Jimmy Yuill ပါဝင်သော ဇာတ်ကားများ

The Road Dance (2022) ဇာတ်လမ်းနောက်ခံကတော့ ၁၉၁၆ ခုနှစ် ပထမကမ္ဘာစစ်အတွင်း စကော့တလန်နိုင်ငံရဲ့ လူသူဝေးလံပြီး လှပအေးစက်လှတဲ့ Outer Hebrides ကျွန်းစုက ကျေးရွာလေးတစ်ခု ဖြစ်ပါတယ်။ ဇာတ်လိုက်မလေး Kirsty Macleodဟာ စာဖတ်ဝါသနာပါပြီး ဒီကျွန်းငယ်လေးကနေ ရုန်းထွက်ကာ အမေရိကတိုက်မှာ ဘဝသစ်စတင်ဖို့ အိပ်မက်ရှိသူလေးပါ။ သူမမှာ အပြန်အလှန် ချစ်ခင်ရတဲ့ ချစ်သူကောင်လေး Murdo ရှိပြီး ဘဝက ရိုးရှင်းအေးချမ်းနေခဲ့ပါတယ်။ ဒါပေမဲ့ စစ်ပွဲက ကျွန်းကလေးဆီ ကူးစက်လာပြီး Murdo အပါအဝင် ရွာကလူငယ်တွေ စစ်ထဲဝင်ဖို့ ဆင့်ခေါ်ခြင်း ခံရပါတော့တယ်။ သူတို့ စစ်မြေပြင်ကို မထွက်ခွာခင် နောက်ဆုံးညမှာ ရွာလုံးကျွတ် လမ်းမပေါ်မှာ သီချင်းဆို ကကြိုးဆန်းဆန်းတွေနဲ့ နှုတ်ဆက်ပွဲအဖြစ် ကခုန်ကြပါတယ် (ဒါကို ဇာတ်ကားခေါင်းစဉ်အရ The Road Dance လို့ ခေါ်တာပါ)။ အဲဒီညမှာပဲ... ပျော်စရာတွေကြားကနေ Kirsty အတွက် ဘဝတစ်ခုလုံး ဇောက်ထိုးမိုးမျှော်ဖြစ်စေမယ့် ဖြစ်ရပ်ဆိုးကြီး တစ်ခု ခါးသီးစွာ ကျရောက်လာပါတော့တယ်။ စစ်မြေပြင်က သတင်းဆိုးတွေ၊ ကျွန်းသားတွေရဲ့ ဝေဖန်မှုတွေနဲ့အတူ စိတ်ဒဏ်ရာတွေကို Kirsty တစ်ယောက်တည်း ဘယ်လိုမျိုး ကြံ့ကြံ့ခံ ကျော်ဖြတ်မလဲဆိုတာကို ရိုက်ပြထားပါတယ်။

ဟယ်လင် တာလစ်တ်ဟာ မတော်တဆမှုတစ်ခုကြောင့် တစ်နှစ်လောက် ကိုမာဝင်နေခဲ့ပြီး မှတ်ဉာဏ်တချို့ပဲ ကျန်တော့တဲ့အခြေအနေနဲ့ သတိပြန်ရလာပါတယ်။ သူ သတိမရသေးတဲ့ကာလအတွင်း ကလေးမွေးဖွားထားခဲ့တာကြောင့် ဆေးရုံမှာ သူ့ကို စောင့်ကြိုနေတာက လသားအရွယ် သမီးလေးတစ်ယောက်ပါ။ ဟယ်လင်ရဲ့စိတ်ထဲမှာ စွဲကျန်နေတာကတော့ မတော်တဆမှုမဖြစ်ခင် သူ့မျက်စိရှေ့မှာ ကိုယ့်ကိုယ်ကိုယ် သတ်သေသွားတဲ့ အဖေရောဘတ်ရဲ့အကြောင်းပါ။ အဖေ ဘာကြောင့် ဒီလိုလုပ်ခဲ့သလဲဆိုတာကို သူ နားမလည်နိုင်သေးဘူး။ ဆေးရုံကဆင်းပြီး အဖေနေခဲ့တဲ့အိမ်ကို ပြောင်းလာတဲ့အခါ အသက်ငါးနှစ်ကနေ ကိုးနှစ်အရွယ်ကြား ကလေးဝိဉာဉ်တွေကို မကြာခဏ မြင်လာရပါတယ်။ အဲဒီကလေးဝိဉာဉ်တွေကနေတစ်ဆင့် လွန်ခဲ့တဲ့ အနှစ်သုံးဆယ်လောက်က လူသတ်မှုတွေအကြောင်း ဟယ်လင် သိလာရတယ်။ အဲဒီဖြစ်ရပ်တွေနဲ့ အဖေရောဘတ် ဘယ်လိုပတ်သက်နေသလဲ၊ သူ့သမီးလေးဆီကိုရော ဘယ်လိုအန္တရာယ်တွေ ရောက်လာနိုင်သလဲဆိုတဲ့ မေးခွန်းတွေ ပေါ်လာပါတယ်။ ဟယ်လင်အဖြစ် April Pearson ပါဝင်သရုပ်ဆောင်ထားပါတယ်။ ထိတ်လန့်စရာထက် ပဟေဠိဆန်တဲ့ဘက်ကို ပိုအားထားပြီး မမျှော်လင့်ထားတဲ့ ဇာတ်ကွက်အလှည့်အပြောင်းတွေ ထည့်ထားတဲ့ဇာတ်ကားပါ။

ဒစ်စနေးရဲ့ ရုပ်ရှင်အသစ်ကို တင်ပေးထားပါတယ်။ ဒါကလည်း fantasy အမျိုးအစားပါပဲ။ အာတီမစ် ဖောင်း ဆိုတဲ့ နာမည်နဲ့ သားအဖေ နှစ်ယောက် ရှိပါတယ်။ အဖေက ရှေးဟောင်း ပစ္စည်းတွေ ရောင်းဝယ်တဲ့သူ။ သားကတော့ ဉာဏ်ကြီးရှင်ပါ။ တစ်နေ့မှာ အာတီမစ်စီနီယာ အဖမ်းခံလိုက်ရပြီး အာတီမစ်ဂျူနီယာဆီကို ဖုန်းဆက်လာပါတယ်။ အဖေကို ပြန်ကယ်ချင်ရင် အောကျူလို့ ဆိုတဲ့ ပစ္စည်းနဲ့ လာရွေးခိုင်းတာပါ။ တကယ်တော့ အောကျူလို့ဆိုတာ နတ်မှင်စာ တွေ၊ လူပုတွေ၊ ဂေါ်ဘလင်တွေရဲ့ ကမ္ဘာက အစွမ်းအထက်ဆုံးလက်နက်ပါပဲ။ ဒီတော့မှ အာတီမစ် ဂျူနီယာဟာ သူ့အဖေပြောခဲ့တဲ့ ပုံပြင်တွေဟာ တကယ်ဆိုတာ သိလာပြီး။ နတ်မှင်စာလက်နက် ကို ရှာဖို့ ကြံစည်ရပါတော့တယ်။ နတ်မှင်စာတွေကလည်း ဒီလက်နက် အခိုးခံထားရပြီး အသည်း အသန် ရှာဖွေရေးလုပ်နေချိန်မှာ တိုက်ပွဲတွေဖြစ်လာပါတော့တယ်။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Littleneo ပဲဖြစ်ပါတယ်။) Quality – 1080p, 720p  WebRip Duration - 1 hr 35 min Subtitle – Myanmar Hardsub Format – Mp4 Genre : Adventure, Fantasy, Family Source : 1080p.WebRip Translator – Littleneo Encoder – San Win Maung

၁၈၀၀ ပြည့်နှစ်ကာလကို နောက်ခံထားတဲ့ ဒီဇာတ်လမ်းမှာ ကဗျာဆရာ၊ စာရေးဆရာ အက်ဒ်ဂါအလန်ပိုးရဲ့ ပရိသတ်တစ်ယောက်ဟာ သူနှစ်သက်တဲ့ စာရေးဆရာရဲ့ စိတ်ကူးယဉ်လူသတ်ဇာတ်လမ်းတွေကို အခြေခံပြီး လူသတ်မှုတွေ ကျူးလွန်လာပါတယ်။ အဲဒီနောက် ပိုးရဲ့ချစ်သူကိုပါ ပြန်ပေးဆွဲသွားပြီး လူတစ်ယောက်သတ်ပြီးတိုင်း သူမရှိတဲ့နေရာကို လိုက်ရှာနိုင်ဖို့ သဲလွန်စတွေ ချန်ထားပေးတယ်။ ပိုးအတွက်တော့ သူရေးခဲ့တဲ့ ဇာတ်လမ်းတွေက တကယ့်လူသတ်မှုတွေအဖြစ် ပြန်ပေါ်လာသလို ချစ်သူရဲ့အသက်အတွက်ပါ ပူပန်နေရပြီဖြစ်ပါတယ်။ သဲလွန်စတွေကနေ လူသတ်သမားကို ဖော်ထုတ်နိုင်ပါ့မလား၊ ချစ်သူကိုရော အချိန်မီ ကယ်တင်နိုင်ပါ့မလား။ John Cusack နဲ့ Luke Evans တို့ ပါဝင်ထားတဲ့ ၂၀၁၂ ခုနှစ်ထွက် သည်းထိတ်ရင်ဖိုမှုခင်းဇာတ်ကားပါ။ ဇာတ်လမ်းက စိတ်ကူးယဉ်ဖြစ်ပေမယ့် အသုံးပြုထားတဲ့ ပိုးရဲ့ကဗျာတွေနဲ့ ဝတ္ထုဇာတ်လမ်းတွေကိုတော့ သူ့စာအုပ်တွေထဲကနေ ယူထားပါတယ်။

Peaky Blinders ထဲမှာ သောမတ်စ်ရှယ်လ်ဘီနေရာက သရုပ်ဆောင်ထားတဲ့ နာမည်ကြီးမင်းသား Cillian Murphy ပါဝင်သရုပ်ဆောင်ခဲ့တဲ့ 2010 ခုနှစ်တုန်းကဒရာမာ သည်းထိပ်ရင်ဖို ဇာတ်ကားကောင်းလေး တစ်ကားကိုတင်ဆက်ပေးလိုက်ပါတယ်။ ဇာတ်ကားနာမည်ကတော့ Retreat ဖြစ်ပြီး ကမ္ဘာပျက်ရုပ်ရှင် ဇာတ်ကားတွေလိုပုံစံရိုက်ကူးထားတာဖြစ်ပါတယ်။ IMDb Rating 5.8 ရရှိထားပြီး ကြည့်ဖို့အချိန်ပေးရတာ တန်စေမဲ့ဇာတ်ကားကောင်းလေးတစ်ကားပဲဖြစ်ပါတယ်။ ကိတ်နဲ့ မာတင်တို့ ဇနီးမောင်နှံနှစ်ယောက်ရဲ့အိမ်ထောင်ရေးက နည်းနည်းယိုယွင်း ပျက်စီးနေပြီဖြစ်တဲ့အတွက် ဇာတ်ကား နာမည်အတိုင်း Retreat(ပြန်လည်ထူထောင်ရေး)လုပ်ဖို့အတွက် ဘလက်ဟုမ်းဆိုတဲ့ ကျွန်းတစ်ကျွန်းဆီကိုသွားခဲ့ကြပါတော့တယ်။ အဲ့ဒီမှာ အိမ်လေးတစ်လုံးကို ငှားကာ လင်မယားနှစ်ယောက် အတူတူအပန်းဖြေခဲ့ကြပြီး အိမ်ထောင်ရေးပြန်လည်အဆင်ပြေဖို့ မျှော်လင့်နေပေမဲ့ တစ်ရက်ထက်တစ်ရက်ပိုပိုဆိုးလာတာပဲ ရှိခဲ့ပါတယ်။ ဖြစ်ချင်တော့ သူတို့ရဲ့ အိမ်ရှင်ရှိရာ ကုန်းမကြီးကိုလည်း ရေဒီယိုနဲ့ဆက်သွယ်လို့မရ အိမ်မှာသုံးနေတဲ့မီးစက်ကလည်းပျက်နဲ့ တော်တော်ကိုတိုင်ပတ်နေခဲ့ပါတော့တယ်။ကျွန်းပေါ်က ထွက်သွားဖို့ ကျတော့လည်း ဘာလှေ ဘာသင်္ဘောမှမရှိတဲ့အတွက် နှစ်ယောက်သား အဲ့ဒီကျွန်းပေါ်မှာ ပိတ်မိနေကြပါတော့တယ်။ အဲ့ဒီအချိန်မှာ သူတို့အိမ်ကိုစစ်တပ်က လူတစ်ယောက်ရောက်လာခဲ့ပြီး အပြင်မှာ လေထဲကနေ ကူးစက်တဲ့ ကြောက်စရာဗိုင်းရပ်စ်တစ်ခု ကမ္ဘာအနှံ့ပြန့်နှံ့နေပြီးအိမ်ထဲမှာပဲ လေလုံအောင်အလုံ ပိတ်နေရမယ် လို့ ပြောခဲ့ပါတော့တယ်။ ဒီလိုနဲ့သူတို့နှစ်ယောက်လည်း နှစ်ယောက်တည်းပိတ်မိနေရာကနေ သုံးယောက်ဖြစ်သွားပြီး ကြောက်စရာကောင်းတဲ့ဗိုင်းရပ်စ်ကြီးကြားမှာ အသက်ရှင်ကျန်ရစ်နိုင်ဖို့အတွက် ရုန်းကန်ကြိုးစားကြပုံတွေကို ကြည့်ရှုရမဲ့ဇာတ်ကားကောင်းတစ်ကားပဲဖြစ်ပါတယ်။ File size…1.56GB / 584MB Quality…WEB-DL 1080p 5.1CH / 720p Format…mp4 Duration….1h 30m Genre ….. Drama , Horror , Thriller Subtitle….Myanmar Subtitle (Hard Sub) Encoder….Min Wai Translated by Saw Lay