John Cygan ပါဝင်သော ဇာတ်ကားများ

ချစ်စရာMinionsလေးတွေကိုအားလုံးမှတ်မိကြမှာပါ။ Despicable me 1 ကနေစပြီးအောင်မြင်ခဲ့တဲ့ဒီဇာတ်ကားကို Illumination Entertainment နဲ့ Universal Picture တို့ကနေပြီး Despicable me 3ဆိုပြီး ထပ်မံရိုက်ကူးထုတ်လုပ်လိုက်ပါပြီ။ ဂရူးတယောက်တော့ဒီတခါ ဘော်တယ်ဇာ ဘရက်တ် ကိုနှိမ်နင်းရပါတော့မယ်။ ဘရက်တ်ဟာငယ်စဉ်ကကလေးသရုပ်ဆောင်ဖြစ်သလို၈ဝခုနှစ်လောက်ကသူသရုပ်ဆောင်ခဲ့တဲ့ဇာတ်ကောင်တွေကိုစွဲလန်းရူးသွပ်နေသူတယောက်ပါ။ ဒီကားလေးမှထူးခြားတာတော့ ဂရူးရဲ့အမြွာညီအစ်ကိုတယောက်ပေါ်လာတာပါပဲ။ ဒရူးဟာ ဂရူးလို ဗီလိန်အလုပ်တွေ လုပ်ဖို့ အရမ်းစိတ်အားထက်သန်နေပါတယ် ဂရူးကလည်း သူ့အလုပ်ပြန်ရဖို့ ဗီလိန်ဘော်တယ်ဇာ ဘရက်တ်ကို ဖမ်းဖို့လိုနေတာကတစ်ကြောင်း ဒရူးကလည်း ဗီလိန်လုပ်ပြီး ဘရက်တ်ခိုးသွားတဲ့စိန်ကို ပြန်ယူဖို့ ညီအစ်ကိုနှစ်ယောက်သား အတိုင်အဖောက်ညီညီ ကြိုးပမ်းကြပါတယ် ထုံးစံအတိုင်းရယ်ရယ်မောမောပေါ့ပေါ့ပါးပါးနဲ့ ထွက်ခဲ့ပြီးတဲ့ Despicable me1,2လိုပဲ ပရိသတ်ကိုကျေနပ်စေမှာပါ။ အဲတော့ ဒရူးနဲ့ဂရူးတို့ ဘယ်လိုကမ္ဘာကြီးကိုကယ်တင်ကြမလဲဆိုတာကိုတော့ ဇာတ်လမ်းအပြည့်အစုံကို ရှုစားကြပါဦးဗျာ.. File Size : 4K HEVC BluRay, 1080P , 720P Format : mkv / mp4 Duration: 01:29:39 Genre : Animation, Action, Adventure Subtitle : Myanmar Subtitle (Hard Sub) Encode by TSK

အားလုံးစောင့်မျှော်နေတဲ့ Minion 2015 ကိုတင်ဆက်ပေးလိုက်ပါပြီ..အဆင်ပြေနိုင်ကြပါစေ :D Minion တွေဟာ ကမ္ဘာဦးအစ ကတည်းက ဆဲတစ်ခုတည်းနဲ့ တည်ရှိခဲ့တဲ့ အဝါရောင် သတ္တဝါလေးတွေဖြစ်ပြီး အင်အားအကြီးမားဆုံး အဆိုးသွမ်းဆုံး အကောင်ကိုသာ လုပ်ကျွေးပြုစုချင်ကြသူတွေ ဖြစ်ပါတယ်။ အင်အားကြီးမားတဲ့ T.Rex ဒိုင်တိုဆောတွေ၊ ကျောက်ဂူလူသားတွေ နောက်ကို လိုက်ခဲ့ပေမယ့် အဆင်မပြေခဲ့ပဲ ဉာဏ်ပညာကြီးမားတဲ့ လူသားတွေအပေါ် နှစ်သက်တဲ့ စိတ်ကြောင့် အဆိုးသွမ်းဆုံး လူတွေဆီကိုသာ နောက်လိုက်အဖြစ် ပါဝင်ပြုစုခဲ့ပါတယ်။ အီဂျစ်ဖာရို၊ ဒရက်ဂူလာနဲ့ နပိုလီယံတို့ကို အလုပ်အကျွေး ပြုခဲ့ပေမယ့် အဆင်မပြေခဲ့ပဲ အန္တာတိကမှာ သီးသန့်သွားရောက်နေထိုင်နေကြပါတယ်။ ဒါပေမယ့် နှစ်တွေ ကြာလာတဲ့အခါ သူတို့ရဲ့ ရည်ရွယ်ချက်တွေ ပျောက်ဆုံးကုန်ပြီး စိတ်ဓာတ်ကျ ငြီးငွေကုန်ကြပါတယ်။ ဒီ Minion အပေါင်းကို ကယ်တင်ဖို့အတွက် သတ္တိကောင်းတဲ့ Kevin ဟာ သူ့ရဲ့ အကြံကို Minion တွေအားလုံး ကြားမှာ ထုတ်ဖော်ပြောကြားလိုက်ပါတယ်။ သူနဲ့အတူ စွန့်စားမယ့် သူရဲကောင်း နှစ်ယောက်ကို ရှာဖွေတဲ့အခါ အူကြောင်ကြား ဂစ်တာရူးဖက်တီး Minion Stuart နဲ့ ငယ်ရွယ်ပြီး ချစ်စရာကောင်းတဲ့ Minion Bob တို့ပဲ ပါလာကြပါတယ်။ ၁၉၆၈ ကာလမှာ Kevin ဟာ Stuart ၊ Bob တို့နဲ့အတူ New York ကို ရောက်ရှိလာပါတယ်။ ကုန်တိုက်တစ်ခုမှာ ပုန်းခိုရင် ကမ္ဘာ့အဆိုးဆုံး လူဆိုးကြီးတွေ စုစည်းနေကြတဲ့ Villain-Con (ဗီလိန် ကွန်ဖရင့်) ကို တက်ရောက်ဖို့ ဆုံးဖြတ်လိုက်ပါတယ်။ ဖလော်ရီဒါပြည်နယ် အော်လန်ဒိုမြို့မှာ ကျင်းပမယ့် ဒီပွဲကို သွားဖို့ လမ်းမှာ ဒုစရိုက်သမား မိသားစုနဲ့တွေ့ပြီး သူတို့ကို ခေါ်သွားပါတယ်။ အဲဒီထဲကမှ အဆိုးတကာ့ အဆိုးဆုံး လူဆိုးမကြီး Scarlet Overkill ရဲ့ လက်ထောက်တွေ အဖြစ် ရွေးချယ်ခံရပါတယ်။ Scarlet ရဲ့ လက်ထောက်တွေအဖြစ် သူတို့ဟာ လန်ဒန်ကို ရောက်ရှိပြီး အဲလစ်ဇဘက် ဘုရင်မကြီးရဲ့ သရဖူကို ခိုးယူဖို့ တာဝန်ပေးခံရပါတယ်။ မအောင်မြင်ရင်တော့ အသတ်ခံရမှာ ဖြစ်ပါတယ်။ သူတို့အတွက် ထူးခြားဆန်းပြားတဲ့ လက်နက်တွေကို Scarlet ရဲ့ ခင်ပွန်း Herb Overkill က စီစဉ်ပေးပါတယ်။ လန်ဒန်မျှော်စင်မှာ သိမ်းဆည်းထားတဲ့ သရဖူကို စွန့်စွန့်စားစား သွားရောက်ခိုးယူရင်း ထင်မှတ်မထားတာတွေ ဖြစ်လာတဲ့အခါမှာတော့ .. Despicable Me ဇာတ်ကားနဲ့ အောင်မြင်ကျော်ကြားခဲ့တဲ့ အဝါရောင် ဇာတ်ကောင်လေးတွေရဲ့ အကြောင်း ရိုက်ကူးထားတဲ့ Minions ဇာတ်ကားဟာ Universal Studios နဲ့ Illumination Entertainment တို့ရဲ့ ပူးပေါင်းဖန်တီးမှု ဖြစ်ပါတယ်။ Minions တွေရဲ့ မူလဖန်တီးရှင် Pierre Coffin ကပဲ ရိုက်ကူးထားပြီး Kyle Balda က တွဲဖက်ပါဝင် ရိုက်ကူးထားပါတယ်။ Minions တွေအဖြစ် Pierre Coffin ကပဲ အသံနဲ့ သရုပ်ဆောင်ပေးထားပြီး Scarlet Overkill အဖြစ် Sandra Bullock က ဗီလိန်ဇာတ်ရုပ်မှာ ပထမဆုံးအကြိမ် ပါဝင်သရုပ်ဆောင်ပေးထားပါတယ်။ Herb Overkill အဖြစ် Jon Ham ၊ Nelson မိသားစုအဖြစ် Michael Keaton နဲ့ Allison Janney ၊ Professor Flux နဲ့ မျှော်စင်စောင့်ကြီးအဖြစ် Steve Coogan ၊ အဲလစ်ဇဘက် ဘုရင်မကြီးအဖြစ် Jennifer Saunders ၊ Gru ပေါက်စအဖြစ် Steve Carell နဲ့ နောက်ခံစကားပြောကို Geoffery Rush က ပါဝင်ဆောင်ရွက်ပေးထားကြပါတယ်။ မူလ Despicable Me ဇာတ်ကားနဲ့ အောင်မြင်ခဲ့တဲ့ Minions တွေရဲ့ ဇာတ်အိမ်ကို အဓိကထားပြီး တည်ထားတာ ဖြစ်တာကြောင့် ဇာတ်ကောင်စရိုက် ပုံဖော်ရမှာ အနည်းငယ်တော့ ကွာဟမှုလေးတွေ ရှိပါတယ်။ ဇာတ်လမ်းက အတော်ကို တိုသွားပြီး ပြသချိန် ၁နာရီခွဲပဲ ရှိပါတယ်။ ဇာတ်လမ်းကို အရမ်းဟာသမြောက်ကို အစွမ်းကုန် ဇာတ်အိမ်တည်ထားပေမယ့် ဇာတ်သိမ်းခန်းက အနည်းငယ် ပေါ့ပျက်ပျက် နိုင်တာကြောင့် ရင်ထဲ စွဲမကျန်ဘူး ဖြစ်သွားပါတယ်။ ဇာတ်ကားတစ်ကားလုံး အနေနဲ့ ခြုံကြည့်ရင်တော့ ကြည့်လို့ ကောင်းပေမယ့် ဇာတ်လမ်းတိုတာရယ်၊ မျှော်လင့်ထားသလောက် မရယ်ရတာရယ်ကြောင့် အချို့ပရိသတ်တွေက မနှစ်သက်ကြပါဘူး။ IMDb မှာ Rating 6.4 ရရှိထားပြီး Rotten Tomatoes မှာ Tomatometer 55% ပဲ ရရှိထားပါတယ်။ ဇာတ်လမ်း အရမ်းတိုလွန်းတာရယ်၊ ဇာတ်အိမ်ကို အသားပေးလိုက်တာရယ်ကြောင့် အနည်းငယ် ပျင်းစရာ ကောင်းတာရယ်ကလွဲရင် အတော်လေး ကြည့်လို့ ကောင်းပါတယ်။ Minions ဇာတ်ကောင်လေးတွေကို ချစ်ကြတဲ့ ပရိသတ်တွေကတော့ သေချာပေါက် နှစ်သက်မယ့် ဇာတ်ကားပဲ ဖြစ်ပါတယ်။ ( အညွှန်းကို mm movieguide က ကူးယူဖေါ်ပြပါသည် ) ( ဘာသာပြန်တဲ့သူကတော့ ကို ဝေယံမောင် ဖြစ်ပါတယ် ) Filesize : 1 GB/1.71GB Quality : HDRip Format : mp4 Running Time : 1h 31m IMDb Rate : 6.4 Subtitle : Myanmar Subtitle ( Hardsub ) Translated By Wai Yan Maung Encoder : LK

ဒီနေ့တော့ CM ပရိတ်သတ်တွေအကြိုက်တွေ့စေမယ့် Animation ဇာတ်ကားလေးတစ်ကားနဲ့မိတ်ဆက်ပေးလိုက်ပါတယ်.. နိုင်ငံတကာမှာလည်းအောင်မြင်မှုများစွာရခဲ့သလို..ရုပ်ရှင်ဝေဖန်ရေးတွေကလည်း ချီးကျူးထားတဲ့ Animation ဇာတ်လမ်းကောင်းလေးဖြစ်ပါတယ် .. Animation တကားအနေနဲ့လည်း ထူးထူးခြားခြား IMDb Rating မှာ 8.5 အထိ တောင်ရောက်ရှိထားတာမို့ ကောင်းလားမကောင်းလားဆိုတာ လုံးဝစဉ်းစားနေစရာလိုမှာလည်းမဟုတ်တဲ့အပြင်..ကြည့်သင့်တဲ့ Animation ဖြစ်ကြောင်းအသိ ပေးချင်ပါတယ်။ အညွှန်းလေးအရင်ခံစားကြည့်ရအောင်အညွှန်းကနည်းနည်းတော့ရှည်ပါတယ်.. သေသေချာချာခံစားချင်ရင် တော့စာကိုအဆုံးထိဖတ်ဖို့အကြံပေးလိုက်ပါတယ်.. ဒီကားက Pixar ရဲ့ ကာတွန်းကားကောင်းတစ်ကားဖြစ်ပြီး၊ ကလေးလူကြီးမရွေး ကြည့်နိုင်တဲ့ဇာတ်ကား ကောင်းတစ်ကားပါ။ The Incredibles ဇာတ်ကား Review တုန်းက Pixar ရဲ့ အကြောင်း ပရိတ်သတ်ကြီးကို ပြောပြခဲ့ဖူးပါတယ်။ ဒီကုမ္ပဏီကရိုက်တဲ့ ကာတွန်းတိုင်းက ဇာတ်လမ်းကောင်းပြီး အနုပညာရသမြောက် တယ်လို့ အားလုံးသိထားကြပါတယ်။ ဒီကားကလည်း ဒီအတိုင်းပဲ အနုပညာရသမြောက်အောင် ရိုက်ကူးထားနိုင်သလို၊ တကယ့် ဝမ်းနည်းကြည်နူး စရာ ကောင်းပြီး၊ ခံစားချက်ရသစုံပေးနိုင်အောင် ရိုက်ကူးထား နိုင်တာတွေ့ရပါတယ်။ Pixar အကြောင်းပြောရင် Toy Story 1, 2, 3 ကို မပြောပဲ နဲ့မပြီးပါဘူး။ ဒီသုံးကားက Pixar အတွက်သာမက ကာတွန်းကားတွေအားလုံးထဲမှာပါ အကောင်းဆုံး လို့ သတ်မှတ်ထားကြတာဖြစ်ပြီး Original Idea ဖြစ်တဲ့ Toy Story 1 က အကောင်းဆုံး လို့သတ်မှတ်ထားကြပါတယ်။ ကျွန်တော်ဘာလို့ဒီအကြောင်းကို ပြောရလည်းဆိုရင် ဒီ Inside Out က Toy Story ဇာတ်လမ်းတွေနဲ့တန်းတူ ကောင်းတဲ့ ကာတွန်းကားဖြစ်ပြီး အနုပညာရှုထောင့်ကကြည့်ကြည့်၊ ဖျော်ဖြည်ရေး ရှုထောင့်ကကြည့်ကြည့် ကောင်းမွန်တယ်လို့ပြောလို့ရပါတယ်။ ဒီကားက ကာတွန်းကားဖြစ်လို့ လူတော်တော်များများက ကလေးတွေအတွက်ပဲလို့ ထင်ကြမှာပါ။ တကယ်တော့ ဒီကားက ကလေးရော လူကြီး ပါကြည့်ဖို့သင့်တော်ပြီး၊ လူကြီးတွေ အရွယ်ရောက်ပြီးသား လူတွေက ဒီကားကိုပိုပြီး နားလည်မှာဖြစ်ပါတယ်။ ဘာလို့လည်းဆိုတော့ ဇာတ်လမ်းက လူရဲ့ စိတ်ထဲမှာရှိတဲ့ ခံစားချက်လေးတွေ အကြောင်းရိုက်ထားတာဖြစ်ပြီး၊ အသက်ကြီးလာတာနဲ့အမျှ ခံစားချက်တွေပြောင်းလာပုံ၊ ဒီစိတ်ခံစားချက်တွေက ကဘယ်လိုအရေးပါပုံကို စိတ်ဝင်စားစရာ ဇာတ်လမ်းလေးနဲ့တင်ဆက်ထား တာဖြစ်ပါတယ်။ ဒါကြောင့် ဇာတ်လမ်းမပြောခင်မှာ ကြိုပြီးပြောချင်ပါတယ်၊ ဒီကားလေးကိုကြည့်ဖြစ်အောင်ကြည့်ကြပါ။ ကလေးရော လူကြီးပါ ကြည့်သင့်ပြီး၊ ကလေးတွေလည်း ကြိုက်မှာဖြစ်သလို လူကြီးတွေလည်း နားလည်ခံစား နိုင်မှာဖြစ်ပါတယ်။ ဒီကားကြည့်နေရင်းနဲ့ ပရိတ်သတ်တော်တော်များများ မျက်ရည်ဝဲရသလို ဇာတ်လမ်းအဆုံးမှာ စိတ်ကျေနပ်မှုကို ရစေမှာဖြစ်ပါတယ်။ မိသားစုတူတူကြည့်နိုင်ပါတယ်။ အသဲမာတဲ့သူတောင်မှ ဒီကားကြည့်ပြီးရင် အနည်းနဲ့အများတော့ ခံစားရမှာဖြစ်ပါတယ်။ ဇာတ်လမ်းအကြောင်းပြောရရင်တော့ ဇာတ်လမ်းဇာတ်အိမ်က Riley ဆိုတဲ့ကောင်မလေးနဲ့ သူ့ရဲ့ စိတ်ခံစားချက်လေးတွေအကြောင်း တင်ဆက်ထားပြီး Riley က အမေရိကန်နိုင်ငံ အလယ်ပိုင်း ပြည်နယ်တစ်ခုဖြစ်တဲ့ Minnesotaမှာ နေထိုင်ပါတယ်။ လူတွေရဲ့စိတ်မှာJoy (Happiness, Color-Gold), Sadness (Color-Blue), Fear (purple), Disgust (Green), Anger(Red) ဆိုပြီး basic feeling ၅မျိုးရှိတယ်လို့ ကာတွန်းကဆိုထားပါတယ်။ ဇာတ်လမ်းအစမှာ မွေးကာစ Riley လေးမှာ Joy ဆိုတဲ့ပျော်ရွှင်မှုလေး စတင်ဖြစ်ပေါ်လာသလို၊ Sadness ကလည်း ကပ်ပါလာပါတယ်။ ဒါကြောင့် မွေးကာစမှာ တစ်ချိန်လုံး ငိုနေကြတာဖြစ်ပါတယ်။ ဒီနောက်မှာတော့ ကလေးဘဝ ပြေးလွှားဆော့ကစားရင်း မသိတဲ့အရာကို ကြောက်စိတ်လေးတွေရှိသလို၊ မစားချင်တာကို အဖေအမေက ကျွေးရင် ရွံရှာတဲ့စိတ်ဖြစ်လာပြီး၊ ဒေါသလည်းထွက်လာတတ်တယ်ဆိုတာကို သဘာဝကျကျ ပီပီပြင်ပြင် သရုပ်ဖော်ထားပါတယ်။ ဒီနောက်မှာတော့ ဇာတ်လမ်းကနေ လူတွေရဲ့ Personality လို့ခေါ်တဲ့ ကိုယ်နေဟန် စိတ်နေသဘောထား စတာတွေက ကလေးဘဝ မှတ်ဉာဏ်လေးကနေ ဖြစ်တည်လာတည်လို့ဆိုပြီး ဥပမာလေးတွေပေးထားပါတယ်။ ကလေးဘဝမှာ အဖေအမေနဲ့ စနောက်ပြောင်ရင်းနဲ့ သူမမှာ အပြောင်အပျက်လုပ်တဲ့စိတ်ကလေးရှိလာပြီး ဒါလေးက အမြစ်တွယ်သွားပြီး သူမရဲ့ စိတ်နေစိတ်ထားထဲမှာ ပါလာသလို၊ သူ့အဖေက ကလေးဘဝမှာ ရေခဲပြင် ဟော်ကီကို ကစားစေခဲ့တာကြောင့် သူမကျောင်းတက်တဲ့အခါမှာ ဒီကစားနည်းကို နှစ်သက်လာသလို ဒီကစားနည်းမှာလည်း ထူးချွန်ခဲ့ပါတယ်။ ဒါ့အပြင် လူတွေမှာ အရေးအကြီးဆုံးဖြစ်တဲ့ မိသားစုနဲ့ သူငယ်ချင်းဖွဲတဲ့ Memory ကလည်း သူမထံမှာရှိနေသလို အမှန်အတိုင်းဝန်ခံတတ်တဲ့ အကျင့်ကလည်း သူမရဲ့ Core memory ထဲမှာရှိနေပါတယ်။ ဒီနေရာမှာ Core Memory တွေဆိုတာက သူမရဲ့ ကလေးဘဝက အမှတ်တရ အဖြစ်အပျက်လေးတွေနဲ့ ဖွဲ့စည်းထားပြီး၊ မိသားစု နဲ့ပတ်သက်တဲ့ Memory တွေ၊ အဖေနဲ့ ရေခဲပြင်ဟော်ကီ ကစားတုန်းက ပထမဆုံး ဂိုးသွင်းလိုက်တဲ့ အခိုက်အတန့်လေးတွေ၊ ကလေးဘဝမှာ အဖေနဲ့ နောက်ပြောင်ပြီး အရှက်အကြောက်မရှိ သေးတဲ့အရွယ်မှာ တုံးလုံးပတ်ပြေးခဲ့တွေ၊ မိသားစု ခရီးသွားတာတွေပါပါတယ်။ ဒီလိုနဲ့ ဇာတ်လမ်းအစမှ ဇာတ်လမ်းသဘောတရားကို ရှင်းပြပြီးနောက်၊ သူတို့မိသားစုက Minnesota ကနေ အနောက်ဘက် ပြည်နယ် California က San Francisco ကို ပြောင်းပြီးနေရပါတယ်။ ဒီအချိန်မှာ ၁၁ နှစ်လုံး နေလာခဲ့တဲ့ အိမ်ရယ်၊ သူငယ်ချင်းတွေရယ်၊ ဟော်ကီအသင်းရယ်ကို စွန့်ခွာပြီး နေရာသစ်ကိုပြောင်းလာရတဲ့ Riley တစ်ယောက် မြို့သစ်မှာ အခြေကျအောင် နေရာပုံကို ဇာတ်လမ်းလုပ်ထားပါတယ်။ ဒါက ဇာတ်လမ်း အကြမ်းဖြင်းပါ။ သူမရဲ့ ခေါင်းထဲမှာ Joy က အဓိက ကျပြီး သူမပျော်ရွှင်အောင် ထားပေးနေရတာဖြစ်သလို၊ San Francisco ကိုရောက်လာတဲပအချိန်မှာ ဝမ်းနည်းနေတဲ့စိတ်ကို ဖုံးပြီး မပျော်ပျော်အောင်လုပ်နေပါတယ်။ ဒါကြောင့် Sadness ကို နေရာမပေးပဲ Core Memory တွေနားကနေ ဝေးဝေးနေခိုင်းပါတယ်။ ဘာလို့လည်းဆိုတော့ Sadness က ထိလိုက်တာနဲ့ Core Memory တွေက အရောင်ပြောင်းသွားပြီး Riley ကလည်း ဝမ်းနည်းသွားတတ်လို့ပါ။ ဒါကြောင့် Joy ကသူမကိုပျော်အောင်ထားဖို့ Sadness ကိုချောင်ထိုးထားပါတယ်။ ဒီလိုနဲ့ အတန်းသစ်သွားတက် ပြီးဆရာမက အတန်းထဲမှာ မိတ်ဆက်ခိုင်းတဲ့အခိုက်မှာ Minnesota က အကြောင်းကို ပြန်ပြောပြနေတုန်း Sadness ကလည်း သူမကိုသူမ ထိမ်းချုပ်လို့မရပဲ Core Memory ကို ထိမိသွားပြီး ဝမ်းနည်းသွားရာက စာသင်ခန်းထဲမှာ ငိုမိပါတော့တယ်။ ဒါကြောင့် Joy နဲ့ Sadness က လုနေကြရင်းနဲ့ အမှတ်မထင်ပဲ Memory တွေသိမ်းတဲ့ ပိုက်လိုင်းကနေ ဦးနောက်ရဲ့ Long-term Memory Storage မှတ်ဉာဏ်တွေထားတဲ့အခန်း ကိုရောက်သွားပါတယ်။ ဒီနေရာမှာ Fear, Disgust နဲ့ Anger တို့ပဲ ကျန်ခဲပပြီး အပြင်မှာလည်း အတန်းထဲမှာငိုမိတဲ့ Riley တစ်ယောက် ရှက်ကြောက် မိသလို ကိုယ့်ကိုကိုလည်း ဒေါသထွက် လာပါတယ်။ Joy မရှိတဲ့တဲ့ ခေါင်းထဲမှာ ကျန်တဲ့သုံးယောက်ဘာလုပ်ရမှန်းမသိဖြစ်နေပြီး၊ ဟော်ကီအသင်း သစ်အတွက် လူရွေးခံရာမှာလည်း အဆင်မပြေဖြစ်ခဲ့ပါတယ်။ ဒီအချိန်မှာ Joy နဲ့ Sadness တို့ နှစ်ယောက် ဌာနချုပ်ကို ပြန်ရောက်အောင် သွားနေရာက Core Memory တွေမရှိတော့လို့ Hockey ကစားတာ အဆင်မပြေဖြစ်သွားတာကြောင့် Riley ရဲ့ Hockey နဲ့ ပတ်သက်တဲ့ memory က ပျက်ဆီးသွားပါတယ်။ Core Memory တွေနဲ့အတူ ဌာကိုပြန်ရောက်ရေးအတွက် Joy တစ်ယောက် အသည်းအသန်ကြိုးစားပုံကို စိတ်ကူးကောင်းကောင်းနဲ့တင်ဆက်ထားပါတယ်။ ဒီလိုအပြန်ခရီးမှာ သူမရဲ့ Subconscious လို့ခေါ်တဲ့ မသိစိတ် ထဲမှာဘာတွေရှိတယ်၊ သူမရဲ့ ကလေးဘဝတုန်းက imaginary friend (စိတ်ကူးထဲက သူငယ်ချင်း၊ ဥပမာ ကလေးဘဝတုန်းက ဆော့စရာအဖော်မရှိရင် ကိုယ်စိတ်ကူးလေးနဲ့ကိုယ်ကစားတတ်သလို တစ်ချို့ကလည်း အနားမှာကစားဖော်ရှိသလိုမျိုး စိတ်ကူးယဉ်တတ်ပါတယ်။) ဖြစ်တဲ့Bing Bong ကို Joy က လမ်းမှာသွားတွေ့သလို သူ့ရဲ့အကူအညီနဲ့ ဌာနချုပ်ကို အရောက်သွားဖို့ ကြိုးစားကြပါတယ်။ ဒီနေရာမှာ အများကြီး ရှင်းပြဖို့မလိုပေမယ့် ပြောချင်တာ နှစ်ခုရှိပါတယ်။ တစ်ခုက ဟောင်းသွားတဲ့ မှတ်ဉာဏ်တွေ စွန့်ပစ်တဲ့ချောက်ကြီးရှိပြီး အဲဒီအထဲကျသွားရင် ဘယ်တက်လို့မရတော့ပါဘူး။ နောက်တစ်ချက်က Sadness ကို အစပိုင်းမှာ မကောင်းဘူးလို့ ပြထားပေမယ့် Sadness ဆိုတာ ဘာလို့ရှိရတယ်၊ လူတွေဘာလို့ ဝမ်းနည်းတယ်ဆိုတာ ပညာသားပါပါနဲ့ သရုပ်ဖော်ထားပါတယ်။ ဒီအကြောင်းကို အဆုံးမှာ ထည့်ပေးထားမှာဖြစ်ပြီး Spoiler မဖတ်ချင်တဲ့သူတွေက ဒီနေရာမှာတင်ရပ်လိုက်ပြီး ဇာတ်ကားကိုသွားကြည့်သင့်ပါတယ်။ ကလေးတွေအတွက်သီးသန့်ရိုက်ထားတာ မဟုတ်ပါဘူး။ လူတိုင်းကြည့်သင့်တဲ့ကားပါ။ ဒီကားက တစ်သက်မှာ တစ်ခါ၊ Generation (မျိုးဆက်) တစ်ခုမှာ တစ်ခါ ကြုံတောင့်ကြုံခဲ ထွက်လာတဲ့ ဇာတ်ကားမျိုးဖြစ်ပြီး၊ ဒါမျိုးဇာတ်ကား အရင်က မရှိခဲ့သလို နောက်ထပ် ထပ်ရှိဖို့လည်းမလွယ်တော့ပါဘူး။ (Sequel ကိုမဆိုလိုပါဘူး။) ဥပမာ ရုပ်ရှင်လောကမှာ Godfather နဲ့ Citizen Kane က Masterpiece ဆိုရင် Toy Story နဲ့ Inside Out က ကာတွန်းတွေထဲမှာ တစ်သက်မှ တစ်ခါကြည့်ရခဲ့တဲ့ ကာတွန်းမျိုးတွေပါ။ ဒီကားက ပြီးခဲ့တဲ့ ၅ နှစ်အတွင်းမှာ ကျွန်တော်ကြည့်ဖူးသမျှကားတွေထဲက အကောင်းဆုံး ရသပေးနိုင်တဲ့ ကားဖြစ်ရုံသာမက အကောင်းဆုံး ပညာပေးနိုင်တဲ့ ဇာတ်ကားလည်းဖြစ်ပါတယ်။ လက်မလွှတ်တမ်း ကြည့်သင့်တဲ့ဇာတ်ကားဖြစ်ပါတယ်။ လူတိုင်းကြည့်သင့်ပါတယ်။ အထက်ကပြောခဲ့တဲ့ Sadness က ဘာလို့ရှိရတယ် လူတွေဘာကြောင့်ဝမ်းနည်းတယ်ဆိုတာကို ကျွန်တော် ဒီမှာနည်းနည်းရှင်းပြပါမယ်။ ဒါက ဒီကားတစ်ကားလုံးနဲ့ အဓိက ကျတဲ့ဇာတ်ဝင်ခန်းဖြစ်ပါတယ်။ Joy နဲ့ Sadness တို့ ဌာနချုပ်ကိုပြန်နေရင်းနဲ့ လမ်းမှာ Joy က memory လေးတစ်ခုကို ရှာတွေ့သွားပါတယ်။ ဒီမှာ သူမရဲ့ အသင်းက သူမကို ဝိုင်းအားပေးနေကြတာဖြစ်ပြီး အဖေနဲ့အမေက လည်း အနားမှာ အားပေးနေကြပါတယ်။ ဒါကြောင့် သူမက Sadness ကို နင်ဒီနေ့လေးကိုမှတ်မိလား Riley ပျော်နေတဲ့နေ့လေ လို့ ပြောတော့ Sadness က သူမမှတ်မိတာ အဲ့ဒီနေ့က ကောင်မလေးက အသင်းအတွက် အရေးပါတဲ့ဂိုးကိုမသွင်းပေး နိုင်လို့ အသင်းရှုံးသွားတာကြောင့် ဝမ်းနည်းနေတာကိုမှတ်မိတယ်လို့ပြန်ပြောပါတယ်။ ဒီအခါမှာ Joy က Sadness ကို ဆက်မပြောဖို့တားပြီး ပျော်အောင်နေဖို့ပြောပါတယ်။ ဒီကနေ နောက်ဆုံးအခန်းမှာ Joy နဲ့ Riley ရဲ့ စိတ်ကူးယဉ်သူငယ်ချင်း Bing Bong တို့ Memory စွန့်ပစ်တဲ့ ချောက်ထဲကို ကျသွားခဲပါတယ်။ ဒါကြောင့် Joy က အထက်ကို ပြန်တက်ဖို့ကြိုးစားရင်းနဲ့ မရတဲ့အဆုံးမှာ ဝမ်းနည်းပြီး သူမနဲ့အတူ သယ်လာတဲ့ Memory လေးတွေကိုပြန်ကြည့်မိပါတယ်။ ဒီနေရာမှာ ခုနက အသင်းသားတွေနဲ့အဖေအမေ တို့အားပေးနေတဲ့ Memory လေးမှာ အမှတ်မထင် နောက်ကို ပြန်ရစ်ကြည့်လိုက်မိတဲ့အခါမှာ Sadness ပြောသလိုပဲ သူမကြောင့် အသင်းရှုံးလို့ အားငယ်နေတဲ့ Riley ကိုတွေ့ရလိုက်ရပါတယ်။ ဒီအချိန်မှာပဲ အဖေနဲ့အမေက ရောက်လာပြီး အားပေးကြသလို၊ သူငယ်ချင်းတွေက လည်းလာအားပေးကြပါတယ်။ ဒီမှာ Joy သဘောပေါက်သွားတာက ဝမ်းနည်းတဲ့အချိန်မှာ မိသားစုရော သူငယ်ချင်းတွေပါ အနားကိုလာပြီး အားပေးကြလို့ ပျော်ရွှင်သွားရတယ်ဆိုတာဖြစ်ပါတယ်။ ဒါကြောင့် Sadness မရှိရင် Joy လည်းမရှိနိုင်သလို၊ ကိုယ်ဝမ်းနည်းနေတာကို ထုတ်မပြရင် ကိုယ့်ကိုချစ်တဲ့သူတွေကလည်း ကိုယ့်ကိုအားပေးဖြစ်မှာ မဟုတ်တော့ပါဘူး။ ဒါကြောင့် Riley ရဲ့ Core Memory တွေကို Sadness က ထိလိုက်တဲ့အခါ အရောင်ပြောင်သွားတာဖြစ်ပါတယ်။ ဘာလို့လည်းဆိုတော့ သူမရဲ့ Core Memory အဟောင်းတွေက Minnesota က မှတ်ဉာဏ်တွေဖြစ်ပြီး ဒါတွေက အတိတ်မှာ ကျန်ခဲ့လေတော့ ဝမ်းနည်းစရာတွေဖြစ်သွားတာဖြစ်ပါတယ်။ ဒီလို နဲ့ Joy က အပေါ်ပြန်ရောက်အောင်လုပ်ပြီး Sadness နဲ့ အတူ ဌာနချုပ်ကို ပြန်သွားရပါတော့တယ်။ ဒီလို ချောက်ထဲက ပြန်တက်တဲ့အခန်းလေးက အရမ်း ပညာသားပါပြီး၊ ကြေကွဲဖို့ကောင်းသလို သေချာတွေးကြည့်ရင် အရမ်းကောင်းတဲ့ အခန်းလေးဖြစ်ပါတယ်။ ဘာလည်းဆိုတာတော့ ကျွန်တော်ပြောတာထက် ကိုယ်တိုင်ကြည့်ရင်ပိုကောင်းပါတယ်။ ဒီအခန်းမှာ စိတ်မနိုင်သူတွေဆို မျက်ရည်ကျရတဲ့အထိကိုကောင်းပြီး ကျွနေ်တာ်ကိုယ်တိုင်တောင် မျက်ရည်ဝဲမိတဲ့ အခန်းဖြစ်ပါတယ်။ လူတွေအားလုံးလည်း အသံတိတ်နေပြီး တကယ်ကိုကောင်းပါတယ်။ အထူးသဖြင့် ဘယ်သူမှ မထင်မှတ်ထားပဲ ရုတ်တရက်ဖြစ်သွားတာလေးပါ။ တစ်ကားလုံးမှာ အကောင်းဆုံး ဇာတ်ဝင်ခန်းဖြစ်ပါတယ်။ ဒါ့အပြင် ဒီကားတစ်ကားလုံးမှာ ပရိတ်သတ်အမှတ် ရနေစေမယ့် စကားတစ်ခွန်းလည်း ရှိပါတယ်။ ဌာနချုပ်ရောက်တဲ့အခါမှာတော့ Anger ရဲ့ မဆင်မခြင်လုပ်မှုကြောင့် Riley က အိမ်ကနေထွက်ပြေးပြီး Minnesota ပြန်ပြေးဖို့ လုပ်နေပါတယ်။ ဒါကို မှားမှန်းသိပေမယ့် ပြင်ဆင်လို့မရတော့ပါဘူး။ Riley တစ်ယောက် ခံစားချက်မဲ့သွားပြီး သူမရဲ့ Emotion တွေ သူမကို ထိန်းချုပ်တာမခံတော့ပါဘူး။ ဒီအချိန်မှာ Joy နဲ့ Sadness တို့အချိန်မှီ ပြန်ရောက်လာပြီး Joy က သူမကမထိန်းချုပ်တော့ပဲ Sadness ကို ထိန်းချုပ်ခိုင်းပါတယ်။ Sadness ကြောင့် ဝမ်းနည်းသွားရတဲ့ Riley က အရင်တုန်းက မိသားစုတူတူ ရှိခဲ့တာတွေ ပြန်သတိရလာပြီး ဘတ်စ်ကားပေါ်ကနေ ဆင်းပြေးကာ အိမ်ကို အရောက်ပြန်သွားပါတယ်။ အိမ်ရောက်တဲ့အခါမှာ ဝမ်းနည်းပက်လက် နဲ့အဖေနဲ့အမေကို သူမခံစားနေရတာကိုဖွင့်ပြောခဲ့ပါတယ်။ သူမက အရင်အိမ်နဲ့သူငယ်ချင်းတွေကို လွမ်းတဲ့အကြောင်း ပြောပြရင်း အဖေအမေက နှစ်သိမ့်တာကိုခံယူ ရပြီးနောက် ဝမ်းနည်းမှုနဲ့အတူ မိဘရဲ့ အားပေးမှုကြောင့် စိတ်ကျေနပ်သွားခဲ့ပါတယ်။ ဒါကြောင့် သူမမှာ New Core Memory ဖြစ်လာပြီး ဒီ Core Memory က Gold နဲ့ Blue (ဝမ်းနည်းဝမ်းသာဖြစ်နေပြီး) နှစ်ရောင်ထွက်နေသလို၊ ဒီ Core Memory က သူမရဲ့ အိမ်အသစ် ဖြစ်တဲ့ San Francisco ကအိမ်မှာ အဖေအမေ ရဲ့အားပေးမှု့ကိုရသွားတဲ့ အကြောင်းဖြစ်ပါတယ်။ ၀မ်းနည်းနေတဲ့အချိန်မှာ ဝမ်းနည်းတာကို အတင်းမျိုသိပ်ထားရင် ကိုယ့်ပတ်ဝန်းကျင်က ကိုယ့်ကို ဂရုစိုက်တဲ့သူတွေက ဘာမှလုပ်ပေးလို့ရမှာမဟုတ်သလို၊ ရင်ထဲကခံစားနေရတာကို ထုတ်ပြဖို့ သင်ခန်းစာပေးထားပါတယ်။ ဒီဇာတ်ကားအတွက်ဘာသာပြန်သူကတော့ ကိုညီသံလွင်ပဲဖြစ်ပါတယ်.. အညွှန်းကိုတော့ ရုပ်ရှင်မိတ်ဆက် Movies For Myanmar မှ ပြန်လည်တင်ပြပါတယ်. File size…  6.3 GB / 2.1 GB / 1 GB Quality…2160p Blu Ray/1080p / 720p Format…Mp4 Duration….1h 34min Subtitle….Myanmar Subtitle(Hard Sub) Encoder….Thit San Khant Translated by Nyi Thant Lwin

Tinkerbell : Pirate Fairy (2014) ဒီတစ်ခါဇာတ်လမ်းလေးကလည်း Legend of the Neverbeast လို Tinkerbell အပေါ်ကို Focus ထားတဲ့ ဇာတ်အိမ်မဟုတ်ဘဲ Pixie Hollow ရဲ့ မျက်နှာသစ် Character တစ်ခုအကြောင်း ရိုက်ကူးပြသ ထားတဲ့ ဇာတ်လမ်းလေးပဲဖြစ်ပါတယ်။ Pixie Hollow ရဲ့ ဝေယျာဝစ္စအဝဝကို အောက်ခြေသိမ်းလုပ်ရတဲ့ လက်သမားနတ်သူငယ်တွေနည်းတူ ရွှေမှုန်ထိန်းသိမ်းရေးနတ်သူ ငယ်တွေဟာလည်း အားလုံးရဲ့အသက်သွေးကြောကို ထိန်းသိမ်းကိုင် တွယ်နေရတဲ့သူတွေပါပဲ။ အရေးကြီးပြီး အမှားမခံတဲ့အလုပ်မို့လို့ လုပ်ငန်းခွင်ကို အပိုအလိုမရှိစေဘဲ တိတိကျကျ အထွန့်မတက်ရတဲ့ ရှေးရိုးစွဲနည်းနဲ့ပဲ လည်ပတ်စေတာပေါ့။ စိတ်ကူးစိတ်သန်းကောင်းပြီး ကိုယ်တတ်ထားတဲ့ပညာကိုပိုနားလည်အောင် လေ့လာစမ်းသပ်လို စိတ်ပြင်းပြတဲ့ Zarina ကတော့ ဒီလိုစာအုပ်ကြီးစနစ်အမြင်နဲ့ အများ ကြားမှာ ကြောင်တောင်ကျားပါပဲ။ ပြဿနာအရှာကြမ်းပေမယ့် အထက်လူကြီးက ဆူရုံသာဆူပြီး အလျှော့ ပေးတာမို့ Zarina လည်း လက်ရဲဇက်ရဲရှိနေပါတယ်။ တစ်နေ့ .... လက် တည့်စမ်းမိရာကနေ အဆမတန်ကြီးထွက်လာတဲ့အပင်ကြောင့် တစ်ရွာ လုံးကုန်လုနီးနီးပြုန်းသွားတဲ့အခါ စေတနာကနေဝေဒနာဖြစ်သွားပြီး Zarina တစ်ယောက် Pixie Hollow ကနေ နှင်ထုတ်ခံလိုက်ရပါတယ်။ တစ်နှစ် ကြာသွားပြီးတဲ့နောက် .... Pixie Hollow တစ်ခုလုံး ပွဲတော်ကျင်းပနေချိန် ပွဲခင်းနောက်က ဘိန်းပန်းပင်တွေရှည်ထွက်လာတာကို Tinkerbell တို့အုပ် စုလှမ်းအကြည့် .... အငြှိုးနဲ့ပြန်လာတဲ့ Zarina ကို ကွက်ကွက်ကွင်းကွင်း မြင်လိုက်ရပြီးတဲ့အခါမှာတော့ . ကဲဇာတ်လမ်းလေးထဲဆက်လက်ကြည့် ရှုပါဦး ..... (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi Myaing ဖြစ်ပါတယ်) File Size..........(1.62 GB) / (789 MB) Quality............BLU-RAY 1080p / 720p Duration.........1Hr 18Min Subtitle...........Myanmar Hardsub Format............MP4 Genre..............Animation, Adventure, Family Translator.......Hnin Wut Yi Myaing Encoder..........SWM

A look at the relationship between Mike and Sulley during their days at Monsters University — when they weren't necessarily the best of friends. (ဘာသာပြန်သူကတော့  Myat Noe Wutt Yi ပါ) File Size : (850 MB) and (370 MB) Quality : Blu-Ray 720p Running Time : 1hr 44min Format : Mp4 Genre : Animation, Adventure, Comedy Subtitle : Myanmar Subtitle (Hard Sub) Source :  1080p.BluRay.x264-CiNEFiLE Translated by Myat Noe Wutt Yi  Encoded by Thanhtike Zaw

ဒီနေ့ ဘာဇာတ်ကားအသစ်ထွက်လဲ လျောက်မွေရင်းနဲ့ Despicable Me 2 အဆက်ဖြစ်တဲ့ Minion Short Film ၃ကား တွေ့လို့ ဆွဲကြည့်တာ တော်တော်လေးကို ကောင်းပါတယ်။ ရယ်လဲ ရယ်ရတာမို့ CMက အမျိုးတွေလဲ ကြိုက်ကြမယ်ထင်လို့ တင်ပေးလိုက်ပါတယ်။ ၂၀၁၅တောင်မှ ဒီနေ့မှ ထွက်တာမို့ စာတန်းထိုးဖိုင်တော့ မရသေးပါ။ ကျွန်တော်အတွက်ကတော့ ဘာစာတန်းထိုးမှ မပါလဲ Minionsတွေရဲ့ ချစ်စရာကောင်းပုံနဲ့တင်ကို ကြည့်ရတာ တန်လွန်းပါတယ်။ Minions (2015) အကြည်မထွက်သေးခင်တော့ ဒါလေးနဲ့ အပန်းဖြေထားလိုက်ကြပါဦး။ Quality  : 4K HEVC BluRay, 1080P , 720P Format…mkv/mp4 Subtitle….Myanmar Subtitle (Hardsub) Duration: 01:37:58 Encoder: TSK

ဒီကားလေးက အပင်လေးတွေကိုချစ်တတ်တဲ့သူတွေ အထူးကြည့်သင့်တဲ့ကားကောင်းလေးပါ ဆုကြီးလေးဆုနဲ့အခြားဆုပေါင်းများစွာရရှိထားပြီး အတွေးသစ်အမြင်သစ်အချို့ကိုပေးစွမ်းနိုင်ပါလိမ့်မယ် အသက်၁၂နှစ်ပဲရှိတဲ့ တက်ဒ်လေးက တနီးဗေးလ်ဆိုတဲ့ မြို့မှာနေပါတယ် မြို့ဟာသဘာဝတရားလုံးဝပျောက်နေပြီး  လေကအစသစ်ပင်အဆုံး man-madeတွေဖြစ်နေပါပြီ အသက်ရှင်ဖို့မဖြစ်မနေလိုအပ်တဲ့လေကိုတော့ အရင်းရှင်ငပုကောင်အိုဟဲကနေကြိုးကိုင်ထားပြီး ဈေးကိုသူလိုသလိုကစားကာတစ်မြို့လုံးကိုဂုတ်သွေးစုပ်နေပါတော့တယ် ကျွန်တော်တို့အားလုံးနီးပါးမုန်းလို့မရတဲ့မမဆိုတဲ့လူတန်းစားဟာ ဒီကားရဲ့အသက်ပါပဲ တဒ်ဟာသူ့ရဲ့မမကိုပိုးပန်းဖို့သစ်ပင်အစစ်ကို မဖြစ်မနေရှာရမယ့်အခြေအနေထဲရောက်သွားပြီး လုံးဝမမျှော်လင့်ထားတဲ့သစ်ပင်တွေမျိုးတုံးသွားစေတဲ့နောက်ကွယ်က အကြောင်းတရားအချိုု့ကိုရှာတွေ့သွားတဲ့အခါမှာတော့ အသံနောက်ခံတွေကတော့ တက်ဒ်နေရာမှာ မင်းသားချော Zac Efron နဲ့ မင်းသမီးနေရာမှာတော့ ပုရိသတို့ အသဲစွဲ Taylor Swift လေးပါ Translated by Dolly Encoded by sithu

ဒီဇာတ်ကားက ၂၀၁၀မှာထွက်ရှိခဲ့တာဖြစ်ပြီး animation တွေရဲ့ Villainစာရင်းမှာ ထိပ်ဆုံးနားအထိ စာရင်းချိတ်နိုင်တဲ့ ပန်းရောင် မွေးပွဝက်ဝံရုပ်ကြီး လော့ဆိုက ဒီဇာတ်ကားရဲ့ အမှတ်အသားလို ဖြစ်ခဲ့ပါတယ်။ ဒ ါ့အပြင် ဒီဇာတ်ကားက အန်ဒီဆိုတဲ့ ကောင်လေး တစ်ယောက်နဲ့ ဝူဒီတို့အရုပ်တွေကြားက နွေးထွေးတဲ့ ဆက်ဆံရေး ကို အကောင်းဆုံး အဆုံးသတ်ပေးနိုင်ခဲ့တဲ့ ဇာတ်လမ်းဆိုရင်လည်း မမှားပါဘူး။ အရွယ်ရောက်လာတဲ့ အန်ဒီက ကောလိပ်ကျောင်းကို သွားရတော့မှာမို့လို့ ဝူဒီကလွဲလို့ ကျန်တဲ့အရုပ်တွေကို ထပ်ခိုးထပ် ပေါ် ထားခဲ့ဖို့ လုပ်ခဲ့ပေမဲ့ မိသားစုချင်းနားလည်မှုလွဲကာ အမှိုက်ပုံး ထဲကို ရောက်သွားခဲ့ပါတယ်။ ဒါကိုအထင်လွဲသွားတဲ့ အရုပ်တွေက အမှိုက်ကားထဲ လိုက်သွားမယ့်အစား မူကြိုကျောင်းကိုသွားလှူမယ့် ပစ္စည်းပုံးထဲကို လိုက်သွားခဲ့ကြပါတယ်။ ဒီလိုနဲ့ ဆန်နီဆိုက်ဒ်ဆိုတဲ့ မူကြိုကျောင်းကို ရောက်လာပြီး အဲဒီမှာ နဂိုရှိပြီးသား လော့ဆိုတို့ အရုပ်အဖွဲ့ရဲ့ ကြိုဆိုမှုကြောင့် သူတို့တွေပြန်အဆင်ပြေတော့မှာလို့ ထင်ခဲ့ပေမဲ့ လက်တွေ့မှာ လော့ဆိုက မင်းသားမျက်နှာဖုံးနဲ့ ဘီလူး တစ်ယောက်လို ဖြစ်နေခဲ့တာကြောင့် မူကြိုကျောင်းကနေ အန်ဒီဆီ ပြန်ထွက်ပြေးလာဖို့ ကြိုးစားရပါတော့တယ်။ သူတို့ရဲ့ကြိုးစားမှုကအရာထင်ပါ့မလား၊ ကောက်ကျစ်ယုတ်မာတဲ့ လော့ဆိုတို့အဖွဲ့ကဘယ်လိုမျိုး ဒုက္ခပေးကြမလဲဆိုတာ ကြည့်ရှုရမှာပါ။ File size…5.5GB/ 2.4GB / 1.22GB Quality…4k HEVC / BluRay 1080p /720p Format…mp4 Duration….2h 12m Subtitle….Myanmar Subtitle (Hard Sub) Encoder….Thit San Khant Translated by JimX

Up (2009) IMDb Rating (8.3) / Rotten Tomatoes (98%) Pixarဆိုတဲ့ animation studio အကြောင်း ပြောကြတဲ့အခါ အများနဲ့မတူတဲ့ storyline, ဇာတ်ကောင်ဖန်တီးမှုပုံစံတွေ၊ဆန်းသစ်တဲ့ ဇာတ်လမ်းပုံစံတွေနဲ့ ကျွန်တော်တို့ ငယ်ဘဝအမှတ်တရအများစုကို ဖန်တီးပေးနိုင်ခဲ့တဲ့ studioတစ်ခုဆိုတာ အားလုံးသိကြမှာပါ။ ဒီstudioကပဲ ထုတ်လိုက်တဲ့Upဆိုတဲ့ Animationဇာတ်ကားကတော့ အတော်များများရင်းနှီးပြီးသားဖြစ်သလို မကြည့်ဖူးတဲ့သူလည်း အတော်ရှားမယ့် animationဇာတ်ကားကောင်းလေး ဖြစ်ပါတယ်။ ဇာတ်လမ်းကတော့ Action နဲ့ comedyကိုရောစပ်ထားပြီးချစ်ခြင်းမေတ္တာ‌တွေ ဒရာမာတွေကိုလည်း ပီပြင်အောင်ဖန်တီးထားတာပါ။ Carlဆိုတဲ့ ကင်းထောက်ကောင်လေးတစ်ယောက်က Ellie ဆိုတဲ့ သဘာဝစူးစမ်းလေ့လာရေးစိတ်ဝင်စားသူနဲ့ အကြောင်းပါခဲ့ပြီး Wild Life Explorerဖြစ်ချင်တဲ့အိပ်မက်ကို အတူအကောင်အထည်ဖော်နိုင်ဖို့ကြိုးစားခဲ့ကြပါတယ်။ သူတို့ရဲ့ အကြီးဆုံး အိပ်မက်ကအမေဇုန်တောထဲမှာ ရှိတဲ့ Paradise Fallဆိုတဲ့ ရေတံခွန်နံဘေးမှာ အိမ်လေးတစ်လုံးဆောက်ပြီး နေသွားဖို့ပါ။ ဒါပေမဲ့ သူတို့ရဲ့အိပ်မက်တွေ အကောင်အထည်မပေါ်ခင်Ellie တစ်ယောက်ဆုံးပါးသွားတဲ့နောက် အထီးကျန်နေတဲ့Carlအ‌နေနဲ့ ဇနီးဖြစ်သူ မလုပ်နိုင်ခဲ့တဲ့အရာကို လက်တွေ့ဖြစ်အောင် လုပ်ပေးဖို့ ဆုံးဖြတ်ပြီး အိမ်ကြီးတစ်လုံးလုံးလေထဲသယ်နိုင်မယ့် ပူဖောင်းတွေအများကြီးကို ချိတ်ပြီးအိမ်လုံးကျွတ် လေထဲရွက်လွင့်ကာ Paradise Fallဆီကိုထွက်လာပါတော့တယ်။ Carlရဲ့ Adventureမှာ အတူတူလိုက်ပါလာတာကတော့ သူ့လိုပဲ wildlife ကို ဝါသနာပါတဲ့Russel ဆိုတဲ့ ကောင်လေးတစ်ယောက်ပါ။ သူတို့တွေရဲ့စွန့်စားခန်းဟာ မှန်းထားသလိုပဲ တကယ်ဖြစ်လာမှာလား၊ဘယ်လိုမျိုးအခက်အခဲတွေ ကြုံတွေ့ရမလဲ၊ မထင်ထားတဲ့အနှောင့်အယှက်တွေ ရန်သူတွေကို ဘယ်လိုကျော်ဖြတ်သွားကြမလဲဆိုတာကို မိသားစုနဲ့အတူ ကြည့်ရှုနိုင်ဖို့တွက်တင်ဆက်ပေးလိုက်ပါတယ်။ (အညွှန်းနဲ့ဘာသာပြန်ကတော့ JimX ဖြစ်ပါတယ်။) File size…(4.9 GB) / (1.8 GB) / (960 MB) Quality….Blu-Ray Rip 4K HEVC / 1080p HEVC / 720p Format…. mkv/mp4 Genre….Adventure,Animation,Comedy,Family Duration….01:36:30 Subtitle….Myanmar Subtitle (Hardsub) Encoder….Thit San Khant Translated by JimX

ကာတွန်းဆိုတဲ့ ရုပ်ရှင်အမျိုးအစားက ကလေး လူငယ် လူကြီးမရွေး နှစ်သက်ကြတဲ့၊ ကြည့်ရှုဖြစ်ကြတဲ့ ရုပ်ရှင်အမျိုးအစားတစ်မျိုးပါ။ ဟိုးအရင်က ထွက်ခဲ့တဲ့ ကာတွန်းကားတွေထဲကမှ စားစရာတွေ မိုးပေါ်ကကျလာတဲ့ ကာတွန်းကားလေလို့ ပြောလိုက်ရင် မသိတဲ့သူ မရှိသလောက်ဖြစ်ခဲ့ဖူးတာကို သိကြမှာပါ။ အဲဒီ စားစရာတွေ မိုးပေါ်ကကျလာတဲ့ ကာတွန်းကားကို CM ကနေ quality ကောင်းကောင်းနဲ့ တင်ဆက်ပေးသွားတော့မှာ ဖြစ်ပါတယ်။ ဒီကာတွန်းကားလေးက ၂၀၀၉ ခုနှစ်ကထွက်ခဲ့တာဖြစ်ပြီးတော့ Columbia Pictures နဲ့ Sony Pictures တို့က ပူးပေါင်းထုတ်လုပ်ထားတာ ဖြစ်ပါတယ်။ ဝင်ငွေအနေနဲ့ အမေရိကန်ဒေါ်လာ ၂၄၃ သန်းအထိ ရရှိခဲ့ပါတယ်။ မသိတဲ့သူတွေရော သိတဲ့သူတွေပါ ထပ်သိသွားရအောင်လို့ ဇာတ်လမ်းအကျဉ်းကိုပြောပြရရင်တော့ ဒီဇာတ်ကားလေးထဲမှာ အဓိကဇာတ်ကောင်က ဖလင်လော့ခ်ဝုဒ်ဆိုတဲ့ ကောင်လေးပါ။ ငယ်ငယ်ကတည်းက သိပ္ပံပညာကို စိတ်ဝင်စားပြီး ပစ္စည်းအသစ်အဆန်းတွေကို ဖန်တီးရတာ ဝါသနာပါခဲ့တယ်။ ဒါပေမဲ့ သာမန်ကလေးတွေကြားမှာ သူ့ရဲ့ တီထွင်မှုတွေက လှောင်ပြောင်စရာဖြစ်ခဲ့တယ်။ သူနေတဲ့ မြို့လေးက ဆာဒင်းငါးသေတ္တာလုပ်ငန်းအပေါ် မှီခိုနေရတဲ့ မြို့လေး။ ဒါပေမဲ့ အဲဒီလုပ်ငန်းပိတ်သိမ်းသွားချိန်မှာ သူအပါအဝင် တစ်မြို့လုံးက ဆာဒင်းငါးကလွဲပြီး တခြားဘာမှမစားနိုင်ခဲ့တော့ဘူး။ တစ်မြို့လုံးက ဆားဒင်းငါးပြီးရင်း ဆာဒင်းငါးစားနေရတော့ ကြာတော့ လူတွေပါ ဆာဒင်းငါးရုပ်ပေါက်မတတ်ပဲပေါ့။ တစ်နေ့မှာတော့ ဖလင့်က သူ့မြို့ကလူတွေကို ဒီအဖြစ်ဆိုးကနေ ကယ်တင်ဖို့အတွက် အစားအစာဖန်တီးတဲ့စက်ကို တီထွင်ဖို့ ကြိုးစားတော့တယ်။ ရေထည့်လိုက်ရုံနဲ့ မှာတဲ့အစားအစာကို အလိုလျောက် ထုတ်လုပ်ပေးသွားမယ့် စက်မျိုးပါ။ ငယ်ငယ်ကတည်းက မြို့ရဲ့ ငကြောင်လို့ သတ်မှတ်ခံထားရတာမလို့ သူ့ရဲ့ တီထွင်မှုကို မြို့ခံတွေက သဘောကျလက်ခံပါ့မလား၊ သူ ထွင်တဲ့ စက်ကရော ဘာချွတ်ယွင်းချက်မှမရှိ အလုံးစုံ ပြည့်စုံနေနိုင်ပါ့မလား၊ ဘယ်လိုပြဿနာတွေ ပေါ်လာမလဲဆိုတာကိုတော့ Cloudy with a Chance of Meatballs ဆိုတဲ့ ဟောဒီဇာတ်ကားလေးထဲမှာ ကြည့်ရှုလိုက်ပါနော်။ ပေါ့ပေါ့းပါးပါးနဲ့ ရယ်ရယ်မောမော ကြည့်ရှုရမှာဖြစ်တာမလို့ မိသားစုနဲ့အတူ ကြည့်ဖို့လည်း အဆင်ပြေတဲ့ ကာတွန်းကားကောင်းလေးပါ။ တစ်နေ့တာ ပင်ပန်းနေတာတွေ ပြေပျောက်ချင်ရင်တော့ ဒီကားလေးကြည့်ဖို့ recommend ပေးလိုက်ပါတယ်။ File size…  1.7 GB /  852 MB Quality… BluRay 1080p / 720p Format… mp4 Duration…. 1h 30m Genre .....  Animation , Comedy Subtitle…. Myanmar Subtitle (Hard Sub) Encoder…. Thit San Khant Translated by Elizabeth Khant

IMDb မှာ 6.9/10 ဆိုတော့ ကောင်းလားမကောင်းလားသိပ်မပြောတော့ပါဘူး ကျွန်တော်တို့ရဲ့ စကြာဝဠာကြီးဟာ အဆုံးအစမရှိကျယ်ပြန့်တယ်လို့ သိထားပါတယ် ဒါဟာ လက်ခံထားရတဲ့ လက်ရှိအမှန်တရားဆိုလည်းမမှားပါဘူး... ကျွန်တော်တို့လို တခြားသက်ရှိတွေ စကြာဝဠာကြီးထဲမှာ ရှိကောင်းရှိနေနိုင်ပါလိမ့်မယ်.. ဒါပေမယ့် ကျွန်တော်တို့ ကမ္ဘာကြီးထဲကသက်ရှိတွေအကုန်လုံးကိုတောင် ရှာဖွေလို့ မကုန်နိုင်သေးပါဘူး... ဒီကာတွန်းရုပ်ရှင်လေးက အဲ့ဒီအချက်ကိုအဓိကထားတင်ပြသွားတယ်လို့ ထင်ပါတယ်... ကျွန်တော်တို့လူသားတွေ ကမ္ဘာပေါ်မှာ ထင်တိုင်းကြဲလုပ်ချင်ရာလုပ်နေကြပေမယ့် ကျွန်တော်တို့ မသိသေးတဲ့အကြောင်းအရာတွေ အများကြီးရှိနေပါတယ်.. ဇာတ်လမ်းအကျဉ်းလေးဆီ သွားရအောင် ဟော်တွန်ဆိုတဲ့ ဆင်ကလေးတစ်ကောင်ဟာ ပျော်ပါး ကစားနေရင်းနဲ့ ပန်းဝတ်မှုံအရွယ်အစားလောက်ပဲရှိတဲ့ ကမ္ဘာသေးသေးလေးတစ်ခုကိုအမှတ်မထင်တွေ့သွားပါတယ်... မယုံနိုင်ပေမယ့် တကယ့်အစစ်အမှန်ဖြစ်နေမှန်းသိသွားတဲ့အခါမှာကမ္ဘာသေးသေးလေးထဲက သက်ရှိလေးတွေနဲ့ ဆက်သွယ်ပြီး အဲ့ဒီကမ္ဘာသေးသေးလေးကိုလုံခြုံအောင်လုပ်ပေးဖို့ ဆုံးဖြတ်လိုက်ပါတော့တယ်... ဒါပေမယ့်လည်း ထုံးစံအတိုင်း အဖျက်တရားကဝင်လာတဲ့အခါမှာတော့..... ဟော်တွန်တစ်ယောက် ကမ္ဘာသေးသေးလေးကို ဘယ်လိုကာကွယ်ပေးနိုင်မလဲ ဆိုတာကို ကြည့်ရှုခံစားကြည့်ကြပါဦး... တစ်ခုပြောချင်တာက ဒီလိုကာတွန်းကာတွန်းရုပ်ရှင်ဆိုတာ ကလေးတစ်ယောက်လိုကြည့်ရင် ကလေးကာတွန်းကားအနေနဲ့ဖြစ်ပေမယ့် လူကြီးတစ်ယောက်လို ကြည့်ရင်တော့ လူကြီးအတွေးနဲ့ ရုပ်ရှင်ကားတစ်ကားဖြစ်သွားမှာပါ...ရုပ်ရှင်ကပေးတဲ့ message လေးကိုသိအောင်လုပ်ရင်းအတွေးပွားစေလိုပါတယ်... ကဲ လေကြောရှည်တာများသွားတဲ့အတွက် ပြောတာလေးရပ်ပြီး ကြည့်ရှုခံစားလိုကိကြပါဦး... (ဇာတ်ကားအတွက် အညွှန်းကိုတော့ ရဲကျော်ထက် မှ ရေးသားပေးထားတာဖြစ်ပါတယ်) File Size - 1.3 GB Quality -  Bluray 1080P Subtitle -  Burmese Translator - Esther Van Sui Par Encoder - Thit San Khant

ဒီတစ်ခါတော့ IMDb Rate 8.5 အထိရရှိထားတဲ့ Animated Film လေးတစ်ခုမိတ်ဆက်ပေးချင်ပါတယ် ကာတွန်းကားကိုကလေးတွေပဲကြည့်တဲ့ကားလို့ပြောတဲ့ခေတ်ကုန်ခဲ့ပါပြီ... ကာတွန်းကားတိုင်းကိုတော့မဆိုလိုပါ... ကမ္ဘာကျော် Animation ကုမ္မဏီတွေက နှစ်စဉ်အောင်မြင်မှုတွေများစွာရတဲ့ Animation ရုပ်ရှင်တွေကို အမြဲထုတ်ပေးခဲ့ပြီး အောင်မြင်ခဲ့တဲ့ရုပ်ရှင်တွေမှာလည်းပေးချင်တဲ့ Messageရည်ရွယ်ချက်တွေ..အများကြီးတွေ့ရပါတယ်.. ယူတတ်ရင်သင်ခန်းစာတောင်ရပါသေးတယ် ဥပမာပြောရမယ်ဆိုရင် Up ကာတွန်းလေးက သာမန် ကာတွန်းကားတစ်ကား တင်မဟုတ်ပဲ၊ အက်ရှင် ဒရမ်မာ ကောင်းကောင်း နဲ့ ရိုက်ကူးထားတဲ့ Animated Film တစ်ခုဖြစ်ပါတယ်။ ဇာတ်လမ်း ကောင်းကောင်း နဲ့ လူကြီး လူငယ် ပရိတ်သတ် အားလုံးကို ဖမ်းစားနိုင်ခဲ့ပါတယ်။ ကျွန်တော် အနေနဲ့ ရုပ်ရှင်တွေတော်တော်များများ ကြည့်ဖူးပေမယ့် ကြည့်ရင်းနဲ့ မျက်ရည်ဝဲလောက်အောင် ခံစားချက်ရသပေးနိုင်တဲ့ ကားမျိုး က လက်ချိုးရေလို့ရပါတယ်။ ဒီ UP ကတော့ ဇာတ်လမ်း အစမှာထဲက တင်ဆက်ပုံကောင်းကောင်းနဲ့ ပရိတ်သတ်ကို ဖမ်းစားသွားနိုင်ခဲ့ပါတယ်.... အခုဒီ Wall-E ဆိုတဲ့ Animated Film ဟာ..2008 ခုနှစ်မှာထွက်ရှိခဲ့ပါတယ်.. IMDb မှာ Rating က 8.5/10 ထိရရှိထားပါတယ် Pixar၏ သမားရိုးကျ ဇာတ်လမ်းများမှ အသိသာဆုံး ခွဲထွက်ခဲ့သည့်WALL-Eသည် ထုတ်လုပ်မှု ကုန်ကျ စရိတ် ဒေါ်လာ သန်း(၁၈၀)ထိ ရှိခဲ့ပါတယ် ယင်းဇာတ်ကားသည် ကမ္ဘာမြေပေါ်မှ ညစ်ညမ်းမှုများကို လိုက်လံသန့်ရှင်းရန် ဒီဇိုင်းထုတ် ဖန်တီးထားတဲ့ အထီးကျန် စက်ရုပ်လေး၏ စွန့်စားခန်းကို ပုံဖော်ထားခြင်း ဖြစ်ပါတယ်.. ဇာတ်ကားအစ မိနစ်(၄၀)ခန့်ထိ ထူးခြားသော တင်ဆက်ပုံများကို တွေ့မြင်နိုင်ပြီး အပြန်အလှန် စကားပြောဆိုမှုပင် အလွန်နည်းပါးခဲ့တာကိုတွေ့ရပါမယ်..။ အစဉ်အလာဟောင်းများကို တော်လှန်ခဲ့သည့် Pixar ၏ ဇာတ်ကားသည် အောင်မြင်မှုများစွာ ရရှိခဲ့ပြီး ဒေါ်လာ သန်း(၅၂၀)ကျော်ထိ ရုံဝင်ကြေး ရရှိခဲ့ပါတယ်.. ယင်းဇာတ်ကားသည် အကယ်ဒမီ ဆုပေးပွဲတွင် ကဏ္ဍအတော်များများအတွက် ဆန်ခါတင်စာရင်းတွင် ပါဝင်ခဲ့ပြီး ထူးခြားမှု တစ်ရပ်အဖြစ် WALL-Eသည် TIME မဂ္ဂဇင်း၏ ဆယ်စုနှစ်အတွင်း အကောင်းဆုံး ရုပ်ရှင်များ စာရင်း၌ နံပါတ်(၁)နေရာ၌ သတ်မှတ်ခံခဲ့ပါတယ်.. ဒီလောက်ဆိုရင်ညွှန်းတာတော်လောက်ပါပြီ.. ဆက်လက်ခံစားကြည့်ရှုကြပါ File Size : (2.95 GB & 1.41 GB & 759 MB) Quality : Blu-Ray 4k & 1080P & 720P Running Time : 1hr 38min Format : Mp4 , MKV Genre :Animation, Adventure, Family Subtitle : Burmese Translated by : JimX Encoded by : Thit San Khant

Surf’s Up (2007) IMdb – 6.7/10 Rt – 79% ငယ်ငယ်က အခွေခေတ်မှာ ကြည့်ခဲ့ရတဲ့ ရေလွှာလျောစီးပင်ဂွင်းကာတွန်းကားလေးကို တင်ဆက်ပေးလိုက်ပါတယ်။ ကိုဒီ မက်ဗရစ်ကတော့ အန္တာတိကတိုက်မှာနေပြီး ကွယ်လွန်သွားရှာပြီဖြစ်တဲ့ ဘစ်ဇီဆိုတဲ့ ဂန္တဝင် ရေလွှာလျောစီးသမားကိုအားကျလေးစားတဲ့ ပင်ဂွင်းလေးပါ။ ပင်ဂွင်းတွေရဲ့လုပ်ရမဲ့ အလုပ်ကို စိတ်မဝင်စားပဲ ရေလွှာလျောစီးတာကို အရူးအမူးဖြစ်နေတာကြောင့် ကိုဒီ ကိုမတည့်အတူနေ သူ့အကို ဂလန်က အမြဲအနိုင်ကျင့်နေကျပါပဲ။ တစ်နေ့မှာတော့ ကိုဒီနေတဲ့ အန္တာတိကကို ဘစ်ဇီအမှတ်တရ ရေလွှာလျောစီးပြိုင်ပွဲအတွက် ကမ္ဘာအနှံ့ပတ်ပြီး ပါရမီရှင်တွေကို ရှာဖွေယူတဲ့ ဝေလငါးကြီးရောက်ရှိလာခဲ့ပါတယ်။ ကိုဒီလည်း သူ့အစွမ်းပြချင်ပေမဲ့ လှိုင်းမရှိတာကြောင့် အစွမ်းပြခွင့်မရလိုက်ပဲ ဝေလငါးက ဆက်ထွက်သွားပါတော့တယ်။ ကိုဒီလည်း သူ့အိပ်မက်ကို လက်လွှတ်မခံနိုင်တာမလို့ ဝေလငါးနောက်အမှီလိုက်ရင်း ချစ်ကင်း ဂျိုးဆိုတဲ့ ရေလွှာလျောစီးသမားက ကူပေးလို့ ပြိုင်ပွဲမှာ ဝင်ခွင့်ရသွားခဲ့ပါပြီ။ ဒီလိုနဲ့ ကိုဒီတစ်ယောက်က သူ့လေးစားအားကျရတဲ့ ဘစ်ဇီလို ရေလွှာလျောစီးသမားဖြစ်လာမလား ၊ ချစ်ကင်း ဂျိုးနဲ့ ကိုဒီတို့ကြားက မိတ်ဆွေကောင်းဆက်ဆံရေးနဲ့ ဘယ်လိုအခက်အခဲတွေကို ကျော်ဖြတ်ကြရမလဲဆိုတာကို ဆက်လက်ကြည့်ရှုလိုက်ကြပါဦး။ Rating တွေကောင်းတဲ့အပြင်ကိုမှ ငယ်ဘဝအမှတ်တရတွေနဲ့ ပြည့်နေတဲ့ ကာတွန်းကားလေးဖြစ်တာမလို့ စိတ်အပန်းဖြေရင်း ရယ်ရယ်မောမော ပေါ့ပေါ့ပါးပါး ကြည့်ရှုလိုက်ကြပါဦးခင်ဗျာ။ File size…    1.3 GB /  637 MB Quality… BluRay 1080p / 720p Format… mp4 Duration…. 1h 25m Genre ..... Animation/Adventure/Comedy Subtitle…. Myanmar Subtitle (Hard Sub) Encoder…. Thit San Khant Translated by TMMT

အခုမိတ်ဆက်ပေးမယ့်ဇာတ်ကားလေးကတော့ ၂၀၀၆ ခုနှစ်ထွက် IMDB rating 7.1/10 ရထားတဲ့ animation ဇာတ်ကားကောင်းလေးတစ်ကားပါ။ ဒီဇာတ်ကားထဲမှာဆိုရင်Lightning McQueen ဆိုတဲ့ပြိုင်ကားလေးဟာကယ်လီဖိုးနီးယားမှာပြိုင်မယ့်ပစ္စတင်ဖလားပြိုင်ပွဲကိုသွားတဲ့လမ်းက Radiator Springs ဆိုတဲ့မြို့ငယ်လေးရဲ့လမ်းမကိုမတော်တဆပျက်ဆီးအောင်လုပ်မိသွားပြီးတော့ပြန်လည်ပြင်ဆင်ဖို့အတွက်အပြစ်ပေးခံရပါတယ်။ သူဟာ Radiator Springs ဆိုတဲ့မြို့လေးမှာဘယ်လိုတွေကြိုးစားပြီးတော့ ပြိုင်ပွဲမှာအနိုင်ရရှိမလဲဆိုတာတော့စိတ်ဝင်စားဖွယ်တွေ့မြင်ရမှာဖြစ်ပါတယ်။ File Size : 5GB/3.5 GB / 1.7 GB Quality : Blu-Ray 4K/1080p/720p Format : Mp4 / MKV Genre :Animation, Comedy, Family Subtitle : Myanmar Subtitle (Hard Sub

ဒီဇာတ်ကားက Ice age franchiseရဲ့ ဒုတိယဇာတ်ကား ဖြစ်ပြီး ၂၀၀၆ ခုနှစ်မှာ ထွက်ရှိခဲ့ပါတယ်။ ဒီဇာတ်ကားက ဆင်ကြီးမန်နီရဲ့ emotional damageကို အဓိကဦးတည်ထားတာပဲ ဖြစ်ပါတယ်၊ အ​မွေးရှည် မန်းမွန့်ဆင်မျိုးစိတ်ထဲမှာ သူသာကျန်ခဲ့​တော့တယ်လို့ ယုံကြည်ထားတဲ့ ဆင်ကြီးမန်နီဟာ အထီးကျန်​ဝေဒနာကို ခံစားခဲ့ရ သလို သူငယ်ချင်း​တွေဖြစ်တဲ့ ဒီ​ယေဂိုနဲ့ ဆစ်ဒ်တို့ဟာလည်း သူ့ကို မ​ဖျောင်းဖြနိုင်ခဲ့ပါဘူး။ အဲဒီအချိန်မှာ မန်နီ့ဘဝရဲ့ကံ​ကောင်းမှုအဖြစ် အယ်လီဆိုတဲ့မျိုးတူ ဆင်မ​လေးတစ်​ကောင်ဟာ သူ့ဘဝထဲကို ​ဆိုက်ဆိုက်မြိုက်မြိုက်ပဲ ​ရောက်လာခဲ့ပါတယ်။ ဖြစ်ချင်​တော့ အယ်လီက ငယ်ဘဝမှာထဲက မိဘ​တွေနဲ့ သင်းကွဲပြီး ကြွက်​မိသားစုရဲ့ ပျိုး​ထောင်မှု​​ကို ခံခဲ့ရလို့ သူ့ကိုယ်သူ ကြွက်လို့ထင်​​နေတာပဲ ဖြစ်ပြီး အက်ဒီနဲ့ ခရက်ရှ်ဆိုတဲ့ ​မောင်နှစ်​ယောက်ပါ ရှိ​နေပါ​သေးတယ်။ ဒါ​ကြောင့် ဆင်ကြီးမန်နီအ​နေနဲ့ အယ်လီကို လူပျိုမလှည့်ခင် သူ့ရဲ့ ဘဝမှန်ကို အရင်သိ​အောင် ​​ရှင်းပြရသလို သူ့​မောင်နှစ်​ကောင်ကို စည်းရုံး​ရေးဆင်းရင်း ကြုံရမယ့်အလွဲ​​အမှားတွေကို ဟာသ​နှောပြီး ရိုက်ကူးထားတာပဲ ဖြစ်ပါတယ်။ File size…  5.9 GB / 2.1 GB /  1 GB Quality… Web-DL  4K HDR /  1080p / 720p Format… mp4 Duration…. 1h 31m Genre .....  Animation, Comedy Subtitle…. Myanmar Subtitle (Hard Sub) Encoder…. Thit San Khant Translated by JimX

ဒီဇာတ်လမ်းလေးဟာ 2002 ခုနှစ်မှာ ထွက်ရှိခဲ့တာဖြစ်ပြီး Disney ရဲ့ အသပ်ရပ်ဆုံးသော Animation တွေထဲက တစ်ကားလို့ တင်စားခံထားရပါတယ် မူရင်းဇာတ်လမ်းကတော့ "Treasure Island" တဲ့ခင်ဗျ... ဒီမှာ ထူးခြားသွားတာက ဇာတ်ကွက်တွေကို အာကာသထဲ ပြောင်းလိုက်ပြီး ဂြိုဟ်သားတွေ၊ နဂါးငွေ့တန်းတွေနဲ့ အသက်သွင်းထားတာပါ အဲ့လိုနဲ့ ဇာတ်လမ်းလေးက "Treasure Planet" ဆိုပြီး ဖြစ်သွားတယ်ပေါ့ဗျာ Rating တွေအနေနဲ့ကြည့်ရင်လည်း IMDb 7.1 Tomatoes 69% နဲ့ခင်ဗျ ဝေဖန်သူတော်တော်များများရဲ့ Positive Review တွေ ရထားတဲ့ ဇာတ်လမ်းလေး ဆိုပါတော့... ကလေးဘဝက အိပ်ရာဝင်ပုံပြင်တွေ၊ အာကာသ စွန့်စားခန်းတွေ၊ ဒရာမာကို ခုံမင်သူတွေအတွက်လက်မလွှတ်သင့်တဲ့ ဇာတ်လမ်းလေး တစ်ပုဒ်ပါ အသက် ၁၅ နှစ်အရွယ် ချာတိတ်ကလေး ဂျင်မ်ဟော့ကင်းန်စ်ရဲ့ မဟာစွန့်စားခန်းကြီးတစ်ခု... ငယ်ငယ်ကတည်းက အာကာသ ခရီးသွားတစ်ယောက် အရမ်းဖြစ်ချင်ခဲ့သူ ကိုယ့်နည်းကိုယ့်ဟန်နဲ့ ကြံဖန်ပြီး ကောင်းကင်ပျံဝဲလေ့ရှိတဲ့ ချာတိတ်ကလေး ယာဉ်စည်းကမ်းတွေကို (တမင်မဟုတ်တောင်) ကျူးလွန်လေ့ရှိတာကြောင့် အမြဲတမ်း ပီကယ်တွေနဲ့ ငြိနေတဲ့ ချာတိတ် မိသားစုစားဝတ်နေရေးအတွက် ပင်ပင်ပန်းပန်း ရုန်းကန်နေရတဲ့မိခင်ကို အမြဲတမ်း ဒုက္ခပေးနေမိသလို ဖြစ်နေတာကြောင့် မိမိကိုယ်ကိုယ် အားမလိုအားမရ ဖြစ်နေတဲ့ ချာတိတ်ကလေး ဒီလိုနဲ့ တစ်နေ့မှာတော့ မမျှော်လင့်ပဲ သူအလွန်ကိုမှ သွားချင်နေတဲ့ အာကာသဟင်းလင်ပြင်ကြီးထဲကို ရွက်လွှင့်ဖို့အကြောင်းဖန်လာပါတော့တယ် အဲ့ခရီးစဉ်မှာ ကောင်းတဲ့သူတွေနဲ့ ဆုံခဲ့သလို လူဆိုးတွေနဲ့လည်း ကြုံခဲ့ရပြီး ဘဝသင်ခန်းစာတွေ အများကြီး ရသွားခဲ့ပါတယ် ကိုယ့်ခံယူချက်နဲ့ကိုယ် သွားနေတဲ့ လူဆိုးမဟုတ် လူကောင်းမဟုတ်တဲ့သူလည်း ပါသေးတာပေါ့ သူငယ်ငယ်က စိတ်ဝင်တစား ဖတ်ခဲ့ရတဲ့ အိပ်ရာဝင်ဇာတ်လမ်းတစ်ပုဒ် အပြင်လောကမှာ ဖြစ်ခဲ့တဲ့ ဖြစ်ရပ်မှန်တစ်ခုဆိုတာ သိလိုက်ရပြီးတဲ့နောက်... ဘာတွေ ဘယ်လိုဆက်ဖြစ်မယ်၊ ဘယ်လိုစွန့်စားခန်းတွေ ဖွင့်သွားမယ် ဆိုတာကတော့ ကြည့်ရှုခံစားလိုက်ကြပါဦး CM Fan တို့ရေ... *ဇာတ်ဝင်ခန်းသီချင်းလေးကလည်း အတော်ကောင်းဗျ... File size…(2 GB)/(1 GBB) Quality….Webrip 1080p / 720p Format…mp4 Duration….01:58:00 Genre... Adventure, Animation, Family, Fantasy, Science Fiction  Subtitle….Myanmar Subtitle (Hardsub) Encoder….Mr. Anderson Translated by Wai Yan Maung