Jeremy Swift ပါဝင်သော ဇာတ်ကားများ

Grow (2025) IMDb Rating (6.0) / Rotten Tomatoes (93%) Bridgerton ထဲက ဘုရင်မကြီးအဖြစ် လူသိများတဲ့ Golda Rosheuvel နဲ့ ဟာသသရုပ်ဆောင် Nick Frost တို့ပါဝင်ထားတဲ့ Family / Fantasy / Comedy ကားလေးတစ်ကား ဖြစ်ပါတယ်။ ဇာတ်လမ်းကတော့ စိတ်အားထက်သန်ပြီး ထူးခြားတဲ့ ပါရမီရှိတဲ့ မိန်းကလေးငယ်တစ်ဦးအကြောင်းပါ။ သူမဟာ ပုံမှန်မဟုတ်တဲ့ ဧရာမဖရုံသီးကြီးတွေကို စိုက်ပျိုးနိုင်စွမ်းရှိတဲ့ "Pumpkin-growing savant" (ဖရုံစိုက်ပါရမီရှင်) လေးတစ်ဦး ဖြစ်ပါတယ်။ သူမနေထိုင်တဲ့ ပတ်ဝန်းကျင်မှာလည်း ထူးဆန်းအံ့သြဖွယ်ကောင်းတဲ့ ဇာတ်ကောင်တွေ၊ ရယ်စရာကောင်းတဲ့ အဖြစ်အပျက်တွေနဲ့ ပြည့်နှက်နေပါတယ်။ သူမရဲ့ ဒီထူးခြားတဲ့ စိုက်ပျိုးရေးပါရမီကနေတစ်ဆင့် ဘဝရဲ့ အနိမ့်အမြင့်အတက်အကျ အခက်အခဲတွေကို ကျော်ဖြတ်မလဲဆိုတာကို ရိုက်ပြထားတဲ့ ပုံပြင်ဆန်ဆန် ဇာတ်လမ်းလေး ဖြစ်ပါတယ်။ File size… (1.4 GB) / (910 MB) Quality…. WEB-Rip 1080p HEVC / 720p Format…. mkv/mp4 Genre…. Comedy,Family Duration…. 01:48:02 Subtitle…. Myanmar Subtitle (Hardsub)

Goodbye June (2025) IMDb Rating (6.4) / Rotten Tomatoes (65%) ဒီရုပ်ရှင်လေးကတော့ ခရစ္စမတ်ကာလမှာထွက်ရှိလာတဲ့ ယောက်ျားလေးတွေရဲ့ အသဲစွဲမင်းသမီးဖြစ်သူ Kate Winslet ကပထမဆုံးအနေနဲ့ ဒါရိုက်တာအဖြစ် ရိုက်ကူးထားတဲ့ မိသားစု ဒရာမာ ဇာတ်လမ်းကောင်းလေးတစ်ခုဖြစ်ပါတယ်။ ဇာတ်ညွှန်းကိုလည်း သူ့ရဲ့သားဖြစ်တဲ့ Joe Anders ရေးသားထားတာဖြစ်ပါတယ်။ သားအမိနှစ်ယောက်ဖန်တီးထားတဲ့ ရုပ်ရှင်ကောင်းလေးတစ်ခုဖြစ်ပြီး IMDb rating 6.4 ထိရထားပါတယ်။ ခရစ္စမတ်ပွဲတော် နီးကပ်လာတဲ့အချိန်မှာ သက်ကြီးပိုင်းမိခင်ဖြစ်သူ ဂျွန် ရဲ့ ကျန်းမာရေးအခြေအနေဟာ ရုတ်တရက်ဆိုးရွားလာတဲ့အတွက်ကြောင့် ဝေးကွာနေကြတဲ့ Julia(Kate Winslet) တို့ မောင်နှမလေးယောက် ပြန်လည်ဆုံတွေ့ကြရပါတယ်။ အကြီးဆုံးသမီးဖြစ်သူ Julia ၊ စိတ်လှုပ်ရှားလွယ်ဒေါသဖြစ်လွယ်တဲ့ Molly ၊ အဝေးဆုံးတစ်နေရာမှာရောက်နေတဲ့ Helen နဲ့ မိဘတွေနဲ့အတူနေပြီး စောင့်ရှောက်နေသူ Conner တို့ဟာ မိခင်ဖြစ်သူရဲ့ နောက်ဆုံးသော အချိန်များကို အတူဖြတ်သန်းရင်း အတိတ်ကနာကျည်းချက်တွေ မပြေလည်မှုတွေကို ခဝါချပြီး မိသားစုတွေကြားထဲက နက်ရှိုင်းတဲ့သံယောဇဉ်တွေကို ပြန်လည်ဖော်ထုတ်ကြရပါတယ်။ သေခြင်းတရားနဲ့ရင်ဆိုင်လာရတဲ့ အချိန်မှာ မိသားစုဝင်တွေကြားကချစ်ခြင်းမေတ္တာကို ခရစ္စမတ်အငွေ့အသက်များနဲ့အတူ ပုံဖော်ထားတဲ့ ဇာတ်လမ်းလေးတစ်ပုဒ်ပါ။ File size… (4.3 GB) / (1.9 GB) / (820 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama Duration…. 01:56:34 Subtitle…. Myanmar Subtitle (Hardsub)

ဒစ္စနေးရဲ့ ကမ္ဘာကျော် ကာတွန်း စနိုးဝှိုက်ကို လူနဲ့ရိုက် လူနဲ့တီးထားတဲ့ ဗားရှင်း ထွက်ပါပြီ။ ဒါရိုက်တာကတော့ အားလုံးချစ်တဲ့ အချစ်ကားလေး 500 Days of Summer ရဲ့ ဖန်တီးရှင် Marc Webb ပဲ ဖြစ်ပါတယ်။ သရုပ်ဆောင်အနေနဲ့လည်း စနိုးဝှိုက်အဖြစ် ပြည်သူ့အချစ်တော် မင်းသမီးလေး Rachel Zegler ပါဝင်ထားပြီး မိဖုရားကြီးနေရာမှာလည်း မင်းသမီးကြီး Meryl Streep လိုမျိုး သရုပ်ဆောင်ကဝေတစ်ဆူဖြစ်တဲ့ Wonder Woman မင်းသမီး Gal Gadot က ပါဝင်ထားတာပဲ ဖြစ်ပါတယ်။ လူပေါင်းသုံးသိန်းကျော်ကလည်း IMDb rating (4×5)-12 / 5 တောင်ပေးထားပါတယ်။ ဒီ‌တော့ လက်လွတ်မခံဘဲ ကြည့်လိုက်ကြပါဦး။ ဇာတ်လမ်းအကျဉ်း Gal Godot က ကမ္ဘာပေါ်မှာ အလှဆုံးဖြစ်ချင်တဲ့ စုန်းမ မိဖုရားကြီးပါ ဒါပေမဲ့ သူ့ရဲ့မှော်မှန်ကြီးက စနိုးဝှိုက်သာ အလှဆုံးပါလို့ ဆက်တိုက်ပြောနေလို့ စနိုးဝှိုက်ကို လုပ်ကြံပါတယ်။ (မိဖုရားက ပိုလှတယ်ဆိုပြီးဖင်ယားမဲ့သူတွေကို ဒစ္စနေးကကြောက်လို့ ဇာတ်လမ်းထဲမှာ စိတ်အလှပါလို့ ပြန်ရှင်းထားပါတယ်) အဲဒီမှာ စနိုးဝှိုက်တစ်ယောက် တောထဲကို ရောက်သွားပြီး လူပုလေး ၇ဖော်နဲ့ တွေ့ပါတယ်။ နောက်တော့ ပန်းသီးစား၊ မင်းသားတွေ့၊ ပြန်ချ ဘာညာပါ။ ဒါပါပဲ။ (အညွှန်းရေးသားသူကတော့ Mr. Anderson ဖြစ်ပါတယ်။) File size… (4.6 GB) / (1.8 GB) / (1.1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Adventure, Family, Fantasy, Musical, Romance Duration…. 01:51:38 Subtitle…. Myanmar Subtitle (Hardsub) Encoder…. Benjamin & Min Wai Translated by  Act Molemy & Matteo

IMDB rating 7.2/10အထိရရှိထားတဲ့ Dark comedy, drama စီးရီးစ်လေးကိုတင်ဆက်ပေးလိုက်ပါတယ် ဒီဇာတ်ကားမှာ "Miss Peregrine and The peculiar chilchildren"ဇာတ်ကားထဲက အမ်မာဖြစ်တဲ့ Ella Purnell က အဓိကပါဝင်သရုပ်ဆောင်ထားပါတယ် ဇာတ်လမ်းအကျဥ်း ရီယန်းနန်လူးဝစ်ဟာ လူတွေအားလုံးကိုအကောင်းမမြင်တတ်တဲ့ကောင်မလေးပါ ဒီလိုဖြစ်နေတာကလည်း သူ့အပေါ်မှာကောင်းပေးတဲ့လူမရှိလို့လို့ပြောရမှာပါပဲ သူ့ဘဝတစ်လျှောက်မှာကြုံတွေ့ခဲ့ရတဲ့လူတွေမှန်သမျှဟာ သူ့ကိုအရေးမစိုက် ဂရုမပြုဘဲ အနိုင်ကျင့်ဖိနှိပ်ခဲ့ကြတာကြောင့်ပါ သူမအားကိုးရတဲ့တစ်ဦးတည်းအဖေဖြစ်သူကိုဆုံးရှုံးရပြီးနောက် သူ့ရဲ့အစ်မရင်းကိုယ်တိုင်ကပါ သူ့ဘက်ကိုမကြည့်ဘဲ သူတို့အဖေပိုင်ဆိုင်တဲ့အိမ်ကြီးကိုရောင်းဖို့လုပ်ပါတယ် ရောင်းဖို့အတွက်အကျိုးဆောင်လုပ်ပေးမယ့်အေးဂျင့်ကလည်း သူမကို ငယ်စဥ်ကတည်းက စိတ်ဒဏ်ရာရအောင်လုပ်ခဲ့တဲ့ ကျောင်းကအနိုင်ကျင့်သူဖြစ်နေပါတယ် ဒါတင်မကသေးဘဲ ရီယန်းတစ်ယောက်ဟာ အလုပ်မှာလည်းအဆင်မပြေပါ မိမိကို ငဲ့မကြည့်ဘဲအနိုင်ကျင့်ဖိနှိပ်ဖို့ပဲသိတဲ့လူတွေကြောင့် ရီယန်းရဲ့စိတ်ခံစားချက်တွေမထိန်းနိုင်လောက်တဲ့အထိများလွန်းလာပြီး ပေါက်ကွဲထွက်လာတဲ့အခါ.......... File size…(898 MB)/(392 MB) Quality….Webrip 1080p / 720p Format…mp4 Duration….00:52:00 Genre...Comedy, Drama Subtitle….Myanmar Subtitle (Hardsub) Encoder….Swan Min Htet Translated by Ruby Jane

10 Lives ဆိုတဲ့ ဇာတ်ကားက Beckett ဆိုတဲ့ ကြောင်တစ်ကောင်ရဲ့ ဘဝအတွေ့အကြုံတွေကို အဓိကဖော်ပြထားပါတယ်။ သူ့ရဲ့ အမျိုးမျိုးသော အိမ်ရှင်တွေမှာ ကျင်လည်သွားရင်း ကြောင်အဖြစ်ဘဝရဲ့ အဓိပ္ပါယ်ကို နားလည်သွားဖို့ ကြိုးစားရတဲ့ ခရီးလမ်းကို ပုံဖော်ထားတာပါ။ ဒီကားက ကြောင်တစ်ကောင်ရဲ့ ခံစားချက်တွေနဲ့ လူတွေကြားက ခင်မင်မှုတွေအပေါ် အမြင်တွေကို ကောင်းကောင်းပြနိုင်ပါတယ်။ ဇာတ်ကားက ပေါ့ပေါ့ပါးပါး ဟာသဆန်တဲ့ စကားပြောတွေ၊ ချစ်စရာကောင်းတဲ့ ဇာတ်ကောင်တွေနဲ့ ပေါင်းစပ်ထားပြီး မိသားစုကြည့်ဖို့အတွက်လည်း အထူးသင့်တော်ပါသေးတယ်။ Beckett ရဲ့ အခွင့်အရေးဖြစ်တဲ့ အသက် ၉ ချောင်းကနေမှ ဘဝရဲ့ တန်ဖိုးကို နားလည်သွားတာကို မြင်ရမှာဖြစ်ပြီး၊ အမြင်ပြောင်းလဲဖို့ လိုအပ်တဲ့အခါမှာ ဘယ်လိုကြိုးစားရလဲဆိုတာလည်း သင်ခန်းစာဖြစ်စေပါတယ်။ ဒီဇာတ်ကားကို ကြောင်ချစ်သူတွေ၊ ကလေးတွေနဲ့ မိသားစုတွေ ကြည့်ရင်း ပျော်စရာ အမှတ်တရတွေ ဖန်တီးနိုင်ပါတယ်။ File size…(1.5 GB)/(918 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Animation, Comedy, Family, Fantasy  Subtitle….Myanmar Subtitle (Hardsub) Encoder….Swan Min Htet Translated by Banyar Aung

ကဲ ဒီတစ်ခါမှာတော့ Descendants ရုပ်ရှင်ကားတွေရဲ့ ၄ ကားမြောက်ဖြစ်တဲ့ မင်းသမီးရက်ဒ် ရဲ့ ဇာတ်ကားလေးကို မိတ်ဆက်ပေးချင်ပါတယ် Descendants ရုပ်ရှင်ကားတွေကို Descendants (2015) - https://www.channelmyanmar.to/descendants-2015/ Descendants 2 (2017) - https://www.channelmyanmar.to/descendants-2-2017/ Descendants 3 (2019) - https://www.channelmyanmar.to/descendants-3-2019/ ဆိုပြီး အစဥ်လိုက်ကြည့်ရှုနိုင်ပါတယ်။ ဒီရုပ်ရှင်က အရင်ရုပ်ရှင်တွေလိုမျိုးပဲ ဇာတ်ကောင်အသစ်တွေကို ဒစ်စနီဇာတ်ကောင်ဟောင်းတွေရဲ့ မူရင်းအရသာမပျက်အောင် မတူညီတဲ့ ဇာတ်အိမ်အသစ်လေးတွေနဲ့ မိတ်ဆက်ပေးထားတာကိုတွေ့ရမှာဖြစ်ပြီး ဒီတစ်ခါမှာတော့ အဓိက ဇာတ်ဆောင်တွေဖြစ်တဲ့ နှလုံးသားတို့ရဲ့ ဘုရင်မ သမီးဖြစ်တဲ့ မင်းသမီး ရက်ဒ် နဲ့ စင်ဒရဲလားရဲ့ သမီးဖြစ်တဲ့ မင်းသမီး ကလိုဝီ တို့နှစ်ယောက်အပေါ်မှာ ဇာတ်အိမ်တည်ထားပါတယ်။ ဒီတစ်ခါမှာ သူတို့နှစ်ယောက်ပေါင်းပြီး အချိန်နောက်ပြန်သွားကာ အော်ရာဒွန် တိုင်းပြည် ကို ကယ်တင်ကြပုံကို ခံစားကြည့်ရှုကြရမှာပါ။ Movie runtime က တိုပေမယ့် အပိုမဆလာမရှိ ဇာတ်အိမ်ကို ခပ်သွက်သွက်လေးသွားထားတာမလို့ စိတ်ဝင်စားဖို့လည်း ကောင်းပါတယ်။ ရုပ်ရှင်ထဲမှာ ပါတဲ့ သီချင်းတွေ ကကွက် တွေနဲ့ ရိုက်ချက်တွေကလည်း တစ်ခြားကားတွေနဲ့ မတူတဲ့ ရသတစ်မျိုးကို ပေးစွမ်းနေပါသေးတယ်။ ကြည့်ရတာတော့ နောက်တစ်ကား ထပ်လာဦးမယ့်ပုံပေါက်လို့ ၂၀၁၅ ခုနှစ်ထွက်ကနေ ပြန်ကြည့်ကြဖို့ ရီကွန်မန်းပေးချင်ပါတယ်။ ကျွန်တော်တို့အားလုံးက ပုံပြင်လေးတွေနဲ့ကြီးပြင်လာရတာဖြစ်လို့ မင်းသမီးလေးရက်ဒ်ရဲ့ ဒီပုံပြင်လေးကိုလည်း အချိန်ပေးပြီး ခံစားကြည့်သင့်ကြောင်း ပြောရင်းနဲ့ပဲ ခံစားလိုက်ကြပါဦးဗျာ။ File size…(2.3 GB)/(1.2 GB) Quality….Webrip 1080p / 720p Format…mp4 Duration….01:27:00 Genre... Fantasy, Adventure, Family, Comedy  Subtitle….Myanmar Subtitle (Hardsub) Encoder….Mr. Anderson Translated by Min

Ted Lasso (2020) Season 01 Ted Lasso (2021) Season 02 Ted Lasso (2023) Season 03 Ted Lasso (2026) Season 04 +++++++++++++ အပိုင်း ( ၁ မှ ၁၀ ) အထိ စ / ဆုံး ~ IMDb - 8.8/10, Rotten Tomatoes - 90% ~ AFC Richmond ဆိုတဲ့အသင်းက ပရီးမီးယားလိဂ်မှာ ဟိုမရောက် ဒီမရောက်ဖြစ်နေတဲ့ ဂကြောင်အသင်း။ ဖြစ်ချင်တော့ အသင်းပိုင်ရှင် လင်မယားက ကွာရှင်းသွားကြပြီး ရှယ်ယာပိုများများကိုင်ထားတဲ့ မယားဖြစ်သူက အသင်းပိုင်ရှင်ဖြစ်လာတယ်။ သူ့ရဲ့ ခင်ပွန်းဟောင်းကြီးချစ်တဲ့အသင်းကို ဒုက္ခရောက်အောင်လုပ်ပြီး စိတ်ကင်ဆာပေးချင်လို့ အရင်ကတည်းကရှိနေတဲ့ နည်းပြကို ဖြုတ်ပြီး ဘာမဆိုင်ညာမဆိုင် ကစားနည်းပါ မဆိုင်တဲ့ အမေရိကန်‌ဘောလုံးနည်းပြကို ခေါ်ခန့်လိုက်တယ်။ ဒီစီဆင်ရဲ့ အဓိက ဇာတ်ကတော့ ဒါပါပဲ။ Ted Lasso စီးရီးဟာ 2013 တုန်းက NBC Sports ချန်နယ်ကနေ သူတို့ရဲ့ Premier League သီးသန့်ချန်နယ်အသစ်အတွက် ပရိုမိုးရှင်းဆင်းတဲ့အနေနဲ့ လွှင့်ဖူးခဲ့တဲ့ " လန်ဒန်ရောက် အမေရိကန်နည်းပြတစ်ယောက် " ဆိုတဲ့ ကြော်ငြာအပိုင်းတိုလေးကို ဇာတ်ကောင်အသစ် ဇာတ်လမ်းတွေ ထပ်ပေါင်းထည့် အကျယ်ချဲ့ပြီး မြိုင်မြိုင်ဆိုင်ဆိုင်နဲ့ ပြန်ရိုက်ခဲ့တဲ့ စီးရီးပါ။ Apple TV ရဲ့ ကြည့်ရှူသူအများဆုံး တီဗီရှိုးတစ်ခုအနေနဲ့ အတော်လေးကို ပေါက်ခဲ့ရုံတင်မကဘဲ အမ်မီဆုတွေ ရွှေကမ္ဘာလုံးဆုတွေနဲ့ တခြားဆုပေါင်းများစွာအပြင် IMDb ရဲ့ ထိပ်ဆုံးစီးရီးတစ်ရာစာရင်းထဲလည်း ဝင်ခဲ့ပါတယ်။ စီးရီးတစ်ခုလုံးက Fictional Premier League ကြီးပေါ် အခြေခံထားတာဖြစ်ပေမဲ့ ဘောလုံးပရိသတ်တွေအတွက်တော့ ရင်းနှီးပြီးသား အငွေ့အသက်တွေ အပြည့်နဲ့ပါပဲ။ Richmond ရဲ့ အိမ်ကွင်းဖြစ်တဲ့ Nelson Road ကွင်းကြီးဟာ Crystal Palace ရဲ့ Selhurst Park ကွင်းကြီးပေါ့။ Richmond ကန်တဲ့ ပွဲတိုင်းလိုလိုမှာပါနေကျ ဘောလုံးပွဲကြေညာ‌တဲ့ ဘဲနှစ်ဗွေကလည်း တကယ့် အပြင်က Arlo White နဲ့ Chris Powell တို့တတွေ။ နောက်စီဆင်တွေကျ သီယာရီအွန်နရီကြီးကိုယ်တိုင်ပါ ပါလာမှာဖြစ်သလို Roy Kent ကာရိုက်တာဟာလည်း မန်ချက်စတာယူနိုက်တက်ရဲ့ ဂန္ထဝင်ကြီး ရွိုင်ကင်းန်ကို အခြေခံထားတာမို့ အပြင်ကအတိုင်း ဒေါသထွက်လွယ် လက်ပါလွယ် အချိန်ရှိတိုင်း မာန်ဖီပြီး အားတိုင်းဆဲနေတဲ့ ဘီးကျဲပေါ့။ " သူ့နည်းပြပုံက ဘာကိုမှအတင်းအကျပ်မလုပ်ခိုင်းတဲ့ သိမ်သိမ်မွေ့မွေ့ နည်းပြပုံမျိုးပေါ့။ ဒါပေမဲ့ သူ့တည်ရှိမှုကို ခင်ဗျားတို့ ဥပေက္ခာမပြုနိုင်တော့တဲ့အထိ သူ့ယုံကြည်မှုက တဖြည်းဖြည်းချင်းကြီးထွားလာလိမ့်မယ်။ သူ့နည်းပြပုံဟာ နောက်လိုက်တွေကို ခေါင်းဆောင်တွေ ဖြစ်လာခွင့်ပြုထားတာမျိုးလည်း ဖြစ်နိုင်သလို သူ့အစာအိမ်ကို ဗြောင်းဆန်စေမှာသေချာတဲ့ ပူလောင်ပူစပ်အစားအစာတွေကို တစ်ဖက်သားအတွက်တွေးပေးပြီး စားလိုက်တာမျိုးလည်းဖြစ်နိုင်တယ်။ ဒီမြေဒီရေမှာ တက်ဒ်လာဆို ကျရှုံးမှာပါပဲလို့ ကျွန်တော်ယုံနေပေမဲ့... ရစ်ခ်ျမွန်အသင်းကလည်း တန်းဆင်းသွားရတယ် ဆိုတဲ့ ရှက်ဖွယ်အတိဖြစ်ရပ်နဲ့ ပက်ပင်းတိုးရလိမ့်မယ်လို့ ကျွန်တော်ယုံနေပေမဲ့... အဲဒီလိုဖြစ်လာတဲ့အခါမှာ ကျွန်တော်နှစ်ထောင်းအားရတော့ ဖြစ်မိမှာမဟုတ်ဘူး။ ဘာကြောင့်လဲဖြေရရင်တော့ သူ့ကို အားပေးချင်တဲ့စိတ်ကို ချွန်းအုပ်ဖို့ ကျွန်တော် ဘယ်လိုမှ မတတ်နိုင်လို့ပါပဲ။ " - Trent Crimm, The Independent Ted Lasso ဟာ သူ့ကိုယ်နှိုက်ကိုက ကိုယ်ကိုင်တဲ့အသင်း နိုင်နိုင်ရှုံးရှုံးကို သိပ်အာရုံစိုက်နေတာမဟုတ်ဘဲ အသင်း‌သားတွေကိုပဲ ပိုတိုးတက်အောင် လုပ်ပေးချင်စိတ်ရှိတဲ့ နည်းပြမျိုးဖြစ်တယ်။ Tactical နည်းပြမဟုတ်ဘဲ ဖလော်နည်းပြမျိုးလို့ ပြောရမယ်ထင်ပါတယ်။ အဲဒီအတွက် သူဟာ အသင်းထဲက ဘယ်သူ့ကိုမဆို အကြွင်းမဲ့ ယုံကြည် အားပေးတတ်တယ်။ အေးအတူ ပူအမျှ ဘာမဆို မျှဝေခံစားနိုင်အောင် အသင်းအဖွဲ့စိတ်ဓာတ်ကို သူကြုံခဲ့တဲ့ အတွေ့အကြုံ ပုံတိုပတ်စလေးတွေနဲ့ ရုပ်ရှင်ဇာတ်ကားနာမည်တွေ အကြောင်းအရာတွေ သုံးပြီး သိမ်သိမ်မွေ့မွေ့ ရိုက်သွင်းတယ်။ ထရိန်နင်ဆင်းတဲ့အချိန်၊ ပွဲမကန်ခင်အချိန်၊ ဒုတိယပိုင်းမစခင်အချိန်၊ ပွဲပြီးသွားတဲ့အချိန်တွေမှာ အခြေအနေနဲ့ လိုက်ဖက်ညီအောင် သူပြောတဲ့ ဒိုင်ယာလော့ အတွေးအခေါ်တွေဟာ ဒီစီးရီးရဲ့ အနှစ်သာရ တစ်ခုပဲ ဖြစ်တယ်။ ဒါပေမဲ့ Ted ကိုယ်တိုင်ကလည်း လူသားတစ်ယောက်ပါပဲ။ ဘာမှ သူများထက်ထူးပြီး နဖူး ဂျိုတက်ပေါက်နေတဲ့သူမဟုတ်လို့ သူ့မှာလည်း စိတ်ဓာတ်ကျတဲ့အချိန်တွေ တစ်ခါတလေ ကြုံရတယ်။ ဒါပေမဲ့ သူဖြစ်နေတာတွေကို အံကြိတ် ဘယ်သူ့ကိုမှ မဖွင့်ဟဘဲ လူတိုင်းရှေ့ အပြုံးနဲ့နေနေရင်း စိတ်ခံနိုင်စွမ်းကုန်သွားတဲ့အချိန်ကျ သူဟာလည်း လူထဲကလူ တစ်ယောက်ဖြစ်မှန်း ကျွန်တော်တို့တွေ နားလည်လာရတယ်။ ဒါပေမဲ့လည်း သူ လူပေါင်းဆံ့လွန်းလို့ တချို့ မိတ်ဆွေတွေရဲ့ အကူအညီတွေနဲ့ ပြန်အားမွေးထူထောင်ပြီး နှစ်လို အားရစရာကောင်းတဲ့ အပြုံးနဲ့အတူ လူရှေ့သူရှေ့ ပြန်ထွက်လာချိန်တွေအထိ ကျွန်တော်တို့တွေဟာ Ted နဲ့အတူ အောင်မြင်ချိန် ကျဆုံးချိန်‌တိုင်းကို လိုက်ပါစီးမျောရပါလိမ့်မယ်။ " ကမ္ဘာပေါ်မှာ အပျော်ဆုံးတိရစ္ဆာန်က ဘာကောင်လို့ မင်းထင်လဲ... ရွှေငါးလေ ဘာလို့လဲသိလား... ရွှေငါးတွေက ဆယ်စက္ကန့်ကျော်ရင် ဘာမှမမှတ်မိတော့ဘူး... ရွှေငါးလိုနေ ဆမ် ဟုတ်ပလား... " (ဒီစီးရီးကို အညွှန်းရေးသား ဘာသာပြန်ပေးသူတွေကတော့ WiRa Aung နဲ့ 666 ပဲဖြစ်ပါတယ်) Size ~ 500MB+ Total - 10 Episodes Quality – 1080p Duration ~ 35min (@Episode) Subtitle – Myanmar Hardsub Format – Mp4 Genre : Comedy, Drama, Sport Source : ATVP.Web-dl.1080p Translator – WiRa Aung, 666 Encoder – Y

တစ်ခေတ်တစ်ချိန်က အောင်မြင်ခဲ့ပြီး ဆုပေါင်းများစွာအရယူထားနိုင်ခဲ့တဲ့ Marry Poppins (1964) ရဲ့ Sequal အဖြစ် အခု ၂၀၁၈ မှာMary Poppins' Return ဆိုပြီး ပြန်လည်အသက်သွင်းခဲ့တဲ့ဇာတ်ကားဖြစ်ပါတယ်။ Mary Poppins ဆိုတာ မှော်ဆရာမလေးတစ်ဦး၊ သူဘယ်ကလာလဲ၊ ဘယ်အချိန်ပေါ်လာမလဲ၊ ဘာကြောင့်မှော်အစွမ်းတွေရထားတာလဲဆိုတာတော့ဘယ်သူမှမသိပါဘူး။ Mary Poppins' Return အကြောင်းမပြောခင် Mary Poppins (1964) အကြောင်းလေးကနေစပြောမှ ဇာတ်ရေနည်းနည်းလည်ပါလိမ့်မယ်။ Jane Banks နဲ့ Michael Banks တို့ငယ်ငယ်တုန်းက Mary Poppins က ကလေးထိန်းအဖြစ်နဲ့ စောင့်ရှောက်ပေးခဲ့ပါတယ်။ အဲ့ဒီမောင်နှမနှစ်ယောက် အဖေဖြစ်သူနဲ့အဆင်ပြေပြေဖြစ်သွား၊ မိသားစုကိစ္စတွေလဲပြေပြေလည်လည်ဖြစ်သွားခဲ့တဲ့အချိန်မှာ Mary Poppins ကသူ့ရဲ့မူလနေရာလို့ဆိုရမယ့် လန်ဒန်မိုးကောင်းကင်ပေါ်ကို ပြန်သွားခဲ့ပါတယ်။ အဲ့အချိန်ကစပြီး Jane နဲ့ Michael တို့နှစ်ယောက် Mary Poppins ကိုပြန်မတွေ့တော့ပါဘူး။ Mary Poppins နဲ့အတူ ကြုံတွေ့ခဲ့ရတဲ့ အထူးအဆန်းတွေ၊ စွန့်စားခန်းတွေက အိပ်မက်လိုလို စိတ်ကူးယဉ်မှုလိုလိုနဲ့ပဲ ထင်ယောင်ထင်မှားဖြစ်ကျန်ခဲ့ပါတယ်။ အခုဒီ Mary Poppins' Return မှာတော့ ဇာတ်ကားနာမည်အတိုင်းပဲ Mary Poppins ကောင်းကင်ပေါ်က ပြန်ဆင်းလာပါပြီ။ Jane နဲ့ Michael လဲ လူကြီးအရွယ်ရောက်၊ Michael ဆို ကလေးသုံးယောက်တောင်ရနေပါပြီ။ Michael က မိန်းမလဲဆုံးပါးသွားသလိုစီးပွားရေးအကြပ်အတည်းဖြစ်နေတာကြောင့် သူအလုပ်လုပ်တဲ့ဘဏ်မှာပဲ သူ့အိမ်ကို ပေါင်ထားခဲ့ပါတယ်။ ဒါပေမယ့် အတိုးတွေမဆပ်နိုင်ဖြစ်လာတဲ့အခါအိမ်ကို ဘဏ်ကနေ သိမ်းယူတော့မယ့်အခြေအနေမျိုးဖြစ်လာပါတယ်။ အဲ့အချိန်မှာပဲ Mary Poppins ကောင်းကင်ပေါ်ကဆင်းလာပြီးMichael ရဲ့ကလေးသုံးယောက်ကို စောင့်ရှောက်ပေးမယ့် ကလေးထိန်းအဖြစ် ပြန်လာခဲ့ပါတယ်။ ဟိုးအရင်တုန်းကအတိုင်း Banks မိသားစုရဲ့အခက်အခဲတွေကို Mary Poppins တစ်ယောက် ကူညီဖြေရှင်းပေးဖို့အတွက်ရောက်လာခဲ့တာပဲဖြစ်ပါတယ်။ ဒီဇာတ်ကားက Musical, Comedy, Family, Fantasy အမျိုးအစားဇာတ်ကားဖြစ်တာကြောင့် ပေါ့ပေါ့ပါးပါး မိသားစုနဲ့အတူကြည့်လို့ကောင်းမယ့်ဇာတ်ကားမျိုးလေးဖြစ်ပါတယ်။ (ဇာတ်လမ်းအညွှန်းနဲ့ဘာသာပြန်သူကတော့ ကိုဟိန်းမင်းထွန်းပါ) File Size : (950 MB) and (400 MB) Quality : Blu-Ray 720p Running Time : 2hr 10min Format : Mp4 Genre : Comedy, Family, Fantasy Subtitle : Myanmar Subtitle (Hard Sub) Source : 720p.BluRay.x264-DRONES Translated by Hein Min Tun Encoded by Thanhtike Zaw

Jupiter Ascending (2015) ဒီဇာတ်ကားကတော့ အကာသသိပ္ပံအက်ရှင်ဇာတ်ကားတစ်ကားဖြစ်ပြီး ဒါရိုက်တာ Wachowskis ကရိုက်ကူးထားတာပါ။ သရုပ်ဆောင်တွေအဖြစ် Mila Kunis, Channing Tatun, Sean Bean, Eddie Redmayne, Douglas Booth တို့ပါဝင်ထားပါတယ်။ ဇာတ်လမ်းအကျဉ်း လူသားတွေကို နတ်ဘုရားတွေကအုပ်စိုးတဲ့အနာဂါတ်ကာလမှာဖြစ်ပါတယ်။ Jupiter Jones ဟာကံမကောင်းတဲ့ ရုရှားပြောင်းရွှေ့အခြေချနေထိုင်သူတစ်ဦးဖြစ်ပြီး အလုပ်အကိုင်အဖြစ် အိမ်သာတွေကိုသန့်ရှင်းရေးလုပ်ပြီး အသက်မွေးပါတယ်။ ဂျူပီတာဟာ နက္ခတ်တာရာကြည့်မှန်ပြောင်းဝယ်ဖို့ ငွေလိုသဖြင့် သူ၏အစ်ကိုဝမ်းကွဲ အကြံပေးချက်ကြောင့် မမျိုးဥကို ဆေးခန်းတစ်ခုမှာသွားရောင်းပါတော့တယ်။ ဆေးခန်းမှာ မထင်မှတ်ထားတဲ့တိုက်ခိုက်ခံရမှုတွေကြားမှ ကယ်တင်ရှင်တစ်ဦးပေါ်လာကာ သူမသည် တော်ဝင်သွေးဖြစ်ကြောင်း သိလိုက်ရပါတော့တယ်။ သူမ၏ ဇစ်မြစ်က သူမကို ဘယ်လိုအန္တရယ်ဖြစ်စေနိုင်မလဲ၊ သူမကို ဘာကြောင့်အန္တရာယ်ပြုချင်နေရတာလဲ စသည်တို့ကို ကြည့်ရှုခံစားရမည့် ဇာတ်ကားတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Eunice ဖြစ်ပါတယ်။) File size…(1.7 GB) / (1 GB) Quality….Blu-Ray 1080p HEVC / 720p Format…. mkv/mp4 Genre….Action, Adventure, Sci-Fi Duration….02:08:26 Subtitle….Myanmar Subtitle (Hardsub) Encoder….Benjamin Translated by Eunice

ဗြိတိန်အင်ပါယာက ကိုလိုနီနယ်မြေတွေမှာ ကြံ၊ ကော်ဖီနဲ့ တခြားစိုက်ပျိုးရေးလုပ်ငန်းတွေ လုပ်ကိုင်ရင်း ကျွန်တွေရဲ့လုပ်အားအပေါ် မှီခိုနေတဲ့ကာလပါ။ ကုန်ကျစရိတ်သက်သာပြီး လုပ်အားကို ခေါင်းပုံဖြတ်နိုင်တဲ့အတွက် ကျွန်ကူးသန်းရောင်းဝယ်မှုကနေ အကျိုးအမြတ်ရနေသူတွေ ရှိနေပါတယ်။ ၁၈ ရာစုမှာတော့ ဗြိတိန်ပါလီမန်အမတ် William Wilberforce ဟာ ကျွန်ကူးသန်းရောင်းဝယ်မှုကို ဖျက်သိမ်းဖို့ ဦးဆောင်လှုပ်ရှားလာတယ်။ သူတင်ပြတဲ့ အပြောင်းအလဲကို လက်ခံသူတွေ ရှိသလို လက်ရှိစနစ်ကနေ အကျိုးအမြတ်ရနေသူတွေကလည်း ကန့်ကွက်ကြပါတယ်။ သူနဲ့အတူ လှုပ်ရှားနေသူတစ်စုဟာ အကြိမ်ကြိမ် မအောင်မြင်ခဲ့ပေမယ့် ဆက်ကြိုးစားကြရတယ်။ ဒီဇာတ်ကားမှာ သူတို့ရဲ့ကြိုးပမ်းမှုတွေနဲ့အတူ အဲဒီခေတ်က ပါလီမန်အမတ်တွေနဲ့ လူထုက ကျွန်စနစ်ကို ဘယ်လိုမြင်ကြသလဲဆိုတာ ဖော်ပြထားပါတယ်။ အဓိကဇာတ်ဆောင်အဖြစ် Ioan Gruffudd ပါဝင်ထားပြီး Benedict Cumberbatch လည်း သရုပ်ဆောင်ထားပါတယ်။

သမိုင်းဝင် စစ်ပွဲနောက်ခံ ရုပ်ရှင်တွေကို နှစ်သက်တဲ့ ပရိသတ်ကြီးအတွက် ဒီနေ့တော့ ချက်သမ္မတနိုင်ငံ (Czech Republic) ကနေ ထွက်ရှိခဲ့ပြီး ဒုတိယကမ္ဘာစစ်အတွင်းက လေတပ်သူရဲကောင်းတွေရဲ့ ဘဝကို အကောင်းဆုံး ပုံဖော်ထားတဲ့ "Dark Blue World" (၂၀၀၁) - ချက်ဘာသာဖြင့် Tmavomodrý svět ရုပ်ရှင်ကားကို တင်ဆက်‌ပေးချင်ပါတယ်။ ဒီကားဟာ ၁၉၉၆ ခုနှစ်က Kolya ဇာတ်ကားနဲ့ အော်စကာဆု ရရှိခဲ့တဲ့ ဒါရိုက်တာ Jan Svěrák ကိုယ်တိုင် ရိုက်ကူးထားတာဖြစ်ပြီး မေတ္တာ၊ သံယောဇဉ်နဲ့ စစ်ပွဲရဲ့ အနိဋ္ဌာရုံတွေကို ရင်နင့်ဖွယ် တွေ့မြင်ရမယ့် ဇာတ်ကားကောင်း တစ်ကားဖြစ်ပါတယ်။ ဇာတ်လမ်းဟာ ၁၉၅၀ ခုနှစ် စစ်အေးခေတ်ကာလ (Cold War) က ချက်ကိုဆလိုဗက်ကီးယား (Czechoslovakia) နိုင်ငံရဲ့ အကျဉ်းထောင်တစ်ခုကနေ စတင်ပါတယ်။ ဒုတိယကမ္ဘာစစ်အတွင်းက ဗြိတိန်တော်ဝင်လေတပ် (RAF) မှာ တာဝန်ထမ်းဆောင်ခဲ့တဲ့ လေယာဉ်မှူးဟောင်း 'ဖရန်တာ' (František Sláma - သရုပ်ဆောင် Ondřej Vetchý) ဟာ အနောက်အုပ်စုအတွက် တိုက်ပွဲဝင်ခဲ့တယ်ဆိုတဲ့ အကြောင်းပြချက်နဲ့ ကွန်မြူနစ်အစိုးရရဲ့ ဖမ်းဆီးအကျဉ်းချခြင်းကို ခံနေရတာပါ။ အဲဒီနောက်မှာတော့ ဇာတ်လမ်းက ၁၉၃၉ ခုနှစ် အတိတ်ကာလကို ပြန်သွားပါတယ်။ နာဇီဂျာမနီတွေ သူတို့နိုင်ငံကို ကျူးကျော်ဝင်ရောက်လာတဲ့အခါ၊ ဖရန်တာ နဲ့ သူ့ရဲ့ တပည့်ဖြစ်သူ လူငယ်လေယာဉ်မှူးလေး 'ကာရယ်' (Karel Vojtíšek - သရုပ်ဆောင် Kryštof Hádek) တို့ဟာ ဂျာမန်တွေကို တော်လှန်ဖို့ ဗြိတိန်နိုင်ငံကို ထွက်ပြေးပြီး ဗြိတိန်တော်ဝင်လေတပ် (RAF) မှာ သွားရောက်ပူးပေါင်းခဲ့ကြပါတယ်။ စစ်မြေပြင်မှာ လေယာဉ်တွေနဲ့ အသေအလဲ တိုက်ပွဲဝင်ရင်း သူတို့နှစ်ယောက်ရဲ့ ညီအစ်ကိုလို ခိုင်မာတဲ့ သံယောဇဉ်ကို တည်ဆောက်နိုင်ခဲ့ပေမယ့်၊ အင်္ဂလိပ် အမျိုးသမီးလေး ဆူဆန် (Susan - သရုပ်ဆောင် Tara Fitzgerald) နဲ့ တွေ့ဆုံချိန်မှာတော့ ဆရာတပည့် နှစ်ယောက်လုံးက ဆူဆန် အပေါ် စိတ်ဝင်စားမိရာကနေ အချစ် တြိဂံ (Love Triangle) အကျပ်အတည်းတစ်ခု ပေါ်ပေါက်လာပါတယ်။ ချစ်ခြင်းမေတ္တာနဲ့ သူငယ်ချင်း သံယောဇဉ်ကြားက အားပြိုင်မှု၊ စစ်ပွဲရဲ့ ရက်စက်မှုတွေကို ရင်တမမနဲ့ ကြည့်ရှုရမှာပါ။ "Dark Blue World" ဟာ ကြီးကျယ်ခမ်းနားတဲ့ လေကြောင်းတိုက်ပွဲတွေနဲ့အတူ လူသားတွေရဲ့ ချစ်ခြင်းမေတ္တာ၊ အနစ်နာခံမှုနဲ့ သမိုင်းရဲ့ ခါးသီးတဲ့ အမှန်တရားတွေကို ပေါင်းစပ်တင်ဆက်ထားတဲ့ ရုပ်ရှင်ကားကောင်း တစ်ကားဖြစ်ပါတယ်။ သာမန် အက်ရှင် စစ်ကားတွေထက် စိတ်ပိုင်းဆိုင်ရာ ရိုက်ခတ်မှု ပိုများတဲ့ စစ်ပွဲနောက်ခံ ဒရာမာဇာတ်ကားတွေကို သဘောကျတယ်ဆိုရင်တော့ အချိန်ပေးပြီး ကြည့်ရှုဖို့ အထူးပဲ တိုက်တွန်းလိုက်ပါတယ်။ File size…    1.66 GB / 500 MB Quality… Blu-ray 1080p / 720p Format… mp4 Duration…. 1h 52m Genre ..... War , Drama , Action Subtitle…. Myanmar Subtitle (Hard Sub)