Jen Cain ပါဝင်သော ဇာတ်ကားများ

Diary of A Wimpy Kid: The Last Straw (2025) IMDb Rating (5.9) ဒီဇာတ်ကားလေးကတော့ ဒီဇင်ဘာလ (၅) ရက်နေ့ကမှ ထွက်ထားတဲ့ Animation/Comedy ကားသစ်လေးပါ။ ဒီဇာတ်ကားမှာတော့ Greg တစ်ယောက် သူ့အဖေရဲ့ ဖိအားပေးမှုကို အကြီးအကျယ် ရင်ဆိုင်နေရတာကို တွေ့ရမှာပါ။ Greg ရဲ့အဖေ Frank ဟာ သူ့သားရဲ့ အနေအထိုင် အပြုအမူတွေကို ကြည့်ပြီး လုံးဝ ဘဝင်မကျ ဖြစ်နေပါတယ်။ သူ့သားကို ပျော့ညံ့လွန်းတယ်၊ ယောကျာ်းမပီသဘူးလို့ မြင်နေပြီး ဒီအတိုင်း ဆက်လွှတ်ထားလို့ မဖြစ်တော့ဘူးလို့ ဆုံးဖြတ်လိုက်ပါတယ်။ ဒါကြောင့် Greg ကို သတိပေးချက်တစ်ခု ထုတ်လိုက်ပါတော့တယ်။ အဲဒါကတော့ Greg အနေနဲ့ အခုထက်ပိုပြီး ရင့်ကျက်မလာဘူး၊ သတ္တိမရှိလာဘူးဆိုရင် သူ့ကို Military School အထိ ပို့ပြီး စစ်သားတစ်ယောက်လို တင်းတင်းကျပ်ကျပ်နေခိုင်းမယ် ဆိုတာပါပဲ။ အဲ့လိုနေရမှာကို သေမလောက်ကြောက်တဲ့ Greg ဟာ ဒီအခြေအနေကနေလွတ်မြောက်ဖို့အတွက် သူ့အဖေ အထင်ကြီးလေးစားလာအောင်၊ သူ့အဖေ သဘောကျမယ့် ပုံစံမျိုးဖြစ်အောင် နည်းလမ်းပေါင်းစုံနဲ့ သက်သေပြဖို့ ကြိုးစားရပါတော့တယ်။ File size… (3.1 GB) / (1.3 GB) / (810 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Animation,Comedy,Family Duration…. 01:15:33 Subtitle…. Myanmar Subtitle (Hardsub)

Night at the Museum ဟာ ၂၀၀၆ ခုနှစ်မှာ စတင်ထွက်ရှိခဲ့ပြီး ၂၀၀၉ နဲ့ ၂၀၁၄ မှာ နောက်ဆက်တွဲရုပ်ရှင်တွေ ထွက်ခဲ့ပါတယ်။ ၂၀၂၂ မှာတော့ အန်နီမေးရှင်းပုံစံနဲ့ ဆက်လာပြီး လာရီဒေလီတစ်ယောက် သဘာဝသမိုင်းပြတိုက်ကနေ တိုကျိုပြတိုက်ကို ပြောင်းရွှေ့ရတော့မယ့်အချိန်မှာ ဇာတ်လမ်းစထားပါတယ်။ လာရီနဲ့ အတူတူ အခက်အခဲတွေ ဖြတ်သန်းခဲ့ကြတဲ့ ပြတိုက်ထဲက ရဲဘော်တွေက သူ့နေရာကို အစားဝင်လာသမျှ ညစောင့်တွေကို ခြောက်လှန့်လွှတ်နေကြတယ်။ သူတို့ကို ဖျောင်းဖျလို့လည်း မရ၊ ပြတိုက်ရဲ့တာဝန်ကို တခြားသူလက်ထဲ ထည့်ခဲ့ဖို့လည်း စိတ်မချတဲ့ လာရီဟာ တက်ဒီအကြံပေးသလို သားဖြစ်သူ နစ်ခ်ဒေလီကို အစားဝင်ခိုင်းဖို့ စဉ်းစားလာပါတယ်။ နစ်ခ်ကတော့ လုပ်သမျှ အလွဲလွဲအချော်ချော်ဖြစ်နေပြီး သဘောကျနေတဲ့ ကောင်မလေးကိုတောင် ဖွင့်မပြောရဲလောက်အောင် ကိုယ့်ကိုယ်ကိုယ် ယုံကြည်မှုနည်းနေတဲ့ ဆယ်ကျော်သက်တစ်ယောက်ပါ။ အဖေ့တိုက်တွန်းမှုနဲ့ ညစောင့်အလုပ်ကို စလုပ်တဲ့ ပထမညမှာပဲ မြေအောက်ခန်းက ကုန်တင်ကုန်ချတံခါးကို သော့ခတ်ဖို့ တာဝန်ရလာတယ်။ ဒါပေမဲ့ မြေအောက်ခန်းကို ကြောက်နေတဲ့ နစ်ခ်ရဲ့အလွဲကြောင့် အဖေ့ရန်သူဟောင်း ခါမူရာ လွတ်သွားပါတော့တယ်။ ကိုယ့်ကိုယ်ကိုယ်တောင် အားမကိုးရဲသေးတဲ့ နစ်ခ်ဟာ ပြတိုက်ထဲက ဗရုတ်တစ်သိုက်နဲ့အတူ ခါမူရာကို ရင်ဆိုင်ပြီး ကမ္ဘာကြီးကို ကယ်တင်နိုင်ပါ့မလား။

ဂရက်က အစ်ကိုဖြစ်သူ ရော့ဒရစ်ရဲ့ ချစ်ခင်မှုကို လိုချင်တဲ့ ညီလေးပါ။ ရော့ဒရစ်ကတော့ ညီကို နည်းနည်းလေးမှ မချစ်ဘူးလို့ ထင်ရလောက်အောင် ပေကပ်ကပ်နေတတ်တဲ့ အစ်ကိုကြီးဖြစ်နေတယ်။ မိဘတွေ နှစ်ပတ်လည်ခရီး ထွက်သွားလို့ သူတို့နှစ်ယောက်တည်း အိမ်မှာကျန်ခဲ့တဲ့အခါ ပြဿနာတွေ စရှာကြတော့တာပါ။ အစ်ကိုက ညီကို အတတ်ကောင်းတွေ သင်ပေးရင်း ဖြစ်လာတဲ့ အလွဲတွေကြားမှာ ဒီညီအစ်ကိုနှစ်ယောက်ရဲ့ ဆက်ဆံရေးကို အဓိကထား ပြထားပါတယ်။ ဒီကားဟာ Disney+ က ထုတ်လွှင့်ထားတဲ့ အန်နီမေးရှင်းဖြစ်ပြီး Diary of a Wimpy Kid (2021) ရဲ့ တိုက်ရိုက်အဆက်ပါ။ ၂၀၁၁ ခုနှစ်က လူသရုပ်ဆောင်တွေနဲ့ ရိုက်ထားတဲ့ Diary of a Wimpy Kid: Rodrick Rules နဲ့ ဇာတ်ကြောင်းတူပါတယ်။ အမေရိကန်ကလေးဖတ်စာအုပ်စီးရီး Diary of a Wimpy Kid ကို အခြေခံထားတဲ့ ရုပ်ရှင်တွေထဲမှာ ဒုတိယမြောက် အန်နီမေးရှင်းကားလည်း ဖြစ်ပါတယ်။ မူရင်းမိတ်ဆက်စာ ရေးသားချိန်အထိ လူသရုပ်ဆောင်နဲ့ ရိုက်ထားတဲ့ကား လေးကား၊ အန်နီမေးရှင်း နှစ်ကား ထွက်ရှိထားပြီး စာအုပ်စီးရီးကတော့ ၁၇ အုပ်မြောက်အထိ ရှိနေပါပြီ။ ညီအစ်ကိုနှစ်ယောက်ရဲ့ အိမ်တွင်းအဖြစ်အပျက်တွေကို ဟာသနဲ့ မိသားစုဒရာမာ ရောစပ်ထားတာပါ။

ကာတွန်းကား ကောင်းကောင်းကြည့်ချင်တဲ့ သူတွေအတွက် လာပါပြီ။ ရယ်လည်းရယ်ရတယ် ဇာတ်လမ်းလည်းမိုက်တယ်။ အသံသရုပ်ဆောင်ထားသူတွေကတော့ မပြောရင်တောင် အသံကြားတာနဲ့ သိမယ့် ၂ ယောက်ပါပဲ။ ဝယ်လ် စမစ်သ် ရယ် တွမ် ဟော်လန် ရယ်ပါ။ တကယ်လိုက်ဖက်တဲ့ သူတွေပါပဲ။ ဝယ်လ်စမစ်သ်က လန့်စ်စတာလင်ဆိုတဲ့ အရမ်းတော်တဲ့ စပိုင်တစ်ယောက်။ သူက အရမ်းတော်ပေမယ့် တစ်ကိုယ်တော်ပဲ လှုပ်ရှားတတ်တဲ့သူ။ တွမ်ဟော်လန်ကတော့ ဝေါ်တာ ဘက်ကက် ဆိုတဲ့ ဉာဏ်ကြီးရှင်တီထွင်သူ အူကြောင်ကြောင် ကောင်လေး အဖြစ် အသံသရုပ်ဆောင်ထားပါတယ်။ ဝေါ်တာရဲ့ တီထွင်ချက်တွေကို အေဂျင်စီမှာ ဘယ်သူမှ အထင်မကြီးတဲ့အပြင် လန့်စ်ကိုပါ ပြဿနာ သွားလုပ်မိလို့ အလုပ်ဖြုတ်ခံလိုက်ရတော့တယ်။ ဒါပေမယ့် လန့်စ်နဲ့ မျက်နှာတူ လူဆိုးတစ်ယောက်ကြောင့် လန့်စ် တစ်ယောက် အထင်လွဲခံရပြီး ထွက်ပြေးရတဲ့အခါမှာ မလွှဲမရှောင်သာ ဝေါ်တာနဲ့ပူးပေါင်းပြီး အလွဲလွဲအချော်ချော်နဲ့ လူဆိုးကို အမိဖမ်းဖို့ ကြိုးစားရပါတော့တယ်။ File Size : ( 948 MB , 345 MB ) Quality : BluRay 720p Running Time : 1 hr 42 min Format : Mp4 Genre : Animation , Action , Adventure Subtitle : Myanmar Subtitle (Hard Sub) Translated by Little Neo Encoded by Moe Myint Lwin