီ မျှမျှတတ ဆောင်ရွက်ပေးဖို့ တောင်းဆိုခဲ့တယ်။ ဒါပေမယ့် ရွေးကောက်ပွဲနီးနေပြီဆိုတဲ့ အကြောင်းပြချက်နဲ့ အနီးအနားက လူတစ်ယောက်ကိုပဲ တရားခံဆိုပြီး ဖမ်းဆီးထောင်ချလိုက်ကြပါတယ်။ တစ်ဖက်မှာတော့ ရဲမှူးတစ်ယောက်ရဲ့ သူငယ်ချင်းအသတ်ခံရတဲ့အမှုကို မှုခင်းထောက်လှမ်းရေး ဗိုင်ဗက်က တာဝန်ယူစစ်ဆေးရတယ်။ အချိန်တိုအတွင်း တရားခံကို ဖော်ထုတ်နိုင်ခဲ့တဲ့အတွက် အမှုမှန်မပေါ်သေးတဲ့ မိန်းကလေးတွေ အသတ်ခံရမှုတွေကိုပါ သူ့ဆီ တာဝန်လွှဲပေးလာပါတယ်။ အဲဒီမိန်းကလေးတွေကို ရက်ရက်စက်စက် သတ်ခဲ့တဲ့တရားခံကို ဗိုင်ဗက် ဘယ်လိုဖော်ထုတ်မလဲဆိုတာနဲ့ ဇာတ်လမ်းဆက်သွားပါတယ်။