Jeff Harding ပါဝင်သော ဇာတ်ကားများ

IMDb 6.2 ရရှိထားပါတယ်။ Comedy / Romance အမျိုးအစားလေးပါ။ ဇာတ်အိမ်ကတော့ အယ်လ်ဖီဆိုတဲ့ ဒရိုက်ဘာတစ်ယောက်ကိုတည်ထားတာ။ အယ်လ်ဖီက လီမိုကားမောင်းတဲ့ ဒရိုက်ဘာတစ်ယောက်။ သူ့ရုပ်ရည်က စွဲဆောင်မှုရှိတဲ့အထဲပါတယ်ပေါ့။ စော်ကြည်ဘဲပေါ့။ အယ်လ်ဖီရဲ့အားသာချက်က တော်ကီကောင်းပြီး မိန်းမတွေကိုညှို့ယူဆွဲဆောင်ရမလဲဆိုတာကို ကောင်းကောင်းသိတာ။ စော်ကြည်ဘဲအယ်လ်ဖီက လီမိုကားဒရိုက်ဘာလုပ်ပြီး၀န်ဆောင်မှုပေးရတဲ့ အထက်တန်းလွှာအသိုင်းအဝိုင်းထဲက မိန်းမတွေနဲ့ငြိတယ်ပေါ့။ ဒီလို၀မ်းနိုက်စတန်းတွေနဲ့ စားချင်တိုင်းစားနိုင်နေတဲ့အယ်လ်ဖီရဲ့ မကောင်းတဲ့အကျင့်က မိန်းကလေးတစ်ယောက်ကို စိတ်ရှိသလိုအသုံးချပြီးရင် တာ၀န်ယူမှုတာ၀န်ခံမှုကျ မရှိတာပဲ။ သူက သူ့ရဲ့မကောင်းတဲ့လုပ်ရပ်တွေကို ဆင်ခြေဆင်လက်ပေါင်းစုံနဲ့ အပြစ်လွတ်အောင် အကြောင်းပြပြီး ရှောင်ပြေးနေကျ။ ဒါပေမဲ့ လည်လွန်းတဲ့ဘီး ချေးသင့်ဆိုတဲ့စကားအတိုင်း အယ်လ်ဖီက သူ့ရပ်တွေရဲ့ ကြောက်စရာအကျိူးဆက်တွေကို တဖြည်းဖြည်းခံစားလာ‌ရတော့တယ်။ ဒီရုပ်ရှင်ထဲမှာ ဇာတ်လိုက် အယ်လ်ဖီကိုယ်တိုင်က ‌ဇာတ်ကြောင်းပြော‌တဲ့‌‌သူနေရာကနေလည်း သရုပ်ဆောင်ထားတာကြောင့် သူက ဇာတ်၀င်ခန်းတွေမှာ ပရိတ်သတ်ကြည့်ပြီး စကားလှမ်းလှမ်းပြောတဲ့ပုံစံက ရုပ်ရှင်ကိုနည်းနည်းဆန်းသွားစေတယ်လို့ဆိုရမယ်။ ရုပ်ရှင်ကပေါ့ပေါ့ပါးပါးပါပဲ လိင်ကိစ္စ၊ ဖိုမသဘာ၀ ဟာသလေးတွေနဲ့ရောပြီး မက်ဆေ့ခ်ျလေးတွေကိုပေးသွားတာမလို့ အေးဆေးကြည့်လို့ကောင်းတဲ့ရုပ်ရှင်လေးပါ။ အဖော်အချွတ်ခန်းတွေပါ၀င်တာကိုတော့ သတိချပ်ပေးပါ။ File size…(2.4 GB)/(1.2 GB) Quality….Webrip 1080p / 720p Format…mp4 Duration….01:43:00 Genre...Comedy, Romance , Drama  Subtitle….Myanmar Subtitle (Hardsub) Encoder….Mr. Anderson Translated by Steven Khant

Spies Like Us ကတော့ နာမည်ကျော် ဟာသသရုပ်ဆောင်တွေဖြစ်တဲ့ Chevy Chase နဲ့ Dan Aykroyd တို့ ဦးဆောင်ပါဝင်ထားတဲ့ လျှို့ဝှက်သည်းဖို ဟာသဇာတ်ကားတစ်ကား ဖြစ်ပါတယ်။ ဒါရိုက်တာ John Landis ရိုက်ကူးထားပြီး အမေရိကန်-ဆိုဗီယက် စစ်အေးကာလကို နောက်ခံထားကာ ပေါ့ပေါ့ပါးပါး ရယ်မောစရာတွေနဲ့ တင်ဆက်ထားပါတယ်။ ဇာတ်လမ်းကတော့ အစိုးရဝန်ထမ်းနှစ်ဦးဖြစ်တဲ့ Emmett Fitz-Hume (Chevy Chase) နဲ့ Austin Millbarge (Dan Aykroyd) တို့ဟာ သူလျှိုစာမေးပွဲမှာ မအောင်မြင်ပေမယ့် မထင်မှတ်ဘဲ CIA ရဲ့ အထူးစစ်ဆင်ရေးတစ်ခုအတွက် ရွေးချယ်ခံလိုက်ရပါတယ်။ တကယ်တမ်းမှာတော့ သူတို့နှစ်ယောက်ဟာ တကယ့်သူလျှိုအစစ်တွေရဲ့ အလုပ်ကို ရန်သူတွေ မရိပ်မိအောင် အာရုံလွှဲဖို့ သက်သက် အသုံးချခံရတဲ့ "အာရုံလွှဲ သူလျှို" (Decoy) တွေသာ ဖြစ်ပါတယ်။ သူတို့နှစ်ယောက်ကို ပါကစ္စတန်ကနေတဆင့် ဆိုဗီယက်ပြည်ထောင်စုထဲကို စေလွှတ်လိုက်ပြီးတဲ့နောက်မှာတော့ လွဲချော်မှုတွေ၊ ရယ်စရာ အလွဲအချော်တွေနဲ့ ကမ္ဘာကြီးကို နျူကလီးယားစစ်ပွဲကနေ ကယ်တင်ဖို့ ကြိုးစားရပုံတွေကို မြင်တွေ့ရမှာပါ။ Chevy Chase နဲ့ Dan Aykroyd တို့ရဲ့ ဟာသ အပေးအယူက အရမ်းကောင်းပါတယ်။ Chevy Chase က ပါးစပ်အရမ်းသွက်ပြီး လူလည်ကျတတ်တဲ့ ပုံစံ၊ Dan Aykroyd ကတော့ စာအုပ်ကြီးသမား ဆန်ဆန် နည်းပညာကျွမ်းကျင်သူ ပုံစံနဲ့ နှစ်ယောက်သား ဖက်စပ်ညီပါတယ်။ဒီကားမှာ အမှတ်ရစရာ အကောင်းဆုံးကတော့ "Doctor" လို့ အချင်းချင်း နှုတ်ဆက်တဲ့ အခန်းပါ။ ရိုးရှင်းပေမယ့် ပရိသတ်အကြား အရမ်းပေါက်ခဲ့တဲ့ ဟာသတစ်ခု ဖြစ်ပါတယ်။ ဒီကားရဲ့ နာမည်ကြီး ဇာတ်ဝင်သီချင်း "Spies Like Us" ကို နာမည်ကျော် အဆိုတော် Paul McCartney က သီဆိုထားတာမို့ သီချင်းကလည်း လူကြိုက်များပါတယ်။အဲဒီခေတ်က အမေရိကန်နဲ့ ဆိုဗီယက်တို့ရဲ့ တင်းမာမှုတွေကို ဟာသအနေနဲ့ လှောင်ပြောင်ထားတာကလည်း စိတ်ဝင်စားစရာ ကောင်းပါတယ်။ Spies Like Us ဟာ ၈၀ ခုနှစ်တွေရဲ့ ဂန္ထဝင် ဟာသကားတစ်ကားပါ။ မိသားစုနဲ့အတူတူ၊ ဒါမှမဟုတ် သူငယ်ချင်းတွေနဲ့အတူ ပေါ့ပေါ့ပါးပါး ရယ်မောချင်သူတွေအတွက် အထူးသင့်လျော်ပါတယ်။ ခေတ်ဟောင်း ဟာသကားတွေကို ကြိုက်နှစ်သက်တယ်ဆိုရင် ဒီကားကို လက်လွတ်မခံသင့်ပါဘူး။ File size… 3.53 GB/ 1.31 GB Quality… Blu-Ray 1080p & 720p Format… mp4 Duration…. 1h 42m Genre ..... Adventure, Comedy Subtitle…. Myanmar Subtitle (Hard Sub)

Ragtime (1981) IMDb Rating (7.3) / Rotten Tomatoes (85%) ၂၀ ရာစုအစောပိုင်း နယူးယောက်မြို့ရဲ့ လူမှုပတ်ဝန်းကျင်၊ လူမျိုးရေးခွဲခြားမှုနဲ့ တရားမျှတမှုအတွက် တိုက်ပွဲဝင်ပုံတွေကို ခမ်းခမ်းနားနား ရိုက်ကူးထားတဲ့ Historical Drama ဂန္ထဝင်ကားကြီးတစ်ကားပါ။ ဒီဇာတ်ကားဟာ စာရေးဆရာ E.L. Doctorow ရဲ့ နာမည်ကြီးဝတ္ထုကို အခြေခံထားပြီး ဒါရိုက်တာ Miloš Forman က ပုံဖော်ထားတာဖြစ်ပါတယ်။ ဇာတ်လမ်းက ၁၉၀၆ ခုနှစ်ဝန်းကျင် နယူးယောက်မှာ အခြေတည်ထားပြီး မတူညီတဲ့ လူမှုအလွှာက မိသားစုတွေရဲ့ ဘဝတွေ ဘယ်လိုထပ်တူကျသွားသလဲဆိုတာကို ရိုက်ပြထားတာပါ။ အဓိကဇာတ်ကောင်ကတော့ ပါရမီရှင် လူမည်းပီယာနိုတီးခတ်သူ Coalhouse Walker Jr. (Howard E. Rollins Jr.) ဖြစ်ပါတယ်။ Coalhouse ဟာ သူ့ရဲ့ ဂုဏ်သိက္ခာကို စော်ကားဖျက်ဆီးခဲ့တဲ့ လူဖြူမီးသတ်သမားတစ်စုကို တရားဥပဒေအရ အရေးယူဖို့ ကြိုးစားပေမဲ့ စနစ်အရ ငြင်းပယ်ခံရတဲ့အခါ သူဟာ လက်နက်စွဲကိုင်ပြီး ပြင်းထန်တဲ့နည်းလမ်းနဲ့ တရားမျှတမှုကို တောင်းဆိုပါတော့တယ်။ ဒီဖြစ်ရပ်ကတစ်ဆင့် မြို့ပေါ်က အထက်တန်းလွှာမိသားစုတွေ၊ နာမည်ကျော်ပုဂ္ဂိုလ်တွေနဲ့ သာမန်လူတွေရဲ့ ဘဝတွေကို ဘယ်လိုရိုက်ခတ်သွားသလဲဆိုတာကို ဇာတ်လမ်းအိမ်အပြည့်နဲ့ တင်ဆက်ထားတဲ့ ဂန္တဝင်ကားကောင်းဖြစ်ပါတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (1.9 GB) / (1.1 GB) Quality…. Blu-Ray 1080p HEVC / 720p Format…. mkv/mp4 Genre…. Drama,History Duration…. 02:35:33 Subtitle…. Myanmar Subtitle (Hardsub)