Jessica Tuck ပါဝင်သော ဇာတ်ကားများ

လူငယ်ဇာတ်ကားကောင်းဟောင်းလေးတစ်ကားတင်ပေးချင်ပါတယ်။ ၂၀၁၁ခုနှစ်ထွက် Science Fiction/Thriller ကားကောင်းလေးဖြစ်ပြီး ငွေကြေးပိုင်းဆိုင်ရာတွင်အောင်မြင်မှုများစွာရရှိခဲ့ပြီး ဒေါ်လာသန်း၂၆၀အထိ ရုံဝင်ငွေရရှိ ခဲ့ပါတယ်။ ထို့အပြင် များစွာသောဆုတွေရရှိခဲ့ပြီး အထူးသဖြင့် နည်းပညာပိုင်းဆိုင်ရာနှင့် ကွန်ပျူတာအထူးပြုလုပ်ချက်၊ ဂီတပိုင်းဆိုင်ရာနှင့် သရုပ်ဆောင်မှုများတွင် ဝေဖန်မှုကောင်းကောင်းရခဲ့တဲ့ကားလေး ဖြစ်ပါတယ်။ ဇာတ်အိမ်ကိုတော့ ၁၉၇၉ခုနှစ် နယ်မြို့လေးတစ်မြို့ကိုအခြေတည်ထားပါတယ်။ နယ်ထိန်းရဲတစ်ယောက် ဖြစ်တဲ့ဂျက်နှင့် သူ့သားဖြစ်သူ ဂျိုးတို့ဟာ စတီးမိုင်းတစ်ခုမှ မတော်တဆမှုကြောင့် မိခင်ဖြစ်သူ အယ်လီဇဘယ် သေဆုံးသွားတဲ့အတွက် ပူဆွေးဝမ်းနည်းနေခဲ့ ရပါတယ်။ ဒါတွေအားလုံးဟာ သူမရဲ့လုပ်ဖော်ကိုင်ဖက်ကြောင့်ဆိုပြီး အပြစ်တင်နေခဲ့ပါတယ်။ ဒီလိုနဲ့လေးလလောက်ကြာတဲ့အခါမှာဂျိုးရဲ့သူငယ်ချင်းဖြစ်သူချားစ်က နိုင်ငံတကာရုပ်ရှင်ပွဲတော်ပြိုင်ပွဲအတွက် ရုပ်ရှင်အတိုလေးတစ်ခုရိုက်ကူးရန် စတင်လုပ်ဆောင်ပါတော့တယ်။ ဇာတ်လမ်းကအဲဒီမှာစတာပါပဲ။ အခြားသောသူငယ်ချင်းများရဲ့အကူအညီနဲ့အတူ ချားစ်တစ်ယောက်ဇာတ်လမ်းတိုလည်းစရိုက်ပါတယ်။ တစ်နေ့ ညအချိန်ကြီး မီးရထားဘူတာအနီးတွင် ရိုက်ကွင်းတစ်ခုရိုက်ရန်လုပ်နေကြပါတယ်။ အစမ်းလေ့ကျင့်နေကြစဉ်မှာပဲ အနီးနားက ဖြတ်သွားတဲ့ရထားေ့ရှကို ပစ်ကပ်ကားအဖြူတစ်စီး ပြေးဝင်သွားရကစပြီး ရထားတွဲလည်းပြိုလဲသွားကာ ဂျိုးစ်တို့သူငယ်ချင်းတစ်စုလည်း ပေါက်ကွဲမှုအရှိန်ကြောင့်တကွဲတပြားစီဖြစ်ကုန်ပါတယ်။ အဲဒီနောက် လူတွေပြန်စုမိပြီး လူငယ်တွေသဘာဝအတိုင်းဖြစ်ပျက်ရသည့်အကြောင်းအရာကိုသွားစပ်စုကြည့်တဲ့အခါမှာတော့ ကားမောင်းသူမှ သူတို့ရဲ့ဇီဝဗေဒဆရာ ဒေါက်တာဝုဒ်ဝေါ့ဒ်ပဲဖြစ်နေပါတယ်။ အသက်မနည်းရှုနေရတဲ့ ဒေါက်တာဝုဒ်တစ်ယောက် လူငယ်တွေကိုသေနတ်တလက်နဲ့ချိန်ရင်း သူတို့မြင်ခဲ့သမျှတွေကိုဘယ်သူ့ကိုမှပြောဖို့ ပြောရင်တမိသာစုလုံး ဒုက္ခရောက်မယ်ဆိုပြီးခြိမ်းခြောက်ပါတော့တယ်။ ကံကောင်းတာကတော့ အဲဒီလိုဖြစ်သွားချိန်ကို ရုပ်ရှင်ရိုက်နေသည့် ကင်မရာမှအမှတ်မထင်မှတ်တမ်းတင်ထားပြီးဖြစ်နေပါတယ်။ ထို့နောက်အမေရိကန်စစ်တပ်ကပါဝင်ရောက်စွက်ဖက် လာပြီး အဲဒီနယ်မြေကိုအတင်းအကျပ် ချုပ်ကိုင်ဖို့ကြိုးစားပါတော့တယ်။ ရထားထဲမှာဘာတွေပါလို့လဲ။ ေ ဒါက်တာဝုဒ်ရဲ့ရောဘယ်လိုဆက်စပ်နေလဲ။ အစိုးရစစ်တပ်ကပါ ဖုံးဖုံးဖိဖိ ကြိတ်ဖြေရှင်းဖို့ကြိုးစားရလောက်အောင် နောက်ကွယ်ကဘယ်လိုကိစ္စရပ်တွေရှိနေလဲဆိုတာကတော့ စိတ်ဝင်စားစရာပါ။ Rating အနေနဲ့လည်း 7အထိရရှိ ထားတဲ့အတွက် လူငယ်ကားလေးတွေ၊ လျို့ဝှက်ဆန်းကြယ်ဇာတ်ကားတွေကိုကြိုက်နှစ်သက်သူများအတွက် ဇာတ်ကားကောင်းလေးပါပဲ။ File Size : (900 MB) and (350 MB) Quality : Blu-Ray 720p Running Time : 1hr 52min Format : Mp4 Genre : Mystery, Sci-Fi, Thriller Subtitle : Myanmar Subtitle (Hard Sub) Source : BluRay.720p.x264.DTS-HDChina Subtitle by Wai Linn Kyaw Encoded by Thanhtike Zaw

ရှာပေဟာ သူတို့နယ်မြို့လေးက Country Club မှာ ခွေးလေးဘွိုင်နဲ့အတူ ဖျော်ဖြေနေရာက Broadway ဒါရိုက်တာတစ်ယောက်ရဲ့ သဘောကျမှုကို ရသွားပါတယ်။ လူရွေးပွဲဝင်ဖို့ ကမ်းလှမ်းခံရတဲ့ ဂီတပြဇာတ်အသစ်မှာလည်း သူသိပ်အားကျတဲ့ အမ်ဘာလီအာဒမ်စ်က ပါဝင်မှာတဲ့။ ဒါကြောင့် ရှာပေက သူ့အိပ်မက်ကို အကောင်အထည်ဖော်ဖို့ နယူးယောက်ကို သွားချင်နေပါတယ်။ ဖခင်ဖြစ်သူကတော့ သမီးအဆင်သင့်မဖြစ်သေးမှာ စိုးရိမ်လို့ စိတ်မချဘူး။ ရှာပေက အစီအစဉ်တွေ သေသေချာချာ ချပြပြီး ညှိနှိုင်းတဲ့အခါ အပေးအယူတစ်ခုနဲ့ မိဘတွေရဲ့ခွင့်ပြုချက် ရလာပါတယ်။ သူလုပ်နိုင်ကြောင်း သက်သေပြဖို့ အချိန်တစ်လရမယ်။ အစီအစဉ်မအောင်မြင်ခဲ့ရင်တော့ အိမ်ပြန်လာပြီး အဖေ့အတွက် အလုပ်လုပ်ပေးရမှာပါ။ ဒီလိုနဲ့ Broadway လူရွေးပွဲကို ရောက်သွားချိန်မှာတော့ ဒါရိုက်တာလိုချင်တာက သူ့ကိုမဟုတ်ဘဲ ခွေးလေးဘွိုင်ကို ဖြစ်နေတယ်။ မျှော်လင့်ထားသလို ဖြစ်မလာတဲ့ ရှာပေက ဘွိုင်ကို လူရွေးပွဲဝင်ခွင့် ပေးပါ့မလား။ လူရွေးပွဲမှာ ဘယ်သူနဲ့ အပြိုင်နေရာလုရဦးမလဲ။ သူအားကျရတဲ့ အမ်ဘာလီကရော လက်တွေ့မှာ သူထင်ထားသလို လူမျိုးပဲလား။ ၂၀၁၁ ခုနှစ်ထွက် ဒီရုပ်ရှင်ဟာ High School Musical ထဲက Sharpay Evans ဇာတ်ကောင်ကို မူလသရုပ်ဆောင်နဲ့ပဲ သီးခြားခွဲထုတ်ရိုက်ကူးထားတာပါ။ ပန်းရောင်အပြင်အဆင်တွေနဲ့အတူ Disney ဂီတရုပ်ရှင်ဟန်အတိုင်း သီချင်းတွေ ပါဝင်ပါတယ်။

ဒီတစ်ခါကတော့ IMDb 6.7ရရှိထားတဲ့ Indiana Jonesမင်းသားကြီး Harrison Fordရဲ့ Crime, Dramaကားလေးတစ်ကားပါပဲ ဇာတ်လမ်းအညွှန်းကတော့ မင်းသားကြီး Harrison Ford ဟာ Max Brogan ဆိုတဲ့ ရဲတစ်ယောက်ပါ။ တစ်နေ့မှာ သူ့ရဲ့တပ်ဖွဲ့နဲ့ အမေရိကန်နိုင်ငံအတွင်းမှာ တရားမဝင်‌ဘဲနေနေတဲ့ လူတွေကို လိုက်လံဖမ်းဆီးတဲ့နေရာမှာ ဖမ်းမိတဲ့မိန်းကလေးတစ်ယောက်က သူ့သားလေးကို ကူညီဖို့အကူအညီတောင်းတဲ့အခါ သူက သဘောကောင်းလွန်းနေသူဖြစ်တာကြောင့်ကူညီဖို့ကြိုးစားပါတော့တယ်။ တစ်ခုပြောချင်တာက ဒီဇာတ်ကားမှာ Harrison Fordဟာ အဓိကပါဝင်ပေမဲ့ သူ့တစ်ယောက်တည်းအကြောင်းမဟုတ်ပါဘူး။ အမေရိကန်နိုင်ငံထဲမှာနေနေကြတဲ့ တခြားနိုင်ငံကလာတဲ့လူတွေရဲ့ အခက်အခဲတွေ အတွေ့အကြုံတွေကိုလဲ ၄, ၅မျိုးခွဲပြီးတစ်ခါတည်း ရိုက်ပြထားပါတယ် ပြီးတော့လည်း ထိုအကြောင်းတွေဟာ တစ်ယောက်နဲ့တစ်ယောက် ဆက်စပ်နေတာမို့ ပုံမှန်မဟုတ်တဲ့ ခံစားချက်တစ်မျိုးနဲ့ကြည့်ရမှာပဲဖြစ်ပါတယ်။ ပြီးတော့ ဒီဇာတ်ကားထဲမှာ ၁၈ယောက်ရှိမှကြည့်လို့ရတဲ့ အခန်းအချို့လဲပါဝင်တာမို့လို့ မိသားစုနဲ့တော့ အတူမကြည့်ပါနဲ့လို့ ပြောချင်ပါတယ်ခင်ဗျာ။

Highschool Musical ရဲ့ ၃ကားမြောက်မှာလည်း ၁နဲ့၂က သရုပ်ဆောင်တွေ အစုံအလင်ပြန်ပါလာပါတယ်။ ဒီကားမှတော့ ထရိုင်နဲ့အိစ့်ဟိုက်က သူငယ်ချင်းတစ်သိုက်ဟာ စီနီယာတန်းပြီးဆုံးပြီး ကျောင်းတော်ကြီးကို ခွဲခွာရတော့မှာ ဖြစ်တာကြောင့် တက္ကသိုလ်တက်ရောက်ဖို့အတွက် လျှောက်လွှာတွေ အသီးသီးပြင်ဆင်နေကြပါတယ်။ ဒီအချိန်မှာပဲ တစ်သက်လုံံးဘတ်စကတ်ဘောအတွက် ရှင်သန်လာတဲ့ ထရိုင်ဟာ သူ့မှာနောက်ထပ် Passion တစ်ခုရှိနေမှန်းသိလာရပါတယ်။ ဒါပေမယ့် သူ့ကို အောင်မြင်တဲ့ ဘတ်စကတ်ဘောကစားသမားဖြစ်စေချင်တဲ့ ဖခင်ဖြစ်သူနဲ့ အချစ်ဆုံးသူငယ်ချင်းဒန်းဖို့တို့ကြောင့် အကြပ်ရိုက်ပြီး ရွေးချယ်ရခက်နေပါတယ်။တစ်ဖက်မှာလည်း ထရိုင်ရဲ့ချစ်သူ ဂါဘရီရယ်လာကလည်း စတန်းဖိုဒ့်တက္ကသိုလ်မှာ ဥပဒေကျောင်းဝင်ခွင့် ရသွားတာကြောင့် ထရိုင်ဟာ မူလရည်ရွယ်ထားတဲ့ အယ်ဘာတာတက္ကသိုလ်မှာ တက်ဖြစ်ခဲ့ရင် သူတို့က မိုင်ပေါင်းထောင်ချီ ဝေးကွာသွားတော့မှာပါ။ ဒီတော့ထရိုင်အနေနဲ့ မိသားစု၊သူငယ်ချင်းနဲ့ချစ်သူတို့ကြားမှာ အကောင်းဆုံးဖြစ်နိုင်မယ့် ဆုံးဖြတ်ချက်ချသွားနိုင်မလား၊ ဖြစ်ချင်တာနဲ့ ဖြစ်သင့်တာ ဘာကိုဦးစားပေးသွားမလဲ၊ တစ်သက်လုံးဦးစားပေးဖြစ်လာတဲ့ ဘတ်စကတ်ဘောကို ဝေးဝါးလာစေတဲ့ ထရိုင်ရဲ့နောက်ထပ်Passionဆိုတာကကောဘာလဲ ကြည့်ရမှာဖြစ်ပါတယ်။ ဒီကားဟာ Highschool Musical Trilogy ရဲ့‌ နောက်ဆုံးကားဖြစ်သလို ဇာတ်လမ်းအရလည်း ထရိုင်နဲ့အိစ့်ဟိုက်ကျောင်းက သူငယ်ချင်းတစ်သိုက်ရဲ့ အထက်တန်းကျောင်းနောက်ဆုံးနေ့ရက်တွေကို ချယ်မှုန်းပြသထားပါတယ်။ High School Musical 3 ဟာ စာဒဏ်ကြောင့် အမှတ်တမဲ့ ပြီးဆုံးခဲ့ရတဲ့ ကျွန်တော်တို့ရဲ့ အထက်တန်းကျောင်းကနေ့ရက်တွေကို ပြန်လည်အမှတ်ရစေမှာဖြစ်သလို အထက်တန်းတက်ခဲ့စဉ်က ဆုံတွေ့ခဲ့ရတဲ့ သူငယ်ချင်းတွေရဲ့ မျက်နှာကို ပြန်လည် မြင်ယောင်မိလာစေမယ့်ကားလေးလည်းဖြစ်ပါတယ်။ File size…    4.17 GB /  1.78 GB Quality… BluRay 1080p / 720p Format… mp4 Duration…. 1h 52m Genre ..... Comedy/Drama/ Musical Subtitle…. Myanmar Subtitle (Hard Sub)

Highschool Musical 2 မှာလည်း 1 တုန်းကလိုပဲ Zac Efron ၊Velanessa Hudgens တို့ဦးဆောင်ပြီး တစ်ခြားသရုပ်‌ဆောင်တွေလည်း အပြည့်အစုံပြန်ပါလာပါတယ်။ ဒီကားမှာတော့ ထရိုင်တို့ အိစ့်ဟိုက်ကျောင်းသားတစ်သိုက်ဟာ ကောလိပ်စရိတ်စုဖို့အတွက် နွေရာသီအားလပ်ရက်မှာ လာဗာစပရင်းကျေးလက်ကလပ်မှာ အလုပ်လုပ်ဖို့ဖြစ်လာပါတယ်။ ဖြစ်ချင်တော့ လာဗာစပရင်းရဲ့ပိုင်ရှင်က ထရိုင်ကို တစ်ဖက်သတ်ကြိုက်နေတဲ့ သူဌေးသမီးလေးရှာပေးရဲ့ မိဘတွေဖြစ်နေပါတယ်။ ဒီအခွင့်အ‌ရေးကို အသုံးချပြီးရှာပေးက ထရိုင်နဲ့နီးစပ်ဖို့ကြိုးစားသလို ကလပ်မှာ အလုပ်ဝင်နေတဲ့ ထရိုင်ရဲ့ချစ်သူ ဂါဘရီရယ်လာနဲ့ ထရိုင်ရဲ့သူငယ်ချင်းတွေကို ဖိနှိပ်ပါတော့တယ်။ ထရိုင်ကိုလည်း ကောလိပ်အတွက်စကောလားရှစ်တွေနဲ့ပါ ဖျားယောင်းတော့ ထရိုင်တစ်ယောက် စိတ်ယိုင်သလိုဖြစ်ပြီး ချစ်သူနဲ့သူငယ်ချင်းတွေကို ပစ်ထားမိသလိုဖြစ်ပါတော့တယ်။ ဒီလိုနဲ့ လာဗာစပရင်းရဲ့ရိုးရာဖြစ်တဲ့ အလုပ်သမားတွေ ပါဝင်ဆင်နွှဲကြတဲ့နွေရာသီ တဲ့လန့်ရှိုးကျင်းပချိန်မှာတော့ ထရိုင်နဲ့ရှာပေးကတစ်ဖက် ဂါဘရီရယ်လာနဲ့ သူငယ်ချင်းတွေကတစ်ဖက် ပြိုင်ကြရဖို့ဖြစ်လာပါတယ်။ ချစ်သူနဲ့သူငယ်ချင်းတွေရဲ့ စိတ်ကွက်မှုကို ခံလာရတဲ့ ထရိုင်အနေနဲ့ အမှားကိုသိပြီး ပြန်ပြုပြင်သွားနိုင်မလား၊တဲလန့်ရှိုးမှာကော ဘယ်သူအနိုင်ရသွားမလဲ ကြည့်ရှုရမှာဖြစ်ပါတယ်။ ၂၀၀၀ ပြည့်နှစ်တွေက ရေပန်းစားခဲ့တဲ့ လူငယ်အချစ်ဟာသဇာတ်မြူးကားလေးဖြစ်ပြီး သီချင်းကောင်းလေးတွေ အများကြီးမြိုင်မြိုင်ဆိုင်ဆိုင်ပါတာကြောင့် မလွတ်တမ်းကြည့်ရှု့သင့်တဲ့ကားလေး ဖြစ်ပါတယ်။ File size…    3.6 GB /  1.7 GB Quality… BluRay 1080p / 720p Format… mp4 Duration…. 1h 44m Genre ..... Comedy/Drama/ Musical Subtitle…. Myanmar Subtitle (Hard Sub)

WILD HOGS (2007) "စစ်မှန်တဲ့ သူငယ်ချင်းတစ်ယောက်ဆိုတာ ကိုယ်နဲ့ နှစ်ကိုယ့်တစ်စိတ်ရှိနေသူပဲ"လို့ ဒဿနပညာရှင်ကြီး အရစ္စတိုတယ် ပြောဖူးပါတယ်။ ဒီရုပ်ရှင်ကတော့ ဘ၀တွေမတူ စိတ်အခြေအနေ‌ေတွ မတူပေမယ့် ရူးသွပ်မှုခြင်း တူညီကြတဲ့ လူလတ်ပိုင်းအရွယ် သူငယ်ချင်းလေးယောက်ရဲ့ ဗရုတ်သုတ်ခတွေအကြောင်းပါ။ အလုပ်သာ အဓိက ကျန်တာ သာမညထင်နေတဲ့ သွားဆရာ၀န် တစ်ယောက် ။ ဘာမှအဖြစ်မရှိတဲ့ ကွန်ပျူတာပရိုဂရမ်မာ တစ်ယောက် ။ အိမ်သာဆေးရတဲ့အထိ အလုပ်ကြမ်းပေါင်းစုံ လုပ်ရတဲ့ စာ‌ရေးဆရာရူးလူမည်းတစ်ယောက်။ လေးယောက်မြောက်ကတော့ သူတို့ထဲက ကံအကောင်း‌ဆုံး တစ်ယောက်လို့ သူတို့ကိုယ်တိုင်ပြောကြတဲ့ ပိုက်ဆံချမ်းသာပြီး မော်ဒယ်မကို လက်ထပ်ထားတဲ့ ဝူဒီ။ သူတို့အားလုံးမှာ တူညီတာကတော့ အမဲေရာင်ဂျာကင်‌ေတွ ၀တ်ပြီး ဆိုင်ကယ်ပတ်စီးကြတဲ့ ဆိုင်ကယ်သမားတွေ ဖြစ်ချင်ြကတာပါပဲ။ မြို့ထဲပဲပတ်မောင်းနေရတဲ့ သူတို့ဆိုင်ကယ်သမားအဖွဲ့ကိုလည်း Wild Horse:လို့ သူတို့ဘာသာ နာမည်ပေးထားပါသေးတယ်။ တစ်ရက်မှာတော့ သူတို့ထဲက ကံအကောင်း‌ဆုံးဝူဒီဟာ ဇနီးရယ်ကွာ အိမ်ရယ်က‌ဆုံး ပြီး တမုဟုတ်ချင်း ကံအဆိုးဆုံးတစ်ယောက်ဖြစ်သွားပါတယ္။ ဆန်အိုးသာကုန် မာန်မလျှော့သေးတဲ့ ဝူဒီဟာ ဒီအ‌ကြောင်းတွေကို သူငယ်ချင်းတွေကို မ‌ပြောဘဲ သူ့နောက်ဆုံး ပိုင်ဆိုင်မှုဖြစ်တဲ့ ဆိုင်ကယ်တစ်စီးနဲ့ မိုင်တစ်ထောင်ခရီးရှည်တစ်ခုထွက်ဖို့ ဆွယ်ပါတယ်။ နေရင်းထိုင်ရင်းတောင် ပြဿနာတက်နေကြတဲ့ Wild Hogs တွေဟာ ဒီခရီးရှည်ကြီးမှာ ပြဿနာကို ဘယ်လိုမီးခွက်ထွန်းရှာဦးမလဲ ဆိုတာ သဘာ၀ကျကျဟာသတွေနဲ့အတူ မြင်ကြရမှာပါ။ ကျွန်တော်မြင်ဖူးသမျှ ရုပ်ရှင်တွေထဲ အပီအပြင်ကြမ်းပြနေကြ ဂျွန် ထရာဗိုကြီးဟာ လူပေါဇာတ်ရုပ်နဲ့လည်း အတော်သရုပ်ဆောင် ကောင်းခဲ့ပါတယ်။ ဒီရုပ်ရှင်ဟာ ဟာသရုပ်ရှင်တစ်ခုပါပဲ။ ဒါပေမယ့် ဘ၀တစ်ခုမှာ သူငယ်ချင်းတွေ ဘယ်ရွေ့ဘယ်မျှ အရေးပါလဲဆိုတာ ‌ခင်ဗျားတို့ကို ကောင်းကောင်းကြီး ခံစားမိသွားစေမှာပါ။ သူငယ်ချင်းကောင်း‌ေတွဆိုတာ ဆုံတွေ့ဖို့ မလွယ်ပါဘူး။ တွေ့ပြီးတဲ့အခါကျလည်း သူတို့က ခင်ဗျားကို စွန့်ပစ်သွားဖို့ဆိုတာကလည်း ဒီထက်ပိုခက်ခဲပါတယ်။ သူတို့ကိုမေ့ပစ်ဖို့ဆိုတာကတော့ မဖြစ်နိုင်သလောက် ခက်ခဲတဲ့ အခက်ဆုံးအရာတစ်ခုပါပဲ။ File Size : (900 MB) and (346 MB) Quality : Blu-Ray 720p Format…mp4 Duration…01:40:00 Genre : Adventure, Comedy Subtitle : Myanmar Subtitle (Hard Sub) Translated by WiRa Aung Encoded by Phyo Pyae

ကျွန်တော်က Bruce Wayneပါ။ ဂေါ်သမ်ရဲ့ သူဋ္ဌေးသားလေး တစ်ယောက်ပေါ့။ ဂေါ်သမ်မြို့ရဲ့ သန်းခေါင်ယံမှာ ပျံသန်းနေတတ်တဲ့ လင်းနို့တစ်ကောင်လည်း ဟုတ်တယ်။ ဒါလည်း ဘောစိမို့ ပျံနိုင်တာပါ။ ဝတ်စုံတွေက ဈေးကြီးတယ်ဗျ။ တစ်ချို့နေ့တွေမှာ ဆင်းရဲသားတွေလို စက်ဘီးပေါ်မဟုတ်ပဲ ဈေးကြီးပေးဝယ်လို့တောင်မရတဲ့ BatMobile ပေါ် ကြေကွဲနေခဲ့တယ်။ သေလွန်ခဲ့ပြီးသော မိဘတွေအကြောင်းကို ဆွေးရင်းပေါ့။ ကျွန်တော့် အတိတ်ကို ကျွန်တော် ခြေရာကောက်ကြည့်တယ်။ ကျွန်တော် လက်စားချေချင်စိတ်ကို အစပြုပြီး ကျွန်တော်ရဲ့ Batman ဖြစ်တည်မှုက အစပြုခဲ့တယ်။ ကျွန်တော်လည်း လူသားပဲလေ တစ်ခါမှ မမြင်ဖူးခဲ့တဲ့ လူတွေကို ဘယ်ရွေ့ ဘယ်မျှအထိ ကယ်မနေရဦးမလဲ။ ကျွန်တော်လည်း မယားတရူးချင်သေးတယ်လေ။ မိန်းမတစ်ယောက်နဲ့ ဇိမ်လေးနဲ့ နှပ်... ဘော်ကြော့နေနေကြည့်ချင်သေးတယ်။ အတိတ်ဆိုတာ ပလိပ်(Police)လိုပါပဲ..လုပ်ဖူးတဲ့မကောင်းမှုတွေဆိုတာ ထပ်ကြပ်မကွာလိုက်လာတတ်တယ်။ ကျွန်တော် ကိုယ့်နေရာကိုယ်မနေပဲ ရန်သွားစထားခဲ့တဲ့ လူဆိုးတွေဟာ ကျွန်တော် အေးဆေးမနေရအောင် လုပ်ပြန်တယ်။ ထားပါ ထားပါ..ဇာတ်သိမ်းကိုခင်ဗျားတို့သိပါတယ်... အဆုံးမှာတော့ စူပါဟီးရိုးကားပီပီသသ စော်လေးကိုပစ်ပြီး အထီးကျန်ဟီးရိုးကြီးလုပ်ရဦးမှာပဲမလား။ ရုပ်ရှင်ပဲလေ..ကျွန်တော်ကလည်း Mtvရိုက်တဲ့ ဖိုးလပြည့် ပရဟိတလုပ်တဲ့ Bruce Wayneကိုး။ မဆိုးလှပါဘူး ကျွန်တော့်ကိုအထင်ကြီးတဲ့လူပေါသားဗျ။ ဘဝဆိုတာ ဒီလိုပဲပေါ့ ဒီလောက်နဲ့ပဲ ကျေနပ်ပါတယ်..ဗျာ။ ဒီ Batman ရုပ်ရှင်ကို Tim Burton Producerလုပ်ထားပြီး Val Kilmer, Jim Carrey နဲ့ Nicholas Kidmanတို့ Manin cast အဖြစ်ပါထားပါတယ်။ Batmanရဲ့ Popular Villan တွေထဲက Riddler နဲ့ Two-facesကို သုံးထားပြီး sidekick အနေနဲ့ Dick Graysonရဲ့ Robinကို သုံးသွားပါတယ်။ Nicholas Kidmanရဲ့ ငယ်ငယ်က အလှကို ခံစားရတာနဲ့တင် အတော်တန်တဲ့ကားလည်းဖြစ်ပါတယ်။ (အညွှန်းနဲ့ဘာသာပြန်သူကတော့ WiRa Aung ဖြစ်ပါတယ်) File size__( 999 MB) and ( 440 MB) Quality__BR-Rip 720p IMDb Rating__5.4/10 (216,065) Format__mp4 Duration__02:01:35 Type__Action, Adventure, Fantasy Subtitle__Myanmar Subtitle (Hardsub) Translated by WiRa Aung Encoded by Naing Aung Latt